EUR-Lex Access to European Union law
This document is an excerpt from the EUR-Lex website
Document 31993R2104
Council Regulation (EEC) No 2104/93 of 22 July 1993 amending Regulation (EEC) No 1382/91 on the submission of data on the landings of fishery products in Member States
Ir-Regolament tal-Kunsill (KEE) Nru 2104/93 tat-22 ta' Lulju 1993 li jemenda ir-Regolament (KEE) Nru 1382/91 dwar il-preżentazzjoni ta' informazzjoni dwar l-iżbarkar tal-prodotti tal-ħut fl-Istati Membri
Ir-Regolament tal-Kunsill (KEE) Nru 2104/93 tat-22 ta' Lulju 1993 li jemenda ir-Regolament (KEE) Nru 1382/91 dwar il-preżentazzjoni ta' informazzjoni dwar l-iżbarkar tal-prodotti tal-ħut fl-Istati Membri
OJ L 191, 31.7.1993, p. 1–12
(ES, DA, DE, EL, EN, FR, IT, NL, PT)
Special edition in Finnish: Chapter 04 Volume 005 P. 64 - 75
Special edition in Swedish: Chapter 04 Volume 005 P. 64 - 75
Special edition in Czech: Chapter 04 Volume 002 P. 58 - 69
Special edition in Estonian: Chapter 04 Volume 002 P. 58 - 69
Special edition in Latvian: Chapter 04 Volume 002 P. 58 - 69
Special edition in Lithuanian: Chapter 04 Volume 002 P. 58 - 69
Special edition in Hungarian Chapter 04 Volume 002 P. 58 - 69
Special edition in Maltese: Chapter 04 Volume 002 P. 58 - 69
Special edition in Polish: Chapter 04 Volume 002 P. 58 - 69
Special edition in Slovak: Chapter 04 Volume 002 P. 58 - 69
Special edition in Slovene: Chapter 04 Volume 002 P. 58 - 69
Special edition in Bulgarian: Chapter 04 Volume 002 P. 97 - 108
Special edition in Romanian: Chapter 04 Volume 002 P. 97 - 108
No longer in force, Date of end of validity: 19/01/2007; Impliċitament imħassar minn 32006R1921
Official Journal L 191 , 31/07/1993 P. 0001 - 0012
Finnish special edition: Chapter 4 Volume 5 P. 0064
Swedish special edition: Chapter 4 Volume 5 P. 0064
Ir-Regolament tal-Kunsill (KEE) Nru 2104/93 tat-22 ta' Lulju 1993 li jemenda ir-Regolament (KEE) Nru 1382/91 dwar il-preżentazzjoni ta' informazzjoni dwar l-iżbarkar tal-prodotti tal-ħut fl-Istati Membri IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi il-Komunità Ekonomika Ewropea, u b'mod partikolari l-Artikolu 43 tat-Trattat, Wara li kkunsidra l-proposta mill-Kummissjoni [1], Wara li kkunsidra l-opinjoni tal-Parlament Ewropew [2], Billi, bil-ħolqien ta' l-Arja Ekonomika Ewropea (EEA), l-amministrazzjoni tas-suq tal-prodotti tal-ħut tkun imsaħħa bl-eżistenza ta' statistiċi armonizzati dwar l-iżbarkar tal-prodotti tal-ħut fil-pajjiżi kollha tal-EEA; Billi, fl-Anness XXI.25 għall-Ftehim dwar l-Arja Ekonomika Ewropea, il-pajjiżi memberi ta' l-Assoċjazzjoni Ewropea tal-Kummerċ Ħieles (EFTA) obbligaw rwieħhom li jippreżentaw lill-Kummissjoni, informazzjoni ta' kull xahar dwar l-iżbarkar tal-prodotti tal-ħut f'dawk il-pajjiżi minn bastimenti tal-Komunità u tal-EFTA u, fuq bażi ottimali, mill-bastimenti ta' pajjiżi terzi, li jibdew l-iktar tard f'Jannar 1995; Billi il-ħtieġa għal statistika armonizzata teħtieġ li l-informazzzjoni ppreżentata mill-Istati Membri tal-Komunità taħt id-dispożizzjonijiet tar-Regolament (KEE) Nru 1382/91 [3] għandha tkun estiża biex tinkludi il-preżentazzjoni ta' informazzjoni dwar l-iżbarkar minn bastimenti tal-EFTA u, fuq bażi mhux obbligatorja, mill-bastimenti ta' pajjiżi terzi; Billi id-data addizzjonali meħtieġa tkun b'mod ġenerali diġà miġbura u pproċessata mill-awtoritajiet kompetenti fl-Istati Membri tal-Komunità; Billi, waqt l-implimentazzjoni tar-Regolament (KEE) Nru 1382/91, ħarġu ċerti diskrepanzi żgħar fl-identifikazzjoni tal-prodotti li għalihom ikun hemm bżonn ta' data u hemm ix-xewqa li jiġi introdott format armonizzat għall-preżentazzjoni ta' data fuq mezzi manjetiċi, ADOTTA DAN IR-REGOLAMENT: L-Artikolu 1 L-Artikolu 1 tar-Regolament (KEE) Nru 1382/91 għandu jkun mibdul b'dan li ġej: "L-Artikolu 1 Kull Stat Membru għandu jippreżenta lill-Kummissjoni data dwar il-kwantità u l-prezz medju ta' prodotti tal-ħut mniżżlin 'l art mill-bastimenti tas-sajd tal-Komunità u mill-bastimenti tal-EFTA f'kull xahar tal-kalendarju fit-territorju tiegħu filwaqt li jagħti kas xieraq tar-Regolament tal-Kunsill (KEE) Nru 1588/90 tal-11 ta' Ġunju 1990 dwar it-trasmissjoni ta' data soġġetta għall-konfidenzjalità ta' l-istatistika lill-Uffiċċju ta' l-Istatistika tal-Komunitajiet Ewropej [4]. Għall-iskopijiet ta' dan ir-Regolament, "l-iżbarkar tal-prodotti tal-ħut" għandu jkun: - il-prodotti mniżżlin mill-bastimenti tas-sajd u komponenti oħrajn tal-flotta tas-sajd, - il-prodotti mniżżlin mill-bastimenti ta' l-Istati Membri f'portijiet li mhumiex tal-Komunità u koperti bid-Dokument T2M anness mar-Regolament tal-Kummissjoni (KEE) Nru 137/79 [5], u - il-prodotti ttrasbordati għal fuq bastimenti ta' pajjiżi terzi minn bastimenti tal-ħut tal-Komunità u komponenti oħra tal-flotta tas-sajd tal-Komunità fit-territorju ta' dak l-Istat Membru. L-Istati Membri għandhom jiżguraw li, minbarra fejn ikunu mogħtija derogi skond l-Artikolu 5(4), id-data mogħtija għandha tkopri kull ħatt tal-prodotti tal-ħut elenkati fl-Anness I f'dak ix-xahar kalendarju. Iżda, jistgħu jintużaw tekniki ta' teħid ta' kampjuni biex jistmaw sa mhux aktar minn 10 % bil-piż tal-prodotti tal-ħut żbarkati f'dak ix-xahar. Dawn it-tekniki ta' teħid ta' kampjuni għandhom jiġu rrapportati taħt id-dispożizzjonijiet ta' l-Artikoli 5(1) u 5(2)." L-Artikolu 2 L-Artikolu 4 tar-Regolament (KEE) Nru 1382/91 għandu jiġi mibdul b'dan li ġej: "L-Artikolu 4 1. L-Istati Membri għandhom jissodisfaw l-obbligi tagħhom lejn il-Kummissjoni skond l-Artikoli 1 u 2 billi jippreżentaw id-data fuq mezzi manjetiċi, li l-format tagħhom huwa mogħti fl-Anness IV. 2. Fejn l-Istati Membri ikollhom diffikultà fil-preżentazzjoni ta' l-informazzjoni fuq mezz manjetiku, id-data għandha tiġi ppreżentata lill-Kummissjoni fil-forma murija fl-Anness III." L-Artikolu 3 L-Annessi I, II u III tar-Regolament (KEE) Nru 1382/91 għandhom jiġu mibdula bl-Annessi li jidhru fl-Anness A ta' dan ir-Regolament. L-Anness IV li jidher fl-Anness B ta' dan ir-Regolament għandu jiġi miżjud mar-Regolament (KEE) Nru 1382/91. L-Artikolu 4 Dan ir-Regolament għandu jidħol fis-seħħ fil-ġurnata ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Għandu jidħol fis-seħħ b'effett mill-1 ta' Jannar 1994. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-22 ta' Lulju 1993. Għall-Kunsill Il-President M. Offeciers-Van de Wiele [1] ĠU C 84, tal-25.3.1993, p. 6. [2] ĠU C 150, tal-31.5.1993. [3] ĠU L 133, tat-28.5.1991, p. 1. [4] ĠU L 151, tal-15.6.1990, p. 1. [5] ĠU L 20, tas-27.1.1979, p. 1. Ir-Regolament kif l-aħħar emendat bir-Regolament (KEE) Nru 3399/91 (ĠU L 320, tat-22.11.1991, p. 19). -------------------------------------------------- L-ANNESS A " L-ANNESS I LISTA TA' PRODOTTI TAL-ĦUT LI GĦALIHOM TINĦTIEĠ IL-PREŻENTAZZJONI TAD-DATA Kodiċi | Speċi | Preżentazzjoni | CDZ | Bakkaljaw (Gadus morhua, Boreogadus saida, Gadus ogac) | Frisk sħiħ Frisk imnaddaf Iffriżat mhux imqatta Fillets iffriżati Immellaħ | HAD | Balottra tal-baħar (Melanogrammus aeglefinus) | Friska sħiħa Friska imnaddfa Iffriżata mhux imqatta Fillets iffriżati | POK | Lipp (Coalfish) (Pollachius virens) | Frisk Sħiħ Frisk imnaddaf Iffriżat mhux imqatta Fillets iffriżati | HKE | Merluzz (Merluccius spp.) | Frisk sħiħ Frisk imnaddaf Iffriżat sħiħ Iffriżat, imnaddaf u bir-ras maqtugħa Fillets iffriżati Iffriżat, ieħor | WHG | Merlangu (Merlangius merlangus) | Frisk sħiħ Frisk imnaddaf Iffriżat sħiħ Fillets iffriżati | LNZ | Linarda (Molva spp.) | Friska sħiħa Imnaddfa friska Iffriżata sħiħa Fillets iffriżati | POL | Pollakkju (Pollachius pollachius) | Frisk sħiħ Frisk imnaddaf Iffriżat sħiħ Fillets iffriżati | BIB | Pouting (Trisopterus luscus) | Frisk | NOP | Pouting tan-Norveġja (Trisopterus esmarkii) | Frisk | WHB | Merlangu blu (Micromesistius poutassou) | Frisk | PLE | Barbun tat-tbajja' (Pleuronketes platessa) | Frisk sħiħ Frisk imnaddaf Iffriżat sħiħ Fillets iffriżati | SOL | Lingwata (Solea vulgaris) | Friska sħiħa Imnaddfa friska Iffriżata sħiħa Fillets iffriżati | MEG | Megrim (Lepidorhombus spp.) | Frisk Iffriżat sħiħ | DAB | Barbun (Limanda limanda) | Frisk Iffriżat | LEM | Lingwata (Lemon sole) (Microstomus kitt) | Friska Iffriżata | RED | Balottra (Sebastes spp.) | Friska Iffriżata sħiħa Fillets iffriżati | MNZ | Xkatlu (Lophius spp.) | Frisk sħiħ Dnub friski Dnub iffriżati | BOZ | Vopi (Boops spp.) | Friski Iffriżati | PIC | Picarel (Spicara (= Maena) spp.) | Frisk Iffriżat | CGZ | Morina conger (Conger spp.) | Friska Iffriżata | GUX | Tiġieġa tal-baħar (Triglidae) | Friska Iffriżata | MUL | Mulett (Mugilidae) | Frisk Iffriżat | HER | Aringa (Clupea harengus) | Friska Iffriżata sħiħa Fillets iffriżati | PIL | Sardin (Sardina pilchardus) | Frisk Iffriżat | ANE | Inċova (Engraulis spp.) | Friska Iffriżata | SPR | Sprat (Sprattus sprattus) | Frisk | ALB | Alonga (Thunnus alalunga) | Friska Iffriżata | YFT | Tonn tal-pinna safra (Thunnus albacares) | Frisk Iffriżat | SKJ | Tonn qabbieżi/palamit (Katsuwonus pelamis) | Frisk Iffriżat | BET | Kubrita (Thunnus obesus) | Friska Iffriżata | BFT | Tonn tal-pinna blu (Thunnus thynnus) | Fresh Iffriżat | SWO | Buxiħ blu (Xiphius gladius) | Frisk Iffriżat | TUN | Tonn ieħor (Thunnini) | Frisk Iffriżat | MAC | Kavalli (Scomber scombrus) | Friski Iffriżati | MAZ | Kavalli oħra (Scomber japonicus, Scomber australasicus) | Friski Iffriżati | JAX | Sawrella ta' għajnejha kbar (Trachurus spp.) | Friska Iffriżata | SRX | Skate u Raja (Rajiformas) | Friska Iffriżata | DGZ | Pixxiplamtu (Squalus acanthias, Scyliorhinus spp.) | Frisk Iffriżat | NEP | Langustura tan-Norveġja (Nephrops norvegicus) | Friska sħiħa Dnub friski Dnub iffriżati | CNZ | Gambli (Crangon spp.) | Frisk Iffriżati | PDZ | Gambli (Pandalidae) | Friski Iffriżati | CRE | Granċ ta' l-ikel (Cancer pagurus) | Frisk Iffriżat | CRS | Swimcrab (Portunus spp.) | Frisk | LBE | Langostura Ewropea (Homarus gammarus) | Friska Dnub iffriżati | SCE | Molluski komuni (Pekten maximus) | Frisk | SQC | Klamar komuni (Loligo spp .) | Frisk Iffriżat, imnaddaf Iffriżat, mhux imnaddaf | SQX | Klamari tal-pinna qasira (Todarodes saggittatus, Illex spp.) | Frisk Iffriżat, imnaddaf Iffriżat, mhux imnaddaf | OMZ | Klamar (ieħor) (Omnastrephidae) | Frisk Iffriżat, imnaddaf Iffriżat, mhux imnaddaf | OCZ | Qarnit (Qarnit spp.) | Frisk Iffriżat | CTL | Siċċ (Sepia officinalis, Rossia macrosoma, Sepiola rondeleti) | Frisk Iffriżat | FIN | Ħut ieħor | Frisk Iffriżat | CRU | Krostaċeji oħra | Friski Iffriżati | MOL | Molluski oħra | Friski Iffriżati | L-ANNESS II DEFINIZZJONIJIET BIEX JINTUŻAW FIL-PREŻENTAZZJONI TA' DATA DWAR IL-ĦATT TA' PRODOTTI TAL-ĦUT Unitajiet Piż: Il-piż irreġistrat għandu jkun il-piż tal-prodott kif żbarkat. Il-piż għandu jiġi irreġistrat f'tunnellati b'post deċimali wieħed. Prezz medju: Il-prezz medju għandu jitniżżel fil-munità nazzjonali għal kull tunnellata. Għall-prodotti li ma jinbiegħux mill-ewwel, il-prezz medju għandu jkun stmat, billi jintuża metodu xieraq. Destinazzjoni Konsum mill-bniedem: Inklużi hawnhekk hawn il-prodotti kollha li jinbiegħu għall-ewwel bejgħ għall-konsum mill-bniedem jew li jiġu żbarkati taħt kuntratt jew ftehim ieħor għall-konsum mill-bniedem. Esklużi huma kwantitajiet destinati għall-konsum mill-bniedem li għalihom, fil-mument ta' l-ewwel bejgħ, minħabba l-kondizzjonijiet tas-suq, ir-regolamenti ta' iġjene jew raġunijiet simili, jiġu rtirati mis-suq għall-konsum mill-bniedem. Użu industrijali: Inklużi hawnhekk hawn il-prodotti kollha żbarkati speċifikament sabiex jinħadmu f'ikel u żejt jew għall-konsum mill-annimali kif ukoll kwantitajiet li, għalkemm oriġinalment ikunu destinati għall-konsum mill-bniedem, ma jinbiegħux għal din ir-raġuni fl-ewwel bejgħ. Preżentazzjoni Fillets tirreferi għall-biċċiet tal-laħam maqtugħin b'mod parallel max-xewka tal-ħuta u li jkunu jikkonsistu fin-naħa tal-lemin jew tax-xellug tal-ħuta, dejjem jekk ir-ras, l-imsaren, il-pinna (ix-xewka tad-dahar, il-biċċa ta' wara id-denb, tal-ġenb, u ta' quddiem) u x-xewk (x-xewka tad-dahar jew xewk kbir, fil-ġenb jew kostali, tal-ġenb eċċ.) ikunu ġew imneħħija u ż-żewġ naħat ma jkunux magħqudin, per eżempju mad-dahar jew ma' l-istonku. Ħut sħiħ jirreferi għal ħut mhux imnaddaf. Imnaddaf tirreferi għal klamar fejn is-swaba', ir-ras u l-organi interni jiġu mneħħija minn mal-ġisem. Ħut iffriżat huwa ħut li jkun iffriżat b'mod illi tiġi ppriservata il-kwalità inerenti tal-ħut billi it-temperatura medja tiġi mnaqqsa għal - 18° C jew inqas u li mbagħad jiġi miżmum f'temperatura ta' - 18° C jew inqas. Ħut frisk huwa ħut li ma jkunx ġie ppreservat, ikkurat, iffriżat jew ittrattat b'mod ieħor ħlief li jkun ġie mkessaħ. B'mod ġenerali jiġu ppreżentati sħaħ jew bl-imsaren. Ħut immellaħ huwa ħut li ħafna drabi jkun mingħajr l-imsaren u r-ras, li jiġi ppriservat fil-melħ jew fis-salmura. Nazzjonalità u kopertura Id-data għandha tinkludi il-prodotti kollha żbarkati mill-bastimenti tal-ħut tal-Komunità u tal-EFTA fil-portijiet ta' l-Istat Membru li jkun qiegħed jirraporta. L-Istat Membru li jkun qiegħed jirraporta m'għandux bżonn, taħt id-dispożizzjonijiet ta' dan ir-Regolament, li jirraporta id-dħul tal-bastimenti tiegħu fil-portijiet għajr il-portijiet nazzjonali. Id-data għandha tinkludi prodotti mniżżlin 'l art fit-territorju ta' l-Istat Membru u koperti bid-dokument T2M li hemm riferenza għalih fir-Regolament tal-Kummissjoni (KEE) Nru 137/79. Għandhom ikunu Inklużi wkoll il-prodotti trasbordati fuq bastimenti ta' pajjiżi terzi mill-bastimenti tas-sajd tal-Komunità u tal-EFTA u komponenti oħrajn tal-flotta tas-sajd tal-Komunità u tal-EFTA li jkunu mniżżlin 'l art fit-territorju ta' dak l-Istat Membru. Bastimenti tal-Komunità huma bastimenti li jtajru il-bandiera ta', jew li jkunu rreġistrati fi Stat Membru tal-Komunità. Bastimenti tal-EFTA huma bastimenti li jtajru l-bandiera ta', jew li jkunu rreġistrati f'pajjiż membru tal-EFTA. Bastimenti ta' pajjiżi terzi huma bastimenti li jtajru l-bandiera ta' jew ikunu rreġistrati f'pajjiż ieħor għajr dawk il-pajjiżi membri tal-Komunità jew tal-EFTA. L-ANNESS III FORMAT GĦALL-PREŻENTAZZJONI TA' DATA SKOND L-ARTIKOLU 1 STATISTIKA TA’ L-IŻBARKAR +++++ TIFF +++++ +++++ TIFF +++++ +++++ TIFF +++++ +++++ TIFF +++++ " -------------------------------------------------- L-ANNESS B L-ANNESS IV FORMAT GĦALL-PREŻENTAZZJONI TAD-DATA FUQ MEZZI MANJETIĊI 1. MEZZI MANJETIĊI Tapes tal-kompjuter: B'disa' tracks b'densità ta' 1600 jew 6250 BPI u EDCDIC jew ASCII coding, preferibbilment ittikkettjat. Jekk ittikkettjata, il-kodiċi fl-aħħar tal-fajl għandha tkun inkluża. Floppy discs: MS-DOS formatted 3,5″ Prim; 720 Kbyte jew 1,4 Mbyte jew 5,25 & diski Prim; 360 Kbyte jew 1,2 Mbyte. 2. Format tal-coding Nru ta' Bytes | Oġġett | Rimarki | 1 sa 4 | Pajjiż | Kodiċi ISO 3-alpha (e.ż. FRA — Franza) | 5 sa 6 | Sena | Eżempju: 94 = 1994 | 7 sa 8 | Xahar | Eżempju: 01 = Jannar | 9 sa 11 | Speċi | Identifikatur 3-alpha (e.ż. CDZ — bakkaljaw) | 12 sa 13 | Preżentazzjoni | Ara l-lista tal-kodiċi taħt | 14 | Destinazzjoni | Ara lista tal-kodiċi taħt | 15 sa 25 | Kwantità | Tunnellati b'deċimu wieħed | 26 sa 36 | Prezz medju | Flus nazzjonali/tunnellata | 37 | Kodiċi ta' Nazzjonalità | Ara n-nota ta' taħt | Notes (a) Kull field numerika għandha tkun aġġustjata għal-lemin bi spazji vojta fuq quddiem. Kull field alfa-numerika għandha tkun aġġustata għax xellug bi spazji vojta fuq wara. (b) Il-piż irreġistrat għandu jkun il-piż imiżżel 'l art. (ċ) Kwantitajiet ta' inqas minn 50 kg għandhom jiġu rreġistarti bħala "0 0". 3. Listi tal-kodiċi (a)Kodiċi ta' preżentazzjoni Frisk | 10 | Frisk sħiħ | 11 | Frisk imnaddaf | 12 | Dnub friski | 13 | Frisk, imnaddaf u bir-ras maqtugħa | 16 | Frisk, ieħor | 19 | Iffriżat | 20 | Iffriżat sħiħ | 21 | Iffriżat imnaddaf | 22 | Dnub iffriżati | 23 | Iffriżat mhux maqtugħ f'fillets | 25 | Iffriżat imnaddaf u bir-ras maqtugħa | 26 | Iffriżat nadif | 27 | Iffriżat, mhux nadif | 28 | Iffriżat, ieħor | 29 | Immellaħ | 30 | Iffumigat | 40 | Imsajjar | 50 | Imsajjar, iffriżat u ppakkjat | 60 | (b)Il-Kodiċi ta' Destinazzjoni Il-konsum tal-bnedmin | 1 | L-utilitajiet industrijali | 2 | L-utilitajiet mhux magħrufa | 9 | (ċ)Il-kodiċi tan-Nazzjonalità Bastimenti tal-KEE | 1 | Bastimenti tal-EFTA | 2 | Bastimenti ta' pajjiżi terzi | 3 | --------------------------------------------------