EUR-Lex Access to European Union law
This document is an excerpt from the EUR-Lex website
Document 32016R1614
Commission Delegated Regulation (EU) 2016/1614 of 8 September 2016 laying down temporary exceptional measures for the milk and milk products sector in the form of extending the public intervention period for skimmed milk powder in 2016 and advancing the public intervention period for skimmed milk powder in 2017 and derogating from Delegated Regulation (EU) 2016/1238 as regards the continued application of Regulation (EC) No 826/2008 with respect to aid for private storage under Implementing Regulation (EU) No 948/2014 and of Regulation (EU) No 1272/2009 with respect to public intervention under this Regulation
Regolament Delegat tal-Kummissjoni (UE) 2016/1614 tat-8 ta' Settembru 2016 li jistabbilixxi miżuri temporanji eċċezzjonali għas-settur tal-ħalib u tal-prodotti tal-ħalib fil-forma tal-estensjoni tal-perjodu ta' intervent pubbliku għat-trab tal-ħalib xkumat fl-2016 u li javvanza l-perjodu ta' intervent pubbliku għat-trab tal-ħalib xkumat fl-2017 u li jidderoga mir-Regolament (UE) 2016/1238 b'rabta mal-applikazzjoni kontinwata tar-Regolament (KE) Nru 826/2008 fir-rigward tal-għajnuna għall-ħżin privat skont ir-Regolament (UE) Nru 948/2014 u r-Regolament (UE) Nru 1272/2009 tal-Parlament Ewropew u tal-Kunsill fir-rigward ta' intervent pubbliku skont dan ir-Regolament
Regolament Delegat tal-Kummissjoni (UE) 2016/1614 tat-8 ta' Settembru 2016 li jistabbilixxi miżuri temporanji eċċezzjonali għas-settur tal-ħalib u tal-prodotti tal-ħalib fil-forma tal-estensjoni tal-perjodu ta' intervent pubbliku għat-trab tal-ħalib xkumat fl-2016 u li javvanza l-perjodu ta' intervent pubbliku għat-trab tal-ħalib xkumat fl-2017 u li jidderoga mir-Regolament (UE) 2016/1238 b'rabta mal-applikazzjoni kontinwata tar-Regolament (KE) Nru 826/2008 fir-rigward tal-għajnuna għall-ħżin privat skont ir-Regolament (UE) Nru 948/2014 u r-Regolament (UE) Nru 1272/2009 tal-Parlament Ewropew u tal-Kunsill fir-rigward ta' intervent pubbliku skont dan ir-Regolament
C/2016/5675
OJ L 242, 9.9.2016, p. 15–16
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
9.9.2016 |
MT |
Il-Ġurnal Uffiċjali tal-Unjoni Ewropea |
L 242/15 |
REGOLAMENT DELEGAT TAL-KUMMISSJONI (UE) 2016/1614
tat-8 ta' Settembru 2016
li jistabbilixxi miżuri temporanji eċċezzjonali għas-settur tal-ħalib u tal-prodotti tal-ħalib fil-forma tal-estensjoni tal-perjodu ta' intervent pubbliku għat-trab tal-ħalib xkumat fl-2016 u li javvanza l-perjodu ta' intervent pubbliku għat-trab tal-ħalib xkumat fl-2017 u li jidderoga mir-Regolament (UE) 2016/1238 b'rabta mal-applikazzjoni kontinwata tar-Regolament (KE) Nru 826/2008 fir-rigward tal-għajnuna għall-ħżin privat skont ir-Regolament (UE) Nru 948/2014 u r-Regolament (UE) Nru 1272/2009 tal-Parlament Ewropew u tal-Kunsill fir-rigward ta' intervent pubbliku skont dan ir-Regolament
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikolari l-Artikolu 219(1) flimkien mal-Artikolu 228 tiegħu,
Billi:
|
(1) |
Is-settur tal-ħalib u tal-prodotti tal-ħalib qed jiffaċċja sitwazzjoni ta' tfixkil fis-suq minħabba żbilanċ qawwi bejn il-provvista u d-domanda. |
|
(2) |
Il-produzzjoni tat-trab tal-ħalib xkumat fl-Unjoni żdiedet bi 18 % fil-perjodu ta' bejn Jannar u April 2016 minħabba ż-żieda fil-produzzjoni tal-ħalib, filwaqt li l-esportazzjonijiet naqsu bi 8 % fl-istess perjodu. L-esportazzjonijiet tat-trab tal-ħalib xkumat tradizzjonalment jirrappreżentaw xi 40 sa 50 % tat-total tal-produzzjoni tat-trab tal-ħalib xkumat fl-Unjoni. |
|
(3) |
B'konsegwenza ta' dan, il-prezzijiet tat-trab tal-ħalib xkumat fl-Unjoni qed jinżlu taħt pressjoni. |
|
(4) |
L-Artikolu 12(d) tar-Regolament (UE) Nru 1308/2013 jipprevedi li l-intervent pubbliku għat-trab tal-ħalib xkumat għandu jkun disponibbli mill-1 ta' Marzu sat-30 ta' Settembru. F'konformità mar-Regolament Delegat tal-Kummissjoni (UE) 2015/1549 (2), fl-2016 l-intervent pubbliku għat-trab tal-ħalib xkumat sar disponibbli mill-1 ta' Jannar sat-30 ta' Settembru. |
|
(5) |
Sabiex tkun ipprovduta l-possibbiltà li l-miżuri tas-suq kollha possibbli jintużaw malajr u sabiex ikun hemm lqugħ għal sitwazzjoni fejn il-prezzijiet tat-trab tal-ħalib xkumat ikomplu jiddeterjoraw aktar u jiggravaw it-tfixkil fis-suq, huwa essenzjali li l-intervent pubbliku jibqa' disponibbli għat-trab tal-ħalib xkumat mingħajr interruzzjoni sal-bidu tal-perjodu ta' intervent li jmiss fl-1 ta' Marzu 2017. |
|
(6) |
Għaldaqstant jixraq li jiġi estiż il-perjodu tax-xiri ta' intervent għat-trab tal-ħalib xkumat fl-2016 sal-31 ta' Diċembru 2016, u li l-bidu tal-perjodu ta' xiri ta' intervent fl-2017 jiġi ffissat għall-1 ta' Jannar. |
|
(7) |
L-estensjoni tal-perjodu ta' xiri ta' intervent mit-30 ta' Settembru 2016 sal-31 ta' Diċembru 2016 tikkoinċidi mad-data tal-applikazzjoni tar-Regolament Delegat tal-Kummisjoni (UE) 2016/1238 (3) u tar-Regolament ta' Implimentazzjoni tal-Kummissjoni (UE) 2016/1240 (4), li jissostitwixxu r-Regolament tal-Kummissjoni (KE) Nru 826/2008 (5) u r-Regolament tal-Kummissjoni (UE) Nru 1272/2009 (6) b'seħħ mill-1 ta' Ottubru 2016. Fl-interess tal-kontinwità u taċ-ċertezza legali, huwa xieraq li tkun stipulata deroga li tgħid illi r-Regolament (KE) Nru 826/2008 ikompli japplika għall-applikazzjonijiet għal għajnuna għall-ħżin privat għat-trab tal-ħalib xkumat sottomessi skont ir-Regolament ta' Implimentazzjoni tal-Kummissjoni (UE) Nru 948/2014 (7) u li r-Regolament (UE) Nru 1272/2009 ikompli japplika għal offerti jew talbiet għal offerti mressqin skont dan ir-Regolament. |
|
(8) |
Sabiex ikun żgurat li l-miżuri temporanji stipulati f'dan ir-Regolament ikollhom impatt immedjat fuq is-suq u jikkontribwixxu għall-istabbilizzazzjoni tal-prezzijiet, dan ir-Regolament għandu jidħol fis-seħħ fil-jum wara dak tal-pubblikazzjoni tiegħu, |
ADOTTAT DAN IR-REGOLAMENT:
Artikolu 1
Deroga mir-Regolament (UE) Nru 1308/2013
B'deroga mill-Artikolu 12(d) tar-Regolament (UE) Nru 1308/2013, il-perjodu li matulu huwa disponibbli l-intervent pubbliku għat-trab tal-ħalib xkumat fl-2016 għandu jiġi estiż sal-31 ta' Diċembru 2016.
Permezz ta' deroga mill-Artikolu 12(d) tar-Regolament (UE) Nru 1308/2013, fl-2017 l-intervent pubbliku għat-trab tal-ħalib xkumat għandu jkun disponibbli mill-1 ta' Jannar sat-30 ta' Settembru.
Artikolu 2
Deroga mir-Regolament Delegat tal-Kummissjoni (UE) 2016/1238
Permezz ta' deroga mill-Artikoli 10 u 11 tar-Regolament Delegat (UE) 2016/1238, ir-Regolament (KE) Nru 826/2008 għandu jkompli japplika fir-rigward ta' applikazzjonijiet għal għajnuna għall-ħżin privat għat-trab tal-ħalib xkumat sottomessi qabel l-1 ta' Marzu 2017 skont ir-Regolament (UE) Nru 948/2014.
Permezz ta' deroga mill-Artikoli 10 u 11 tar-Regolament Delegat (UE) 2016/1238, ir-Regolament (UE) Nru 1272/2009 għandu jkompli japplika fir-rigward ta' offerti jew talbiet għal offerti għat-trab tal-ħalib xkumat sottomessi qabel l-1 ta' Jannar 2017 skont l-ewwel paragrafu tal-Artikolu 1 ta' dan ir-Regolament.
Artikolu 3
Dħul fis-seħħ
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta' Settembru 2016.
Għall-Kummissjoni
Il-President
Jean-Claude JUNCKER
(1) ĠU L 347, 20.12.2013, p. 671.
(2) Ir-Regolament Delegat tal-Kummissjoni (UE) 2015/1549 tas-17 ta' Settembru 2015 li jistabbilixxi miżuri temporanji eċċezzjonali għas-settur tal-ħalib u l-prodotti tal-ħalib fil-forma tal-estensjoni tal-perjodu ta' intervent pubbliku għall-butir u għat-trab tal-ħalib xkumat għall-2015 u l-avvanzar tal-perjodu ta' intervent pubbliku għall-butir u t-trab tal-ħalib xkumat fl-2016 (ĠU L 242, 18.9.2015, p. 28).
(3) Ir-Regolament Delegat tal-Kummissjoni (UE) 2016/1238 tat-18 ta' Mejju 2016 li jissupplimenta r-Regolament (UE) Nru 1308/2013 tal-Parlament Ewropew u tal-Kunsill fir-rigward tal-intervent pubbliku u l-għajnuna għall-ħżin privat (ĠU L 206, 30.7.2016, p. 15).
(4) Ir-Regolament ta' Implimentazzjoni tal-Kummissjoni (UE) 2016/1240 tat-18 ta' Mejju 2016 li jistabbilixxi regoli għall-applikazzjoni tar-Regolament (UE) Nru 1308/2013 tal-Parlament Ewropew u tal-Kunsill fir-rigward ta' intervent pubbliku u ta' għajnuna għall-ħżin privat. (ĠU L 206, 30.7.2016, p. 71).
(5) Ir-Regolament tal-Kummissjoni (KE) Nru 826/2008 tal-20 ta' Awwissu 2008 li jipprovdi regoli komuni għall-għotja ta' għajnuna għall-ħażna privata ta' ċerti prodotti agrikoli (ĠU L 223, 21.8.2008, p. 3).
(6) Ir-Regolament tal-Kummissjoni (UE) Nru 1272/2009 tal-11 ta' Diċembru 2009 li jistabbilixxi regoli komuni ddettaljati għall-implimentazzjoni tar-Regolament tal-Kunsill (KE) Nru 1234/2007 f'dak li għandu x'jaqsam max-xiri u l-bejgħ ta' prodotti agrikoli taħt intervent pubbliku (ĠU L 349, 29.12.2009, p. 1).
(7) Ir-Regolament ta' Implimentazzjoni tal-Kummissjoni (UE) Nru 948/2014 tal-4 ta' Settembru 2014 li jiftaħ il-ħżin privat għat-trab tal-ħalib xkumat u li jiffissa bil-quddiem l-ammont ta' għajnuna (ĠU L 265, 5.9.2014, p. 18).