7

It-termini li ġejjin jintużaw f'dan l-Istandard bit-tifsiriet speċifikati:

…

In-noti jkun fihom informazzjoni barra dik ippreżentata fir-rapport tal-pożizzjoni finanzjarja, fir-rapport(i) tal-profitt jew it-telf (ir-rapport tal-introjtu) u l-introjtu komprensiv ieħor, …

10

Sett komplet ta’ rapporti finanzjarji jkun fih:

… rapport tal-profitt jew it-telf u introjtu komprensiv ieħor għall-perjodu;

…

Entità tista' tuża titli għar-rapporti differenti minn dawk li jintużaw f'dan l-Istandard. Pereżempju, entità tista' tuża t-titlu "rapport tal-introjtu komprensiv" minflok "rapport tal-profitt jew it-telf u introjtu komprensiv ieħor".

10A

Entità tista' tippreżenta rapport tal-profitt jew it-telf singolu u l-introjtu komprensiv ieħor, bil-profitt jew it-telf u introjtu komprensiv ieħor ippreżentati f'żewġ taqsimiet. It-taqsimiet għandhom jiġu ppreżentati flimkien, bit-taqsima tal-profitt jew it-telf ippreżentata l-ewwel, segwita direttament mit-taqsima tal-introjtu komprensiv ieħor. Entità tista' tippreżenta t-taqsima tal-profitt jew it-telf f'rapport tal-introjtu separat. F'dak il-każ, ir-rapport tal-profitt jew it-telf separat għandu jippreċedi immedjatament ir-rapport li jippreżenta l-introjtu komprensiv, li għandu jibda mill-profitt jew it-telf.

81A

Ir-rapport tal-profitt jew it-telf u tal-introjtu komprensiv ieħor (ir-rapport tal-introjtu komprensiv) għandhom jippreżentaw, barra mit-taqsimiet tal-profitt jew it-telf u tal-introjtu komprensiv ieħor:

Jekk tippreżenta rapport tal-profitt jew it-telf separat, entità ma tippreżentax it-taqsima tal-profitt jew it-telf fir-rapport li jippreżenta l-introjtu komprensiv.

81B

Entità għandha tippreżenta l-entrati li ġejjin, apparti mit-taqsimiet tal-profitt jew it-telf u tal-introjtu komprensiv ieħor, bħala allokazzjoni tal-profitt jew it-telf u tal-introjtu komprensiv ieħor għall-perjodu:

Jekk tippreżenta profitt jew telf f'rapport separat, entità għandha tippreżenta (a) f'dak ir-rapport.

82

Minn barra l-entrati rikjesti skont l-IFRS l-oħra, it-taqsima tal-profit jew telf jew ir-rapport tal-profitt jew it-telf għandu jinkludi entrati ta’ partita li jippreżentaw l-ammonti li ġejjin għall-perjodu:

82A

It-taqsima tal-introjtu komprensiv ieħor għandha tippreżenta l-entrati ta’ partita għall-ammonti tal-introjtu komprensiv ieħor fil-perjodu, ikklassifikati skont it-tip (inkluż is-sehem tal-introjtu komprensiv ieħor tal-assoċjati u tal-impriżi konġunti kkontabilizzat bl-użu tal-metodu tal-ekwità) u raggruppati f'dawk li, skont l-IFRS l-oħra:

85

Entità għandha tippreżenta entrati ta’ partita, intestaturi u subtotali addizzjonali fir-rapport(i) li jippreżentaw il-profitt jew it-telf u l-introjtu komprensiv ieħor meta tali preżentazzjoni tkun relevanti biex tinftiehem il-prestazzjoni finanzjarja tal-entità.

86

Minħabba li l-effetti tal-attivitajiet, tranżazzjonijiet u avvenimenti oħra varji ta’ entità jvarjaw fil-frekwenza, fil-potenzjal għall-qligħ jew it-telf u fil-prevedibilità tagħhom, id-divulgazzjoni tal-komponenti tal-prestazzjoni finanzjarja tgħin biex l-utenti jifhmu l-prestazzjoni finanzjarja miksuba u biex isiru projezzjonijiet tal-prestazzjoni finanzjarja futura. Entità tinkludi entrati ta’ partita addizzjonali fir-rapport(i) tal-profitt jew it-telf u tal-introjtu komprensiv ieħor u temenda d-deskrizzjonijiet użati u l-ordni ta' entrati meta dan ikun neċessarju biex jiġu spjegati l-elementi tal-prestazzjoni finanzjarja. …

87

Entità ma għandha tippreżenta l-ebda entrata ta’ introjtu jew spiża bħala entrati straordinarji, fir-rapport(i) li jippreżentaw il-profitt jew it-telf u l-introjtu komprensiv ieħor jew fin-noti.

90

Entità għandha tiddivulga l-ammont ta' taxxa fuq l-introjtu relatat ma' kull entrata ta' introjtu komprensiv ieħor, inklużi aġġustamenti tar-riklassifikazzjoni, jew fir-rapport tal-profitt jew it-telf u tal-introjtu komprensiv ieħor jew fin-noti.

91

Entità tista' tippreżenta entrati ta’ introjtu komprensiv ieħor jew:

Jekk tagħżel l-alternattiva (b), l-entità għandha talloka t-taxxa bejn l-entrati li jistgħu jiġu riklassifikati sussegwentement għat-taqsima tal-profitt jew it-telf u dawk li mhux ser jiġu riklassifikali sussegwentement għat-taqsima tal-profitt jew it-telf.

94

Entità tista' tippreżenta aġġustamenti ta' riklassifikazzjoni fir-rapport(i) tal-profitt jew it-telf u tal-introjtu komprensiv ieħor jew fin-noti. Entità li tkun qed tippreżenta l-aġġustamenti tar-riklassifikazzjoni fin-noti, tippreżenta l-entrati tal-introjtu komprensiv ieħor wara kwalunkwe aġġustament tar-riklassifikazzjoni relatat.

100

L-entitajiet huma mħeġġa jippreżentaw l-analiżi fil-paragrafi 99 fir-rapport(i) li jippreżentaw il-profitt jew it-telf u l-introjtu komprensiv ieħor.

115

F’ċerti ċirkustanzi, jista’ jkun neċessarju jew mixtieq li l-ordni tal-punti speċifiċi fin-noti tvarja. Pereżempju, entità tista' tikkombina informazzjoni dwar bidliet fil-valur ġust rikonoxxuti fil-profitt jew it-telf ma' informazzjoni fuq il-maturitiajiet ta’ strumenti finanzjarji, għalkemm id-divulgazzjonijiet tal-ewwel jirrigwardaw ir-rapport(i) li jippreżentaw il-profitt jew it-telf u l-introjtu komprensiv ieħor, u dawk tal-aħħar jirrigwardaw ir-rapport tal-pożizzjoni finanzjarja. Madankollu, entità żżomm struttura sistematika għan-noti sakemm dan ikun prattikabbli.

139J

Preżentazzjoni ta’ Entrati ta’ Introjtu Komprensiv Ieħor (Emendi għall-IAS 1), maħruġ f'Ġunju 2011, emenda l-paragrafi 7, 10, 82, 85–87, 90, 91, 94, 100 u 115, żied il-paragrafi 10A, 81A, 81B u 82A, u ħassar il-paragrafi 12, 81, 83 u 84. Entità għandha tapplika dawk l-emendi għall-perjodi annwali li jibdew mill-1 ta’ Lulju 2012 jew wara. Hija permessa applikazzjoni qabel. Jekk entità tapplika l-emendi għal perjodu li jiġi qabel għandha tiddivulga dak il-fatt.

21

Sabiex jikkonformaw mal-IAS 1, l-ewwel rapporti finanzjarji ta’ entità mħejjija skont l-IFRS għandhom jinkludu ta’ mill-inqas tliet rapporti tal-pożizzjoni finanzjarja, żewġ rapporti tal-profitt jew it-telf u tal-introjtu komprensiv ieħor, żewġ rapporti separati tal-profitt jew it-telf (jekk ippreżentati), żewġ rapporti tal-flussi ta’ flus u żewġ rapporti tal-bidliet fl-ekwità u noti relatati, inkluża informazzjoni komparattiva.

39K

Preżentazzjoni tal-Entrati ta’ Introjtu Komprensiv Ieħor (Emendi għall-IAS 1), maħruġ f'Ġunju 2011, emenda l-paragrafu 21. Entità għandha tapplika dik l-emenda meta tapplika l-IAS 1 kif emendat f'Ġunju 2011.

33A

Jekk entità tippreżenta l-entrati tal-profitt jew it-telf f'rapport separat kif deskritt fil-paragrafu 10A tal-IAS 1 (kif emendat fl-2011), tiġi ppreżentata f'dak ir-rapport taqsima identifikata bħala li tirreferi għal operazzjonijiet li ma tkomplewx.

44I

Preżentazzjoni tal-Entrati ta’ Introjtu Komprensiv Ieħor (Emendi għall-IAS 1), maħruġ f'Ġunju 2011, emenda l-paragrafu 33A. Entità għandha tapplika dik l-emenda meta tapplika l-IAS 1 kif emendat f'Ġunju 2011.

27B

Għal kejliet tal-valur ġust rikonoxxuti fir-rapport tal-pożizzjoni finanzjarja entità għandha tiddivulga għal kull klassi ta’ strumenti finanzjarji:

…

…

44Q

Preżentazzjoni tal-Entrati ta’ Introjtu Komprensiv Ieħor (Emendi għall-IAS 1), maħruġ f'Ġunju 2011, emenda l-paragrafu 27B. Entità għandha tapplika dik l-emenda meta tapplika l-IAS 1 kif emendat f'Ġunju 2011.

77

L-ispiża (introjtu) tat-taxxa marbuta mal-profitt jew it-telf mill-attivitajiet ordinarji għandha tkun ippreżentata bħala parti mir-rapport(i) tal-profitti jew telf u tal-introjtu komprensiv ieħor.

98B

Preżentazzjoni tal-Entrati ta’ Introjtu Komprensiv Ieħor (Emendi għall-IAS 1), maħruġ f'Ġunju 2011, emenda l-paragrafu 77 u ħassar il-paragrafu 77A. Entità għandha tapplika dawk l-emendi meta tapplika l-IAS 1 kif emendat f'Ġunju 2011.

29

Sovvenzjonijiet relatati mal-introjtu jiġu ppreżentati bħala parti mill-profitt jew it-telf, jew separatament jew taħt intestatura ġenerali bħal ‘Introjtu ieħor’; alternattivament, jitnaqqsu fir-rapportar tal-ispiża relatata.

46

Preżentazzjoni tal-Entrati ta’ Introjtu Komprensiv Ieħor (Emendi għall-IAS 1), maħruġ f'Ġunju 2011, emenda l-paragrafu 29 u ħassar il-paragrafu 29A. Entità għandha tapplika dawk l-emendi meta tapplika l-IAS 1 kif emendat f'Ġunju 2011.

39

Ir-riżultati u l-pożizzjoni finanzjarja ta' entità li l-munita funzjonali tagħha ma tkunx il-munita ta' ekonomija iperinflazzjonarja għandhom jinqalbu f'munita ta' preżentazzjoni differenti billi jintużaw il-proċeduri li ġejjin:

…

60H

Preżentazzjoni tal-Entrati ta’ Introjtu Komprensiv Ieħor (Emendi għall-IAS 1), maħruġ f'Ġunju 2011, emenda l-paragrafu 39. Entità għandha tapplika dik l-emenda meta tapplika l-IAS 1 kif emendat f'Ġunju 2011.

40

Id-dividendi kklassifikati bħala spiża jistgħu jiġu ppreżentati fir-rapport(i) tal-profitt jew telf u tal-introjtu komprensiv ieħor jew mal-imgħax fuq obbligazzjonijiet oħra jew bħala entrata separata. Minbarra r-rekwiżiti ta’ dan l-Istandard, id-divulgazzjoni ta’ imgħax u dividendi hija soġġetta għar-rekwiżiti tal-IAS 1 u l-IFRS 7. F'xi ċirkustanzi, minħabba d-differenzi bejn l-imgħax u dividendi relatati ma' materji bħad-deduċibbiltà mit-taxxa, ikun preferibbli li dawn jiġu ddivulgati separatament fir-rapport(i) tal-profitt jew telf u tal-introjtu komprensiv ieħor. Divulgazzjonijiet dwar l-effetti tat-taxxa jsiru b'konformità mal-IAS 12.

97K

Preżentazzjoni tal-Entrati ta’ Introjtu Komprensiv Ieħor (Emendi għall-IAS 1), maħruġ f'Ġunju 2011, emenda l-paragrafu 40. Entità għandha tapplika dik l-emenda meta tapplika l-IAS 1 kif emendat f'Ġunju 2011.

4A

Jekk tippreżenta l-entrati ta’ profitt jew telf f'rapport separat kif deskritt fil-paragrafu 10A tal-IAS 1 Preżentazzjoni ta’ Rapporti Finanzjarji (kif emendat fl-2011), entità tippreżenta l-qligħ sehem b’sehem f'dak ir-rapport separat biss.

67A

Jekk tippreżenta l-entrati tal-profitt jew it-telf f'rapport separat kif deskritt fil-paragrafu 10A tal-IAS 1 (kif emendat fl-2011), entità tippreżenta l-qligħ sehem b’sehem bażiku u dilwit, kif meħtieġ mill-paragrafi 66 u 67, f'dak ir-rapport separat.

68A

Jekk tippreżenta l-entrati tal-profitt jew it-telf f'rapport separat kif deskritt fil-paragrafu 10A tal-IAS 1 (kif emendat fl-2007), entità tippreżenta l-qligħ sehem b’sehem bażiku u dilwit għall-operazzjonijiet li ma tkomplewx, kif meħtieġ fil-paragrafu 68, f’dak ir-rapport separat jew fin-noti.

73A

Il-paragrafu 73 japplika wkoll għal entità li tiddivulga, minn barra l-qligħ sehem b'sehem bażiku u dilwit, l-ammonti kull sehem bl-użu ta’ entrata rapportata tal-profitt jew it-telf, għajr dik meħtieġa minn dan l-Istandard.

74D

Preżentazzjoni tal-Entrati ta’ Introjtu Komprensiv Ieħor (Emendi għall-IAS 1), maħruġ f'Ġunju 2011, emenda l-paragrafi 4A, 67A, 68A u 73A. Entità għandha tapplika dawk l-emendi meta tapplika l-IAS 1 kif emendat f'Ġunju 2011.

8

Rapport finanzjarju interim għandu jinkludi, bħala minimu, il-komponenti li ġejjin:

…

8A

Jekk tippreżenta l-entrati tal-profitt jew it-telf f'rapport separat kif deskritt fil-paragrafu 10A tal-IAS 1 (kif emendat fl-2011), entità tippreżenta informazzjoni interim imqassra minn dak ir-rapport.

11A

Jekk tippreżenta l-entrati tal-profitt jew it-telf f'rapport separat kif deskritt fil-paragrafu 10A tal-IAS 1 (kif emendat fl-2011), entità tippreżenta l-qligħ sehem b’sehem bażiku u dilwit f'dak ir-rapport.

20

Ir-rapporti interim għandhom jinkludu rapporti finanzjarji interim (fil-qosor jew sħaħ) għall-perijodi li ġejjin:

…

51

Preżentazzjoni tal-Entrati ta’ Introjtu Komprensiv Ieħor (Emendi għall-IAS 1), maħruġ f'Ġunju 2011, emenda l-paragrafi 8, 8A, 11A u 20. Entità għandha tapplika dawk l-emendi meta tapplika l-IAS 1 kif emendat f'Ġunju 2011.

1

L-għan ta’ dan l-Istandard huwa li jistabbilixxi l-kontabilità u d-divulgazzjoni tal-benefiċċji tal-impjegati. Dan l-Istandard jeħtieġ li entità tirrikonoxxi:

2

Dan l-Istandard għandu jiġi applikat minn impjegatur fil-kontabilità għall-benefiċċji kollha tal-impjegati, ħlief għal dawk li għalihom japplika l-IFRS 2 Pagament ibbażat fuq Ishma.

3

Dan l-Istandard ma jittrattax ir-rapportar minn pjanijiet ta’ benefiċċji tal-impjegati (ara l-IAS 26 Kontabilità u Rappurtaġġ minn Pjanijiet ta' Benefiċċju tal-Irtirar).

4

Il-benefiċċji tal-impjegati li għalihom japplika dan l-Istandard jinkludu dawk li jingħataw:

5

Il-benefiċċji tal-impjegati jinkludu:

6

Benefiċċji tal-impjegati jinkludu benefiċċji mogħtija jew lill-impjegati jew lid-dipendenti jew lill-benefiċjarji tagħhom u jistgħu jiġi saldati b'pagamenti (jew l-għoti ta’ oġġetti jew servizzi) magħmula jew direttament lill-impjegati, lill-irġiel u n-nisa tagħhom, lit-tfal u dipendenti oħra, bħal kumpaniji tal-assigurazzjoni.

7

Impjegat jista’ jipprovdi servizzi lil entità fuq bażi full-time, part-time, permanenti, każwali jew temporanja. Għall-finijiet ta’ dan l-Istandard, impjegati jinkludu diretturi u persunal maniġerjali ieħor.

8

It-termini li ġejjin jintużaw f'dan l-Istandard bit-tifsiriet speċifikati:

9

Benefiċċji tal-impjegati fuq perjodu qasir ta' żmien jinkludu affarijiet bħal dawn li ġejjin, jekk ikun mistenni li jiġu saldati bis-sħiħ qabel tnax-il xahar wara t-tmiem tal-perjodu tar-rappurtaġġ li fih l-impjegati jagħtu s-servizzi relatati:

10

Entità ma għandhiex għalfejn tikklassifika mill-ġdid benefiċċju tal-impjegati fuq perjodu qasir ta' żmien jekk l-istennijiet l-entità ta' meta ser isir is-saldu jinbidlu temporanjament. Madankollu, jekk jinbidlu l-karatteristiċi tal-benefiċċju (bħal bidla minn benefiċċju mhux akkumulattiv għal benefiċċju akkumulattiv) jew jekk bidla fl-istennijiet ta' meta ser isir is-saldu ma tkunx temporanja, l-entità għandha tqis jekk il-benefiċċji għandhomx jissodisfaw id-definizzjoni tal-benefiċċji tal-impjegati fuq perjodu qasir ta' żmien.

11

Meta impjegat ikun ta servizz lil entità matul perjodu ta’ kontabilità, l-entità għandha tirrikonoxxi l-ammont mhux skontat ta’ benefiċċji tal-impjegati fuq perjodu qasir ta' żmien li jkun mistenni li jitħallas bi skambju għal dak is-servizz:

12

Il-paragrafi 13, 16 u 19 jispjegaw kif entità għandha tapplika l-paragrafu 11 għal benefiċċji tal-impjegati fuq perjodu qasir ta' żmien fil-forma ta' assenzi mħallsa u pjanijiet ta' kondiviżjoni tal-profitti u bonusijiet.

13

Entità għandha tirrikonoxxi l-kost mistenni ta’ benefiċċji tal-impjegati fuq perjodu qasir ta' żmien fil-forma ta assenzi mħallsa skont il-paragrafu 11 kif ġej:

14

Entità tista’ tħallas l-impjegati għall-assenza għal diversi raġunijiet inklużi btajjel, mard u diżabbiltà fuq perjodu qasir ta' żmien, maternità jew paternità, servizz ta’ ġurati u dak militari. Intitolament għal assenzi mħallsa jaqa' taħt żewġ kategoriji:

15

Assenzi mħallsa akkumulattivi huma dawk li jintwiertu u li jkunu jistgħu jintużaw f’perjodi futuri jekk l-intitolament tal-perjodu kurrenti ma jintużax kollu. Assenzi mħallsa akkumulattivi jistgħu jkunu jew vestiti (fi kliem ieħor, l-impjegati huma intitolati għal ħlas fi flus għal intitolament mhux użat meta jitilqu l-entità) jew mhux vestiti (meta l-impjegati ma humiex intitolati għal ħlas fi flus għal intitolament mhux użat meta jitilqu). Jinħoloq obbligu hekk kif l-impjegati jagħtu servizz li jżid l-intitolament tagħhom għal assenzi mħallsa futuri. L-obbligu jeżisti, u huwa rikonoxxut, anke jekk l-assenzi mħallsa ma jkunux vestiti, għalkemm il-possibbiltà li l-impjegati jistgħu jitilqu qabel jużaw intitolament mhux vestit akkumulat taffettwa l-kejl ta’ dak l-obbligu.

16

Entità għandha tkejjel l-kost mistenni ta’ assenzi mħallsa akkumulattivi, bħala l-ammont addizzjonali li l-entità tistenna li tħallas b’riżultat tal-intitolament mhux użat li jkun akkumula fl-aħħar tal-perjodu tar-rappurtaġġ.

17

Il-metodu speċifikat fil-paragrafu ta’ qabel ikejjel l-obbligu skont l-ammont tal-ħlasijiet addizzjonali li huma mistennija li jirriżultaw biss mill-fatt li l-benefiċċju jakkumula. F’ħafna każijiet, entità tista’ ma jkollhiex bżonn tagħmel komputazzjonijiet iddettaljati biex testima li m’hemm l-ebda obbligu materjali għal assenzi mħallsa mhux użati. Pereżempju, obbligu ta' liv tal-mard x'aktarx ikun materjali biss jekk ikun hemm ftehim formali jew informali li liv tal-mard imħallas mhux użat jista jittieħed bħala liv imħallas.

Eżempju li jispjega l-paragrafi 16 u 17

Entità għandha 100 impjegat, li kull wieħed u waħda minnhom huma intitolati għal ħamest ijiem ta' xogħol liv tal-mard imħallas kull sena. Liv tal-mard mhux użat jista' jintieret għal sena kalendarja waħda. Il-frank tal-mard jitnaqqas l-ewwel mill-intitolament tas-sena kurrenti u mbagħad minn kull bilanċ miżmum mis-sena ta qabel (fuq bażi LIFO). Fit-31 ta’ Diċembru 20X1 il-medja tal-intitolament mhux użata hija jumejn għal kull impjegat. L-entità tistenna, skont l-esperjenza li mhijiex mistennija tinbidel, li 92 impjegat mhux ser jieħdu aktar minn ħamest ijiem liv tal-mard imħallas fl-20X2 u li t-tmien impjegati li jifdal ser jieħdu medja ta’ sitt ijiem u nofs kull wieħed.

L-entità tistenna li ser tħallas 12-il jum addizzjonali ta’ ħlas għall-mard b’riżultat tal-intitolament mhux użat li jkun akkumula fil-31 ta’ Diċembru 20X1 (ġurnata u nofs kull wieħed, għal tmien impjegati). Għalhekk, l-entità tirrikonoxxi obbligazzjoni daqs tnax-il jum ta' ħlas għall-mard.

18

Assenzi mħallsa mhux akkumulattivi ma jintirtux: huma jiskadu jekk l-intitolament tal-perjodu kurrenti ma jintużax kollu u ma jintitolawx lill-impjegati għal ħlas fi flus għal dak l-intitolament mhux użat mat-tluq mill-entità. Dan huwa ġeneralment il-każ tal-ħlas għall-mard (sakemm intitolament passat mhux użat ma jżidx intitolament futur), il-liv tal-maternità jew tal-paternità u assenzi mħallsa għal servizz ta’ ġurati jew militari. Entità ma tirrikonoxxi l-ebda obbligazzjoni jew spiża sakemm ma sseħħ l-assenza, minħabba li s-servizz tal-impjegati ma jżidx l-ammont tal-benefiċċju.

19

Entità għandha tirrikonoxxi l-kost mistenni tal-qsim tal-profitti u tal-ħlasijiet tal-bonusijiet skont il-paragrafu 11 meta, u biss meta:

Jeżisti obbligu preżenti meta, u biss meta, l-entità ma jkollha l-ebda alternattiva realistika ħlief li tħallas.

20

Skont xi pjanijiet ta’ qsim tal-profitti, l-impjegati jirċievu sehem mill-profitt biss jekk jibqgħu mal-entità għal perjodu speċifiku. Dawn il-pjanijiet joħolqu obbligu kostruttiv billi l-impjegati jagħtu servizz li jżid l-ammont li għandu jitħallas jekk jibqgħu fis-servizz sat-tmiem il-perjodu speċifikat. Il-kejl ta' dawn l-obbligi kostruttivi jirriflettu l-possibbiltà li xi impjegati jistgħu jitilqu mingħajr ma jirċievu ħlasijiet ta' qsim tal-profitti.

Eżempju li jispjega l-paragrafu 20

Pjan ta' qsim tal-profitti jeżiġi li entità tħallas proporzjon speċifikat mill-profitt tagħha għas-sena lil impjegati li jservu matul is-sena. Jekk ma jkunx hemm impjegati li jitilqu matul is-sena, il-ħlasijiet totali tal-qsim tal-profitt għas-sena ser ikunu 3 % tal-profitt. L-entità testima li d-dawran tal-istaff ser inaqqas il-ħlasijiet għal 2.5 fil-mija tal-profitt.

L-entità tirrikonoxxi obbligazzjoni u spiża ta’ 2.5 fil-mija tal-profitt.

21

Entità jista' ma jkollha l-ebda obbligu legali li tħallas bonus. Madankollu, f'xi każijiet, entità jkollha prassi li tħallas bonusijiet. F'dawn il-każijiet, l-entità għandha obbligu kostruttiv minħabba li l-entità ma għandha l-ebda alternattiva realistika ħlief li tħallas il-bonus. Il-kejl tal-obbligu kostruttiv jirrifletti l-possibbiltà li xi impjegati jistgħu jitilqu mingħajr ma jirċievu bonus.

22

Entità tista’ tagħmel stima affidabbli tal-obbligu legali jew kostruttiv tagħha skont pjan ta’ qsim tal-profitti jew ta’ bonus meta, u biss meta:

23

L-obbligu skont il-pjanijiet tal-qsim tal-profitti u l-bonus jirriżulta mis-servizz ta' impjegati u mhux minn xi tranżazzjoni mas-sidien tal-entità. Għalhekk, l-entità tirrikonoxxi l-kost tal-pjanijiet tal-qsim tal-profitti u l-bonus mhux bħala distribuzzjoni tal-profitti iżda bħala spiża.

24

Jekk il-qsim tal-profitti u l-ħlasijiet tal-bonus ma jkunux mistennija jiġu saldati għal kollox qabel tnax-il xahar wara t-tmiem il-perjodu tar-rappurtaġġ annwali li fih l-impjegati jagħtu s-servizzi relatati, dawk il-ħlasijiet huma benefiċċji oħra tal-impjegati fuq perjodu twil ta' żmien (ara l-paragrafi 153-158).

25

Għalkemm dan l-Istandard ma jeħtieġx id-divulgazzjoni speċifika dwar benefiċċji tal-impjegati fuq perjodu qasir ta' żmien, din id-divulgazzjoni tista' tkun meħtieġa minn IFRSs oħra. Pereżempju, l-IAS 24 jeħtieġ divulgazzjoni dwar il-benefiċċji tal-impjegati għall-personal importanti fil-maniġment. L-IAS 1 Preżentazzjoni ta’ Rapporti Finanzjarji jeżiġi d-divulgazzjoni tal-ispiża fuq il-benefiċċji tal-impjegati.

26

Benefiċċji ta’ wara l-impjieg jinkludu affarijiet bħal dawn li ġejjin:

Arranġamenti fejn entità tagħti benefiċċji ta' wara l-impjieg huma pjanijiet ta' benefiċċji ta' wara l-impjieg. Entità tapplika dan l-Istandard għall-arranġamenti kollha; kemm jekk jinvolvu u kemm jekk ma jinvolvux l-istabbilment ta’ entità separata biex tirċievi l-kontribuzzjonijiet u biex tħallas il-benefiċċji.

27

Pjanijiet ta’ benefiċċji ta’ wara l-impjieg huma kklassifikati jew bħala pjanijiet ta’ kontribuzzjoni definita jew bħala pjanijiet ta’ benefiċċju definit, skont is-sustanza ekonomika tal-pjan kif toħroġ mit-termini u l-kundizzjonijiet prinċipali tiegħu.

28

Fil-każ ta' pjanijiet ta' kontribuzzjoni definita l-obbligu legali jew kostruttiv tal-entità huwa limitat għall-ammont li tkun ftiehmet li tikkontribwixxi fil-fond. B’hekk, l-ammont ta’ benefiċċji ta’ wara l-impjieg li jirċievi l-impjegat stabbilit bl-ammont ta’ kontribuzzjonijiet imħallsa mill-entità (u forsi wkoll mill-impjegat) lil pjan ta’ benefiċċji ta’ wara l-impjieg jew lil kumpanija tal-assigurazzjoni, flimkien mar-redditi mill-investimenti li jirriżultaw mill-kontribuzzjonijiet. B’konsegwenza, ir-riskju attwarjali (li l-benefiċċji jkunu anqas milli mistennija) u r-riskju tal-investiment (li l-assi investiti ma jkunux biżżejjed biex jissodisfaw il-benefiċċji mistennija) jaqa’, sostanzjalment fuq l-impjegat.

29

Eżempji ta’ każijiet fejn obbligu ta’ entità mhuwiex limitat għall-ammont li hija tiftiehem li tikkontribwixxi fil-fond huma meta l-entità jkollha obbligu legali jew kostruttiv permezz ta’:

30

Skont pjanijiet ta’ benefiċċju definit:

31

Il-paragrafi 32-49 jispjegaw id-distinzjoni bejn pjanijiet ta’ kontribuzzjoni definita u pjanijiet ta’ benefiċċju definit fil-kuntest ta’ pjanijiet bejn għadd ta’ impjegaturi, pjanijiet ta' benefiċċju definit li jaqsam ir-riskji bejn entitajiet taħt kontroll komuni, pjanijiet tal-istat u benefiċċji assigurati.

32

Entità għandha tikklassifika pjan bejn għadd ta’ impjegaturi bħala pjan ta’ kontribuzzjoni definita jew pjan ta’ benefiċċju definit skont it-termini tal-pjan (inkluż kwalunkwe obbligu kostruttiv li jmur lil hinn mit-termini formali).

33

Jekk entità tipparteċipa fi pjan ta' benefiċċju definit bejn għadd ta' impjegaturi, sakemm ma jkunx japplika l-paragrafu 34, għandha:

34

Meta ma jkunx hemm informazzjoni suffiċjenti biex wieħed juża kontabilità ta' benefiċċju definit għal pjan ta' benefiċċju definit bejn għadd ta' impjegaturi, l-entità għandha:

35

Eżempju wieħed ta’ pjan ta' benefiċċju definit bejn għadd ta’ impjegaturi huwa wieħed fejn:

36

Meta jkun hemm informazzjoni suffiċjenti dwar pjan ta' benefiċċju definit bejn għadd ta’ impjegautri, l-entità tikkontabilizza s-sehem proporzjonat tagħha mill-obbligu ta’ benefiċċju definit, l-assi tal-pjan u l-kost tal-benefiċċju ta’ wara l-impjieg assoċjata mal-pjan, bl-istess mod bħal fil-każ ta’ kwalunkwe pjan ieħor ta’ benefiċċju definit. Madankollu, entità tista' ma tkunx f'pożizzjoni li tidentifika s-sehem tagħha mill-pożizzjoni finanzjarja sottostanti u l-prestazzjoni tal-pjan b'mod affidabbli biżżejjed għal skopijiet ta' kontabilità. Dan jista' jseħħ jekk:

F’dawk il-każijiet, l-entità tikkontabilizza l-pjan daqs li kieku kien pjan ta’ kontribuzzjoni definita u tiddivulga l-informazzjoni meħtieġa mill-paragrafu 148.

37

Jista' jkun hemm ftehim kuntrattwali bejn il-pjan ta' għadd ta' impjegaturi u l-parteċipanti tiegħu li jiddetermina kif is-surplus fil-pjan ser jiġi mqassam lill-parteċipanti (jew id-defiċit iffinanzjat). Parteċipant fi pjan bejn għadd ta' impjegaturi bi ftehim bħal dan li jikkontabilizza l-pjan bħala pjan ta' kontribuzzjoni definita b'konformità mal-paragrafu 34 għandu jirrikonoxxi l-assi jew l-obbligazzjoni li jirriżultaw mill-ftehim kuntrattwali u l-introjtu jew l-spiża li tirriżulta fi profitt jew telf.

Eżempju li jispjega l-paragrafu 37  (**)

Entità tipparteċipa fi pjan ta' benefiċċju definit bejn għadd ta' impjegaturi li ma tippreparax valwazzjoni tal-pjan abbażi tal-IAS 19. Għalhekk hi tikkontabilizza l-pjan bħal li kieku kien pjan ta’kontribuzzjoni definita. Valwazzjoni mhux skont l-IAS 19 tal-finazjament turi defiċit ta' CU 100 miljun fil-pjan. Il-pjan ftiehem mal-impjegaturi parteċipanti fil-pjan, b'kuntratt, skeda ta' kontribuzzjonijiet li ser jeliminaw d-defiċit matul il-ħames snin li ġejjin. Il-kontribuzzjonijiet totali tal-entità skont il-kuntratt huma ta’ CU 8 miljuni.

L-entità tirrikonoxxi obbligazzjoni għal kontribuzzjonijiet aġġustati għal valur taż-żmien tal-flus u spiża ugwali fil-profitt jew it-telf.

38

Pjanijiet bejn għadd ta' impjegaturi huma distinti minn pjanijiet ta' amministrazzjoni tal-gruppi. Pjan ta’ amministrazzjoni tal-gruppi huwa sempliċiment aggregazzjoni ta’ pjanijiet ta’ impjegatur wieħed ikkumbinati sabiex jippermettu lill-impjegaturi parteċipanti jippuljaw l-assi tagħhom għal skopijiet ta’ investiment u jnaqqsu l-kostijiet tal-immaniġġjar u tal-amministrazzjoni tal-investimenti, iżda l-klejms tal-impjegaturi differenti ssegregati għall-benefiċċju uniku tal-impjegati tagħhom. Il-pjanijiet ta’ amministrazzjoni tal-gruppi ma joħolqu l-ebda problema ta’ kontabilità partikolari minħabba li diġà hemm informazzjoni biex wieħed jittrattahom bl-istess mod bħal kwalunkwe pjan ieħor ta’ impjegatur wieħed, u minħabba li dawn il-pjani ma jesponux lill-entitajiet parteċipanti għal riskji attwarjali assoċjati mal-impjegati attwali u preċedenti ta’ entitajiet oħra. Id-definizzjonijiet f’dan l-Istandard jeżiġu li entità tikklassifika pjan ta’ amministrazzjoni tal-gruppi bħala pjan ta’ kontribuzzjoni definita jew pjan ta’ benefiċċju definit skont it-termini tal-pjan (inkluż kwalunkwe obbligu kostruttiv li jmur lil hinn mit-termini formali).

39

Waqt li tiddetermina meta tirrikonoxxi, u kif tkejjel, obbligazzjoni marbuta mal-istralċ ta' pjan ta' benefiċċji definit bejn għadd ta' impjegaturi, jew l-irtirar ta' entità minn pjan ta' benefiċċju definit bejn għadd ta' impjegaturi, entità għandha tapplika l-IAS 37 Provvedimenti, Obbilgazzjonijiet Kontinġenti u Assi Kotinġenti.

40

Pjanijiet ta’ benefiċċju definit li jaqsmu r-riskji bejn entitajiet taħt kontroll komuni, pereżempju, kumpanija prinċipali u s-sussidjarja tagħha, mhumiex pjanijiet bejn għadd ta’ impjegaturi.

41

Entità parteċipanti fi pjan bħal dan għandha tikseb informazzjoni dwar il-pjan kollu, imkejla f'konformità ma' dan l-Istandard abbażi tas-suppożizzjonijiet li japplikaw għall-pjan kollu. Jekk hemm ftehim kuntrattwali jew politika ddikjarata biex jiġi impost fuq l-entitajiet individwali tal-grupp il-kost nett tal-benefiċċju definit għal pjan kollu hekk kif imkejjel skont dan l-Istandard, l-entità għandha, fir-rapporti finanzjarji separati jew individwali tagħha, tirrikonoxxi l-kost nett tal-benefiċċju definit hekk kif iddebitat. Jekk mhemmx ftehim jew politika bħal din, il-kost nett tal-benefiċċju definit għandu jiġi rikonoxxut fir-rapporti finanzjarji separati jew individwali tal-entità tal-grupp li hi legalment l-impjegatur li qed tisponsorja l-pjan. L-entitajiet l-oħrajn tal-grupp għandhom, fir-rapporti finanzjarji separati jew individwali tagħhom, jirrikonoxxu kost li jkun daqs il-kontribuzzjoni pagabbli tagħhom għal dak il-perjodu.

42

Parteċipazzjoni fi pjan bħal dan hi tranżazzjoni bejn partijiet relatati għal kull entità individwali tal-grupp. Entità għandha għalhekk, fir-rapporti finanzjarji separati jew individwali tagħha, tiddivulga l-informazzjoni meħieġa mill-paragrafu 149.

43

Entità għandha tikkontabilizza pjan tal-istat bl-istess mod li tagħmel għal pjan bejn għadd ta’ impjegaturi (ara l-paragrafi 32 -39).

44

Pjani tal-istat huma stabbiliti b’leġiżlazzjoni sabiex ikopru l-entitajiet kollha (jew l-entitajiet kollha f’kategorija partikolari, pereżempju, industrija speċifika) u huma mħaddma mill-gvern lokali jew nazzjonali jew minn korp ieħor (pereżempju, aġenzija awtonoma maħluqa speċifikament għal dan il-għan) li mhijiex soġġetta għall-kontroll jew l-influwenza tal-entità ta’ rapportar. Xi pjanijiet stabbiliti minn entità jipprovdu kemm benefiċċji obbligatorji, bħal sostituzzjoni tal-benefiċċji li li kieku jkunu koperti taħt pjan tal-istat u benefiċċji volontarji addizzjonali. Pjanijiet bħal dawn mhumiex pjanijiet tal-Istat.

45

Pjanijiet tal-istat huma kkaratterizzati bħala benefiċċju definit jew bħala kontribuzzjoni definita, skont l-obbligu tal-entità skont il-pjan. Ħafna pjanijiet tal-istat huma ffinanzjati fuq bażi ta’ pay-as-you-go: kontribuzzjonijiet huma stabbiliti f’livell li huwa mistenni li jkun biżżejjed sabiex jitħallsu l-benefiċċji meħtieġa li jkunu dovuti fl-istess perjodu; benefiċċji futuri miksuba matul il-perjodu kurrenti jitħallsu minn kontribuzzjonijiet futuri. Madankollu, fil-biċċa l-kbira tal-pjanijiet tal-istat, l-entità ma għandha ebda obbligu legali jew kostruttiv li tħallas dawk il-benefiċċji futuri: l-uniku obbligu tagħha huwa li tħallas il-kontribuzzjonijiet li jsiru dovuti u jekk l-entità tieqaf timpjega membri tal-pjan tal-istat, ma jkollha ebda obbligazzjoni li tħallas il-benefiċċji miksuba mill-impjegati tagħha stess fis-snin preċedenti. Għal din ir-raġuni, il-pjanijiet tal-istat huma normalment pjanijiet ta’ kontribuzzjoni definita. Madankollu, meta pjan tal-istat ikun pjan ta’ benefiċċju definit, entità tapplika tapplika l-paragrafi 32-39.

46

Entità tista’ tħallas primjums tal-assigurazzjoni biex tiffinanzja pjan ta’ benefiċċju ta’ wara l-impjieg. L-entità għandha tittratta tali pjan bħala pjan ta’ kontribuzzjoni definita sakemm l-entità ma jkollhiex (jew direttament jew indirettament permezz ta’ pjan) obbligu legali jew kostruttiva li:

Jekk l-entità żżomm tali obbligu legali jew kostruttiv, l-entità għandha tittratta l-pjan bħala pjan ta' benefiċċju definit.

47

Il-benefiċċji assigurati b’polza tal-assigurazzjoni ma jeħtieġx li jkollhom relazzjoni diretta jew awtomatika mal-obbligu tal-entità għall-benefiċċji tal-impjegati. Pjanijiet ta’ benefiċċju ta’ wara l-impjieg li jinvolvu poloz tal-assigurazzjoni huma soġġetti għall-istess distinzjoni bejn kontabilità u ffinanzjar bħal pjanijiet iffinanzjati oħrajn.

48

Meta entità tiffinanzja obbligu ta’ benefiċċju ta’ wara l-impjieg billi tikkontribwixxi għal polza tal-assigurazzjoni li taħtha l-entità (jew direttament, indirettament permezz tal-pjan, permezz tal-mekkaniżmu għall-istipular ta’ poloz futuri jew permezz ta’ relazzjoni ma' partijiet relatata mal-assiguratur) iżżomm obbligu legali jew kostruttiv, il-pagament tal-primjums ma jammontax għal arranġament ta’ kontribuzzjoni definita. Minn dan jirriżulta li l-entità:

49

Meta polza tal-assigurazzjoni tkun f’isem parteċipant speċifikat tal-pjan jew f'isem grupp ta’ parteċipanti tal-pjan u l-entità ma jkollhiex obbligu legali jew kostruttiv sabiex tkopri kwalunkwe telf fil-polza, l-entità ma għandha ebda obbligu li tħallas benefiċċji lill-impjegati filwaqt li l-assiguratur għandu r-responsabbiltà unika li jħallas il-benefiċċji. Il-pagament ta’ primjums fissi taħt tali kuntratti huwa, fis-sustanza s-sald tal-obbligu ta’ benefiċċju tal-impjegati, aktar milli investiment biex jiġi ssodisfat l-obbligu. Konsegwentament, l-entità ma għaddx għandha assi jew obbligazzjoni. Għalhekk, entità tittratta tali pagamenti bħala kontribuzzjonijiet fi pjan ta’ kontribuzzjoni definita.

50

Il-kontabilità għal pjanijiet ta’ kontribuzzjoni definita hija sempliċi minħabba li l-obbligu tal-entità relatriċi għal kull perjodu huwa ddeterminata bl-ammonti li għandhom jiġu kkontribwiti għal dak il-perjodu. Konsegwentament, ma jinħtieġu l-ebda suppożizzjonijiet attwarjali biex ikejlu l-obbligu jew l-ispiża u ma hemm l-ebda possibbiltà ta’ xi qligħ jew telf attwarjali. Barra minn hekk, l-obbligi jitkejlu fuq bażi mhux skontat, ħlief meta ma jkunux mistennija jiġu saldati għal kollox qabel tnax-il xahar wara tmiem il-perjodu li fih l-impjegati jkunu taw is-servizz relatat.

51

Meta impjegat ikun ta servizz lil entità matul xi perjodu, l-entità għandha tirrikonoxxi l-kontribuzzjoni pagabbli fi pjan ta’ kontribuzzjoni definita bi skambju għal dak is-servizz:

52

Meta l-kontribuzzjonijiet fi pjan ta’ kontribuzzjoni definita ma jkunux mistennija jiġu saldati għal kollox qabel tnax-il xahar wara tmiem il-perjodu tar-rappurtaġġ annwali li fih l-impjegati jagħtu s-servizz relatat, il-kontribuzzjonijiet għandhom ikunu skontati bl-użu tar-rata ta’ skont speċifika ta fil-paragrafu 83.

53

Entità għandha tiddivulga l-ammont rikonoxxut bħala spiża għall-pjanijiet ta’ kontribuzzjoni definita.

54

Meta jkun meħtieġ mill-IAS 24, entità tiddivula informazzjoni dwar il-kontribuzzjonijiet fi pjanijiet ta’ kontribuzzjoni definita għal persunal maniġerjali importanti.

55

Il-kontabilità ta’ pjanijiet ta’ benefiċċju definit hija kumplessa minħabba li jkun hemm bżonn ta' suppożizzjonijiet attwarjali biex ikejlu l-obbligu u l-ispiża u hemm possibbiltà ta’ qligħ u telf attwarjali. Barra minn hekk, l-obbligazzjonijiet jitkejlu fuq bażi skontata minħabba li dawn jistgħu jiġu saldati ħafna snin wara li l-impjegati jkunu taw is-servizz relatat.

56

Pjanijiet ta’ benefiċċju definit jistgħu ma jkunux iffinanzjati, jew jistgħu jkunu ffinanzjati għal kollox jew parzjalment minn kontribuzzjonijiet minn entità, u xi kultant mill-impjegati tagħha, għal ġo entità jew fond, li jkun legalment separat mill-entità relatriċi u li minnu jitħallsu l-benefiċċji tal-impjegati. Il-ħlas ta’ benefiċċji ffinanzjati, meta jsiru dovuti, jiddependi mhux biss fuq il-qagħda finanzjarja u l-prestazzjoni tal-investiment tal-fond iżda wkoll fuq l-abbiltà tal-entità u r-rieda, li tagħmel tajjeb għal kwalunkwe nuqqas fl-assi tal-fond. Għalhekk l-entità, fis-sustanza, tissottoskrivi r-riskji attwarjali u tal-investimenti assoċjati mal-pjan. Konsegwentament, l-ispiża rikonoxxuta għal pjan ta’ benefiċċju definit mhijiex neċessarjament l-ammont tal-kontribuzzjoni dovuta għall-perjodu.

57

Il-kontabilità minn entità għal pjanijiet ta’ benefiċċju definit tinvolvi l-passi li ġejjin:

Meta entità jkollha aktar minn pjan wieħed ta' benefiċċju definit, l-entità tapplika dawn il-proċeduri għal kull pjan materjali separatament.

58

Entità għandha tiddetermina l-obbligazzjoni netta tal-benfiċċju definiti (assi) b’regolarità suffiċjenti b’mod li l-ammonti rikonoxxuti fir-rapporti finanzjarji ma jvarjawx materjalment mill-ammonti li jkunu stabbiliti fi tmiem il-perjodu tar-rappurtaġġ.

59

Dan l-Istandard jinkoraġġixxi, iżda ma jitlobx, li entità tinvolvi attwarju kkwalifikat fil-kejl tal-obbligi materjali kollha tal-benefiċċji ta’ wara l-impjieg. Għal raġunijiet prattiċi, entità tista’ titlob attwarju kkwalifikat biex iwettaq valwazzjoni dettaljata tal-obbligu qabel tmiem il-perjodu tar-rappurtaġġ. Madankollu, ir-riżultati ta’ dik il-valwazzjoni huma aġġornati għal kwalunkwe tranżazzjonijiet materjali u bidliet materjali oħra fiċ-ċirkostanzi (inklużi bidliet fil-prezzijiet tas-suq u r-rati tal-imgħax) sat-tmiem il-perjodu tar-rappurtaġġ.

60

F’xi każijiet, l-istimi, il-medji u l-komputazzjonijiet għal qosor jistgħu jipprovdu approssimazzjoni affidabbli tal-komputazzjonijiet dettaljati illustrati f’dan l-Istandard.

61

Entità għandha tikkontabilizza mhux biss l-obbligu legali tagħha taħt it-termini formali ta’ pjan ta’ benfiċċju definit, iżda wkoll kwalunkwe obbligu kostruttiv li jirriżulta mill-prattiċi informali tal-entità. Il-prattiċi informali jwasslu għal obbligu kostruttiv fejn l-entità ma għandha l-ebda alternattiva realistika għajr li tħallas il-benefiċċji tal-impjegati. Eżempju ta’ obbligu kostruttiv huwa meta bidla fil-prattiċi informali tal-entità tikkawża dannu inaċċettabbli fir-relazzjoni tagħha mal-impjegati.

62

It-termini formali ta’ pjan ta’ benefiċċju definit jistgħu jippermettu lil entità li ttemm l-obbligu tagħha skont il-pjan. Madankollu, ġeneralment huwa diffiċli għal entità li ttemm l-obbligu tagħha skont pjan (mingħajr ħlas) jekk tkun trid iżżomm lill-impjegati. Għalhekk, fin-nuqqas ta’ provi għall-kuntrarju, il-kontabilizzazzjoni tal-benefiċċji ta’ wara l-impjieg tassumi li entità li attwalment qiegħda twiegħed dawn il-benefiċċji ser tkompli tagħmel dan matul il-bqija tal-ħajja tax-xogħol tal-impjegati.

63

Entità għandha tirrikonoxxi l-obbligazzjoni netta tal-benefiċċju definit (assi) fir-rapport tal-pożizzjoni finanzjarja.

64

Meta entità jkollha surplus fi pjan tal-benefiċċji definit, din għandha tkejjel l-assi nett tal-benefiċċju definit fl-anqas ta':

65

Assi nett ta' benefiċċju definit jista’ jirriżulta fejn pjan ta’ benefiċċju definit kien soprafinanzjat jew fejn ikun sar qligħ attwarjali. Entità tirrikonoxxi assi nett ta' benefiċċju definit f’dawn il-każijiet minħabba li:

66

Il-kost aħħari ta’ pjan ta’ benefiċċju definit jista’ jiġi influwenzat minn bosta varjabbli, bħas-salarji finali, id-dawran u l-mortalità, il-kontribuzzjonijiet tal-impjegati u x-xejriet fl-ispejjeż mediċi. Il-kost aħħari tal-pjan mhuwiex ċert u huwa probabbli li din l-inċertezza ser tkompli għal perjodu twil ta’ żmien. Sabiex jiġu mkejla l-valur preżenti tal-obbligi ta’ benefiċċju ta’ wara l-impjieg u l-kost relatat ta’ servizz kurrenti, huwa neċessarju li:

67

Entità għandha tuża’ l-metodu tal-unità tal-kreditu pproġettata, sabiex tiddetermina l-valur preżenti tal-obbligi tal-benefiċċju definit tagħha u l-kost tas-servizz kurrenti relatat u, fejn ikun japplika, il-kost tas-servizz passat.

68

Il-Metodu tal-unità tal-kreditu proġettat (xi drabi magħruf bħala l-metodu tal-benefiċċju dovut prorata skont is-servizz jew bħala l-metodu ta’ benefiċċju/snin għas-servizz) iqis kull perjodu ta’ servizz bħala li jagħti lok għall-unità addizzjonali ta’ intitolament għall-benefiċċju (ara l-paragrafi 70-74) u jkejjel kull unità b’mod separat sabiex jasal għall-obbligu finali (ara l-paragrafi 75-98).

Eżempju li jispjega l-paragrafu 68

Benefiċċju ta’ somma f'daqqa pagabbli mat-terminazzjoni ta’ servizz u li jkun jammonta għal 1 % tas-salarju finali ta’ kull sena ta’ servizz. Is-salarju fis-sena nru 1 huwa CU 10 000 u huwa ssoponut li ser jiżdied bi 7 fil-mija (kompost) kull sena. Ir-rata ta’ skont użata hija ta' 10 fil-mija kull sena. It-tabella li ġejja turi kif l-obbligu jakkumula għal impjegat li huwa mistenni jitlaq fl-aħħar tas-sena nru 5, jekk wieħed jassumi li ma hemm l-ebda bidla fis-suppożizzjonijiet attwarjali. Għal raġunijiet ta' sempliċità, dan l-eżempju jinjora l-aġġustament addizzjonali meħtieġ sabiex tiġi riflessa l-probabbiltà li l-impjegat jista' jitlaq l-entità f'data qabel jew wara.

Nota:

69

Entità tapplika rata ta’ skont għall-obbligu totali ta’ benefiċċju ta’ wara l-impjieg, anke jekk parti mill-obbligu tkun mistennija li tiġi saldata qabel tnax-il xahar wara l-perjodu tar-rappurtaġġ.

70

Meta tiddetermina l-valur preżenti tal-obbligi ta' benefiċċju definit tagħha u l-kost tas-servizz kurrenti relatat u, meta jkun japplika, il-kost tas-servizz fil-passat, entità għandha tattribwixxi benefiċċju għall-perjodi ta’ servizz skont il-formula tal-benefiċċji tal-pjan. Iżda jekk servizz ta’ impjegat fis-snin tal-aħħar ser iwassal għal livell materjalment ogħla ta’ benefiċċju milli fis-snin tal-bidu, entità għandha tattribwixxi benefiċċju fuq bażi lineari minn:

71

Il-metodu tal-unità tal-kreditu proġettata jeħtieġ li entità tattribwixxi benefiċċju għall-perjodu kurrenti (sabiex tiddetermina l-kost tas-servizz kurrenti) u l-perjodi kurrenti u preċedenti (sabiex tiddetermina l-valur preżenti tal-obbligi ta’ benefiċċju definit). Entità tattribwixxi benefiċċju għall-perjodi li fihom jinħoloq l-obbligu li tipprovdi l-benefiċċji wara l-impjieg. Dak l-obbligu jinħoloq hekk kif l-impjegati jagħtu servizzi bi skambju għall-benefiċċji ta’ wara l-impjieg li entità tistenna li tħallas fil-perjodi futuri ta’ rappurtaġġ. Tekniki attwarjali jippermettu li entità tkejjel dak l-obbligu b'biżżejjed affidabilità sabiex tiġġustifika r-rikonoxximent ta' obbligazzjoni.

Eżempji li jispjegaw il-paragrafu 71

72

Is-servizz ta' impjegat jagħti lok għall-obbligu taħt il-pjan ta’ benefiċċju definit anke jekk il-benefiċċji huma kundizzjonali fuq l-impjieg futur (fi kliem ieħor mhumiex vestiti). Is-servizz ta' impjegat qabel id-data tal-vestiment jagħti lok għall-obbligu kostruttiv peress li fi tmiem ta’ kull perjodu tar-rappurtaġġ suċċessiva, l-ammont ta' servizz futur li impjegat ikollu jagħti qabel ma jkun intitolat għall-benefiċċju jonqos. Meta tkejjel l-obbligu ta' benefiċċju definit tagħha, entità tikkunsidra l-probabbiltà li xi impjegati jistgħu ma jissodisfaw l-ebda rekwiżit għall-vestiment. B'mod simili, avolja ċerti benefiċċji ta' wara l-impjieg, pereżempju l-benefiċċji mediċi ta' wara l-impjieg, isiru pagabbli biss jekk iseħħ avveniment speċifikat meta impjegat ma jkunx għadu impjegat, jinħoloq obbligu meta l-impjegat jagħti servizz li jipprovdi intitolament għall-benefiċċju jekk iseħħ l-avveniment speċifikat. Il-probabbiltà li jseħħ l-avveniment speċifikat taffettwa l-kejl tal-obbligu iżda ma tiddeterminax jekk l-obbligu jeżistix.

Eżempji li jispjegaw il-paragrafu 72

73

L-obbligu jiżdied sad-data meta servizz ulterjuri mill-impjegat ma jwassal għall-ebda ammont materjali ta’ benefiċċju ulterjuri. Għalhekk, il-benefiċċju kollu huwa attribwit għal perjodi li jispiċċaw f'dik id-data jew qabel. Il-benefiċċju huwa attribwit għall-perjodi individwali ta’ kontabilità skont il-formola tal-benefiċċju tal-pjan. Iżda jekk is-servizz ta’ impjegat fl-aħħar snin iwassal għal-livell materjalment ogħla ta’ benefiċċju milli fis-snin tal-bidu, entità tattribwixxi benefiċċju fuq il-bażi lineari sad-data meta servizz ulterjuri mill-impjegat ma jwassal għall-ebda ammont materjali ta’ benefiċċji ulterjuri. Dan huwa għaliex is-servizz tal-impjegat fil-perjodu kollu fl-aħħar mill-aħħar iwassal għall-benefiċċju f’dak il-livell ogħla.

Eżempji li jispjegaw il-paragrafu 73

74

Meta l-ammont ta’ benefiċċju huwa proporzjon kostanti ta’ salarju finali ta’ kull sena ta’ servizz, iż-żidiet futuri fis-salarju jaffettwaw l-ammont neċessarju sabiex jiġi saldat l-obbligu li jeżisti għas-servizz qabel tmiem il-perjodu ta' rappurtaġġ, iżda ma joħolqux obbligu addizzjonali. Għalhekk:

Eżempju li jispjega l-paragrafu 74

L-impjegati huma intitolati għal benefiċċju ta’ 3 fil-mija tas-salarju finali għal kull sena ta’ servizz qabel l-età ta’ 55.

Benefiċċju ta’ 3 fil-mija ta’ salarju finali estimat huwa attribwit għal kull sena sal-età ta’ 55. Din hija d-data meta servizz ulterjuri mill-impjegat ma jwassal għall-ebda ammont materjali ta’ benefiċċju ulterjuri skont il-pjan. Ma jiġi attribwit l-ebda benefiċċju għal servizz wara dik id-data.

75

Is-suppożizzjonijiet attwarjali għandhom ikunu oġġettivi u kompatibbli b’mod reċiproku.

76

Is-suppożizzjonijiet attwarjali huma l-aħjar estimi ta’ entità tal-varjabbli li sejrin jiddeterminaw il-kostijiet aħħarija tal-għoti ta’ benefiċċji ta' wara l-impjieg. Is-suppożizzjonijiet attwarjali jinkludu:

77

Is-suppożizzjonijiet attwarjali jkunu oġġettivi jekk ma jkunux imprudenti jew konservattivi b’mod eċċessiv.

78

Is-suppożizzjonijiet attwarjali huma kompatibbli b’mod reċiproku jekk jirriflettu r-relazzjonijiet ekonomiċi bejn fatturi bħall-inflazzjoni, ir-rati ta’ żieda fis-salarji u r-rati ta’ skont. Pereżempju, is-suppożizzjonijiet kollha li jiddependu fuq livell ta’ inflazzjoni partikolari (bħal suppożizzjoni dwar ir-rati ta’ interess u ż-żidiet fis-salarju u l-benfiċċji) f’kwalunkwe perjodu futur jassumi l-istess livell ta’ inflazzjoni f’dak il-perjodu.

79

Entità tiddetermina r-rata ta’ skont u suppożizzjonijiet finanzjarji oħra f’termini nominali (rapportati) sakemm stimi f’termini reali (aġġustati għall-inflazzjoni) ikunu aktar affidabbli, pereżempju f’ekonomija iperinflazzjonarja (ara l-IAS 29 Rapportar Finanzjarju f’Ekonomiji Iperinflazzjonarji), jew meta l-benefiċċju jkun relatat ma’ indiċi u hemm suq kbir fil-bonds relatati ma’ indiċi tal-istess munita u termini.

80

Is-suppożizzjonijiet finanzjarji għandhom ikunu bbażati fuq l-aspettattivi tas-suq, fi tmiem il-perjodu tar-rappurtar, għall-perjodu li matul għandhom jiġu ssaldati l-obbligi.

81

Entità għandha tiddetermina s-suppożizzjonijiet tal-mortalità tagħha b'referenza għall-aħjar stimi tagħha tal-mortalità tal-membri tal-pjan kemm matul kif ukoll wara l-impjieg.

82

Sabiex tistma l-kost finali tal-benefiċċju entità għandha tieħu inkonsiderazzjoni t-tibdiliet mistennija fil-mortalità, pereżempju billi timmodifika t-tabelli standard tal-mortalità bl-estimi tat-titjib fil-mortalità.

83

Ir-rata ta’ skont użata għall-obbligi tal-għoti ta’ benefiċċji wara l-impjieg (kemm iffinanzjati kif ukoll mhux iffinanzjati) għandha tkun determinata b’referenza għar-redditi tas-suq fi tmiem il-perjodu tar-rappurtar fuq il-bonds korporattivi ta’ kwalità għolja. F'pajjiżi fejn ma hemmx suq kbir f'dawn il-bonds, għandhom jintużaw ir-redditi tas-suq (fi tmiem il-perjodu tar-rappurtar) minn bonds tal-gvern. Il-munita u t-termini tal-bonds korporattivi jew tal-bonds tal-gvern għandhom ikunu konsistenti mal-munita u t-terminu stimat tal-obbligi tal-għoti tal-benefiċċji ta' wara l-impjieg.

84

Suppożizzjoni attwarjali li għandha effett materjali hija r-rata ta’ skont. Ir-rata ta' skont tirrifletti l-valur tal-ħin tal-flus iżda mhux ir-riskju attwarjali jew tal-investiment. Minbarra dan, ir-rata ta’ skont ma tirriflettix ir-riskju ta’ kreditu speċifiku għall-entità mġarrab mill-kredituri tal-entità u lanqas ma jirrifletti r-riskju li l-esperjenza futura tista’ tvarja mis-suppożizzjonijiet attwarjali.

85

Ir-rata ta’ skont tirrifletti l-istima ta' meta ser isiru l-pagamenti tal-benefiċċju. Fil-prattika, entità spiss tikseb dan billi tapplika rata ta’ skont waħda b’medja ppiżata li tirrifletti l-istima ta' meta ser isiru l-pagamenti tal-benefiċċju u l-ammont tagħhom u l-munita li biha se jitħallsu l-benefiċċji.

86

F’xi każijiet jista’ ma jkunx hemm suq kbir fil-bonds b’maturità twila biżżejjed li taqbel mal-maturità stmata tal-ħlasijiet kollha tal-benefiċċji. F'każijiet bħal dawn, entità tuża r-rati kurrenti tas-suq tat-terminu adattat sabiex tagħti skont lil pagamenti ta' terminu qasir, u tistma r-rata ta' skont għall-maturitajiet aktar fit-tul billi testrapola r-rati kurrenti tas-suq tul il-kurva tar-redditi. X'aktarx il-valur preżenti totali ta' obbligu ta' benefiċċju definit ma jkunx partikolarment sensittiv għar-rata ta' skont applikata għall-porzjon tal-benefiċċji li huwa pagabbli 'l hinn mill-maturità finali tal-bonds korporattivi jew tal-gvern disponibbli.

87

Entità għandha tkejjel l-obbligi ta’ benefiċċju definiti tagħha fuq bażi li tirrifletti:

88

Suppożizzjonijiet atwarjali jirriflettu bidliet futuri li huma stipulati fit-termini formali ta' pjan (jew obbligu kostruttiv li jmur ‘l hinn dawk it-termini) fi tmiem il-perjodu tar-rappurtaġġ; Dan ikun il-każ jekk, pereżempju:

89

Is-suppożizzjonijiet attwarji ma jirriflettux il-bidliet futuri fil-benefiċċju li ma humiex stipulati fit-termini formali tal-pjan (jew obbligu kostruttiv) fi tmiem il-perjodu tar-rappurtaġġ. Dawn il-bidliet jirriżultaw fi:

90

L-estimi taż-żidiet futuri fis-salarji jieħdu f’kunsiderazzjoni l-inflazzjoni,is-sinjorità, il-promozzjoni u fatturi relevanti oħra, bħall-provvista u d-domanda fis-suq tax-xogħol.

91

Xi pjanijiet ta' benefiċċju definiti jillimitaw il-kontribuzzjonijiet li entità tkun meħtieġa tħallas. Il-kost aħħari tal-benefiċċji jqis l-effett ta' limitu fuq il-kontribuzzjonijiet. L-effett ta' limitu fuq il-kontribuzzjonijiet tiġi ddeterminata abbżi tal-iqsar bejn:

92

Xi pjanijiet ta' benefiċċju definiti jeħtieġu lill-impjegati jew partijiet terzi jikkontribwixxu fil-kost tal-pjan. Kontirbuzzjonijiet mill-impjegati jnaqqsu l-kost tal-benefiċċji minn fuq l-entità. Entità tikkonsidra jekk kontribuzzjonijiet minn partijiet terzi jnaqqsux il-kost tal-benefiċċji minn fuq l-entità jew jekk hemmx l-obbligu li tirrimburżahom kif deskritt fil-paragrafu 116. Kontribuzzjonijiet mill-impjegati jew partijiet terzi jew jiġi stipulati fit-termini formali tal-pjan (jew li jirriżultaw minn xi obbligu kostruttiv li jmur ‘l hinn dawk it-termini), jew huma deskrizzjonali. Kontribuzzjonijiet deskrizzjonali mill-impjegati jew partijiet terzi jnaqqsu l-kost tas-servizz mal-pagament ta' dawn il-kontribuzzjonijiet lill-pjan.

93

Kontribuzzjonijiet mill-impjegati jew partijiet terzi stipulati fit-termini formali tal-pjan jew inaqqsu l-kost tas-servizz (jekk ikunu marbuta mas-servizz), jew inaqqsu l-kejl mill-ġdid tal-obbligu nett tal-benefiċċju definit (assi) (eż. jekk il-kontribuzzjonijiet ikunu meħtieġa biex jitnaqqas defiċit li jkun qed jinħoloq minn telf fuq l-assi tal-pjan jew telf atwarjali). Kontribuzzjonijiet mill-impjegati jew partijiet terzi fir-rigward ta' servizz huma attribwiti għal perjodi ta' servizz bħala benefiċċju negattiv skont il-paragrafu 70 (jiġifieri l-benefiċċju nett jiġi attribwit skont dak il-paragrafu).

94

Bidliet fil-kontribuzzjonijiet tal-impjegati jew tal-partijiet terzi fir-rigward ta' servizz iwasslu għal:

95

Xi benefiċċji ta’ wara l-impjieg huma relatati ma' varjabbli bħal-livell ta’ benefiċċji tal-iritirar mill-istat jew il-kura medika mill-istat. Il-kejl ta' dawn il-benefiċċji jirrifletti l-aħjar estimi ta' dawn il-varjabbli, abbażi tad-dejta storika u evidenza affidabbli oħra.

96

Suppożizzjonijiet dwar l-ispejjeż mediċi għandhom iqisu l-bidliet futuri estimati fl-ispiża tas-servizzi mediċi li jirriżultaw kemm mill-inflazzjoni kif ukoll mill-bidliet speċifiċi fl-ispejjeż mediċi.

97

Il-kejl ta’ benefiċċji mediċi wara l-impjieg jeħtieġ suppożizzjonijiet dwar il-livell u l-frekwenza tal-klejms futuri u l-kostijiet sabiex dawk il-klejms jiġu ssodisfati. Entità testima l-ispejjeż mediċi futuri fuq il-bażi ta’ informazzjoni storika dwar l-esperjenza tal-entità stess, issupplimentata, fejn ikun neċessarju, minn dejta storika minn entitiajiet oħra, kumpaniji tal-assikurazzjoni, fornituri mediċini jew sorsi oħra. Estimi tal-ispejjeż mediċi futuri jqisu l-effett ta' avvanzi teknoloġiċi, il-bidliet fl-użu tal-kura tas-saħħa jew wejriet fil-prestazzjoni u bidliet fl-istatus tas-saħħa tal-parteċipanti fil-pjan.

98

Il-livell u l-frekwenza tal-klejms huma partikolarment sensittivi għall-età, għall-istatus tas-saħħa u s-sess tal-impjegati (u d-dipendenti tagħhom) u jistgħu jkunu sensittivi għal fatturi oħra bħall-post ġeografiku. Għalhekk, id-dejta storika hija aġġustata skont kemm it-taħlita demografika tal-populazzjoni tkun differenti minn dik tal-populazzjoni użata bħala bażi għad-dejta. Tiġi aġġustata ukoll meta hemm evidenza affidabbli li x-xejriet storiċi mhumiex se jkomplu.

99

Qabel tiddetermina l-kost tas-servizz passat, jew qligħ jew telf mas-saldu, entità għandha tkejjel mill-ġdid l-obbligu tal-benefiċċju definit (assi) billi tuża l-valur ġust kurrenti tal-assi tal-pjan u suppożizzjonijiet atwarjali kurrenti (fosthom ir-rati tal-imgħax kurrenti tas-suq u prezzijiet kurrenti oħra tas-suq) li jirrifletti l-benefiċċji offerti skont il-pjan qabel l-emenda fil-pjan, tnaqqis jew saldu.

100

Entità ma għandhiex għalfejn tiddistingwi bejn kost tas-servizz passat li tirriżulta minn emenda fil-pjan, kost tas-servizz passat li jirriżulta minn tnaqqis jew qligħ jew telf mas-saldu jekk dawn it-trażazzjonijiet iseħħu flimkien. F'xi każijiet, emenda fil-pjan isseħħ qabel is-saldu, bħal meta entità tbiddel il-benefiċċji skont il-pjan u ssalda l-benefiċċji emendati aktar tard. F'dawn il-każijiet entità tirrikonoxxi l-kost tas-servizz passat qabel kwalunkwe qligħ jew telf mas-saldu.

101

Saldu jseħħ flimkien ma’ emenda u tnaqqis fil-pjan jekk pjan jiġi tterminat bir-riżultat li l-obbligu jiġi saldat u l-pjan ma jibqax jeżisti. Madankollu, it-terminazzjoni tal-pjan ma tkunx saldu jekk il-pjan jiġi sostitwit bi pjan ġdid li joffri benefiċċji li huma, fis-sustanza tagħhom, l-istess.

102

Kost tas-servizz passat hija l-bidla fil-valur preżenti tal-obbligu ta' benefiċċju definit li tirriżulta minn pjan emendat jew imnaqqas.

103

Entità għandha tirrikonoxxi l-kost tas-servizz passat bħala spiża fl-ewwel minn dawn id-dati:

104

Emenda fil-pjan isseħħ meta entità tintroduċi, jew tirtira pjan ta’ benefiċċju ta' benefiċċju definit jew tibdel il-benefiċċji pagabbli skont pjan ta’ benefiċċju definit eżistenti.

105

Tnaqqis iseħħ meta entità tnaqqas b'mod sinifikanti l-għadd ta' impjegati koperti minn pjan. Tnaqqis jista’ jirriżulta minn avveniment iżolat, bħall-għeluq ta’ impjant, operazzjoni li ma titkompliex jew it-terminazzjoni jew sospensjoni ta’ pjan.

106

Il-kost tas-servizz passat jista’ jkun jew pożittiv (meta l-benefiċċji jiġu introdotti jew mibdulin biex il-valur preżenti tal-obbligu ta' benefiċċju definit jiżdied) jew negattiv (meta l-benefiċċji jiġu rtirati jew jinbidlu biex il-valur preżenti tal-obbligu tal-benefiċċju definit jonqos).

107

Meta entità tnaqqas il-benefiċċji pagabbli skont pjan ta’ benefiċċju definit eżistenti u, fl-istess ħin, iżżid benefiċċji oħra pagabbli skont il-pjan għall-istess impjegati, l-entità titratta l-bidla bħala bidla netta waħda.

108

Il-kost tas-servizz passat teskludi:

109

Il-qligħ jew it-telf mas-saldu huwa d-differenza bejn:

110

Entità għandha tirrikonoxxi qligħ jew telf mas-saldu ta' pjan ta’ benefiċċju definit meta jseħħ is-saldu.

111

Saldu jseħħ meta entità tidħol għal tranżazzjoni li telimina l-obbligi legali jew kostruttivi ulterjuri kollha għal parti mill-benefiċċji jew għall-benefiċċji kollha pprovduti skont pjan ta’ benefiċċju definit (għajr għal pagament tal-benefiċċji lil, jew f'isem l-impjegati skont it-termini tal-pjan u inkluż fis-suppożizzjonijiet attwarjali. Pereżempju, trasferiment ta' darba ta' obbligi sinifikanti tal-impjegatur skont pjan, lejn kumpanija tal-assigurazzjoni permezz ta' xiri ta' polza tal-assigurazzjoni huwa saldu; pagament ta' somma flus f'daqqa, skont it-termini tal-pjan, lil parteċipanti tal-pjan bi skambju mad-drittijiet tagħhom li jirċievu benefiċċji speċifiċi wara l-impjieg, mhumiex.

112

Fi xi każijiet, entità tikseb polza tal-assigurazzjoni sabiex tiffinanzja wħud mill-benefiċċji għall-impjegati, jew kollha, relatati mas-servizzi tal-impjegati fil-perjodi kurrenti jew preċedenti. L-akkwiżizzjoni ta' din il-polza mhijiex saldu jekk l-entità żżomm obbligu legali jew kostruttiv (ara l-paragrafu 46) sabiex tħallas ammonti ulterjuri jekk l-assiguratur ma jħallasx il-benefiċċji tal-impjegati speċifikati fil-polza tal-assigurazzjoni. Il-paragrafi 116-119 jindirizzaw ir-rikonoxximent u l-kejl tad-drittijiet tar-rimborż skont poloz tal-assigurazzjoni li mhumiex assi tal-pjan.

113

Il-valur ġust ta’ kwalunkwe assi tal-pjan jitnaqqas mill-valur preżenti tal-obbligu ta' benefiċċju definit fid-determinazzjoni tad-defiċit jew is-surplus. Meta ma jkun disponibbli l-ebda prezz tas-suq, il-valur ġust tal-assi tal-pjan jiġi estimat, pereżempju billi jiġu skontati l-flussi ta' flus futuri mistennija permezz ta’ rata ta’ skont li tirrifletti kemm ir-riskju assoċjat mal-assi tal-pjan kif ukoll il-maturità jew id-data mistennija ta’ disponiment ta’ dawk l-assi (jew jekk ma għandhomx maturità, il-perjodu mistenni sas-saldu tal-obbligu relatat).

114

L-assi tal-pjan jeskludu kontribuzzjonijiet mhux imħallsa dovuti mill-entità ta’ rapportar lill-fond, kif ukoll kwalunkwe strument finanzjarju mhux trasferibbli maħruġ mill-entità u miżmum mill-fond. L-assi tal-pjan jitnaqqsu bi kwalunkwe obbligazzjonijiet tal-fond li ma għandhomx x’jaqsmu mal-benefiċċji għall-impjegati, pereżempju, il-kummerċ u ħlasijiet u obbligazzjonijiet oħra li jirriżultaw minn strumenti finanzjarji derivati.

115

Meta l-assi tal-pjan jinkludu poloz tal-assigurazzjoni kwalifikanti, li taqbel eżatt mal-ammont u ż-żmien ta’ wħud jew tal-benefiċċji kollha pagabbli skont il-pjan, il-valur ġust ta’ dawk il-poloz tal-assigurazzjoni jitqies li jkun il-valur preżenti tal-obbligi relatati (soġġett għal kwalunkwe tnaqqis meħtieġ jekk l-ammonti reċivibbli skont il-polza tal-assigurazzjoni ma jiġux irkuprati bis-sħiħ).

116

Meta, u biss meta, ikun virtwalment ċert li parti oħra sejra tirrimborża xi parti mill-ispiża jew l-ispiża kollha neċessarja sabiex jissalda l-obbligu ta’ benefiċċju definit, entità għandha:

117

Xi drabi, entità tista’ tħares lejn parti oħra, bħal assiguratur, sabiex tħallas parti mill-ispiża jew l-ispiża kollha neċessarja għas-saldu ta' obbligu ta’ benefiċċju definit. Il-poloz tal-assigurazzjoni kwalifikanti, kif definit fil-paragrafu 8, huma l-assi tal-pjan. Entità tikkontabbilizza l-poloz tal-assigurazzjoni kwalifikanti bl-istess mod bħal ma tagħmel għall-assi l-oħra tal-pjan u l-paragrafu 116 ma japplikax (ara l-paragrafi 46-49 u 115).

118

Meta polza tal-assigurazzjoni li jkollha entità ma tkunx polza tal-assigurazzjoni kwalifikanti, dik il-polza tal-assigurazzjoni mhijiex assi tal-pjan. Il-paragrafu 116 huwa relevanti f'dawn il-każijiet: l-entità tirrikonoxxi d-dritt tagħha għar-rimborż skont il-polza tal-assigurazzjoni bħala assi separat, u mhux bħala tnaqqis fid-determinazzjoni tad-defiċit jew surplus tal-benefiċċju definit. Il-paragrafu 140(b) jeħtieġ li l-entità tiddivulga deskrizzjoni qasira tal-konnessjoni bejn id-dritt tar-rimborż u l-obbligu relatat.

119

Jekk ikun hemm id-dritt għal rimborż skont polza tal-assigurazzjoni li jaqbel eżatt mal-ammont u mal-ħin ta’ wħud mill-benefiċċji jew mal-benefiċċji kollha pagabbli skont pjan ta’ benefiċċju definit, il-valur ġust tad-dritt ta’ rimborż jitqies li huwa l-valur preżenti tal-obbligu relatat (soġġett għal kwalunkwe tnaqqis meħtieġ jekk ir-rimborż ma jkunx rekuperabbli bis-sħiħ).

120

Entità għandha tirrikonoxxi l-komponenti ta' kost ta' benefiċċju definit, ħlief sal-punt li IFRS ieħor jitlob jew jippermetti l-inklużjoni tagħhom fl-ispiża ta’ assi, kif ġej:

121

IFRSs oħrajn jeħtieġu l-inklużjoni ta’ xi kostijiet tal-benefiċċji tal-impjegati, fil-kostijiet tal-assi, bħal inventarji jew proprjetà, impjanti u tagħmir (ara l-IAS 2 u l-IAS 16). Kull spiża ta' benefiċċji ta' wara l-impjieg inklużi fl-ispiża ta' dawk l-assi, jinkludu l-proporzjon xieraq tal-komponenti elenkati fil-paragrafu 120.

122

Kejl mill-ġdid tal-obbligazzjoni tal-benefiċċju definit nett (assi), rikonoxxut f'introjtu komperenżiv ieħor, ma għandux jiġi riklassifikat bħala profitt jew telf f'perjodu sussegwenti. Madankollu, entità tista' tittrasferixxi dawk l-ammonti rikonoxxuti f'introjtu komprensiv ieħor fl-ekwità.

123

Imgħax nett fuq l-obbligazzjoni tal-benefiċċju definit nett (assi) għandu jiġu determinat billi l-obbligazzjoni tal-benefiċċju definit nett (assi) jiġi mmultiplikat bir-rata tal-iskont speċifikata fil-paragrafu 83, it-tnejn li huma kif determinati fil-bidu tal-perjodu annwali tar-rappurtaġġ, fejn titqies kwalunkwe bidla fl-obbligazzjonijiet tal-benefiċċju definit nett (assi) matul il-perjodu bħala riżultat tal-pagamenti tal-kontribuzzjonijiet u l-benefiċċji.

124

Imgħax nett fuq l-obbligazzjoni tal-benefiċċju definit nett (assi) jista' jitqies li jinkludi introjtu minn imgħax fuq l-assi tal-pjan, l-ispiża tal-imgħax fuq l-obbligu tal-benefiċċju definit u mgħax fuq l-effett tal-limitu massimu tal-assi msemmi fil-paragrafu 64.

125

Introjtu minn imgħax fuq l-assi tal-pjan huwa komponent tar-redditu mill-assi tal-pjan, u jiġi determinat billi l-valur ġust tal-assi tal-pjan jiġi mmultiplikat bir-rata tal-iskont speċifikata fil-paragrafu 83, it-tnejn li huma kif determinati fil-bidu tal-perjodu annwali tar-rappurtaġġ, fejn titqies kwalunkwe bidla fl-assi tal-pjan miżmuma matul il-perjodu b'riżultat tal-pagamenti tal-kontribuzzjonijiet u l-benefiċċji. Id-differenza bejn l-introjtu mill-imgħax fuq l-assi tal-pjan u r-redditu fuq l-assi tal-pjan tiġi inkluża fil-kejl mill-ġdid tal-obbligazzjoni tal-benefiċċju definit nett (assi).

126

Imgħax fuq l-effett tal-livell massimu tal-assi huwa parti mill-bidla totali fl-effett tal-livell massimu tal-assi, u jiġi determinat billi l-effett tal-livell massimu tal-assi jiġi multipplikat bir-rata tal-iskont speċifikata fil-paragrafu 83, it-tnejn li huma determinati fil-bidu tal-perjod ta' rappurtaġġ annwali. Id-differenza bejn dak l-ammont u l-bidla totali fl-effett tal-limitu massimu tal-assi hija inkluża fil-kejl mill-ġdid tal-obbligazzjoni tal-benefiċċju definit nett (assi).

127

Kejl mill-ġdid tal-obbligazzjoni tal-benefiċċju definit nett (assi) fih:

128

Il-qligħ u t-telf attwarjali jirriżultaw minn żidiet jew tnaqqis fil-valur preżenti tal-obbligu ta’ benefiċċju definit minħabba bidliet fis-suppożizzjonijiet attwarjali u l-aġġustamenti mill-esperjenza. Il-kawżi tal-qligħ u t-telf attwarjali jinkludu, pereżempju:

129

Qligħ jew telf atwarjali ma jinkludix bidliet fil-valur preżenti tal-obbligu tal-benefiċċju definit minħabba l-introduzzjoni, l-emendi jew is-saldu ta' pjan ta' benefiċċju definit jew bidliet fil-benefiċċji pagabbli skont il-pjan definit. Dawn il-bidliet jirriżultaw fi spejjeż passati tas-servizz jew qligħ jew telf mas-saldu.

130

Meta jiġi determinat ir-redditu fuq l-assi tal-pjan, entità tnaqqas l-ispejjeż tal-immaniġjar tal-assi tal-pjan u kwalunkwe taxxa pagabbli mill-pjan innifsu, apparti t-taxxa inkluża fis-suppożizzjonijiet attwarjali użati għall-kejl tal-obbligu tal-benefiċċju definit (il-paragarfu 76). Spejjeż amministrattivi oħra mhumiex imnaqqsa mir-redditu fuq l-assi tal-pjan.

131

Entità għandha tpaċi assi relatat ma’ pjan wieħed b'obbligazzjoni relatata ma’ pjan ieħor meta, u biss meta, l-entità:

132

Il-kriterji ta’ tpaċija huma simili għal dawk stabbiliti għall-istrumenti finanzjarji fl-IAS 32 Strumenti Finanzjarji: Preżentazzjoni.

133

Xi entitajiet jiddistingwu assi u obbligazzjonijiet kurrenti minn assi u obbligazzjonijiet mhux kurrenti. Dan l-Istandard ma jispeċifikax jekk l-entità għandhiex tiddistingwi porzjonijiet ta’ assi u obbligazzjonijiet kurrenti u mhux kurrenti li jirriżultaw minn benefiċċji ta’ wara l-impjieg.

134

Il-paragrafu 120 jeħtieġ li entità tirrikonoxxi kost ta' servizz u l-imgħax nett fuq obbligazzjoni ta' benefiċċju definit nett (assi) fi profitt jew telf. Dan l-istandard ma jispeċifikax kif entità għandha tippreżenta l-kost ta' servizz u l-imgħax nett fuq obbligazzjoni ta' benefiċċju definit nett (assi). Entità tippreżenta dawk il-komponenti skont l-IAS 1.

135

Entità għandha tiddivulga informazzjoni li:

136

Biex tilħaq il-miri tal-paragrafu 135, entità għandha tikkonsidra dan li ġej kollu:

137

Jekk id-divulgazzjonijiet li jsiru skont ir-rekwiżiti ma' dan l-istandard u IFRSs oħra ma jkunux biżżejjed biex jintlaħqu l-miri fil-paragrafu 135, entità għandha tiddivulga informazzjoni addizzjonali meħtieġa biex tilħaq dawn il-miri. Pereżempju, entità tista' tippreżenta analiżi tal-valur preżenti tal-obbligu ta' benefiċċju definit li jiddistingwi n-natura, il-karatteristiċi u r-riskji tal-obbligu. Din id-divulgazzjoni tista' tiddistingwi:

138

Entità għandha tivvaluta jekk id-divulgazzjonijiet kollha jew ftit minnhom għandhomx ikun diżaggregati biex jiġu distinti pjanijiet jew gruppi ta' pjanijiet b'riskji materjali differenti. Pereżempju, entità tista' disaggrega divulgazzjoni dwar pjanijiet li juru wieħed jew aktar minn dawn l-elementi:

139

Entità għandha tiddivulga:

140

Entità għandha tipprovdi rikonċiljazzjoni mill-ftuħ tal-bilanċ sal-għeluq tal-bilanċ għal kull wieħed minn dawn, jekk applikabbli:

141

Kull rikonċiljazzjoni elenkata fil-paragrafu 140 għandha turi kull wieħed minn dawn, jekk applikabbli:

142

Entità għandha tiddiżaggrega l-valur ġust tal-assi tal-pjan fi klassijiet li jiddistingwu n-natura u r-riskji ta' dawk l-assi, u tissubdividi kull klassi tal-assi tal-pjan f'dak li għandhom prezz tas-suq ikkwotat f'suq attiv (kif definit fl-IFRS 13 Kejl tal-Valur Ġust  (***)) u dawk li ma għandhomx. Pereżempju u fid-dawl tal-livell ta' divulgazzjoni diskuss fil-paragrafu 136, entità tista' tiddistingwi bejn:

143

Entità għandha tiddivulga l-valur ġust tal-istrumenti finanzjari trasferibbli tal-entità stess miżmuma bħala assi tal-pjan, u l-valur ġust tal-assi tal-pjan li huma proprjetà okkupata mill-entità, jew assi oħra użati minnha,

144

Entità għandha tiddivulga s-suppożizzjonijiet atwarjali sinifikanti użati biex tiddetermina l-valur preżenti tal-obbligu ta' benefiċċju defenit (ara l-paragarfu 76). din id-divulgazzjoni għandha tkun f'termini assoluti (pereżempju, bħala perċentwali assolut u mhux biss marġni bejn perċentwali differenti jew varjabbli oħrajn). Meta entità tipprevedi divulgazzjonijiet fit-total għal raggruppament ta’ pjanijiet, għandha tipprovdi wkoll dawk id-divulgazzjonijiet fil-forma ta’ medji ppiżati jew ta’ meded relattivament dojoq.

145

Entità għandha tiddivulga:

146

Entità għandha tiddivulga deskrizzjoni ta' kwalunkwe strateġiji ta' tqabbil ta' assi ma' obbligi użati mill-pjan jew l-entità, fosthom l-użu tal-annwalitajiet u tekniki simili oħra, bħal swaps tal-għomor, biex timmaniġja r-riskji.

147

Biex tipprovdi indikazzjoni tal-effett tal-pjan ta' benefiċċju definit fuq il-flussi futuri tal-flus, entità għandha tiddivulga:

148

Jekk entità tipparteċipa fi pjan ta' bennefiċċju definit bejn għadd ta' impjegaturi, din għandha tiddivulga:

149

Jekk entità tipparteċipa fi pjan ta' benefiċċju definit li jaqsam ir-riskji bejn entitajiet taħt kontroll komuni, għandha tiddivulga:

150

Din l-informazzjoni meħtieġa mill-paragrafu 149(c) u (d) tista' tiġi ddivulgata permezz ta' kontroreferenza għal divulgazzjonijiet f'rapporti finanzjarji ta' entità oħra tal-grupp jekk:

151

Meta meħtieġ mill-IAS 24 entità tiddivulga informazzjoni dwar:

152

Fejn meħtieġ mill-IAS 37 entità tiddivulga informazzjoni dwar obbligazzjonijiet kontinġenti li jirriżultaw minn obbligi ta’ benefiċċju ta’ wara l-impjieg.

153

Benefiċċji oħra fuq perjodu twil ta' żmien tal-impjegati jinkludu affarijiet bħal dawn li ġejjin, jekk ma jkunx mistenni li jiġu saldati bis-sħiħ qabel tnax-il xahar wara tmiem il-perjodu tar-rappurtaġġ annwali li fih l-impjegati jagħtu s-servizzi relatati:

154

Il-kejl ta’ benefiċċji fuq perjodu twil ta' żmien tal-impjegati ġeneralment mhuwiex soġġett għall-istess grad ta’ inċertezza bħall-kejl ta’ benefiċċji ta’ wara l-impjieg. Għal dawn ir-raġunijiet, dan l-Istandard jirrikjedi metodu simplifikat ta’ kontabbiltà għall-benefiċċji fuq perjodu twil ta' żmien tal-impjegati. Għall-kutrarju tal-kontabbiltà meħtieġa għall-benefiċċju ta' wara l-impjieg, dan il-metodu ma jirrikonoxxix kejl mill-ġdid f'introjtu komperenżiv ieħor.

155

Meta tirrikonoxxi u tkejjel is-surplus jew id-defiċit fi pjan ieħor ta' benefiċċju fuq perjodu twil taż-żmien tal-impjegati, entità għandha tapplika l-paragrafi 56–98 u 113–115. Entità għandha tapplika l-paragrafi 116-119 meta tirrikonoxxi u tkejjel kwalunkwe dritt ta’ rimborż.

156

Fir-rigward ta' benefiċċji fuq perjodu twil taż-żmien tal-impjegati, entità għandha tirrikonoxxi t-total nett tal-ammonti li ġejjin fi profitt jew telf, ħlief sal-punt li IFRS ieħor jitlob jew jippermetti l-inklużjoni tagħhom fil-kost ta’ assi:

157

Forma oħra ta’ benefiċċju fuq perjodu twil ta' żmien tal-impjegati huwa benefiċċju fuq perjodu twil ta' żmien għal diżabbiltà. Jekk il-livell ta' benefiċċju jiddependi fuq it-tul tas-servizz, jirriżulta obbligu meta jingħata s-servizz. Il-kejl ta' dak l-obbligu jirrifletti l-probabbiltà li l-pagament ikun meħtieġ u t-tul ta' żmien li matulu jkun mistenni li jsir il-pagament. Jekk il-livell ta’ benefiċċju huwa l-istess għal kwalunkwe impjegat b’diżabbiltà irrispettivament mis-snin ta’ servizz, l-ispiża mistennija ta’ dawk il-benefiċċji tiġi rikonoxxuta meta jseħħ avveniment li jikkawża diżabbiltà għal perjodu twil ta' żmien.

158

Għalkemm dan l-Istandard ma jeħtieġx divulgazzjonijiet speċifiċi dwar benefiċċji fuq perjodu twil ta' żmien tal-impjegati, id-divulgazzjoni tista' tkun meħtieġa minn IFRSs oħra. Pereżempju, l-IAS 24 jeħtieġ divulgazzjonijiet dwar il-benefiċċji tal-impjegati għall-persunal ewlieni fil-maniġment. L-IAS 1 jeħtieġ divulgazzjoni tal-ispiża fuq il-benefiċċji tal-impjegati.

159

Dan l-Istandard jittratta l-benefiċċji tat-terminazzjoni separatament minn benefiċċji oħrajn tal-impjegati għaliex l-avveniment li jwassal għal obbligu huwa t-terminazzjoni tal-impjieg u mhux s-servizz tal-impjegat. Il-benefiċċji tat-terminazzjoni jirriżultaw jew minn deċiżjoni ta' entità li tittermina l-impjieg jew minn deċiżjoni tal-impjegat li jaċċetta offerta ta' benefiċċji mingħand l-entità bi skambju mat-terminazzjoni tal-impjieg.

160

Benefiċċji tat-terminazzjoni ma jinkludux benefiċċji tal-impjegati li jirriżultaw min terminazzjoni ta' impjieg fuq talba tal-impjegat mingħajr offerta mingħand l-entità, jew b'riżultat ta' rekwiżiti mandatorji ta' rtirar, minħabbab li dawn il-benefiċċji huma benefiċċji ta' wara l-impjieg. Xi entitajiet jipprovdu livell aktar baxx ta’ benefiċċju tat-terminazzjoni tal-impjieg fuq talba tal-impjegat (fis-sustanza, benefiċċju ta’ wara l-impjieg) milli għat-terminazzjoni tal-impjieg fuq talba tal-entità. Id-differenza bejn il-benefiċċju provdut għat-terminazzjoni tal-impjieg fuq talba tal-impjegat u benefiċċju ogħla pprovdut fuq talba tal-entità hija l-benefiċċju tat-terminazzjoni.

161

Il-forma tal-benefiċċju tal-impjegat ma tiddeterminax jekk jingħatax bi skambju ma' servizz jew bi skambju mat-terminazzjoni tal-impjieg tal-impjegat. Il-benefiċċji tat-terminazzjoni huma tipikament pagamenti ta’ somma f’daqqa, iżda xi kultant jinkludu:

162

Indikaturi li benefiċċju tal-impjegati jingħata bi skambju ma' servizzi jinkludu dan li ġej:

163

Xi benefiċċji tat-terminazzjoni jingħataw skont it-termini ta' pjan ta' benefiċċju tal-impjegati eżistenti. Pereżempju, jistgħu jkunu speċifikati fi statut, kuntratt tal-impjieg jew ftehim ma' unjin, jew jistgħu jkunu impliċiti b'riżultat ta' prassi passata tal-impjegatur li jipprovdi benefiċċji simili. Bħala eżempju ieħor, jekk entità tagħmel offerta ta' benefiċċji disponibbli għal aktar minn perjodu qasir, jew ikun hemm aktar minn perjodu qasir bejn l-offerta u d-data mistennija tat-terminazzjoni reali, l-entità tqis jekk tkunx stabbilixxiet pjan ta' benefiċċju tal-impjegati ġdid u jekk il-benefiċċji offruti skont il-pjan huma benefiċċji tat-terminazzjoni jew benefiċċji ta' wara l-impjiegi. Benefiċċji tal-impjegati pprovduti skont il-patti ta' pjan ta' benefiċċju tal-impjegati huma benefiċċji tat-terminazzjoni jekk jirriżultaw kemm minn deċiżjoni tal-entità li tittermina l-impjieg ta' impjegat kif ukoll ma jkunux bil-kundizzjoni li jiġi pprovdut servizz fil-futur.

164

Xi benefiċċji tal-impjegati jingħataw irrispettivament mir-raġuni għat-tluq tal-impjegat. Il-pagament ta' dawn il-benefiċċji huwa ċert (soġġett għal kwalunkwe rekwiżiti ta' vestiment jew servizz minimu) iżda meta ser jitħallsu huwa inċert. Għalkemm dawn il-benefiċċji huma deskritti f'xi ġuriżduzzjonijiet bħala indennizzi tat-terminazzjoni jew gratwitjatiet tat-terminazzjoni, dawn huma benefiċċji ta' wara l-impjieg u mhux benefiċċji tat-terminazzjoni u entità tikkontabbilizzahom bħala benefiċċji ta' wara l-impjieg.

165

Entità għandha tirrikonoxxi obbligazzjoni u l-ispiża għal benefiċċji tat-terminazzjoni fl-ewwel minn dawn id-dati:

166

Għal benefiċċji tat-terminazzjoni pagabbli bħala riżultat ta' deċiżjoni ta' impjegat li jaċċetta offerta ta' benefiċċji bi skambju mat-terminazzjoni tal-impjieg, id-data meta entità ma tkunx tista' aktar tirtira l-offerta tal-benefiċċji tat-terminazzjoni tkun l-ewwel minn:

167

Għal benefiċċji tat-terminazzjoni pagabbli b'riżultat ta' deċiżjoni ta' entità li tittermina l-impjieg ta' impjegat, l-entità ma tkunx tista' aktar tirtira l-offerta meta l-entità tkun ikkomunikat lill-impjegat konċernat pjan ta' terminazzjoni li jilħaq dawn il-kriterji kollha:

168

Meta entità tirrikonoxxi benefiċċji tat-terminazzjoni, l-entità jista’ jkollha wkoll tikkontabbilizza għal emenda fil-pjan jew tnaqqis f'benefiċċji oħra tal-impjegati (ara l-paragrafu 103).

169

Entità għandha tkejjel il-benefiċċji tat-terminazzjoni mar-rikonoxximent inizjali u għandha tkejjel u tirrikonoxxi bidliet sussegwenti, skont in-natura tal-benefiċċju tal-impjegati, bil-kundizzjoni, li f'każ li l-benefiċċji tat-terminazzjoni jkunu b'żieda mal-benefiċċji ta' wara l-impjieg, l-entità għandha tapplika r-rekwiżiti għal benefiċċji ta' wara l-impjieg. Altrimenti:

170

Minħabba li l-benefiċċji tat-terminazzjoni ma jingħatawx għal servizz, il-paragarfi 70-74 marbuta mal-attribuzzjoni tal-benefiċċju għal perjodi ta' servizz mhumiex relevanti.

Eżempju li jispjega l-paragrafi 159 -170

Sfond

B'riżultat ta' akkwiżizzjoni riċenti, entità tippjana li fi żmien għaxar xhur tagħlaq fabbrika u f'dak iż-żmien tittermina l-impjieg tal-impjegati kollha li jkun fadal fil-fabbrika. Minħabba li l-entità teħtieġ l-għarfien espert tal-impjegati fil-fabbrika biex ilestu xi kuntratti, tħabbar pjan ta' terminazzjoni kif ġej.

Kull impjegat li jibqa' u jrendi servizz sal-għeluq tal-fabbrika ser jirċievi fid-data tat-terminazzjoni pagament fi flus ta' CU30 000. Impjegati li jitilqu qabel l-għeluq tal-fabbrika ser jirċievu CU10 000.

Hemm 120 impjegat fil-fabbrika. Meta tħabbar il-pjan, l-entità tkun qed tistenna li 20 minnhom jitilqu qabel l-għeluq. Għalhekk il-flussi 'l barra ta' flus totali mistennija skont il-pjan huma CU3 200 000 (jiġifier 20 × CU10 000 + 100 × CU30 000). Kif meħtieġ mill-paragrafu 160, l-entità tikkontabbilizza l-benefiċċji mogħtija bi skambju mat-terminazzjoni tal-impjieg bħala benefiċċji tat-terminazzjoni u tikkontabbilizza l-benefiċċji bi skambju mas-servizzi bħala benefiċċji fuq perjodu qasir taż-żmien tal-impjegati.

Benefiċċji tat-terminazzjoni

Il-benefiċċju mogħti bi skambju mat-terminazzjoni tal-impjieg huwa ta' CU10 000. Dan huwa l-ammont li entità tkun trid tħallas għat-terminazzjoni tal-impjieg irrispettivament minn jekk l-impjegati jibqgħux u jagħtu servizz sal-għeluq tal-fabbrika jew jitilqux qabel l-għeluq. Anki minkejja li l-impjegati jistgħu jitilqu qabel l-għeluq, it-terminazzjoni tal-impjiegi tal-impjegati kollha hija riżultat tad-deċiżjoni tal-entità li tagħlaq il-fabbrika u tittermina l-impjieg tagħhom (jiġifieri l-impjegati kollha ser jitilqu l-impjieg meta tagħlaq il-fabbrika). Għalhekk entità tirrikonoxxi obbligazzjoni ta' CU1 200 000 (jiġifieri 120 × CU10 000) għat-terminazzjoni tal-benefiċċji mogħtija skont il-pjan ta' benefiċċju tal-impjegati fl-ewwel minn meta jitħabbar il-pjan tat-terminazzjoni u meta l-entità tirrikonoxxi l-kostijiet tar-ristruturazzjoni asoċjati mal-għeluq tal-fabbrika.

Benefiċċji provduti bi skambju ma' servizz

Il-benefiċċji inkrimentali li l-impjegati ser jirċievu jekk jipprovdu servizzi tul il-perjod kollu ta' għaxar xhur huma bi skambju għal servizzi mogħtija matul dak il-perjodu. L-entità tikkontabbilizzahom bħala benefiċċji fuq perjodu qasir ta' żmien għall-impjegati minħabba li l-entità tistenna li ssaldahom qabel tnax-il xahar wara tmiem il-perjodu ta' rappurtaġġ annwali. F'dan l-eżempju, mhuwiex meħtieġ skontar, għalhekk spiża ta' CU200 000 (jiġifieri CU2 000 000 ÷ 10) mihijiex rikonoxxuta f'kull xahar matul il-perjodu tas-servizz ta' għaxar xhur, b'żieda korrispondenti fl-ammont miżmum fil-kotba tal-obbligazzjoni.

171

Għalkemm dan l-Istandard ma jeħtieġx divulgazzjonijiet dwar il-benefiċċji tat-terminazzjoni, divulgazzjoni tista' tkun meħtieġa minn IFRSs oħra. Pereżempju, l-IAS 24 jeħtieġ divulgazzjonijiet dwar il-benefiċċji tal-impjegati għall-personal ewlieni fil-maniġment. L-IAS 1 jeħtieġ id-divulgazzjoni tal-ispiża fuq il-benefiċċji tal-impjegati.

172

Entità għandha tapplika dan l-Istandard għal perjodi annwali li jibdew fl-1 ta' Jannar 2013 jew wara. Hija permessa applikazzjoni aktar kmieni. Jekk entità tapplika dan l-Istandard għal perjodu aktar kmieni, hija għandha tiddivulga dak il-fatt.

173

Entità għandha tapplika dan l-Istandard retrospettivament skont l-IAS 8 Politiki ta’ Kontabilità, Bidliet fl-Istimi ta’ Kontabilità u Żbalji, ħlief: