EUR-Lex Access to European Union law
This document is an excerpt from the EUR-Lex website
Document 32013R0105
Commission Implementing Regulation (EU) No 105/2013 of 4 February 2013 amending Implementing Regulation (EU) No 371/2011 as regards the name of the holder of the authorisation of dimethylglycine sodium salt Text with EEA relevance
Regolament ta’ Implimentazzjoni tal-Kummissjoni (UE) Nru 105/2013 tal- 4 ta’ Frar 2013 li jemenda r-Regolament ta’ Implimentazzjoni (UE) Nru 371/2011 fir-rigward ta’ isem id-detentur tal-awtorizzazzjoni tal-melħ tas-sodju dimetilgliċina Test b’relevanza għaż-ŻEE
Regolament ta’ Implimentazzjoni tal-Kummissjoni (UE) Nru 105/2013 tal- 4 ta’ Frar 2013 li jemenda r-Regolament ta’ Implimentazzjoni (UE) Nru 371/2011 fir-rigward ta’ isem id-detentur tal-awtorizzazzjoni tal-melħ tas-sodju dimetilgliċina Test b’relevanza għaż-ŻEE
OJ L 34, 5.2.2013, p. 15–15
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 03 Volume 067 P. 89 - 89
No longer in force, Date of end of validity: 23/09/2023; Impliċitament imħassar minn 32023R1682
|
5.2.2013 |
MT |
Il-Ġurnal Uffiċjali tal-Unjoni Ewropea |
L 34/15 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 105/2013
tal-4 ta’ Frar 2013
li jemenda r-Regolament ta’ Implimentazzjoni (UE) Nru 371/2011 fir-rigward ta’ isem id-detentur tal-awtorizzazzjoni tal-melħ tas-sodju dimetilgliċina
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-additivi għall-użu fl-għalf tal-annimali (1), u b’mod partikolari l-Artikolu 13(3) tiegħu,
Billi:
|
(1) |
Taminco N.V. ressqet applikazzjoni skont l-Artikolu 13(3) tar-Regolament (KE) Nru 1831/2003 li tipproponi bidla f’isem id-detentur tal-awtorizzazzjoni fir-rigward tar-Regolament ta’ Implimentazzjoni (UE) Nru 371/2011 (2) rigward l-awtorizzazzjoni għal 10 snin tal-melħ tas-sodju dimetilgliċina, li huwa parti mill-kategorija tal-addittivi “addittivi żootekniċi” u mill-grupp funzjonali “sustanzi li jsaħħu d-diġestibbiltà”. |
|
(2) |
L-applikant iddikjara li huwa bidel il-forma legali tiegħu f’kumpanija privata b’responsabbiltà limitata b’effett mill-1 ta’ Ottubru 2012. L-applikant ressaq dejta rilevanti li tappoġġa t-talba tiegħu. |
|
(3) |
Il-bidla proposta fit-termini tal-awtorizzazzjoni għandha natura purament amministrattiva u ma tinvolvix valutazzjoni ġdida tal-addittiv ikkonċernat. L-Awtorità Ewropea dwar is-Sigurtà fl-Ikel ġiet mgħarrfa b’din l-applikazzjoni. |
|
(4) |
Sabiex l-applikant ikun jista’ jisfrutta d-drittijiet tiegħu tal-kummerċjalizzazzjoni taħt l-isem ta’ Taminco BVBA, hemm bżonn li jinbidlu t-termini tal-awtorizzazzjoni. |
|
(5) |
Ir-Regolament ta’ Implimentazzjoni (UE) Nru 371/2011 għandu għalhekk jiġi emendat skont dan. |
|
(6) |
Billi r-raġunijiet tas-sikurezza ma jeħtiġux l-applikazzjoni immedjata tal-emenda li dan ir-Regolament għamel lir-Regolament ta’ Implimentazzjoni (UE) Nru 371/2011, huwa xieraq li jiġi stipulat perjodu tranżitorju li matulu jkunu jistgħu jintużaw il-ħażniet eżistenti. |
|
(7) |
Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Fil-kolonna 2 tal-Anness tar-Regolament ta’ Implimentazzjoni (UE) Nru 371/2011 il-kelmiet “Taminco N.V.” jinbidlu bil-kelmiet “Taminco BVBA”.
Artikolu 2
Il-ħażniet eżistenti tal-addittiv li huma konformi mad-dispożizzjonijiet li japplikaw qabel id-data tad-dħul fis-seħħ ta’ dan ir-Regolament jistgħu jibqgħu jitqiegħdu fis-suq u jintużaw sakemm jispiċċaw kollha.
Artikolu 3
Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta’ Frar 2013.
Għall-Kummissjoni
Il-President
José Manuel BARROSO
(1) ĠU L 268, 18.10.2003, p. 29.
(2) ĠU L 102, 16.4.2011, p. 6.