This document is an excerpt from the EUR-Lex website
Document 32014D0094
2014/94/EU: Decision of the European Parliament and of the Council of 20 November 2013 on the mobilisation of the Flexibility Instrument
2014/94/UE: Deċiżjoni tal-Parlament Ewropew u tal-Kunsill tal- 20 ta’ Novembru 2013 dwar il-mobilizzazzjoni tal-Istrument ta’ Flessibilità
2014/94/UE: Deċiżjoni tal-Parlament Ewropew u tal-Kunsill tal- 20 ta’ Novembru 2013 dwar il-mobilizzazzjoni tal-Istrument ta’ Flessibilità
ĠU L 48, 19.2.2014, p. 8–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
19.2.2014 |
MT |
Il-Ġurnal Uffiċjali tal-Unjoni Ewropea |
L 48/8 |
DEĊIŻJONI TAL-PARLAMENT EWROPEW U TAL-KUNSILL
tal-20 ta’ Novembru 2013
dwar il-mobilizzazzjoni tal-Istrument ta’ Flessibilità
(2014/94/UE)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw il-Ftehim Interistituzzjonali tas-17 ta’ Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja tajba (1), u b’mod partikulari l-punt 27 tiegħu,
Wara li kkunsidraw il-proposta mill-Kummissjoni Ewropea,
Billi, wara li eżaminaw il-possibilitajiet kollha għar-riallokazzjoni tal-approprjazzjonijiet taħt l-Intestatura 1b, jidher li hemm bżonn tal-mobilizzazzjoni tal-Istrument ta’ Flessibilità biex jikkomplementa l-finanzjament fil-baġit ġenerali tal-Unjoni Ewropea għas-sena finanzjarja 2013, oltre l-limitu massimu tal-Intestatura 1b, ta’ EUR 134 049 037, favur il-finanzjament tal-Fond Soċjali Ewropew biex l-allokazzjonijiet għal Franza, l-Italja u Spanja għas-sena 2013 jiżdiedu b’ammont totali ta’ EUR 150 000 000.
ADOTTAW DIN ID-DEĊIŻJONI:
Artikolu 1
Għall-baġit ġenerali tal-Unjoni Ewropea stabbilit għas-sena finanzjarja 2013, l-Istrument ta’ Flessibilità għandu jintuża biex tiġi pprovduta s-somma ta’ EUR 134 049 037 f’approprjazzjonijiet ta’ impenn taħt l-Intestatura 1b.
Dan l-ammont għandu jintuża biex jikkomplementa l-finanzjament tal-Fond Soċjali Ewropew taħt l-Intestatura 1b.
Artikolu 2
Din id-deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea.
Magħmul fi Strasburgu, l-20 ta’ Novembru 2013.
Għall-Parlament Ewropew
Il-President
M. SCHULZ
Għall-Kunsill
Il-President
V. LEŠKEVIČIUS