EUR-Lex Access to European Union law
This document is an excerpt from the EUR-Lex website
Document 22016D1118
Decision No 1/2016 of the Community/Switzerland Inland Transport Committee of 10 June 2016 concerning the charging system applicable to vehicles in Switzerland as from 1 January 2017 [2016/1118]
Deċiżjoni Nru 1/2016 tal-Kumitat tat-trasport intern Komunità/Żvizzera tal-10 ta' Ġunju 2016 dwar is-sistema ta' tariffi applikabbli fuq il-vetturi fl-Iżvizzera mill-1 ta' Jannar 2017 [2016/1118]
Deċiżjoni Nru 1/2016 tal-Kumitat tat-trasport intern Komunità/Żvizzera tal-10 ta' Ġunju 2016 dwar is-sistema ta' tariffi applikabbli fuq il-vetturi fl-Iżvizzera mill-1 ta' Jannar 2017 [2016/1118]
OJ L 186, 9.7.2016, p. 36–37
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
9.7.2016 |
MT |
Il-Ġurnal Uffiċjali tal-Unjoni Ewropea |
L 186/36 |
DEĊIŻJONI Nru 1/2016 TAL-KUMITAT TAT-TRASPORT INTERN KOMUNITÀ/ŻVIZZERA
tal-10 ta' Ġunju 2016
dwar is-sistema ta' tariffi applikabbli fuq il-vetturi fl-Iżvizzera mill-1 ta' Jannar 2017 [2016/1118]
IL-KUMITAT,
Wara li kkunsidra l-Ftehim bejn il-Komunità Ewropea u l-Konfederazzjoni Żvizzera dwar it-trasport ta' merkanzija u passiġġieri permezz tal-linji tal-ferrovija u tat-triq (1) (minn hawn 'il quddiem magħruf bħala “il-Ftehim”), u b'mod partikolari l-Artikolu 51(2) tiegħu,
Billi:
(1) |
F'konformità mal-Artikolu 40 tal-Ftehim, l-Iżvizzera ilha mill-1 ta' Jannar 2001 timponi tariffa mhux diskriminatorja fuq il-vetturi għall-ispejjeż li jiġġeneraw (“tariffa bbażata fuq it-traffiku ta' vetturi li jġorru merkanzija tqila”). Din it-tariffa tagħmel distinzjoni bejn tliet kategoriji ta' standards ta' emissjonijiet (klassijiet EURO). |
(2) |
Għal dan il-fini, l-Artikolu 40(2) u (4) tal-Ftehim jistipula l-medja ppeżata tat-tariffi, it-tariffa massima għall-kategorija tal-vetturi l-aktar li jniġġsu kif ukoll id-differenza massima ta' tariffa minn kategorija għall-oħra. |
(3) |
Fid-dawl tal-modernizzazzjoni tal-flotta ta' vetturi li jiċċirkolaw fl-Iżvizzera, li timplika li aktar u aktar vetturi qegħdin jikkonformaw mal-istandards EURO l-aktar riċenti, huwa meħtieġ li l-Kumitat tat-trasport intern Komunità/Żvizzera jadatta d-distribuzjoni tal-kategoriji tal-istandards EURO bejn it-tliet kategoriji tat-tariffa. |
(4) |
Għandu jinżamm l-iskont ta' 10 % fuq it-tariffa li japplika għall-kategorija previst fid-Deċiżjoni Nru 1/2011 tal-Kumitat tat-trasport intern Komunità/Żvizzera tal-10 ta' Ġunju 2011 (2) għall-vetturi tal-klassijiet ta' emissjoni EURO II u EURO III mgħammrin wara b'sistema approvata ta' filtru tal-partikuli, |
IDDEĊIEDA KIF ĠEJ:
Artikolu 1
It-tariffa fuq it-traffiku ta' vetturi li jġorru merkanzija tqila marbuta mal-prestazzjoni tal-vettura li l-piż totali attwali tagħha ma jaqbiżx l-40 tunnellata u li tagħmel vjaġġ ta' 300 km, għandha tkun:
— |
CHF 372,00 għall-kategorija tat-tariffa 1 |
— |
CHF 322,80 għall-kategorija tat-tariffa 2 |
— |
CHF 273,60 għall-kategorija tat-tariffa 3. |
Artikolu 2
Il-kategorija tat-tariffa 1 tapplika għall-vetturi tal-klassi ta' emissjoni EURO III kif ukoll għall-vetturi kollha ammessi għaċ-ċirkolazzjoni qabel id-dħul fis-seħħ tal-istandard EURO III.
Il-kategorija tat-tariffa 2 tapplika għall-vetturi tal-klassijiet ta' emissjoni EURO IV u EURO V.
Il-kategorija tat-tariffa 3 tapplika għall-vetturi tal-klassi ta' emissjoni EURO VI.
Artikolu 3
Japplika l-iskont ta' 10 % fuq it-tariffa fir-rigward tal-kategorija rilevanti, mogħti lill-vetturi tal-klassijiet ta' emissjoni EURO II u EURO III mgħammrin wara b'sistema approvata ta' filtru tal-partikuli, kif previst fl-Artikolu 1 tad-Deċiżjoni Nru 1/2011 tal-Kumitat tat-trasport intern Komunità/Żvizzera.
Artikolu 4
Din id-Deċiżjoni tidħol fis-seħħ fl-1 ta' Jannar 2017.
Magħmul f'Berna, l-10 ta' Ġunju 2016.
Għall-Konfederazzjoni Żvizzera
Il-President
Peter FÜGLISTALER
Għall-Unjoni Ewropea
Il-Kap tad-Delegazzjoni tal-Unjoni Ewropea
Fotis KARAMITSOS
(1) ĠU L 114, 30.4.2002, p. 91.
(2) ĠU L 193, 23.7.2011, p. 52.