EUR-Lex Access to European Union law
This document is an excerpt from the EUR-Lex website
Document 32014R1040
Commission Delegated Regulation (EU) No 1040/2014 of 25 July 2014 amending Council Directive 2001/112/EC relating to fruit juices and certain similar products intended for human consumption to adapt its Annex I to technical progress
Regolament ta' Delega tal-Kummissjoni (UE) Nru 1040/2014 tal- 25 ta' Lulju 2014 li jemenda d-Direttiva tal-Kunsill 2001/112/KE li tirrigwarda l-meraq tal-frott u ċerti prodotti simili maħsuba għall-konsum uman li tadatta l-Anness I tagħha għall-progress tekniku
Regolament ta' Delega tal-Kummissjoni (UE) Nru 1040/2014 tal- 25 ta' Lulju 2014 li jemenda d-Direttiva tal-Kunsill 2001/112/KE li tirrigwarda l-meraq tal-frott u ċerti prodotti simili maħsuba għall-konsum uman li tadatta l-Anness I tagħha għall-progress tekniku
OJ L 288, 2.10.2014, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
2.10.2014 |
MT |
Il-Ġurnal Uffiċjali tal-Unjoni Ewropea |
L 288/1 |
REGOLAMENT TA' DELEGA TAL-KUMMISSJONI (UE) Nru 1040/2014
tal-25 ta' Lulju 2014
li jemenda d-Direttiva tal-Kunsill 2001/112/KE li tirrigwarda l-meraq tal-frott u ċerti prodotti simili maħsuba għall-konsum uman li tadatta l-Anness I tagħha għall-progress tekniku
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2001/112/KE tal-20 ta' Diċembru 2001 li tirrigwarda l-meraq tal-frott u ċerti prodotti simili maħsuba għall-konsum uman (1), u b'mod partikolari l-Artikolu 7 tagħha.
Billi:
(1) |
Id-Direttiva 2001/112/KE tagħti s-setgħa lill-Kummissjoni biex tadotta atti ddelegati biex temenda l-Annessi ta' din id-Direttiva, bl-eċċezzjoni tal-Parti I tal-Anness I u tal-Anness II, sabiex jinġiebu f'konformità mal-iżviluppi fl-istandards internazzjonali rilevanti u biex jitqies il-progress tekniku. |
(2) |
L-Anness I tad-Direttiva 2001/112/KE huwa relatat ma' ismijiet ta' prodotti, definizzjonijiet ta' prodotti u karatteristiċi. Il-punt 3 tal-Parti II ta' dak l-Anness jirregola t-trattamenti u s-sustanzi awtorizzati. Sustanzi ġodda għall-kjarifika tal-meraq issa huma disponibbli grazzi għal żviluppi tekniċi. Dawn is-sustanzi huma proteini tal-pjanti dderivati mill-qamħ, mill-piżelli jew mill-patata, li jistgħu jkunu alternattiva għas-sustanza ġelatina attwalment awtorizzata, derivata minn prodotti tal-annimali. |
(3) |
Sabiex jitqies dan il-progress tekniku, il-punt 3 tal-Parti II tal-Anness I tad-Direttiva 2001/112/KE għandu jiġi emendat billi jinkorpora dawk is-sustanzi l-ġodda, |
ADOTTAT DAN IR-REGOLAMENT:
Artikolu 1
Fil-punt 3 tal-Parti II tal-Anness I tad-Direttiva 2001/112/KE, jiżdied l-inċiż li ġej:
“— |
Proteini tal-pjanti mill-qamħ, mill-piżelli jew mill-patata għal kjarifika” |
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta' Lulju 2014.
Għall-Kummissjoni
Il-President
José Manuel BARROSO
(1) ĠU L 10, 12.1.2002, p. 58.