8.5.2007   

MT

Il-Ġurnal Uffiċjali ta’ l-Unjoni Ewropea

655

(1)

Id-Deċiżjoni tal-Kunsill 90/424/KEE tipprevedi kontribuzzjoni finanzjarja tal-Komunità għat-teħid ta' miżuri tekniċi u xjentifiċi meħtieġa għall-iżvilupp tal-leġiżlazzjoni veterinarja Komunitarja u għall-edukazzjoni veterinarja jew it-taħriġ veterinarju.

(2)

Id-Deċiżjoni tal-Kummissjoni 2006/101/KE dwar l-implimentazzjoni tal-programmi ta' stħarriġ li għandhom isiru fl-Istati Membri għall-influwenza tat-tjur fit-tjur ta' l-irziezet u t-tjur selvaġġi fl-2006 (2) tipprevedi l-implimentazzjoni fil-perjodu minn Frar sa Diċembru 2006 ta' dawn l-istħarriġiet, soġġetti għall-approvazzjoni mill-Kummissjoni ta' dawk il-programmi ta' stħarriġ. Dawk l-istħarriġiet għandhom jinvestigaw il-preżenza ta' infezzjonijiet fit-tjur ta' l-irziezet, proċess li jista' jwassal għal reviżjoni tal-leġiżlazzjoni Komunitarja attwali u jikkontribwixxi għall-għarfien ta' xi riskji possibbli għall-annimali u għall-bnedmin mill-annimali selvaġġi.

(3)

Il-programmi ta' stħarriġ li tressqu mill-Istati Membri ġew eżaminati mill-Kummissjoni skond dik id-Deċiżjoni.

(4)

Il-Kummissjoni sabet li l-programmi ta' stħarriġ imressqa mill-Istati Membri huma konformi mad-Deċiżjoni 2006/101/KE. Dawk il-programmi ta' stħarriġ għandhom għalhekk jiġu approvati.

(5)

Fid-dawl ta' l-importanza ta' dawk il-programmi ta' stħarriġ għall-ilħuq ta' l-għanijiet tal-Kummissjoni fil-kamp tas-saħħa ta' l-annimali u dik pubblika, huwa xieraq li tiġi ffissata l-kontribuzzjoni finanzjarja Komunitarja għal 50 % tan-nefqiet li għandhom jagħmlu l-Istati Membri inkwistjoni għall-miżuri li jissemmew f'din id-Deċiżjoni sa limitu massimu għal kull programm ta' stħarriġ.

(6)

Infiq relatat mal-programmi ta' stħarriġ approvati minn din id-Deċiżjoni li ġġarrab mill-1 ta' Frar 2006 għandu jiġu kkunsidrat bħala eliġibbli għall-kofinanzjament mill-Komunità.

(7)

Barra minn hekk, huwa xieraq li jiġu stipulati regoli għar-rappurtar tar-riżultati ta' l-istħarriġiet u għall-eliġibbiltà ta' l-ispejjeż li jinsabu fit-talba finanzjarja għal kontribuzzjoni finanzjarja tal-Komunità fl-ispejjeż imġarrba mill-Istati Membri għall-implimentazzjoni tal-programmi ta' stħarriġ.

(8)

Il-miżuri previsti f'din id-Deċiżjoni huma fi qbil ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,

a)

li jġib fis-seħħ il-liġijiet, ir-regolamenti jew id-dispożizzjonijiet amministrattivi meħtieġa għall-implimentazzjoni tal-programm;

b)

li jissottometti rapport finali lill-Kummissjoni u l-Laboratorju Referenzjarju Komunitarju għall-influwenza tat-tjur kif imsemmi fl-Artikolu 51(1) tad-Direttiva tal-Kunsill 2005/94/KE (3) sa mhux aktar tard mill-31 ta' Marzu 2007, dwar l-esegwiment tekniku tal-programm u r-riżultati miksuba, skond il-mudelli tar-rappurtar stipulati fl-Annessi II sa V ma' din id-Deċiżjoni.

ċ)

li jressaq evidenza xierqa lill-Kummissjoni dwar l-ispejjeż imġarrba għall-analiżi tal-kampjuni matul il-perjodu li għalih ikun approvat il-programm;

d)

li jimplimenta l-programmi b'mod effiċjenti, partikolarment li l-awtorità kompetenti għandha tiżgura li jsir it-teħid ta' kampjuni b'mod xieraq.

a)

:

Test ELISA

:

EUR 1 għal kull test;

b)

:

agar gel immune diffusion test

:

EUR 1.2 għal kull test;

ċ)

:

test HI għall-H5/H7

:

EUR 12 għal kull test;

d)

:

test ta' l-iżolament tal-virus

:

EUR 30 għal kull test;

e)

:

Test PCR

:

EUR 15 għal kull test.