3.10.2012   

MT

Il-Ġurnal Uffiċjali tal-Unjoni Ewropea

L 268/1

(1)

Skont l-Artikolu 6(2) tar-Regolament (KE) Nru 510/2006, l-applikazzjoni ta’ Franza tal-10 ta’ Diċembru 2007 għar-reġistrazzjoni tad-denominazzjoni “Agneau de lait des Pyrénées” bħala indikazzjoni ġeografika protetta (IĠP) ġiet ippubblikata f’Il-Ġurnal Uffiċjali tal-Unjoni Ewropea  (2).

(2)

Spanja ressqet oġġezzjoni għal din ir-reġistrazzjoni skont l-Artikolu 7(1) tar-Regolament (KE) Nru 510/2006. L-oġġezzjoni tqieset ammissibbli skont il-punti (a), (b), u (c) tal-ewwel subparagrafu tal-Artikolu 7(3) tiegħu.

(3)

Il-Kummissjoni, permezz tal-ittra tat-8 ta’ Novembru 2010 talbet lill-Istati Membri kkonċernati biex jilħqu qbil bejniethom skont il-proċeduri interni tagħhom.

(4)

Peress li ma ntlaħaq l-ebda qbil bejn Spanja u Franza fiż-żmien stipulat, il-Kummissjoni għandha tadotta deċiżjoni skont il-proċedura stipulata fl-Artikolu 15(2) tar-Regolament (KE) Nru 510/2006.

(5)

L-oġġezzjoni ta’ Spanja ffukat b’mod partikolari fuq id-delimitazzjoni allegatament żbaljata taż-żona ġeografika u fuq nuqqas allegat ta’ rabta speċifika bejn il-karatteristiċi tal-prodott ikkonċernat u l-muntanji tal-Pyrennees. Madanakollu, il-Kummissjoni la identifikat xi żball ovvju relatat ma’ dawn l-elementi fl-applikazzjoni sottomessa, u lanqas ma sabet xi inkonsistenza bejn l-applikazzjoni msemmija u r-rekwiżiti tar-Regolament (KE) Nru 510/2006.

(6)

Fl-oġġezzjoni tagħha, Spanja kkunsidrat ukoll li r-reġistrazzjoni tad-denominazzjoni “Agneau de lait des Pyrénées” aktarx toħloq konfużjoni dwar l-oriġini reali tagħha, peress li l-Pyrenees ma jagħmlux parti biss ma’ Franza u li l-prodotti simili għal dawk koperti mill-applikazzjoni tradizzjonalment jiġu elaborati fil-parti Spanjola tal-muntanji tal-Pyrenees, inkluża l-indikazzjoni ġeografika protetta “Cordero de Navarra”.

(7)

Jekk ma jintlaħaq l-ebda qbil wara l-oġġezzjoni, il-Kummissjoni għandha tieħu deċiżjoni skont it-tielet subparagrafu tal-Artikolu 7(5) tar-Regolament (KE) Nru 510/2006. It-terminu “Agneau de lait des Pyrénées” użat fit-traduzzjoni, u b’mod partikolari fil-lingwa Spanjola, jista’ jwassal għal konfużjoni fost il-konsumaturi fir-rigward tal-oriġini vera tal-prodott. Filwaqt li ma hemm l-ebda raġuni biex it-terminu “Agneau de lait des Pyrénées” ma jiġix irreġistrat, jeħtieġ li tiġi evitata din il-konfużjoni u li jiġi żgurat l-użu ekwu. Għalhekk, il-komponent ġeografiku tad-denominazzjoni “Agneau de lait des Pyrénées” ma għandux jiġi tradott f’lingwi oħra meta l-prodott jiġi kkummerċjalizzat bħala l-ispeċifikazzjoni għal “Agneau de lait des Pyrénées”. Dan għalhekk għandu japplika kemm għall-użu tat-tali traduzzjoni fuq it-tikketta, kif ukoll fil-preżentazzjonijiet jew fir-riklamar tal-prodott. Barra minn hekk, fir-rigward tat-tikketti, il-pajjiż tal-oriġini għandu jiġi indikat fl-istess parti fejn jidher it-terminu “Agneau de lait des Pyrénées”, b’ittri tal-istess daqs li bihom jintwera dan it-terminu.

(8)

Fid-dawl ta’ dan kollu, id-denominazzjoni “Agneau de lait des Pyrénées” għandha tiddaħħal fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti.

(9)

Il-miżuri stipulati f’dan ir-Regolament huma skont l-opinjoni tal-Kumitat Permanenti għall-Indikazzjonijiet Ġeografiċi Protetti u d-Denominazzjonijiet Protetti tal-Oriġini,