EUR-Lex Access to European Union law
This document is an excerpt from the EUR-Lex website
Document 32007D0381
2007/381/EC: Commission Decision of 1 June 2007 fixing, for the 2006/2007 marketing year and in respect of a certain number of hectares, an indicative financial allocation for Bulgaria and Romania for the restructuring and conversion of vineyards under Council Regulation (EC) No 1493/1999 (notified under document number C(2007) 2272)
2007/381/KE: Deċiżjoni tal-Kummissjoni ta’ l- 1 ta’ Ġunju 2007 dwar l-iffissar ta’ allokazzjoni finanzjarja indikattiva, għas-sena ta’ kummerċ 2006/2007 u fir-rigward ta’ ċertu għadd ta’ ettari, għall-Bulgarija u r-Rumanija għar-ristrutturar u l-konverżjoni tal-vinji skond ir-Regolament tal-Kunsill (KE) Nru 1493/1999 (notifikata taħt id-dokument numru C(2007) 2272)
2007/381/KE: Deċiżjoni tal-Kummissjoni ta’ l- 1 ta’ Ġunju 2007 dwar l-iffissar ta’ allokazzjoni finanzjarja indikattiva, għas-sena ta’ kummerċ 2006/2007 u fir-rigward ta’ ċertu għadd ta’ ettari, għall-Bulgarija u r-Rumanija għar-ristrutturar u l-konverżjoni tal-vinji skond ir-Regolament tal-Kunsill (KE) Nru 1493/1999 (notifikata taħt id-dokument numru C(2007) 2272)
OJ L 141, 2.6.2007, p. 80–81
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 11/12/2010
|
2.6.2007 |
MT |
Il-Ġurnal Uffiċjali ta’ l-Unjoni Ewropea |
L 141/80 |
DEĊIŻJONI TAL-KUMMISSJONI
ta’ l-1 ta’ Ġunju 2007
dwar l-iffissar ta’ allokazzjoni finanzjarja indikattiva, għas-sena ta’ kummerċ 2006/2007 u fir-rigward ta’ ċertu għadd ta’ ettari, għall-Bulgarija u r-Rumanija għar-ristrutturar u l-konverżjoni tal-vinji skond ir-Regolament tal-Kunsill (KE) Nru 1493/1999
(notifikata taħt id-dokument numru C(2007) 2272)
(It-test bil-Bulgaru u bir-Rumen biss huma awtentiċi)
(2007/381/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1493/1999 tas-17 ta’ Mejju 1999 dwar l-organizzazzjoni komuni tas-suq ta’ l-inbid (1), u b’mod partikolari l-Artikolu 14(1) tiegħu,
Billi:
|
(1) |
Ir-regoli għar-ristrutturar u l-konverżjoni tal-vinji huma stipulati fir-Regolament (KE) Nru 1493/1999 u fir-Regolament tal-Kummissjoni (KE) Nru 1227/2000 tal-31 ta’ Mejju 2000 li jistabbilixxi regoli ddettaljati għall-applikazzjoni tar-Regolament tal-Kunsill (KE) Nru 1493/1999 dwar l-organizzazzjoni komuni tas-suq fl-inbid f’dak li jirrigwarda l-potenzjal tal-produzzjoni (2). |
|
(2) |
Ir-regoli dettaljati dwar l-ippjanar finanzjarju u l-parteċipazzjoni fl-iffinanzjar ta’ l-iskema tar-ristrutturar u l-konverżjoni stipulati fir-Regolament (KE) Nru 1227/2000 jipprevedu li r-referenzi għal sena finanzjarja partikolari jirreferu għall-ħlasijiet li effettivament isiru mill-Istati Membru bejn is-16 ta’ Ottubru u l-15 ta’ Ottubru ta’ wara. |
|
(3) |
Il-Bulgarija u r-Rumanija saru membri ta’ l-Unjoni Ewropea fl-1 ta’ Jannar 2007 u jistgħu jibbenefikaw mis-sistema tar-ristrutturar u l-konverżjoni minn din id-data, meta jkunu ssodisfaw ukoll il-kundizzjoni li joħolqu inventarju tal-potenzjal tal-produzzjoni, kif ikkonfermat fid-Deċiżjoni tal-Kummissjoni 2007/223 (3) u 2007/234 (4). |
|
(4) |
B’konformità ma’ l-Artikolu 14(3) tar-Regolament (KE) Nru 1493/1999, l-allokazzjoni finanzjarja fost Stati Membri għandha tqis kif xieraq il-propozjon ta’ l-erja f’vinji Komunitarji fl-Istat Membru ikkonċernati. |
|
(5) |
Għall-finijiet ta’ implimentazzjoni ta’ l-Artikolu 14(4) tar-Regolament (KE) Nru 1493/1999, l-allokazzjonijiet finanzjarji għandhom isiru fir-rigward ta’ ċertu għadd ta’ ettari. |
|
(6) |
Għandu jitqies il-kumpens għat-telf ta’ dħul għal vitikulturisti matul il-perjodu meta l-vinja tkun għadha ma bdietx tipproduċi għeneb. |
|
(7) |
Skond l-Artikolu 14(2) tar-Regolament (KE) Nru 1493/1999, l-allokazzjoni inizjali tiġi adattata skond n-nefqa reali u abbażi tal-previżjonijiet riveduti tan-nefqa mressqa mill-Istati Membri, fejn jitqies l-għan ta’ l-iskema u soġġett għall-fondi disponibbli, |
ADOTTAT DIN ID-DEĊIŻJONI:
Artikolu 1
L-allokazzjonijiet finanzjarji għall-Bulgarija u r-Rumanija, fir-rigward ta’ ċertu għadd ta’ ettari, għar-ristrutturar u l-konverżjoni tal-vinji skond ir-Regolament (KE) Nru 1493/1999 għas-sena ta’ kummerċ 2006/2007 għandhom ikunu kif stipulat fl-Anness ta’ din id-Deċiżjoni.
Artikolu 2
Din id-Deċiżjoni hija indirizzata lir-Repubblika tal-Bulgarija u lir-Rumanija.
Magħmul fi Brussell, 1 ta’ Ġunju 2007.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 179, 14.7.1999, p. 1. Ir-Regolament kif emendat l-aħħar bir-Regolament (KE) Nru 1791/2006 (ĠU L 363, 20.12.2006, p. 1).
(2) ĠU L 143, 16.6.2000, p. 1. Ir-Regolament kif emendat l-aħħar bir-Regolament (KE) Nru 1216/2005 (ĠU L 199, 29.7.2005, p. 32).
(4) ĠU L 100, 17.4.2007, p. 27
ANNESS
Allokazzjonijiet finanzjarji indikattivi għall-2006/2007
|
L-Istat Membru |
L-erja (ettari) |
Allokazzjoni Finanzjarja (EUR) |
|
Il-Bulgarija |
2 131 |
6 700 516 |
|
Ir-Rumanija |
1 060 |
8 299 484 |
|
Total |
3 191 |
15 000 000 |