EUR-Lex Access to European Union law
This document is an excerpt from the EUR-Lex website
Document 31996F0699
96/699/JHA: Joint Action of 29 November 1996 adopted by the Council on the basis of Article K.3 of the Treaty on European Union, concerning the exchange of information on the chemical profiling of drugs to facilitate improved cooperation between Member States in combating illicit drug trafficking
Azzjoni konġunta tad-29 ta' Novembru 1996 adottata mill-Kunsill fuq il-bażi ta' l-Artikolu K.3 tat-Trattat dwar l-Unjoni Ewropea, li tikkonċerna l-iskambju ta' informazzjoni dwar il-profilar kimiku ta' droga biex tiġi faċilitata l-koperazzjoni mtejjba bejn l-Istati Membri fil-ġlieda kontra t-traffikar illeċitu tad-droga
Azzjoni konġunta tad-29 ta' Novembru 1996 adottata mill-Kunsill fuq il-bażi ta' l-Artikolu K.3 tat-Trattat dwar l-Unjoni Ewropea, li tikkonċerna l-iskambju ta' informazzjoni dwar il-profilar kimiku ta' droga biex tiġi faċilitata l-koperazzjoni mtejjba bejn l-Istati Membri fil-ġlieda kontra t-traffikar illeċitu tad-droga
OJ L 322, 12.12.1996, p. 5–6
(ES, DA, DE, EL, EN, FR, IT, NL, PT, FI, SV)
Special edition in Czech: Chapter 19 Volume 001 P. 42 - 43
Special edition in Estonian: Chapter 19 Volume 001 P. 42 - 43
Special edition in Latvian: Chapter 19 Volume 001 P. 42 - 43
Special edition in Lithuanian: Chapter 19 Volume 001 P. 42 - 43
Special edition in Hungarian Chapter 19 Volume 001 P. 42 - 43
Special edition in Maltese: Chapter 19 Volume 001 P. 42 - 43
Special edition in Polish: Chapter 19 Volume 001 P. 42 - 43
Special edition in Slovak: Chapter 19 Volume 001 P. 42 - 43
Special edition in Slovene: Chapter 19 Volume 001 P. 42 - 43
Special edition in Bulgarian: Chapter 19 Volume 001 P. 36 - 37
Special edition in Romanian: Chapter 19 Volume 001 P. 36 - 37
Special edition in Croatian: Chapter 19 Volume 015 P. 17 - 18
No longer in force, Date of end of validity: 21/02/2016; Imħassar b' 32016R0095
Official Journal L 322 , 12/12/1996 P. 0005 - 0006
Azzjoni konġunta tad-29 ta' Novembru 1996 adottata mill-Kunsill fuq il-bażi ta' l-Artikolu K.3 tat-Trattat dwar l-Unjoni Ewropea, li tikkonċerna l-iskambju ta' informazzjoni dwar il-profilar kimiku ta' droga biex tiġi faċilitata l-koperazzjoni mtejjba bejn l-Istati Membri fil-ġlieda kontra t-traffikar illeċitu tad-droga (96/699/JHA) IL-KUNSILL TA' L-UNJONI EWROPEA, Wara li kkunsidra t-Trattat dwar l-Unjoni Ewropea, u b'mod partikolari l-Artikolu K.3 (2) (b) tiegħu, Wara li kkunsidra l-inizjattiva ta' l-Irlanda, Waqt li jfakkar ir-rapport ta' l-esperti dwar droga approvat mill-Kunsill Ewropew ta' Madrid fil-15 u s-16 ta' Diċembru 1995 u, speċifikament, l-azzjoni proposta fih li tirrelata mal-profilar kimiku tad-droga; Waqt li jżomm f'moħħu l-konklużjonijiet tal-laqgħa f'Dublin tat-30 ta' Lulju 1996 dwar l-ipprofilar kimiku tad-droga, li jinvolvi l-istabbiliment kwalitattiv u kwantitattiv tal-parti l-kbira tal-komponenti f'kampjun ta' droga maqbuda; Billi huwa fl-interess komuni ta' l-Istati Membri li jidentifikaw ix-xejriet tal-produzzjoni illeċita ta' droga u l-manifattura u biex iħażżu l-linji ta' provvista ta' drogi kontrollati; Billi huwa fl-istess interess komuni li tittejjeb l-informazzjoni u l-intelliġenza għall-finijiet ta' l-infurzar tal-liġi dwar is-sorsi u r-rotot ta' l-ittraffikar illeċitu tad-droga; Billi huwa fl-istess interess komuni li jiġi massimizzat materjal ta' evidenza li jirrelata ma' droga maqbuda, għas-servizzi ġudizzjarji ta' l-Istati Membri; Waqt li jikkunsidra li l-laboratorji forensiċi tax-xjenza ta' l-Istati Membri żviluppaw kompetenzi speċjalizzati, kapaċitajiet u ħila fl-ipprofilar kimiku tad-droga, li huwa ta' benefiċċju sinjifikanti għall-aġenziji ta' l-infurzar tal-liġi fi Stati Membri individwali fil-ġlieda kontra l-produzzjoni illeċita ta' droga u traffikar; Waqt li jikkunsidra li l-qsim ta' din l-informazzjoni għandu jkun kontribuzzjoni importanti għall-isforzi ta' l-Unjoni Ewropea biex tingħeleb il-produzzjoni illeċita tad-droga u t-traffikar; Waqt li jikkunsidra li l-Unità Europol tad-Droga żviluppat kompetenza speċjali fl-ipprofilar ballistiku ta' droga maqbuda; Billi l-iskambju ta' l-informazzjoni maħsub minn din l-azzjoni konġunta m'huwiex maħsub biex jissostitwixxi jew jaffettwa xi arranġamenti bilaterali jew multilaterali li jikkonċernaw l-ipprofilar kimiku tad-droga, jew li jeħtieġ it-twaqqif ta' xi strutturi ġodda fi ħdan il-Kunsill; Waqt li jirrikonoxxi l-benefiċċi ta' koperazzjoni mtejjba bejn il-laboratorji ta' l-Istati Membri ta' xjenza forensika, ADOTTA DIN ID-DIKJARAZZJONI KONĠUNTA: Artikolu 1 Din l-azzjoni konġunta hija maħsuba biex tistabbilixxi mekkniżmu aktar koeżiv għat-trasmissjoni u d-disseminazzjoni tar-riżultati ta'l-ipprofilar ta' droga fl-Istati Membri. Hija taħseb għall-iskambju ta' informazzjon li tirrelata ma' l-ipprofilar kimiku tal-kokaina, l-eroina, l-LSD, l-amfetamini u d-derivattivi tagħhom tat-tip extasy MDA, MDMA u MDEA, u dik id-droga l-oħra jew sustanzi psikopatiċi hekk kif l-Istati Membri jqiesu xieraq. Artikolu 2 L-Unità tad-Droga ta' l-Europol hija b'dan nominata bħala l-awtorità li lilha għandha tiġi trasmessa l-informazzjoni mill-Istati Membri li tikkonċerna l-ipprofilar kimiku. Artikolu 3 L-informazzjoni provduta lill-Unità tad-Droga ta' l-Europol għandu jkollha l-format li ġej: (i) analiżi ta' droga fil-forma ta' pilloli: (a) dimensjonijiet fiżiċi tal-kampjun – daqs, piż, kulur; (b) disinji u mmarkar – tip u posizzjoni tal-logo; (ċ) tip u kwantità tad-droga prinċipali misjuba fil-kampjun; (d) tip u kwantità tas-sustanzi komponenti l-oħra kollha mikxufa matul l-analiżi; (e) stampa tal-kampjun; (f) numru tar-reġistrazzjoni (identifikazzjoni) tal-każ; (ii) analiżi ta' draga mhux fil-forma ta' pilloli: (a) it-tip u l-kwantità tad-droga prinċipali misjuba fil-kampjun; (b) it-tip u l-kwantità tas-sustanzi komponenti l-oħra kollha mikxufa matul l-analiżi; (ċ) in-numru tar-reġistrazzjoni (identifikazzjoni) tal-każ. Artikolu 4 L-Unità tad-Droga ta' l-Europol għandha tittrasmetti lill-Istati Membri kollha l-informazzjoni provduta taħt l-Artikolu 3. Artikolu 5 Din l-azzjoni konġunta għandha tidħol fis-seħħ fil-jum ta' l-adozzjoni tagħha. Artikolu 6 Din l-azzjoni konġunta għandha tiġi ppubblikata fil-Ġurnal Uffiċjali. Magħmula fi Brussel, fid-29 ta' Novembru 1996. Għall-Kunsill Il-President N. Owen --------------------------------------------------