EUR-Lex Access to European Union law
This document is an excerpt from the EUR-Lex website
Document 32007D0409
2007/409/EC: Council Decision of 11 June 2007 amending Decision 2004/585/EC establishing Regional Advisory Councils under the Common Fisheries Policy
2007/409/KE: Deċiżjoni tal-Kunsill tal- 11 ta’ Ġunju 2007 li temenda d-Deċiżjoni 2004/585/KE li tistabbilixxi l-Kunsilli Konsultattivi Reġjonali taħt il-Politika Komuni dwar is-Sajd
2007/409/KE: Deċiżjoni tal-Kunsill tal- 11 ta’ Ġunju 2007 li temenda d-Deċiżjoni 2004/585/KE li tistabbilixxi l-Kunsilli Konsultattivi Reġjonali taħt il-Politika Komuni dwar is-Sajd
OJ L 155, 15.6.2007, p. 68–70
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 04 Volume 003 P. 103 - 105
No longer in force, Date of end of validity: 31/12/2013; Imħassar b' 32013R1380
15.6.2007 |
MT |
Il-Ġurnal Uffiċjali ta’ l-Unjoni Ewropea |
L 155/68 |
DEĊIŻJONI TAL-KUNSILL
tal-11 ta’ Ġunju 2007
li temenda d-Deċiżjoni 2004/585/KE li tistabbilixxi l-Kunsilli Konsultattivi Reġjonali taħt il-Politika Komuni dwar is-Sajd
(2007/409/KE)
IL-KUNSILL ta’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 37 tiegħu,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Parlament Ewropew,
Billi:
(1) |
Ir-Regolament tal-Kunsill (KE) Nru 2371/2002 ta’ l-20 ta’ Diċembru 2002 dwar il-konservazzjoni u l-isfruttar sostenibbli ta’ riżorsi tas-sajd skond il-Politika Komuni dwar is-Sajd (1) u partikolarment l-Artikoli 31 u 32 tiegħu, jipprovdu għal forom ġodda ta’ parteċipazzjoni mill-partijiet interessati tal-Politika Komuni dwar is-Sajd permezz tat-twaqqif ta’ Kunsilli Konsultattivi Reġjonali. |
(2) |
Id-Deċiżjoni 2004/585/KE (2) tiddefinixxi qafas komuni li għandu jimxi miegħu kull Kunsill Konsultattiv Reġjonali. |
(3) |
L-Artikolu 9 tad-Deċiżjoni 2004/585/KE jipprovdi biex tingħata għajnuna finanzjarja mill-Komunità lill-Kunsilli Konsultattivi Reġjonali sabiex ikun żgurat it-tħaddim effettiv tagħhom, kif ukoll biex jiġu koperti l-ispejjeż tat-traduzzjoni u ta’ l-interpretazzjoni. |
(4) |
Il-Kunsilli Konsultattivi Reġjonali joffru pariri dwar il-Politika Komuni dwar is-Sajd lill-Kummissjoni u lill-Istati Membri u jiżguraw involviment effettiv tal-partijiet interessati, li huwa wieħed mill-pilastri essenzjali tal-Politika Komuni dwar is-Sajd riformata u prerekwiżit tal-governanza tajba. |
(5) |
Il-Kunsilli Konsultattivi Reġjonali għandhom għalhekk jitqiesu bħala korpi li għandhom għan ta’ interess Ewropew ġenerali fit-tifsira ta’ l-Artikolu 162(b) tar-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 fuq ir-Regolamenti Finanzjaru li jgħodd għall-baġit ġenerali tal-Komunitajiet Ewropej (3). |
(6) |
Jeħtieġ li l-Kunsilli Konsultattivi Reġjonali jingħataw stabilità finanzjarja billi jiġu pprovduti b’finanzjament suffiċjenti u permanenti sabiex ikomplu jwettqu effettivament ir-rwol konsultattiv tagħhom fi ħdan il-Politika Komuni dwar is-Sajd. |
(7) |
Sabiex tiġi simplifikata l-ġestjoni tal-finanzjament Komunitarju li jirċievu l-Kunsilli Konsultattivi Reġjonali, jeħtieġ li jkun hemm strument finanzjarju wieħed sabiex jiġu koperti l-ispejjeż kollha. |
(8) |
Fid-dawl ta’ l-għajnuna finanzjarja tal-Komunità allokata lill-Kunsilli Konsultattivi Reġjonali, huwa importanti li l-Kummissjoni, minbarra l-kontrolli ta’ verifika (awditjar), għandha tkun tista’ tiċċekkja f’kull ħin li l-Kunsilli Konsultattivi Reġjonali jkunu qed joperaw f’konformità mal-ħidmiet assenjati lilhom. |
(9) |
Id-Deċiżjoni 2004/585/KE għandha għalhekk tiġi emendata skond dan. |
IDDEĊIEDA KIF ĠEJ:
Artikolu 1
Id-Deċiżjoni tal-Kunsill Nru 2004/585/KE hija b’ dan emendata kif ġej:
1) |
L-Artikolu 9 għandu jinbidel b’dan li ġej: “Artikolu 9 Il-Finanzjament 1. Kunsill Konsultattiv Reġjonali li jkun kiseb personalità ġuridika jista’ japplika għall-għajnuna finanzjarja Komunitarja bħala korp li għandu għan ta’ interess Ewropew ġenerali skond it-tifsira ta’ l-Artikolu 162(b) tar-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 fuq ir-Regolament Finanzjaru li jgħodd għall-baġit ġenerali tal-Komunitajiet Ewropej (*). 2. Il-Kummissjoni għandha tiffirma ftehim ta’ għotja ma’ kull Kumitat Konsultattiv Reġjonali sabiex jiġu koperti l-ispejjeż amministrattivi, inkluż l-ispejjeż ta’ traduzzjoni u interpretazzjoni skond l-Anness II. (*) ĠU L 357, 31.12.2002, p. 1. Ir-Regolament kif emendata l-aħħar bir-Regolament (KE, Euratom) Nru 478/2007 (ĠU L 111, 28.4.2007, p. 13).”" |
2) |
għandu jiddaħħal l-Artikolu 9a li ġej: “Artikolu 9a Verifiki tal-Kummissjoni Il-Kummissjoni tista’ twettaq il-verifiki kollha li tqis meħtieġa sabiex tiżgura l-konformità mal-ħidmiet assenjati mir-Regolament (KE) Nru 2371/2002 u d-Deċiżjoni lill-Kunsilli Konsultattivi Reġjonali.”; |
3) |
l-Anness III għandu jinbidel bl-Anness hawn mehmuz. |
Artikolu 2
Din id-Deċiżjoni għandha tidħol fis-seħħ fis-seba’ jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.
Magħmul fil Lussemburgu, 11 ta’ Ġunju 2007.
Għall-Kunsill
Il-President
H. SEEHOFER
(1) ĠU L 358, 31.12.2002, p. 59.
(2) ĠU L 256, 3.8.2004, p. 17.
(3) ĠU L 357, 31.12.2002, p. 1. Ir-Regolament kif emendat l-aħħar mir-Regolament (KE, Euratom) Nru 478/2007 (ĠU L 111, 28.4.2007, p. 13).
ANNESS
“ANNESS II
Kontribuzzjoni Komunitarja għall-ispejjeż imġarrba mill-Kunsilli Konsultattivi Reġjonali
Il-Komunità għandha tikkontribwixxi għal parti mill-ispejjeż operattivi tal-Kunsilli Konsultattivi Reġjonali bħala korpi b’għan ta’ interess Ewropew ġenerali. L-għotja allokata mill-Komunità lil kull Kunsill Konsultattiv Reġjonali għall-ispejjeż operattivi tiegħu m’għandhiex taqbeż 90 % tal-baġit operattiv tal-Kunsill Konsultattiv Reġjonali. Fis-snin li ġejjin, il-kontribuzzjoni finanzjarja għandha tkun permanenti u tiddependi mill-baġit disponibbli. Kull sena, il-Kummissjoni għandha tikkonkludi ‘ftehim dwar għotja operattiva’ ma’ kull Kunsill Konsultattiv Reġjonali li jiffissa t-termini u l-kundizzjonijiet preċiżi u l-proċedura għall-allokazzjoni ta’ l-għotja.
L-ispejjeż eliġibbli għandhom jikkonsistu fl-ispejjeż meħtieġa biex ikun żgurat l-operat normali tal-Kunsilli Konsultattivi Reġjonali u biex ikunu jistgħu jilħqu l-għanijiet tagħhom. L-ispejjeż attwali biss se jkunu soġġetti għall-kontribuzzjoni Komunitarja, li se tingħata b’kundizzjoni li s-sorsi l-oħra tal-finanzjament ikunu ġew allokati.
L-ispejjeż diretti li ġejjin għandhom ikunu eliġibbli:
— |
spejjeż għall-persunal (l-ispiża għall-persunal għal kull jum ta’ xogħol fuq il-proġett); |
— |
faċilitajiet għall-kmamar tal-laqgħat; |
— |
tagħmir ġdid jew użat; |
— |
materjali u provvisti; |
— |
tixrid ta’ informazzjoni lill-membri; |
— |
spejjeż ta’ vvjaġġar u akkomodazzjoni ta’ l-esperti li jattendu l-laqgħat tal-Kumitat (skond skali jew regoli ffissati mid-dipartimenti tal-Kummissjoni) |
— |
verifiki; |
— |
spejjeż ta’ traduzzjoni u interpretazzjoni; |
— |
riżerva ta’ kontinġenza ta’ mhux aktar minn 5 % ta’ l-ispejjeż diretti eliġibbli;” |