EUR-Lex Access to European Union law
This document is an excerpt from the EUR-Lex website
Document 31999D0476(01)
1999/476/EC: Commission Decision of 10 June 1999 Establishing the Ecological Criteria for the award of the Community Eco-label to Laundry Detergents (notified under document number C(1999) 1522) (Text with EEA relevance)
Id-Deċiżjoni tal-Kummissjoni ta' l-10 ta' Ġunju 1999 li tistabbilixxi l-Kriterji Ekoloġiċi għall-għoti ta' l-Eko-tikketta Komunitarja għad-Deterġenti tal-Ħasil (notifikata bid-dokument numru K(1999) 1522)Test b'relevanza għaż-ŻEE.
Id-Deċiżjoni tal-Kummissjoni ta' l-10 ta' Ġunju 1999 li tistabbilixxi l-Kriterji Ekoloġiċi għall-għoti ta' l-Eko-tikketta Komunitarja għad-Deterġenti tal-Ħasil (notifikata bid-dokument numru K(1999) 1522)Test b'relevanza għaż-ŻEE.
OJ L 187, 20.7.1999, p. 52–68
(ES, DA, DE, EL, EN, FR, IT, NL, PT, FI, SV)
Special edition in Czech: Chapter 15 Volume 004 P. 280 - 296
Special edition in Estonian: Chapter 15 Volume 004 P. 280 - 296
Special edition in Latvian: Chapter 15 Volume 004 P. 280 - 296
Special edition in Lithuanian: Chapter 15 Volume 004 P. 280 - 296
Special edition in Hungarian Chapter 15 Volume 004 P. 280 - 296
Special edition in Maltese: Chapter 15 Volume 004 P. 280 - 296
Special edition in Polish: Chapter 15 Volume 004 P. 280 - 296
Special edition in Slovak: Chapter 15 Volume 004 P. 281 - 297
Special edition in Slovene: Chapter 15 Volume 004 P. 280 - 296
No longer in force, Date of end of validity: 31/08/2004
Id-Deċiżjoni tal-Kummissjoni ta' l-10 ta' Ġunju 1999 li tistabbilixxi l-Kriterji Ekoloġiċi għall-għoti ta' l-Eko-tikketta Komunitarja għad-Deterġenti tal-Ħasil (notifikata bid-dokument numru K(1999) 1522)Test b'relevanza għaż-ŻEE.
Official Journal L 187 , 20/07/1999 P. 0052 - 0068
CS.ES Chapter 15 Volume 04 P. 280 - 296
ET.ES Chapter 15 Volume 04 P. 280 - 296
HU.ES Chapter 15 Volume 04 P. 280 - 296
LT.ES Chapter 15 Volume 04 P. 280 - 296
LV.ES Chapter 15 Volume 04 P. 280 - 296
MT.ES Chapter 15 Volume 04 P. 280 - 296
PL.ES Chapter 15 Volume 04 P. 280 - 296
SK.ES Chapter 15 Volume 04 P. 281 - 297
SL.ES Chapter 15 Volume 04 P. 280 - 296
ID-Deċiżjoni tal-kummissjoni ta' l-10 ta' Ġunju 1999 li tistabbilixxi l-Kriterji Ekoloġiċi għall-għoti ta' l-Eko-tikketta Komunitarja għad-Deterġenti tal-Ħasil (notifikata bid-dokument numru K(1999) 1522) (Test b'relevanza għaż-ŻEE) (1999/476/KE) IL-KUMMISSJONI TAL-KOMUNITAJIET EWROPEJ Wara li kunsidrat it-Trattat li jistabbilixxi l-Komunità Ewropea, Wara li kunsidrat ir-Regolament tal-Kunsill (KEE) Nru 880/92 tat-23 ta' Marzu 1992 dwar l-iskema ta' l-għoti ta' l-Eko-tikketta Komunitarja [1], u partikolarment it-tieni subparagrafu ta' l-Artikolu 5(1) tiegħu, (1) Billi, bid-Deċiżjoni 95/365/KE [2], il-Kummissjoni stabbiliet il-kriterji ekoloġiċi għall-għoti ta' l-Eko-tikketta Komunitarja għad-deterġenti tal-ħasil, li, skond l-Artikolu 3 tagħha, dawn skadew fil-25 ta' Lulju 1998; (2) Billi jkun xieraq li tiġi addottata Deċiżjoni ġdida għall-grupp ta' prodott magħruf bħala "deterġenti tal-ħasil" u li jiġu stabbiliti kriterji għal dan il-grupp ta' prodott li jkunu validi għal perjodu ta' tliet snin; (3) Billi jkun xieraq li jiġu riveduti l-kriterji li kienu ġew stabbiliti bid-Deċiżjoni 95/365/KE biex ikunu jinħassu l-iżviluppi fis-suq; (4) Billi l-ewwel subparagrafu ta' l-Artikolu 5(1) tar-Regolament (KEE) Nru 880/92 jipprovdi li l-kondizzjonijiet għall-għoti ta' l-Eko-tikketta Komunitarja għandhom jiġu definiti skond il-grupp tal-prodott; (5) Billi l-Artikolu 10(2) tar-Regolament (KEE) Nru 880/92 jgħid illi t-turija ambjentali ta' prodott għandha tiġi valutata b'referenza għall-kriterji speċifiċi għall-gruppi tal-prodott; (6) Billi l-Artikolu 4(2)(a) tar-Regolament (KEE) Nru 880/92 jgħid li Eko-tikketta m'għandhiex tingħata lil prodotti li jkunu sustanzi jew preparazzjonijiet li huma klassifikati bħala perikolużi, bi qbil mad-Direttiva tal-Kunsill fuq l-approssimazzjoni tal-liġijiet, ir-regolamenti u d-dispożizzjonijiet amministrattivi dwar il-klassifikazzjoni, l-ippakkjar u l-ittikkettjar ta' sustanzi perikolużi 67/548/KEE [3], kif emendata l-aħħar bid-Direttiva tal-Kummissjoni 98/98/KE [4], u d-Direttiva tal-Kunsill 88/379/KEE [5] kif emendata l-aħħar bid-Direttiva tal-Kummissjoni 96/65/KEE [6], din tista' tingħata lill-prodott li jkollu dawn is-sustanzi jew preparazzjonijiet sakemm dawn ikunu jilħqu l-għanijiet ta' l-iskema ta' l-għoti ta' l-Eko-tikketta Komunitarja; (7) Billi d-deterġenti tal-ħasil fihom sustanzi jew preparazzjonijiet ikklassifikati bħala perikolużi fi qbil mad-Direttivi msemmija fuq; (8) Billi l-kriterji ekoloġiċi stabbiliti b'din id-Deċiżjoni jinkludu, l-aktar, ostakli u punti li jnaqqsu għal livell baxx ħafna l-kontenut ta' sustanzi jew preparazzjonijiet meqjusa bħala perikolużi fid-deterġenti li jistgħu jingħataw l-Eko-tikketta; (9) Billi d-deterġenti li huma konformi ma' dawn il-kriterji, għalhekk, għandhom impatt ambjentali mnaqqas u jilħqu l-għanijiet ta' l-iskema ta' l-għoti ta' l-Eko-tikketta Komunitarja; (10) Billi l-Kummissjoni addottat ir-rakkomandazzjoni tat-22 ta' Lulju 1998 dwar il-prattika ambjentali tajba għad-deterġenti tal-ħasil li jintużaw fid-djar [7]; (11) Billi fi qbil ma' l-Artikolu 6 tar-Regolament (KEE) Nru 880/92 il-Kummissjoni konsultat il-gruppi interessati ewlenin f'forum ta' konsultazzjoni; (12) Billi l-miżuri li hemm f'din id-Deċiżjoni huma fi qbil ma' l-opinjoni tal-kumitat stabbilit taħt l-Artikolu 7 tar-Regolament (KEE) Nru 880/92, ADOTTAT DIN ID-DEĊIŻJONI: Artikolu 1 Il-grupp tal-prodott "deterġenti tal-ħasil" ifisser id-deterġenti tal-ħasil, fi trab, likwidu jew f'kull għamla oħra, għall-ħasil ta' ħwejjeġ, u li huma maħsuba biex jintużaw l-aktar fil-magni tal-ħasil tad-djar. Artikolu 2 It-turija ambjentali u l-konvenjenza għall-użu tal-grupp tal-prodott, kif iddefiniti fl-Artikolu l, għandhom ikunu valutati b'referenza għall-kriterji ekoloġiċi speċifiċi u dawk tat-turija, stabbiliti fl-Anness u l-Appendiċi I il-Parti A, I il-Parti B, II, III u IV. Artikolu 3 Id-definizzjoni tal-grupp tal-prodott u l-kriterji għall-grupp tal-prodott għandhom ikunu validi għal perjodu ta' tliet snin mill-ewwel jum li fih din id-Deċiżjoni tkun daħlet fis-seħħ. Artikolu 4 Għal raġunijiet amministrattivi, in-numru tal-kodiċi mogħti lill-grupp tal-prodott għandu jkun "006". Artikolu 5 Din id-Deċiżjoni hija indirizzata lill-Istati Membri. Magħmulha fi Brussell, fl-10 ta' Ġunju 1999. Għall-Kummissjoni Ritt Bjerregaard Membru tal-Kummissjoni [1] ĠU L 99, 11.04.92, p. 1. [2] ĠU L 217, 13.09.95, p. 14. [3] ĠU C 196, tas-16.8.1967, p. 1 [4] ĠU L 355, 30.12.98, p. 1. [5] ĠU L 187, 16.07.88, p. 14. [6] ĠU L 265, 18.10.96, p. 15. [7] ĠU L 215, 01.08.98, p. 73. -------------------------------------------------- ANNESS QAFAS Il-kriterji ġenerali stabbiliti bir-Regolament (KEE) Nru 880/92 fuq l-iskema ta' l-għoti ta' l-Eko-tikketta Komunitarja u l-kriterji speċifiċi li ġejjin għandhom ikunu jgħoddu għall-għoti ta' l-Eko-tikketta għal deterġenti tal-ħasil, u għandhom jitħarsu matul il-perjodu kollu kopert mill-kuntratt li għandu x'jaqsam mat-termini ta' l-użu tat-tikketta. L-entitajiet kompetenti huma rakkomandati li jqisu l-implimentazzjoni ta' l-iskemi ta' amministrazzjoni ambjentali li jkunu magħrufa, bħalma huma l-EMAS jew l-ISO 14001; dan l-aktar meta jkunu qed jiġu valutati l-applikazzjonijiet u meta jkun qed isir moniteraġġ tal-konformità mal-kriterji li hemm f'dan l-Anness. Dawn il-kriterji jimmiraw li jmexxu 'l quddiem: - it-tnaqqis tat-tniġġiż ta' l-ilma kemm billi titnaqqas il-kwantità ta' deterġenti li jintużaw kif ukoll billi tkun limitata l-kwantità ta' ingredjenti li jagħmlu ħsara - it-tnaqqis kemm jista' jkun ta' produzzjoni ta' skart billi jitnaqqas l-ammont ta' ippakkjar primarju u billi jitmexxa 'l quddiem l-użu mill-ġdid tiegħu u/jew ir-riċiklaġġ - it-tnaqqis ta' l-użu ta' l-enerġija billi jitmexxew 'il quddiem deterġenti li jkunu effettivi f'temperaturi baxxi. Barra minhekk, dawn il-kriterji jsaħħu l-għarfien ambjentali tal-konsumaturi. 1. L-UNITÀ FUNZJONALI U D-DOŻA TA' REFERENZA 1.1. L-unità funzjonali L-unità funzjonali titfisser fi g/ħasla (grammi għal kull ħasla). Għal deterġenti qawwija din tkun relatata għad-doża għal kull tagħbija ta' 4,5 kg (ħwejjeġ xotti), waqt li għal deterġenti ħfief għad-doża għal kull tagħbija ta' 2,5 kg (ħwejjeġ xotti) fil-magna tal-ħasil. 1.2. Id-doża ta' referenza Id-doża rakkomandata mill-fabbrikant lill-konsumaturi għar-ragħa ta' l-ilma ta' 2,5 mmol CaCO3/l u ħwejjeġ "maħmuġin normali" qed tittieħed bħala doża ta' referenza għall: - kalkolu tal-kriterji ekoloġiċi, u - l-prova tat-turija tal-ħasil. Jekk ir-ragħa ta' l-ilma ta' 2,5 mmol CaCO3/l ma tkunx relevanti fl-Istati Membri li fihom id-deterġent jitpoġġa fis-suq, l-applikant għandu jispeċifika d-doża użata bħala referenza. 2. IL-KRITERJI EKOLOĠICI FUQ L-INGREDJENTI U L-IPPAKKJAR 2.1. Il-kriterji ekoloġiċi fuq l-ingredjenti Fil-parametri li ġejjin qed jitqiesu: - l-kimiċi kollha (KK), - t-tossiċità tal-volum kritiku tas-sustanza maħlula (CDVtoss), - l-fosfati (bħala STPP), - l-inorganiċi li mhumiex solubRBi (IMS) - inorganiċi li huma solubRBi (IS) - organiċi li mhumiex biodegradabRBi (aerobiċi) (OMBDa) - organiċi li mhumiex biodegradabRBi (anaerobiċi) (OMBD an) - domanda bioloġika ta' l-ossiġnu (BOD). L-Appendiċi II jippreżenta d-definizzjoni tal-parametri fil-kalkolu. Dawn il-parametri huma maħduma u mfissra bħala g/ħasla jew l/ħasla, skond kif xieraq. Dawn jittieħdu f'daqqa u jinħadmu bħala total sħiħ, skond l-avviċinament li jiġi preżentat f'dan id-dokument. Fatturi ta' punti/tweżin It-tabella li ġejja tagħti fil-qosor il-kriterji magħżula, l-ostakli ta' esklużjoni tagħhom, il-fatturi ta' tweżin tagħhom u l-ogħla riżultat li jista' jintlaħaq. Il-fomuli tas-sistema tal-punti li għandhom jintużaw biex jinħadem ir-riżultat għal kull kriterju qed jidhru fil-punt 2.3. Is-sistema tal-kalkolu tal-punti/tweżin tad-deterġenti tal-ħasil Nota: Il-valuri kollha huma mfissra fi g/ħasla, ħlief il-CDVtoss li huwa mfisser f'l/ħasla. PuntiKriterju | | 4 | 3 | 2 | 1 | Esklużjoni ostaklu | Tweżin | Somma | Kimiċi totali | 60 | 70 | 80 | 90 | 110 | 3 | 12 | Il-volum kritiku tas-sustanza maħlula, toss | 1500 | 3500 | 5500 | 7500 | 10000 | 8 | 32 | Fosfati (bħala STPP) | 0 | 7,5 | 15 | 22,5 | 30 | 2 | 8 | Inorganiċi li mhumiex solubRBi | 10 | 15 | 20 | 25 | 30 | 0,5 | 2 | Inorganiċi li huma solubRBi | 10 | 25 | 40 | 55 | 70 | 0,5 | 2 | OMBD (aerobiċi) | 1 | 2 | 3 | 4 | 8 | 1 | 4 | OMBD (anaerobiċi) | 1 | 4 | 7 | 10 | 15 | 1,5 | 6 | BOD | 20 | 40 | 60 | 80 | 130 | 2 | 8 | Total | | | | | | | 74 | L-inqas punti meħtieġa | 45 | 2.2. Il-livell ta' mogħdija/twaħħil għall-għoti ta' l-eko-tikketta Is-somma tal-punti marbuta mat-tmien kriterji li jikkonċernaw l-ingredjenti għandha tkun ugwali jew ikbar minn 45. Il-valuri ta' ostaklu m'għandhomx ikunu iżjed fuq kull kriterju. Il-prodott għandu jkun ukoll fi qbil mal-kriterji stabbiliti f'partijiet oħra ta' dan l-Anness. 2.3. Il-kalkoli marbuta mal-kriterji ekoloġiċi fuq l-ingredjenti Id-database ta' l-ingredjenti tad-deterġenti (DID) L-Appendiċi I, il-Parti A tippreżenta l-bażi tat-tagħrif ta' l-ingredjenti tad-deterġenti (DID). Din fiha l-ingredjenti l-aktar li jintużaw fil-formulazzjoni tad-deterġenti. Din għandha tintuża għall-kalkoli tal-kriterji li jikkonċernaw l-ingredjenti. Tagħrif fuq il-fattur tat-tagħbija, it-tossiċità, in-non-biodegradabbiltà (aerobika), in-non-biodegradabbiltà (anaerobika), l-ingoraniċi solubRBi/li mhumiex solubRBi u d-domanda bioloġika ta' l-ossiġnu (BOD), huma mniżżla għall-ingredjenti ewlenin tad-deterġenti fl-Appendiċi 1, il-Parti A u dan it-tagħrif għandu jintuża għall-kalkoli li jikkonċernaw dawn l-ingredjenti. Il-kriterji: - Il-kimiċi kollha - fosfati (bħala STPP) - inorganiċi solubRBi/mhux solubRBi - mhumiex biodegradabRBi (aerobiċi/anaerobiċi) - BOD għandhom jinħadmu għal kull ingredjent billi titqies id-doża għal kull ħasla, il-kontenut ta' l-ilma u l-perċentwali ta' massa, u għandhom jingħaddu għal kull formulazzjoni ta' prodott. Il-kriterju fuq it-tossiċità tal-volum kritiku tas-sustanza maħlula jinħadem għal kull ingredjent (i) tal-formulazzjoni tad-deterġent RB-ekwazzjoni li ġejja: CDV = toqol/ħasla x il-fattur tat-tagħbija ×1000 Il-Proċedura għal kif jinħadmu l-punti Għall-mod kif jinħadmu l-punti, għandha tintuża l-ekwazzjoni li ġejja: Il-kimiċi kollha (KK) Jekk KK = 110 g/ħasla | mela | ESKLUŻJONI | Jekk KK = 90 g/ħasla | mela | Punti = 10 – KK/10 | Jekk 110 = KK = 90 g/ħasla | mela | Punti = 0 | Jekk KK = 60 g/ħasla | mela | Punti = 4 | Il-Volum Kritiku tas-Sustanza Maħlulatoss (VKSTOSS): jekk VKSTOSS = 10000 l/ħasla | mela | ESKLUŻJONI | Jekk VKSTOSS = 7500 l/ħasla | mela | Punti = 4,75 – VKSTOSS/2000 | Jekk 10000 = VKSTOSS = 7500 l/ħasla | mela | Punti = 0 | Jekk VKSTOSS = 1500 l/ħasla | mela | Punti = 4 | Fosfati (F) Jekk F = 30 g/ħasla | mela | ESKLUŻJONI | Jekk F = 22,5 g/ħasla | mela | Punti = 4 – F/7,5 | Jekk 30 = F = 22,5 g/ħasla | mela | Punti = 0 | Inorganiċi li mhumiex solubRBi (IMS): Jekk IMS = 30 g/ħasla | mela | ESKLUŻJONI | Jekk IMS = 25 g/ħasla | mela | Punti = 6 – IMS/5 | Jekk 30 = IMS = 25 g/ħasla | mela | Punti = 0 | Jekk IMS = 10 g/ħasla | mela | Punti = 4 | Inorganiċi li huma solubRBi (IS): Jekk IS = 70 g/ħasla | mela | ESKLUŻJONI | Jekk IS = 55 g/ħasla | mela | Punti = 4,66 – IS/5 | Jekk 70 = IS = 55 g/ħasla | mela | Punti = 0 | Jekk IS = 10 g/ħasla | mela | Punti = 4 | Organiċi li mhumiex biodegradabRBi - aerobiċi (OMBDa): Jekk OMBDa = 8 g/ħasla | mela | ESKLUŻJONI | Jekk OMBDa = 4 g/ħasla | mela | Punti = 5 – OMBDa | Jekk 8 = OMBDa = 4 g/ħasla | mela | Punti = 0 | Jekk OMBDa = 1 g/ħasla | mela | Punti = 4 | Organiċi li mhumiex degradabRBi bioloġikament - anaerobiċi (OMBDan): Jekk OMBDan = 15 g/ħasla | mela | ESKLUŻJONI | Jekk OMBDan = 10 g/ħasla | mela | Punti = 4,34 – OMBDan/3 | Jekk 15 = OMBDan = 10 g/ħasla | mela | Punti = 0 | Jekk OMBDan = 1 g/ħasla | mela | Punti = 4 | BOD (BOD): Jekk BOD = 130 g/ħasla | mela | ESKLUŻJONI | Jekk BOD = 80 g/ħasla | mela | Punti = 5 – BOD/20 | Jekk 130 = BOD = 80 g/ħasla | mela | Punti = 0 | Jekk BOD = 20 g/ħasla | mela | Punti = 4 | Ingredjenti ġodda miżjuda Fil-każ li jkun hemm kimiċi ġodda jew ingredjenti miżjuda li ma jkunux tniżżlu fid-database ta' l-ingredjenti tad-deterġenti, l-avviċinament deskritt hawn taħt u fl-Appendiċi I, il-Parti B għandu jkun dan li ġej. - it-tagħrif sperimentali għandu jintbagħat mill-applikant lill-entità kompetenti, - it-tagħrif fuq l-inorganiċi solubRBi/li mhumiex solubRBi, fuq il-biodegradabbiltà anaerobika (ibbażata fuq it-test Ecetoc Nru 28, Ġunju 1988) u d-domanda bioloġika ta' l-ossiġnu (BOD) għandu jingħata, - għandha tingħata d-dokumentazzjoni disponibRBi kollha fuq it-tagħrif li jikkonċerna l-biodegradazzjoni, t-tneħħija, l-effetti għal żmien twil (it-tagħrif NOEC) fuq il-ħut, id-dafnja manja, u l-algae, - ir-referenza għat-testijiet relevanti għandhom ikunu l-Annessi xierqa għad-Direttiva 67/548/KEE. Id-dispożizzjonijiet ta' l-Appendiċi I, il-Parti B għandha tkun tgħodd, skond kif ikun xieraq. L-aktar, jekk it-tagħrif komplut dwar l-effetti għal żmien twil ma jkunx disponibRBi, għandhom ikunu jgħoddu l-proċeduri relevanti mħaffa li huma deskritti fl-Appendiċi I, il-Parti B. Fejn ikun xieraq, jista' jiġi aċċettat tagħrif alternattiv jekk l-ekwivalenza tiegħu tiġi aċċettata mill-entità kompetenti li tkun qed tagħmel il-valutazzjoni ta' l-applikazzjoni. 2.4. Kriterji ekoloġiċi oħra dwar l-ingredjenti Ċerti ingredjenti speċifiċi m'għandhomx ikunu aktar mill-ogħla kontenut fil-formulazzjoni tad-deterġent jew m'għandhomx jintużaw, kif imfisser hawn taħt: (a) il-piż totali ta' l-ingredjenti [1], li huma jew li jistgħu jiġu klassifikati bħala perikolużi għall-ambjent ta' l-ilma u li huma mogħtija l-frażi ta' riskju R50 (tossiku ħafna għall-ħlejjaq ta' l-ilma) skond id-Direttiva 67/548/KEE, m'għandux ikun ogħla minn 10 g/ħasla; (b) il-piż totali ta' l-ingredjenti li huma jew li jistgħu jiġu klassifikati bħala perikolużi għall-ambjent u li jistgħu jingħataw il-frażi ta' riskju R50 (tossiku ħafna għall-ħlejjaq ta' l-ilma) u R53 (jista' joħloq effetti ħżiena għal żmien twil fuq l-ambjent ta' l-ilma) skond id-Direttiva 67/548/KEE, m'għandux ikun ogħla minn 0,25 g/ħasla; (ċ) il-fosfonati m'għandhomx ikunu ogħla minn 1 g/ħasla: (d) is-surfactants li ġejjin mill-familja alkylphenolethoxylates (APEO), il-fwejjaħ li jkollhom in-nitro komposti aromatiċi msemmija fl-Appendiċi II, l-aġent tal-formazzjoni komplessa EDTA u l-ingredjenti klassifikati bħala karċenoġeniċi, tossiċi għar-riproduzzjoni u mutaġeniċi skond id-Direttiva 67/548/KEE, m'għandhomx jintuzaw. 2.5. Kriterji ekoloġiċi fuq l-ippakkjar tal-prodott L-ippakkjar primarju biss għandu jitqies. L-ippakkjar tad-deterġent għandu jkun magħmul minn ippakkjar jew kontenitur ħafif (kartun/kaxxa tal-plastik jew flixkun tal-plastik). Jekk id-deterġent ikun f'kontenitur (kaxxa jew flixkun), il-manifattur għandu jipprovdi milja oħra. Il-piż ta' l-ippakkjar ħafif jew ta' l-ippakkjar ta' milja oħra m'għandux ikun aktar minn 1,7 g/ħasla. Il-piż tal-kontenitur m'għandux ikun aktar minn 7 g/ħasla. L-ippakkjar tal-kartun għandu jkun 80 % ippakkjar irriċiklat u l-ippakkjar tal-plastik għandu jkollu t-tikketta skond l-ISO 1043. 3. IL-KRITERJI TAT-TURIJA Fit-turija tal-ħasil tiegħu, il-prodott għandu jitqabbel ma' deterġenti ta' referenza ta' l-istess tip skond il-prova tat-turija ta' l-UE dwar l-eko-deterġenti. Il-prodott għandu jilħaq il-kriterji minimi stabbiliti f'din il-prova. 4. L-ITTESTJAR 4.1. Prova fuq il-purità ta' l-enżimi biex ikun ivverifikat in-nuqqas ta' l-organiżmi tal-produzzjoni Il-prova fuq il-purità ta' l-enżimi għandha ssir fuq enżimi li jinħolqu minn proċessi bijoteknoloġiċi u li jintużaw f'deterġenti tal-ħasil li japplikaw l-eko-tikketta. L-għan ta' din il-prova huwa li jkun żgurat li l-organiżmi tal-produzzjoni ma jkunux fil-preparazzjoni aħħarija ta' l-enżimi. It-tkabbir ta' mikro-organiżmi għandu jiġi ppruvat flimkien ma' antibijotiċi speċifikati. Il-proċedura tal-prova fuq il-purità għandha tiżgura li l-ebda organiżmu ta' produzzjoni ma jkun jinstab f'kampjun standard tal-prova ta' 20 ml tal-prodott aħħari ta' l-enżima. 4.2. Il-laboratorji tal-prova Il-prova għandha ssir bi spiża ta' l-applikant f'laboratorji li jkunu jilħqu l-kriterji ġenerali stabbiliti fil-livelli EN 45001 jew b'sistemi oħra ekwivalenti. 5. TAGĦRIF LILL-KONSUMATUR 5.1. It-tagħrif fuq l-ippakkjar It-tagħrif li ġej għandu jkun jidher jew fuq jew fl-ippakkjar: "MEZZ TA' ĦASIL LI HUWA TAJJEB GĦALL-AMBJENT: Pass 1 : qabel l-għażla tal-ħasla (eż. skond il-lewn, il-grad ta' ħmieġ, it-tip ta' fibra) Pass 2 : ħasla sħiħa Pass 3 : ikun evitat l-użu żejjed ta' deterġent, waqt li jkunu segwiti l-istruzzjonijiet tad-doża Pass 4 : l-użu ta' ċikli tal-ħasil b'temperatura baxxa" . Aktar tagħrif fuq id-deterġent għandu jkun disponibRBi jekk ikun hemm talba għalih. Għal dan il-għan, għandha tkun tidher sentenza fuq l-ippakkjar li tgħid li jekk il-konsumatur ikun irid jikseb aktar tagħrif fuq id-deterġent, dan għandu jċempel (jew jikteb) lid-dipartment tal-konsumatur tal-kumpannija jew tal-bejjiegħ RB-imnut. Biex il-konsumatur ikun inkoraġġit ma jużax deterġent żejjed u biex isegwi sew l-istruzzjonijiet tad-doża, għandu jkun hemm, fuq talba, tagħmir għall-kejl tad-doża (tazza) li tkun turi skala b'distanzi ta' mill-inqas 10 ml, f'każ li din ma tkunx inkluża fl-ippakkjar. It-tagħrif li ġej għandu jkun jidher fuq l-ippakkjar: "Dan il-prodott ingħata l-eko-tikketta ta' l-UE għaliex din tgħin fit-tnaqqis tat-tniġġiż ta' l-ilma, tal-produzzjoni ta' l-iskart u l-konsum ta' l-enerġija. Għal aktar tagħrif dwar l-eko-tikketta ta' l-UE, żur is-sit ta' l-internet: http://europa.eu.int/ecolabel" . 5.2. L-istruzzjonijiet dwar id-doża Ir-rakkomandazzjonijiet dwar id-doża għandhom ikunu jidhru fuq l-ippakkjar tal-prodott, flimkien ma' rakkomandazzjoni lill-konsumatur biex dan jikkuntattja lill-fornitur tiegħu ta' l-ilma jew lill-awtorità lokali biex jikseb il-grad ta' ragħa ta' l-ilma tal-vit tiegħu. Id-dożi rakkomandati għandhom ikunu speċifikati għal ħwejjeġ maħmuġin "normali" jew "ħafna", kif ukoll għad-diversi skali ta' ragħa ta' ilma li jkunu relevanti għall-pajjiżi konċernati, waqt li jkun hemm referenza għalihom, kif ikun xieraq, skond il-piż tal-ħwejjeġ. Jekk l-istruzzjonijiet tad-doża jingħataw RB-użu ta' tagħmir ta' doża, il-volum tat-tagħmir (f'ml) għandu jkun jidher b'mod ċar fuq il-pakkett. L-effiċjenza tal-ħasil għandha tintwera u tkun relattata għal ħwejjeġ "maħmuġin normali", waqt li jitqiesu l-iskali differenti ta' ragħa ta' ilma. Ir-rakkomandazzjonijiet tad-doża bejn l-iskala tar-ragħa ta' l-ilma 1 (artab) - "maħmuġin normali" u l-ogħla skala tar-ragħa ta' l-ilma (3 jew 4) - "maħmuġin ħafna" m'għandhomx ikunu differenti b'aktar minn fattur ta' 2. Id-doża ta' referenza użata għall-prova tat-turija tal-ħasil u għall-kalkolu tal-kriterji ekoloġiċi għandha tkun l-istess bħad-doża rakkomandata għal ħwejjeġ "maħmuġin normali" u l-iskala tar-ragħa ta' l-ilma li tikkorrispondi għal 2,5 mmol ta' CaCO3/l fl-Istati Membri li fihom tkun saret il-prova. Jekk ragħa ta' l-ilma li tkun iktar baxxa minn 2,5 mmol ta' CaCO3/l biss tkun inkluża fir-rakkomandazzjonijiet, l-ogħla doża rakkomandata għal ħwejjeġ "maħmuġin normali" għandha tkun inqas mid-doża ta' referenza msemmija fil-paragrafu ta' qabel. 5.3. Tagħrif u l-ittikkettjar ta' l-ingredjenti Ir-rakkomandazzjoni tal-Kummissjoni 89/542/KEE [2] tat-13 ta' Settembru 1989 dwar l-ittikkettjar ta' deterġenti u aġenti tat-tindif għandha tkun tgħodd. Il-gruppi ta' ingredjenti li ġejjin għandhom ikollhom it-tikketta b'mod indipendenti mill-kontenut tal-massa tagħhom: - Enżimi: l-indikazzjoni ta' l-enżimi (eż. protease, lipase). - Aġenti ta' preservazzjoni: il-karatterizzazzjoni u l-ittikkettjar skond in-nomenklatura IUPAC. - Diżinfettanti: il-karatterizzazzjoni u l-ittikkettjar skond in-nomenklatura IUPAC. Jekk il-prodott ikun fih xi fwejjaħ, dawn għandhom ikunu jidhru fuq il-pakkett. [1] "Ingredjenti" tfisser jew sustanzi jew preparazzjonijiet. [2] ĠU L 291, 10.10.89, p. 55. --------------------------------------------------