12.12.2006   

MT

Il-Ġurnal Uffiċjali ta’ l-Unjoni Ewropea

719

(1)

Id-Direttiva tal-Kunsill 92/40/KEE tad-19 ta’ Mejju 1992 li tintroduċi l-miżuri Komunitarji għall-kontroll ta’ l-influwenza tat-tjur (2) tiddefinixxi l-miżuri ta’ kontroll Komunitarju li għandhom jiġu applikati fil-każ li jkun hemm tfaqqigħa ta’ l-influwenza tat-tjur fit-tjur ta' l-irziezet. Tipprevedi wkoll in-nominazzjoni tal-laboratorji nazzjonali ta’ l-influwenza tat-tjur u laboratorju referenzjarju Komunitarju għall-influwenza tat-tjur.

(2)

Id-Deċiżjoni tal-Kummissjoni 2005/237/KE tal-15 ta’ Marzu 2005 dwar għajnuna finanzjarja mill-Komunità għall-operat ta’ ċerti laboratorji ta’ referenza Komunitarji fil-kamp tas-saħħa ta’ l-annimali u ta’ l-annimali ħajjin fl-2005 (3) tat għajnuna finanzjarja Komunitarja lil-laboratorju referenzjarju Komunitarju għall-influwenza tat-tjur nominat fid-Direttiva 92/40/KEE.

(3)

Żviluppi reċenti fis-sitwazzjoni tas-saħħa ta’ l-annimali li tikkonċerna l-influwenza tat-tjur fil-Komunità u f’pajjiżi terzi wasslu għal żieda sustanzjali fl-ammont tax-xogħol imwettaq mil-laboratorju referenzjarju Komunitarju għall-influwenza tat-tjur fir-rigward ta’ dik il-marda. Iż-żieda hija l-iktar minħabba l-karatterizzazzjoni tal-viruses li ġew sottomessi lil-laboratorju u l-produzzjoni u l-aġġornar tal-bord kurrenti tar-rejaġġenti u t-tqassim tagħhom.

(4)

Aktar minn hekk, il-laboratorju referenzjarju komunitarju għall-influwenza tat-tjur għandu rwol ewlieni fl-appoġġ ta’ l-unitajiet dijanjostiċi fil-laboratorji referenjarji nazzjonali, inklużi l-visti lil dawk il-laboratorji.

(5)

It-tkabbir ta’ l-arsenal dijanjostiku disponibbli, inkluża l-validazzjoni tat-tekniki dijanjostiċi molekolari il-ġodda, il-ħruġ ta’ standards u l-iżvolġiment ta’ testijiet bejn laboratorji differenti li nżiedu mal-funzjonijiet u d-dmirijiet tal-programm approvat ta’ ħidma fl-2005 żied l-attività imwettqa fil-laboratorju referenzjarju Komunitarju għall-influwenza tat-tjur.

(6)

Il-Kummissjoni analizzat l-informazzjoni reċenti pprovduta mil-laboratorju referenzjarju Komunitarju għall-influwenza tat-tjur dwar in-nefqa meħtieġa għall-2005. Bil-konsiderazzjoni ta’ dik l-informazzjoni, il-kontribuzzjoni finanzjarja tal-Komunità lejn il-ħtiġijiet ta’ dak il-laboratorju għandha tiġi aġġustata u huwa għalhekk xieraq li jingħata iktar finanzjament għall-2005.

(7)

Id-Deċiżjoni 2005/237/KE għandha għalhekk tiġi emendata biex tirrifletti dan.

(8)

Il-miżuri previsti f’din id-Deċiżjoni huma f’konformità ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,