8.5.2007   

MT

Il-Ġurnal Uffiċjali ta’ l-Unjoni Ewropea

1111

(1)

Fuq rikjesta tal-Kummissjoni l-Awtorità Ewropea dwar is-Sigurtà ta' l-ikel (EFSA) adottat opinjoni dwar il-mikotossini Deoxynivalenol fit-2 ta' Ġunju 2004 (1) zearalenone fit-28 Lulju 2004 (2) Ochratoxin A fit-22 ta' Settembru 2004 (3) u l-fumonisins fit-22 ta' Ġunju 2005 (4).

(2)

Dawk l-opinjonijiet ikkonkludew li l-erba' mikotossini juru effetti tossiċi f'ħafna speċi ta' annimali. Deoxynivalenol, zearalenone u fumonisin B1 u B2 jiġu trasferiti biss sa ċertu punt mill-għalf għal ġewwa l-l-laħam, il-bajd u l-ħalib u għalhekk l-ikel li joriġina mill-annimali jikkontribwixxi biss marġinalment għall-esponiment tal-bniedem għal dawn it-tossini. Ochratoxin A jista' jiġi trasferit mill-għalf għal ġewwa ikel li joriġina mill-annimali iżda l-valutazzjoni ta' l-esponiment tindika li l-ikel li joriġina mill-annimali jikkontribwixxi biss sa ċertu ammont żgħir għall-esponiment fid-dieta umana ta' l-Ochratoxin A.

(3)

Data dwar il-preżenza tat-tossini T-2 u HT-2 fil-prodotti maħsuba għall-għalf ta' l-annimali huma limitati ħafna għal issa. Hemm ukoll bżonn urġenti għall-iżvilupp u l-validazzjoni ta' metodu ta' analiżi sensittiv. Madanakollu hemm indikazzjonijiet li l-preżenza ta' T-2 u HT-2 fil-prodotti maħsuba għall-għalf ta' l-annimali jistgħu ikunu raġuni ta' tħassib. Għalhekk, huwa meħtieġ li jiġi żviluppat metodu ta' analiżi sensittiv, tinġabar iktar data ta' l-okkorrenza, u jsiru iktar investigazzjonijet u riċerka fil-fatturi involuti fil-preżenza ta' T-2 u HT-2 fiċ-ċereali u l-prodotti taċ-ċereali, partikolarment fil-ħafur u l-prodotti tal-ħafur.

(4)

Bil-konsiderazzjoni tal-konklużjonijiet ta' l-opinjonijiet xjentifiċi li jissemmew fil-premessa 1, u n-nuqqas ta' data ta' affidabbli dwar it-tossini T-2 u HT-2, flimkien mal-varjazzjoni kbira bejn sena u oħra fl-okkorrenza ta' dawn il-mikotossini, huwa xieraq li tinġabar iktar data dwar dawn il-mikotossini fl-għalf ta' l-annimali differenti u fl-oġġetti ta' l-għalf, flimkien mad-data li hija diħà disponibbli mill-programmi ta' kontroll koordinati għall-2002 (5), l-2004 (6) u l-2005 (7).

(5)

Huwa xieraq li jiġu rrakkomandati valuri ta' gwida, biex l-Istati Membri jiġu provisti bl-orjentazzjoni dwar l-aċċettabbiltà taċ-ċereali u tal-prodotti taċ-ċereali u ta' l-għalf kompost għall-għalf ta' l-annimali u biex jiġu evitati disparitajiet fil-valuri aċċettati minn Stati Membri differenti u r-riskju konsegwenti ta' distorsjoni tal-kompetizzjoni;

(6)

L-Istati Membri għandhom japplikaw biss il-valuri ta' gwida għall-fumosini B1 + B2 mill-1 ta' Ottubru 2007, sabiex dawn jikkoinċidu mar-regoli stipolati mir-Regolament (KE) Nru 856/2005 tas-6 ta' Ġunju 2005 li jemenda r-Regolament (KE) Nru 466/2001 fir-rigward tat-tossini tal-Fusarium  (8) li jemenda r-Regolament (KE) 466/2001 tat-8 ta' Marzu 2001 li jistipola l-livelli massimi għal ċerti aġenti ta' kontaminazzjoni fl-oġġetti ta' l-ikel (9).

(7)

Għandu jsir valutazzjoni dwar dan l-avviċinament previst min din ir-Rakkomandazzjoni, fl-2009 b'mod partikolari l-kontribuzzjoni tagħha lejn il-protezzjoni ta' saħħet l-annimali. Id-data ta' monitoraġġ miksuba b'riżultat ta' din ir-Rakkomandazzjoni għandha tagħti wkoll is-setgħa għall-konoxxenza aħjar tal-varjanza ta' kull sena u l-preżenza ta' dawn il-mikotossini fil-firxa ampja ta' prodotti sekondarji użati fl-għalf, li hija ta' importanza primordjali fit-teħid, jekk ikun neċessarju, ta' miżuri legaliżlattivi.

(1)

l-Istati Membri għandhom, bl-involviment ta' l-operaturi tal-kummerċ ta' l-għalf, isaħħu l-monitoraġġ għall-preżenza tad-deoxynivalenol, zearalenone, ochratoxin A u fumonisin B1+B2, tossini T-2 u HT-2 fiċ-ċereali u l-prodotti taċ-ċereali maħsuba għall-għalf ta' l-annimali u ta' l-oġġetti ta' l-għalf komposti.

(2)

L-Istati Membri għandhom jaċċertaw li l-kampjuni jiġu analizzati simultanjament għall-preżenza tad-deoxynivalenol, zearalenone, ochratoxin A, fumonisin B1+B2 u t-tossini T-2 u HT-2 sabiex tkun tista' ssir il-valutazzjoni ta' kemm hija possibbli li seħħ il-ko-okkorrenza.

(3)

L-Istati Membri għandhom jagħtu attenzjoni partikolari għall-preżenza tal-mikotossini fil-prodotti sekondarji jew fil-prodotti li huma assoċjati mill-produzzjoni ta' l-ikel maħsuba għall-għalf ta' l-annimali.

(4)

L-Istati Membri għandhom jaċċertaw li r-riżultati analitiċi jiġu pprovduti fuq bażi regolari lill-Kummissjoni għall-kompilazzjoni f'database waħda.

(5)

L-Istati Membri għandhom jaċċertaw li l-valuri gwida, kif inhuma stipolati fl-Anness, jiġu applikati għall-ġudikazzjoni ta' l-għalf kompost u taċ-ċereali u l-prodotti taċ-ċereali għall-għalf ta' l-annimali. Fir-rigward tal-fumosins B1 + B2, l-Istati Membri għandhom japplikaw dawn il-valuri gwida mill-1 ta' Ottubru 2007.

(6)

L-Istati Membri għandhom jaċċertaw, bmod partikolari, li l-operaturi fil-kummerċ ta l-għalf jużaw fis-sistema ta' l-għoti tal-punti għall-analiżi tal-perikoli u tal-kontroll tagħhom (HACCP) (10) il-valuri gwida li jissemmew fil-punt 5 sabiex isiru jafu l-limiti kritiċi f'ċerti punti ta' kontroll kritiku li jisseparaw l-aċċettabbli mill-inaċċettabbli, għall-prevenzjoni, l-eliminazzjoni jew it-tnaqqis tal-perikoli identifikati.