Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 22008D0111

Deċiżjoni tal-Kumitat Konġunt taż-ŻEE Nru 111/2008 tas- 7 ta' Novembru 2008 li temenda l-Anness I (Kwistjonijiet veterinarji u fitosanitarji) tal-Ftehim taż-ŻEE

OJ L 339, 18.12.2008, p. 98–99 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 11 Volume 089 P. 134 - 135

Legal status of the document In force

ELI: http://data.europa.eu/eli/dec/2008/111(2)/oj

18.12.2008   

MT

Il-Ġurnal Uffiċjali ta’ l-Unjoni Ewropea

L 339/98

DEĊIŻJONI TAL-KUMITAT KONĠUNT TAŻ-ŻEE

Nru 111/2008

tas-7 ta' Novembru 2008

li temenda l-Anness I (Kwistjonijiet veterinarji u fitosanitarji) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ′il quddiem imsejjaħ “il-Ftehim”, u b'mod partikolari l-Artikolu 98 tiegħu,

Billi:

(1)

L-Anness I tal-Ftehim ġie emendat bid-Deċiżjoni tal-Kumitat Konġunt taż-ŻEE Nru 95/2008 tas-26 ta' Settembru 2008 (1).

(2)

Paragrafu 6(b) tal-parti Introduttorja tal-Kapitolu I tal-Anness I jiddikjara li mingħajr preġudizzju għall-implikazzjonijiet finanzjarji, ir-riżervi Komunitarji għat-tilqim tal-marda tal-ilsien u d-dwiefer għandhom kunu r-riżervi għall-Partijiet Kontraenti kollha.

(3)

Paragrafu 6(b) tal-parti Introduttorja tal-Kapitolu I tal-Anness I jipprevedi li konsultazzjonijiet għandhom isiru bejn il-Partijiet Kontraenti sabiex jissolvew il-problemi kollha, b'mod partikolari, kundizzjonijiet tax-xogħol, kwistjonijiet finanzjarji, is-sostituzzjoni tal-antiġeni, l-użu possibbli tal-antiġeni u spezzjonijiet fuq il-post.

(4)

Direttiva tal-Kunsill 2003/85/KE tad-29 ta' Settembru 2003 dwar miżuri tal-Komunità fuq il-kontroll tal-marda tal-ilsien u d-dwiefer li tirrevoka id-Direttiva 85/511/KEE u d-Deċiżjonijiet 89/531/KEE u 91/665/KEE u li temenda d-Direttiva 92/46/KEE (2) hi inkorporata fil-Ftehim.

(5)

L-arranġamenti rigward l-aċċess tan-Norveġja għall-antiġen u l-bank tal-vaċċinazzjoni Komunitarja tal-marda tal-ilsien u d-dwiefer (FMD) għandhom ikunu spejgati fl-Artikolu 83 tad-Direttiva 2003/85/KE.

(6)

Din id-Deċiżjoni m'għandhiex tapplika għall-Iżlanda u l-Liechtenstein,

IDDEĊIDIET KIF ĠEJ:

Artikolu 1

Li ġej għandhu jissosstitwixxi it-test ta' adattament fil-punt 1a (id-Direttiva tal-Kunsill 2003/85/KE) fil-Parti 3.1 tal-Kapitolu I tal-Anness I tal-Ftehim:

“Id-dispożizzjonijiet tad-Direttiva għandhom, għall-finijiet ta' dan il-Ftehim, jinqraw bl-addattamenti li ġejjin:

(a)

L-Artikolu 83 għandu japplika b’dawn l-adattamenti li ġejjin:

(1)

Il-Kummissjoni se żżomm lill-Istati Membri u lin-Norveġja infurmati dwar il-kwantitajiet u l-kwalitajiet tal-istokks tal-antiġen li huma disponibbli fil-bank tal-antiġen Komunitarju fi ħdan il-qafas tal-Kumitat Permanenti dwar il-Katina tal-Ikel u s-Saħħa tal-Annimali.

(2)

Fejn il-miżuri ta' kontroll FMD għandhom jiġu assistiti mill-vaċċinazzjoni tal-emerġenza, l-awtorità kompetenti ċentrali tan-Norveġja tista' tissottometti rikjesta dettaljata għall-formulazzjoni u l-kunsinnja tal-vaċċinazzjoni prodotta mill-istokks tal-antiġen mill-bank tal-antiġen Komunitarju, waqt li tispeċifika t-tip, l-ammont u l-preżentazzjoni tat-tilqim meħtieġ f'ċertu perjodu ta' żmien.

(3)

Il-Kummissjoni, skont il-limiti tar-riżervi Komunitarji tal-antiġens u tat-tilqim u waqt li tikkonsidra s-sitwazzjoni epidemoloġika fil-Komunità u fin-Norveġja, se tirranġa għall-formulazzjoni immedjata jew urġenti tal-antiġen xieraq u tal-produzzjoni, ibbottiljar u kunsinna tal-vaċċinazzjoni, skont it-termini tal-kuntratti eżistenti diġà mal-manifattur tal-antiġeni.

(4)

Fejn ir-rikjesta tan-Norveġja teċċedi l-500 000 doża jew il-50 % tal-istokks ta' antiġen wieħed jew aktar, liema minnhom hu l-aktar, il-kwistjoni tista', fid-dawl tas-sitwazzjoni epidemoloġika, tkun diferita għall-konsultazzjoni mal-Istati Membri tal-KE fil-qafas tal-Kumitat Permanenti dwar il-Katina tal-Ikel u s-Saħħa tal-Annimali.

(5)

In-Norveġja se twiegħed li tħallas l-ispejjeż għall-azzjonijiet li ġejjin:

—

it-trasferiment tal-antiġeni mill-post tal-ħażna għall-istabbiliment tal-manifattur fejn il-formulazzjoni u t-tkomplija tat-tilqim għandhu jsir;

—

il-formulazzjoni u l-produzzjoni tat-tilqim, inklużi kwalunkwe testijiet addizzjonali li jistgħu ikunu meħtieġa jew rikjesti mir-reċipjent;

—

l-ibbottiljar u t-tikkettjar tat-tilqim u t-trasport tagħhom fil-post tat-tqassim indikat fir-rikjesta;

—

is-sostituzzjoni mingħajr dewmien ta' kwalunkwe kwantita' ta' antiġen użata minn antiġens tal-istess speċifikazzjoni (serotip, topotip, Seed Master Strain) u mill-anqas l-istess kwalita' (purifikazzjoni, qawwa eċċ.) u oriġini (manifattur, awtorizzazzjoni ta' bejgħ).

Il-fattura għandha tintbagħat mill-manifattur lill-awtorità Norveġiża kompetenti rispettiva. Din għandha turi fid-dettall l-ispejjeż għal kull oġġett speċifikat aktar 'l fuq. Kopja ta' din il-fatturagħandha tintbgħat lill-Kumissjoni sabiex tiġi verifikata u jiġi assigurat li hemm konformità mat-termini tal-kuntratti eżistenti. Il-Kummissjoni għandha tinforma lin-Norveġja dwar ir-riżultat tal-valutazzjoni tagħha.

(b)

F′Anness XI Parti A l-kelma ‘Norveġja’ għandha tiġi miżjuda mal-lista tal-Istati Membri li jużaw is-servizzi tal-Istitut Veterinarju tad-Danimarka, Dipartiment tal-Viroloġija, Lindholm fid-Danimarka′.”

Artikolu 2

Din id-Deċiżjoni għandha tidħol fis-seħħ fit-8 ta' Novembru 2008, bil-kondizzjoni li n-notifiki kollha taħt l-Artikolu 103(1) tal-Ftehim ikunu saru lill-Kumitat Konġunt taż-ŻEE (*).

Artikolu 3

Din id-Deċiżjoni għandha tkun ippubblikata fis-Sezzjoni ŻEE u fis-Suppliment ŻEE ta’ Il-Ġurnal Uffiċjali tal-Unjoni Ewropea.

Magħmula fi Brussell, 7 ta’ Novembru 2008.

Għall-Kumitat Konġunt taż-ŻEE

Il-President

L-A.S.T. Prinz Nikolaus von LIECHTENSTEIN

(1)  ĠU L 309, 20.11.2008, p. 12.

(2)  ĠU L 306, 22.11.2003, p. 1.

(*)  L-ebda rekwiżit kostituzzjonali m'hu indikat.

Top