This document is an excerpt from the EUR-Lex website
Document 32015R1832
Commission Regulation (EU) 2015/1832 of 12 October 2015 amending Annex II to Regulation (EC) No 1333/2008 of the European Parliament and of the Council as regards the use of Erythritol (E 968) as a flavour enhancer in energy-reduced or with no added sugars flavoured drinks (Text with EEA relevance)
Regolament tal-Kummissjoni (UE) 2015/1832 tat-12 ta' Ottubru 2015 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill b'rabta mal-użu tal-Eritritol (E 968) bħala sustanza li ttejjeb it-togħma f'xarbiet bit-togħma b'enerġija mnaqqsa jew mingħajr zokkor miżjud (Test b'rilevanza għaż-ŻEE)
Regolament tal-Kummissjoni (UE) 2015/1832 tat-12 ta' Ottubru 2015 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill b'rabta mal-użu tal-Eritritol (E 968) bħala sustanza li ttejjeb it-togħma f'xarbiet bit-togħma b'enerġija mnaqqsa jew mingħajr zokkor miżjud (Test b'rilevanza għaż-ŻEE)
ĠU L 266, 13.10.2015, p. 27–28
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
13.10.2015 |
MT |
Il-Ġurnal Uffiċjali tal-Unjoni Ewropea |
L 266/27 |
REGOLAMENT TAL-KUMMISSJONI (UE) 2015/1832
tat-12 ta' Ottubru 2015
li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill b'rabta mal-użu tal-Eritritol (E 968) bħala sustanza li ttejjeb it-togħma f'xarbiet bit-togħma b'enerġija mnaqqsa jew mingħajr zokkor miżjud
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta' Diċembru 2008 dwar l-addittivi tal-ikel (1), u b'mod partikolari l-Artikolu 10(3) tiegħu,
Billi:
|
(1) |
L-Anness II tar-Regolament (KE) Nru 1333/2008 jistabbilixxi lista ta' addittivi tal-ikel tal-Unjoni approvati għall-użu fl-ikel, u l-kundizzjonijiet tal-użu tagħhom. |
|
(2) |
Dik il-lista tista' tiġi aġġornata skont il-proċedura komuni msemmija fl-Artikolu 3(1) tar-Regolament (KE) Nru 1331/2008 tal-Parlament Ewropew u tal-Kunsill (2), jew b'inizjattiva tal-Kummissjoni jew inkella wara talba. |
|
(3) |
Fit-28 ta' Mejju 2014 intbagħtet talba għall-awtorizzazzjoni tal-użu tal-eritritol (E 968) bħala sustanza li ttejjeb it-togħma f'xarbiet bit-togħma, il-kategorija tal-ikel 14.1.4 tal-Anness II tar-Regolament (KE) Nru 1333/2008. Sussegwentement l-applikazzjoni tpoġġiet għad-disponibbiltà tal-Istati Membri skont l-Artikolu 4 tar-Regolament (KE) Nru 1331/2008. |
|
(4) |
L-użu tal-eritritol (E 968) huwa mitlub biex jittejbu l-profil tat-togħma u l-mod kif jinħassu fil-ħalq ix-xarbiet b'enerġija mnaqqsa u x-xarbiet mingħajr zokkor miżjud, b'tali mod li dawn jintiegħmu simili għal prodotti li fihom iz-zokkor. F'livelli baxxi, l-eritritol jaġixxi bħala sustanza li ttejjeb it-togħma u jgħin biex jittaffew it-togħmiet ħżiena u persistenti ta' ħlewwa assoċjati mal-użu ta' dolċifikanti ta' intensità qawwija f'dawn ix-xarbiet. Għalhekk, il-konsumaturi jibbenefikaw mid-disponibbiltà ta' xarbiet b'enerġija mnaqqsa jew xarbiet bla zokkor miżjud li jintiegħmu aħjar. |
|
(5) |
Fl-2003, il-Kumitat Xjentifiku dwar l-Ikel (SCF) ikkonkluda li l-eritritol (E 968) huwa sikur għall-użu fl-ikel. L-approvazzjoni tal-eritritol (E 968) mill-Unjoni għadha ma tkoprix l-użu tiegħu fix-xorb għax l-opinjoni tal-SCF sostniet li jista' jkun li l-limitu lassattiv jinqabeż, speċjalment minn konsumaturi żgħażagħ, permezz tal-inġestjoni tal-eritritol fix-xorb. |
|
(6) |
Fit-12 ta' Frar 2015, l-Awtorità Ewropea dwar is-Sigurtà fl-Ikel (“l-Awtorità”) ippubblikat opinjoni (3) dwar is-sikurezza tal-estensjoni proposta dwar l-użu tal-eritritol (E 968) bħala addittiv tal-ikel. L-Awtorità kkonkludiet li l-konsum ta' bolus akut (okkażjoni waħda ta' xorb) ta' eritritol permezz ta' xorb mhux alkoħoliku f'livell massimu ta' 1,6 % ma joħloqx tħassib dwar effetti lassattivi. L-Awtorità bbażat il-konklużjoni tagħha fuq dejta li tinkludi stima ta' esponiment filwaqt li tqiesu l-livell massimu propost ta' 1,6 % ta' eritritol f'xorb mhux alkoħoliku, l-istorja tal-użu tal-eritritol, il-karatteristiki tal-assorbiment tiegħu u n-nuqqas ta' sejbiet negattivi, inklużi effetti lassattivi, wara esponiment għas-sustanza. |
|
(7) |
Għal dik ir-raġuni, jixraq li l-użu tal-eritritol (E 968) bħala sustanza li ttejjeb it-togħma f'xarbiet bit-togħma, il-kategorija tal-ikel 14.1.4 tal-Anness II tar-Regolament (KE) Nru 1333/2008, jiġi awtorizzat, f'livell massimu ta' 1,6 %. |
|
(8) |
Għaldaqstant, ir-Regolament (KE) Nru 1333/2008 għandu jiġi emendat skont dan. |
|
(9) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness II tar-Regolament (KE) Nru 1333/2008 huwa emendat skont l-Anness ta' dan ir-Regolament.
Artikolu 2
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta' Ottubru 2015.
Għall-Kummissjoni
Il-President
Jean-Claude JUNCKER
(1) ĠU L 354, 31.12.2008, p. 16.
(2) Ir-Regolament (KE) Nru 1331/2008 tal-Parlament Ewropew u tal-Kunsill tas-16 ta' Diċembru 2008 li jistabbilixxi proċedura ta' awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (ĠU L 354, 31.12.2008, p. 1).
(3) The EFSA Journal 2015;13(3):4033.
ANNESS
Il-Parti E tal-Anness II tar-Regolament (KE) Nru 1333/2008 hija emendata kif ġej:
|
(a) |
Fil-kategorija tal-ikel 14.1.4: “Xarbiet bit-togħma” l-entrata għall-Addittivi tal-Grupp I hija emendata kif ġej:
|
|
(b) |
Fil-kategorija tal-ikel 14.1.4: “Xarbiet bit-togħma”, l-entrata li jmiss tiddaħħal wara l-entrata għall-E 962:
|