(1)

Ir-Regolament tal-Kummissjoni (KE) Nru 773/2004 (2) jistabbilixxi regoli rigward — fost l-oħrajn — investigazzjonijiet li saru mill-Kummissjoni u aċċess għall-fajl tal-Kummissjoni.

(2)

Il-kartelli huma ftehimiet jew prattiki miftehma bejn żewġ kompetituri jew iktar bl-iskop li jikkoordinaw l-imġiba kompetittiva tagħhom fuq is-suq jew jinfluwenzaw il-parametri tal-kompetizzjoni rilevanti permezz ta' prattiki bħall-iffissar jew il-kordinazzjoni tal-prezzijiet tax-xiri jew tal-bejgħ jew kundizzjonijiet oħra tal-kummerċ, l-allokazzjoni ta' kwoti ta' produzzjoni jew bejgħ, il-kondiviżjoni tas-suq u tal-klijenti inkluż l-immanuvrar tal-offerti, ir-ristrizzjonijiet fuq l-importazzjoni jew l-esportazzjoni u azzjonijiet kontra l-kompetizzjoni kontra kompetituri oħra. Prattiki bħal dawn huma fost l-iktar ksur serju tal-Artikolu 101 tat-Trattat.

(3)

Min-natura stess tagħhom, il-kartelli sigrieti huma ta' sikwit diffiċli biex jiġu identifikati u investigati mingħajr il-koperazzjoni tal-impriżi jew individwi implikati fihom. Għaldaqstant, il-Kummissjoni tqis li huwa fl-interess tal-Unjoni li tippremja lill-impriżi involuti f'dan it-tip ta' prattiki illegali li huma disposti li jirrikonoxxu l-parteċipazzjoni tagħhom u li jtemmuha u li jikkooperaw fl-investigazzjoni tal-Kummissjoni, independentement mill-bqija tal-impriżi involuti fil-kartell. L-interessi tal-konsumaturi biex jiġi żgurat li kartelli sigrieti jinkixfu u jkunu kkastigati huma akbar mill-interess li jiġu imposti multi, f'livell proporzjonat mal-aġir illegali tagħhom, fuq dawk l-impriżi li jippermettu lill-Kummissjoni biex tiskopri u tipprojbixxi dawn il-prattiki. Għal dan il-għan, il-Kummissjoni ilha topera programm ta' klemenza sa mill-1996. Fil-programm ta' klemenza tagħha, il-Kummissjoni tistabbilixxi l-kundizzjonijiet li bihom tista' tippremja lil impriżi għall-kooperazzjoni tagħhom fl-investigazzjoni tal-Kummissjoni. Il-programm ta' klemenza wera li huwa għodda effettiva biex il-Kummissjoni tiskopri u tippenalizza bosta kartelli sigrieti. Barra minn hekk, billi jgħin biex jinkixfu iktar kontravenzjonijiet u billi jagħmel l-infurzar pubbliku aktar effettiv, il-programm ta' klemenza jservi wkoll bħala deterrent kontra l-kartelli u, fl-aħħar mill-aħħar, jipprovdi bażi biex il-partijiet li ġarrbu d-dannu jitolbu kumpens għad-dannu subit minn dan il-ksur.

(4)

Bħala parti mill-kooperazzjoni tagħhom l-impriżi jistgħu volontarjament jippreżentaw għall-prospetti korporattivi ta' klemenza, li jistgħu jinkludu dikjarazzjonijiet minn impjegati u rappreżentanti attwali u/jew preċedenti tal-impriża. Madankollu, l-impriżi jistgħu jiġu dissważi milli jikkooperaw mal-Kummissjoni jekk li jagħmlu dan jista' jkollu konsegwenzi negattivi għall-pożizzjoni tagħhom fi proċeduri ta' qorti ċivili.

(5)

Il-partijiet fil-proċeduri quddiem il-Kummissjoni kif ukoll partijiet terzi, bħalma huma l-ilmentaturi u persuni oħra interessati, jistgħu jiksbu ċerta informazzjoni mill-fajl tal-Kummissjoni skont ir-Regolament (KE) Nru 773/2004.

(6)

L-informazzjoni miksuba skont ir-Regolament (KE) Nru 773/2004 tista' tintuża għall-iskopijiet ta' proċeduri ġudizzjarji jew amministrattivi għall-applikazzjoni tal-Artikoli 101 u 102 tat-Trattat. Madankollu, ma għandux ikun possibbli li jużaw din l-informazzjoni fi proċeduri quddiem qrati nazzjonali fejn dan jista' jaffettwa b'mod mhux dovut l-effikaċja tal-infurzar mill-Kummissjoni tal-Artikoli 101 u 102 tat-Trattat.

(7)

Sabiex jiġi żgurat li l-impriżi ma jkunux skoraġġuti milli volontarjament jirrikonoxxu s-sehem tagħhom fi ksur tal-liġi tal-Unjoni dwar il-kompetizzjoni fil-kuntest tal-komunikazzjoni tal-Kummissjoni dwar programm ta' klemenza jew proċedura ta' riżolviment, partijiet oħra se jingħataw aċċess għal tali rikonoxximent permezz ta' aċċess għall-fajl skont ir-Regolament (KE) Nru 773/2004 sabiex jeżerċitaw id-drittijiet tagħhom ta' difiża fi proċedimenti quddiem il-Kummissjoni. Din l-informazzjoni tista' tintuża biss fi proċess ġdid quddiem il-qrati tal-Unjoni Ewropea jew quddiem il-qrati nazzjonali f'każijiet li huma direttament relatati mal-każ li għalihom l-aċċess ġie mogħti u li jew jikkonċernaw l-allokazzjoni ta' multa bejn parteċipanti fil-kartell jew ir-rieżami ta' deċiżjoni ta' ksur adottata minn awtorità nazzjonali tal-kompetizzjoni.

(8)

Barra minn hekk, l-użu ta' informazzjoni miksuba skont ir-Regolament (KE) Nru 773/2004 fi proċeduri quddiem il-qrati nazzjonali ma għandux jinterferixxi bla bżonn ma' investigazzjoni pendenti tal-Kummissjoni ta' ksur tal-liġi tal-Unjoni dwar il-kompetizzjoni. Fejn tali informazzjoni tħejjiet mill-Kummissjoni matul il-proċeduri tagħha għall-infurzar tal-liġi tal-Unjoni dwar il-kompetizzjoni (bħal pereżempju dikjarazzjoni ta' oġġezzjonijiet) jew minn parti f'dawk il-proċeduri (bħal tweġibiet għat-talbiet ta' informazzjoni tal-Kummissjoni), parti ma għandhiex tkunu tistà tuża tali informazzjoni fi proċeduri quddiem il-qrati nazzjonali biss wara li l-Kummissjoni tkun temmet il-proċeduri tagħha kontra l-partijiet kollha investigati bl-adozzjoni ta' deċiżjoni skont l-Artikoli 7, 9 jew 10 tar-Regolament (KE) Nru 1/2003 jew tkun mod ieħor temmet il-proċedura amministrattiva tagħha.

(9)

Ir-regoli f'dan ir-Regolament li jirregolaw it-trattament ta' dikjarazzjonijiet korporattivi ta' klemenza u sottomissjonijiet ta' riżolviment għandhom japplikaw ukoll meta dawn id-dikjarazzjonijiet ta' klemenza u sottomissjonijiet ta' riżolviment kif definiti fl-Artikolu 2 tad-Direttiva 2014/104/UE tal-Parlament Ewropew u tal-Kunsill (3) dwar azzjonijiet għad-danni dwar l-antitrust huma trażmessi lill-Kummissjoni mill-awtoritajiet tal-kompetizzjoni tal-Istati Membri skont ir-Regolament (KE) Nru 1/2003.

(10)

Ir-Regolament (KE) Nru 773/2004 għaldaqstant għandu jiġi emendat skont dan.

(1)

Jiddaħħal l-Artikolu 4a li ġej:

(2)

Fl-Artikolu 8, jitħassar il-paragrafu 2.

(3)

Fl-Artikolu 10 a(2), it-tielet subparagrafu hu mibdul b'dan li ġej:

“Jekk isir progress fid-diskussjonijiet għar-riżolviment, il-Kummissjoni tista' tistabbilixxi limitu ta' żmien li fih il-partijiet jistgħu jimpenjaw ruħhom li jsegwu l-proċedura għar-riżolviment billi jressqu sottomissjonijiet għar-riżolviment li jirriflettu r-riżultati tad-diskussjonijiet dwar ir-riżolviment u jirrikonoxxu l-parteċipazzjoni tagħhom fil-ksur tal-Artikolu 101 tat-Trattat kif ukoll ir-responsabbiltà tagħhom. Dawn is-sottomissjonijiet ta' riżolviment ikunu speċifikament imfassla mill-impriżi kkonċernati bħala talba formali lill-Kummissjoni biex tadotta kwalunkwe deċiżjoni fil-każ tagħhom skont il-proċediment ta' riżolviment. Qabel ma l-Kummissjoni tistabbilixxi l-limitu taż-żmien għall-introduzzjoni ta' sottomissjonijiet ta' riżolviment, il-partijiet konċernati jkunu intitolati li jkollhom l-informazzjoni speċifikata fl-ewwel subparagrafu, żvelata lilhom, fuq talba, fil-ħin. Il-Kummissjoni ma għandhiex tkun obbligata tqis sottomissjonijiet ta' riżolviment wara l-iskadenza ta' dak il-limitu ta' żmien.

Il-Kummissjoni se toffri lil partijiet metodi xierqa biex jipprovdu sottomissjonijiet ta' riżolviment li mhumiex sottomissjoni bil-miktub, inklużi dawk orali. Is-sottomissjonijiet ta' riżolviment orali jistgħu jkunu rrekordjati u traskritti fil-bini tal-Kummissjoni. L-impriża tingħata l-opportunità li tivverifika l-akkuratezza teknika tar-reġistrazzjoni tas-sottomissjoni orali tagħha fil-bini tal-Kummissjoni, u, fejn meħtieġ, li tikkoreġi s-sustanza tas-sottomissjoni tagħha mingħajr dewmien. Ir-regoli f'dan ir-Regolament dwar sottomissjonijiet ta' riżolviment japplikaw għal tali dikjarazzjonijiet irrispettivament mill-mezz li fuqhom huma maħżuna.”

(4)

L-Artikolu 15 huwa emendat kif ġej:

(5)

Wara l-Artikolu 16, jiddaħħal il-Kapitolu VIa li ġej: