Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 22020X1231(02)

    Ftehim dwar il-Kummerċ u l-Kooperazzjoni bejn l-UE u r-Renju Unit - Notifika mill-Unjoni

    ĠU L 444, 31.12.2020, p. 1486–1487 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    31.12.2020   

    MT

    Il-Ġurnal Uffiċjali tal-Unjoni Ewropea

    L 444/1486

    Ftehim dwar il-Kummerċ u l-Kooperazzjoni bejn l-UE u r-Renju Unit - Notifika mill-Unjoni

    L-Unjoni Ewropea b’dan tinnotifika lir-Renju Unit b’dan li ġej fir-rigward tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra ("il-Ftehim dwar il-Kummerċ u l-Kooperazzjoni").

    A.    NOTIFIKA F’ISEM L-UNJONI FIR-RIGWARD TAL-UFFIĊĊJU TAL-PROSEKUTUR PUBBLIKU EWROPEW (UPPE)

    Artikolu LAW.OTHER.134 (7), punti (d) u (g)

    1.

    		 F’konformità mal-Artikoli LAW.MUTAS.114 [Definizzjoni ta’ awtorità kompetenti] tat-Tielet Parti [Infurzar tal-Liġi u Kooperazzjoni Ġudizzjarja f’Materji Kriminali] tal-Ftehim dwar il-Kummerċ u l-Kooperazzjoni u l-punt (d) tal-Artikolu LAW.OTHER.134 (7) [Notifiki] ta’ dak il-Ftehim, l-Unjoni, f’isimha stess, b’dan tinnotifika lir-Renju Unit li l-UPPE, fl-eżerċizzju tal-kompetenzi tiegħu kif previst fl-Artikoli 22, 23 u 25 tar-Regolament tal-Kunsill (UE) 2017/1939 (1), għandu jitqies bħala awtorità kompetenti għall-finijiet tat-Titolu VIII [Assistenza Reċiproka] tat-Tielet Parti [Infurzar tal-Liġi u Kooperazzjoni Ġudizzjarja f’Materji Kriminali] tal-Ftehim dwar il-Kummerċ u l-Kooperazzjoni. Din in-notifika għandha tapplika mid-data stabbilita bid-deċiżjoni tal-Kummissjoni adottata f'konformità mal-Artikolu 120(2) tar-Regolament tal-Kunsill (UE) 2017/1939. Ir-Renju Unit ser jiġi infurmat dwar dik id-data.

    2.

    		 F’konformità mal-Artikoli LAW.CONFISC.21(2) [Awtoritajiet] tat-Tielet Parti [Infurzar tal-Liġi u Kooperazzjoni Ġudizzjarja f’Materji Kriminali] tal-Ftehim dwar il-Kummerċ u l-Kooperazzjoni u l-punt (g) tal-Artikolu LAW.OTHER.134(7) [Notifiki] ta’ dak il-Ftehim, l-Unjoni, f’isimha stess, b’dan tinnotifika lir-Renju Unit li l-UPPE, fl-eżerċizzju tal-kompetenzi tiegħu kif previst fl-Artikoli 22, 23 u 25 tar-Regolament tal-Kunsill (UE) 2017/1939, għandu jitqies bħala awtorità kompetenti bil-għan li jsiru u, jekk xieraq, jiġu eżegwiti talbiet għall-iffriżar magħmula skont it-Titolu XI [Iffriżar u Konfiska] tat-Tielet Parti [Infurzar tal-Liġi u Kooperazzjoni Ġudizzjarja f’Materji Kriminali] tal-Ftehim dwar il-Kummerċ u l-Kooperazzjoni, kif ukoll bħala awtorità ċentrali bil-għan li jintbagħtu u jiġu mwieġba dawk it-talbiet. Din in-notifika għandha tapplika mid-data stabbilita bid-deċiżjoni tal-Kummissjoni adottata f'konformità mal-Artikolu 120(2) tar-Regolament tal-Kunsill (UE) 2017/1939. Ir-Renju Unit ser jiġi infurmat dwar dik id-data.

    3.

    		 It-talbiet għandhom jintbagħtu lill-Uffiċċju Ċentrali tal-UPPE.

    B.    NOTIFIKA F’ISEM L-UNJONI FIR-RIGWARD TAL-GĦAŻLIET MAGĦMULA MILL-ISTATI MEMBRI GĦALL-FINIJIET TAL-APPLIKAZZJONI TAL-FTEHIM DWAR IL-KUMMERĊ U L-KOOPERAZZJONI

    1.

    		 Minħabba l-iffirmar tard tal-Ftehim dwar il-Kummerċ u l-Kooperazzjoni, in-notifika tal-Unjoni fir-rigward tal-għażliet magħmula mill-Istati Membri b’rabta mad-dispożizzjonijiet elenkati hawn taħt ser issir mhux aktar tard mill-31 ta’ Jannar 2021.

    Lista tad-dispożizzjonijiet tal-Ftehim dwar il-Kummerċ u l-Kooperazzjoni li jeħtieġu li ssir notifika mad-dħul fis-seħħ jew mal-bidu tal-applikazzjoni ta’ dak il-Ftehim:

    a)

    Artikolu LAW.OTHER 134(7)(a): Notifika tal-Unitajiet tal-Informazzjoni dwar il-Passiġġieri stabbiliti jew iddeżinjati minn kull Stat Membru għall-finijiet tar-riċeviment u l-ipproċessar tad-data tal-PNR skont it-Titolu III [Trasferiment u proċessar tad-data tar-reġistru tal-ismijiet tal-passiġġieri (PNR)];

    b)

    Artikolu LAW.OTHER 134(7)(b): Notifika tal-awtorità kompetenti bis-saħħa tal-liġi domestika ta’ kull Stat Membru biex teżegwixxi mandat ta’ arrest;

    c)

    Artikolu LAW.OTHER 134(7)(b): Notifika tal-awtorità kompetenti bis-saħħa tal-liġi domestika ta’ kull Stat Membru biex toħroġ mandat ta’ arrest;

    d)

    Artikolu LAW.OTHER 134(7)(c): Notifika tal-awtorità kompetenti biex tirċievi talbiet għal tranżitu mit-territorju tal-Istat Membru ta’ persuna rikjesta li qed tiġi kkonsenjata;

    e)

    Artikolu LAW.OTHER 134(7)(e): Notifika tal-awtorità ċentrali kompetenti għall-iskambju ta’ informazzjoni estratta mir-rekord kriminali taħt it-Titolu IX [Skambju ta’ Informazzjoni ta’ Rekords Kriminali] u għall-iskambji msemmija fl-Artikolu 22(2) tal-Konvenzjoni Ewropea dwar l-Assistenza Reċiproka f’Materji Kriminali;

    f)

    Artikolu LAW.OTHER 134(7)(f): Notifika tal-awtorità ċentrali responsabbli biex tibgħat u twieġeb talbiet taħt it-Titolu XI [Iffriżar u Konfiska], u għall-eżekuzzjoni ta’ tali talbiet jew għat-trażmissjoni tagħhom lill-awtoritajiet kompetenti għall-eżekuzzjoni tagħhom.

    2.

    		 F’konformità mal-Artikolu SSC.11(2) [Ħaddiema stazzjonati] tal-Ftehim dwar il-Kummerċ u l-Kooperazzjoni, l-Unjoni b’dan tinnotifika lir-Renju Unit li l-Istati Membri li ġejjin jaqgħu fi ħdan:

    —

    Kategorija A: Stati Membri li esprimew ix-xewqa tagħhom li jidderogaw mill-Artikolu SSC.10 [Regoli ġenerali] tal-Ftehim dwar il-Kummerċ u l-Kooperazzjoni mill-1 ta’ Jannar 2021: l-Awstrija, l-Ungerija, il-Portugall, l-Iżvezja;

    —

    Kategorija B: Stati Membri li esprimew ix-xewqa tagħhom li ma jidderogawx mill-Artikolu SSC.10 [Regoli ġenerali] tal-Ftehim dwar il-Kummerċ u l-Kooperazzjoni mill-1 ta’ Jannar 2021: - ;

    —

    Kategorija C: Stati Membri li ma indikawx jekk jixtiequx jidderogaw mill-Artikolu SSC.10 [Regoli ġenerali] tal-Ftehim dwar il-Kummerċ u l-Kooperazzjoni mill-1 ta’ Jannar 2021: il-Belġju, il-Bulgarija, Ċipru, id-Danimarka, l-Estonja, il-Finlandja, Franza, il-Ġermanja, il-Greċja, l-Irlanda, l-Italja, il-Kroazja, il-Latvja, il-Litwanja, il-Lussemburgu, Malta, in-Netherlands, il-Polonja, ir-Repubblika Ċeka, ir-Rumanija, is-Slovakkja, is-Slovenja, Spanja.

    3.

    		 In-notifiki fir-rigward tad-dispożizzjonijiet tal-Ftehim dwar il-Kummerċ u l-Kooperazzjoni fir-rigward tal-għażliet tal-Istati Membri li jistgħu jsiru wara d-dħul fis-seħħ jew il-bidu tal-applikazzjoni tal-Ftehim dwar il-Kummerċ u l-Kooperazzjoni ser isegwu fi żmien debitu, fil-perijodi ta’ żmien stabbiliti f’dak il-Ftehim, skont il-każ.

    (1)  Regolament tal-Kunsill (UE) 2017/1939 tat-12 ta' Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (“l-UPPE”) (ĠU L 283, 31.10.2017, p. 1).

    Top