32005L0037

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
Direttiva - 2005/37 - EN - EUR-Lex

Document 32005L0037

Help

Direttiva tal-Kummissjoni 2005/37/KE tat- 3 ta' Ġunju 2005 li temenda d-Direttivi tal-Kunsill 86/362/KEE u 90/642/KEE rigward il-livelli massimi ta’ xi residwi tal-pestiċidji fi u fuq ċereali u xi prodotti li joriġinaw mill-pjanti, inklużi frott u ħaxix Test b’relevanza għaż-ŻEE.

OJ L 141, 4.6.2005, p. 10–23 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
OJ L 275M, 6.10.2006, p. 363–376 (MT)
Special edition in Bulgarian: Chapter 03 Volume 064 P. 14 - 27
Special edition in Romanian: Chapter 03 Volume 064 P. 14 - 27

Legal status of the document No longer in force, Date of end of validity: 31/08/2008; Impliċitament imħassar minn 32005R0396

ELI: http://data.europa.eu/eli/dir/2005/37/oj

HTML

PDF

Official Journal

6.10.2006

Il-Ġurnal Uffiċjali ta’ l-Unjoni Ewropea

363

DIRETTIVA TAL-KUMMISSJONI 2005/37/KE

tat-3 ta' Ġunju 2005

li temenda d-Direttivi tal-Kunsill 86/362/KEE u 90/642/KEE rigward il-livelli massimi ta’ xi residwi tal-pestiċidji fi u fuq ċereali u xi prodotti li joriġinaw mill-pjanti, inklużi frott u ħaxix

(Test b’rilevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 86/362/KEE ta’ l-24 ta’ Lulju 1986 dwar id-delimitazzjoni tal-livelli massimi ta’ residwi tal-pestiċidji fi u fuq ċereali (1), u b’mod partikolari l-Artikolu 10 tiegħu;

Wara li kkunsidrat id-Direttiva tal-Kunsill 90/642/KEE tas-27 ta’ Novembru 1990 dwar id-delimitazzjoni tal-livelli massimi għal residwi tal-pestiċidji fi u fuq xi prodotti li joriġinaw mill-pjanti inklużi frott u ħaxix (2), u b’mod partikolari l-Artikolu 7 tiegħu,

Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 dwar it-tqegħid ta’ prodotti għall-protezzjoni tal-pjanti fuq is-suq (3), u b’mod partikolari l-Artikolu 4(1)(f) tiegħu,

Billi:

(1)	Dawn is-sustanzi attivi eżistenti li ġejjin ġew inklużi fl-Anness I tad-Direttiva 91/414/KEE: maleic hydrazide bid-Direttiva tal-Kummissjoni 2003/31/KE (4); propyzamide bid-Direttiva tal-Kummissjoni 2003/39/KE (5)); u mecoprop u mecoprop-P bid-Direttiva tal-Kummissjoni 2003/70/KE (6).

(2)	Is-sustanzi attivi ġodda isoxaflutole, trifloxystrobin, carfentrazone-ethyl u fenamidone ġew inklużi fl-Anness I tad-Direttiva 91/414/KEE bid-Direttiva tal-Kummissjoni 2003/68/KE (7).

(3)

L-inklużjoni fl-Anness I tad-Direttiva 91/414/KEE tas-sustanzi attivi konċernati kienet bażata fuq l-istima ta’ l-informazzjoni preżentata rigward l-użu propost. L-informazzjoni dwar dan l-użu ġiet preżentata minn xi Stati Membri skond l-Artikolu 4(1)(f) tad-Direttiva 91/414/KEE. L-informazzjoni disponibbli ġiet riveduta u hija suffiċjenti biex tippermetti li jiġu delimitati ċerti livelli massimi tar-residwi (MRLs).

(4)	Meta ma jeżisti ebda MRL Komunitarju jew MRL proviżorju, l-Istati Membri għandhom jistabbilixxu MRL nazzjonali proviżorju skond l-Artikolu 4(1)(f) tad-Direttiva 91/414/KEE qabel ma jkunu jistgħu jiġu awtorizzati prodotti għall-protezzjoni tal-pjanti li fihom dawn is-sustanzi attivi.

(5)

L-MRLs Komunitarji u l-livelli rakkomandati mill-Kodiċi Alimentarius huma delimitati u evalwati bi proċeduri simili. Hemm numru limitat ta’ Kodiċi MRLs għall-maleic hydrazide. Diġà hemm MRLs Komunitarji fid-Direttiva 90/642/KEE għal: maleic hydrazide, (Direttiva tal-Kunsill 93/58/KE) (8) u fid-Direttivi 86/362/KEE u 90/642/KEE għal: propyzamide (Direttivi tal-Kunsill 96/32/KE (9) u 96/33/KE (10)). Dawn ġew kunsidrati meta l-MRLs in kwistjoni jiġu delimitati bl-addattazzjonijiet li saru b’din id-Direttiva. Kodiċi MRLs li jiġu rakkomandati għall-irtirar fil-futur qrib ma ġewx meqjusa. L-MRLs bażati fuq Kodiċi MRLs ġew evalwati fid-dawl tar-riskju għall-konsumatur. L-ebda riskju ma ġie stabbilit meta jintużaw il-punti tossikoloġiċi bażati fuq l-istudju disponibbli għall-Kummissjoni.

(6)

Rigward l-inklużjoni fl-Anness I tad-Direttiva 91/414/KEE tas-sustanzi attivi in kwistjoni, l-evalwazzjonijiet relatati tekniċi u xjentifiċi ġew finalizzati fil-forma ta’ rapporti ta’ reviżjoni tal-Kummissjoni. Ir-rapporti ta’ l-istima għas-sustanzi msemmija ġew finalizzati fid-dati msemmija fid-Direttivi tal-Kummissjoni ċitati fil-Preamboli (1) u (2). Dawn ir-rapporti iddeterminaw it-Teħid Aċċettabbli ta’ Kuljum (ADI) u jekk meħtieġ, id-Doża Akuta ta’ Riferenza (ARfD) għas-sustanzi in kwistjoni. L-esposizzjoni tal-konsumaturi tal-prodotti ta’ l-ikel trattat bis-sustanza attiva in kwistjoni ġiet stmata u evalwata skond il-proċeduri tal-Komunità. Ittieħed kont ukoll tal-gwida pubblikata mill-Organizzazzjoni Dinjija tas-Saħħa (11) u l-opinjoni tal-Kumitat Xjentifiku għall-Pjanti (12) dwar il-metodoloġija użata. Huwa konkluż illi l-MRLs proposti ma jwasslux sabiex dawk l-ADIs jew l-ARfD jiġu eċċeduti.

(7)

Sabiex jiġi żgurat li l-konsumatur huwa mħares b’mod xieraq mill-esposizzjoni għar-residwi li jirriżultaw mill-użi mhux awtorizzati tal-prodotti għall-protezzjoni tal-pjanti, għandhom jiġu delimitati MRLs proviżorji għall-kombinazzjonijiet tal-prodott/pestiċidju rilevanti fil-limitu l-aktar baxx tad-determinazzjoni analitika.

(8)

L-istabbiliment fuq livell Komunitarju ta’ tali MRLs proviżorji ma jimpedix lill-Istati Membri milli jiddeterminaw MRLs provviżorji għas-sustanzi in kwistjoni skond l-Artikolu 4(1)(f) tad-Direttiva 91/414/KEE u l-Anness VI tagħha. Huwa meqjus li perjodu ta’ erba’ snin huwa biżżejjed sabiex jiġu permessi aktar użi tas-sustanza attiva in kwistjoni. L-MRL proviżorju għandu mbagħad jiġi definittiv.

(9)

Għalhekk huwa meħtieġ li jiġu miżjuda jew sostitwiti, ir-residwi kollha tal-pestiċidji li jirriżultaw mill-użu ta’ dawn il prodotti għall-protezzjoni tal-pjanti fl-Annessi tad-Direttivi 86/362/KEE u 90/642/KEE biex jiġu permessi sorveljanza u kontroll xierqa tal-projbizzjoni ta’ l-użu tagħhom u biex jiġi mħares il-konsumatur. Fejn l-MRLs diġà ġew definiti fl-annessi ta’ dawk id-direttivi huwa xieraq li jiġu modifikati. Fejn l-MRLs ma ġewx definiti s’issa, huwa xieraq li jiġu delimitati għall-ewwel darba.

(10)	Id-Direttivi 86/362/KEE u 90/642/KEE għalhekk għandhom jiġu emendati f’dan is-sens.

(11)	Il-miżuri previsti f’din id-Direttiva huma skond l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali,

ADOTTAT DIN ID-DIRETTIVA:

Artikolu 1

Id-Direttiva 86/362/KEE hija emendata kif ġej:

a)	Fil-Parti A ta’ l-Anness II huma miżjuda l-massimi tal-livelli tar-residwi tal-pestiċidji għal isoxaflutole, trifloxystrobin, carfentrazone-ethyl, mecoprop, mecoprop-P, maleic hydrazide u fenamidone kif jidher fl-Anness I ta’ din id-Direttiva.

b)	Fil-Parti A ta’ l-Anness II il-livelli massimi tar-residwi tal-pestiċidji għall-propyzamide huma sostitwiti b’dawk kif jidher fl-Anness II ta’ din id-Direttiva.

Artikolu 2

Id-Direttiva 90/642/KEE hija emendata kif ġej:

a)	Fl-Anness II huma miżjuda l-livelli massimi tar-residwi tal-pestiċidji għall-isoxaflutole, trifloxystrobin, carfentrazone-ethyl, mecoprop, mecoprop-P u fenamidone kif jidher fl-Anness III ta’ din id-Direttiva.

b)	Fl-Anness II il-livelli massimi tar-residwi tal-pestiċidji għall-propyzamide u maleic hydrazide huma sostitwiti b’dawk kif jidher fl-Anness IV ta’ din id-Direttiva.

Artikolu 3

1. L-Istati Membri għandhom jaddottaw u jippubblikaw, sa mhux aktar tard minn [sitt xhur wara l-pubblikazzjoni ta’ din id-Direttiva fil-Ġurnal Uffiċjali ta’ l-Unjoni Ewropea], il-liġijiet, regolamenti u dispożizzjonijiet amministrattivi meħtieġa sabiex ikunu konformi ma’ din id-Direttiva. Għandhom minnufih jikkomunikaw lill-Kummissjoni t-test ta’ dawk id-dispożizzjonijiet u skeda tal-korrelazzjoni bejn dawk id-dispożizzjonijiet u din id-Direttiva.

Għandhom japplikaw dawk id-dispożizzjonijiet minn [18-il xahar wara l-pubblikazzjoni ta’ din id-Direttiva fil-Ġurnal Uffiċjali ta’ l-Unjoni Ewropea].

Meta l-Istati Membri jaddottaw dawk id-dispożizzjonijiet, għandu jkun fihom riferenza għal din id-Direttiva jew jiġu akkumpanjati minn tali riferenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir din ir-riferenza.

2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jaddottaw fil-qasam kopert b’din id-Direttiva.

Artikolu 4

Din id-Direttiva għandha tidħol fis-seħħ fl-20 jum wara dik tal-pubblikazzoni tagħha fil-Ġurnal Uffiċjali ta’ l-Unjoni Ewropea

Artikolu 5

Din id-Direttiva hija indirizzata lill-Istati Membri.

Magħmula f’Brussel, nhar it-3 ta' Ġunju 2005.

Għall-Kummissjoni

Markos KYPRIANOU

Membru tal-Kummissjoni

(1) ĠU L 221, 7.8.1986, p. 37. Direttiva kif l-aħħar emendata bid-Direttiva tal-Kummissjoni 2004/61/KE (ĠU L 127, 29.4.2004, p. 81)

(2) ĠU L 350, 14.12.1990, p. 71. Direttiva kif l-aħħar emendata bid-Direttiva tal-Kummissjoni 2004/115/KE (ĠU L 374, 22.12.2004, p. 64).

(3) ĠU L 230, 19.8.1991, p. 1. Direttiva kif l-aħħar emendata bid-Direttiva tal-Kummissjoni 2005/34/KE (ĠU L 125, 18.5.2005, p. 5).

(4) ĠU L 101, 23.4.2003, p. 3

(5) ĠU L 124, 20.5.2003, p. 30

(6) ĠU L 184, 23.7.2003, p. 9

(7) ĠU L 177, 16.7.2003, p. 12

(8) ĠU L 211, 23.8.1993, p. 6

(9) ĠU L 144, 18.6.1996, p. 12

(10) ĠU L 144, 18.6.1996, p. 35

(11) Gwida għall-previżjoni tad-dħul mill-ikel ta’ residwi tal-pestiċidj (riveduta), preparata mill-GEMS/Programm ta’ l-Ikel b’kollaborazzjoni mal-Kumitat tal-Kodiċi fuq ir-Residwu tal-Pestiċidji, pubblikata mill-Organizzazzjoni Dinjija tas-Saħħa 1997 (WHO/FSF/FOS/97.7)

(12) Opinjoni tal-Kumitat Xjentifiku dwar il-Pjanti fuq kwistjonijiet relatati ma’ l-emenda ta’ l-annessi tad-Direttivi tal-Kunsill 86/362/KEE, 86/363/KEE u 90/642/KEE (Opinjoni espressa mill-Kumitat Xjentifiku dwar il-Pjanti, 14 ta’ Lulju 1998) (http://europa.eu.int/comm/food/fs/sc/index_en.html)

ANNESS I

Livelli massimi mg/kg
Residwi tal-pestiċidji	Prodotti individwali li jgħoddu għalihom l-MRLs
isoxaflutole(total ta’ isoxaflutole, RPA 202248 u RPA 203328, espress bħala isoxaflutole) (1)	0,05 (*) (p) ĊEREALI Barli, Qamħ Saraċin, Qamħirrum, Millieġ, Ħafur, Ross, Segala, (Rye), Sorġju, Triticale, Qamħ, Ċereali oħrajn
trifloxystrobin	0,3 (p) Barli 0,05 (p) Segala 0,05 (p) Triticale, Qamħ 0,02 (*) (p) Ċereali oħrajn
carfentrazone-ethyl (determinat bħala carfentrazone u espress bħala carfentrazone-ethyl)	0,05 (*) (p) ĊEREALI Barli, Qamħ Saraċin, Qamħirrum, Millieġ, Ħafur, Ross, Segala, Sorġju, Triticale, Qamħ, Ċereali oħrajn
fenamidone	0,02 (*) (p) ĊEREALI Barli, Qamħ Saraċin, Qamħirrum, Millieġ, Ħafur, Ross, Segala, Sorġju, Triticale, Qamħ, Ċereali oħrajn
mecoprop (total ta’ mecoprop-P u mecoprop espressi bħala mecoprop)	0,05 (*) (p) ĊEREALI Barli, Qamħ Saraċin, Qamħirrum, Millieġ, Ħafur, Ross, Segala, Sorġju, Triticale, Qamħ, Ċereali oħrajn
Maleic hydrazide	0,2 (*) (p) ĊEREALI Barli, Qamħ Saraċin, Qamħirrum, Millieġ, Ħafur, Ross, Segala, Sorġju, Triticale, Qamħ, Ċereali oħrajn

(1) RPA 202248 huwa 2-cyano-3-cyclopropyl-1-(2-methylsulfonyl-4-trifluoromethylphenyl) propane-1,3-dione. RPA 203328 huwa 2-methanesulfonyl-4-trifluoromethylbenzoic acid

(*) tindika livell aktar baxx ta’ determinazzjoni analitika

(p) tindika livell massimu tar-residwi proviżorju skond l-Artikolu 4(1)(f) tad-Direttiva 91/414/KEE: sakemm mhux emendat, dan il-livell isir definittiv b’effett minn [4 snin wara d-data tad-dħul fis-seħħ tad-Direttiva li tintroduċi din l-emenda]

ANNESS II

Livelli massimi mg/kg

Residwi tal-pestiċidji

Prodotti individwali li jgħoddu għalihom l-MRLs

propyzamide