Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 22023D0013

Deċiżjoni tal-Kumitat Konġunt taż-ŻEE Nru 208/2019 tas-27 ta’ Settembru 2019 li temenda l-Anness I (Kwistjonijiet veterinarji u fitosanitarji) għall-Ftehim dwar iż-ŻEE [2023/13]

ĠU L 4, 5.1.2023, p. 5–8 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec/2023/13/oj

5.1.2023   

MT

Il-Ġurnal Uffiċjali tal-Unjoni Ewropea

L 4/5

DEĊIŻJONI TAL-KUMITAT KONĠUNT TAŻ-ŻEE Nru 208/2019

tas-27 ta’ Settembru 2019

li temenda l-Anness I (Kwistjonijiet veterinarji u fitosanitarji) għall-Ftehim dwar iż-ŻEE [2023/13]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (“il-Ftehim dwar iż-ŻEE”), u b’mod partikolari l-Artikolu 98 tiegħu,

Billi:

(1)

Ir-Regolament ta’ Implimentazzjoni tal-Kummissjoni (UE) 2019/781 tal-15 ta’ Mejju 2019 dwar l-awtorizzazzjoni ta’ preparazzjoni ta’ 3-fitażi prodotta minn Komagataella phaffii (CECT 13094) bħala addittiv tal-għalf għat-tiġieġ għat-tismin jew imrobbija għall-bajd, għat-tiġieġ tal-bajd u għal speċijiet minuri ta’ tjur għat-tismin, għat-tgħammir u mrobbija għall-bajd (id-detentur tal-awtorizzazzjoni Fertinagro Nutrientes S.L.) (1) għandu jiġi inkorporat fil-Ftehim dwar iż-ŻEE.

(2)

Ir-Regolament ta’ Implimentazzjoni tal-Kummissjoni (UE) 2019/849 tal-24 ta’ Mejju 2019 li jemenda r-Regolament ta’ Implimentazzjoni (UE) 2017/1492 fir-rigward tal-kontenut massimu ta’ kolekalċiferol (vitamina D3) fl-għalf għas-salmonidi (2) għandu jiġi inkorporat fil-Ftehim dwar iż-ŻEE.

(3)

Ir-Regolament ta’ Implimentazzjoni tal-Kummissjoni (UE) 2019/857 tas-27 ta’ Mejju 2019 dwar it-tiġdid tal-awtorizzazzjoni għall-preparat ta’ Saccharomyces cerevisiae CNCM I-1077 bħala addittiv fl-għalf għall-mogħoż tal-ħalib u għan-nagħaġ tal-ħalib u li jemenda r-Regolament (KE) Nru 226/2007 (detentur tal-awtorizzazzjoni Danstar Ferment AG irrappreżentat minn Lallemand SAS) (3) għandu jiġi inkorporat fil-Ftehim dwar iż-ŻEE.

(4)

Ir-Regolament ta’ Implimentazzjoni tal-Kummissjoni (UE) 2019/892 tat-28 ta’ Mejju 2019 dwar l-awtorizzazzjoni tal-preparat tas-Saccharomyces cerevisiae CNCM I-1079 bħala addittiv tal-għalf għall-ħnieżer kollha ħlief il-qżieqeż miftuma u l-ħnieżer nisa u l-ispeċijiet porċini minuri kollha (id-detentur tal-awtorizzazzjoni Danstar Ferment AG irrappreżentat minn Lallemand SAS) (4) għandu jiġi inkorporat fil-Ftehim dwar iż-ŻEE.

(5)

Ir-Regolament ta’ Implimentazzjoni tal-Kummissjoni (UE) 2019/893 tat-28 ta’ Mejju 2019 dwar it-tiġdid tal-awtorizzazzjoni ta’ Bacillus subtilis DSM 15544 bħala addittiv fl-għalf għat-tiġieġ tas-simna u li jħassar ir-Regolament (KE) Nru 1444/2006 (detentur tal-awtorizzazzjoni, Asahi Calpis Wellness Co. Ltd, irrappreżentata fl-Unjoni minn Asahi Calpis Wellness Co. Ltd Europe Representative Office) (5) għandu jiġi inkorporat fil-Ftehim dwar iż-ŻEE.

(6)

Ir-Regolament ta’ Implimentazzjoni tal-Kummissjoni (UE) 2019/898 tad-29 ta’ Mejju 2019 li jikkonċerna l-awtorizzazzjoni tal-preparazzjoni tal-eugenol bħala addittiv fl-għalf tat-tiġieġ għat-tismin (detentur tal-awtorizzazzjoni Lidervet SL) (6) għandu jiġi inkorporat fil-Ftehim dwar iż-ŻEE.

(7)

Ir-Regolament ta’ Implimentazzjoni tal-Kummissjoni (UE) 2019/899 tad-29 ta’ Mejju 2019 li jikkonċerna t-tiġdid tal-awtorizzazzjoni tas-Saccharomyces cerevisiae CNCM I-4407 bħala addittiv fl-għalf għall-ħrief għat-tismin, għall-mogħoż u n-nagħaġ li jipproduċu l-ħalib, għall-bufli tal-ħalib, għaż-żwiemel u għall-ħnieżer għat-tismin u li jħassar ir-Regolamenti (KE) Nru 1447/2006, (KE) Nru 188/2007, (KE) Nru 232/2009, (KE) Nru 186/2007 u (KE) Nru 209/2008 (id-detentur tal-awtorizzazzjoni S.I. Lesaffre) (7) għandu jiġi inkorporat fil-Ftehim dwar iż-ŻEE.

(8)

Ir-Regolament ta’ Implimentazzjoni tal-Kummissjoni (UE) 2019/900 tad-29 ta’ Mejju 2019 dwar l-awtorizzazzjoni ta’ 8-merkapto-p-mentan-3-one u p-ment-1-ene-8-tijol bħala addittivi fl-għalf għall-ispeċijiet kollha tal-annimali (8) għandu jiġi inkorporat fil-Ftehim dwar iż-ŻEE.

(9)

Ir-Regolament ta’ Implimentazzjoni tal-Kummissjoni (UE) 2019/901 tad-29 ta’ Mejju 2019 dwar l-awtorizzazzjoni tar-riboflavina prodotta mill-Ashbya gossypii (DSM 23096), ir-riboflavina prodotta mill-Bacillus subtilis (DSM 17339 u/jew DSM 23984) u r-riboflavina-5′-fosfat melħ tas-sodju prodotta mill-Bacillus subtilis (DSM 17339 u/jew DSM 23984) (sorsi ta’ vitamina B2) bħala addittivi tal-għalf għall-ispeċijiet kollha tal-annimali (9) għandu jiġi inkorporat fil-Ftehim dwar iż-ŻEE.

(10)

Ir-Regolament ta’ Implimentazzjoni tal-Kummissjoni (UE) 2019/929 tal-5 ta’ Ġunju 2019 li jikkonċerna l-awtorizzazzjoni ta’ formulazzjoni tal-endo-1,4-beta-ksilanażi (EC 3.2.1.8) prodotta minn Trichoderma reesei (BCCM/MUCL 49755) bħala addittiv fl-għalf għall-ħnieżer għat-tismin (id-detentur tal-awtorizzazzjoni Berg and Schmidt GmbH Co. KG) (10) għandu jkun inkorporat fil-Ftehim dwar iż-ŻEE.

(11)

Ir-Regolament ta’ Implimentazzjoni (UE) Nru 2019/857 iħassar ir-Regolament tal-Kummissjoni (KE) Nru 226/2007 (11), li huwa inkorporat fil-Ftehim dwar iż-ŻEE u li konsegwentement għandu jiitħassar skont il-Ftehim dwar iż-ŻEE.

(12)

Ir-Regolament ta’ Implimentazzjoni (UE) Nru 2019/893 iħassar ir-Regolament tal-Kummissjoni (KE) Nru 1444/2006 (12), li huwa inkorporat fil-Ftehim dwar iż-ŻEE u li konsegwentement għandu jitħassar skont il-Ftehim dwar iż-ŻEE.

(13)

Ir-Regolament ta’ Implimentazzjoni (UE) 2019/899 iħassar ir-Regolamenti tal-Kunsill (KE) Nru 1447/2006 (13), (KE) Nru 186/2007 (14), (KE) Nru 188/2007 (15), (KE) Nru 209/2009 (16) u (KE) Nru 232/2009 (17), li huma inkorporati fil-Ftehim dwar iż-ŻEE u li konsegwentement għandhom jitħassru skont il-Ftehim dwar iż-ŻEE.

(14)

Din id-Deċiżjoni tikkonċerna l-leġiżlazzjoni dwar l-għalf. Il-leġiżlazzjoni li tirrigwarda l-għalf ma għandhiex tapplika għal-Liechtenstein sakemm l-applikazzjoni tal-Ftehim bejn il-Komunità Ewropea u l-Konfederazzjoni Żvizzera dwar il-kummerċ fil-prodotti agrikoli tibqa’ estiża għal-Liechtenstein, kif speċifikat fl-adattamenti settorjali tal-Anness I tal-Ftehim dwar iż-ŻEE. Għaldaqstant, din id-Deċiżjoni ma għandhiex tapplika għal-Liechtenstein,

(15)

Jenħtieġ għalhekk, li l-Anness I tal-Ftehim dwar iż-ŻEE jiġi emendat skont dan,

ADOTTA DIN ID-DEĊIŻJONI:

Artikolu 1

Il-Kapitolu II tal-Anness I tal-Ftehim dwar iż-ŻEE għandu jiġi emendat kif ġej:

1.

Dan li ġej jiżdied fil-punt 223 (ir-Regolament ta’ Implimentazzjoni tal-Kummissjoni (UE) 2017/1492):

 

“, kif emendat minn:

—

32019 R 0849: Ir-Regolament ta’ Implimentazzjoni tal-Kummissjoni (UE) 2019/849 tal-24 ta’ Mejju 2019 (ĠU L 139, 27.5.2019, p. 4).”

2.

Il-punti li ġejjin jiddaħħlu wara l-punt 286 (ir-Regolament ta’ Implimentazzjoni tal-Kummissjoni (UE) 2019/454):

“287.

32019 R 0781: Ir-Regolament ta’ Implimentazzjoni tal-Kummissjoni (UE) 2019/781 tal-15 ta’ Mejju 2019 dwar l-awtorizzazzjoni ta’ preparazzjoni ta’ 3-fitażi prodotta minn Komagataella phaffii (CECT 13094) bħala addittiv tal-għalf għat-tiġieġ għat-tismin jew imrobbija għall-bajd, għat-tiġieġ tal-bajd u għal speċijiet minuri ta’ tjur għat-tismin, għat-tgħammir u mrobbija għall-bajd (detentur tal-awtorizzazzjoni Fertinagro Nutrientes S.L.) ĠU L 127, 16.5.2019, p. 1.

288.

32019 R 0857: Ir-Regolament ta’ Implimentazzjoni tal-Kummissjoni (UE) 2019/857 tas-27 ta’ Mejju 2019 dwar l-awtorizzazzjoni għall-preparat ta’ Saccharomyces cerevisiae CNCM I-1077 bħala addittiv fl-għalf għall-mogħoż tal-ħalib u għan-nagħaġ tal-ħalib u li jemenda r-Regolament (KE) Nru 226/2007 (detentur tal-awtorizzazzjoni Danstar Ferment AG irrappreżentat minn Lallemand SAS) (ĠU L 140, 28.5.2019, p. 18).

289.

32019 R 0892: Ir-Regolament ta’ Implimentazzjoni tal-Kummissjoni (UE) 2019/892 tat-28 ta’ Mejju 2019 dwar l-awtorizzazzjoni tal-preparat tas-Saccharomyces cerevisiae CNCM I-1079 bħala addittiv tal-għalf għall-ħnieżer kollha ħlief il-qżieqeż miftuma u l-ħnieżer nisa u l-ispeċijiet porċini minuri kollha (id-detentur tal-awtorizzazzjoni Danstar Ferment AG irrappreżentat minn Lallemand SAS) (ĠU L 142, 29.5.2019, p. 57).

290.

32019 R 0893: Ir-Regolament ta’ Implimentazzjoni tal-Kummissjoni (UE) 2019/893 tat-28 ta’ Mejju 2019 dwar it-tiġdid tal-awtorizzazzjoni ta’ Bacillus subtilis DSM 15544 bħala addittiv fl-għalf għat-tiġieġ tas-simna u li jħassar ir-Regolament (KE) Nru 1444/2006 (detentur tal-awtorizzazzjoni, Asahi Calpis Wellness Co. Ltd, irrappreżentata fl-Unjoni minn Asahi Calpis Wellness Co. Ltd Europe Representative Office) (ĠU L 142, 29.5.2019, p. 60).

291.

32019 R 0898: Ir-Regolament ta’ Implimentazzjoni tal-Kummissjoni (UE) 2019/898 tad-29 ta’ Mejju 2019 li jikkonċerna l-awtorizzazzjoni tal-preparazzjoni tal-eugenol bħala addittiv fl-għalf tat-tiġieġ għat-tismin (detentur tal-awtorizzazzjoni Lidervet SL) (ĠU L 144, 3.6.2019, p. 29).

292.

32019 R 0899: Ir-Regolament ta’ Implimentazzjoni tal-Kummissjoni (UE) 2019/899 tad-29 ta’ Mejju 2019 li jikkonċerna t-tiġdid tal-awtorizzazzjoni tas-Saccharomyces cerevisiae CNCM I-4407 bħala addittiv fl-għalf għall-ħrief għat-tismin, għall-mogħoż u n-nagħaġ li jipproduċu l-ħalib, għall-bufli tal-ħalib, għaż-żwiemel u għall-ħnieżer għat-tismin u li jħassar ir-Regolamenti (KE) Nru 1447/2006, (KE) Nru 188/2007, (KE) Nru 232/2009, (KE) Nru 186/2007 u (KE) Nru 209/2008 (id-detentur tal-awtorizzazzjoni S.I. Lesaffre) (ĠU L 144, 3.6.2019, p. 32).

293.

32019 R 0900: Ir-Regolament ta’ Implimentazzjoni tal-Kummissjoni (UE) 2019/900 tad-29 ta’ Mejju 2019 dwar l-awtorizzazzjoni ta’ 8-merkapto-p-mentan-3-on u p-ment-1-en-8-tijol bħala addittivi fl-għalf għall-ispeċijiet kollha tal-annimali (ĠU L 144, 3.6.2019, p. 36).

294.

32019 R 0901: Ir-Regolament ta’ Implimentazzjoni tal-Kummissjoni (UE) 2019/901 tad-29 ta’ Mejju 2019 dwar l-awtorizzazzjoni tar-riboflavina prodotta mill-Ashbya gossypii (DSM 23096), ir-riboflavina prodotta mill-Bacillus subtilis (DSM 17339 u/jew DSM 23984) u r-riboflavina-5’-fosfat melħ tas-sodju prodotta mill-Bacillus subtilis (DSM 17339 u/jew DSM 23984) (sorsi ta’ vitamina B2) bħala addittivi tal-għalf għall-ispeċijiet kollha tal-annimali (ĠU L 144, 3.6.2019, p. 41).

295.

32019 R 0929: Ir-Regolament ta’ Implimentazzjoni tal-Kummissjoni (UE) 2019/929 tal-5 ta’ Ġunju 2019 li jikkonċerna l-awtorizzazzjoni ta' formulazzjoni tal-endo-1,4-beta-ksilanażi (EC 3.2.1.8) prodotta minn Trichoderma reesei (BCCM/MUCL 49755) bħala addittiv fl-għalf għall-ħnieżer tas-simna (id-detentur tal-awtorizzazzjoni Berg and Schmidt GmbH Co. KG) (ĠU L 148, 6.6.2019, p. 25).”

3.

It-testi tal-punt 1zzz (ir-Regolament tal-Kummissjoni (KE) Nru 1444/2006), tal-punt 1zzzb (ir-Regolament tal-Kummissjoni (KE) Nru 1447/2006), tal-punt 1zzzi (ir-Regolament tal-Kummissjoni (KE) Nru 188/2007), tal-punt 1zzzk (ir-Regolament tal-Kummissjoni (KE) Nru 186/2007), tal-punt 1zzzl (ir-Regolament tal-Kummissjoni (UE) Nru 226/2007), tal-punt 1zzzzn (ir-Regolament tal-Kummissjoni (KE) Nru 209/2008) u tal-punt 1zzzzu (ir-Regolament tal-Kummissjoni (KE) Nru 232/2009) jitħassru:

Artikolu 2

It-testi tar-Regolamenti ta’ Implimentazzjoni (UE) 2019/781, (UE) 2019/849, (UE) 2019/857, (UE) 2019/892, (UE) 2019/893, (UE) 2019/898, (UE) 2019/899, (UE) 2019/900, (UE) 2019/901 u (UE) 2019/929 bil-lingwa Iżlandiża u b’dik Norveġiża, li għandhom jiġu ppubblikati fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ fit-28 ta’ Settembru 2019, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.

Magħmul fi Brussell, is-27 ta’ Settembru 2019.

Għall-Kumitat Konġunt taż-ŻEE

Il-President

Gunnar PÁLSSON

(1)   ĠU L 127, 16.5.2019, p. 1.

(2)   ĠU L 139, 27.5.2019, p. 4.

(3)   ĠU L 140, 28.5.2019, p. 18.

(4)   ĠU L 142, 29.5.2019, p. 57.

(5)   ĠU L 142, 29.5.2019, p. 60.

(6)   ĠU L 144, 3.6.2019, p. 29.

(7)   ĠU L 144, 3.6.2019, p. 32.

(8)   ĠU L 144, 3.6.2019, p. 36.

(9)   ĠU L 144, 3.6.2019, p. 41.

(10)   ĠU L 148, 6.6.2019, p. 25.

(11)   ĠU L 64, 2.3.2007, p. 26.

(12)   ĠU L 271, 30.9.2006, p. 19.

(13)   ĠU L 271, 30.9.2006, p. 28.

(14)   ĠU L 63, 1.3.2007, p. 6.

(15)   ĠU L 57, 24.2.2007, p. 3.

(16)   ĠU L 63, 7.3.2008, p. 3.

(17)   ĠU L 74, 20.3.2009, p. 14.

(*1)  Ma huwa indikat l-ebda rekwiżit kostituzzjonali.

Top