Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32011D0251

2011/251/UE: Deċiżjoni ta’ Implimentazzjoni tal-Kummissjoni tat- 18 ta’ Aril 2011 li temenda d-Deċiżjoni Nru 2009/766/KE dwar l-armonizzazzjoni tal-meded [baned] ta’ frekwenza 900 MHz u 1800 MHz għal sistemi terrestri li kapaċi jipprovdu servizzi elettroniċi pan-Ewropej ta’ komunikazzjoni fil-Komunità (notifikata bid-dokument numru C(2011) 2633) Test b’relevanza għaż-ŻEE

OJ L 106, 27.4.2011, p. 9–10 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 13 Volume 039 P. 291 - 292

Legal status of the document No longer in force, Date of end of validity: 08/02/2022; Impliċitament imħassar minn 32022D0173 Id-data tat-tmiem tal-validità hija bbażata fuq id-data tal-pubblikazzjoni tal-att li jħassar li jidħol fis-seħħ fid-data tan-notifika tiegħu. L-att li jħassar kien innotifikat iżda d-data tan-notifika mhix disponibbli fil-EUR-Lex – minflok hija użata d-data tal-pubblikazzjoni.

ELI: http://data.europa.eu/eli/dec_impl/2011/251/oj

27.4.2011   

MT

Il-Ġurnal Uffiċjali tal-Unjoni Ewropea

L 106/9

DEĊIŻJONI TA’ IMPLIMENTAZZJONI TAL-KUMMISSJONI

tat-18 ta’ Aril 2011

li temenda d-Deċiżjoni Nru 2009/766/KE dwar l-armonizzazzjoni tal-meded [baned] ta’ frekwenza 900 MHz u 1 800 MHz għal sistemi terrestri li kapaċi jipprovdu servizzi elettroniċi pan-Ewropej ta’ komunikazzjoni fil-Komunità

(notifikata bid-dokument numru C(2011) 2633)

(Test b’relevanza għaż-ŻEE)

(2011/251/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Deċiżjoni Nru 676/2002/KE tal-Parlament Ewropew u tal-Kunsill tas-7 ta’ Marzu 2002 dwar qafas regolatorju għall-politika dwar l-ispettru tar-radju fil-Komunità Ewropea (Deċiżjoni dwar l-Ispettru tar-Radju) (1), u partikolarment l-Artikolu 4(3) tagħha,

Billi:

(1)

Il-mira tad-Deċiżjoni tal-Kummissjoni Nru 2009/766/KE (2) hi li jiġu armonizzati l-kundizzjonijiet tekniċi għad-disponibbiltà u l-użu effiċjenti tal-banda ta’ 900 MHz, skont id-Direttiva tal-Kunsill 87/372/KEE tal-25 ta’ Ġunju 1987 dwar il-firxiet [baned] ta’ frekwenza li għandhom jiġu rriżervati għall-introduzzjoni koordinata ta’ komunikazzjonijiet mobbli terrestri pubbliċi ċellulari diġitali pan-Ewropej fil-Komunità (3), u tal-banda 1 800 MHz għas-sistemi terestri li kapaċi jipprovdu servizzi elettroniċi ta’ komunikazzjoni.

(2)

L-użu effiċjenti tal-baned ta’ 900 MHz u 1 800 MHz baqa’ jinżamm taħt l-iskrutinju tal-Istati Membri bil-għan li jkopri teknoloġiji addizzjonali filwaqt li tkun żgurata kompatibbiltà teknika mas-sistema tal-GSM u s-sistema UMTS kif imfissra fid-Direttiva Nru 87/372/KEE b'mezzi xierqa.

(3)

Fil-15 ta’ Ġunju 2009, il-Kummissjoni tat mandat lill-Konferenza Ewropea tal-Amministrazzjonijiet Postali u tat-Telekomunikazzjoni (“is-CEPT”) skont l-Artikolu 4(2) tad-Deċiżjoni Nru 676/2002/KE sabiex jiġu mfissra l-kundizzjonijiet tekniċi biex l-LTE u teknoloġiji oħra possibbli jitħallew joperaw fil-baned ta’ 900 MHz u 1 800 MHz.

(4)

Ir-reazzjoni tas-CEPT għall-mandat hija stipulata fir-Rapporti 40 u 41 li ħarġet is-CEPT. Dawk ir-Rapporti kkonkludew li s-sistemi LTE (Long Term Evolution) u WiMAX (Worldwide Interoperability for Microwave Access) jistgħu jiġu introdotti fil-baned ta’ 900 MHz u 1 800 MHz billi jintużaw valuri xierqa għas-separazzjoni bejn it-truf tal-baned tal-carriers rispettivi.

(5)

Fir-rigward tal-koeżistenza bejn l-UMTS, LTE u WiMAX u s-sistemi ajrunawtiċi 'l fuq minn 960 MHz, ir-Rapporti Nru 41 u 42 tas-CEPT jagħtu informazzjoni u rakkomandazzjonijiet dwar kif għandha titnaqqas l-interferenza.

(6)

Ir-riżultati li ħarġu mix-xogħol li sar skont il-mandat maħruġ lis-CEPT għandhom japplikaw fl-Unjoni u l-Istati Membri għandhom jintalbu jimplimentawhom mill-iktar fis possibbli minħabba d-domanda tas-suq li qiegħda dejjem tikber għall-introduzzjoni tal-LTE u l-WiMAX f'dawn il-baned. Barra minn hekk, l-Istati Membri għandhom jiżguraw li l-UMTS, LTE u WiMAX jagħtu protezzjoni xierqa lil sistemi eżistenti fil-baned li jmissu magħhom.

(7)

L-istandards armonizzati EN 301908-21 u EN 301908-22 qed jiġu ffinalizzati mill-Istitut Ewropew tal-Istandards tat-Telekomunikazzjoni (ETSI) sabiex tingħata presunzjoni tal-konformità mal-Artikolu 3(2) tad-Direttiva Nru 1999/5/KE tal-Parlament Ewropew u tal-Kunsill tad-9 ta’ Marzu 1999 dwar it-tagħmir tar-radju u tagħmir terminali ta’ telekomunikazzjonijiet u r-rikonoxximent reċiproku tal-konformità tagħhom (4).

(8)

Għalhekk l-Anness għad-Deċiżjoni 2009/766/KE għandu jiġi emendat skont dan.

(9)

Il-miżuri pprovduti f'din id-Deċiżjoni huma skont l-opinjoni tal-Kumitat dwar l-Ispettru tar-Radju,

ADOTTAT DIN ID-DEĊIŻJONI:

Artikolu 1

L-Anness għad-Deċiżjoni 2009/766/KE jinbidel bit-test fl-Anness għal din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell, it-18 ta’ April 2011.

Għall-Kummissjoni

Neelie KROES

Viċi-President

(1)  ĠU L 108, 24.4.2002, p. 1.

(2)  ĠU L 274, 20.10.2009, p. 32.

(3)  ĠU L 196, 17.7.1987, p. 85.

(4)  ĠU L 91, 7.4.1999, p. 10.

ANNESS

“ANNESS

LISTA TA’ SISTEMI TERRESTRI MSEMMIJA FL-ARTIKOLU 3 U FL-ARTIKOLU 4(2)

Il-parametri tekniċi li ġejjin għandhom jiġu applikati bħala parti essenzjali mill-kundizzjonijiet neċessarji biex jiżguraw il-koeżistenza fin-nuqqas ta’ ftehimiet bilaterali jew multilaterali bejn netwerks ġirien, mingħajr ma jipprekludu parametri tekniċi anqas stretti jekk ikunu miftiehma bejn l-operaturi ta’ tali netwerks.

Sistemi

Parametri tekniċi

Skadenzi tal-implimentazzjoni

UMTS konformi mal-Istandards tal-UMTS, kif ippubblikati mill-ETSI, b’mod partikolari EN 301908-1, EN 301908-2, EN 301908-3 u EN 301908-11

1.

Separazzjoni tal-carrier ta’ 5 MHz jew aktar bejn żewġ netwerks tal-UMTS ġirien

2.

Separazzjoni tal-carrier ta’ 2,8 MHz jew aktar bejn netwerk tal-UMTS u ieħor tal-GSM ġirien

Fid-9 ta’ Mejju 2010

LTE konformi mal-Istandards tal-LTE, kif ippubblikati mill-ETSI, b’mod partikolari EN 301908-1, EN 301908-13, EN 301908-14, u EN 301908-11

1.

Separazzjoni tal-frekwenza ta’ 200 kHz jew iktar bejn it-tarf tal-kanal tal-LTE u t-tarf tal-kanal tal-carrier tal-GSM bejn netwerk ġar tal-LTE u netwerk tal-GSM.

2.

M’hemm għalfejn issir l-ebda separazzjoni tal-frekwenza bejn it-tarf tal-kanal tal-LTE u t-tarf tal-kanal tal-carrier tal-UMTS bejn netwerk ġar tal-LTE u netwerk tal-UMTS.

3.

M’hemm għalfejn issir l-ebda separazzjoni tal-frekwenza bejn it-truf tal-kanal tal-LTE bejn żewġ netwerks ġirien tal-LTE.

Fil-31 ta’ Diċembru 2011

WiMAX konformi mal-Istandards tal- WiMAX, kif ippubblikati mill-ETSI, b’mod partikolari EN 301908-1, EN 301908-21 u EN 301908-22

1.

Separazzjoni tal-frekwenza ta’ 200 kHz jew iktar bejn truf tal-kanal tal-WiMAX u t-tarf tal-kanal tal-carrier tal-GSM bejn netwerk ġar tal-WiMAX u netwerk tal-GSM.

2.

M’hemm għalfejn issir l-ebda separazzjoni tal-frekwenza bejn it-tarf tal-kanal tal-WiMAX u t-tarf tal-kanal tal-carrier tal-UMTS bejn netwerk ġar tal-WiMAX u netwerk tal-UMTS.

3.

M’hemm għalfejn issir l-ebda separazzjoni tal-frekwenza bejn it-truf tal-kanal tal-WiMAX u żewġ netwerks ġirien tal-WiMAX.

fil-31 ta’ Diċembru 2011”
Top