(1)

Ir-Regolament tal-Kummissjoni (KE) Nru 1451/2007 tal-4 ta’ Diċembru 2007 dwar it-tieni fażi tal-programm ta’ ħidma ta’ 10 snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill rigward it-tqegħid fis-suq ta’ prodotti bijoċidali (2) jistabbilixxi lista ta’ sustanzi attivi li għandhom jiġu vvalutati, bil-għan li possibbilment jiġu inklużi fl-Anness I, IA jew IB għad-Direttiva 98/8/KE. Dik il-lista tinkludi d-d-fentorin.

(2)

Skont ir-Regolament (KE) Nru 1451/2007, id-d-fentorin ġie evalwat skont l-Artikolu 11(2) tad-Direttiva 98/8/KE għall-użu fit-tip ta’ prodott 18, insettiċidi, akariċidi u prodotti għall-kontroll ta’ artropodi oħra, kif definit fl-Anness V għal dik id-Direttiva.

(3)

Id-dejta sottomessa għall-fini tal-evalwazzjoni ħalliet biex il-konklużjonijiet ikunu biss dwar ċerta forma ta’ d-fenotrin, jiġifieri sustanza li jkun fiha minn tal-inqas 89 % piż skont il-piż ta’ 1R-trans fenotrin. Skont il-prassi attwali dwar it-tismija tas-sustanzi (3), dik is-sustanza għandha titqies bħala monokostitwenti u tissemma 1R-trans fenotrin. L-evalwazzjoni ma ppermettietx li jkun hemm konklużjonijiet fir-rigward ta’ sustanzi oħra li jaqgħu taħt id-definizzjoni ta’ d-fenotrin fil-lista ta’ sustanzi attivi fir-Regolament (KE) Nru 1451/2007 hawn fuq imsemmija. Għaldaqstant, l-1R-trans fentorin biss għandu jiġi inkluż fl-Anness I għad-Direttiva 98/8/KE abbażi tal-evalwazzjoni eżistenti.

(4)

L-Irlanda nħatret bħala l-Istat Membru Relatur u ssottomettiet ir-rapport tal-awtorità kompetenti, flimkien ma’ rakkomandazzjoni, lill-Kummissjoni fid-29 ta’ Lulju 2010 skont l-Artikolu 14(4) u (6) tar-Regolament (KE) Nru 1451/2007.

(5)

Ir-rapport tal-awtorità kompetenti ġie rrevedut mill-Istati Membri u mill-Kummissjoni. Skont l-Artikolu 15(4) tar-Regolament (KE) Nru 1451/2007, is-sejbiet tar-reviżjoni ġew inkorporati, fi ħdan il-Kumitat Permanenti dwar il-Prodotti Bijoċidali fil-1 ta’ Marzu 2013, f’rapport ta’ valutazzjoni.

(6)

Mill-evalwazzjonijiet li saru, jidher li l-prodotti bijoċidali użati bħala insettiċidi, akariċidi u prodotti għall-kontroll ta’ artropodi oħra u li fihom il-1 R-trans fenotrin huma mistennija jissodisfaw ir-rekwiżiti stipulati fl-Artikolu 5 tad-Direttiva 98/8/KE. Għalhekk huwa xieraq li l-1R-trans fenotrin jiġi inkluż għall-użu fit-tip ta’ prodott 18 fl-Anness I għal dik id-Direttiva.

(7)

Fil-livell tal-Unjoni, ma ġewx evalwati l-użi potenzjali u x-xenarji ta’ esponiment kollha. Għalhekk ikun f’loku li l-Istati Membri jintalbu jivvalutaw dawk l-użi jew ix-xenarji ta’ esponiment u dawk ir-riskji għall-popolazzjonijiet umani u l-kompartimenti ambjentali li ma ġewx indirizzati b’mod rappreżentattiv fil-valutazzjoni tar-riskji li saret fil-livell tal-Unjoni, u li meta jkunu qed jagħtu l-awtorizzazzjonijiet tal-prodotti, jiżguraw li jittieħdu miżuri xierqa jew li jiġu imposti kundizzjonijiet speċifiċi sabiex ir-riskji identifikati jitnaqqsu għal livelli aċċettabbli.

(8)

Fid-dawl tar-riskji identifikati għas-saħħa tal-bniedem, huwa xieraq li jintalab li jkunu stabbiliti proċeduri operazzjonali sikuri għall-applikazzjonijiet b’Volum Ultra Baxx (VUB), u li l-prodotti jintużaw b’tagħmir personali protettiv xieraq, sakemm fl-applikazzjoni għall-awtorizzazzjoni tal-prodott ma jkunx jista’ jintwera li r-riskji jistgħu jitnaqqsu għal livell aċċettabbli permezz ta’ mezzi oħra.

(9)

Fid-dawl tar-riskji għall-ambjent li ġew identifikati, huwa xieraq li jiġi mitlub li l-awtorizzazzjonijiet tal-prodott ikunu soġġetti għal miżuri xierqa ta’ mitigazzjoni tar-riskji għall-protezzjoni tan-naħal tal-għasel.

(10)

Għal prodotti li fihom 1R-trans fenotrin li jista’ jwassal għal residwi fl-ikel jew fl-għalf, l-Istati Membri għandhom jivverifikaw il-bżonn jew li jiġu emendati il-livelli massimi ta’ residwi (MRLs) eżistenti jew li jkun hemm livelli ġodda skont ir-Regolament (KE) Nru 470/2009 tal-Parlament Ewropew u tal-Kunsill tas-6 ta’ Mejju 2009 li jistabbilixxi l-proċeduri Komunitarji għall-istabbiliment ta’ limiti ta’ residwi ta’ sustanzi farmakoloġikament attivi fl-oġġetti tal-ikel li joriġinaw mill-annimali, u li jħassar ir-Regolament tal-Kunsill (KEE) Nru 2377/90 u li jemenda d-Direttiva 2001/82/KE tal-Parlament Ewropew u tal-Kunsill u r-Regolament (KE) Nru 726/2004 tal-Parlament Ewropew u tal-Kunsill (4) jew ir-Regolament (KE) Nru 396/2005 tal-Parlament Ewropew u tal-Kunsill tat-23 ta’ Frar 2005 dwar il-livelli massimi ta’ residwu ta’ pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE, (5) u jieħdu kwalunkwe miżuri xierqa għall-mitigazzjoni tar-riskji biex jiżguraw li l-MRLs applikabbli ma jinqabżux.

(11)

Id-dispożizzjonijiet ta’ din id-Direttiva għandhom ikunu applikati simultanjament fl-Istati Membri kollha sabiex jiġi żgurat trattament ugwali fis-suq tal-Unjoni tal-prodotti bijoċidali tat-tip ta’ prodott 18 li fihom is-sustanza attiva 1R-trans fenotrin u wkoll biex jiġi ffaċilitat it-tħaddim tajjeb tas-suq tal-prodotti bijoċidali b’mod ġenerali.

(12)

Għandu jitħalla jgħaddi perjodu raġonevoli qabel ma sustanza attiva tiġi inkluża fl-Anness I tad-Direttiva 98/8/KE, sabiex l-Istati Membri u l-partijiet interessati jkunu jistgħu jħejju ruħhom biex jissodisfaw ir-rekwiżiti l-ġodda involuti u biex jiġi żgurat li l-applikanti li ħejjew id-dossiers ikunu jistgħu jibbenefikaw bis-sħiħ mill-perjodu ta’ 10 snin ta’ protezzjoni tad-dejta, li skont l-Artikolu 12(1)(c)(ii) tad-Direttiva 98/8/KE, jibda mid-data tal-inklużjoni.

(13)

Wara l-inklużjoni, l-Istati Membri għandhom jingħataw perjodu raġonevoli biex jimplimentaw l-Artikolu 16(3) tad-Direttiva 98/8/KE.

(14)

Id-Direttiva 98/8/KE għaldaqstant għandha tiġi emendata skont dan.

(15)

Skont id-Dikjarazzjoni Politika Konġunta tal-Istati Membri u l-Kummissjoni tat-28 ta’ Settembru 2011 dwar id-dokumenti ta’ spjegazzjoni (6), l-Istati Membri refgħu r-responsabbiltà li jakkumpanjaw, f’każijiet ġustifikati, in-notifika tal-miżuri ta’ traspożizzjoni tagħhom b’dokument wieħed jew iktar li jispjegaw ir-relazzjoni bejn il-komponenti ta’ direttiva u l-partijiet korrispondenti tal-istrumenti ta’ traspożizzjoni nazzjonali.

(16)

Il-miżuri previsti f’din id-Direttiva huma skont l-opinjoni tal-Kumitat Permanenti dwar il-Prodotti Bijoċidali,