This document is an excerpt from the EUR-Lex website
Document 32004D0557
2004/557/EC: Commission Decision of 2 July 2004 laying down a derogation to the transitional regime established by Article 6 of Regulation (EC) No 998/2003 for the transit of pet animals through the territory of Sweden between the Island of Bornholm and the other parts of the territory of Denmark (notified under document number C(2004) 2435) (Only the Danish and Swedish texts are authentic)(Text with EEA relevance)
Id-Deċiżjoni tal-Kummissjoni tat- 2 ta' Lulju 2004 li tippreskrivi deroga għall-kondizzjonijiet transizzjonali stabbiliti mill-Artikolu 6 tar- Regolament (KE) Nru 998/2003 għat-transitu ta' annimali domestiċi mit-territorju ta' l-Iżvezja bejn il-Gżira ta' Bornholm u l-partijiet l-oħra tat-territorju tad-Danimarka. (innotifikata fid-dokument bin-numru C(2004) 2435) Test b'relevanza għaż-ŻEE.
Id-Deċiżjoni tal-Kummissjoni tat- 2 ta' Lulju 2004 li tippreskrivi deroga għall-kondizzjonijiet transizzjonali stabbiliti mill-Artikolu 6 tar- Regolament (KE) Nru 998/2003 għat-transitu ta' annimali domestiċi mit-territorju ta' l-Iżvezja bejn il-Gżira ta' Bornholm u l-partijiet l-oħra tat-territorju tad-Danimarka. (innotifikata fid-dokument bin-numru C(2004) 2435) Test b'relevanza għaż-ŻEE.
ĠU L 267M, 12.10.2005, p. 54–55
(MT)
ĠU L 249, 23.7.2004, p. 18–19
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
No longer in force, Date of end of validity: 28/12/2014; Imħassar b' 32013R0576
|
12.10.2005 |
MT |
Il-Ġurnal Uffiċjali ta’ l-Unjoni Ewropea |
54 |
ID-DEĊIŻJONI TAL-KUMMISSJONI
tat-2 ta' Lulju 2004
li tippreskrivi deroga għall-kondizzjonijiet transizzjonali stabbiliti mill-Artikolu 6 tar- Regolament (KE) Nru 998/2003 għat-transitu ta' annimali domestiċi mit-territorju ta' l-Iżvezja bejn il-Gżira ta' Bornholm u l-partijiet l-oħra tat-territorju tad-Danimarka.
(innotifikata fid-dokument bin-numru C(2004) 2435)
(Test b'rilevanza għaż-ŻEE)
(It-testi bid-Daniż u l-Iżvediż biss huma awtentiċi)
(2004/557/KE)
IL-KUMMISSJONI TAL-KOMUNITAJIET EWROPEJ,
Wara li kkunsidra t-Trattat li jistabbilixxi l-Komunità Ewropea,
Wara li kkunsidra r-Regolament (KE) Nru 998/2003 tal-Parlament Ewropew u tal-Kunsill tas-26 ta' Mejju 2003 dwar ir-rekwiżiti ta' saħħet l-annimali li huma applikabbli għall-moviment mhux kummerċjali ta' annimali domestiċi u li jemenda d-Direttiva tal-Kunsill 92/65/KEE (1), u b'mod partikulari Artikolu 21 ta' dan,
Billi:
|
(1) |
Artikolu 6 tar-Regolament (KE) Nru 998/2003 jistabbilixxi għal perjodu transizzjonali ta' ħames snin il-kundizzjonijiet veterinarji li japplikaw fost oħrajn għall-movimenti mhux kummerċjali ta' klieb u qtates domestiċi, lejn it-territorju ta' l-Iżvezja. |
|
(2) |
Dawk il-kundizzjonijiet huma fil-biċċa l-kbira l-istess bħall-kundizzjonijiet nazzjonali li kienu japplikaw għad-dħul fl-Isvezja qabel l-implimentazzjoni tar-Regolament (KE) Nru 998/2003. |
|
(3) |
Kien jeżisti ftehim bilaterali bejn l-Isvezja u d-Danimarka li jistabbilixxi kundizzjonijiet inqas restrittivi minn dawk applikabbli għad-dħul fl-Iżvezja għat-transitu ta' annimali domestiċi mit-territorju ta' l-Iżvezja bejn il-Gżira ta' Bornholm (DK) fil-baħar Baltiku u l-partijiet l-oħra tat-territorju tad-Danimarka. |
|
(4) |
Huwa xieraq li tinżamm din id-deroga limitata għall-kundizzjonijiet transizzjonali stabbiliti taħt l-Artikolu 6 tar-Regolament (KE) Nru 998/2003. |
|
(5) |
Il-miżura li għaliha hemm provvediment f'din id-Deċiżjoni hi skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali. |
ADOTTAT DIN ID-DEĊIŻJONI:
Artikolu 1
Bid-deroga ta' l-Artikolu 6 tar-Regolament (KE) Nru 998/2003 u sa l-aħħar tal-perjodu transizzjonali preskritt f'dak l-artikolu, it-transitu ta' annimali domestiċi ta' l-ispeċi msemmija f'Parti A ta' l-Anness I tar-Regolament (KE) Nru 998/2003 bejn il-Gżira ta' Bornholm u partijiet oħra tat-territorju tad-Danimarka mit-territorju ta' l-Iżvezja huwa permess skond il-kundizzjonijiet miftiehma bejn iż-żewġ Stati Membri.
Artikolu 2
Din id-Deċiżjoni se tibda tapplika mit-3 ta' Lulju 2004.
Artikolu 3
Din id-Deċiżjoni hija indirizzata lid-Danimarka u lill-Iżvezja.
Magħmula fi Brussell, fit-2 ta' Lulju 2004.
Għall-Kummissjoni
David BYRNE
Membru tal-Kummissjoni
(1) ĠU L 146, tat-13.6.2003, p. 1.