EUR-Lex Access to European Union law
This document is an excerpt from the EUR-Lex website
Document 32000D0258
2000/258/EC: Council Decision of 20 March 2000 designating a specific institute responsible for establishing the criteria necessary for standardising the serological tests to monitor the effectiveness of rabies vaccines
Id-Deċiżjoni tal-Kunsill ta’ l-20 ta’ Marzu 2000 li taħtar istituzzjoni speċifika sabiex tkun responsabbli biex tistabbilixxi l-kriterji neċessarji għall-istandarizazzjoni ta’ testijiet seroloġiċi biex issegwi l-effettività tat-tilqim kontra l-idrofobija
Id-Deċiżjoni tal-Kunsill ta’ l-20 ta’ Marzu 2000 li taħtar istituzzjoni speċifika sabiex tkun responsabbli biex tistabbilixxi l-kriterji neċessarji għall-istandarizazzjoni ta’ testijiet seroloġiċi biex issegwi l-effettività tat-tilqim kontra l-idrofobija
OJ L 79, 30.3.2000, p. 40–42
(ES, DA, DE, EL, EN, FR, IT, NL, PT, FI, SV)
Special edition in Czech: Chapter 03 Volume 028 P. 394 - 396
Special edition in Estonian: Chapter 03 Volume 028 P. 394 - 396
Special edition in Latvian: Chapter 03 Volume 028 P. 394 - 396
Special edition in Lithuanian: Chapter 03 Volume 028 P. 394 - 396
Special edition in Hungarian Chapter 03 Volume 028 P. 394 - 396
Special edition in Maltese: Chapter 03 Volume 028 P. 394 - 396
Special edition in Polish: Chapter 03 Volume 028 P. 394 - 396
Special edition in Slovak: Chapter 03 Volume 028 P. 394 - 396
Special edition in Slovene: Chapter 03 Volume 028 P. 394 - 396
Special edition in Bulgarian: Chapter 03 Volume 032 P. 76 - 79
Special edition in Romanian: Chapter 03 Volume 032 P. 76 - 79
Special edition in Croatian: Chapter 03 Volume 017 P. 54 - 56
No longer in force, Date of end of validity: 20/04/2021; Revokat u sostitwit bi 32016R0429
Official Journal L 079 , 30/03/2000 P. 0040 - 0042
Id-Deċiżjoni tal-Kunsill ta’ l-20 ta’ Marzu 2000 li taħtar istituzzjoni speċifika sabiex tkun responsabbli biex tistabbilixxi l-kriterji neċessarji għall-istandarizazzjoni ta’ testijiet seroloġiċi biex issegwi l-effettività tat-tilqim kontra l-idrofobija (2000/258/KE) IL-KUNSILL TA’ L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, Wara li kkunsidra d-Direttiva tal-Kunsill 92/65/KEE tat-13 ta’ Lulju 1992 li tistabbilixxi ħtiġijiet dwar is-saħħa ta’ l-annimali li jirregolaw il-kummerċ ġo, u l-importazzjoni ġo, il-Komunità ta’ annimali, sperma, bajd u embrijuni mhux soġġetti għal ħtiġijiet dwar is-saħħa ta’ l-annimali stabbiliti f’regoli speċifiċi tal-Komunità msemmija fl-Anness A(1) għad-Direttiva 90/425/KEE [1], u b’mod partikolari l-Artikolu 10(6) tagħha, Wara li kkunsidra l-proposta mill-Kummissjoni, Billi: (1) Id-Direttiva 92/65/KEE tipprovdi għal sistema alternattiva għall-kwarantina għad-daħla ta’ ċerti karnivori domestiċi fit-territorju ta’ ċerti Stati Membri li m’għandhomx l-idrofobija. Dik is-sistema tirrikjedi kontrol fuq l-effettività tat-tilqim ta’ dawk l-annimali permezz ta’ titration ta’ antibodies. (2) Sabiex tiggarantixxi sistema effettiva ta’ ħarsien tal-laboratorji li se jagħmlu dawn l-analiżi, huwa meħtieġ illi tistabbilixxi sistema ta’ approvazzjoni tal-Komunità ta’ dawn il-laboratorji. (3) L-approvazzjoni ta’ dawn il-laboratorji għandha tiġi koordinata minn laboratorju ta’ riferenza għal dawn l-affarijiet fil-Komunità. (4) Il-laboratorju Agence française de sécurité sanitaire des aliments de Nancy (Aġenzija tas-Sigurtà ta’ Ikel Franċiż ta’ Nancy) jikkonforma mal-kondizzjonijiet meħtieġa sabiex ikun laboratorju ta’ riferenza għal dawn l-affarijiet fil-Komunità. (5) Dak il-laboratorju ta’ riferenza jista’ jirċievi għajnuna mill-Komunità kif stabbilit fl-Artikolu 28 tad-Deċiżjoni tal-Kunsill 90/424/KEE tas-26 ta’ Ġunju 1990 għall-infiq fil-qasam veterinarju [2]. (6) Il-miżuri neċessarji għall-implimentazzjoni ta’ din id-Direttiva għandha tkun adottata skond id-Deċiżjoni tal-Kunsill 1999/468/KE tat-28 Ġunju 1999 illi tistabbilixxi l-proċeduri għall-eżerċizju ta’ implimentazzjoni tas-setgħa mogħtija lill-Kummissjoni [3], ADOTTAT DIN ID-DEĊIŻJONI: Artikolu 1 Il-laboratorju ta’ l-Agence française de sécurité sanitaire des aliments de Nancy (AFSSA, Nancy), id-dettalji ta’ liema huma stabbiliti fl-Anness I, permezz ta’ dan huwa magħżul bħala l-istitut speċifiku responsabbli sabiex jistabbilixxi l-kriterji neċessarji għall-istandardizazzjoni ta’ testijiet seroloġiċi sabiex isegwi l-effettività tat-tilqim kontra l-idrofobija. Artikolu 2 Id-dmirijiet tal-laboratorju imsemmija fl-Artikolu 1 huma stabbiliti fl-Anness II. Artikolu 3 Il-laboratorju msemmi fl-Artikolu 1 għandu jibgħat lill-Kummissjoni l-lista ta’ laboratorji tal-Komunità li se jkunu awtorizzati sabiex jagħmlu testijiet seroloġiċi biex isegwu l-effettività tat-tilqim kontra l-idrofobija. Dawn il-laboratorji għandhom ikunu awtorizzati skond l-Artikolu 5(2). Artikolu 4 L-Annessi għal din id-Deċiżjoni għandhom jiġu emendati skond il-proċedura stipulati fl-Artikolu 5(2). Artikolu 5 1. Il-Kummissjoni għandha tkun assistita mill-Kumitat Veterinarju Permanenti, minn issa ’l quddiem imsemmi bħala il-"Kumitat", stabbilit permezz ta’ l-Artikolu 1 tad-Deċiżjoni 68/361/KEE [4]. 2. Fejn tintgħamel riferenza għal dan il-paragrafu, għandhom japplikaw l-Artikoli 5 sa 7 tad-Deċiżjoni 1999/468/KE. Il-perijodu pprovdut fl-Artikolu 5(6) tad-Deċiżjoni 1999/468/KE għandu jkun ta’ tliet xhur. 3. Il-Kumitat għandu jadotta r-regoli tiegħu ta’ proċedura. Artikolu 6 Dan id-Deċiżjoni hija indirizzata lill-Istati Membri. Magħmula fi Brussel, fl-20 ta’ Marzu 2000. Għall-Kunsill Il-President L. Capoulas Santos [1] ĠU L 268, ta’ l-14.9.1992, p. 54. Direttiva kif emendata l-aħħar minn Deċiżjoni tal-Kummissjoni 95/176/KE (ĠU L 117, ta’ l-24.5.1995, p. 23). [2] ĠU L 224, tat-18.8.1990, p. 19. Deċiżjoni kif emendata l-aħħar mir-Regolament (KE) Nru 1258/1999 (ĠU L 160, tas-26.6.1999, p. 103). [3] ĠU L 184, tas-17.7.1999, p. 23. [4] ĠU L 255, tat-18.10.1968, p. 23. -------------------------------------------------- ANNESS I AFSSA, Nancy Laboratoire d’études sur la rage et la pathologie des animaux sauvages Domaine de Pixérécourt BP 9 F– 54220 Malzéville Tel. (00-33) 383 29 89 50 Fax (00-33) 383 29 89 59 E-mail: maubert@fitech.fr -------------------------------------------------- ANNESS II L-istituzzjoni speċifika responsabbli għall-istabbiliment ta’ kriterji neċessarji għall-istandardizazzjoni ta’ testijiet seroloġiċi sabiex isegwu l-azzjoni tat-tilqim ta’ idrofobija għandha: - tikkoordina l-istabbiliment, it-titjib u l-istandardizazzjoni ta’ metodi għal titration seroloġika fuq karnivori mlaqqma kontra l-idrofobija, - tevalwa dawk il-laboratorji għal liema l-Istati Membri bagħtu applikazzjoni għall-approvazzjoni sabiex jagħmlu l-analiżi msemmija fl-ewwel inċiż; ir-riżultat ta’ din l-evalwazzjoni għandu jiġi mibgħut lill-Kummissjoni għall-għan ta’ din l-approvazzjoni, - tagħmel lista ta’ laboratorji approvati tal-Komunità illi huma awtorizzati sabiex jagħmlu dawn l-analiżi, - tipprovdi informazzjoni utili dwar metodi ta’ analiżi u provi komparattivi ta’ dawn il-laboratorji u jorganizzaw sezzjonijiet ta’ taħriġ u aktar korsijiet ta’ taħriġ għall-impjegati tagħhom, - torganizza testijiet ta’ xeħta interlaboratory, - tikkollabora ma’ laboratorji responsabbli sabiex jagħmlu dawn l-analiżi f’pajjiżi terzi u tipproponi lill-Kummissjoni, proċedura għall-approvazzjoni ta’ dawn il-laboratorji, - tipprovdi assistenza xjentifika u teknika lill-Kummissjoni u lill-Istati Membri dwar dawn l-affarijiet, b’mod partikolari f’każijiet ta’ diżgwid bejn l-Istati Membri dwar riżultati ta’ analiżi. --------------------------------------------------