EUR-Lex Access to European Union law
This document is an excerpt from the EUR-Lex website
Document 32013R0214
Council Implementing Regulation (EU) No 214/2013 of 11 March 2013 imposing a definitive anti-dumping duty and collecting definitively the provisional duty imposed on imports of certain organic coated steel products originating in the People’s Republic of China
Regolament ta’ Implimentazzjoni tal-Kunsill (UE) Nru 214/2013 tal- 11 ta’ Marzu 2013 li jimponi dazju antidumping definittiv u li jiġbor b’mod definittiv id-dazju provviżorju impost fuq l-importazzjonijiet ta’ prodotti tal-azzar miksija b’materjal organiku li joriġinaw mir-Repubblika Popolari taċ-Ċina
Regolament ta’ Implimentazzjoni tal-Kunsill (UE) Nru 214/2013 tal- 11 ta’ Marzu 2013 li jimponi dazju antidumping definittiv u li jiġbor b’mod definittiv id-dazju provviżorju impost fuq l-importazzjonijiet ta’ prodotti tal-azzar miksija b’materjal organiku li joriġinaw mir-Repubblika Popolari taċ-Ċina
OJ L 73, 15.3.2013, p. 1–15
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 11 Volume 124 P. 256 - 270
No longer in force, Date of end of validity: 03/05/2019
15.3.2013 |
MT |
Il-Ġurnal Uffiċjali tal-Unjoni Ewropea |
L 73/1 |
REGOLAMENT TA’ IMPLIMENTAZZJONI TAL-KUNSILL (UE) Nru 214/2013
tal-11 ta’ Marzu 2013
li jimponi dazju antidumping definittiv u li jiġbor b’mod definittiv id-dazju provviżorju impost fuq l-importazzjonijiet ta’ prodotti tal-azzar miksija b’materjal organiku li joriġinaw mir-Repubblika Popolari taċ-Ċina
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1) ("ir-Regolament bażiku"), u b’mod partikolari l-Artikolu 9 u 14(1) tiegħu,
Wara li kkunsidra l-proposta mressqa mill-Kummissjoni Ewropea wara li kkonsulta lill-Kumitat Konsultattiv,
Billi:
1. MIŻURI PROVVIŻORJI
(1) |
Il-Kummissjoni Ewropea ("il-Kummissjoni"), bir-Regolament (KE) Nru 845/2012 (2) ("ir-Regolament provviżorju") imponiet dazju antidumping provviżorju ("il-miżuri provviżorji") fuq l-importazzjonijiet ta’ ċerti prodotti tal-azzar miksija b’materjal organiku (“prodotti AMO”) li joriġinaw mir-Repubblika Popolari taċ-Ċina ("ir-RPĊ"). |
(2) |
Il-proċediment tnieda wara lment imressaq fis-7 ta’ Novembru 2011 minn Eurofer (“l-ilmentatur”) f’isem il-produtturi li jirrappreżentaw proporzjon ewlieni, li f’dan il-każ huwa aktar minn 70 %, tal-produzzjoni totali tal-prodotti AMO fl-Unjoni. L-ilment kien fih evidenza prima facie ta’ dumping tal-prodott AMO u ta’ ħsara materjali li tirriżulta minnu, li tqieset biżżejjed biex tiġġustifika l-bidu ta’ proċediment. |
2. PROĊEDURA SUSSEGWENTI
(3) |
Wara li ġew żvelati l-fatti u l-kunsiderazzjonijiet essenzjali, li fuq il-bażi tagħhom ġie deċiż li jkunu imposti miżuri antidumping provviżorji ("l-iżvelar provviżorju"), bosta partijiet interessati ressqu sottomissjonijiet bil-miktub li bihom taw il-fehmiet tagħhom dwar is-sejbiet provviżorji. Il-partijiet li talbu dan ingħataw l-opportunità li jinstemgħu. |
(4) |
Il-Kummissjoni kompliet tfittex u tivverifika l-informazzjoni kollha li dehrilha li kienet meħtieġa għas-sejbiet definittivi tagħha. Saru aktar żjarat ta’ verifika fil-post tal-kumpannija li ġejja:
|
(5) |
Il-partijiet kollha ġew mgħarrfa sussegwentement bil-fatti u l-kunsiderazzjonijiet essenzjali li fuq il-bażi tagħhom kien maħsub li tiġi rrikmandata l-impożizzjoni ta’ dazju antidumping definittiv fuq l-importazzjonijiet ta’ ċerti prodotti tal-azzar miksija b’materjal organiku li joriġinaw mir-RPĊ u l-ġbir definittiv tal-ammonti garantiti permezz ta’ dazju provviżorju (“l-iżvelar finali”). Il-partijiet kollha ngħataw perijodu li fih setgħu jagħmlu kummenti dwar l-iżvelar finali. |
(6) |
Il-kummenti kollha li tressqu mill-partijiet interessati ġew ikkunsidrati u indirizzati fejn kien xieraq. |
2.1. Perijodu ta’ investigazzjoni
(7) |
Kif stipulat fil-premessa (12) tar-Regolament provviżorju, l-investigazzjoni ta’ dumping u ta’ ħsara kopriet il-perijodu mill-1 ta’ Ottubru 2010 sat-30 ta’ Settembru 2011 ("il-perijodu ta’ investigazzjoni" jew il-"PI"). L-eżami tax-xejriet rilevanti għall-evalwazzjoni tal-ħsara kopra l-perijodu minn Jannar 2008 sat-tmiem tal-PI (“il-perijodu kkunsidrat”). |
3. IL-PRODOTT IKKONĊERNAT U L-PRODOTT SIMILI
3.1. Talbiet għall-esklużjoni tal-prodott
(8) |
Il-premessi (19) u (20) tar-Regolament provviżorju ddikjaraw li l-Kummissjoni kienet irċeviet diversi rikjesti għall-esklużjoni ta’ prodotti u li ma kienu ntlaħqu l-ebda konklużjonijiet fiż-żmien tal-pubblikazzjoni tar-Regolament provviżorju. |
(9) |
Wara l-iżvelar tas-sejbiet provviżorji, tressqu aktar talbiet u dawn ġew analizzati kif ġej: |
3.1.1. AMO b’kisi metalliku ta’ kromju jew ta’ landa
(10) |
Utent ta’ AMO ressaq talba biex jiġi eskluż AMO b’substrat b’kisi metalliku ta’ kromju jew ta’ landa mill-ambitu tal-prodott. L-investigazzjoni stabbiliet li l-kisi metalliku ta’ kromju jew ta’ landa jrendi dan it-tip ta’ prodott fiżikament u kimikament differenti mill-AMO li qed jiġi investigat. L-AMO b’substrat b’kisi metalliku ta’ kromju jew ta’ landa jintuża kważi esklussivament fl-imballaġġ tal-ikel u fl-industriji tal-cable. L-industrija tal-Unjoni spjegat ukoll li ma kellhiex il-ħsieb li dan il-prodott jifforma parti mill-ambitu tal-prodott. Għal dawn ir-raġunijiet l-AMO b’substrat b’kisi metalliku ta’ kromju jew ta’ landa ġie eskluż mill-ambitu tal-prodott tal-investigazzjoni. |
(11) |
L-Assoċjazzjoni tal-Ħadid u l-Azzar taċ-Ċina (“CISA”), żewġ importaturi u utent wieħed ipproponew l-esklużjoni ta’ erba’ tipi ta’ prodotti oħra. Dawn it-talbiet ġew analizzati u ma ntlaqgħux kif jidher hawn taħt. |
3.1.2. Pjanċi rrumblati bis-sħana b’ilqugħ protettiv, kemm jekk organiċi kif ukoll jekk inorganiċi
(12) |
Din it-talba ma ntlaqgħetx għax dawn il-prodotti ma jaqgħux taħt il-kodiċijiet tan-NM li qed jiġu investigati. Iż-żebgħa jew il-kisi hu biss għal protezzjoni kontra s-sadid u għalhekk dawk il-prodotti jaqgħu’ taħt l-intestatura NM 7208 u mhux l-intestatura NM 7210. Il-pjanċi rrumblati bis-sħana b’ilqugħ protettiv, kemm jekk organiċi kif ukoll inorganiċi, mhumiex inklużi fl-ambitu tal-prodott u minħabba dan ma jistgħux jitneħħew minnu. |
3.1.3. Prodotti AMO bi ħxuna ta’ substrat bejn 0,6 u 2,0 mm
(13) |
Is-CISA u żewġ importaturi talbu l-esklużjoni tal-AMO bi ħxuna ta’ substrat bejn 0,6 u 2,0 mm, li jirrapreżenta bejn 5 sa 10 % tal-importazzjonijiet miċ-Ċina, waqt li ddikjaraw li kien hemm biss kompetizzjoni diretta bejn l-esportazzjonijiet Ċiniżi u l-industrija tal-Unjoni għall-AMO bi ħxuna ta’ substrat bejn 0,25 u 0,6 mm. |
(14) |
Din it-talba ma ntlaqgħetx minħabba li kemm l-esportaturi Ċiniżi kif ukoll l-industrija tal-Unjoni jimmanifatturaw u jbigħu AMO bi ħxuna ta’ substrat bejn 0,6 u 2,0 mm u li għalhekk dawn il-prodotti huma biċ-ċar f’kompetizzjoni ma’ xulxin. Ma kien hemm l-ebda evidenza li turi li l-AMO bi ħxuna ta’ substrat ta’ aktar minn 0,6 mm ma jikkompetux ma’ AMO bi ħxuna ta’ substrat ta’ inqas minn 0,6 mm u li għalhekk dan ikun jikkostitwixxi tip ta’prodott differenti. AMO bi ħxuna ta’ substat ta’ inqas minn 0,6 mm u dak bi ħxuna ta’ substrat ta’ aktar minn 0,6 mm għandhom l-istess karatteristiċi fiżiċi u tekniċi bażiċi u l-istess użi aħħarija u għalhekk huma l-istess prodott. |
3.1.4. AMO b’substrat miksi b’liga tal-aluminju-żingu
(15) |
Iż-żewġ importaturi allegaw li erba’ produtturi tal-Unjoni biss għandhom il-liċenzja biex jipproduċu dan it-tip ta’ prodott u li kumpannija waħda biss kienet fil-fatt qed tipproduċih. Huma allegaw ukoll li dan il-prodott huwa differenti minn AMO miksija biż-żingu f’dak li għandu x’jaqsam mal-karatteristiċi tal-prodott. |
(16) |
Din it-talba ma ntlaqgħetx peress li ż-żewġ tipi ta’ prodotti huma interskambjabbli b’użi li jirkbu fuq xulxin u mill-inqas żewġ produtturi tal-Unjoni li kkooperaw immanifatturaw dan it-tip ta’ prodott matul il-perijodu ta’ investigazzjoni. Ta’ min jinnota li esportatur produttur Ċiniż wieħed biss li kkoopera esporta dan it-tip ta’ prodott lejn l-Unjoni matul il-perijodu ta’ investigazzjoni. |
3.1.5. AMO b’substrat miksi b’liga taż-żingu
(17) |
Din it-talba ma ntlaqgħetx minħabba li, kuntrarju għall-affermazzjoni ta’ utent wieħed, dan il-prodott huwa prodott u mibjugħ fi kwantitajiet sinifikanti minn bosta produtturi tal-Unjoni u għandu l-istess karatteristiċi fiżiċi u tekniċi essenzali u l-istess użi aħħarija essenzjali bħal tipi oħra ta’ prodotti AMO. |
3.2. Talba għall-inklużjoni tal-prodott
(18) |
Wara l-iżvelar tas-sejbiet provviżorji, assoċjazzjoni waħda talbet li l-AMO b’kisi metalliku ta’ kromju jew ta’ landa, kklassifikat taħt il-kodiċijiet TARIC 7210122010 u 7210500010 jkun inkluż fl-ambitu tal-prodott. Din it-talba ma ntlaqgħetx billi dawn il-kodiċijiet ma kinux inklużi fl-ilment oriġinali u l-prodotti koperti b’kodiċijiet bħal dawn ikollhom karatteristiċi fiżiċi u tekniċi differenti mill-prodotti koperti mill-ilment. |
3.3. Il-prodott ikkonċernat
(19) |
Minħabba l-aċċettazzjoni tal-esklużjoni tal-AMO b’kisi metalliku ta’ kromju jew ta’ landa, is-sejbiet provviżorji fir-rigward tal-prodott ikkonċernat, kif spjegat fil-premessi (13) u (14) tar-Regolament provviżorju, huma emendati b’din l-esklużjoni. |
(20) |
Għalhekk il-prodott ikkonċernat huwa ċerti prodotti tal-azzar miksija b’materjal organiku ("AMO"), jiġifieri prodotti ċatti rrumblati tal-azzar liga u mhux liga (ma jinkludux l-azzar li ma jsaddadx) li huma miżbugħa, mogħtija l-verniċ jew miksija bi plastiks fuq mill-anqas naħa waħda, esklużi dawk l-hekk imsejħa "pannelli sandwich" tat-tip użati għall-applikazzjonijiet tal-bini u li jikkonsistu minn żewġ folji tal-metall fuq barra b’qalba ta’ stabbilizzazzjoni ta’ materjal għall-insulazzjoni marsusa bejniethom, esklużi dawk il-prodotti b’kisi aħħari ta’ trab taż-żingu (żebgħa rikka fiż-żingu, li fiha bil-piż 70 % żingu jew aktar) u esklużi dawk il-prodotti b’substrat b’kisi mettaliku ta’ kromju jew ta’ landa, li attwalment jaqgħu taħt il-kodiċi NM ex 7210 70 80, ex 7212 40 80, ex 7225 99 00, ex 7226 99 70, u li joriġinaw mir-Repubblika Popolari taċ-Ċina ("il-prodott ikkonċernat"). |
3.4. Il-prodott simili
(21) |
Billi ma waslux kummenti dwar il-konklużjonijiet stipulati fil-premessi minn (15) sa (18) tar-Regolament provviżorju, is-sejbiet provviżorji fir-rigward tal-prodott simili huma b’dan ikkonfermati. |
4. ID-DUMPING
(22) |
Bosta produtturi esportaturi Ċiniżi bagħtu kummenti dwar id-dumping wara l-impożizzjoni tal-miżuri provviżorji u l-iżvelar tas-sejbiet provviżorji tal-Kummissjoni lill-produtturi esportaturi Ċiniżi. |
4.1. Trattament ta’ ekonomija tas-suq ("TES")
(23) |
Fin-nuqqas ta’ kull kumment ieħor dwar it-TES, il-premessi minn (21) sa (38) tar-Regolament provviżorju huma b’dan ikkonfermati. L-ebda wieħed miż-żewġ gruppi ta’ esportaturi li kkooperaw fir-RPĊ li kienu talbu TES ma setgħu juru li jissodisfaw il-kriterji biex jingħataw TES. |
4.2. Trattament individwali (“TI”)
(24) |
Żewġ produtturi esportaturi fir-RPĊ ssodisfaw il-kriterji biex jingħataw it-TI (il-premessa (40) tar-Regolament provviżorju). Parti oħra tenniet il-pretensjonijiet tagħha li tingħata TI u eżami individwali. Tabilħaqq, din il-parti rtirat il-pretensjoni tagħha għal TES iżda żammet it-talba li tingħata TI, kif ukoll eżami individwali. Din il-pretensjoni tqieset bħala pretensjoni għal eżami individwali u għalhekk kienet inkluża fit-talbiet imsemmija fil-premessa (41) tar-Regolament provviżorju. Skont l-Artikolu 9(5) u 9(6) tar-Regolament bażiku, id-dazji individwali għandhom jiġu applikati għall-importazzjonijiet mingħand kull esportatur jew produttur li se jingħata eżami individwali, kif previsti fl-Artikolu 17(3) tar-Regolament bażiku. Kif spjegat f’aktar dettall fil-premessi minn (26) sa (31) aktar ’l isfel, il-pretensjoni għal dazju individwali għal din il-parti ma ntlaqgħetx. |
(25) |
Billi ma kien hemm l-ebda kumment ieħor dwar it-TI, il-premessi minn (39) sa (40) tar-Regolament provviżorju huma b’dan ikkonfermati. |
4.3. Eżami individwali ("EI")
(26) |
Tressqu talbiet għal eżami individwali minn tmien produtturi esportaturi skont l-Artikolu 17(3) tar-Regolament bażiku. Kif spjegat fil-premessi (41) u (42) tar-Regolament provviżorju, u kkonfermat b’dan, produttur esportatur wieħed, Union Steel China, li talab TES, ġie spezzjonat fil-qafas tal-eżami tal-pretensjoni tiegħu għal TES. |
(27) |
Rigward il-pretensjonijiet l-oħra kollha għal eżami individwali, ġie konkluż li eżamijiet individwali jkunu ta’ piż bla bżonn u jfixklu t-tlestija tal-investigazzjoni fil-ħin. Għalhekk, dawn l-argumenti ma ntlaqgħux. |
(28) |
Parti waħda argumentat li t-talba tagħha ma tistax titqies bħala piż amministrattiv billi wara l-istadju provviżorju is-servizzi tal-Kummissjoni jkun baqgħalhom sitt xhur qabel id-determinazzjoni definittiva. Ukoll, fil-proċedimenti reċenti, is-servizzi tal-Kummissjoni taw eżami individwali wara l-istadju provviżorju. |
(29) |
Parti oħra, li diġà ssemmiet fil-premessa (24) hawn fuq, argumentat li għandha tingħata eżami individwali billi hija ressqet l-informazzjoni meħtieġa fil-limiti ta’ żmien stipulati u billi eżami individwali kien diġà ngħata lil produttur esportatur ieħor, Union Steel China. |
(30) |
Id-deċiżjonijiet dwar jekk jiġux aċċettati jew le eżamijiet individwali jittieħdu fuq bażi ta’ każ b’każ, filwaqt li jitqies l-għadd ta’ pretensjonijiet imressqa u ż-żmien disponibbli biex jiġu vvalutati dawn il-pretensjonijiet. F’dan il-każ, fid-dawl tal-għadd ta’ pretensjonijiet imressqa, ż-żmien limitat disponibbli wara l-eżami tal-produtturi esportaturi fil-kampjun u l-pretensjoni għal TES tal-produttur esportatur li ma kienx inkluż fil-kampjun u l-iskadenzi proċedurali li għandhom jiġu rispettati, ġie deċiż li dawn il-pretensjonijiet ma jistgħux jintlaqgħu, kif stipulat fil-premessa (27) hawn fuq. |
(31) |
Kif spjegat fil-premessa (41) tar-Regolament provviżorju, fir-rigward ta’ Union Steel China ċ-ċirkostanzi kienu differenti peress li din il-kumpannija kienet diġà spezzjonata fil-qafas tal-eżami tal-pretensjoni tagħha għal TES. |
4.4. Il-valur normali
4.4.1. Il-pajjiż analogu
(32) |
Ma waslu l-ebda kummenti oħra dwar l-għażla tal-Kanada bħala l-pajjiż analogu. Għalhekk il-premessi minn (43) sa (49) tar-Regolament provviżorju huma b’dan ikkonfermati. |
4.4.2. Id-determinazzjoni tal-valur normali
(33) |
Il-valur normali ġie kkalkulat fuq il-bażi tad-data pprovduta mill-uniku produttur li kkoopera fil-pajjiż analogu (jiġifieri l-Kanada). Għalhekk, il-valur normali ġie stabbilit abbażi tal-prezzijiet tal-bejgħ domestiku u l-valur normali mibni ta’ produttur wieħed Kanadiż tal-prodott simili kif spjegat fil-premessi minn (50) sa (55) tar-Regolament provviżorju. |
(34) |
Wara l-iżvelar provviżorju, żewġ produtturi esportaturi Ċiniżi argumentaw li l-Kummissjoni ma tatx l-informazzjoni meħtieġa f’rabta mal-valur normali fil-pajjiż analogu, partikolarment rigward it-tipi differenti tal-prodott, il-komparabilità tal-prodotti, ir-rappreżentattività u l-aġġustamenti. |
(35) |
Dawn il-pretensjonijiet ġew aċċettati parzjalment. Il-Kummissjoni tat lill-produtturi esportaturi Ċiniżi l-informazzjoni rilevanti kollha dwar id-data użata sabiex jiġi kkalkulat il-valur normali li seta’ jiġi rrilaxxat mingħajr ma jinkisru d-dispożizzjonijiet tal-Artikolu 19 tar-Regolament bażiku, jiġifieri li jkun żgurat fl-istess ħin li kull data kunfidenzjali pprovduta mill-uniku produttur Kanadiż tiġi ttrattata bħala tali u ma tiġix żvelata lil partijiet oħra. Permezz tal-informazzjoni mogħtija lill-produtturi esportaturi setgħet tinftiehem il-metodoloġija użata f’konformità mad-dispożizzjonijiet tal-Artikolu 2 tar-Regolament bażiku. Madankollu, instab li tista’ tiġi pprovduta data aktar dettaljata għal kull tip ta’ prodott bl-użu ta’ limiti sabiex tiġi rrispettata l-konfidenzjalità tad-data. Tali data ngħatat fl-iżvelar finali. Barra minn hekk, ingħatat aktar informazzjoni dettaljata dwar ir-raġuni għalfejn xi tipi ta’ prodotti nstabu li ma kinux rappreżentattivi u l-livell tal-aġġustamenti li sar għall-valur normali. |
(36) |
Wara l-iżvelar finali, parti partikolari rrikonoxxiet li data aktar dettaljata ngħatat tabilħaqq, iżda argumentat li xi data kienet għadha nieqsa, partikolarment fir-rigward tal-livell tal-kost tal-manifattura użat biex jiġi ddeterminat il-valur normali għal dawk it-tipi ta’ prodotti li ma nbigħux domestikament. |
(37) |
Għal dawk it-tipi ta’ prodotti li ma nbigħux domestikament, il-kost tal-manifattura tat-tipi ta’ prodotti li jixbħuhom l-aktar intuża bħala bażi u dan ġie aġġustat fejn meħtieġ. Għalkemm dawn il-prodotti ma kinux identiċi għal dawk esportati mill-produtturi esportaturi Ċiniżi, kienu madankollu jixbħu ferm lit-tipi mibjugħa mill-produtturi esportaturi Ċiniżi, billi ġeneralment il-ħxuna tal-kisja organika biss kienet tvarja. Għalhekk id-differenzi fil-prezz tal-manifattura nstabu li kienu żgħar. |
(38) |
Kif rikonoxxut minn dik il-parti fis-sottomissjoni tagħha, fl-iżvelar finali l-Kummissjoni pprovdiet data aktar dettaljata ppreżentata f’xi firxiet, inkluża data relatata mal-kost tal-manifattura, mal-ispejjeż ġenerali, amministrattivi u tal-bejgħ u l-profitt fil-pajjiż analogu użati biex jinbena l-valur normali, id-data li tirrigwarda l-livell ġenerali ta’ aġġustamenti li saru lill-valur normali, id-data li tirrigwarda l-valur normali finali għal kull grupp ta’ tipi ta’ prodotti, data dwar ir-rappreżentattività u n-natura u l-effetti tal-aġġustamenti li saru għall-valur normali. |
(39) |
Kif jidher minn dan ta’ hawn fuq, l-iżvelar finali, li sar f’konformità mar-rekwiżiti tal-Artikolu 20 tar-Regolament bażiku, ippermetta lill-partijiet interessati jifhmu fid-dettall il-metodoloġija użata f’konformità mad-dispożizzjonijiet tal-Artikolu 2 tar-Regolament bażiku u l-partijiet kollha ngħataw l-opportunità li jikkummentaw dwar l-iżvelar finali. Għalhekk, qed jiġi konkluż li l-iżvelar kien komplut u li d-drittijiet ta’ difiża tal-partijiet interessati ġew rispettati kompletament. |
(40) |
Parti waħda sostniet li s-sors tal-kosti ġenerali, amministrattivi u tal-bejgħ u l-profitt f’każijiet fejn inbena l-valur normali baqa’ ma ġiex spjegat. Madankollu, fil-premessa (55) tar-Regolament provviżorju huwa spjegat li l-kosti ġenerali, amministrattivi u tal-bejgħ tal-produttur Kanadiż u l-marġni tal-profitt tal-produttur Kanadiż għat-tipi ta’ prodott li nstabu li għamlu l-profitt kienu ntużaw f’każijiet fejn il-valur normali kellu jinbena. Skont l-Artikolu 2(3) u 2(6) tar-Regolament bażiku, l-ispejjeż tal-bejgħ, ġenerali u amministrattivi u l-profitt, huma bbażati fuq kosti verifikati u bejgħ domestiku vverifikat fl-andament ordinarju tal-kummerċ tal-produttur tal-pajjiż analogu. |
(41) |
Fid-dawl ta’ dan ta’ hawn fuq, il-premessi minn (55) sa (55) tar-Regolament provviżorju huma b’dan ikkonfermati. |
4.5. Il-prezz tal-esportazzjoni
(42) |
Fin-nuqqas ta’ kull kumment ieħor, il-premessa (56) tar-Regolament provviżorju hija b’dan ikkonfermata. |
4.6. Tqabbil
(43) |
Żewġ partijiet iddikjaraw li l-Kummissjoni ma pprovdietx biżżejjed informazzjoni rigward il-komparabbiltà tat-tipi ta’ prodotti u l-kwalità rappreżentattiva tagħhom fil-livell tat-tip tal-prodott. |
(44) |
Kif spjegat fil-premessa (35) hawn fuq, il-Kummissjoni tat lill-produtturi esportaturi Ċiniżi d-data rilevanti kollha li setgħet tiġi pprovduta, b’kont meħud tad-dispożizzjonijiet dwar il-kunfidenzjalità fir-Regolament bażiku. Aktar informazzjoni dettaljata għal kull tip ta’ prodott ġiet tabilħaqq ipprovduta wara din il-pretensjoni li saret wara l-iżvelar provviżorju, inklużi r-raġunijiet għalfejn xi tipi ta’ prodotti nstabu li ma kinux rappreżentattivi u għaldaqstant, il-valur normali kellu jinbena. |
(45) |
Wara ż-żjara ta’ verifika lill-produttur tal-pajjiż analogu Kanadiż, il-valuri normali għal ċerti tipi ta’ prodotti kienu aġġustati ’l isfel għal differenzi fil-karatteristiċi fiżiċi skont l-Artikolu 2(10)(a) tar-Regolament bażiku, prinċipalment għaliex instab li l-kisja organika użata mill-produttur Kanadiż fir-rigward ta’ xi tipi ta’ prodotti kienet ta’ kwalità differenti minn dik użata mill-produtturi esportaturi Ċiniżi. Dawn l-aġġustamenti wasslu għal valur normali inqas għat-tipi ta’ prodotti kkonċernati. |
(46) |
Parti waħda talbet l-ammonti ta’ kull aġġustament magħmul għall-valur normali. Biex tiġi rrispetta l-kunfidenzjalità tad-data pprovduta mill-produttur Kanadiż, din id-data ma setgħetx tiġi pprovduta. Madankollu, il-perċentwal totali tal-aġġustamenti ngħata fl-iżvelar finali, li juri li l-impatt tal-aġġustamenti kien wieħed żgħir. |
(47) |
Kif stipulat fil-premessa (37) hawn fuq, fil-każ ta’ xi differenza misjuba t-tipi ta’ prodott li nbiegħu domestikament kienu jixbħu ħafna lit-tipi mibjugħa mill-produtturi esportaturi Ċiniżi. Dawn it-tipi ta’ prodotti nstabu li kienu simili f’dak li għandu x’jaqsam mal-kwalità tal-azzar, mal-wisa’ u l-ħxuna tas-substrat użat u mat-tip u l-massa tal-kisi metalliku użat. |
(48) |
Fejn xieraq sar aġġustament għad-differenzi fil-karatteristiċi fiżiċi, kif stipulat fil-premessa (45) hawn fuq, minħabba differenza fil-kwalità tal-kisi organiku użat fir-rigward ta’ xi tipi ta’ prodotti. Sabiex jiġi vvalutat il-valur tas-suq tad-differenza, ġew ikkunsidrati kemm id-differenza medja fil-kost tat-tip ta’ prodott li jixbaħhom l-aktar kif ukoll il-prezzijiet tas-suq internazzjonali. |
(49) |
L-istess parti staqsiet jekk il-kosti tat-trasport u tal-assikurazzjoni kinux inklużi mal-kost ġenerali, amministrattiv u tal-bejgħ. Għandu jingħad li kif sar it-tqabbil fuq bażi ta’ prezz tal-fabbrika, dawn il-kosti ma kinux inklużi. |
(50) |
Parti waħda argumentat li l-pretensjoni tagħha għal aġġustament fir-rigward tal-valur ta’ tliet fatturi kellha titqies, kif ukoll tranżazzjoni waħda partikolari tal-bejgħ li kienet ġiet injorata. Din il-pretensjoni kienet relatata ma’ kumpens imħallas lil klijent marbut ma’ bejgħ li sar qabel il-perijodu ta’ investigazzjoni, li iżda kien ġie ttrattat bħala skont fil-valur ta’ dawn it-tliet fatturi maħruġa fil-perijodu ta’ investigazzjoni, li jirriżulta f’li l-valur ta’ dawn il-fatturi jiġi artifiċjalment imnaqqas. Il-pretensjoni tal-kumpannija ġiet aċċettata. L-aġġustament mitlub sar u t-tranżazzjoni ta’ bejgħ, li tħalliet barra bi żball, ġiet inkluża fil-kalkolu tal-prezz tal-esportazzjoni. |
(51) |
Billi ma kien hemm l-ebda kumment ieħor, il-premessa (57) tar-Regolament provviżorju hija b’dan ikkonfermata. |
4.7. Il-marġni ta’ dumping
(52) |
Fin-nuqqas ta’ kummenti oħra f’dan ir-rigward, il-metodoloġija kif stabbilit fil-premessi (58) u (59) tar-Regolament provviżorju hija b’dan ikkonfermata. |
(53) |
Wara l-iżvelar provviżorju, il-Kummissjoni ġiet infurmata li xi kumpanniji tan-negozju, li ma pproduċewx il-prodott ikkonċernat, kienu ssemmew fil-parti operattiva tar-Regolament. Dawk il-kumpanniji kummerċjali issa tneħħew mill-parti operattiva u produtturi esportaturi biss qed jissemmew. |
(54) |
Filwaqt li jitqies l-aġġustament tal-valur normali u l-aġġustament żgħir ħafna fil-prezz ta’ esportazzjoni, kif stabbilit fil-premessi (45) u (50) hawn fuq, u fin-nuqqas ta’ kwalunkwe kumment ieħor, il-marġni ta’ dumping definittivi, espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:
|
(55) |
Fuq il-bażi tal-fatti fil-premessa (60) tar-Regolament provviżorju, il-marġni ta’ dumping definittiv għall-pajjiż kollu għar-RPĊ ġie stabbilit bl-użu tal-ogħla marġni ta’ dumping stabbilit għal tipi ta’ prodotti rappreżentattivi ta’ produtturi esportaturi. Meta jitqiesu l-aġġustament tal-valur normali kif stabbilit fil-premessa (45) hawn fuq, id-dazji kompensatorji li jirriżultaw minn sussidji fuq l-esportazzjonijiet imposti fuq l-istess prodott fil-proċediment parallel ta’ kontra s-sussidji u fin-nuqqas ta’ kwalunkwe kumment ieħor, il-livell ta’ dumping mal-pajjiż kollu ġie stabbilit gћal 68,1 % tal-prezz CIF fil-fruntiera tal-Unjoni, bid-dazju mhux imħallas. |
5. IL-ĦSARA
5.1. Il-produzzjoni tal-Unjoni u l-industrija tal-Unjoni
(56) |
Fin-nuqqas ta’ kummenti oħra dwar il-produzzjoni tal-Unjoni, il-premessi minn (63) sa (64) tar-Regolament provviżorju huma b’dan ikkonfermati. |
5.2. Is-suq tal-Unjoni
(57) |
Fin-nuqqas ta’ kummenti oħra dwar is-suq tal-Unjoni, il-premessi minn 65 sa 69 tar-Regolament provviżorju huma b’dan ikkonfermati. |
5.3. Il-konsum tal-Unjoni
(58) |
Wara l-pubblikazzjoni tar-Regolament provviżorju, uħud mill-partijiet interessati indikaw xi inkonsistenzi fid-data ppubblikata dwar il-ħsara. Il-Kummissjoni eżaminat mill-ġdid id-data u, fejn meħtieġ, irrevediet id-data li tikkonċerna l-industrija tal-Unjoni u s-suq tal-Unjoni. Għalkemm dawk ir-reviżjonijiet biddlu xi ċifri f’xi snin, ix-xejriet, u għalhekk il-konklużjonijiet dwar dik id-data baqgħu b’mod ġenerali l-istess. |
(59) |
Wara r-reviżjoni spjegata hawn fuq, il-konsum totali tal-Unjoni żviluppa kif ġej:
|
(60) |
Il-konsum totali fis-suq tal-Unjoni naqas b’ 7 % matul il-perijodu kkunsidrat. Bejn l-2008 u l-2009 kien hemm tnaqqis ta’ madwar 25 % prinċipalment minħabba l-effetti negattivi globali tal-kriżi ekonomika, speċjalment fuq l-industrija tal-kostruzzjoni. Wara dan, il-konsum beda jirkupra u żdied bi 18-il punt perċentwali mill-2009 sal-PI iżda xorta kien għadu taħt il-livell inizjali tal-2008. |
(61) |
Fin-nuqqas ta’ kummenti dwar il-konsum tal-Unjoni, il-premessi minn (70) sa (72) tar-Regolament provviżorju huma b’dan ikkonfermati. |
5.4. Importazzjonijiet lejn l-Unjoni u s-sehem mis-suq
(62) |
L-importazzjonijiet lejn l-Unjoni mir-RPĊ żviluppaw kif ġej matul il-perijodu kkunsidrat. Il-perċentwali tas-sehem mis-suq inbidlu minħabba l-bidliet fiċ-ċifri tal-konsum:
|
(63) |
Il-bidla fid-data dwar il-konsum hawn fuq biddlet il-perċentwali tas-sehem mis-suq tal-importazzjonijiet mir-RPĊ mid-data ppubblikata fir-Regolament provviżorju. It-tendenza madankollu tibqa’ l-istess. Is-sehem mis-suq tal-importazzjonijiet mir-RPĊ żdied b’mod sinifikanti minn 9,1 % fil-bidu tal-perijodu meqjus sa 14,6 % fi tmiem il-perijodu. Wara tnaqqis fl-2009 li jirrifletti t-tnaqqis qawwi fil-konsum minħabba l-kriżi ekonomika, l-importazzjonjiet irkupraw b’pass mgħaġġel ħafna, bis-sehem mis-suq jirkupra f’sena għal dak tal-2008 jiġifieri għal livelli ta’ qabel il-kriżi ekonomika u saħansitra qabiżhom sew sa tmiem il-PI. |
5.4.1. Il-prezzijiet tal-importazzjonijiet u t-twaqqigħ tal-prezz
(64) |
Wara l-iżvelar, produttur esportatur wieħed talab informazzjoni ulterjuri dwar il-kalkolu tat-twaqqigħ tal-prezz fejn ma kienx hemm qbil preċiż bejn it-tip ta’ prodott esportat mir-RPĊ u t-tip ta’ prodott mibjugħ fis-suq tal-Unjoni mill-industrija tal-Unjoni. Huwa talab ukoll informazzjoni dwar jekk kienx sar aġġustament għad-differenzi fiżiċi fejn l-ebda qbil preċiż ma kien instab. |
(65) |
Fejn l-ebda qbil preċiż ma kien jeżisti bejn it-tip ta’ prodott esportat u t-tip ta’ prodott mibjugħ mill-industrija tal-Unjoni, il-Kummissjoni qabblet it-tip ta’ prodott esportat mat-tip ta’ prodott li l-aktar joqrob fix-xebħ mibjugħ mill-industrija tal-Unjoni. F’dawn il-każijiet sar paragun mal-prodott li joqrob ħafna fix-xebħ fejn l-unika differenza kienet il-ħxuna tas-substrat. |
(66) |
Fejn kien hemm aktar minn tip ta’ prodott wieħed li joqrob ħafna fix-xebħ, il-Kummissjoni qabblet it-tip ta’ prodott esportat mat-tip ta’ prodott orħos, mibjugħ fuq is-suq tal-Unjoni, irrispettivament jekk dan it-tip ta’ prodott irħas kellux substrat eħxen jew irqaq. Għalhekk, l-ebda aġġustament għad-differenzi fiżiċi ma tqies meħtieġ. |
(67) |
Fin-nuqqas ta’ kummenti oħra dwar il-prezzijiet tal-importazzjonijiet u t-twaqqigħ tal-prezzijiet, il-premessi minn 78 sa (81) tar-Regolament provviżorju huma b’dan ikkonfermati. |
6. IL-QAGĦDA EKONOMIKA TAL-INDUSTRIJA TAL-UNJONI
6.1. Kummenti preliminari
(68) |
Fin-nuqqas ta’ kummenti dwar ir-rimarki preliminarji rigward il-qagħda ekonomika tal-industrija tal-Unjoni, il-konklużjonijiet fil-premessi minn (82) sa (85) jibqgħu mhux milquta. |
6.2. Data relatata mal-industrija tal-Unjoni bħala entità sħiħa (indikaturi makroekonomiċi)
(69) |
Wara l-iżvelar tas-sejbiet provviżorji fil-premessi minn (86) sa (92) il-Kummissjoni aġġornat is-sorsi tad-data li fuqhom dawn is-sejbiet kienu bbażati. Dan l-aġġornament ma biddilx b’mod sinifikanti l-indikaturi ppubblikati fir-Regolament provviżorju u lanqas ma biddel it-tendenzi li fuqhom kienet ibbażata l-analiżi li saret mill-Kummissjoni dwar il-ħsara. Id-data aġġornata hija ppubblikata hawn taħt kif ġej: |
6.2.1. Il-produzzjoni, il-kapaċità tal-produzzjoni u l-utilizzazzjoni tal-kapaċità
|
2008 |
2009 |
2010 |
PI |
||
Volum tal-produzzjoni (tunnellati) |
4 447 780 |
3 514 965 |
3 992 209 |
4 018 310 |
||
Indiċi (2008=100) |
100 |
79 |
90 |
90 |
||
Il-kapaċità tal-produzzjoni (tunnellati) |
6 007 536 |
6 128 301 |
6 099 587 |
5 923 311 |
||
Indiċi (2008=100) |
100 |
102 |
102 |
99 |
||
L-utilizzazzjoni tal-kapaċità (%) |
74 |
57 |
65 |
68 |
||
Indiċi (2008=100) |
100 |
77 |
88 |
92 |
||
|
(70) |
Għalkemm id-data nbidlet xi ftit, ix-xejriet u l-konklużjonijiet imniżżla fil-premessi (87) u (88) tar-Regolament provviżorju jibqgħu mhux milquta u huma għalhekk ikkonfermati. Il-produzzjoni naqqset drastikament fl-2009, u rkuprat parzjalment fl-2010 u baqgħet stabbli fil-PI iżda xorta taħt il-livelli tal-2008. Il-kapaċità tal-produzzjoni baqgħet kostanti matul il-perijodu kkunsidrat filwaqt li l-utilizzazzjoni tal-kapaċità naqset, billi segwiet ix-xejra tal-produzzjoni. |
6.2.2. Volum ta’ bejgħ, sehem mis-suq u tkabbir
|
2008 |
2009 |
2010 |
PI |
||
Volum ta’ bejgħ (tunnellati) |
2 951 468 |
2 280 304 |
2 643 923 |
2 592 540 |
||
Indiċi (2008=100) |
100 |
77 |
90 |
88 |
||
Sehem mis-suq (%) |
56,8 |
58,8 |
58,1 |
53,9 |
||
Indiċi (2008=100) |
100 |
104 |
102 |
95 |
||
|
(71) |
Fl-2009 il-volum tal-bejgħ tal-industrija tal-Unjoni lil klijenti mhux relatati naqas drastikament bi 23 %. Fl-2010, il-volum ta’ bejgħ żdied bi tlettax-il punt perċentwali, iżda mbagħad naqas b’żewġ punti perċentwali fil-PI. Il-konklużjonijiet kif stipulati fil-premessi (90) u (91) tar-Regolament provviżorju huma għalhekk ikkonfermati. |
6.2.3. L-impjiegi u l-produttività
|
2008 |
2009 |
2010 |
PI |
||
Impjiegi (FTE) |
7 088 |
6 470 |
6 097 |
6 046 |
||
Indiċi (2008=100) |
100 |
91 |
86 |
85 |
||
Produttività (tunnellati/FTE) |
627 |
543 |
655 |
665 |
||
Indiċi (2008=100) |
100 |
87 |
104 |
106 |
||
|
(72) |
Għalkemm id-data tbiddlet xi ftit, il-konklużjonijiet dwar l-impjieg kif stipulati fil-premessa (92) tar-Regolament provviżorju huma kkonfermati. |
6.3. Data marbuta mal-produtturi tal-Unjoni fil-kampjun (indikaturi mikroekonomiċi)
(73) |
Wara l-iżvelar tas-sejbiet provviżorji fil-premessi minn (93) sa (108) il-Kummissjoni aġġornat is-sorsi tad-data li fuqhom dawn is-sejbiet kienu bbażati. Dan l-aġġornament ma biddilx b’mod sinifikanti l-indikaturi ppubblikati fir-Regolament provviżorju u lanqas ma biddel it-tendenzi li fuqhom kienet ibbażata l-analiżi li saret mill-Kummissjoni dwar il-ħsara. Id-data aġġornata hija ppubblikata hawn taħt kif ġej: |
6.3.1. Prezzijiet medji tal-unità tal-produtturi rappreżentattivi tal-Unjoni
(74) |
Wara l-waqgħa fil-prezz tal-unità ta’ 21 % fl-2009 għal klijenti mhux relatati u t-telf li jmur ma’ dan, il-prezz tal-unità beda jirkupra. Fl-2010 u matul il-PI, l-industrija tal-Unjoni esperjenzat żieda fil-kosti u setgħet biss iżżid il-prezzijiet moderatament kemm tkoprihom, biżżejjed kemm iżżommhom profittabbli fuq l-istess livell għall-2010 u l-PI. Madankollu, dan irriżulta f’aktar telf fis-sehem mis-suq peress li l-prezzijiet tal-importazzjoni Ċiniżi kienu dejjem irħas mill-prezzijiet tal-industrija tal-Unjoni.
|
6.3.2. Profitt, fluss ta’ flus, investimenti, redittu fuq l-investiment
(75) |
Din it-tabella ’hija inkluża hawnhekk għal referenza faċli, peress li d-data u għalhekk il-konklużjonijiet miġbura minnha ma nbidlux.
|
6.3.3. Ħażniet
(76) |
Din it-tabella qed terġa’ tiddaħħal hawnhekk għal referenza faċli, peress li d-data u għalhekk il-konklużjonijiet miġbura minnha ma nbidlux.
|
6.3.4. Impjiegi, pagi u produttività
(77) |
Din it-tabella qed terġa’ tiddaħħal hawnhekk għal referenza faċli, peress li d-data u għalhekk il-konklużjonijiet miġbura minnha ma nbidlux.
|
6.3.5. Użu intern u bejgħ intern
|
2008 |
2009 |
2010 |
PI |
||
Użu intern u bejgħ intern (tunnellati) |
1 135 987 |
914 412 |
986 386 |
970 757 |
||
Indiċi (2008=100) |
100 |
80 |
87 |
85 |
||
Sehem mis-suq (%) |
22 |
24 |
22 |
20 |
||
Indiċi (2008=100) |
100 |
108 |
99 |
92 |
||
|
|
2008 |
2009 |
2010 |
PI |
||
Użu ristrett u bejgħ ristrett (EUR/tunnellata) |
962 |
802 |
901 |
965 |
||
Indiċi (2008=100) |
100 |
83 |
94 |
100 |
||
|
(78) |
Minkejja l-korrezzjonijiet magħmula għad-data ppubblikata fir-Regolament Provviżorju, is-sejbiet dwar l-użu u l-bejgħ intern ma jinbidlux. Il-valur medju għal kull tunnellata ta’ bejgħ intern baqa’ stabbli matul il-perijodu kkunsidrat u kien 3 % iktar baxx mill-prezz tal-bejgħ lil klijenti mhux relatati fil-PI tal-produtturi tal-Unjoni fil-kampjun. |
6.4. Il-konklużjoni dwar il-ħsara
(79) |
Abbażi ta’ dan ta’ hawn fuq, is-sejbiet provviżorji stipulati fil-premessi minn (110) sa (113) tar-Regolament provviżorju huma b’dan ikkonfermati. |
(80) |
Wara l-pubblikazzjoni tar-Regolament provviżorju żewġ partijiet ippreżentaw ruħhom u sostnew li data iżjed riċenti kienet tkun aktar rilevanti biex tiġi stabbilita l-ħsara u li l-Kummissjoni ma messhiex ħadet l-2008 bħala l-punt tat-tluq għall-analiżi tal-ħsara, iżda pjuttost kien imissha użat l-2009. Huma stqarrew li l-każistika tad-WTO għamlet il-punt li data iżjed riċenti hija aktar rilevanti biex tiġi stabbilita l-ħsara minn data storika, u li r-riżultat ta’ paragun minn tarf sa tarf jiddependi ħafna fuq liema snin jintużaw, billi bidla minn sena waħda għal oħra tista’ turi riżultat differenti. Minħabba f’dan, tqabbil mill-2009 sa tmiem il-PI juri tendenza differenti minn tqabbil mill-bidu tal-perijodu meqjus sa tmiem il-PI. |
(81) |
Din it-talba ma ntlaqgħetx. Il-perijodu kkunsidrat kien definit f’konformità mal-prattika normali, u mar-rakkomandazzjonijiet tad-WTO, bħala perijodu oġġettiv ta’ tlieta sa erba’ snin li jispiċċa fi tmiem il-perijodu ta’ investigazzjoni, li fih innifsu huwa perijodu ta’ 12-il xahar li jintemm kemm jista’ jkun qrib id-data ta’ bidu. |
(82) |
Anki jekk il-perijodu meqjus kien beda fl-2009, is-sejba ta’ ħsara materjali tibqa’ valida. L-industrija tal-Unjoni ma kinitx laħqet il-profitt fil-mira tagħha b’żieda fl-importazzjonijiet matul il-perijodu minkejja żieda fil-volumi tal-produzzjoni, u l-volumi tal-bejgħ, u żieda fil-produttività. Hekk kif il-konsum għola wara l-2009 din iż-żieda kienet fornuta mill-importazzjonijiet miċ-Ċina, u mhux mill-industrija tal-Unjoni, li tilfet is-sehem tagħha mis-suq mill-2009 sa tmiem il-PI. |
7. KAWŻALITÀ
7.1. L-effett tal-importazzjonijiet li huma l-oġġett ta’ dumping
(83) |
Fin-nuqqas ta’ kummenti, is-sejbiet provviżorji stipulati fil-premessi minn (115) sa (120) tar-Regolament provviżorju huma b’dan ikkonfermati. |
7.2. L-effett ta’ fatturi oħra
7.2.1. L-importazzjonijiet minn pajjiżi terzi
Pajjiż |
|
2008 |
2009 |
2010 |
PI |
||
il-Korea ta’ Isfel |
Volum (tunnellati) |
228 123 |
226 568 |
173 935 |
237 164 |
||
|
Indiċi (2008=100) |
100 |
99 |
76 |
104 |
||
|
Sehem mis-suq (%) |
4,4 |
5,8 |
3,8 |
4,9 |
||
|
Indiċi (2008=100) |
100 |
133 |
87 |
112 |
||
|
Prezz medju |
901 |
727 |
846 |
903 |
||
|
Indiċi (2008=100) |
100 |
81 |
94 |
100 |
||
l-Indja |
Volum (tunnellati) |
159 999 |
149 138 |
155 384 |
141 391 |
||
|
Indiċi (2008=100) |
100 |
93 |
97 |
88 |
||
|
Sehem mis-suq (%) |
3,1 |
3,8 |
3,4 |
2,9 |
||
|
Indiċi (2008=100) |
100 |
125 |
111 |
95 |
||
|
Prezz medju |
932 |
667 |
773 |
824 |
||
|
Indiċi (2008=100) |
100 |
72 |
83 |
88 |
||
Pajjiżi Oħra |
Volum (tunnellati) |
249 151 |
158 461 |
124 319 |
167 007 |
||
|
Indiċi (2008=100) |
100 |
64 |
50 |
67 |
||
|
Sehem mis-suq (%) |
4,8 |
4,1 |
2,7 |
3,5 |
||
|
Indiċi (2008=100) |
100 |
85 |
57 |
72 |
||
|
Prezz medju |
951 |
809 |
924 |
955 |
||
|
Indiċi (2008=100) |
100 |
85 |
97 |
100 |
||
Total tal-pajjiżi terzi kollha għajr ir-RPĊ |
Volum (tunnellati) |
637 274 |
534 167 |
453 637 |
545 562 |
||
|
Indiċi (2008=100) |
100 |
84 |
71 |
86 |
||
|
Sehem mis-suq (%) |
12,3 |
13,8 |
10,0 |
11,3 |
||
|
Indiċi (2008=100) |
100 |
112 |
81 |
92 |
||
|
Prezz medju |
929 |
735 |
842 |
898 |
||
|
Indiċi (2008=100) |
100 |
79 |
91 |
97 |
||
|
(84) |
Minħabba l-bidliet żgħar li saru lid-data mill-industrija tal-Unjoni, dawn ukoll affettwaw kemmxejn lid-data li tikkonċerna l-ishma mis-suq ta’ importazzjonijiet minn pajjiżi terzi. |
(85) |
Xi partijiet interessati kkontestaw id-deċiżjoni tal-Kummissjoni li tibda investigazzjoni kontra ċ-Ċina biss, u mhux kontra l-Indja u l-Korea ta’ Isfel, għalkemm il-volumi ta’ importazzjonijiet u t-tendenzi tal-prezzijiet qablu ma’ dawk tal-RPĊ. |
(86) |
Kif stipulat fil-premessi minn (120) sa (122) tar-Regolament provviżorju, il-volumi tal-importazzjoni mill-Indja naqsu matul il-perijodu meqjus, u l-importazzjonijiet mill-Korea ta’ Isfel żdiedu b’4 % biss. Il-prezzijiet tal-Indja naqsu bi 12 % u l-prezzijiet tal-Korea ta’ Isfel baqgħu stabbli, iżda dejjem ogħla minn dawk taċ-Ċina. L-argument għalhekk ma ntlaqax billi l-Kummissjoni ma rċeviet l-ebda evidenza jew allegazzjoni ta’ dumping u ta’ ħsara li tirriżulta mingħand dawk il-pajjiżi. |
(87) |
Is-sejbiet stabbiliti fil-premessi minn (120) sa (122) tar-Regolament provviżorju huma għaldaqstant ikkonfermati. |
7.2.2. Il-prestazzjoni tal-esportazzjoni tal-industrija tal-Unjoni
|
2008 |
2009 |
2010 |
PI |
||
Esportazzjonijiet, Eurostat (tunnellati) |
669 790 |
612 204 |
580 477 |
605 760 |
||
Indiċi (2008=100) |
100 |
91 |
87 |
90 |
||
Prezz medju (EUR/tunnellata) |
1 068 |
937 |
995 |
1 092 |
||
Indiċi (2008=100) |
100 |
88 |
93 |
102 |
||
Esportazzjonijiet minn produtturi tal-Unjoni fil-kampjun |
53 542 |
46 516 |
48 102 |
46 228 |
||
Indiċi (2008=100) |
100 |
87 |
90 |
86 |
||
Medja tal-prezz tal-bejgħ (EUR/tunnellata) |
1 086 |
826 |
984 |
1 132 |
||
Indiċi (2008=100) |
100 |
76 |
91 |
104 |
||
|
(88) |
Fin-nuqqas ta’ kummenti dwar il-prestazzjoni tal-esportazzjoni tal-industrija tal-Unjoni, is-sejbiet tal-premessi minn (123) sa (124) huma b’ dan ikkonfermati. |
7.2.3. L-importazzjonijiet mir-RPĊ lill-industrija tal-Unjoni
(89) |
Xi partijiet baqgħu jagħmlu l-allegazzjonijiet li kuntrarju għal dak iddikjarat fil-premessa (125) tar-Regolament provviżorju, il-volumi ta’ importazzjonijiet tal-industrija tal-Unjoni mir-RPĊ kienu jirrappreżentaw madwar 40 % tal-importazzjonijiet totali mir-RPĊ. Ma kien hemm l-ebda evidenza għal din l-allegazzjoni u ma setgħetx tiġi kkonfermata. L-allegazzjoni għalhekk ma ntlaqgħetx. |
(90) |
Wara l-iżvelar finali importatur wieħed sostna li l-industrija tal-Unjoni kienet qed timporta kwantitajiet kbar tal-prodott ikkonċernat mir-RPĊ u uża d-data dwar il-bejgħ mill-ġdid tiegħu biex juri dan. |
(91) |
Il-fatt li l-industrija tal-Unjoni importat kwantitajiet tal-prodott ikkonċernat mir-RPĊ mhux qed jiġi kkontestat. Madankollu, anki bl-użu tad-data tal-importatur stess, il-volum mitlub huwa ta’ inqas minn 1 % tal-importazzjonijiet totali mir-RPĊ u għalhekk negliġibbli. Kif iddikjarat fil-premessa (125) tar-Regolament provviżorju, l-importazzjonijiet mir-RPĊ mill-industrija tal-Unjoni kienu minn 2 % sa 3 % tat-total tal-importazzjonijiet matul il-perijodu ta’ investigazzjoni. |
(92) |
Is-sejbiet tal-premessa (125) tar-Regolament provviżorju huma għalhekk ikkonfermati. |
7.2.4. Użu ristrett u bejgħ ristrett
(93) |
Wara l-iżvelar finali s-CISA ddikjarat wkoll li l-AMO disponibbli mill-industrija tal-Unjoni lin-negozji downstream relatati tagħha kellhom prezz “issussidjat”, b’hekk l-Unjoni kienet qed tippermettilhom li jbigħu bi prezz aktar baxx minn dak tal-kompetituri tagħhom fis-settur downstream. Madankollu, ma ngħatat l-ebda evidenza biex tinbidel il-konklużjoni tal-Kummissjoni fil-premessa (127) tar-Regolament provviżorju, jiġifieri li d-differenza fil-prezz bejn bejgħ relatat u mhux relatat kienet żgħira (2 %) u li dan ma kienx każ ta’ ħsara kkaġunata minnhom stess. |
(94) |
Is-CISA kkontestat ukoll id-data dwar il-kost tal-produzzjoni tal-prodotti AMO u, wkoll, il-prezz tal-prodotti AMO lil partijiet relatati. Minħabba l-prezz ta’ bejgħ ta’ rombli ggalvanizzati mgħaddsa fis-sħana, materja prima fil-manifattura tal-AMO, dawn jallegaw li l-kost tal-produzzjoni tal-prodotti AMO fil-perijodu ta’ investigazzjoni ma setax jaqbeż id-900 EUR/tunnellata. |
(95) |
Il-Kummissjoni ma tikkontestax id-data pprovduta mis-CISA rigward il-kost tal-produzzjoni ta’ rombli ggalvanizzati mgħaddsa fis-sħana, madankollu tfakkar li l-kost tal-produzzjoni tal-AMO kien verifikat mill-produtturi tal-Unjoni kollha fil-kampjun. Il-Kummissjoni hija sodisfatta li l-kost sħiħ ta’ produzzjoni (materja prima, l-ipproċessar, il-kisi, il-kost ġenerali, amministrattiv u tal-bejgħ, il-kosti finanzjarji eċċ.) huwa kif stipulat fil-premessa (74) ta’ hawn fuq. |
(96) |
Is-CISA mbagħad sostniet li l-bejgħ tal-AMO lill-partijiet interessati huwa magħmul b’telf u għalhekk huwa kawża ta’ ħsara għall-industrija tal-Unjoni. Dan huwa bbażat fuq paragun tal-ispiża totali tal-produzzjoni (978 EUR/tunnellata) versus il-prezz medju ta’ bejgħ relatat (965 EUR/tunnellata). |
(97) |
Għalkemm huwa korrett li paragun matematiku sempliċi jkun jissuġġerixxi li l-bejgħ relatat sar b’telf, dan jassumi li l-industrija tal-Unjoni teħel l-istess livell ta’ spejjeż ġenerali, amministrattivi u tal-bejgħ flimkien ma’ spejjeż ġenerali oħra fuq il-bejgħ intern ugwali għal dawk l-ispejjeż fuq il-bejgħ indipendenti. Kif iddikjarat fil-premessa (105) tar-Regolament provviżorju, il-bejgħ lill-partijiet relatati sar fuq bażi ta’ “kost b’żjieda” u għalhekk l-industrija tal-Unjoni kienet qed tirkupra l-ispejjeż tagħha fuq dan il-bejgħ. |
(98) |
Fin-nuqqas ta’ kummenti oħra dwar dan il-punt is-sejbiet tal-premessi minn (126) sa (127) tar-Regolament provviżorju huma b’dan ikkonfermati. |
7.2.5. Il-kriżi ekonomika
(99) |
Wara l-iskadenza għal kummenti dwar l-iżvelar finali parti interessata nnotat l-għeluq ta’ impjant imħabbar fil-Belġju, u li ċirkostanza ta’ forza maġġuri kienet qed tikkawża diffikultajiet għall-produzzjoni normali u bil-baħar minn faċilitajiet oħra fil-Belġju. Il-parti interessata allegat li dan juri n-nuqqas ta’ sigurtà tal-provvista ta’ AMO fl-UE u din kienet raġuni sabiex wieħed jippermetti lill-importaturi u lill-utenti jakkwistaw liberament l-AMO tagħhom mill-UE u miċ-Ċina. |
(100) |
Dawn l-argumenti ma ntlaqgħux. Minħabba li l-utilizzazzjoni tal-kapaċità fl-UE hija baxxa, il-kwistjoni mhix waħda ta’ problema ta’ provvista billi l-industrija tal-Unjoni jkollha biżżejjed kapaċità disponibbli. Fi kwalunkwe każ l-istabbiliment li ngħalaq fil-Belġju ma kienx jimmanifattura AMO. Is-sigurtà tal-provvista hija naturalment importanti, iżda d-dazji proposti f’dan il-każ mhumiex imfassla biex iwaqqfu l-provvista tal-AMO miċ-Ċina, iżda sempliċement biex jipprevjenu li dik il-provvista ssir l-oġġett ta’ dumping fis-suq tal-Unjoni. |
(101) |
Fin-nuqqas ta’ kummenti oħra dwar dan il-punt is-sejbiet tal-premessi minn (128) sa (129) tar-Regolament provviżorju huma b’dan ikkonfermati. |
7.2.6. L-eċċess ta’ kapaċità strutturali
(102) |
Xi partijiet għamlu aktar allegazzjonijiet li l-produtturi tal-Unjoni kellhom kapaċità strutturali eċċessiva, li tisboq il-konsum totali tal-Unjoni. L-allegazzjoni kienet saret fi stadju aktar bikri u ġiet ittrattata fil-premessi minn (130) sa (132) tar-Regolament provviżorju. Fl-assenza ta’ aktar evidenza dwar dan il-punt, il-konklużjoni ta’ dawn il-premessi hija għalhekk ikkonfermata. |
7.2.7. Iż-żieda fl-ispejjeż tal-produzzjoni
(103) |
Xi partijiet għamlu aktar allegazzjonijiet li sors ta’ ħsara għall-produtturi tal-Unjoni kienet tfisser żieda fil-kost tagħhom tal-produzzjoni matul il-perijodu meqjus. Id-data ta’ hawn fuq turi li l-kost tal-produzzjoni bħala medja żdied b’6 % biss. Fl-assenza ta’ importazzjonijiet li huma l-oġġett ta’ dumping mir-RPĊ l-industrija tal-Unjoni kellha tkun kapaċi tgħaddi din iż-żieda lill-klijenti tagħha, iżda l-prezzijiet naqsu bi 3 %. Għalhekk, il-pretensjoni li l-kost tal-produzzjoni kien kawża tal-ħsara ma ntlaqgħetx. |
7.3. Konklużjoni dwar il-kawżalità
(104) |
Abbażi ta’ dan ta’ hawn fuq, is-sejbiet provviżorji kif stipulat fil-premessi minn (133) sa (136) tar-Regolament provviżorju li l-importazzjonijiet li huma l-oġġett ta’ dumping mir-RPĊ kkawżaw ħsara materjali lill-industrija tal-Unjoni skont it-tifsira tal-Artikolu 3(6) tar-Regolament bażiku, huma kkonfermati. Is-sejbiet provviżorji dwar l-effett ta’ fatturi oħra magħrufa li setgħu kkawżaw ħsara lill-industrija tal-Unjoni ġew ikkonfermati wkoll: dawn il-fatturi ma kinux tali li jkissru r-rabta kawżali stabbilita bejn l-importazzjonijiet li huma l-oġġett ta’ dumping mir-RPĊ u l-ħsara li ġarrbet l-industrija tal-Unjoni. |
8. L-INTERESS TAL-UNJONI
8.1. L-industrija tal-Unjoni
(105) |
Ma waslu l-ebda kummenti ġodda jew informazzjoni dwar l-interess tal-produtturi tal-Unjoni wara l-iżvelar tas-sejbiet provviżorji. Għalhekk, il-premessi minn (138) sa (143) tar-Regolament provviżorju dwar l-interess ta’ dawn il-partijiet interessati huma b’dan ikkonfermati. |
8.2. L-importaturi, il-kummerċjanti u l-utenti
(106) |
Waslu kummenti mingħand importaturi u partijiet interessati oħra wara l-iżvelar finali, madankollu l-ebda kummenti ġodda jew informazzjoni ma waslu dwar l-interess tal-importaturi, il-kummerċjanti jew l-utenti. Għalhekk, is-sejbiet provviżorji fil-premessi minn (144) sa (152) tar-Regolament provviżorju dwar l-interess ta’ dawn il-partijiet huma b’dan ikkonfermati. |
8.3. Il-konklużjoni dwar l-interess tal-Unjoni
(107) |
Fid-dawl ta’ dan ta’ hawn fuq, is-sejbiet provviżorji dwar l-interess tal-Unjoni huma kkonfermati, jiġifieri ma hemmx raġunijiet validi kontra l-impożizzjoni tal-miżuri definittivi fuq l-importazzjonijiet ta’ prodotti AMO li joriġinaw mir-RPĊ. |
9. MIŻURI ANTI-DUMPING DEFINITTIVI
9.1. Il-livell ta’ tneħħija tal-ħsara
(108) |
Wara l-iżvelar provviżorju, żewġ partijiet interessati ddikjaraw li d-data pprovduta ma tatx biżżejjed informazzjoni u spjega dwar il-kalkolu tal-marġni ta’ twaqqigħ tal-prezzijiet u bejgħ bi prezz anqas mill-kost. Kif spjegat fl-iżvelar provviżorju, xi valuri ma kinux żvelati għal raġunijiet ta’ kunfidenzjalità billi l-mudell ikkonċernat kien biss immanifatturat minn produttur wieħed jew tnejn tal-Unjoni. Fl-istadju ta’ żvelar finali ġew żvelati l-meded ta’ possibbiltajiet għal dawn il-mudelli. |
(109) |
Il-partijiet interessati kkontestaw ukoll l-użu ta’ 6,7 % bħala l-profitt fil-mira tal-industrija tal-Unjoni għall-kalkolu tal-marġni ta’ ħsara. Huma sostnew li profitt bħal dan huwa esaġerat u mhux realistiku minħabba l-ambjent ekonomiku attwali u minħabba li l-2008 ma kinitx sena rappreżentattiva għall-profittabbiltà, billi kienet sena eċċezzjonali għall-industrija tal-azzar. |
(110) |
Din il-pretensjoni ma ntlaqgħetx. L-ewwel nett, il-profittabbiltà għall-prodotti AMO kienet fil-fatt ogħla qabel l-2008 milli fl-2008, fatt li jikkontradixxi l-pretensjoni li l-2008 kienet sena eċċezzjonali. It-tieni, il-profitt fil-mira huwa l-profitt li jista’ jinkiseb fin-nuqqas ta’ importazzjonijiet li huma l-oġġett ta’ dumping. L-2008 kienet l-aħħar sena li fiha l-effetti sħaħ tal-importazzjonijiet dumped kienu għadhom ma bdewx jinħassu mill-industrija tal-Unjoni u għalhekk hija bażi xierqa biex jiġi stabbilit il-profitt fil-mira. |
(111) |
Wara l-iżvelar finali l-partijiet interessati mill-ġdid sfidaw l-użu ta’ 6,7 % bħala l-profitt fil-mira tal-industrija tal-Unjoni u d-deskrizzjoni tal-2008 bħala sena rappreżentattiva għall-profitabbiltà. Dan l-argument ma ntlaqax billi ma tressqet l-ebda evidenza dwar x’seta’ kien il-profitt tal-industrija tal-Unjoni fl-2008 fin-nuqqas tal-kriżi finanzjarja. Barra minn hekk, l-argument tagħhom li l-profitt li għamlet l-industrija tal-Unjoni fl-2008 kien affettwat mill-kriżi finanzjarja, li jrendi l-2008 sena eċċezzjonali, jkun donnu jissuġġerixxi l-argument li l-profitt iġġenerat fl-2008 huwa aktar baxx minn dak li l-industrija tistenna f’sena normali. |
(112) |
Il-partijiet interessati indikaw ukoll il-fatt li l-volumi tal-importazzjonijiet mir-RPĊ kienu l-aktar baxxi fl-2009 pjuttost milli fl-2008. Madankollu, peress li l-industrija tal-Unjoni ma kinitx tagħmel profitt fl-2009, huwa impossibbli li tintuża d-data tal-2009 biex jiġi stabbilit profitt fil-mira għall-industrija tal-Unjoni. |
(113) |
Is-CISA kompliet tallega li l-profitt lil klijenti mhux relatati fl-2008 ma jistax jintuża bħala l-profitt fil-mira għaliex f’dik is-sena kienet tidher l-akbar differenza fil-prezz bejn bejgħ relatat u mhux relatat. Dan l-argument ma ntlaqax, billi d-differenza fil-prezz mhijiex rilevanti għall-kalkolu tal-profitt ta’ bejgħ lil klijenti mhux relatati. |
(114) |
Is-CISA mbagħad ipproponiet li l-profitt fil-mira għall-bejgħ tal-AMO lill-partijiet mhux relatati fl-UE jkun ibbażat fuq il-profitt medju kumplessiv għall-korporazzjoni multinazzjonali ArcelorMittal għas-snin 2010 u 2011. Dan ma ntlaqax bħala sors affidabbli għall-profitt fuq l-AMO fl-Unjoni fin-nuqqas tal-importazzjonijiet li huma l-oġġett ta’ dumping, billi t-teħid tal-profitt kollu tal-grupp ArcelorMittal madwar id-dinja jidher biċ-ċar li mhuwiex rappreżentattiv tal-profitt fuq il-bejgħ ta’ AMO fl-Unjoni. |
(115) |
Il-partijiet interessati wkoll ikkontestaw il-kosti ta’ wara l-importazzjoni użati biex jiġu kkalkulati d-dazji provviżorji billi dawn kienu bbażati fuq id-data minn importatur wieħed biss. Il-Kummissjoni vverifikat it-tieni importatur fi stadju aktar tard u d-data tiegħu issa ntużat biex jiġu kkalkulati l-kosti ta’ wara l-importazzjoni. Bl-użu tal-medja taż-żewġ kumpanniji dawn il-kosti issa naqsu bi ftit, u minħabba f’hekk żiedu l-marġnijiet tal-ħsara skont dan. |
(116) |
Parti interessata waħda kkontestat il-metodoloġija tal-Kummissjoni għall-kalkolu tal-marġni tal-bejgħ taħt il-prezz. Madankollu, din il-kontestazzjoni kienet imsejsa fuq preżunzjoni żbaljata li l-Kummissjoni kienet ikkalkolat il-marġni ta’ bejgħ taħt il-prezz billi neħħiet il-profitt medju tal-industrija tal-Unjoni fil-PI (2,6 %) mill-prezz tas-suq biex tilħaq "il-punt ta’ bilanċ” (jiġifieri prezz li ma jkun jirriżulta fl-ebda profitt) u mbagħad jiżdied il-profitt fil-mira fuq dan il-“punt ta’ bilanċ"’. |
(117) |
Il-Kummissjoni kkalkolat il-marġni tal-orħos prezz ta’ bejgħ billi żiedet il-profitt fil-mira mal-ispiża tal-produzzjoni ta’ kull tip ta’ prodott. Il-metodoloġija li ssuġġeriet din il-parti interessata mhijiex korretta, għax il-profitt medju ta’ 2,6 % ma nkisibx awtomatikament fuq kull bejgħ ta’ kull mudell mill-kumpanniji kollha li ntużaw għall-ġbir ta’ data. |
(118) |
Waħda mill-partijiet interessati wkoll ikkontestat il-kalkoli magħmula mill-Kummissjoni dwar il-ħsara. Minħabba li din il-parti ma kellhiex aċċess sħiħ għad-data użata mill-Kummissjoni biex tikkalkula l-marġni ta’ ħsara, hija ppruvat tikkalkulah waħidha, waqt li bbażat fuq l-għarfien tagħha tad-differenza fil-prezz fis-suq bejn is-substrat miksi b’liga tal-aluminju-żingu u s-substrat miksi biż-żingu, li kienet ikkalkulat li jammonta għal USD 50 għal kull MT. Dan il-“kalkolu mill-ġdid”, ibbażat fuq data mhux kompluta, irriżulta f’marġni ta’ ħsara aktar baxx minn dak li l-Kummissjoni kienet ikkalkulat u żvelat. |
(119) |
L-argumenti tagħhom ma ntlaqgħux għaliex wara analiżi tad-data kollha kemm mill-produtturi esportaturi kif ukoll mill-industrija tal-Unjoni, id-differenza allegata fil-prezz ma setgħetx tinstab. Konsegwentement, għandu jkun enfasizzat li d-data li l-parti interessata kienet qed tuża ma kinitx kompluta u għalhekk ma setgħetx titqies bħala affidabbli biex tirriproduċi l-kalkoli magħmula mill-Kummissjoni dwar il-ħsara. |
(120) |
Il-premessi minn (154) sa (158) tar-Regolament provviżorju huma b’dan ikkonfermati. |
9.2. Miżuri definittivi
(121) |
Fid-dawl tal-konklużjonijiet li ntlaħqu rigward id-dumping, il-ħsara, il-kawżazzjoni u l-interess tal-Unjoni, u skont l-Artikolu 9(4) tar-Regolament bażiku, għandu jiġi impost dazju anti-dumping definittiv fuq l-importazzjonijiet tal-prodotti AMO li joriġinaw mir-RPĊ fil-livell tal-marġni inqas baxx tad-dumping u tal-ħsara misjub, skont ir-regola ta’ dazju aktar baxx. F’dan il-każ, ir-rata tad-dazju għandha tkun stabbilita kif xieraq fil-livell tal-ħsara li nstabet. |
(122) |
Seba’ kumpanniji li ma kinux fil-kampjun ikkooperaw mal-investigazzjoni tal-antidumping, iżda mhux ma dik parallela kontra s-sussidji. Għal dawn il-kumpanniji, ir-rata ta’ dazju antidumping huwa stabbilit għal żero. Fl-investigazzjoni kontra s-sussidji, dawn il-kumpanniji se jkunu soġġetti għal dazju residwu. |
(123) |
Sabiex jiġi żgurat trattament ugwali bejn kwalunkwe produttur esportatur ġdid u l-kumpanniji li qegħdin jikkooperaw mhux inklużi fil-kampjun, għandu jiġi pprovdut dazju medju peżat impost fuq il-kumpanniji msemmija l-aħħar li għandu jiġi applikat għal kwalunkwe produttur ġdid li b’mod ieħor ma kienx ikun intitolat għal reviżjoni skont l-Artikolu 11(4) tar-Regolament bażiku, billi l-Artikolu 11(4) ma japplikax fejn ikun ġie applikat il-kampjunar. |
(124) |
Fuq il-bażi ta’ hawn fuq, ir-rata li biha se jiġu imposti dawn id-dazji hija stabbilita kif ġej:
|
10. ĠBIR DEFINITTIV TAD-DAZJU PROVVIŻORJU
(125) |
Fid-dawl tad-daqs tal-marġni tad-dumping li nstab u fid-dawl tal-livell tal-ħsara kkawżata lill-industrija tal-Unjoni, u bil-kunsiderazzjoni tal-fatt li ma ġewx imposti miżuri provviżorji fl-investigazzjoni parallela kontra s-sussidji, jitqies neċessarju li l-ammonti garantiti permezz tad-dazju antidumping provviżorju impost bir-Regolament provviżorju jinġabru definittivament sal-ammont tad-dazju provviżorju impost. F’dawn iċ-ċirkostanzi, id-dazju provviżorju bir-rati stipulati fl-Artikolu 1(2) tar-Regolament provviżorju għandu jinġabar definittivament, Madanakollu l-ammonti miġbura b’mod provviżorju għall-prodotti b’substrat b’kisi metalliku ta’ kromju jew ta’ landa għandhom jiġu rilaxxati, |
ADOTTA DAN IR-REGOLAMENT:
Artikolu 1
1. B’dan, qed jiġi impost dazju antidumping definittiv fuq l-importazzjonijiet ta’ ċerti prodotti tal-azzar miksija b’materjal organiku, jiġifieri prodotti ċatti rrumblati tal-azzar liga jew mhux liga (ma jinkludix l-azzar li ma jsaddadx) li huma miżbugħa, mogħtija l-verniċ jew miksija bi plastik fuq mill-anqas naħa waħda, bl-eskluzjoni ta' dawk imsejħa "pannelli sandwich" tat-tip użati għall-applikazzjonijiet fil-bini u li jikkonsistu minn żewġ folji tal-metall fuq barra u b’qalba ta’ stabbilizzazzjoni ta’ materjal għall-insulazzjoni marsus bejniethom, bl-esklużjoni ta' dawk il-prodotti b’kisi finali tat-trab taż-żingu (żebgħa rikka fiż-żingu, li fiha piż ta’ 70 % jew aktar ta’ żingu) u bl-esklużjoni ta' dawk il-prodotti b’substrat miksi b’kisja metallika tal-kromju jew tal-landa, li attwalment jaqgħu taħt il-kodiċi NM ex 7210 70 80, ex 7212 40 80, ex 7225 99 00, ex 7226 99 70 (kodiċi TARIC 7210708011, 7210708091, 7212408001, 7212408021, 7212408091, 7225990011, 7225990091, 7226997011 u 7226997091) u li joriġinaw mir-Repubblika Popolari taċ-Ċina.
2. Ir-rata tad-dazju antidumping definittiv għandha tkun kif ġej:
Kumpannija |
Dazju (%) |
Kodiċi addizzjonali TARIC |
Union Steel China |
0 |
B311 |
Zhangjiagang Panhua Steel Strip Co., Ltd, Chongqing Wanda Steel Strip Co., Ltd, u Zhangjiagang Free Trade Zone Jiaxinda International Trade Co., Ltd. |
26,1 |
B312 |
Zhejiang Huadong Light Steel Building Material Co., Ltd u Hangzhou P.R.P.T. Metal Material Company, Ltd. |
5,9 |
B313 |
Angang Steel Company Limited |
16,2 |
B314 |
Anyang Iron Steel Co., Ltd. |
0 |
B315 |
Baoshan Iron & Steel Co., Ltd. |
0 |
B316 |
Baoutou City Jialong Metal Works Co., Ltd. |
16,2 |
B317 |
Changshu Everbright Material Technology Co., Ltd. |
16,2 |
B318 |
Changzhou Changsong Metal Composite Material Co., Ltd. |
16,2 |
B319 |
Cibao Modern Steel Sheet Jiangsu Co., Ltd. |
0 |
B320 |
Inner Mongolia Baotou Steel Union Co., Ltd. |
16,2 |
B321 |
Jiangyin Ninesky Technology Co., Ltd. |
0 |
B322 |
Jiangyin Zhongjiang Prepainted Steel Mfg Co., Ltd. |
0 |
B323 |
Jigang Group Co., Ltd. |
16,2 |
B324 |
Maanshan Iron&Steel Company Limited |
16,2 |
B325 |
Qingdao Hangang Color Coated Sheet Co., Ltd. |
16,2 |
B326 |
Shandong Guanzhou Co., Ltd. |
16,2 |
B327 |
Shenzen Sino Master Steel Sheet Co., Ltd. |
16,2 |
B328 |
Tangshan Iron And Steel Group Co., Ltd. |
16,2 |
B329 |
Tianjin Xinyu Color Plate Co., Ltd. |
16,2 |
B330 |
Wuhan Iron And Steel Company Limited |
16,2 |
B331 |
Wuxi Zhongcai New Materials Co., Ltd. |
0 |
B332 |
Xinyu Iron And Steel Co., Ltd. |
0 |
B333 |
Zhejiang Tiannu Color Steel Co., Ltd. |
16,2 |
B334 |
Il-kumpanniji l-oħra kollha |
13,6 |
B999 |
3. Sakemm ma jkunx speċifikat mod ieħor, japplikaw id-dispożizzjonijiet fis-seħħ dwar id-dazji doganali.
Artikolu 2
L-ammonti depożitati bħala titolu ekwivalenti għad-dazju antidumping provviżorju skont ir-Regolament (UE) Nru 845/2012 għandhom jinġabru definittivament bir-rata stipulata fl-Artikolu 1 ta’ dak ir-Regolament. Madankollu, l-ammonti depożitati b’mod provviżorju għall-prodotti b’substrat b’ kisi metalliku ta’ kromju jew ta’ landa għandhom jiġu rilaxxati.
Artikolu 3
Fejn xi produttur mir-Repubblika Popolari taċ-Ċina jipprovdi biżżejjed evidenza lill-Kummissjoni li ma esportax il-merkanzija deskritta fl-Artikolu 1(1) li toriġina mir-Repubblika Popolari taċ-Ċina matul il-perijodu tal-investigazzjoni (mill-1 ta’ Ottubru 2010 sat-30 ta’ Settembru 2011); li mhuwiex relatat ma’ esportatur jew produttur soġġett għall-miżuri imposti minn dan ir-Regolament; u li fil-fatt huwa esporta l-merkanzija kkonċernata jew daħal f’obbligu kuntrattwali irrevokabbli biex jesporta kwantità sinifikanti lill-Komunità wara t-tmiem tal-perijodu ta’ investigazzjoni, il-Kunsill, waqt li jaġixxi b’maġġoranza sempliċi fuq proposta mill-Kummissjoni, wara li jikkonsulta lill-Kumitat Konsultattiv, jista’ jemenda l-Artikolu 1(2) sabiex jattribwixxi lil dak il-produttur id-dazju applikabbli għall-produtturi li kkooperaw li mhumiex fil-kampjun.
Artikolu 4
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta’ Marzu 2013.
Għall-Kunsill
Il-President
E. GILMORE
(1) ĠU L 343, 22.12.2009, p. 51.
(2) ĠU L 252, 19.09.2012, p. 33.
(3) Ara paġna 16 ta' dan il-Ġurnal Uffiċjali