32013R0463

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
Regolament - 463/2013 - EN - EUR-Lex

Document 32013R0463

Help

Regolament tal-Kummissjoni (UE) Nru 463/2013 tas- 17 ta’ Mejju 2013 li jemenda r-Regolament (KE) Nru 2003/2003 tal-Parlament Ewropew u tal-Kunsill dwar il-fertilizzanti bl-għan li jiġu adottati l-Annessi I, II u IV għall-progress tekniku Test b’relevanza għaż-ŻEE

OJ L 134, 18.5.2013, p. 1–14 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 13 Volume 066 P. 33 - 46

Legal status of the document No longer in force, Date of end of validity: 15/07/2022; Impliċitament imħassar minn 32019R1009

ELI: http://data.europa.eu/eli/reg/2013/463/oj

HTML

PDF

Official Journal

18.5.2013

Il-Ġurnal Uffiċjali tal-Unjoni Ewropea

L 134/1

REGOLAMENT TAL-KUMMISSJONI (UE) Nru 463/2013

tas-17 ta’ Mejju 2013

li jemenda r-Regolament (KE) Nru 2003/2003 tal-Parlament Ewropew u tal-Kunsill dwar il-fertilizzanti bl-għan li jiġu adottati l-Annessi I, II u IV għall-progress tekniku

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 2003/2003 tal-Parlament Ewropew u tal-Kunsill tat-13 ta’ Ottubru 2003 li għandu x’jaqsam mal-fertilizzanti (1), u b’mod partikolari l-Artikoli 31(1) u (3) tiegħu,

Billi:

(1)

Il-kelma “kainit” intużat fit-tabella A.3 tal-Anness I tar-Regolament (KE) Nru 2003/2003 bħala l-indikazzjoni tat-tip ta’ fertilizzant għall-melħ mhux maħdum tal-potassju.Il-kelma kainit issa waslet biex tiġi assoċjata mal-melħ greġg tal-potassju wieħed speċifiku biss biex b’hekk twassal għal restrizzjoni potenzjali tal-kummerċ għall-manifatturi li jixtiequ jikkummerċjalizzaw sorsi oħra tal-melħ tal-potassju.Biex tiġi ribattuta dik ir-restrizzjoni u b’hekk jiġi ffaċilitat l-aċċess għal firxa akbar ta’ melħ tal-potassju għall-bdiewa fl-Istati Membri kollha, għandha tintuża deżinjazzjoni tat-tip aktar ġenerika għal dawk l-entrati fil-każ ta’ dak it-tip ta’ fertilizzant, u referenzi għal kainit għandhom jiġu adattati skont dan.Għandu jingħata perjodu tranżitorju lill-produtturi tal-melħ greġg tal-potassju biex jadattaw it-tikkettar għar-regoli l-ġodda.

(2)

L-aċidu linjosulfoniku huwa materjal kumpless miksub minn sorsi differenti tal-injam. Billi bosta gradi differenti ta’ kwalità huma disponibbli kummerċjalment, huwa importanti li jiġu adattati għall-progress tekniku l-ħtiġiet tal-kwalità li l-prodotti jridu jkunu konformi magħhom sabiex jitqiegħdu fis-suq bħala fertilizzant tal-KE.

(3)

Sustanzi tal-ġir, magħrufa wkoll bħala ġir fertilizzanti, inaqqsu l-aċidità tal-ħamrija u, meta jagħmlu dan, jistgħu wkoll jipprovdi n-nutrijenti manjesju jew kalċju jew it-tnejn. Il-manifatturi ta’ sustanzi tal-gir jiffaċċjaw għadd divers ta’ regoli nazzjonali li jwasslu għal distorsjoni tas-suq intern. Il-materjali tal-ġir għandhom għalhekk jiżdiedu mat-tipi ta’ fertilizzant deskritti fl-Anness I tar-Regolament (KE) Nru 2003/2003 biex dawn ikunu jistgħu jiċċirkolaw b’mod ħieles fis-suq intern. Barra minn hekk, il-Kumitat Ewropew għall-Istandardizzazzjoni (CEN) żviluppa standards EN għall-metodi ta’ analiżi ta’ materjali tal-ġir. Sabiex il-konformità ma’ dawk l-istandards tkun mandatorja, għandhom ikunu inklużi fl-Anness IV tar-Regolament (KE) Nru 2003/2003 li jistabbilixxi l-metodi tat-teħid ta’ kampjuni u ta’analiżi.

(4)	Għandu jingħata perjodu tranżitorju biex jiżgura li l-produtturi ta’ sustanzi tal-gir jingħataw iż-żmien biex jadattaw l-istandards EN il-ġodda.

(5)	L-Anness II tar-Regolament (KE) Nru 2003/2003 jistabbilixxi tolleranzi fir-rigward tal-kontenut nutrittiv iddikjarat. L-Anness II għandu jkun emendat biex jinkludi t-tolleranzi għall-materjali tal-ġir.

(6)

Ir-Regolament (KE) Nru 2003/2003 jitlob il-kontroll tal-fertilizzanti tal-KE b’konformità mal-metodi ta’ teħid ta’ kampjuni u ta’ analiżi li huma stabbiliti fl-Anness IV tiegħu. Madankollu, xi wħud minn dawn il-metodi mhumiex rikonoxxuti internazzjonalment u għandhom jiġu sostitwiti minn standards EN żviluppati dan l-aħħar mill-Kumitat Ewropew għall-Istandardizzazzjoni.

(7)	Ir-Regolament (KE) Nru 2003/2003 għandu għalhekk jiġi emendat skont dan.

(8)	Il-miżuri pprovduti f’dan ir-Regolament huma skont l-opinjoni tal-Kumitat stabbilit permezz tal-Artikolu 32 tar-Regolament (KE) Nru 2003/2003,

ADOTTAT DAN IR-REGOLAMENT:

Artikolu 1

Emendi

1. L-Anness I tar-Regolament (KE) Nru 2003/2003 huwa emendat skont l-Anness I ta’ dan ir-Regolament.

2. L-Anness II tar-Regolament (KE) Nru 2003/2003 huwa emendat skont l-Anness II ta’ dan ir-Regolament.

3. L-Anness IV tar-Regolament (KE) Nru 2003/2003 huwa emendat skont l-Anness III ta’ dan ir-Regolament.

Artikolu 2

Dispożizzjonijiet tranżitorji

Permezz ta’ deroga mit-tieni paragrafu tal-Artikolu 3, il-manifatturi jistgħu japplikaw id-dispożizzjonijiet fl-Anness I, il-punt (1) qabel is-7 ta’ Diċembru 2014.

Artikolu 3

Dħul fis-seħħ

1. Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

2. Il-punt (1) tal-Anness I għandu japplika mis-7 ta’ Diċembru 2014.

3. L-Anness I, il-punt (3), l-Anness II, il-punt (2) u l-Anness III, il-punt (4) għandhom japplikaw mis-7 ta’ Ġunju 2014.

Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.

Magħmul fi Brussell, is-17 ta’ Mejju 2013.

Għall-Kummissjoni

Il-President

José Manuel BARROSO

(1) ĠU L 304, 21.11.2003, p. 1.

ANNESS I

L-Anness I tar-Regolament (KE) Nru 2003/2003 huwa emendat kif ġej:

(1)

Fis-sezzjoni A.3, l-annotazzjonijiet 1 u 2 fit-tabella tbiddlu b’li ġej:

“1

Il-melħ greġġ tal-potassju

Prodott miksub minn melħ greġg tal-potassju

10 % K2O

Potassju li jinħall fl-ilma, espress bħala K2O

5 % MgO,

Manjesju fil-forma ta’ mluħ solubbli fl-ilma, espressi bħala ossidu tal-manjesju

Jistgħu jiżdiedu l-ismijiet kummerċjali tas-soltu

Ossidu tal-potassju li jinħall fl-ilma

Ossidu tal-manjesju li jinħall fl-ilma.

Melħ greġg tal-potassju arrikkit

Prodott miksub minn melħ greġg tal-potassju arrikkit b’taħlit ma’ klorur tal-potassju

18 % K2O

Potassju li jinħall fl-ilma, espress bħala K2O

Jistgħu jiżdiedu l-ismijiet kummerċjali tas-soltu

Ossidu tal-potassju li jinħall fl-ilma

Referenza mhux obbligatorja tal-kontenut ta’ ossidu tal-manjesju li jinħall fl-ilma meta ogħla minn 5 % MgO”

(2)

Fit-Taqsima E.3.2, it-tabella tinbidel b’dan li ġej:

“Nru	Deżinjazzjoni	Deżinjazzjoni alternattiva	Formula kimika	In-numru CAS tal-aċidu (*)
1	Aċidu linjusulfoniku	LS	L-ebda formula kimika disponibbli	8062-15-5 (**)

(3)

Tiddaħħal it-Taqsima G li ġejja:

“G. Materjali tal-ġir

Il-kliem ‘MATERJAL TAL-ĠIR’ għandu jiġi miżjud wara t-terminu ‘FERTILIZZANT TAL-KE’.

Il-karatteristiċi kollha msemmija fit-tabelli tat-taqsimiet minn G.1 sa G.5 jirreferu għall-prodott kif fornut sakemm ma jkunx speċifikat mod ieħor.

Materjali tal-ġir granulari li huma prodotti permezz ta’ aggregazzjoni ta’ partiċelli primarji iżgħar għandhom jitfarrku meta titħawwad fl-ilma f’partiċelli ta’ distribuzzjonijiet ta’ finezza kif speċifikat fid-deskrizzjonijiet tat-tip, u kif imkejla bl-użu tal-metodu 14.9 “Id-determinazzjoni tat-tifrik ta’granuli”.

G.1. Il-Ġir Naturali

Nru

Deżinjazzjoni tat-tip

Dejta dwar il-metodu ta’ produzzjoni u l-ingredjenti essenzjali

Kontenut minimu ta’ nutrittivi (perċentwali skont il-piż)

Dejta dwar l-espressjoni tan-nutrijenti

Rekwiżiti oħra

Dejta oħra dwar id-deżinjazzjoni tat-tip

Kontenut tan-nutrijent li għandu jiġi ddikjarat

Forom u solubilitajiet tan-nutrijenti

Kriterji oħra li għandhom jiġu ddikjarati

1(a)

Ġebla tal-ġir – kwalità standard

Prodott li fih bħala l-ingredjent essenzjali tiegħu l-karbonat tal-kalċju, miksub permezz tat-tħin ta’ depożiti naturali ta’ ġebel tal-ġir.

Valur newtralizzanti minimu: 42

Il-finezza ddeterminata minn għarbiel fin-niedi:

—	Mill-inqas 97 % jgħaddi minn għarbiel ta’ 3,15 mm;

—	Mill-inqas 80 % jgħaddi minn għarbiel ta’ 1 mm; kif ukoll

—	Mill-inqas 50 % jgħaddi minn għarbiel ta’ 0,5 mm;

L-ismijiet kummerċjali tas-soltu jew ismijiet alternattivi jistgħu jiżdiedu.

Valur newtralizzanti

Kalċju totali

Manjesju totali (mhux obbligatorju)

Reattività u metodu ta’ determinazzjoni (mhux obbligatorji)

Ndewwa (mhux obbligatorja)

Il-finezza determinata b’għarbel fin-niedi (mhux obbligatorja)

Riżultati tal-inkubazzjoni tal-ħamrija (mhux obbligatorji)

1(b)

Ġebla tal-ġir – kwalità fina

Valur newtralizzanti minimu: 50

Il-finezza ddeterminata minn għarbiel fin-niedi:

—	Mill-inqas 97 % jgħaddi minn għarbiel ta’ 2 mm;

—	Mill-inqas 80 % jgħaddi minn għarbiel ta’ 1 mm;

—	Mill-inqas 50 % jgħaddi minn għarbiel ta’ 0,315 mm; kif ukoll

—	Mill-inqas 30 % jgħaddi minn għarbiel ta’ 0,1 mm;

L-ismijiet kummerċjali tas-soltu jew ismijiet alternattivi jistgħu jiżdiedu.

2(a)

Ġebla tal-ġir manjeżjana – kwalità standard

Prodott li fih bħala ingredjenti essenzjali tiegħu l-karbonat tal-kalċju u l-karbonat tal-manjesju, miksub permezz tat-tħin ta’ depożiti naturali ta’ ġebla tal-ġir manjesjana.

Valur newtralizzanti minimu: 45

Manjesju totali: 3 % MgO,

Il-finezza ddeterminata minn għarbiel fin-niedi:

—	Mill-inqas 97 % jgħaddi minn għarbiel ta’ 3,15 mm;

—	Mill-inqas 80 % jgħaddi minn għarbiel ta’ 1 mm; kif ukoll

—	Mill-inqas 50 % jgħaddi minn għarbiel ta’ 0,5 mm;

L-ismijiet kummerċjali tas-soltu jew ismijiet alternattivi jistgħu jiżdiedu.

Valur newtralizzanti

Kalċju totali

Manjesju totali:

Reattività u metodu ta’ determinazzjoni (mhux obbligatorji)

Ndewwa (mhux obbligatorja)

Il-finezza determinata b’għarbel fin-niedi (mhux obbligatorja)

Riżultati tal-inkubazzjoni tal-ħamrija (mhux obbligatorji)

2(b)

Ġebla tal-ġir manjeżjana – kwalità fina

Valur newtralizzanti minimu: 52

Manjesju totali: 3 % MgO,

Il-finezza ddeterminata minn għarbiel fin-niedi:

—	Mill-inqas 97 % jgħaddi minn għarbiel ta’ 2 mm;

—	Mill-inqas 80 % jgħaddi minn għarbiel ta’ 1 mm;

—	Mill-inqas 50 % jgħaddi minn għarbiel ta’ 0,315 mm; kif ukoll

—	Mill-inqas 30 % jgħaddi minn għarbiel ta’ 0,1 mm;

L-ismijiet kummerċjali tas-soltu jew ismijiet alternattivi jistgħu jiżdiedu.

3(a)

Ġebla tal-ġir dolomitika – kwalità standard

Prodott li fih bħala ingredjenti essenzjali tiegħu l-karbonat tal-kalċju u l-karbonat tal-manjesju, miksub permezz tat-tħin ta’ depożiti naturali ta’ dolomit.

Valur newtralizzanti minimu: 48

Manjesju totali: 12 % MgO,

Il-finezza ddeterminata minn għarbiel fin-niedi:

—	Mill-inqas 97 % jgħaddi minn għarbiel ta’ 3,15 mm;

—	Mill-inqas 80 % jgħaddi minn għarbiel ta’ 1 mm; kif ukoll

—	Mill-inqas 50 % jgħaddi minn għarbiel ta’ 0,5 mm;

L-ismijiet kummerċjali tas-soltu jew ismijiet alternattivi jistgħu jiżdiedu.

Valur newtralizzanti

Kalċju totali

Manjesju totali:

Reattività u metodu ta’ determinazzjoni (mhux obbligatorji)

Ndewwa (mhux obbligatorja)

Il-finezza determinata b’għarbel fin-niedi (mhux obbligatorja)

Riżultati tal-inkubazzjoni tal-ħamrija (mhux obbligatorji)

3(b)

Ġebla tal-ġir dolomitika – kwalità fina

Valur newtralizzanti minimu: 54

Manjesju totali: 12 % MgO,

Il-finezza ddeterminata minn għarbiel fin-niedi:

—	Mill-inqas 97 % jgħaddi minn għarbiel ta’ 2 mm;

—	Mill-inqas 80 % jgħaddi minn għarbiel ta’ 1 mm;

—	Mill-inqas 50 % jgħaddi minn għarbiel ta’ 0,315 mm; kif ukoll

—	Mill-inqas 30 % jgħaddi minn għarbiel ta’ 0,1 mm;

L-ismijiet kummerċjali tas-soltu jew ismijiet alternattivi jistgħu jiżdiedu.

4(a)

Ġebla tal-ġir marina – kwalità standard

Prodott li fih bħala l-ingredjent essenzjali tiegħu l-karbonat tal-kalċju, miksub permezz tat-tħin ta’ depożiti naturali ta’ ġebel tal-ġir ta’ oriġini tal-baħar.

Valur newtralizzanti minimu: 30

Il-finezza ddeterminata minn għarbiel fin-niedi:

—	Mill-inqas 97 % jgħaddi minn għarbiel ta’ 3,15 mm; kif ukoll

—	Mill-inqas 80 % jgħaddi minn għarbiel ta’ 1 mm;

L-ismijiet kummerċjali tas-soltu jew ismijiet alternattivi jistgħu jiżdiedu.

Valur newtralizzanti

Kalċju totali

Manjesju totali (mhux obbligatorju)

Reattività u metodu ta’ determinazzjoni (mhux obbligatorji)

Ndewwa (mhux obbligatorja)

Il-finezza determinata b’għarbel fin-niedi (mhux obbligatorja)

Riżultati tal-inkubazzjoni tal-ħamrija (mhux obbligatorji)

4(b)

Ġebla tal-ġir tal-baħar – kwalità fina

Valur newtralizzanti minimu: 40

Il-finezza ddeterminata minn għarbiel fin-niedi:

—	Mill-inqas 97 % jgħaddi minn għarbiel ta’ 2 mm; kif ukoll

—	Mill-inqas 80 % jgħaddi minn għarbiel ta’ 1 mm;

L-ismijiet kummerċjali tas-soltu jew ismijiet alternattivi jistgħu jiġu miżjuda.

5(a)

Ġibs – kwalità standard

Prodott li fih bħala l-ingredjent essenzjali tiegħu l-karbonat tal-kalċju, miksub permezz tat-tħin ta’ depożiti naturali ta’ ġibs.

Il-finezza determinata minn għarbiel fin-niedi wara disintegrazzjoni fl-ilma:

—	Mill-inqas 90 % jgħaddi minn għarbiel ta’ 3,15 mm;

—	Mill-inqas 70 % jgħaddi minn għarbiel ta’ 2 mm; kif ukoll

—	Mill-inqas 40 % jgħaddi minn għarbiel ta’ 0,315 mm;

Reattività ta’frazzjoni 1 – 2 mm (miksuba billi jiġi mgħoddi minn għarbiel xott) mill-inqas 40 % f’aċidu ċitriku

Valur newtralizzanti minimu: 42

Il-finezza ddeterminata minn għarbiel fin-niedi:

—	Mill-inqas 97 % jgħaddi minn għarbiel ta’ 25 mm; kif ukoll

—	Mill-inqas 30 % jgħaddi minn għarbiel ta’ 2 mm;

L-ismijiet kummerċjali tas-soltu jew ismijiet alternattivi jistgħu jiżdiedu.

Valur newtralizzanti

Kalċju totali

Manjesju totali (mhux obbligatorju)

Reattività u metodu ta’ determinazzjoni (mhux obbligatorji)

Ndewwa (mhux obbligatorja)

Il-finezza determinata b’għarbel fin-niedi (mhux obbligatorja)

Riżultati tal-inkubazzjoni tal-ħamrija (mhux obbligatorji)

5(b)

Ġibs – kwalità fina

Il-finezza determinata minn għarbiel fin-niedi wara disintegrazzjoni fl-ilma:

—	Mill-inqas 97 % jgħaddi minn għarbiel ta’ 3,15 mm;

—	Mill-inqas 70 % jgħaddi minn għarbiel ta’ 2 mm; kif ukoll

—	Mill-inqas 50 % jgħaddi minn għarbiel ta’ 0,315 mm;

Reattività ta’frazzjoni 1 – 2 mm (miksuba permezz ta’ għarbiel xott) mill-inqas 65 % f’aċidu ċitriku

Valur newtralizzanti minimu: 48

Il-finezza ddeterminata minn għarbiel fin-niedi:

—	Mill-inqas 97 % jgħaddi minn għarbiel ta’ 25 mm; kif ukoll

—	mill-inqas 30 % jgħaddi minn għarbiel ta’ 2 mm;

L-ismijiet kummerċjali tas-soltu jew ismijiet alternattivi jistgħu jiżdiedu.

Sospensjoni tal-karbonat

Prodott li fih bħala l-ingredjenti essenzjali tiegħu l-karbonat tal-kalċju u/jew il-karbonat tal-manjesju, miksub bit-tħin u li jissospendi fl-ilma ta’ depożiti naturali ta’ġebla tal-ġir, ġebla tal-ġir manjeżjana, dolomit jew ġibs.

Valur newtralizzanti minimu: 35

Il-finezza ddeterminata minn għarbiel fin-niedi:

—	Mill-inqas 97 % jgħaddi minn għarbiel ta’ 2 mm;

—	Mill-inqas 80 % jgħaddi minn għarbiel ta’ 1 mm;

—	Mill-inqas 50 % jgħaddi minn għarbiel ta’ 0,315 mm; kif ukoll

—	Mill-inqas 30 % jgħaddi minn għarbiel ta’ 0,1 mm;

L-ismijiet kummerċjali tas-soltu jew ismijiet alternattivi jistgħu jiżdiedu.

Valur newtralizzanti

Kalċju totali

Manjesju totali jekk MgO ≥ 3 %

Ndewwa (mhux obbligatorja)

Reattività u metodu ta’ determinazzjoni (mhux obbligatorji)

Il-finezza determinata b’għarbel fin-niedi (mhux obbligatorja)

Riżultati tal-inkubazzjoni tal-ħamrija (mhux obbligatorji)

G.2. Ġir Ossidu u Idrossidu ta’ oriġini naturali

Nru

Deżinjazzjoni tat-tip

Dejta dwar il-metodu ta’ produzzjoni u l-ingredjenti essenzjali

Kontenut minimu ta’ nutrittivi (perċentwali skont il-piż)

Dejta dwar l-espressjoni tan-nutrijenti

Rekwiżiti oħra

Dejta oħra dwar id-deżinjazzjoni tat-tip

Kontenut tan-nutrijent li għandu jiġi ddikjarat

Forom u solubilitajiet tan-nutrijenti

Kriterji oħra li għandhom jiġu ddikjarati

1(a)

Ġir imsajjar – kwalità bażika

Prodott li fih bħala l-ingredjent essenzjali tiegħu l-ossidu tal-kalċju miksub permezz tas-sajran ta’ depożiti naturali ta’ ġebel tal-ġir.

Valur newtralizzanti minimu: 75

Finezza ddeterminat permezz ta’ għarbiel fix-xott:

Fina:

—	mill-inqas 97 % jgħaddi minn għarbiel ta’ 4 mm;

Skrinjata:

—	mill-inqas 97 % jgħaddi minn għarbiel ta’ 8 mm; kif ukoll

—	Mhux aktar minn 5 % jgħaddi minn għarbiel ta’ 0,4 mm.

L-isem tat-tip għandu jinkludi l-irquqija tip “fina” jew “skrinjata”.

L-ismijiet kummerċjali tas-soltu jew ismijiet alternattivi jistgħu jiżdiedu.

Valur newtralizzanti

Kalċju totali

Manjesju totali (mhux obbligatorju)

Il-finezza determinata b’għarbel fix-xott (mhux obbligatorja)

Riżultati tal-inkubazzjoni tal-ħamrija (mhux obbligatorji)

1(b)

Ġir imsajjar – kwalità primjum

Prodott li fih bħala l-ingredjent essenzjali tiegħu l-ossidu tal-kalċju miksub permezz tas-sajran ta’ depożiti naturali ta’ ġebel tal-ġir.

Valur newtralizzanti minimu: 85

Finezza ddeterminat permezz ta’ għarbiel fix-xott:

Fina:

—	mill-inqas 97 % jgħaddi minn għarbiel ta’ 4 mm;

Skrinjata:

—	mill-inqas 97 % jgħaddi minn għarbiel ta’ 8 mm; kif ukoll

—	mhux aktar minn 5 % jgħaddi minn għarbiel ta’ 0,4 mm.

L-isem tat-tip għandu jinkludi l-irquqija tip “fina” jew “skrinjata”.

L-ismijiet kummerċjali tas-soltu jew ismijiet alternattivi jistgħu jiżdiedu.

Valur newtralizzanti

Kalċju totali

Manjesju totali (mhux obbligatorju)

Il-finezza determinata b’għarbel fix-xott (mhux obbligatorja)

Riżultati tal-inkubazzjoni tal-ħamrija (mhux obbligatorji)

2(a)

Ġir manjeżjan imsajjar – kwalità bażika

Prodott li fih bħala ingredjenti essenzjali tiegħu l-ossidu tal-kalċju u l-ossidu tal-manjesju, miksub permezz tas-sajran ta’ depożiti naturali ta’ ġebla tal-ġir manjeżjana.

Valur newtralizzanti minimu: 80

Manjesju totali: 7 % MgO,

Finezza ddeterminat permezz ta’ għarbiel fix-xott:

Fina:

—	mill-inqas 97 % jgħaddi minn għarbiel ta’ 4 mm;

Skrinjata:

—	Mill-inqas 97 % jgħaddi minn għarbiel ta’ 8 mm; kif ukoll

—	mhux aktar minn 5 % jgħaddi minn għarbiel ta’ 0,4 mm.

L-isem tat-tip għandu jinkludi l-irquqija tip “fina” jew “skrinjata”.

L-ismijiet kummerċjali tas-soltu jew ismijiet alternattivi jistgħu jiżdiedu.

Valur newtralizzanti

Kalċju totali

Manjesju totali:

Il-finezza determinata b’għarbel fix-xott (mhux obbligatorja)

Riżultati tal-inkubazzjoni tal-ħamrija (mhux obbligatorji)

2(b)

Ġir tal-manjesju msajjar – kwalità primjum

Prodott li fih bħala ingredjenti essenzjali tiegħu l-ossidu tal-kalċju u l-ossidu tal-manjesju, miksub permezz tas-sajran ta’ depożiti naturali ta’ ġebla tal-ġir manjeżjana.

Valur newtralizzanti minimu: 85

Manjesju totali: 7 % MgO,

Finezza ddeterminat permezz ta’ għarbiel fix-xott:

Fina:

—	mill-inqas 97 % jgħaddi minn għarbiel ta’ 4 mm;

Skrinjata:

—	Mill-inqas 97 % jgħaddi minn għarbiel ta’ 8 mm; kif ukoll

—	mhux aktar minn 5 % jgħaddi minn għarbiel ta’ 0,4 mm.

L-isem tat-tip għandu jinkludi l-irquqija tip “fina” jew “skrinjata”.

L-ismijiet kummerċjali tas-soltu jew ismijiet alternattivi jistgħu jiżdiedu.

Valur newtralizzanti

Kalċju totali

Manjesju totali:

Il-finezza determinata b’għarbel fix-xott (mhux obbligatorja)

Riżultati tal-inkubazzjoni tal-ħamrija (mhux obbligatorji)

3(a)

Ġir dolomitiku msajjar – kwalità bażika

Prodott li fih bħala ingredjenti essenzjali tiegħu l-ossidu tal-kalċju u l-ossidu tal-manjesju, miksub permezz tas-sajran ta’ depożiti naturali ta’ dolomit.

Valur newtralizzanti minimu: 85

Manjesju totali: 17 % MgO

Finezza ddeterminat permezz ta’ għarbiel fix-xott:

Fina:

—	mill-inqas 97 % jgħaddi minn għarbiel ta’ 4 mm;

Skrinjata:

—	Mill-inqas 97 % jgħaddi minn għarbiel ta’ 8 mm; kif ukoll

—	mhux aktar minn 5 % jgħaddi minn għarbiel ta’ 0,4 mm.

L-isem tat-tip għandu jinkludi l-irquqija tip “fina” jew “skrinjata”.

L-ismijiet kummerċjali tas-soltu jew ismijiet alternattivi jistgħu jiġu miżjuda.

Valur newtralizzanti

Kalċju totali

Manjesju totali:

Il-finezza determinata b’għarbel fix-xott (mhux obbligatorja)

Riżultati tal-inkubazzjoni tal-ħamrija (mhux obbligatorji)

3(b)

Dolomitiku msajjar – kwalità primjum

Prodott li fih bħala ingredjenti essenzjali tiegħu l-ossidu tal-kalċju u l-ossidu tal-manjesju, miksub permezz tas-sajran ta’ depożiti naturali ta’ dolomit.

Valur newtralizzanti minimu: 95

Manjesju totali: 17 % MgO,

Finezza ddeterminat permezz ta’ għarbiel fix-xott:

Fina:

—	mill-inqas 97 % jgħaddi minn għarbiel ta’ 4 mm;

Skrinjata:

—	Mill-inqas 97 % jgħaddi minn għarbiel ta’ 8 mm; kif ukoll

—	mhux aktar minn 5 % jgħaddi minn għarbiel ta’ 0,4 mm.

L-isem tat-tip għandu jinkludi l-irquqija tip “fina” jew “skrinjata”.

L-ismijiet kummerċjali tas-soltu jew ismijiet alternattivi jistgħu jiġu miżjuda.

Valur newtralizzanti

Kalċju totali

Manjesju totali:

Il-finezza determinata b’għarbel fix-xott (mhux obbligatorja)

Riżultati tal-inkubazzjoni tal-ħamrija (mhux obbligatorji)

Ġir idradat imsajjar (ġir mitfi)

Prodott li fih bħala ingredjenti essenzjali tiegħu l-idrossidu tal-kalċju, miksub permezz ta’ sajran u tifi ta’ depożiti naturali tal-ġebel tal-ġir.

Valur newtralizzanti minimu: 65

Il-finezza ddeterminata minn għarbiel fin-niedi:

—	mill-inqas 95 % jgħaddi minn għarbiel ta’ 0,16 mm;

L-ismijiet kummerċjali tas-soltu jew ismijiet alternattivi jistgħu jiġu miżjuda.

Valur newtralizzanti

Kalċju totali

Manjesju totali (mhux obbligatorju)

Il-finezza determinata b’għarbel fin-niedi (mhux obbligatorja)

Ndewwa (mhux obbligatorja)

Riżultati tal-inkubazzjoni tal-ħamrija (mhux obbligatorji)

Ġir majeżjan imsajjar idratat (ġir manjeżjan mitfi)

Prodott li fih bħala ingredjenti essenzjali tiegħu l-idrossidu tal-kalċju u l-idrossidu tal-manjesju, miksuba permezz ta’ sajran u tifi ta’ depożiti naturali ta’ ġebel tal-ġir manjeżjan.

Valur newtralizzanti minimu: 70

Manjesju totali: 5 % MgO,

Il-finezza ddeterminata minn għarbiel fin-niedi:

—	mill-inqas 95 % jgħaddi minn għarbiel ta’ 0,16 mm;

L-ismijiet kummerċjali tas-soltu jew ismijiet alternattivi jistgħu jiġu miżjuda.

Valur newtralizzanti

Kalċju totali

Manjesju totali:

Il-finezza determinata b’għarbel fin-niedi (mhux obbligatorja)

Ndewwa (mhux obbligatorja)

Riżultati tal-inkubazzjoni tal-ħamrija (mhux obbligatorji)

Ġir dolomitiku msajjar idratat

Prodott li fih bħala ingredjenti essenzjali tiegħu l-idrossidu tal-kalċju u l-idrossidu tal-manjesju, miksuba permezz ta’ sajran u tifi ta’ depożiti naturali ta’ dolomit.

Valur newtralizzanti minimu: 70

Manjesju totali: 12 % MgO

Il-finezza ddeterminata minn għarbiel fin-niedi:

—	mill-inqas 95 % jgħaddi minn għarbiel ta’ 0,16 mm;

L-ismijiet kummerċjali tas-soltu jew ismijiet alternattivi jistgħu jiġu miżjuda.

Valur newtralizzanti

Kalċju totali

Manjesju totali:

Il-finezza determinata b’għarbel fin-niedi (mhux obbligatorja)

Ndewwa (mhux obbligatorja)

Riżultati tal-inkubazzjoni tal-ħamrija (mhux obbligatorji)

Sospensjoni tal-ġir idratat

Prodott li fih bħala ingredjenti essenzjali tiegħu l-idrossidu tal-kalċju u/jew l-idrossidu tal-manjesju, miksuba billi jissajru, jintfew u jiġu sospiżi fl-ilma depożiti naturali ta’ġebla tal-ġir manjeżjana, ġebla tal-ġir jew dolomit.

Valur newtralizzanti minimu: 20

Il-finezza ddeterminata minn għarbiel fin-niedi:

—	mill-inqas 95 % jgħaddi minn għarbiel ta’ 0,16 mm;

L-ismijiet kummerċjali tas-soltu jew ismijiet alternattivi jistgħu jiġu miżjuda.

Valur newtralizzanti

Kalċju totali

Manjesju totali jekk MgO ≥ 3 %

Ndewwa (mhux obbligatorja)

Il-finezza determinata b’għarbel fin-niedi (mhux obbligatorja)

Riżultati tal-inkubazzjoni tal-ħamrija (mhux obbligatorji)

G.3. Ġir mill-proċessi industrijali

Nru	Deżinjazzjoni tat-tip	Dejta dwar il-metodu ta’ produzzjoni u l-ingredjenti essenzjali	Kontenut minimu ta’ nutrittivi (perċentwali skont il-piż) Dejta dwar l-espressjoni tan-nutrijenti Rekwiżiti oħra	Dejta oħra dwar id-deżinjazzjoni tat-tip	Kontenut tan-nutrijent li għandu jiġi ddikjarat Forom u solubilitajiet tan-nutrijenti Kriterji oħra li għandhom jiġu ddikjarati
1	2	3	4	5	6
1(a)	Ġir tal-fabbrika taz-zokkor	Prodott mill-produzzjoni taz-zokkor miksub permezz ta’ karbonazzjoni bl-użu esklussiv ta’ ġir imsajjar minn sorsi naturali u li fih bħala ingredjent essenzjali l-karbonat tal-kalċju maqsum b’mod fin.	Valur newtralizzanti minimu: 20	L-ismijiet kummerċjali tas-soltu jew ismijiet alternattivi jistgħu jiġu miżjuda.	Valur newtralizzanti Kalċju totali Manjesju totali (mhux obbligatorju) Ndewwa (mhux obbligatorja) Reattività u metodu ta’ determinazzjoni (mhux obbligatorji) Riżultati tal-inkubazzjoni tal-ħamrija (mhux obbligatorji)
1(b)	Sospensjoni tal-ġir tal-fabbrika taz-zokkor		Valur newtralizzanti minimu: 15

G.4. Ġir imħallat

Nru

Deżinjazzjoni tat-tip

Dejta dwar il-metodu ta’ produzzjoni u l-ingredjenti essenzjali

Kontenut minimu ta’ nutrittivi (perċentwali skont il-piż)

Dejta dwar l-espressjoni tan-nutrijenti

Rekwiżiti oħra

Dejta oħra dwar id-deżinjazzjoni tat-tip

Kontenut tan-nutrijent li għandu jiġi ddikjarat

Forom u solubilitajiet tan-nutrijenti

Kriterji oħra li għandhom jiġu ddikjarati

Ġir imħallat

Prodott miksub bit-taħlita tat-tipi elenkati fit-taqsimiet G1 u G2.

Il-kontenut tal-karbonat minimu: 15 %

Il-kontenut tal-karbonat massimu: 90 %

Il-kelma “manjeżjan” għandha tiżdied mad-deskrizzjoni tat-tip jekk MgO ≥ 5 %.

L-ismijiet kummerċjali tas-soltu jew ismijiet alternattivi jistgħu jiġu miżjuda.

Tipi kif speċifikat fit-Taqsimiet G.1 u G.2

Valur newtralizzanti

Kalċju totali

Manjesju totali jekk MgO ≥ 3 %

Riżultati tal-inkubazzjoni tal-ħamrija (mhux obbligatorji)

Ndewwa (mhux obbligatorja)

G.5. Taħlitiet ta’sustanzi tal-gir ma’ tipi ta’ fertilizzanti tal-KE oħra

Nru

Deżinjazzjoni tat-tip

Dejta dwar il-metodu ta’ produzzjoni u l-ingredjenti essenzjali

Kontenut minimu ta’ nutrittivi (perċentwali skont il-piż)

Dejta dwar l-espressjoni tan-nutrijenti

Rekwiżiti oħra

Dejta oħra dwar id-deżinjazzjoni tat-tip

Kontenut tan-nutrijent li għandu jiġi ddikjarat

Forom u solubilitajiet tan-nutrijenti

Kriterji oħra li għandhom jiġu ddikjarati

Taħlita ta’[l-indikazzjoni tat-tip fit-taqsimiet minn G.1 sa G.4] bi [l-indikazzjoni tat-tip fit-taqsima A, B, D].

Prodott miksub permezz ta’ taħlit, ikkumpattar jew granulazzjoni tal-materjali tal-gir elenkati fit-taqsimiet minn G.1 sa G.4 ma’ tipi ta’ fertilizzanti elenkati fit-taqsimiet A, B u D.

It-taħlitiet li ġejjin huma projbiti:

—	sulfat tal-ammonju (Tip A.1.4) jew urea (Tip A.1.9) ma ossidu tal-ġir jew idrossidu tal-ġir kif elenkati fit-Taqsima G.2;

—	it-taħlit u mbagħad l-ikkumpattar jew il-granulazzjoni ta’ super fosfati tat-tipi A.2.2 (a), (b) jew (c) ma’ kwalunkwe tipi deskritti fit-Taqsimiet minn G.1 sa G.4.

Valur newtralizzanti: 15

3 % N għal taħlitiet li fihom it-tipi ta’ fertilizzanti b’kontenut minimu ta’ N

3 % P2O5 għal taħlitiet li fihom it-tipi ta’ fertilizzanti b’kontenut minimu ta’ P2O5

3 % K2O għal taħlitiet li fihom it-tipi ta’ fertilizzanti b’kontenut minimu ta’ K2O

Potassju li jinħall fl-ilma, espress bħala K2O

Rekwiżiti oħrajn imsemmija fl-entrati individwali.

Valur Newtralizzanti

Nutrijenti skont dikjarazzjonijiet nutrittivi tat-tipi ta’ fertilizzanti individwali.

Kalċju totali

Manjesju totali jekk MgO ≥ 3 %

Jekk li l-kontenut ta’ kloridu ma jaqbiżx 2 % Cl, il-kliem “baxx fil-kloridu” jista’ jinżied

Ndewwa (mhux obbligatorja)

Finezza (mhux obbligatorja)”

(*) Għat-tagħrif biss.

(**) Għal raġunijiet ta’ kwalità, il-kontenut tal-idrossil fenoliku relattiv u l-kontenut ta’ kubrit organiku relattiv kif imkejla b’EN 16109 għandhom jaqbżu 1,5 % u 4,5 % rispettivament.”

ANNESS II

L-Anness II tar-Regolament (KE) Nru 2003/2003 huwa emendat kif ġej:

(1)

It-Taqsima 1.3. hija emendata kif ġej:

(a)	Fl-ewwel entrata, id-deskrizzjoni tat-tip “kainit” tinbidel għal “melħ greġg tal-potassju”.

(b)	Fit-tieni entrata, id-deskrizzjoni tat-tip “melħ arrikkiti bil-kainit” tinbidel għal “melħ greġg tal-potassju arrikkit”.

(2)

Is-Sezzjoni 5 li ġejja tiġi miżjuda:

“5. Materjali tal-ġir

It-tolleranzi permessi rigward il-kalċju u l-manjesju ddikjarati għandhom ikunu:

Ossidu tal-manjesju:

—	sa u inkluż 8 % MgO

—	bejn 8 % u 16 % MgO

—	aktar minn 16 % MgO

Ossidu tal-kalċju

It-tolleranza permessa fir-rigward il-valur newtralizzanti ddikjarat għandha tkun:

Valur newtralizzanti

It-tolleranza applikabbli għall-perċentwal iddikjarat tal-materjal li jgħaddi minn għarbiel speċifiku għandha tkun:

Finezza

10 ”.

ANNESS III

Fl-Anness IV tar-Regolament (KE) Nru 2003/2003, it-Taqsima B hija emendata kif ġej:

(1)	Il-Metodu 6.1 qed jinbidel b’dan li ġej: “Metodu 6.1 Determinazzjoni tal-kloridi fl-assenza tal-materjal organiku EN 16195: Fertilizzanti – Determinazzjoni tal-kloridi fl-assenza ta’ materjal organiku Lil dan il-metodu ta’ analiżi sarlu t-test taċ-ċirku.”

(2)

Il-punti 8.6 sa 8.8 jinbidlu b’dan li ġej:

“Metodu 8.6

Determinazzjoni manganimetrika tal-kalċju estratt b’segwiment tal-preċipitazzjoni fil-għamla ta’ ossalati

EN 16196: Fertilizzanti – Determinazzjoni manganimetrika tal-kalċju estratt b’segwiment tal-preċipitazzjoni fil-għamla ta’ ossalati

Lil dan il-metodu ta’ analiżi sarlu test taċ-ċirku.

Metodu 8.7

Determinazzjoni tal-manjesju bl-ispettrometrija ta’ –assorbazzjoni atomika

EN 16197: Fertilizzanti – Determinazzjoni tal-manjesju bl-ispettrometrija ta’ assorbazzjoni atomika

Lil dan il-metodu ta’ analiżi sarlu test taċ-ċirku.

Metodu 8.8

Determinazzjoni tal-manjesju bil-komplispekrometrija

EN 16198: Fertilizzanti – Determinazzjoni tal-manjesju bil-komplispekrometrija

Lil dan il-metodu ta’ analiżi sarlu t-test taċ-ċirku.”

(3)	Il-Metodu 8.10 qed jinbidel b’dan li ġej: “Metodu 8.10 Determinazzjoni tas-sodju estratt bl-ispettrometrija tal-emissjoni ta’ fjamma EN 16199: Fertilizzanti – Determinazzjoni tas-sodju estratt bl-ispettrometrija tal-emissjoni ta’ fjamma Lil dan il-metodu ta’ analiżi sarlu t-test taċ-ċirku.”

(4)

Il-metodi li ġejjin 14 huma miżjuda:

“Metodu 14

Materjali tal-ġir

Metodu 14.1

Id-determinazzjoni tad-distribuzzjoni tad-daqs ta’ materjali tal-ġir permezz ta’ għarbiel xott jew niedi

EN 12948: Materjali tal-gir – Determinazzjoni tad-distribuzzjoni tad-daqs permezz ta’ għarbiel xott jew niedi

Lil dan il-metodu ta’ analiżi sarlu test taċ-ċirku.

Metodu 14.2

Id-determinazzjoni tar-reattività tal-materjali tal-ġir tal-karbonat u s-silikat mal-aċidu idrokloriku

EN 13971: Materjali tal-ġir tal-karbonat u s-silikat – Determinazzjoni tar-reattività – Metodu ta’ titrazzjoni Potenzjometrika bl-aċidu idrokloriku

Lil dan il-metodu ta’ analiżi sarlu test taċ-ċirku.

Metodu 14.3

Id-determinazzjoni tar-reattività permezz ta’ metodu ta’ titrazzjoni awtomatika bl-aċidu ċitriku

EN 16357: Materjali tal-gir tal-karbonat – Determinazzjoni tar-reattività – Metodu ta’ titrazzjoni awtomatika bl-aċidu ċitriku

Lil dan il-metodu ta’ analiżi sarlu test taċ-ċirku.

Metodu 14.4

Id-determinazzjoni tal-valur newtralizzanti tal-materjali tal-ġir

EN 12945: Materjali tal-gir – Determinazzjoni tal-valur newtralizzanti – Metodi titrimetriku

Lil dan il-metodu ta’ analiżi sarlu test taċ-ċirku.

Metodu 14.5

Id-determinazzjoni tal-kalċju f’materjali tal-ġir permezz tal-metodu tal-ossalat

EN 13475: Materjali tal-gir – Determinazzjoni tal-kontenut tal-kalċju – Metodu bl-ossalat

Lil dan il-metodu ta’ analiżi sarlu test taċ-ċirku.

Metodu 14.6

Id-determinazzjoni tal-kalċju u l-manjesju f’materjali tal-gir permezz tal-komplessometrija.

EN 12946: Materjali tal-gir – Determinazzjoni tal-kontenut tal-kalċju u tal-manjesju – Metodu Komplessometriku

Lil dan il-metodu ta’ analiżi sarlu test taċ-ċirku.

Metodu 14.7

Id-determinazzjoni tal-manjesju f’materjali tal-ġir permezz tal-metodu tal-ispettrometrija bl-assorbiment atomiku

EN 12947: Materjali tal-gir – Determinazzjoni tal-kontenut tal-manjesju – Metodu tal-ispettrometrija bl-assorbiment atomiku

Lil dan il-metodu ta’ analiżi sarlu test taċ-ċirku.

Metodu 14.8

Id-determinazzjoni tal-kontenut ta’ ndewwa

EN 12048 Fertilizzanti Solidi u materjali tal-gir – Determinazzjoni tal-kontenut ta’ ndewwa – Metodu gravimetriku bit-tnixxif f’105 °C +/– 2 °C

Lil dan il-metodu ta’ analiżi sarlu test taċ-ċirku.

Metodu 14.9

Id-determinazzjoni tat-tifrik tal-granuli

EN 15704: Materjali tal-gir – Determinazzjoni tat-tifrik tal-kalċju u l-karbonati tal-kalċju/manjesju granulati taħt l-influwenza tal-ilma

Lil dan il-metodu ta’ analiżi sarlu test taċ-ċirku.

Metodu 14.10

Id-determinazzjoni tal-effett tal-prodott permezz ta’ inkubazzjoni tal-ħamrija

EN 14984: Materjali tal-gir – Determinazzjoni tal-effett tal-prodott fuq il-pH tal-ħamrija – Metodu permezz tal-inkubazzjoni tal-ħamrija

Lil dan il-metodu ta’ analiżi sarlu t-test taċ-ċirku.”

Top