EUR-Lex Access to European Union law
This document is an excerpt from the EUR-Lex website
Document 32013D0272
2013/272/EU: European Council Decision of 22 May 2013 concerning the number of members of the European Commission
2013/272/UE: Deċiżjoni tal-Kunsill Ewropew tat- 22 ta’ Mejju 2013 dwar in-numru ta’ membri tal-Kummissjoni Ewropea
2013/272/UE: Deċiżjoni tal-Kunsill Ewropew tat- 22 ta’ Mejju 2013 dwar in-numru ta’ membri tal-Kummissjoni Ewropea
OJ L 165, 18.6.2013, p. 98–98
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
OJ L 165, 18.6.2013, p. 63–63
(GA)
Special edition in Croatian: Chapter 01 Volume 016 P. 310 -
In force
18.6.2013 |
MT |
Il-Ġurnal Uffiċjali tal-Unjoni Ewropea |
L 165/98 |
DEĊIŻJONI TAL-KUNSILL EWROPEW
tat-22 ta’ Mejju 2013
dwar in-numru ta’ membri tal-Kummissjoni Ewropea
(2013/272/UE)
IL-KUNSILL EWROPEW,
Wara li kkunsidra t-Trattat li jistabblixxi l-Unjoni Ewropea, b’mod partikolari l-Artikolu 17(5) tiegħu,
Billi,
(1) |
Fil-laqgħat tiegħu tal-11-12 ta’ Diċembru 2008 u t-18-19 ta’ Ġunju 2009, il-Kunsill Ewropew innota t-tħassib tal-poplu Irlandiż rigward it-Trattat ta’ Lisbona u għalhekk qabel li, dment li t-Trattat ta’ Lisbona jidħol fis-seħħ, tittieħed deċiżjoni, f’konformità mal-proċeduri legali meħtieġa, sabiex il-Kummissjoni tkompli tinkludi ċittadin wieħed minn kull Stat Membru. |
(2) |
Id-deċiżjoni dwar in-numru ta’ membri tal-Kummissjoni għandha tiġi adottata fi żmien debitu qabel il-ħatra tal-Kummissjoni li għandha tibda bid-dmirijiet tagħha fil-1 ta’ Novembru 2014. |
(3) |
L-implikazzjonijiet ta’ din id-Deċiżjoni għandhom jinżammu taħt analiżi, |
ADOTTA DIN ID-DEĊIŻJONI:
Artikolu 1
Il-Kummissjoni għandha tikkonsisti minn numru ta’ membri, inkluż il-President u r-Rappreżentant Għoli tal-Unjoni għall-Affarijiet Barranin u l-Politika ta’ Sigurtà, ugwali għan-numru ta’ Stati Membri.
Artikolu 2
Il-Kunsill Ewropew għandu janalizza din id-Deċiżjoni, fid-dawl tal-effett tagħha fuq il-funzjonament tal-Kummissjoni, fi żmien adegwat qabel il-ħatra tal-ewwel Kummissjoni wara d-data tal-adeżjoni tat-tletin Stat Membru jew il-ħatra tal-Kummissjoni li għandha tieħu post dik li għandha tibda d-dmirijiet tagħha fil-1 ta’ Novembru 2014, skont liema tiġi l-ewwel.
Artikolu 3
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Għandha tapplika mill-1 ta’ Novembru 2014.
Magħmul fi Brussell, it-22 ta’ Mejju 2013.
Għall-Kunsill Ewropew
Il-President
H. VAN ROMPUY