EUR-Lex Access to European Union law
This document is an excerpt from the EUR-Lex website
Document 22019A1120(02)
Protocol on the implementation of the Agreement on a Sustainable Fisheries Partnership between the European Union and the Republic of Senegal
Protokoll dwar l-Implimentazzjoni tal-Ftehim ta’ Sħubija dwar is-sajd sostenibbli bejn l-Unjoni Ewropea u r-Repubblika tas-Senegal
Protokoll dwar l-Implimentazzjoni tal-Ftehim ta’ Sħubija dwar is-sajd sostenibbli bejn l-Unjoni Ewropea u r-Repubblika tas-Senegal
ST/13483/2019/INIT
OJ L 299, 20.11.2019, p. 13–42
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/prot/2019/1925/oj
20.11.2019 |
MT |
Il-Ġurnal Uffiċjali tal-Unjoni Ewropea |
L 299/13 |
PROTOKOLL
dwar l-Implimentazzjoni tal-Ftehim ta’ Sħubija dwar is-sajd sostenibbli bejn l-Unjoni Ewropea u r-Repubblika tas-Senegal
ARTIKOLU 1
Suġġett
Dan il-Protokoll jitratta l-implimentazzjoni tal-Ftehim ta’ Sħubija dwar is-sajd sostenibbli bejn l-Unjoni Ewropea u r-Repubblika tas-Senegal ( “il-Ftehim”). Dan il-Protokoll jinkludi Anness u Appendiċijiet li jiffurmaw parti integrali minnu.
ARTIKOLU 2
Ġenerali
1. Iż-żewġ Partijiet jaffermaw mill-ġdid l-impenn tagħhom li jippromwovu s-sajd sostenibbli u li jipproteġu l-bijodiversità tal-baħar, f’konformità mal-prinċipji ta’ nondiskriminazzjoni, trasparenza u governanza tajba.
2. Skont l-Artikolu 4 tal-Ftehim, il-bastimenti tal-Unjoni jistgħu jwettqu attivitajiet tas-sajd fiż-żona tas-sajd tas-Senegal biss jekk ikollhom awtorizzazzjoni tas-sajd maħruġa fil-kuntest ta’ dan il-Protokoll u skont il-proċeduri deskritti fl-Anness tiegħu.
ARTIKOLU 3
Kamp ta’ applikazzjoni
1. L-opportunitajiet tas-sajd għall-bastimenti tas-sajd tal-Unjoni għandhom jiġu stabbiliti kif ġej:
— |
fir-rigward ta’ speċijiet migratorji ħafna (l-ispeċijiet elenkati fl-Anness 1 għall-Konvenzjoni tan-Nazzjonijiet Uniti tal-1982 dwar il-Liġi tal-Baħar), bl-eċċezzjoni ta’l-ispeċijiet protetti mill-konvenzjonijiet internazzjonali u |
— |
l-ispeċijiet ipprojbiti mill-Kummissjoni Internazzjonali għall-Konservazzjoni tat-Tonn tal-Atlantiku (ICCAT);
|
— |
fil-każ ta’ speċijiet demersali fil-fond:
|
Dan il-paragrafu għandu japplika suġġett għall-Artikoli 8 u 10 ta’ dan il-Protokoll.
2. L-opportunitajiet tas-sajd deskritti fil-paragrafu 1 għandhom japplikaw biss għaż-żoni tas-sajd tas-Senegal li l-koordinati ġeografiċi tagħhom huma kkomunikati lill-Unjoni qabel il-bidu tal-applikazzjoni provviżorja skont il-leġislazzjoni tas-Senegal li tkun fis-seħħ.
3. Il-bastimenti tal-Unjoni ma jistgħux iwettqu attivitajiet f’żoni pprojbiti, jew matul perjodi ta’ mistrieħ bijoloġiku, f’konformità mad-dispożizzjonijiet stabbiliti fl-Anness u fil-leġislazzjoni nazzjonali.
4. L-aċċess għal-lixka ħajja għandu jkun awtorizzat għall-bastimenti tas-sajd bil-bastun u x-xlief Ewropej skont il-kundizzjonijiet stipulati fil-leġislazzjoni nazzjonali.
ARTIKOLU 4
Kontribuzzjoni finanzjarja
1. Għall-perjodu msemmi fl-Artikolu 15, il-valur totali stmat ta' dan il-Protokoll huwa ta’ EUR 15 253 750, jiġifieri EUR 3 050 750 fis-sena. L-ammont fis-sena jitqassam kif ġej:
— |
EUR 1 700 000 fis-sena bħala l-kontribuzzjoni finanzjarja msemmija fl-Artikolu 6 tal-Ftehim, li għandhom jiġu allokati kif ġej:
|
— |
EUR 1 350 750 fis-sena li jikkorrispondu għall-ammont stmat tal-imposti li s-sidien tal-bastimenti jridu jħallsu għall-awtorizzazzjonijiet tas-sajd maħruġin huwa u jiġi applikat l-Artikolu 4 tal-Ftehim u skont il-proċeduri previsti fl-Anness, il-Kapitolu II, il-punt 3. |
2. Il-paragrafu 1 għandu japplika suġġett għall-Artikoli 5, 7 u 9 ta’ dan il-Protokoll u għall-Artikoli 13 u 14 tal-Ftehim.
3. Is-Senegal u l-Unjoni, abbażi tad-data tal-qbid ta’ kuljum li jirċievi l-Istat Membru tal-bandiera, għandhom skont il-każ jimmonitorjaw l-attività tal-bastimenti tas-sajd tal-Unjoni fiż-żoni tas-sajd tas-Senegal sabiex jiżguraw li jkun hemm ġestjoni xierqa ta’:
— |
it-tunnellaġġ ta’ referenza stabbilit fil-punt (a) tal-ewwel inċiż tal-paragrafu 1 għall-ispeċijiet li jpassu ħafna, u |
— |
il-volum awtorizzat ta’ qabdiet għall-ispeċijiet demersali indikati fl-iskeda teknika rilevanti, kif stabbilit fl-Appendiċi 2 tal-Anness. |
4. L-Unjoni, l-Istati Membri tal-bandiera u s-Senegal għandhom jimmonitorjaw il-qabdiet b’mod partikolari permezz tas-sistema ERS (Electronic Reporting System - Sistema ta’ Rappurtar Elettroniku). Huma għandhom jieħdu l-miżuri xierqa biex jiżguraw li ma jaqbżux il-volum permess tal-qabdiet u jinfurmaw lil xulxin kif xieraq.
5. Hekk kif il-qabdiet jilħqu 80 % tal-volum tal-qabdiet permissibbli għall-ispeċijiet demersali tal-baħar fond, il-monitoraġġ ta’ kull ġimgħa tal-qabdiet mill-bastimenti tas-sajd tal-Unjoni għandu jsir. Ladarba s-sistema ERS tkun operattiva, il-monitoraġġ isir fuq bażi ta’ kuljum. Is-Senegal għandu jgħarraf lill-awtoritajiet tal-Unjoni malli jintlaħaq il-volum awtorizzat ta’ qabdiet. Mal-wasla ta’ dik in-notifika, l-Unjoni għandha wkoll tinforma lill-Istati Membri, li għandhom jirtiraw miż-żona tas-sajd.
6. Jekk il-kwantità annwali tal-ispeċijiet li jpassu ħafna li jaqbdu l-bastimenti tal-Unjoni fl-ilmijiet tas-Senegal tkun taqbeż it-tunnellaġġ ta’ referenza annwali mogħti fil-punt (a) tal-ewwel inċiż tal-paragrafu 1, l-ammont totali tal-kontribuzzjoni finanzjarja annwali għandu jiżdied b’EUR 45 għal kull tunnellata addizzjonali maqbuda.
7. Il-volum ta’ qabdiet permissibbli għall-ispeċijiet tal-ħut tal-qiegħ imniżżlin fl-iskeda teknika korrispondenti mogħtija fl-Appendiċi 2 tal-Anness għandhom jikkorrispondu għall-ammont massimu tal-qabdiet ta’ dawn l-ispeċijiet awtorizzati. Jekk il-kwantità annwali ta’ qabdiet ta’ dawn l-ispeċijiet taqbeż il-volum awtorizzat, għandha tiġi applikata penali ta’ EUR 95 għal kull tunnellata għall-qabdiet li jaqbżu l-imposta.
8. L-Unjoni għandha tħallas il-kontribuzzjoni finanzjarja msemmija fil-punt (a) tal-ewwel inċiż tal-paragrafu 1, dwar l-aċċess tal-bastimenti tas-sajd tal-Unjoni għar-riżorsi tas-sajd tas-Senegal sa mhux aktar tard minn 90 jum mid-data tal-applikazzjoni provviżorja tal-Protokoll għall-ewwel sena u sa mhux aktar tard mid-data tal-anniversarju tal-iffirmar tal-Protokoll għas-snin ta’ wara.
9. Il-kontribuzzjoni finanzjarja msemmija fil-punti (a) u (b) tal-ewwel inċiż tal-paragrafu 1 għandha titħallas f’kont tat-Teżor Pubbliku tas-Senegal. L-appoġġ settorjali msemmi fil-punt (b) tal-ewwel inċiż tal-paragrafu 1 għandu jitqiegħed għad-dispożizzjoni tad-Direttorat tas-Sajd Marittimu għall-implimentazzjoni tiegħu. In-naħa tas-Senegal għandha tiżgura li l-fondi ta’ appoġġ settorjali huma inklużi fl-ipprogrammar tal-baġit (liġi finanzjarja annwali). L-awtoritajiet tas-Senegal għandhom jinnotifikaw id-dettalji xierqa tal-kontijiet tat-Teżor lill-Kummissjoni Ewropea qabel l-applikazzjoni provviżorja ta' dan il-Protokoll u minn hemm ’il quddiem fuq bażi annwali.
ARTIKOLU 5
Appoġġ settorjali
1. L-appoġġ settorjali pprovdut taħt dan il-Protokoll għandu b’mod partikolari jikkontribwixxi għall-implimentazzjoni tal-Ittra ta’ Politika tas-Settur għall-Iżvilupp tas-Sajd u l-Akkwakultura tas-Senegal (2016–2023) u għall-iżvilupp tal-ekonomija marittima. L-għanijiet huma:
— |
l-immaniġġar sostenibbli tar-riżorsi, |
— |
it-titjib tal-monitoraġġ, tal-kontroll u tas-sorveljanza tal-attivitajiet tas-sajd, |
— |
l-iżvilupp ta’ kapaċità xjentifika, ir-riċerka dwar ir-riżorsi tas-sajd u l-ġbir ta’ data, |
— |
l-appoġġ għas-sajd fuq skala żgħira, |
— |
l-iżvilupp tal-akkwakultura, |
— |
il-valorizzazzjoni, il-kontroll u ċ-ċertifikazzjoni tas-saħħa tal-prodotti tas-sajd, |
— |
it-tisħiħ tal-kapaċitajiet tal-partijiet involuti fis-settur tas-sajd. |
2. Sa mhux aktar tard minn tliet xhur wara d-dħul fis-seħħ ta’ dan il-Protokoll jew wara l-applikazzjoni provviżorja tiegħu, jekk ikun il-każ, il-Kumitat Konġunt għandu jadotta programm settorjali pluriennali u r-regoli għall-implimentazzjoni tiegħu, b’mod partikolari dan li ġej:
— |
il-linji gwida annwali u pluriennali għall-użu tal-kontribuzzjoni finanzjarja msemmija fil-punt b tal-ewwel inċiż tal-Artikolu 4(1); |
— |
il-miri annwali u pluriennali li għandhom jintlaħqu sabiex biż-żmien ikun hemm sajd sostenibbli u responsabbli, filwaqt li jitqiesu l-prijoritajiet imsemmija mis-Senegal fil-politika nazzjonali tas-sajd tiegħu u f’politiki oħrajn marbutin mal-istabbiliment ta’ sajd responsabbli u sostenibbli jew li għandhom impatt fuqu, speċjalment fir-rigward tal-appoġġ għas-sajd artiġjanali u tas-sorveljanza, tal-kontroll u tal-ġlieda kontra s-sajd illegali, mhux rappurtat u mhux regolat (is-sajd IUU), kif ukoll il-prijoritajiet marbutin mat-tisħiħ tal-kapaċitajiet xjentifiċi tas-Senegal fis-settur tas-sajd; |
— |
il-kriterji u l-proċeduri, fosthom, fejn ikun xieraq, l-indikaturi baġitarji u finanzjarji, sabiex issir l-evalwazzjoni tar-riżultati miksuba kull sena. |
3. L-ewwel parti tal-appoġġ settorjali għandha titħallas ladarba l-ipprogrammar pluriennali jkun ġie vvalidat mill-Kumitat Konġunt.
4. Il-Kumitat Konġunt għandu jiddetermina l-għanijiet u għandu jagħmel valutazzjoni tal-effetti kollaterali li l-proġetti mistennija jkollhom sabiex japprova l-allokazzjoni tal-ammonti tal-kontribuzzjoni finanzjarja għall-appoġġ settorjali min-naħa tas-Senegal. Fejn xieraq, il-Kumitat jista', fejn ikun xieraq, jirrevedi l-arranġamenti għall-implimentazzjoni tal-appoġġ settorjali.
5. Kull sena, is-Senegal għandu fil-forma ta’ rapport annwali tar-riżultati miksubin jagħti rendikont tal-progress li jkun sar fuq il-proġetti implimentati bil-finanzjament tal-appoġġ settorjali, li għandu jiġi eżaminat mill-Kumitat Konġunt. Is-Senegal għandu jagħmel ukoll rapport finali mal-iskadenza ta' dan il-Protokoll.
6. Il-ħlas tal-kontribuzzjoni finanzjarja għall-appoġġ settorjali għandu jsir f’serje ta’ ħlasijiet parzjali, abbażi ta’ approċċ ibbażat fuq l-analiżi tar-riżultati tal-implimentazzjoni tal-appoġġ settorjali u tal-bżonnijiet identifikati matul il-programmazzjoni pluriennali. Is-sospensjoni tal-appoġġ settorjali previst fil-punt (b) tal-ewwel inċiż tal-Artikolu 4(1) tista’ sseħħ fil-każijiet li ġejjin: meta r-riżultati miksuba ma jkunux skont l-ipprogrammar wara evalwazzjoni mwettqa mill-Kumitat Konġunt jew meta dik il-kontribuzzjoni finanzjarja ma tkunx iġġarrbet skont il-programmazzjoni approvata.
7. Il-ħlas tal-kontribuzzjoni finanzjarja għandu jibda mill-ġdid wara konsultazzjoni bejn il-Partijiet u ftehim bejniethom, u/jew meta r-riżultati tal-implimentazzjoni finanzjarja msemmija fil-paragrafu 4 jiġġustifikawh. Madankollu, il-ħlas ta’ din il-kontribuzzjoni finanzjarja ma jistax isir lil hinn minn sitt xhur minn meta jiskadi dan il-Protokoll.
8. Kwalunkwe proposta biex jiġi emendat il-programm pluriennali tal-appoġġ settorjali għandha tiġi approvata mill-Kumitat Konġunt, fejn xieraq permezz ta’ skambju ta’ ittri.
9. Il-Partijiet għandhom jiżguraw il-viżibbiltà tal-kisbiet tal-appoġġ settorjali.
ARTIKOLU 6
Kooperazzjoni xjentifika
1. Il-partijiet jintrabtu li jippromwovu, fil-livell tar-reġjun tal-Afrika tal-Punent, il-kooperazzjoni b’ rabta mas-sajd responsabbli. Huma għandhom jintrabtu li jħarsu r-rakkomandazzjonijiet u r-riżoluzzjonijiet kollha tal--ICCAT u li jqisu l-pariri xjentifiċi ta’ organizzazzjonijiet reġjonali kompetenti oħrajn bħall-Kumitat tas-Sajd għall-Atlantiku Ċentrali tal-Lvant (CECAF).
2. Il-Partijiet għandhom jintrabtu li jlaqqgħu b’mod regolari u meta jkun hemm bżonn il-grupp ta’ ħidma xjentifika konġunta sabiex jeżamina kull kwistjoni xjentifika li għandha x’taqsam mal-implimentazzjoni ta’ dan il-Protokoll. Il-Kumitat Konġunt għandu jistabbilixxi l-mandat, il-kompożizzjoni u l-funzjonament ta’ dan il-grupp ta’ ħidma xjentifika konġunta.
3. Il-partijiet għandhom jintrabtu li jagħmlu pubbliku u jiskambjaw kwalunkwe informazzjoni rilevanti dwar l-attivitajiet tas-sajd relatati ma’ dan il-Protokoll.
4. Abbażi tar-rakkomandazzjonijiet u r-riżoluzzjonijiet adottati mill-ICCAT u fid-dawl tal-aqwa parir xjentifiku disponibbli, bħal dak tas-CECAF u, fejn ikun xieraq, tal-konklużjonijiet tal-laqgħat tal-grupp ta’ ħidma xjentifika konġunta, il-Kumitat Konġunt għandu jadotta miżuri li jikkonċernaw l-attivitajiet tal-bastimenti tas-sajd tal-Unjoni biex tkun żgurata l-ġestjoni sostenibbli tal-ispeċijiet tal-ħut koperti minn dan il-Protokoll.
ARTIKOLU 7
Koperazzjoni ekonomika u valorizzazzjoni
1. Il-Partijiet għandhom jinkoraġġixxu l-kooperazzjoni ekonomika u teknika bejn l-operaturi fis-settur tas-sajd u tal-ipproċessar sabiex joħolqu kundizzjonijiet favorevoli għall-investiment u għall-isfruttament ekonomiku tar-riżorsa.
2. Il-Partijiet għandhom jużaw il-potenzjal li jirriżulta mill-istrumenti finanzjarji u tekniċi għad-dispożizzjoni tagħhom sabiex itejbu l-konsistenza tal-azzjonijiet fil-qasam tas-sajd u l-ekonomija blu. Għal dan il-għan, ser ikun hemm enfasi partikolari fuq il-valorizzazzjoni tal-prodotti, il-provvista tal-unitajiet tal-ipproċessar u s-suq lokali u l-promozzjoni tal-kummerċ.
ARTIKOLU 8
Reviżjoni tal-opportunitajiet tas-sajd u l-kundizzjonijiet tas-sajd
1. Il-Kumitat Konġunt jista’ jirrevedi l-opportunitajiet tas-sajd imsemmija fl-Artikolu 3, sakemm ir-rakkomandazzjonijiet u r-riżoluzzjonijiet adottati mill-ICCAT u l-opinjonijiet tas-CECAF jikkonfermaw li din ir-reviżjoni tiżgura l-ġestjoni sostenibbli tal-ispeċijiet tal-ħut imsemmija f’dan il-Protokoll u suġġetti għal validazzjoni mill-grupp ta’ ħidma xjentifika.
2. F’każijiet bħal dawn, il-kontribuzzjoni finanzjarja msemmija fil-punt (a) tal-ewwel inċiż tal-Artikolu 4(1) għandha tiġi aġġustata b’mod proporzjonat u pro rata temporis.
3. Il-Kumitat Konġunt jista’ jeżamina u, jekk ikun meħtieġ, jadatta jew jemenda, bi qbil reċiproku, id-dispożizzjonijiet marbutin mal-kondizzjonijiet li jirregolaw l-attivitajiet tas-sajd u l-miżuri tekniċi li jimplimentaw dan il-Protokoll.
ARTIKOLU 9
Qabdiet inċidentali
Skont ir-rakkomandazzjonijiet tal-ICCAT, il-Partijiet għandhom jimpenjaw ruħhom li jikkooperaw fit-tnaqqis ta’ qabdiet inċidentali ta’ speċijiet protetti ta’ għasafar tal-baħar, ta’ fkieren tal-baħar, ta’ klieb il-baħar u ta’ mammiferi tal-baħar. Għal dak il-għan il-bastimenti tal-Unjoni għandhom jiżguraw l-applikazzjoni ta’ miżuri tekniċi ppruvati xjentifikament biex itejbu s-selettività tal-irkaptu tas-sajd u biex inaqqsu l-qbid inċidentali ta’ speċijiet mhux fil-mira.
ARTIKOLU 10
Opportunitajiet ġodda tas-sajd u sajd sperimentali
1. F’każ li l-bastimenti tas-sajd tal-Unjoni jkunu interessati f’attivitajiet tas-sajd li mhumiex previsti fl-Artikolu 1, il-Partijiet għandhom jikkonsultaw lil xulxin fi ħdan il-Kumitat Konġunt biex tinħareġ awtorizzazzjoni eventwali għal dawn l-attivitajiet il-ġodda. Fejn ikun xieraq, il-Kumitat Konġunt għandu jiddeċiedi dwar il-kondizzjonijiet li japplikaw għal dawn l-opportunitajiet il-ġodda tas-sajd u, jekk ikun hemm bżonn, jemenda dan il-Protokoll u l-Anness tiegħu.
2. L-awtorizzazzjoni għat-twettiq ta’ attivitajiet ġodda tas-sajd għandha tinħareġ filwaqt li jitqiesu l-aqwa pariri xjentifiċi u, fejn ikun xieraq, abbażi tar-riżultati ta’ kampanji xjentifiċi vvalidati mill-grupp ta’ ħidma xjentifika konġunta.
3. Wara l-konsultazzjonijiet imsemmija fil-paragrafu 1, il-Kumitat Konġunt għandu jawtorizza kampanji tas-sajd sperimentali fiż-żoni tas-sajd tas-Senegal sabiex jiġu ttestjati l-fattibbiltà teknika u l-vijabbiltà ekonomika tal-attivitajiet tas-sajd il-ġodda. Għal dan il-għan, u fuq talba tas-Senegal, il-Kumitat Konġunt għandu jistabbilixxi, fuq bażi ta' każ b’każ, l-ispeċijiet, il-kondizzjonijiet u kwalunkwe parametru ieħor rilevanti. Il-Partijiet għandhom iwettqu s-sajd sperimentali skont il-kondizzjonijiet li jkun stabbilixxa l-grupp ta’ ħidma xjentifika konġunta.
ARTIKOLU 11
Komunikazzjoni kompjuterizzata
1. Is-Senegal u l-Unjoni għandhom intrabtu li jimplimentaw mingħajr dewmien is-sistemi kompjuterizzati meħtieġa għall-iskambju elettroniku tal-informazzjoni u d-dokumenti kollha marbutin mal-implimentazzjoni tal-Ftehim.
2. Il-verżjoni elettronika ta’ kwalunkwe dokument f’kull każ għandha titqies li hija ekwivalenti għall-verżjoni stampata tiegħu.
3. Is-Senegal u l-Unjoni għandhom jgħarrfu minnufih lil xulxin b’kull ħsara f'sistema kompjuterizzata. F’dan il-każ, l-informazzjoni u d-dokumenti marbutin mal-implimentazzjoni tal-Ftehim għandha teħdilhom posthom b’mod awtomatiku l-verżjoni stampata tagħhom.
ARTIKOLU 12
Kunfidenzjalità tad-data
1. Is-Senegal u l-Unjoni għandhom jintrabtu li jittrattaw f’kull ħin id-data personali kollha dwar il-bastimenti tal-Unjoni u l-attivitajiet tas-sajd tagħhom miksuba fil-kuntest tal-Ftehim strettament skont il-prinċipji rispettivi tagħhom tal-kunfidenzjalità u tal-protezzjoni tad-data.
2. Il-Partijiet għandhom jiżguraw li d-data aggregata marbuta mal-attivitajiet tas-sajd fiż-żoni tas-sajd tas-Senegal biss titqiegħed għad-dispożizzjoni tal-pubbliku, skont id-dispożizzjonijiet korrispondenti tal-ICCAT u tal-organizzazzjonijiet reġjonali tal-ġestjoni tas-sajd l-oħrajn. Id-data li tista’ titqies bħala kunfidenzjali għandha tintuża mill-awtoritajiet kompetenti biss għall-finijiet tal-implimentazzjoni tal-Ftehim u għall-ġestjoni, il-kontroll u s-sorveljanza tas-sajd.
3. Fir-rigward tad-data personali li jibagħtu l-partijiet, il-Kumitat Konġunt jista’ jistabbilixxi s-salvagwardji u l-miżuri ġuridiċi xierqa skont ir-Regolament (UE) 2016/679 tal-Parlament Ewropew u tal-Kunsill (1) (ir-Regolament Ġenerali Ewropew dwar il-Protezzjoni tad-Data) u r-regoli applikabbli għas-Senegal.
ARTIKOLU 13
Sospensjoni
L-implimentazzjoni ta’ dan il-Protokoll, inkluż il-ħlas tal-kontribuzzjoni finanzjarja, tista’ tiġi sospiża b’mod unilaterali minn waħda mill-Partijiet fil-każijiet u skont il-kondizzjonijiet stabbiliti fl-Artikolu 14 tal-Ftehim.
ARTIKOLU 14
Terminazzjoni
Dan il-Protokoll jista’ jintemm b’mod unilaterali minn kwalunkwe waħda mill-Partijiet fil-każijiet u skont il-kondizzjonijiet imniżżlin fl-Artikolu 14 tal-Ftehim.
ARTIKOLU 15
Tul ta’ żmien
Dan il-Protokoll u l-Anness tiegħu għandhom japplikaw għal perjodu ta’ ħames snin mid-data ta l-applikazzjoni provviżorja tiegħu.
ARTIKOLU 16
Applikazzjoni provviżorja
Dan il-Protokoll għandu japplika b’mod provviżorju mid-data tal-iffirmar tiegħu.
ARTIKOLU 17
Dħul fis-seħħ
Dan il-Protokoll għandu jidħol fis-seħħ fid-data meta l-Partijiet jgħarrfu lil xulxin li lestew il-proċeduri meħtieġa għal dak il-għan.
(1) Ir-Regolament (EU) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).
ANNESS
IL-KONDIZZJONIJIET LI JIRREGOLAW L-ATTIVITAJIET TAS-SAJD MILL-BASTIMENTI TAL-UNJONI FIŻ-ŻONI TAS-SAJD TAS-SENEGAL
KAPITOLU I
DISPOŻIZZJONIJIET ĠENERALI
1. Ħatra tal-awtorità kompetenti
1. |
Għall-finijiet ta’ dan l-Anness u sakemm ma jkunx indikat mod ieħor, kull referenza għall-Unjoni (UE) jew għar-Repubblika tas-Senegal (is-Senegal) bħala awtorità kompetenti għandha tfisser:
|
2. |
Għall-finijiet tal-applikazzjoni tad-dispożizzjonijiet ta’ dan l-Anness, it-terminu “awtorizzazzjoni tas-sajd” huwa ekwivalenti għat-terminu “liċenzja” kif iddefinit fil-liġijiet tas-Senegal. |
3. |
Id-drittijiet u l-obbligi indikati bħala dawk tal-“bastimenti” għandhom jinftiehmu bħala d-drittijiet u l-obbligi tal-operaturi tal-bastimenti, l-aġenti tagħhom u l-kaptani responsabbli mill-operazzjonijiet. |
2. Żoni tas-sajd
“Iż-żoni tas-sajd tas-Senegal” huma l-partijiet mill-ilmijiet tas-Senegal li fihom is-Senegal jawtorizza lill-bastimenti tas-sajd tal-Unjoni jwettqu attivitajiet tas-sajd skont l-Artikolu 4(1) tal-Ftehim.
2.1. |
Il-koordinati ġeografiċi taż-żoni tas-sajd tas-Senegal u tal-linji ta’ bażi għandhom jiġu kkomunikati lill-Unjoni qabel l-applikazzjoni provviżorja ta' dan il-Protokoll skont il-leġislazzjoni tas-Senegal. |
2.2. |
Bl-istess mod, iż-żoni li fihom ma jistax isir sajd skont il-liġijiet nazzjonali fis-seħħ, bħall-parks nazzjonali, iż-żoni protetti tal-baħar u ż-żoni ta’ trobbija tal-ħut, u ż-żoni li fihom ma jistax isir tbaħħir għandhom jiġu komunikati lill-Unjoni qabel l-applikazzjoni provviżorja f’konformità mal-leġislazzjoni tas-Senegal. |
2.3. |
Is-Senegal għandu jgħarraf lis-sidien tal-bastimenti bil-koordinati taż-żoni tas-sajd u taż-żoni pprojbiti meta joħorġilhom l-awtorizzazzjoni tas-sajd. |
2.4. |
Is-Senegal għandu jgħarraf lill-Kummissjoni Ewropea bi kwalunkwe bidla f’dawn iż-żoni tal-inqas xahrejn qabel l-applikazzjoni provviżorja ta' dan il-Protokoll. |
3. Perjodu ta’ rkupru bijoloġiku
Il-bastimenti tas-sajd tal-Unjoni li huma awtorizzati jwettqu l-attivitajiet tagħhom skont dan il-Protokoll għandhom iħarsu kwalunkwe perjodu ta’ waqfien mis-sajd għal raġunijiet bijoloġiċi stabbilit mil-leġislazzjoni tas-Senegal. Kull sena, id-digriet li jistabbilixxi l-perjodu ta’ rkupru bijoloġiku għandu jkun innotifikat biżżejjed bil-quddiem lill-UE sabiex it-talbiet għal awtorizzazzjoni jkunu jistgħu jiġu adattati.
4. Ħatra ta’ destinatarju
Kull bastiment tas-sajd tal-Unjoni li jkun qed iwettaq attività fiż-żoni tas-sajd tas-Senegal għandu jkun rappreżentat minn aġent residenti fis-Senegal.
5. Kont bankarju għall-ħlasijiet tas-sidien tal-bastimenti
Qabel ma jidħol fis-seħħ il-Protokoll, is-Senegal għandu jgħarraf lill-Unjoni bid-dettalji tal-kont tat-Teżor pubbliku li fih għandhom jiġu ddepożitati l-ammonti finanzjarji li l-bastimenti tal-Unjoni Ewropea għandhom iħallsu skont il-Ftehim. Sidien il-bastimenti għandhom iħallsu l-ispejjeż marbutin ma’ dawn it-trasferimenti bankarji.
6. Kuntatti
Iż-żewġ Partijiet għandhom jinfurmaw lil xulxin dwar il-punti ta’ kuntatt rispettivi:
— |
għall-proċeduri relatati mal-awtorizzazzjonijiet tas-sajd; |
— |
għar-rappurtar tal-obbligi tal-operaturi tal-Unjoni; u |
— |
għal skambji oħra ta’ informazzjoni relatata mal-implimentazzjoni ta' dan il-Protokoll u l-osservanza tal-istandards u l-obbligi li jirriżultaw mil-leġislazzjoni tas-Senegal. |
KAPITOLU II
AWTORIZZAZZJONIJIET TAS-SAJD
1. Prerekwiżiti biex tinkiseb awtorizzazzjoni tas-sajd — il-bastimenti eliġibbli
L-awtorizzazzjonijiet tas-sajd imsemmija fl-Artikolu 4 tal-Ftehim għandhom jinħarġu bil-kondizzjoni li:
— |
il-bastiment jiddaħħal fir-reġistru tal-bastimenti tas-sajd tal-Unjoni; |
— |
ir-rekwiżiti ta’ eliġibbiltà stabbiliti f’dan il-Protokoll u fir-regoli Ewropej dwar il-ġestjoni sostenibbli tal-flotot tas-sajd esterni (1) jkunu ssodisfati; u |
— |
jridu jkunu ġew sodisfati l-obbligi preċedenti kollha marbutin ma’ sid il-bastiment, mal-kaptan jew mal-bastiment innifsu li jkunu ġejjin mill-attivitajiet tas-sajd tagħhom fis-Senegal skont il-Ftehim. |
2. Talbiet għal awtorizzazzjonijiet tas-sajd
2.1. |
L-awtoritajiet kompetenti tal-Unjoni għandhom iressqu, b’mod elettroniku, talba għal kull bastiment li jixtieq jistad skont dan il-Ftehim, lill-Ministeru għas-Sajd u l-Affarijiet Marittimi, u jibagħtu kopja tagħha lid-Delegazzjoni tal-Unjoni Ewropea fis-Senegal, mill-inqas għoxrin (20) jum tax-xogħol qabel jibda l-perjodu ta’ validità mitlub. |
2.2. |
It-talbiet għandhom jiġu ppreżentati lill-awtorità kompetenti tas-Senegal fuq formoli mfasslin skont il-mudell mogħti fl-Appendiċi 1. |
2.3. |
Kull applikazzjoni għall-awtorizzazzjoni għas-sajd għandu jkollha magħha d-dokumenti li ġejjin:
|
2.4. |
Skont dan il-Protokoll, kull talba għat-tiġdid ta’ awtorizzazzjoni tas-sajd għal bastiment li l-karatteristiċi tekniċi tiegħu ma jkunux inbidlu għandha tkun akkumpanjata biss bi prova tal-ħlas bil-quddiem b’rata fissa. |
3. Imposti u ħlas fiss bil-quddiem
3.1. |
L-awtorizzazzjonijiet tas-sajd għandhom jinħarġu wara li jsir il-ħlas bil-quddiem b’rata fissa lill-awtoritajiet nazzjonali kompetenti, kif indikat hawn taħt. |
3.2. |
Il-ħlas fiss bil-quddiem u l-imposti f’Euro għal kull tunnellata ta’ ħut maqbuda fiż-żoni tas-sajd tas-Senegal, għandhom ikunu kif ġej:
L-ammont tal-imposta, tal-ħlas fiss bil-quddiem u l-kundizzjonijiet tekniċi għandhom jiġu stabbiliti fl-iskedi tekniċi li jinsabu fl-Appendiċijiet 2 u 3. |
3.3. |
L-ammont tal-imposta u tal-ħlas fiss bil-quddiem jinkludi t-taxxi nazzjonali u lokali kollha minbarra t-taxxi tal-portijiet u l-ispejjeż għall-provvista tas-servizzi. |
3.4. |
Meta l-perjodu ta’ validità tal-awtorizzazzjoni tas-sajd ikun ta’ inqas minn sena, b’mod partikolari minħabba perjodu ta’ rkupru bijoloġiku, l-ammont tal-ħlas fiss bil-quddiem għandu jiġi adattat prorata temporis għall-perjodu ta’ validità, hekk kif stabbilit skont id-dispożizzjonijiet stipulati fl-Appendiċijiet 2 u 3. |
4. Ħruġ tal-awtorizzazzjoni tas-sajd u lista provviżorja tal-bastimenti awtorizzati li jistadu
4.1. |
Ladarba jirċievi t-talbiet għall-awtorizzazzjoni tas-sajd skont il-punti 2.2 u 2.3, is-Senegal għandu jistabbilixxi, fi żmien ħamest ijiem ta’ xogħol, għal kull kategorija ta’ bastimenti, il-lista provviżorja ta’ bastimenti awtorizzati li jistadu. |
4.2. |
Din il-lista għandha tintbagħat minnufih lill-awtorità nazzjonali responsabbli għall-kontroll tas-sajd u lill-Unjoni. Is-Senegal jista’ joħroġ il-lista provviżorja direttament lil sid il-bastiment jew lill-aġent tiegħu. |
4.3. |
Il-bastimenti għandhom ikunu awtorizzati jistadu ladarba jitniżżlu fil-lista proviżorja. Dawn il-bastimenti għandhom iżommu abbord kopja tal-lista provviżorja sakemm tinħareġ l-awtorizzazzjoni tas-sajd. |
4.4. |
L-awtorizzazzjonijiet tas-sajd għall-bastimenti kollha għandhom jinħarġu mill-awtorità kompetenti lis-sidien tal-bastimenti jew lir-rappreżentanti tagħhom fi żmien 20 jum ta’ xogħol minn meta jirċievu d-dokumentazzjoni kollha msemmija fil-punt 2.3. Għandha tintbagħat ukoll kopja tal-awtorizzazzjonijiet lid-Delegazzjoni tal-Unjoni Ewropea fis-Senegal. |
4.5. |
Sabiex ma jkunx hemm dewmien fil-possibbiltà tal-bastimenti li jistadu fiż-żona, għandha tintbagħat kopja tal-awtorizzazzjoni tas-sajd lis-sidien tal-bastimenti b’mod elettroniku. Din il-kopja tista’ tintuża għal perjodu massimu ta’ 60 jum mid-data tal-ħruġ tal-awtorizzazzjoni tas-sajd. Waqt dan il-perjodu, il-kopja għandha titqies ekwivalenti għall-oriġinal. |
4.6. |
L-awtorizzazzjoni tas-sajd għandha tinżamm abbord il-ħin kollu, mingħajr preġudizzju għall-punti 4.3 u 4.5. |
5. Trasferiment tal-awtorizzazzjoni tas-sajd
5.1. |
L-awtorizzazzjoni għas-sajd għandha tinħareġ f’isem bastiment speċifiku u ma għandhiex tkun trasferibbli. |
5.2. |
Madankollu, fuq talba tal-Unjoni u f’każ ta’ prova ta’ forza maġġuri kkonfermat f’rapport tekniku, b’mod partikolari f’każ ta’ telf ta’ bastiment jew ta’ nuqqas ta’ użu fit-tul tiegħu minħabba ħsara teknika gravi, l-awtorizzazzjoni tas-sajd tiegħu għandha tinbidel b’awtorizzazzjoni tas-sajd ġdida maħruġa f’isem il-bastiment ieħor tal-istess kategorija bħal dik tal-bastiment li għandu jinbidel, mingħajr ma jkun hemm bżonn titħallas imposta ġdida. |
5.3. |
F’każijiet bħal dawn, fil-kalkolu tal-livelli tal-qabdiet biex jiġi stabbilit jekk għandux isir ħlas addizzjonali jew le għandhom jitqiesu l-qabdiet totali taż-żewġ bastimenti meħudin f’daqqa. |
5.4. |
Is-sid tal-ewwel bastiment jew ir-rappreżentant tiegħu għandu jibgħat lura l-awtorizzazzjoni tas-sajd imħassra lill-awtorità kompetenti. Huwa għandu jinforma bil-miktub lid-Delegazzjoni tal-Unjoni Ewropea fis-Senegal. |
5.5. |
Ladarba tkun intraddet lura l-awtorizzazzjoni mħassra, għandha tinħareġ awtorizzazzjoni tas-sajd ġdida mill-aktar fis possibbli. Id-Delegazzjoni tal-Unjoni Ewropea fis-Senegal għandha tiġi mgħarrfa bit-trasferiment tal-awtorizzazzjoni tas-sajd. |
6. Tul tal-validità tal-liċenzja
6.1. |
L-awtorizzazzjonijiet tas-sajd għall-bastimenti tas-sajd għat-tonn għandhom jinħarġu għal perjodu ta’ sena. L-awtorizzazzjonijiet tas-sajd għall-bastimenti tat-tkarkir għas-sajd għall-ħut tal-qiegħ li jgħix f’baħar fond għandhom jinħarġu għal perjodu ta’ trimestru. |
6.2. |
L-awtorizzazzjonijiet tas-sajd għandhom ikunu jistgħu jiġġeddu. |
6.3. |
Sabiex jiġi stabbilit meta jibda l-perjodu ta’ validità tal-awtorizzazzjoni tas-sajd:
|
7. Bastimenti ta’ appoġġ
7.1. |
Fuq talba tal-Unjoni, is-Senegal għandu jawtorizza l-bastimenti tas-sajd tal-Unjoni li jkollhom awtorizzazzjoni tas-sajd sabiex jiġu megħjuna minn bastimenti ta’ appoġġ. |
7.2. |
Dan l-appoġġ la jista’ jinkludi l-provvista tal-fjuwil u lanqas it-trasbord tal-qabdiet. |
7.3. |
Il-bastimenti ta’ appoġġ għandhom itajru l-bandiera ta’ Stat Membru tal-Unjoni, u ma jistgħux ikunu mgħammra għas-sajd. |
7.4. |
Il-bastimenti ta’ appoġġ għandhom ikunu suġġetti għall-istess proċedura għat-trażmissjoni tat-talbiet għal awtorizzazzjoni tas-sajd imsemmija f’dan il-Kapitolu, safejn din tkun tapplika għalihom. L-applikazzjoni għal awtorizzazzjoni għandha tkun akkumpanjata mil-lista ta’ bastimenti tas-sajd li minnhom jitwettqu attivitajiet ta’ appoġġ. |
7.5. |
Is-Senegal għandu jistabbilixxi l-lista tal-bastimenti ta’ appoġġ awtorizzati u jibgħatha minnufih lill-awtorità nazzjonali responsabbli għall-kontroll tas-sajd u lill-Unjoni. |
7.6. |
L-imposta għal kull bastiment ta’ appoġġ għandha tkun ta’ EUR 3 500 għal kull bastiment kull sena. |
7.7. |
L-awtorizzazzjoni ta’ bastiment ta’ appoġġ mhix trasferibbli u l-imposta ma għandhiex titnaqqas prorata temporis. |
KAPITOLU III
MIŻURI TEKNIĊI
1. |
Il-miżuri tekniċi li għandhom x’jaqsmu maż-żona, mat-tagħmir tas-sajd u l-qabdiet aċċessorji li japplikaw għal bastimenti tat-tkarkir li jistadu għall-ħut tal-qiegħ li jgħixu fl-ilma fond li għandhom awtorizzazzjoni tas-sajd għandhom jiġu definiti fl-iskeda teknika li tinsab fl-Appendiċi 2. |
2. |
Il-miżuri tekniċi applikabbli għall-bastimenti tat-tonn li jkollhom awtorizzazzjoni tas-sajd għandhom jiġu definiti fl-iskeda teknika li tinsab fl-Appendiċi 3. Il-bastimenti tas-sajd għat-tonn għandhom jiżguraw konformità mar-rakkomandazzjonijiet u mar-riżoluzzjonijiet tal-ICCAT u jqisu l-parir xjentifiku ta’ organizzazzjonijiet reġjonali oħra tal-ġestjoni tas-sajd. |
KAPITOLU IV
Monitoraġġ, kontroll u sorveljanza
1. Ġurnal elettroniku ta’ abbord tas-sajd
1.1. |
Il-kaptan ta’ bastiment tal-Unjoni li jkun qed iwettaq attivitajiet tas-sajd skont il-Ftehim għandu jżomm ġurnal elettroniku ta’ abbord tas-sajd integrat f’sistema elettronika ta’ reġistrazzjoni u ta’ rappurtar (ERS). |
1.2. |
Bastiment li ma jkunx mgħammar b’ERS ma għandux ikun awtorizzat jidħol fiż-żona tas-sajd tas-Senegal biex iwettaq attivitajiet tas-sajd fiha. |
1.3. |
Jekk ikun meħtieġ, il-ġurnal ta’ abbord tas-sajd għat-tonn għandu jiġi adattat sabiex ikun konformi mar-riżoluzzjonijiet u r-rakkomandazzjonijiet rilevanti tal-ICCAT jew ma’ organizzazzjoni reġjonali għall-ġestjoni tas-sajd oħra għas-sajd l-ieħor. |
1.4. |
Il-ġurnal ta’ abbord tas-sajd għandu jimtela mill-kaptan għal kull jum li fih il-bastiment ikun fiż-żona tas-sajd tas-Senegal. |
1.5. |
Il-kaptan għandu jirreġistra kull ġurnata fil-ġurnal ta’ abbord dwar is-sajd il-kwantità stmata ta’ kull speċi maqbuda u miżmuma abbord għal kull operazzjoni ta’ sajd. Il-kwantitajiet għandhom jitniżżlu f’kilogrammi ta’ piż ħaj jew, skont il-każ, l-għadd ta’ ħut individwali. Il-ġurnal ta’ abbord tas-sajd jimtela b’mod li jinqara, b’ittri kapitali, u jiġi ffirmat mill-kaptan. Il-kaptan għandu jkun responsabbli għall-preċiżjoni tad-data rreġistrata fil-ġurnal ta’ abbord tas-sajd. Id-data tal-ġurnal ta’ abbord tas-sajd għandha tintbagħat kuljum, b’mod awtomatiku, liċ-Ċentru tal-Monitoraġġ tas-Sajd (ĊMS) tal-Istat tal-bandiera, kif ukoll lill-awtorità kompetenti tas-Senegal, b’mezz elettroniku. It-trażmissjonijiet għandhom jinkludu tal-inqas l-affarijiet li ġejjin:
|
1.6. |
L-Istat tal-bandiera għandu jiżgura li din id-data tasal u tiġi rreġistrata f’bażi tad-data elettronika li tippermetti li din id-data tinżamm b’mod sigur għal mill-inqas 36 xahar. |
1.7. |
L-Istat tal-bandiera u s-Senegal għandhom jiżguraw li jkollhom it-tagħmir tal-informatika u s-softwer meħtieġa għat-trażmissjoni awtomatika tad-data tal-ERS. It-trażmissjoni tad-data tal-ERS trid issir bl-użu tal-mezzi elettroniċi ta’ komunikazzjoni mmaniġġjati mill-Kummissjoni Ewropea għall-iskambji standardizzati tad-data dwar is-sajd. L-emendi fl-istandards għandhom jiġu implimentati fi żmien sitt xhur. |
1.8. |
Iċ-ĊMS tal-Istat tal-bandiera għandu jiżgura li l-ġurnali ta’ abbord tas-sajd jitqiegħdu b’mod awtomatiku għad-dispożizzjoni taċ-ĊMS tas-Senegal permezz tal-ERS, kuljum għall-perjodu li matulu l-bastiment ikun fiż-żona tas-sajd, anki meta dan ma jkun qabad xejn. |
1.9. |
L-arranġamenti biex l-informazzjoni dwar il-qabdiet tintbagħat permezz tal-ERS u l-proċeduri f’każ li din ikollha l-ħsara huma ddefiniti fl-Appendiċi 4. |
1.10. |
L-awtoritajiet tas-Senegal għandhom jittrattaw id-data dwar l-attivitajiet tas-sajd tal-bastimenti individwali b’mod kunfidenzjali u sigur. |
1.11 |
Il-punti 1.6 sa 1.9 għandhom japplikaw min-notifika mis-Senegal tat-tagħmir fl-ERS u mill-operazzjonalizzazzjoni tal-approvazzjoni awtomatika miċ- ĊMS tiegħu, fejn xieraq wara perjodu ta’ test. Sakemm il-wasla awtomatika tkun qed taħdem, l-informazzjoni msemmija fil-punt 1.5 (a) sa (h) għandha tiġi fornita mill-bastimenti f’format elettroniku, permezz tal-email waqt il-ħruġ miż-żona fil-forma ta’ estratt mill-ġurnal elettroniku tas-sajd li jakkumpanja n-notifika tal-ħruġ tiegħu jew, mhux aktar tard minn 48 siegħa wara l-wasla tiegħu fil-port tas-Senegal. F’dan il-każ, id-data tintbagħat ukoll lis- Centre de recherche océanographique de Dakar Thiaroye (CRODT). Ladarba l-ERS mis-Senegal tkun waslet, it-trażmissjoni tal-ġurnali ta’ abbord tas-sajd lis-CRODT titwettaq miċ-ĊMS tas-Senegal. |
1.12 |
Il-monitoraġġ tal-konsum tal-volum awtorizzat ta’ qabdiet għandu jiġi żgurat mill-Istat Membru tal-bandiera u mis-Senegal fuq il-bażi tad-dikjarazzjonijiet ta’ kuljum. L-Istat Membru tal-bandiera għandu jiżgura li l-operazzjonijiet tas-sajd jitwaqqfu fid-data li fiha jintlaħaq il-volum awtorizzat ta’ qabdiet għall-bastimenti tiegħu, sabiex tiġi evitata kull qabża fil-volum awtorizzat. |
2. Data aggregata dwar il-qabdiet
2.1. |
Kull trimestru, l-Istat tal-bandiera għandu jdaħħal il-kwantitajiet tal-qabdiet u tal-qbid skartat ta’ kull bastiment, aggregati għal kull xahar, fil-bażi tad-data miżmuma mill-Kummissjoni Ewropea. Għall-ispeċijiet li għalihom hemm qabdiet totali permissibbli skont il-Protokoll jew skont ir-rakkomandazzjonijiet tal-ICCAT, il-kwantitajiet għandhom jingħataw kull xahar għax-xahar ta’ qabel. |
2.2. |
L-Istat tal-bandiera għandu jivverifika d-data permezz ta’ kontroverifiki mad-data dwar il-ħatt l-art, dwar il-bejgħ, dwar l-ispezzjonijiet jew dwar l-osservazzjonijiet, kif ukoll ma’ kull informazzjoni rilevanti li l-awtoritajiet ikunu jafu biha. L-aġġornamenti tal-bażi tad-data li jkunu meħtieġa wara dawn il-verifiki għandhom isiru mill-aktar fis possibbli. Għall-verifiki għandhom jintużaw il-koordinati ġeografiċi taż-żona tas-sajd kif stabbiliti skont dan il-Protokoll. Il-Kumitat Konġunt jivvalida l-fatturi ta’ konverżjoni użati għad-determinazzjoni tal-piż sħun. |
2.3. |
Qabel jintemm kull trimestru, l-Unjoni għandha tipprovdi data aggregata meħuda mill-bażi tad-data lill-awtoritajiet tas-Senegal għat-trimestri tas-sena li tkun għaddejja li jkunu għaddew, li tkun tindika l-kwantitajiet tal-qabdiet għal kull bastiment, għal kull xahar ta’ qabda u għal kull speċi. Din id-data hija provviżorja u tista’ tinbidel. |
2.4. |
Is-Senegal għandu janalizza d-data u jindika kull inkonsistenza kbira li jista’ jkun hemm mad-data tal-ġurnali elettroniċi ta’ abbord tas-sajd ipprovduti permezz tal-ERS. L-Istati tal-bandiera għandhom jinvestigaw dan u jaġġornaw id-data kif meħtieġ. |
2.5. |
F’każ li ma jitħarsux id-dispożizzjonijiet dwar ir-rappurtar tal-qabdiet, is-Senegal jista’ jissospendi l-awtorizzazzjoni tas-sajd tal-bastiment ikkonċernat sakemm jinkiseb ir-rapport dwar il-qabdiet li jkun nieqes u jista’ jippenalizza lil sid il-bastiment skont id-dispożizzjonijiet previsti għal dan il-għan fil-leġislazzjoni nazzjonali fis-seħħ. Jekk ir-reat jiġi ripetut, is-Senegal jista’ jirrifjuta li jġedded l-awtorizzazzjoni tas-sajd. |
2.6. |
Is-Senegal għandu jgħarraf lill-Unjoni minnufih b’kull sanzjoni applikata f’dan il-kuntest. |
3. Tranżizzjoni għal sistema elettronika ta’ rappurtar tad-data dwar is-sajd (ERS)
Iż-żewġ Partijiet jaqblu li jiżguraw it-tranżizzjoni għal sistema elettronika ta’ rappurtar tad-data dwar is-sajd abbażi tal-karatteristiċi tekniċi ddefiniti fl-Appendiċi 4. Il-Partijiet jaqblu li jiddefinixxu l-proċeduri komuni sabiex din it-tranżizzjoni tkun tista’ sseħħ malajr kemm jista’ jkun. Is-Senegal għandu jgħarraf lill-Unjoni hekk kif jintlaħqu l-kondizzjonijiet għal din it-tranżizzjoni. Ġie maqbul perjodu ta’ xahrejn mid-data meta tintbagħat din l-informazzjoni sabiex matulu ssir kompletament operattiva.
4. Kalkolu tal-imposti
4.1. |
Verifiki fuq id-data ma’ kull trimestru
|
4.2. |
Il-kont finali u l-ħlas
|
4.3. |
Meta l-kalkolu finali jkun ikbar mill-imposta fissa prevista mħallsa minn qabel biex tinkiseb l-awtorizzazzjoni tas-sajd, sid il-bastiment għandu jħallas il-bilanċ pendenti lis-Senegal qabel il-31 ta’ Lulju tas-sena li tkun għaddejja. Jekk il-kalkolu finali jkun inqas mill-imposta fissa prevista mħallsa minn qabel, sid il-bastiment ma jistax jirkupra s-somma li jifdal. Is-sidien tal-bastimenti għandhom jibagħtu lis-Senegal kopja tal-prova tal-ħlas. |
1. |
Il-bastimenti tas-sajd tal-Unjoni li joperaw fl-ilmijiet tas-Senegal fil-kuntest ta’ dan il-Protokoll għandhom jgħarrfu lill-awtoritajiet kompetenti tas-Senegal, tal-inqas erba’ sigħat bil-quddiem, li huma jkun beħsiebhom jidħlu fl-ilmijiet tas-Senegal jew joħorġu minnhom. |
2. |
Meta jinnotifikaw id-dħul tagħhom fl-ilmijiet tas-Senegal jew il-ħruġ tagħhom minnhom, il-bastimenti għandhom jibagħtu wkoll il-pożizzjoni tagħhom, kif ukoll il-qabdiet li diġà jkollhom maqbudin u miżmumin abbord, identifikati bil-kodiċi alfa 3 tal-FAO tagħhom, mogħtija f’kilogrammi ta’ piż ħaj jew, fejn ikun meħtieġ, fl-għadd ta’ ħut individwali, mingħajr ħsara għad-dispożizzjonijiet tal-Appendiċi 4, it-Taqsima 2. Dawn il-komunikazzjonijiet għandhom isiru bil-posta elettronika jew bil-fax sad-data miftiehma mill-Partijiet sabiex jikkunsidraw bħala effettiva l-wasla awtomatika ta’ messaġġi ERS. |
3. |
Bastiment li jinqabad jistad mingħajr ma jkun avża lill-awtorità kompetenti tas-Senegal għandu jitqies bħala bastiment mingħajr awtorizzazzjoni tas-sajd u għalhekk ikunu esposti għas-sanzjonijiet previsti fil-leġislazzjoni nazzjonali. |
4. |
L-indirizz tal-posta elettronika, in-numri tal-faks u tat-telefown, u l-koordinati tar-radju tal-awtoritajiet kompetenti tas-Senegal għandhom jinhemżu mal-Appendiċi 6. |
1. Il-bastiment għandu jinnotifika d-dħul tiegħu fil-port lill-awtorità kompetenti 72 siegħa bil-quddiem lill-port bħala minimu.
2. Il-bastimenti bil-bastun u x-xlief iħottu l-art il-qabdiet tagħhom li jkunu saru fiż-żoni tas-sajd tas-Senegal fil-port ta’ Dakar.
2.1. |
Il-bastimenti tas-sajd bil-bastun u x-xlief għandhom joffru l-qabdiet tagħhom, bħala prijorità għal intrapriżi tas-suq industrijali jew artiġjanali u lokali, bi prezz definit abbażi tan-negozjati bejn l-operaturi b’referenza għas-suq internazzjonali. |
2.2. |
Skont id-dispożizzjonijiet tal-approvazzjoni tas-saħħa maħruġa mill-Unjoni lis-Senegal, il-qabdiet li jitniżżlu f’Dakar skont dan il-Protokoll għandhom ikunu soġġetti għal obbligu ta’ spezzjoni u ċertifikazzjoni mill-awtorità kompetenti tas-Senegal. |
3. Il-bastimenti tas-sajd kollha tal-Unjoni li jopera taħt dan il-Protokoll li jittrasbordaw fl-ilmijiet tas-Senegal għandhom iwettqu din l-operazzjoni skont il-leġislazzjoni tas-Senegal.
4. It-talbiet għat-trasbord għandhom jitressqu bl-informazzjoni li ġejja:
4.1. |
it-tunnellaġġ, għal kull speċi, li jkun se jiġi ttrasbordat jew li jkun se jinħatt l-art; |
4.2. |
il-jum tat-trasbord jew tal-ħatt l-art; u |
4.3. |
id-destinazzjoni tal-qabdiet li jkunu ġew ittrasbordati jew li jkunu nħattu l-art. |
5. Kwalunkwe operazzjoni ta’ trasbord jew ta’ ħatt l-art ta’ qabdiet li mhix imsemmija fil-punti 1 sa 4 għandha tkun ipprojbita fl-ilmijiet tas-Senegal. Kull ksur ta’ din id-dispożizzjoni għandu jwassal għas-sanzjonijiet previsti fir-regolamenti tas-Senegal fis-seħħ.
1. Messaġġi dwar il-pożizzjoni tal-bastimenti — il-VMS
1.1 |
Kull bastiment tal-Unjoni awtorizzat skont dan il-Protokoll għandu jkun mgħammar b’sistema ta’ monitoraġġ bis-satellita (Sistema ta’ Monitoraġġ tal-Bastimenti — VMS). Huwa pprojbit li wieħed iċaqlaq, jitfi, jeqred, jagħmel ħsara jew jiddiżattiva s-sistema ta’ monitoraġġ kontinwu tal-pożizzjoni permezz tal-komunikazzjoni bis-satellita li tkun abbord il-bastiment għat-trażmissjoni tad-data, jew li wieħed jibdel bi ħsieb, ibagħbas jew jiffalsifika d-data li din is-sistema tittrażmetti jew tirreġistra. Il-bastimenti tal-Unjoni Ewropea għandhom jikkomunikaw il-pożizzjoni tagħhom, b’mod awtomatiku u kontinwu, liċ-ĊMS tal-Istat tal-bandiera tagħhom, is-sigħat kollha għall-bastimenti tas-sajd għat-tonn bit-tartaruni u kull sagħtejn għall-bastimenti l-oħra. Din il-frekwenza tista’ tiżdied bħala parti minn miżuri ta’ investigazzjoni tal-attivitajiet ta’ bastiment. |
1.2. |
Kull messaġġ ta’ pożizzjoni għandu jinkludi:
Għandu jiġi kkonfigurat skont il-format mogħti fl-Appendiċi 5. |
1.3 |
L-arranġamenti biex l-informazzjoni dwar il-pożizzjonijiet tal-bastimenti tintbagħat permezz tal-VMS u l-proċeduri f’każ li din ikollha l-ħsara huma ddefiniti fl-Appendiċi 5. |
1.4 |
Iċ-ĊMS għandhom jikkomunikaw bejniethom fil-kuntest tas-sorveljanza tal-attivitajiet tal-bastimenti. |
2. Komunikazzjoni sigura tal-messaġġi dwar il-pożizzjoni lis-Senegal
Iċ-ĊMS tal-Istat tal-bandiera għandu jibgħat awtomatikament il-messaġġi dwar il-pożizzjoni tal-bastimenti kkonċernati liċ-ĊMS tas-Senegal. Iċ-ĊMS tal-Istat tal-bandiera u s-Senegal għandhom jiskambjaw l-indirizz tal-posta elettronika ta’ kuntatt tagħhom u għandhom jinfurmaw minnufih lil xulxin b’kull tibdil f’dawn l-indirizzi.
It-trażmissjoni tal-messaġġi dwar il-pożizzjoni bejn iċ-ĊMS tal-Istat tal-bandiera u s-Senegal għandha ssir b’mod elettroniku permezz ta’ sistema sigura tal-komunikazzjoni.
Iċ-ĊMS tas-Senegal għandu jgħarraf liċ-ĊMS tal-Istat tal-bandiera u lill-Unjoni b’kull interruzzjoni fil-wasla tal-messaġġi suċċessivi dwar il-pożizzjoni ta’ bastiment li jkun awtorizzat jistad, fil-każ li l-bastiment ikkonċernat ma jkunx innotifika l-ħruġ tiegħu miż-żona.
3. Validità tal-messaġġ tal-VMS f’każ ta’ tilwim
Id-data dwar il-pożizzjoni mogħtija mis-sistema tal-VMS biss għandha titqies bħala awtentika f’każ ta’ nuqqas ta’ qbil bejn il-Partijiet.
1. Osservazzjoni tal-attivitajiet tas-sajd
1.1. |
Il-bastimenti li jkollhom awtorizzazzjoni tas-sajd għandhom ikunu suġġetti għal skema ta’ osservazzjoni tal-attivitajiet tas-sajd tagħhom imwettqin fil-kuntest ta’ dan il-Ftehim. |
1.2. |
Għall-bastimenti tas-sajd għat-tonn, l-iskema tal-osservaturi għandha tkun konformi mad-dispożizzjonijiet previsti mir-rakkomandazzjonijiet adottati mill-ICCAT u, jekk ikun il-każ, mal-programmi ta’ osservazzjoni reġjonali stabbiliti fil-kuntest ta’ dawn tal-aħħar. |
2. Bastimenti u osservaturi magħżulin
2.1. |
Meta joħroġ l-awtorizzazzjonijiet tas-sajd, is-Senegal għandu jgħarraf lill-Unjoni u lil sid il-bastiment, jew lid-destinatarju tiegħu, bil-bastimenti li fuqhom ikun irid jittella’ abbord osservatur, kif ukoll bil-ħin li matulu l-osservatur ikun se jkun abbord kull bastiment. |
2.2 |
Is-Senegal għandu jgħarraf lill-Unjoni u lil sid il-bastiment li fuqu jkun irid jittella’ abbord osservatur, jew lid-destinatarju tiegħu, b’isem l-osservatur magħżul għal dak il-bastiment sa mhux aktar tard minn 15-il jum qabel id-data prevista għall-imbark. Is-Senegal għandu jgħarraf minnufih lill-Unjoni u lil sid il-bastiment, jew lid-destinatarju tiegħu, bi kwalunkwe bidla fil-bastimenti u fl-osservaturi magħżulin. |
2.3. |
Is-Senegal għandu jagħmel ħiltu biex ma jagħżilx osservaturi għal bastimenti li diġà jkollhom osservatur abbord jew li diġà jkunu taħt l-obbligu formali, li waqt l-attivitajiet tagħhom f’żoni tas-sajd minbarra dawk tas-Senegal, itellgħu osservatur abbord matul is-sena tas-sajd ikkonċernata. |
2.4. |
Għall-bastimenti tat-tkarkir għas-sajd għall-ħut tal-qiegħ li jgħix f’baħar fond, iż-żmien tal-osservatur abbord ma jistax jaqbeż xahrejn. L-osservaturi m’għandhomx iqattgħu iżjed ħin abbord il-bastiment milli għandhom bżonn biex iwettqu dmirijiethom. |
3. Kontribuzzjoni finanzjarja b’rata fissa
3.1. |
Meta jibagħtu l-ħlas tal-imposta annwali, is-sidien tal-bastimenti tas-sajd għat-tonn bit-tartaruni mgħammra bi friża, tal-bastimenti bil-bastun u x-xlief u tal-bastimenti li jistadu bil-konz tal-wiċċ għandhom jibagħtu wkoll somma fissa ta’ EUR 600 għal kull bastiment lid-Direttorat għall-Protezzjoni u għas-Sorveljanza tas-Sajd (DPSP) għall-funzjonament tajjeb tal-programm tal-osservaturi. |
3.2. |
Meta jibagħtu l-ħlas tal-imposta trimestrali, sidien il-bastimenti tat-tkarkir għandhom jibagħtu wkoll somma fissa ta’ EUR 150 għal kull bastiment lid-DPSP għall-funzjonament tajjeb tal-programm tal-osservaturi. |
4. Paga tal-osservatur
Is-Senegal għandu jħallas il-paga u l-kontribuzzjonijiet soċjali tal-osservatur.
5. Kondizzjonijiet tal-imbark
5.1. |
Il-oundizzjonijiet tal-imbarkazzjoni tal-osservatur, b’mod partioulari t-tul ta’ żmien tiegħu abbord, għandhom jiġu ddefiniti bi ftehim reċiproku bejn sid il-bastiment jew id-destinatarju tiegħu u s-Senegal. |
5.2. |
Waqt li jkun abbord, l-osservatur għandu jiġi ttrattat bħala uffiċjal. Madankollu, l-ilqugħ tal-osservatur abbord għandu jqis l-istruttura teknika tal-bastiment. |
5.3. |
Sid il-bastiment għandu jħallas l-ispejjeż tal-akkomodazzjoni u tal-ikel għall-osservatur abbord il-bastiment. |
5.4. |
Il-kaptan għandu jieħu l-miżuri kollha li għalihom huwa jkun responsabbli sabiex jiggarantixxi s-sikurezza fiżika u l-benesseri ġenerali tal-osservatur. |
5.5. |
L-osservatur għandu jingħata l-faċilitajiet kollha meħtieġa biex iwettaq dmirijietu. Huwa għandu jkollu aċċess għall-mezzi ta’ komunikazzjoni, għad-dokumenti relatati mal-attivitajiet tas-sajd tal-bastiment, b’mod partikolari l-ġurnal tas-sajd u l-ktieb tan-navigazzjoni, kif ukoll għall-partijiet tal-bastiment marbuta direttament mal-kompiti tiegħu. |
6. Obbligi tal-osservatur
Waqt li jkunu abbord, l-osservaturi għandhom:
6.1. |
jieħdu l-miżuri xierqa kollha sabiex la jinterrompu u lanqas itellfu l-ħidmiet tas-sajd; |
6.2. |
iħarsu l-proprjetà u t-tagħmir li jkun hemm abbord; u |
6.3. |
iħarsu n-natura kunfidenzjali ta’ kull dokument tal-bastiment. |
7. Imbark u żbark tal-osservatur
7.1. |
L-osservatur għandu jimbarka f’port magħżul minn sid il-bastiment. |
7.2. |
Sid il-bastiment jew ir-rappreżentant tiegħu għandu jinnotifika lis-Senegal, għaxart ijiem qabel l-imbarkazzjoni, dwar id-data, il-ħin u l-port tal-imbarkazzjoni tal-osservatur. Jekk l-osservatur jittella’ abbord f’pajjiż barrani, l-ispejjeż tal-vjaġġ tiegħu lejn il-port tal-imbark għandu jħallashom sid il-bastiment. |
7.3. |
Jekk l-osservatur ma jasalx għall-imbarkazzjoni fi żmien 12-il siegħa mid-data u l-ħin previsti, sid il-bastiment għandu jinħeles awtomatikament mill-obbligu tiegħu li jippermetti lill-osservatur jimbarka. Huwa għandu jkun ħieles li jitlaq il-port u jibda l-operazzjonijiet tas-sajd. |
7.4. |
Meta l-osservatur ma jiżbarkax f’port tas-Senegal, sid il-bastiment għandu jiżgura r-ritorn tal-osservatur lura lejn is-Senegal mill-aktar fis possibbli, u għandu jagħmel dan bi spejjeż tiegħu. |
8. Kompiti tal-osservatur
Fost il-kompiti assenjati lill-osservaturi xjentifiċi dawn għandhom:
— |
iżommu l-iskedi tal-vjaġġi tas-sajd b’mod korrett billi jdaħħlu l-informazzjoni ewlenija dwar is-sajd (il-pożizzjonijiet ġeografiċi tal-bastiment, il-ħinijiet tal-bidu u tat-tmiem tal-operazzjonijiet tas-sajd, l-għadd ta’ xbieki, fejn applikabbli, l-għadd ta’ konzijiet u t-tagħmir biex jinġabar il-ħut (FADs), eċċ.); |
— |
jiġbru informazzjoni dwar qabdiet speċifiċi (kwantitajiet u daqsijiet) u qabdiet inċidentali, b’mod partikolari ċefalopodi, krustaċji u ħut demersali, kif ukoll klieb il-baħar, fkieren tal-baħar, mammiferi tal-baħar u tjur tal-baħar; |
— |
jieħdu kampjuni bijoloġiċi għal studji xjentifiċi dwar ir-riproduzzjoni, it-tkabbir u l-identità tal-istokkijiet; il-kampjuni għandhom jittieħdu bi qbil ma’ protokoll xjentifiku stabbilit mill-Istitut Nazzjonali għar-Riċerka dwar is-Sajd; |
— |
fil-każ ta’ bastimenti tat-tonn, josservaw u jirrappurtaw dwar l-FADs, skont il-programm tal-osservaturi tal-ICCAT adottat fil-qafas tal-programm pluriennali għall-konservazzjoni u l-ġestjoni tat-tonn tropikali; |
— |
iwettqu kwalunkwe kompitu xjentifiku ieħor irrakkomandat mill-Grupp ta’ Ħidma Xjentifiku Konġunt. |
9. Rapport tal-osservatur
9.1. |
Qabel ma jħalli l-bastiment, l-osservatur għandu jissottometti rapport tal-osservazzjonijiet tiegħu lill-kaptan tal-bastiment. Il-kaptan tal-bastiment għandu d-dritt jagħmel kummenti fir-rapport tal-osservatur. Ir-rapport għandu jiġi ffirmat mill-osservatur u mill-kaptan. Il-kaptan għandu jirċievi kopja tar-rapport tal-osservatur. |
9.2. |
L-osservatur għandu jibgħat ir-rapport tiegħu lis-Senegal, li għandu jibgħat kopja tiegħu lill-Unjoni fi żmien tmint ijiem mill-iżbark tal-osservatur. |
1. Spezzjoni fuq il-baħar
1.1 |
L-ispezzjoni fuq il-baħar, fiż-żoni tas-sajd tas-Senegal, tal-bastimenti tas-sajd tal-Unjoni li jkollhom awtorizzazzjoni tas-sajd għandha ssir minn bastimenti u spetturi tas-Senegal li jkunu identifikati b’mod ċar bħala spetturi maħturin sabiex iwettqu verifiki tas-sajd. |
1.2. |
Qabel ma jitilgħu abbord, l-ispetturi tas-Senegal għandhom iwissu lill-bastiment tal-Unjoni bid-deċiżjoni tagħhom li jwettqu spezzjoni. L-ispezzjoni għandha ssir minn mhux aktar minn żewġ spetturi, li jkollhom juru l-identità u l-kwalifika tagħhom ta’ spettur qabel jibdew l-ispezzjoni. |
1.3. |
L-ispetturi tas-Senegal għandhom jibqgħu abbord il-bastiment tas-sajd tal-Unjoni għall-ħin meħtieġ sabiex iwettqu l-kompiti marbutin mal-ispezzjoni biss. Dawn għandhom jagħmlu l-ispezzjoni b’tali mod li jillimitaw kemm jistgħu l-impatt fuq il-bastiment, fuq l-attività tas-sajd tiegħu u fuq il-merkanzija tiegħu. |
1.4. |
Is-Senegal jista’ jawtorizza lill-Unjoni tieħu sehem fl-ispezzjoni fuq il-baħar bħala osservatur. |
1.5. |
Il-kaptan tal-bastiment tas-sajd tal-Unjoni għandu jiffaċilita l-imbark tal-ispetturi tas-Senegal u għandu jiffaċilitalhom xogħolhom. |
1.6. |
Fi tmiem kull spezzjoni, l-ispetturi tas-Senegal għandhom ifasslu rapport tal-ispezzjoni. Il-kaptan tal-bastiment tas-sajd tal-Unjoni għandu d-dritt jagħmel kummenti fir-rapport tal-ispezzjoni. Ir-rapport tal-ispezzjoni għandu jiġi ffirmat mill-ispettur li jkun qed ifasslu u mill-kaptan tal-bastiment tas-sajd tal-Unjoni. |
1.7. |
L-ispetturi tas-Senegal għandhom jagħtu kopja tar-rapport tal-ispezzjoni lill-kaptan tal-bastiment tas-sajd tal-Unjoni qabel ma jħallu l-bastiment. Fil-każ ta’ ksur, is-Senegal għandu jibgħat kopja tar-rapport tal-ispezzjoni lill-Unjoni fi żmien tmint ijiem mill-ispezzjoni. |
2. Spezzjoni fil-port
2.1. |
L-ispezzjoni fil-port ta’ bastimenti tas-sajd tal-Unjoni li jħottu l-art jew jittrasbordaw, fl-ilmijiet ta’ port tas-Senegal, qabdiet li huma jkunu għamlu fiż-żona tas-Senegal, għandha ssir minn spetturi awtorizzati. |
2.2. |
L-ispezzjoni għandha ssir minn mhux aktar minn żewġ spetturi, li jkollhom juru l-identità u l-kwalifika tagħhom ta’ spettur qabel jibdew l-ispezzjoni. L-ispetturi tas-Senegal għandhom jibqgħu abbord il-bastiment tas-sajd tal-Unjoni għall-ħin meħtieġ sabiex iwettqu l-kompiti marbutin mal-ispezzjoni biss u għandhom iwettqu l-ispezzjoni b’mod li jnaqqas kemm jista’ jkun il-konsegwenzi tagħha fuq il-bastiment, fuq il-ħatt l-art jew l-operazzjoni tat-trasbord u fuq il-merkanzija. |
2.3. |
Is-Senegal jista’ jawtorizza lill-Unjoni tieħu sehem fl-ispezzjoni fil-port bħala osservatur. |
2.4. |
Il-kaptan tal-bastiment tas-sajd tal-Unjoni għandu jiffaċilita xogħol l-ispetturi tas-Senegal. |
2.5. |
Fi tmiem kull spezzjoni, l-ispettur tas-Senegal għandu jfassal rapport tal-ispezzjoni. Il-kaptan tal-bastiment tas-sajd tal-Unjoni għandu d-dritt jagħmel kummenti fir-rapport tal-ispezzjoni. Ir-rapport tal-ispezzjoni għandu jiġi ffirmat mill-ispettur li jkun qed ifasslu u mill-kaptan tal-bastiment tas-sajd tal-Unjoni. |
2.6. |
Malli tintemm l-ispezzjoni, l-ispettur tas-Senegal għandu jagħti kopja tar-rapport tal-ispezzjoni lill-kaptan tal-bastiment tas-sajd tal-Unjoni. Is-Senegal għandu jibgħat kopja tar-rapport tal-ispezzjoni lill-Unjoni fi żmien tmint ijiem mill-ispezzjoni. |
1. Trattament tal-ksur
1.1. |
Kull ksur imwettaq minn bastiment tas-sajd tal-Unjoni li jkollu awtorizzazzjoni tas-sajd skont dan l-Anness għandu jissemma f’rapport tal-ispezzjoni. Dan ir-rapport għandu jintbagħat lill-Unjoni u lill-Istat tal-bandiera mill-aktar fis possibbli. |
1.2. |
L-iffirmar tar-rapport tal-ispezzjoni min-naħa tal-kaptan għandhom ikunu mingħajr preġudizzju għad-dritt ta’ sid il-bastiment li jiddefendi ruħu mill-akkuża tal-ksur. |
2. Detenzjoni ta’ bastiment — Laqgħa ta’ informazzjoni
2.1. |
Meta l-leġislazzjoni tas-Senegal li tkun fis-seħħ dwar il-ksur tippermetti dan, kull bastiment tas-sajd tal-Unjoni li jkun wettaq ksur jista’ jiġi mġiegħel iwaqqaf l-attività tas-sajd tiegħu u jirritorna lejn il-port ta’ Dakar, f’każ li jkun qed ibaħħar. |
2.2. |
Is-Senegal għandu jinnotifika lill-Unjoni fi żmien 24 siegħa b’kull detenzjoni ta’ bastiment tas-sajd tal-Unjoni li jkollu awtorizzazzjoni tas-sajd. Din in-notifika għandu jkollha magħha evidenza dokumentata tal-ksur allegat. |
2.3. |
Qabel ma jieħu kwalunkwe miżura kontra l-bastiment, il-kaptan, l-ekwipaġġ jew il-merkanzija, ħlief għal miżuri mmirati għall-ħarsien tal-evidenza, is-Senegal għandu jorganizza laqgħa ta’ informazzjoni, fuq talba tal-Unjoni, fi żmien jum ta’ xogħol min-notifika tad-detenzjoni tal-bastiment, sabiex jiġu ċċarati l-fatti li wasslu għad-detenzjoni tal-bastiment u sabiex jiġi spjegat x’azzjoni oħra tista’ tittieħed. Għal din il-laqgħa ta’ informazzjoni jista’ jattendi rappreżentant tal-Istat tal-bandiera tal-bastiment. |
3. Pieni għall-ksur — Proċedura ta’ kompromess
3.1. |
Is-Senegal għandu jistabbilixxi l-piena għall-ksur allegat skont il-leġislazzjoni nazzjonali tiegħu fis-seħħ. |
3.2. |
Meta s-soluzzjoni għall-ksur tkun tinvolvi proċeduri legali, qabel jingħata bidu għalihom, u sakemm il-ksur ma jkunx jinvolvi att kriminali, għandha tinbeda proċedura ta’ kompromess bejn is-Senegal u l-Unjoni sabiex jiġu stabbiliti t-termini tal-piena u l-livell tagħha. Il-proċedura ta’ kompromess għandha tintemm sa mhux aktar tard minn tlitt ijiem wara n-notifika tal-waqfien tal-bastiment. |
3.3. |
F’din il-proċedura ta’ kompromess jistgħu jieħdu sehem rappreżentanti tal-Istat tal-bandiera tal-bastiment u tal-Unjoni. |
4. Proċeduri legali — Garanzija bankarja
4.1. |
Jekk il-proċedura ta’ kompromess tfalli u l-ksur jitressaq quddiem il-qorti kompetenti, sid il-bastiment li jkun wettaq il-ksur għandu jiddepożita garanzija bankarja f’bank magħżul mis-Senegal, li l-ammont tagħha, kif stabbilit mis-Senegal, għandu jkopri l-ispejjeż marbutin mad-detenzjoni tal-bastiment, il-multa stmata u kwalunkwe kumpens li jista’ jkun hemm ’il quddiem. Il-garanzija bankarja ma tistax tiġi rkuprata qabel ma jkunu ġew konklużi l-proċeduri legali. |
4.2. |
Il-garanzija bankarja għandha tiġi rilaxxata u tingħata lura lil sid il-bastiment mingħajr dewmien wara li tinqata’ s-sentenza:
|
4.3. |
Is-Senegal għandu jgħarraf lill-Unjoni bir-riżultat tal-proċeduri legali fi żmien tmint ijiem minn meta tingħata s-sentenza. |
5. Rilaxx tal-bastiment u tal-ekwipaġġ
Il-bastiment u l-ekwipaġġ tiegħu għandhom jiġu awtorizzati jħallu l-port ladarba l-multa tkun tħallset fi proċedura ta’ kompromess, jew ladarba l-garanzija bankarja tkun ġiet iddepożitata.
1. Objettiv
Bil-għan li tissaħħaħ is-sorveljanza tas-sajd fl-ibħra miftuħa u li tissaħħaħ il-ġlieda kontra s-sajd IUU, il-bastimenti tas-sajd tal-Unjoni għandhom javżaw bil-preżenza ta’ kull bastiment fiż-żoni tas-sajd tas-Senegal li ma jkunx fil-lista tal-bastimenti barranin awtorizzati jistadu fis-Senegal mogħtija mis-Senegal.
2. Proċedura
2.1. |
Meta josserva bastiment tas-sajd involut f’attivitajiet li jistgħu jikkostitwixxu sajd IUU, il-kaptan ta’ bastiment tas-sajd tal-Unjoni jista’ jiġbor kemm jista’ jkun informazzjoni dwar din l-osservazzjoni. |
2.2. |
Ir-rapporti ta’ osservazzjoni għandhom jintbagħtu minnufih u fl-istess ħin lill-awtoritajiet tas-Senegal u lill-awtorità kompetenti tal-Istat tal-bandiera tal-bastiment li jkun wettaq l-osservazzjoni, li min-naħa tagħha għandha tibgħathom lill-Kummissjoni Ewropea jew lill-organizzazzjoni li din tkun għażlet. |
2.3. |
Il-Kummissjoni Ewropea għandha tibgħat din l-informazzjoni lis-Senegal. |
3. Reċiproċità
Is-Senegal għandu jibgħat lill-Unjoni, mill-aktar fis possibbli, kull rapport ta’ osservazzjoni li jkollu fil-pussess tiegħu dwar bastimenti tas-sajd li jkunu qed iwettqu attivitajiet li jistgħu jkunu attivitajiet tas-sajd IUU fiż-żoni tas-sajd tas-Senegal.
KAPITOLU V
IMBARK TAL-BAĦRIN
1. Sidien il-bastimenti tas-sajd tal-Unjoni li jkunu qed joperaw fil-kuntest ta’ dan il-Protokoll għandhom jimpjegaw ċittadini mill-pajjiżi Ital-stati Afrikani, tal-Karibew u tal-Paċifiku (AKP) bil-kondizzjonijiet u l-limiti li ġejjin:
— |
għall-flotta tal-bastimenti tas-sajd għat-tonn bit-tartaruni u l-bastimenti tas-sajd bil-konz, mill-inqas 25 % tal-baħrin li jittellgħu abbord matul l-istaġun tas-sajd għat-tonn fiż-żona tas-sajd tas-Senegal għandhom ikunu ġejjin mis-Senegal jew possibbilment minn pajjiż AKP; |
— |
għall-flotta tal-bastimenti tas-sajd bil-bastun u x-xlief, mill-inqas 30 % tal-baħrin li jittellgħu abbord matul l-istaġun tas-sajd fiż-żona tas-sajd tas-Senegal għandhom ikunu ġejjin mis-Senegal jew possibbilment minn pajjiż AKP; |
— |
għall-flotta tal-bastimenti tat-tkarkir għas-sajd għall-ħut tal-qiegħ li jgħix f’baħar fond, mill-inqas 25 % tal-baħrin li jittellgħu abbord matul l-istaġun tas-sajd fiż-żona tas-sajd tas-Senegal għandhom ikunu ġejjin mis-Senegal jew possibbilment minn pajjiż AKP. |
2. Is-sidien tal-bastimenti għandhom jagħmlu ħilithom biex itellgħu abbord baħrin li jkunu ġejjin mis-Senegal.
3. Il-prinċipji u d-drittijiet tal-konvenzjonijiet fundamentali tal-Organizzazzjoni Internazzjonali tax-Xogħol (ILO) għandhom japplikaw għall-baħrin li jittellgħu abbord il-bastimenti tas-sajd tal-Unjoni. B’mod partikolari, din tikkonċerna l-libertà ta’ assoċjazzjoni u r-rikonoxximent effettiv tad-dritt għan-negozjar kollettiv u l-eliminazzjoni tad-diskriminazzjoni fir-rigward tal-impjiegi u tax-xogħol.
4. Il-kuntratti ta’ impjieg tal-baħrin tas-Senegal, li kopja tagħhom għandha tingħata lill-awtoritajiet marittimi tas-Senegal u lill-firmatarji ta’ dawn il-kuntratti, isiru bejn ir-rappreżentant(i) tas-sidien tal-bastimenti u l-baħrin u/jew it-trejdjunjins jew ir-rappreżentanti tagħhom. Dawn il-kuntratti għandhom jiggarantixxu lill-baħħara kondizzjonijiet ta’ għajxien u ta’ xogħol deċenti u l-benefiċċju tal-iskema tas-sigurtà soċjali applikabbli għalihom, skont il-leġiżlazzjoni applikabbli u l-istandards tal-ILO, inkluż mewt, mard u assigurazzjoni kontra l-inċidenti.
5. Il-pagi tal-baħrin mill-pajjiżi AKP għandhom jitħallsu mis-sidien tal-bastimenti. Dawn il-pagi għandhom jiġu stabbiliti bi ftehim reċiproku bejn sidien il-bastimenti jew ir-rappreżentanti tagħhom u l-baħrin u/jew it-trejdjunjins tagħhom jew ir-rappreżentanti tagħhom. Madankollu, il-kundizzjonijiet tal-pagi tal-baħħara tal-AKP ma għandhomx ikunu inqas mill-istandards tal-ILO.
6. Kull baħri impjegat mill-bastimenti tas-sajd tal-Unjoni għandu jirrapporta lill-kaptan maħtur tal-bastiment lejlet id-data proposta għall-imbark tiegħu. Jekk baħri jonqos milli jirrapporta fid-data u l-ħin previsti għall-imbarkazzjoni, sid il-bastiment jinħall awtomatikament mill-obbligu tal-imbarkazzjoni ta’ dak il-baħri.
7. Kull sena, is-sidien tal-bastimenti għandhom jibagħtu informazzjoni dwar il-baħħara irreklutati. Din l-informazzjoni għandha tinkludi l-għadd ta’ baħrin li huma ċittadini:
(a) |
tal-Unjoni; |
(b) |
ta’ pajjiż tal-AKP, li jiddistingwi bejn pajjiżi tas-Senegal u pajjiżi oħra tal-AKP; |
(c) |
ta’ pajjiż li jkun la tal-AKP u lanqas tal-UE. |
(1) Regolament (UE) 2017/2403 tal-Parlament Ewropew u tal-Kunsill tat-12 ta’ Diċembru 2017 dwar il-ġestjoni sostenibbli ta’ flotot tas-sajd esterni, u li jħassar ir-Regolament tal-Kunsill (KE) Nru 1006/2008 (ĠU L 347, 28.12.2017, p. 81).
Appendiċijiet tal-anness
Appendiċi 1 |
Formola tat-talba għal awtorizzazzjoni tas-sajd |
Appendiċi 2 |
Skeda teknika għall-ispeċijiet tal-ħut li jgħix f’baħar fond |
Appendiċi 3 |
Skeda teknika għal speċijiet ta’ tonn għall-bastimenti tas-sajd għat-tonn bit-tartarun mgħammra bi friża, għall-bastimenti tas-sajd bil-bastun u x-xlief u għall-bastimenti tas-sajd bil-konz tal-wiċċ |
Appendiċi 4 |
Ġurnal elettroniku ta’ abbord tas-sajd (ERS) |
Appendiċi 5 |
Sistema ta’ monitoraġġ tal-bastimenti abbażi ta’ satellita (VMS) |
Appendiċi 6 |
Dettalji tal-awtoritajiet tas-Senegal u tal-Istati Membri tal-bandiera |
Appendiċi 1
FTEHIM DWAR IS-SAJD BEJN L-UNJONI EWROPEA U S-SENEGAL TALBA GĦAL AWTORIZZAZZJONI TAS-SAJD
Appendiċi 2
SKEDA TEKNIKA GĦALL-ISPEĊIJIET TAL-ĦUT LI JGĦIX F’BAĦAR FOND
|
|||||||||||||||||
L-ispeċijiet fil-mira huma l-ispeċijiet tal-merluzz l-iswed (Merluccius senegalensis u Merluccius polli) |
|||||||||||||||||
|
|||||||||||||||||
Iż-żona tas-sajd awtorizzata hija ddefinita kif ġej (1):
|
|||||||||||||||||
|
|||||||||||||||||
Ix-xbieki tat-tkarkir konvenzjonali tal-qiegħ jew għall-merluzz, b’daqs minimu tal-malja ta’ 70 mm. Huwa pprojbit l-użu ta’ kwalunkwe mezz jew tagħmir li jimblokka l-malji tax-xbieki jew li jnaqqas l-azzjoni selettiva tagħhom. Madankollu, bil-għan li jiġi evitat li x-xbieki jitherrew jew jiċċarrtu, huwa permess li jitwaħħlu biss sottovesti ta’ protezzjoni magħmulin mix-xibka jew minn materjal ieħor taħt il-parti ta’ isfel tal-manka tax-xbieki tat-tkarkir tal-qiegħ. Dawn is-sottovesti għandhom jitwaħħlu biss mal-parti ta’ quddiem u mal-ġnub tal-manka tax-xbieki tat-tkarkir. Għall-parti ta’ fuq tax-xbieki tat-tkarkir, jista’ jintuża apparat ta’ protezzjoni biss jekk dan ikun magħmul minn biċċa waħda tax-xibka biss, magħmula mill-istess materjal tal-manka, li l-malji tagħha jkunu tal-anqas 300 mm meta d-drapp ikun stirat. Huwa pprojbit li wieħed jirdoppja r-raden, sempliċi jew immaljat, tal-manka. |
|||||||||||||||||
|
|||||||||||||||||
15 % ta’ ċefalopodi, 5 % ta’ krustaċji u 20 % ta’ speċijiet oħrajn ta’ ħut tal-qiegħ li jgħix f’baħar fond. Il-perċentwali tal-qabdiet inċidentali stabbiliti fl-ewwel subparagrafu għandhom jiġu kkalkulati fi tmiem kull vjaġġ tas-sajd, skont il-piż totali tal-qabda, skont ir-regolamenti tas-Senegal. Huma pprojbiti ż-żamma abbord, it-trasbord, il-ħatt l-art, il-ħażna u l-bejgħ tal-elażmobranki jew ta’ partijiet minnhom li huma taħt xi miżura ta’ protezzjoni mill-Pjan ta’ azzjoni tal-Unjoni għall-konservazzjoni u għall-ġestjoni tal-klieb il-baħar u mill-organizzazzjonijiet reġjonali għall-ġestjoni tas-sajd u mill-organizzazzjonijiet reġjonali tas-sajd kompetenti, jiġifieri tal-kelb il-baħar tal-qarnuna bajda oċeaniku (Carcharhinus longimanus), tal-kelb il-baħar ħariri (Carcharhinus falciformis), tal-kelb il-baħar l-abjad (Carcharodon carcharias), tal-gabdoll (Cetorhinus maximus), tal-pixxiplamtu (Lamna nasus), tal-pixxivolpi għajnu kbira (Alopias superciliosus), tal-ixkatlu komuni (Squatina squatina), tal-manta ġganta (Manta birostris) u tal-ispeċijiet tal-kurazzi (Sphyrna zygaena). Fil-każ li dawn aċċidentalment jinqabdu, l-ispeċijiet elażmobranki ma jistgħux jinżammu abbord u ma tistax issirilhom ħsara. Il-ħut minn dawn l-ispeċijiet maqbud għandu jintefa’ lura l-baħar minnufih. Huma pprojbiti ż-żamma abbord, it-trasbord, il-ħatt l-art, il-ħażna u l-bejgħ tal-ispeċijiet pelaġiċi, fosthom tat-Trachurus spp., tas-Sardina pilchardus, tal-iScomber spp. u tas-Sardinella spp.. |
|||||||||||||||||
|
|||||||||||||||||
Volum ta’ qabdiet awtorizzatiu Imposti: |
1,750 tunnellata fis-sena |
||||||||||||||||
Imposta: |
EUR 95 għal kull tunnellata |
||||||||||||||||
L-imposta għandha tiġi kkalkulata fi tmiem kull trimestru li għalih il-bastiment ikun ingħata awtorizzazzjoni tas-sajd, filwaqt li jitqiesu l-qabdiet li jkunu saru matul dak il-perjodu. Il-liċenzja tingħata biss jekk isir ħlas bil-quddiem ta’ EUR 500 għal kull bastiment, li għandu jitnaqqas mill-ammont totali tal-imposta u li għandu jitħallas fil-bidu ta’ kull trimestru li għalih il-bastiment ikun ingħata awtorizzazzjoni tas-sajd. |
|||||||||||||||||
|
|
||||||||||||||||
|
2 bastimenti |
||||||||||||||||
|
Bastimenti tat-tkarkir għas-sajd għall-ħut tal-qiegħ li jgħix f’baħar fond |
||||||||||||||||
|
25 % tal-ekwipaġġ |
||||||||||||||||
|
Mill-1 ta’ Mejju sat-30 ta’ Ġunju (3) |
||||||||||||||||
L-imbark ta’ osservatur xjentifiku fuq kull bastiment tat-tkarkir għandu jkun obbligatorju.. |
(1) Fejn ikun xieraq, iż-żona tas-sajd tista’ tiġi ddefinita permezz ta’ koordinati li jistabbilixxu l-konfini tal-poligonu li fih huwa permess is-sajd. L-awtoritajiet tas-Senegal għandhom jibagħtu dawn il-koordinati lill-Kummissjoni Ewropea qabel ma jidħol fis-seħħ dan il-Protokoll.
(2) Din id-dispożizzjoni se tiġi analizzata mill-ġdid sena wara li tibda tiġi applikata.
(3) Bħall-miżuri tekniċi ta’ konservazzjoni l-oħrajn, il-perjodu ta’ rkupru bijoloġiku għandu jiġi rivedut wara li l-Protokoll ikun ilu sena li daħal fis-seħħ u jista’ jiġi adattat sabiex jitqiesu l-istokkijiet tal-ħut, jekk il-Grupp ta’ ħidma xjentifika konġunt jirrakkomanda dan.
Appendiċi 3
SKEDA TEKNIKA GĦALL-BASTIMENTI TAS-SAJD GĦAT-TONN BIT-TARTARUNI MGĦAMMRA BI FRIŻA, GĦALL-BASTIMENTI TAS-SAJD BIL-BASTUN U X-XLIEF U GĦALL-BASTIMENTI TAS-SAJD BIL-KONZ TAL-WIĊĊ
1. Żoni tas-sajd
Il-liċenzja għas-sajd pelaġiku fil-baħar fond għandha tipprovdi:
1.1 |
lill-bastimenti għas-sajd tat-tonn bil-bastun u x-xlief u għall-bastimenti għas-sajd tat-tonn bit-tartaruni u mgħammra bil-friża, id-dritt għas-sajd tat-tonn fl-ibħra kollha li jaqgħu taħt il-ġuriżdizzjoni tas-Senegal; |
1.2. |
lill-bastimenti tas-sajd bil-konzijiet tal-wiċċ li għandhom fil-mira l-pixxispad, id-dritt li jistabbilixxu t-tagħmir tas-sajd tagħhom:
|
2. Speċijiet ipprojbiti
F'konformità mal-Konvenzjoni dwar l-ispeċijiet tal-ħut li jpassi u skont ir-riżoluzzjonijiet tal-ICCAT, is-sajd għall-manta ġganta (Manta birostris), għall-gabdoll (Cetorhinus maximus), għall-kelb il-baħar l-abjad (Carcharodon carcharias), għall-pixxivolpi għajnu kbira (Alopias superciliosus), għall-kurazzi tal-familja tal-iSphyrnidae (ħlief għall-kurazza tiburo), għall-kelb il-baħar tal-qarnuna bajda oċeaniku (Carcharhinus longimanus) u għall-kelb il-baħar ħariri (Carcharhinus falciformis), kif ukoll dawk tal-kelb il-baħar tat-tip Rhincodon typus huma pprojbiti.
F’konformità mar-Regolament (KE) Nru 1185/2003 (1), huwa pprojbit li wieħed ineħħi x-xewka tal-kelb il-baħar abbord il-bastimenti u li wieħed iżomm abbord, jittrasborda jew iħott l-art ix-xewka tal-kelb il-baħar. Mingħajr preġudizzju għal dan ta’ hawn fuq, sabiex tkun iffaċilitata l-ħażna abbord, ix-xewka tal-kelb il-baħar tista’ tinqata’ b’mod parzjali u tintewa għal fuq il-karkassa, iżda ma tistax titneħħa minn mal-karkassa qabel ma din tinħatt l-art.
Skont ir-rakkomandazzjonijiet tal-ICCAT, il-Partijiet għandhom jagħmlu ħilithom biex inaqqsu l-impatt aċċidentali tal-attivitajiet tas-sajd fuq il-fkieren u fuq l-għasafar tal-baħar billi jimplimentaw miżuri li jżidu kemm jista’ jkun il-possibbiltà li l-annimali li jinqabdu bi żball isalvaw.
3. Irkaptu u speċijiet
IL-BASTIMENTI TAS-SAJD GĦAT-TONN BIT-TARTARUNI
Irkaptu awtorizzat: it-tartaruni.
Speċijiet fil-mira: it-tonn isfar (Thunnus albacares), it-tonn obeż (Thunnus obesus) u l-palamit (Katsuwonus pelamis).
Qabdiet inċidentali: il-ħarsien tar-rakkomandazzjonijiet tal-ICCAT u tal-FAO.
BASTIMENTI BIL-BASTUN U X-XLIEF
Irkaptu awtorizzat: bastun u xlief.
Speċijiet fil-mira: it-tonn isfar (Thunnus albacares), it-tonn obeż (Thunnus obesus) u l-palamit (Katsuwonus pelamis).
Qabdiet inċidentali: il-ħarsien tar-rakkomandazzjonijiet tal-ICCAT u tal-FAO.
IL-BASTIMENTI TAS-SAJD BIL-KONZ TAL-WIĊĊ
Irkaptu awtorizzat: il-konzijiet tal-wiċċ.
Speċijiet fil-mira: il-pixxispad (Xiphias gladius), il-ħuta kaħla (Prionace glauca), it-tonn isfar (Thunnus albacares) u t-tonn obeż (Thunnus obesus).
Qabdiet inċidentali: il-ħarsien tar-rakkomandazzjonijiet tal-ICCAT u tal-FAO.
4. Imposti li jridu jħallsu sidien il-bastimenti — l-għadd ta’ bastimenti
Imposta addizzjonali għal kull tunnellata maqbuda |
|
||||||
L-ammont annwali b’rata fissa bil-quddiem |
Għall-bastimenti tas-sajd għat-tonn bit-tartaruni: EUR 18 500 Għall-bastimenti tas-sajd bil-bastun u x-xlief: EUR 13 000 Għall-bastimenti tas-sajd bil-konz tal-wiċċ: EUR 3 525 |
||||||
Imposta b’rata fissa marbuta mal-osservaturi |
EUR 600 għal kull bastiment kull sena |
||||||
Imposta għal kull bastiment ta’ appoġġ |
EUR 3 500 għal kull bastiment kull sena |
||||||
L-għadd ta’ bastimenti li huma awtorizzati jistadu |
28 bastiment tas-sajd għat-tonn bit-tartaruni 5 bastimenti li jistadu bil-konz tal-wiċċ 10 bastimenti tas-sajd bil-bastun u x-xlief |
(1) Ir-Regolament tal-Kunsill (KE) Nru 1185/2003 tas-26 ta’ Ġunju 2003 dwar it-tneħħija tax-xewka tal-klieb il-baħar abbord ta' bastimenti (ĠU L 167, 4.7.2003, p. 1)
Appendiċi 4
Ġurnal elettroniku ta’ abbord tas-sajd (ERS)
1. Trażmissjonijiet tal-ERS
(1) |
L-Istat tal-bandiera u s-Senegal għandhom jagħżlu korrispondent tal-ERS kull wieħed li għandu jservi bħala l-punt ta’ kuntatt għall-kwistjonijiet marbutin mal-implimentazzjoni tal-ERS. L-Istat tal-bandiera u s-Senegal għandhom jibagħtu lil xulxin id-dettalji ta’ kuntatt tal-korrispondent tal-ERS rispettiv tagħhom u, jekk ikun hemm bżonn, għandhom jaġġornaw dik l-informazzjoni mingħajr dewmien. |
(2) |
Il-bastiment għandu jibgħat id-data tal-ERS lill-Istat tal-bandiera tiegħu, li għandu jqiegħda b’mod awtomatiku għad-dispożizzjoni tas-Senegal. |
(3) |
Id-data għandha tkun bil-format UN/CEFACT u għandha tiġi trażmessa permezz tan-netwerk FLUX li l-Kummissjoni Ewropea tqiegħed għad-dispożizzjoni. |
(4) |
Madankollu, il-Partijiet jistgħu jaqblu fuq perjodu ta’ tranżizzjoni li matulu d-data għandha tiġi trażmessa permezz tad-DEH (id-“Data Exchange Highway”) fil-format EU-ERS (fil-verżjoni 3.1 tiegħu). |
(5) |
Iċ-ĊMS tal-Istat tal-bandiera għandu jibgħat awtomatikament u mingħajr dewmien il-messaġġi istantanji li jkun qed jibgħat il-bastiment (il-messaġġi COE, COX u PNO) liċ-ĊMS tas-Senegal. Għandhom jintbagħtu awtomatikament ukoll tipi ta’ messaġġi oħrajn darba kuljum mid-data meta jibda jintuża b’mod effettiv il-format UN-CEFACT jew, sa meta jseħħ dan, għandhom jitqiegħdu għad-dispożizzjoni taċ-ĊMS tas-Senegal mingħajr dewmien meta ssir talba awtomatika għalihom liċ-ĊMS tal-Istat tal-bandiera permezz tan-nodu ċentrali tal-Kummissjoni Ewropea. Minn meta jiġi implimentat b’mod effettiv il-format il-ġdid, dan il-mod ta’ trażmissjoni msemmi l-aħħar għandu jintuża biss għal talbiet speċifiċi għal data storika. |
(6) |
Iċ-ĊMS tas-Senegal għandu jikkonferma li rċieva d-data istantanja tal-ERS li tkun intbagħtitlu billi jibgħat messaġġ ta’ ritorn li fih jikkonferma r-riċezzjoni tad-data u l-validità tal-messaġġ li huwa rċieva. Ma għandha tintbagħat l-ebda konferma tal-wasla fil-każ tad-data li s-Senegal jirċievi bi tweġiba għal talba li jkun għamel huwa stess. Is-Senegal għandu jittratta d-data kollha tal-ERS b’mod kunfidenzjali. |
2. Falliment tas-sistema ta’ trażmissjoni elettronika abbord il-bastiment jew tas-sistema ta’ komunikazzjoni
(1) |
Iċ-ĊMS tal-Istat tal-bandiera u ċ-ĊMS tas-Senegal għandhom jgħarrfu lil xulxin mingħajr dewmien b’kull avveniment li jista’ jaffettwa t-trażmissjoni tad-data tal-ERS ta’ bastiment wieħed jew iktar. |
(2) |
Jekk iċ-ĊMS tas-Senegal ma jirċevix id-data li bastiment suppost jibgħat, għandu jgħarraf liċ-ĊMS tal-Istat tal-bandiera mingħajr dewmien b’dan. Dan għandu jipprova jara malajr kemm jista’ jkun għalfejn dan ma rċeviex id-data tal-ERS u għandu jgħarraf liċ-ĊMS tas-Senegal bir-riżultat ta’ dawn l-investigazzjonijiet. |
(3) |
Meta t-trażmissjoni bejn bastiment u ċ-ĊMS tal-Istat tal-bandiera tfalli, dan iċ-ĊMS għandu jgħarraf lill-kaptan jew lill-operatur tal-bastiment jew, fin-nuqqas tiegħu, lir-rappreżentant tiegħu mingħajr dewmien b’dan. Malli jirċievi din in-notifika, il-kaptan tal-bastiment għandu jibgħat id-data li tkun nieqsa lill-awtoritajiet kompetenti tal-Istat tal-bandiera b’kull mezz xieraq ta’ telekomunikazzjoni kuljum sa mhux iktar tard minn nofs il-lejl. |
(4) |
F’każ ta’ ħsara fis-sistema ta’ trażmissjoni elettronika installata abbord il-bastiment, il-kaptan jew l-operatur tal-bastiment għandhom jiżguraw li l-ħsara tissewwa jew li l-ERS tinbidel fi żmien għaxart ijiem minn meta jindunaw bil-ħsara. Ladarba jgħaddi dak il-perjodu, il-bastiment ma jibqax awtorizzat jistad fiż-żona tas-sajd u jkollu joħroġ minnha jew jidħol f’port tas-Senegal fi żmien 24 siegħa. Il-bastiment għandu jkun jista’ jitlaq minn dak il-port jew jerġa’ jidħol fiż-żona tas-sajd biss meta ċ-ĊMS tal-Istat tal-bandiera tiegħu jkun aċċerta ruħu li l-ERS qed terġa’ taħdem kif suppost. |
(5) |
Jekk is-Senegal ma jkunx irċieva d-data tal-ERS minħabba ħsara fis-sistemi elettroniċi li jkunu taħt il-kontroll tal-Unjoni jew tas-Senegal, il-Parti kkonċernata għandha tieħu azzjoni mill-ewwel biex issolvi l-ħsara malajr. Il-Parti l-oħra għandha tiġi mgħarrfa mill-ewwel malli tissolva l-problema. |
(6) |
Iċ-ĊMS tal-Istat tal-bandiera għandu jibgħat, kull 24 siegħa liċ-ĊMS tas-Senegal, b’kull mezz ta’ komunikazzjoni elettronika disponibbli, id-data kollha tal-ERS li l-Istat tal-bandiera jkun irċieva mill-aħħar trażmissjoni. L-istess proċedura tista’ tintuża fuq talba tas-Senegal f’każ ta’ ħidma ta’ manutenzjoni ta’ iktar minn 24 siegħa li taffettwa s-sistemi li jkunu taħt il-kontroll tal-Unjoni. Is-Senegal għandu javża lis-servizzi ta’ kontroll kompetenti tiegħu sabiex il-bastimenti tal-Unjoni ma jitqisux li qed jonqsu milli jħarsu l-obbligu tagħhom li jibagħtu d-data tal-ERS tagħhom. Iċ-ĊMS tal-Istat tal-bandiera għandu jiżgura li jdaħħal id-data li tkun nieqsa fil-bażi tad-data elettronika tiegħu skont il-punt 1 tal-Appendiċi 5. |
3. Mezzi ta’ komunikazzjoni alternattivi
L-indirizz tal-posta elettronika taċ-ĊMS tas-Senegal li għandu jintuża f’każ li t-trażmissjonijiet tal-ERS jew tal-VMS ifallu għandu jintbagħat qabel ma jibda japplika l-Protokoll.
Dan għandu jintuża:
— |
għan-notifiki tad-dħul u tal-ħruġ u għan-notifiki dwar il-qabdiet li jkun hemm abbord fil-mument tad-dħul u tal-ħruġ; |
— |
għan-notifiki dwar il-ħatt l-art u t-trasbord u n-notifiki dwar il-qabdiet li jkunu ġew ittrasbordati, li jkunu nħattu l-art jew li jkun għad hemm abbord; |
— |
għat-trażmissjonijiet temporanji tal-ERS u tal-VMS ta’ sostituzzjoni previsti f’każ ta’ falliment. |
Appendiċi 5
Sistema ta’ monitoraġġ tal-bastimenti abbażi ta’ satellita (VMS)
1. Messaġġi dwar il-pożizzjoni tal-bastimenti — il-VMS
L-ewwel pożizzjoni rreġistrata wara d-dħul fiż-żona tas-Senegal għandha tiġi identifikata bil-kodiċi “ENT”. Il-pożizzjonijiet kollha ta’ wara għandhom jiġu identifikati bil-kodiċi “POS”, ħlief għall-ewwel pożizzjoni rreġistrata wara l-ħruġ miż-żona tas-Senegal, li għandha tiġi identifikata bil-kodiċi “EXI”.
Iċ-ĊMS tal-Istat tal-bandiera għandu jiżgura l-ipproċessar awtomatiku u, jekk ikun meħtieġ, it-trażmissjoni elettronika tal-messaġġi dwar il-pożizzjoni. Il-messaġġi dwar il-pożizzjoni għandhom jiġu rreġistrati b’mod sigur u għandhom jinżammu għal perjodu ta’ tliet snin.
2. Trażmissjoni min-naħa tal-bastiment f’każ ta’ ħsara fis-sistema tal-VMS
Il-kaptan għandu jiżġura li, matul il-ħin kollu, il-VMS tal-bastiment tiegħu tkun qed taħdem tajjeb u li l-messaġġi dwar il-pożizzjoni jkunu qed jintbagħtu sew liċ-ĊMS tal-Istat tal-bandiera.
F’każ ta’ ħsara, il-VMS tal-bastiment għandha tissewwa jew tinbidel fi żmien tletin jum. Wara dak il-perjodu, il-bastiment ma għandux jibqa’ awtorizzat jistad fl-ilmijiet tas-Senegal.
Il-bastimenti li jkunu qed jistadu fiż-żona tas-sajd tas-Senegal b’VMS difettuża jridu jibagħtu l-messaġġi dwar il-pożizzjoni tagħhom permezz ta’ ittra elettronika, bir-radju jew bil-faks liċ-ĊMS tal-Istat tal-bandiera, tal-inqas kull erba’ sigħat, u jridu jibagħtu l-informazzjoni obbligatorja kollha.
3. Funzjonament ħażin tas-sistema ta’ komunikazzjoni
Is-Senegal għandu jiżgura li t-tagħmir elettroniku tiegħu jkun kompatibbli ma’ dak taċ-ĊMS tal-Istat tal-bandiera u għandu jgħarraf lill-Unjoni minnufih b’kull nuqqas ta’ funzjonament fil-komunikazzjoni u l-wasla tal-messaġġi dwar il-pożizzjoni bil-għan li tinstab soluzzjoni teknika mill-aktar fis possibbli. Il-Kumitat Konġunt għandu jipprova jsolvi kwalunkwe tilwim li jista’ jirriżulta minn dan.
Il-kaptan għandu jitqies bħala responsabbli għal kull manipulazzjoni ppruvata tas-sistema tal-VMS tal-bastiment li jkollha l-għan li tfixkel l-operat tagħha jew li tiffalsifika l-messaġġi tagħha dwar il-pożizzjoni tal-bastiment. Kull ksur għandu jkun soġġett għall-pieni previsti mil-leġiżlazzjoni tas-Senegal li tkun fis-seħħ.
4. Bidla fil-frekwenza tal-messaġġi dwar il-pożizzjoni
Abbażi ta’ evidenza dokumentata li tipprova ksur, l-awtoritajiet tas-Senegal jistgħu jistaqsu liċ-ĊMS tal-Istat tal-bandiera, filwaqt li jibagħtu kopja wkoll lill-Unjoni, li jnaqqas l-intervall biex il-bastiment jibgħat il-messaġġi dwar il-pożizzjoni tiegħu għal kull nofsiegħa għal perjodu partikulari tal-investigazzjoni. Is-Senegal għandu jibgħat din l-evidenza dokumentata lill-ĊMS tal-Istat tal-bandiera u lill-Unjoni. Iċ-ĊMS tal-Istat tal-bandiera għandu jibgħat minnufih il-messaġġi dwar il-pożizzjoni lis-Senegal fuq il-frekwenza l-ġdida.
Fi tmiem il-perjodu stabbilit tal-investigazzjoni, is-Senegal għandu jgħarraf liċ-ĊMS tal-Istat tal-bandiera u lill-Unjoni b’kull monitoraġġ li jista’ jkun meħtieġ.
5. Komunikazzjoni tal-messaġġi tal-VMS lis-Senegal
Il-kodiċi “ER” segwit minn linja mmejla doppja (//) jindika tmiem il-messaġġ
Element tad-data |
Kodiċi |
Obbligatorju/ Fakultattiv |
Kontenut |
||||||
Bidu tar-reġistrazzjoni |
SR |
0 |
Dettall dwar is-sistema li jindika l-bidu tar-reġistrazzjoni |
||||||
Destinatarju |
AD |
0 |
Dettall dwar il-messaġġ — Il-kodiċi alfa-3 tal-pajjiż destinatarju (ISO-3166) |
||||||
Speditur |
MT |
0 |
Dettall dwar il-messaġġ — Il-kodiċi alfa-3 tal-pajjiż speditur (ISO-3166) |
||||||
Stat tal-bandiera |
FS |
0 |
Dettall dwar il-messaġġ — Il-kodiċi alfa-3 tal-Istat tal-bandiera (ISO-3166) |
||||||
Tip ta’ messaġġ |
TM |
0 |
Dettall dwar il-messaġġ – It-tip ta’ messaġġ (ENT, POS, EXI) (MAN) |
||||||
Sinjal tas-sejħa bir-radju (l-IRCS) |
RC |
0 |
Dettall dwar il-bastiment — Is-sinjal internazzjonali tas-sejħa bir-radju tal-bastiment (l-IRCS) |
||||||
Numru ta’ referenza intern tal-Parti Kontraenti |
IR |
0 |
Dettall dwar il-bastiment — In-numru uniku tal-parti kontraenti, mogħti bħala l-kodiċi alfa-3 (ISO-3166) segwit min-numru |
||||||
Numru tar-reġistrazzjoni estern |
XR |
0 |
Dettall dwar il-bastiment — In-numru mmarkat fuq il-ġenb tal-bastiment (ISO 8859.1) |
||||||
Latitudni |
LT |
0 |
Dettall dwar il-pożizzjoni tal-bastiment — Il-pożizzjoni fi gradi u fi gradi deċimali N/S GG.ggg (WGS84) |
||||||
Lonġitudni |
LG |
0 |
Dettall dwar il-pożizzjoni tal-bastiment — Il-pożizzjoni fi gradi u fi gradi deċimali E/W GG.ggg (WGS84) |
||||||
Rotta |
CO |
0 |
Ir-rotta tal-bastiment fuq skala ta’ 360°grad |
||||||
Veloċità |
SP |
0 |
Il-veloċità tal-bastiment f’wieħed minn kull għaxar mili nawtiċi |
||||||
Data |
DA |
0 |
Dettall dwar il-pożizzjoni tal-bastiment — Id-data tar-reġistrazzjoni tal-pożizzjoni f’UTC (SSSSXXJJ) |
||||||
Ħin |
TI |
0 |
Dettall dwar il-pożizzjoni tal-bastiment — Il-ħin tar-reġistrazzjoni tal-pożizzjoni f’UTC (SSMM) |
||||||
Tmiem ir-reġistrazzjoni |
ER |
0 |
Dettall dwar is-sistema li jindika tmiem ir-reġistrazzjoni |
||||||
fil-format NAF, it-trażmissjoni tad-data hija strutturata kif ġej:
Qabel ma l-Protokoll jibda japplika b’mod provviżorju, is-Senegal għandu javża jekk id-data tal-VMS għandhiex tiġi trażmessa permezz tal-FLUX TL fil-format UN/CEFACT jew le. |
Appendiċi 6
DETTALJI TAL-AWTORITAJIET TAS-SENEGAL U TAL-ISTATI MEMBRI TAL-BANDIERA
IS-SENEGAL
1. Direttorat tas-Sajd Marittimu
Indirizz: LOT 1 SPHÈRE MINISTÉRIELLE DE DIAMNIADIO, 2e ÉTAGE, BÂTIMENT D |
Posta elettronika: magoudiaby@yahoo.fr |
Telefown: 00221 33 849 84 40 |
2. Għat-talbiet għal awtorizzazzjoni tas-sajd
Indirizz: LOT 1 SPHÈRE MINISTÉRIELLE DE DIAMNIADIO, 2e ÉTAGE, BÂTIMENT D |
Posta elettronika: layee78@yahoo.fr |
Indirizz tal-posta elettronika (alternattiv): magoudiaby@yahoo.fr |
Telefown: 00221 33 849 84 40 |
3. Id-Direttorat għall-protezzjoni u għas-sorveljanza tas-sajd (DPSP) u n-notifika tad-dħul u tal-ħruġ
Isem iċ-ĊMS (il-kodiċi tas-sejħa): PAPA SIERA |
Dettalji tar-radju: il-kanal 16 VHF |
Filgħodu (08:00 sa 10:00H): [iċċekkja] Hz |
Waranofsinhar (14:00 sa 17:00H): [iċċekkja] Hz |
Indirizz: FENETRE MERMOZ, CORNICHE OUEST DAKAR |
Posta elettronika: surpeche@hotmail.com |
Indirizz tal-posta elettronika (alternattiv): crrsdpsp@gmail.com |
Telefown: +221 338602465 |
4. Iċ-Ċentru ta’ riċerka oċeanografika ta’ Dakar-Thiaroye (CRODT)
Indirizz: POLE DE RECHERCHE ISRA/HANN, BP 2241 DAKAR |
Posta elettronika: hamet.diadhiou@isra.sn |
Indirizz tal-posta elettronika (alternattiv): hamet_diadhiou@yahoo.fr |
Telefown: 00221 33 832 82 62 |
L-ISTATI MEMBRI TAL-BANDIERA:
Id-dettalji tal-kuntatt rilevanti tal-Istati Membri tal-bandiera għandhom jintbagħtu lis-Senegal mill-Unjoni qabel il-bidu tal-applikazzjoni provviżorja ta’ dan il-Protokoll.