“proprjetajiet relatati mal-emissjonijiet ta' CO2 u mal-konsum tal-fjuwil” tfisser proprjetajiet speċifiċi derivati għal komponent, għal unità teknika separata u għal sistema li jiddeterminaw l-impatt tal-parti fuq l-emissjonijiet ta' CO2 u l-konsum tal-fjuwil ta' vettura;

“data tal-input” tfisser informazzjoni dwar il-proprjetajiet relatati mal-emissjonijiet ta' CO2 u tal-konsum tal-fjuwil ta' komponent, ta' unità teknika separata jew ta' sistema li tintuża mill-għodda ta' simulazzjoni għall-fini ta' determinazzjoni tal-emissjonijiet ta' CO2 u tal-konsum tal-fjuwil ta' vettura;

“informazzjoni tal-input” tfisser informazzjoni relatata mal-karatteristiċi ta' vettura li tintuża mill-għodda ta' simulazzjoni għall-finijiet ta' determinazzjoni tal-emissjonijiet ta' CO2 u tal-konsum tal-fjuwil tal-vettura u li mhix parti mid-data tal-input;

“manifattur” tfisser il-persuna jew il-korp li huma responsabbli quddiem l-awtorità tal-approvazzjoni għall-aspetti kollha tal-proċess ta' ċertifikazzjoni u għall-iżgurar tal-konformità tal-proprjetajiet relatati mal-emissjonijiet ta' CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi. Mhuwiex essenzjali li l-persuna jew il-korp ikunu direttament involuti fl-istadji kollha tal-kostruzzjoni tal-komponent, tal-unità teknika separata jew tas-sistema li huma s-suġġett taċ-ċertifikazzjoni.

“manifattur tal-vettura” tfisser korp jew persuna responsabbli għall-ħruġ tal-fajl tar-rekords tal-manifattur u l-fajl tal-informazzjoni tal-klijent skont l-Artikolu 9;

“entità awtorizzata” tfisser awtorità nazzjonali awtorizzata minn Stat Membru biex titlob l-informazzjoni rilevanti mingħand il-manifatturi u l-manifatturi tal-vetturi dwar il-karatteristiċi relatati mal-emissjonijiet ta' CO2 u mal-konsum tal-fjuwil ta' komponent speċifiku, unità teknika separata speċifika jew sistema speċifika u dwar l-emissjonijiet ta' CO2 u l-konsum tal-fjuwil ta' vetturi ġodda rispettivament.

“trażmissjoni” tfisser apparat li tal-inqas jikkonsisti f'żewġ gerijiet li jinqelbu, li jbiddlu t-torque u l-ispid bi proporzjonijiet definiti;

“konvertitur tat-torque” tfisser komponent ta' startjar idrodinamiku jew bħala komponent separat tad-driveline jew tat-trażmissjoni bi fluss tal-potenza serjali jew parallel li jadatta l-veloċità bejn il-magna u r-rota u jipprovdi multiplikazzjoni tat-torque;

“komponent ieħor li jittrasferixxi t-torque” jew “OTTC” tfisser komponent rotanti mqabbad mad-driveline li jipproduċi telf tat-torque dipendenti fuq il-veloċità tar-rotazzjoni tiegħu stess;

“komponent addizzjonali tad-driveline” jew “ADC” tfisser komponent rotanti tad-driveline li jittrasferixxi jew jiddistribwixxi l-enerġija lil komponenti oħra tad-driveline u jipproduċi telf tat-torque dipendenti fuq il-veloċità tar-rotazzjoni tiegħu stess;

“fus” tfisser komponent li jinkludi l-partijiet kollha li jduru tad-driveline li jittrasferixxu t-torque tas-sewqan li jiġi mill-propxaft għar-roti u li jibdel it-torque u l-veloċità bi proporzjon fiss u li jinkludi l-funzjonijiet ta’ ger differenzjali;

“reżistenza tal-arja” tfisser karatteristika tal-konfigurazzjoni ta’ vettura rigward il-forza ajrudinamika li taġixxi fuq il-vettura fid-direzzjoni tal-fluss tal-arja u determinata bħala prodott tal-koeffiċjent ta’ reżistenza u taż-żona trażversali għal kundizzjonijiet ta’ ebda riħ trażversali;

“awżiljarji” tfisser komponenti tal-vettura li jinkludu fann tal-magna, sistema ta’ ggwidar, sistema elettrika, sistema pnewmatika u sistema tat-Tisħin, tal-Ventilazzjoni u tal-Arja Kundizzjonata (HVAC) li l-proprjetajiet tal-emissjonijiet tas-CO2 u tal-konsum tal-fjuwil tagħha ġew iddefiniti fl-Anness IX;

“familja tal-komponenti”, “familja tal-unitajiet tekniċi separati” jew “familja tas-sistemi” tfisser ir-raggruppament mill-manifattur tal-komponenti, tal-unitajiet tekniċi separati jew tas-sistemi, rispettivament, li minħabba d-disinn tagħhom għandhom proprjetajiet relatati mal-emissjonijiet ta' CO2 u mal-konsum tal-fjuwil li huma simili;

“komponent referenzjarju”“unità teknika separata referenzjarja” jew “sistema referenzjarja” tfisser komponent, unità teknika separata jew sistema, rispettivament, magħżula minn familja tal-komponenti, tal-unitajiet tekniċi separati jew tas-sistemi, rispettivament, b'tali mod li l-proprjetajiet tagħhom relatati mal-emissjonijiet ta' CO2 u mal-konsum tal-fjuwil se jkunu l-agħar xenarju għal dik il-familja tal-komponenti, il-familja tal-unitajiet tekniċi separati jew il-familja tas-sistemi;

“vettura tqila b’emissjonijiet żero” (Ze-HDV) tfisser “vettura tqila mingħajr emissjonijiet” kif definita fil-punt (11) tal-Artikolu 3 tar-Regolament (UE) 2019/1242 tal-Parlament Ewropew u tal-Kunsill;

“vettura vokazzjonali” tfisser vettura tqila li ma tkunx maħsuba għat-trasport tal-merkanzija u li għaliha tintuża waħda minn dawn iċ-ċifri sabiex tissupplimenta l-kodiċijiet tal-karozzerija, kif elenkati fl-Appendiċi 2 tal-Anness I tar-Regolament (UE) 2018/858: 09, 10, 15, 16, 18, 19, 20, 23, 24, 25, 26, 27, 28, 31; jew tratturi b'veloċità massimu sa 79 km/h;

“trakk riġidu” tfisser “trakk” kif definit fil-punt 4.1 tal-Parti C tal-Anness I tar-Regolament (UE) 2018/858, ħlief għat-trakkijiet iddisinjati jew mibnijin għall-irmonk ta’ semitrejler;

“trattur” tfisser “unità ta’ trakter għal semitrejler” kif definita fil-punt 4.3 tal-Parti C tal-Anness I tar-Regolament (UE) 2018/858;

“kabina tal-irqad” tfisser tip ta' kabina li għandha kompartiment wara s-sit tax-xufier maħsuba biex tintuża għall-irqad;

“vettura tqila elettrika ibrida” (He-HDV) tfisser vettura tqila ibrida, li għall-fini tal-propulsjoni mekkanika, tieħu l-enerġija miż-żewġ sorsi li ġejjin ta’ enerġija jew qawwa maħżuna fil-vettura ta’: (i) fjuwil konsumabbli, u (ii) apparat għall-ħżin tal-enerġija elettrika;

“vettura li tuża żewġ tipi ta' fjuwil” hija kif definit fl-Artikolu 2(48) tar-Regolament (UE) Nru 582/2011;

“vettura primarja” tfisser karozzi tal-linja tqila f’kundizzjoni ta’ assemblaġġ virtwali determinat għal skopijiet ta’ simulazzjoni, li għalih tintuża d-data tal-input u l-informazzjoni tal-input kif stabbilit fl-Anness III;

“fajl tar-rekords tal-manifattur” tfisser fajl prodott mill-għodda ta’ simulazzjoni li jkun fih informazzjoni relatata mal-manifattur, dokumentazzjoni tad-data tal-input u tal-informazzjoni tal-input għall-għodda ta’ simulazzjoni u r-riżultati għall-emissjonijiet tas-CO2 u għall-konsum tal-fjuwil;

“fajl ta’ informazzjoni għall-klijent” tfisser fajl prodott mill-għodda ta’ simulazzjoni li jkun fih sett definit ta’ informazzjoni relatata mal-vettura u r-riżultati għall-emissjonijiet tas-CO2 u tal-konsum tal-fjuwil kif definiti fil-Parti II tal-Anness IV;

“fajl ta’ informazzjoni dwar il-vettura” (VIF) tfisser fajl prodott mill-għodda ta’ simulazzjoni għall-karozzi tal-linja tqal sabiex tiġi ttrasferita d-data tal-input rilevanti, l-informazzjoni tal-input u r-riżultati tas-simulazzjoni għall-istadji tal-manifattura sussegwenti skont il-metodu deskritt fil-punt (2) tal-Anness I;

“trakk medju” tfisser vettura tal-kategorija N2, kif definita fil-punt (b)(ii) tal-Artikolu 4(1) tar-Regolament (UE) 2018/858, b’massa massima mgħobbija teknikament permissibbli li taqbeż il-5 000  kg u li ma taqbiżx is-7 400  kg;

“trakk tqil” tfisser vettura tal-kategorija N2, kif definita fil-punt (b)(ii) tal-Artikolu 4(1) tar-Regolament (UE) 2018/858, b’massa massima mgħobbija teknikament permissibbli li taqbeż is-7 400  kg u vettura tal-kategorija N3, kif definita fil-punt (b)(iii) tal-Artikolu 4(1) ta’ dak ir-Regolament;

“karozza tal-linja tqila” tfisser vettura tal-kategorija M3, kif definita fil-punt (a)(iii) tal-Artikolu 4(1) tar-Regolament (UE) 2018/858, b’massa massima mgħobbija teknikament permissibbli ta’ aktar minn 7 500  kg;

“manifattur tal-vettura primarja” tfisser manifattur responsabbli għall-vettura primarja;

“vettura interim” tfisser kwalunkwe tlestija ulterjuri ta’ vettura primarja meta jiżdied u/jew jiġi mmodifikat subsett ta’ data tal-input u ta’ informazzjoni tal-input kif definit għall-vettura kompluta jew ikkompletata f’konformità mat-Tabella 1 u mat-Tabella 3a tal-Anness III;

“manifattur interim” tfisser manifattur responsabbli għal vettura interim;

“vettura mhux kompluta” tfisser “vettura mhux kompleta” kif definita fil-punt (25) tal-Artikolu 3 tar-Regolament (UE) 2018/858;

“vettura ikkompletata” tfisser “vettura kompluta” kif definita fil-punt (26) tal-Artikolu 3 tar-Regolament (UE) 2018/858;

“vettura kompluta” tfisser “vettura kompleta” kif definita fil-punt (27) tal-Artikolu 3 tar-Regolament (UE) 2018/858;

“valur standard” hija d-data tal-input għall-għodda ta’ simulazzjoni għal komponent fejn iċ-ċertifikazzjoni tad-data tal-input hija applikabbli, iżda l-komponent ma jkunx ġie ttestjat sabiex jiġi ddeterminat valur speċifiku u li jirrifletti l-prestazzjoni tal-agħar xenarju ta’ komponent;

“valur ġeneriku” hija d-data użata fl-għodda ta’ simulazzjoni għall-komponenti jew għall-parametri tal-vettura fejn ma jkun previst l-ebda ttestjar tal-komponenti jew dikjarazzjoni ta’ valuri speċifiċi u li tirrifletti l-prestazzjoni tat-teknoloġija medja tal-komponent jew l-ispeċifikazzjonijiet tipiċi tal-vettura;

“vann” tfisser “vann” kif definit fil-punt 4.2 tal-Parti C tal-Anness I tar-Regolament (UE) 2018/858;

“każ ta’ applikazzjoni” tfisser ix-xenarji differenti li għandhom jiġu segwiti fil-każ ta’ trakk medju, ta’ trakk tqil, ta’ karozza tal-linja tqila li hija vettura primarja, ta’ karozza tal-linja tqila li hija vettura interim, ta’ karozza tal-linja tqila li hija vettura kompluta jew ta’ vettura kkompletata li għaliha jkunu applikabbli dispożizzjonijiet u funzjonijiet differenti tal-manifattur fl-għodda ta’ simulazzjoni;

“trakk bażi” tfisser trakk medju jew trakk tqil mgħammar mill-anqas:

Fl-Artikolu 3(1), jiżdied is-subparagrafu li ġej:

“Sabiex jirċievi approvazzjoni tat-tip tal-UE ta' vettura b'sistema approvata ta' magna fir-rigward tal-emissjonijiet u tal-informazzjoni dwar it-tiswija u l-manutenzjoni tal-vetturi, jew approvazzjoni tat-tip tal-UE ta' vettura fir-rigward tal-emissjonijiet u tal-informazzjoni dwar it-tiswija u l-manutenzjoni tal-vetturi, il-manifattur għandu juri wkoll li huma ssodisfati r-rekwiżiti stabbiliti fl-Artikolu 6 u fl-Anness II għar-Regolament tal-Kummissjoni (UE) 2017/2400 ( 2 ) fir-rigward tal-grupp ikkonċernat ta' vetturi. Madankollu, dak ir-rekwiżit m'għandux japplika meta l-manifattur jindika li l-vetturi l-ġodda tat-tip li għandu jiġi approvat mhux se jiġu rreġistrati, jinbiegħu jew jitqiegħdu fis-servizz fl-Unjoni fid-dati jew wara d-dati stabbiliti fil-punti (a), (b) u (c) tal-paragrafu 1 tal-Artikolu 24 tar-Regolament (UE) 2017/2400 għall-grupp rispettiv ta' vetturi.

L-Artikolu 8 hu emendat kif ġej:

L-Artikolu 10 hu emendat kif ġej:

Numru ta’ fusien;

Il-kodiċi tal-vetturi kif stabbilit fil-punt 3 tal-parti C tal-Anness I tar-Regolament (UE) 2018/858;

Il-klassi tal-vettura f’konformità mal-paragrafu 2 tar-Regolament Nru 107 tan-NU ( 3 );

Vettura b’entrata baxxa (informazzjoni “iva/le” dderivata mill-kodiċi tal-vetturi u mit-tip ta’ fus) li għandha tiġi ddeterminata skont il-fluss tad-deċiżjoni muri fl-Illustrazzjoni 1;

In-numru ta’ passiġġieri fis-sular ta’ isfel miċ-Ċertifikat ta’ Konformità kif stabbilit fl-Anness VIII tar-Regolament ta’ Implimentazzjoni tal-Kummissjoni (UE) 2020/683 ( 4 ) jew f’dokumenti ekwivalenti fil-każ ta’ approvazzjoni ta’ vettura individwali;

L-għoli tal-karozzerija integrata li għandu jiġi ddeterminat f’konformità mal-Anness VIII.

għall-vettura primarja;

għall-vettura kompluta jew għall-vettura kkompletata.

Stadju 1 - Għażla tas-sottogrupp primarju tal-vettura li jaqbel mal-karozzerija tal-vettura kompluta jew ikkompletata (eż. “P34 DD” għal “34f”) u li jsiru disponibbli r-riżultati korrispondenti għall-konsum tal-enerġija mis-simulazzjoni tal-vettura primarja.

Stadju 2 - It-twettiq ta’ simulazzjonijiet sabiex tiġi kkwantifikata l-influwenza tal-karozzerija u tal-awżiljarji tal-vettura kompluta jew tal-vettura kkompletata meta mqabblin mal-karozzerija u mal-awżiljarji ġeneriċi, kif ikkunsidrati fis-simulazzjonijiet għall-vettura primarja fir-rigward tal-konsum tal-enerġija. F’dawn is-simulazzjonijiet, tintuża data ġenerika għas-sett ta’ data primarja dwar il-vetturi, li ma hijiex parti mit-trasferiment tal-informazzjoni bejn stadji differenti tal-manifattura kif ipprovduti mill-VIF ( 10 ).

Stadju 3 - Il-kombinazzjoni tar-riżultati tal-konsum tal-enerġija mis-simulazzjoni tal-vettura primarja kif magħmula disponibbli mill-istadju 1 mar-riżultati mill-istadju 2 tipprovdi r-riżultati tal-konsum tal-enerġija tal-vettura kompluta jew ikkompletata. Id-dettalji ta’ dan l-istadju ta’ kalkolu huma ddokumentati fil-manwal tal-utent tal-għodda ta’ simulazzjoni.

Stadju 4 - Ir-riżultati għall-emissjonijiet ta’ CO2 u għall-konsum tal-fjuwil tal-vettura jiġu kkalkolati fuq il-bażi tar-riżultati tal-istadju 3 u tal-ispeċifikazzjonijiet ġeneriċi tal-fjuwil kif maħżunin fl-għodda ta’ simulazzjoni. L-Istadji 2, 3 u 4 jitwettqu separatament għal kull kombinazzjoni ta’ profil tal-missjoni kif elenkata fit-Tabelli 4, 5 u 6 għall-gruppi tal-vetturi f’kundizzjoni ta’ tagħbija kemm baxxa kif ukoll rappreżentattiva.

Għal vettura kompluta jew għal vettura kkompletata, l-għodda ta’ simulazzjoni tipproduċi fajl tar-rekords tal-manifattur, fajl ta’ informazzjoni għall-klijent kif ukoll VIFi. Il-VIFi għandu jkun disponibbli għall-manifattur sussegwenti fil-każ li l-vettura tgħaddi minn stadju biex tiġi kkompletata.

L-Illustrazzjoni 2 turi l-fluss tad-data fuq il-bażi tal-eżempju ta’ vettura prodotta f’ħames stadji tal-manifattura relatati mas-CO2.

Illustrazzjoni 2
Eżempju ta’ fluss tad-data fil-każ ta’ karozza tal-linja tqila manifatturata f’ħames stadji

Sistema ta' ġestjoni tad-data li tkopri l-kisba minn sors, il-ħżin, l-immaniġġjar u s-sejbien tal-informazzjoni tal-input u tad-data tal-input għall-għodda ta' simulazzjoni kif ukoll l-immaniġġjar taċ-ċertifikati dwar il-proprjetajiet relatati mal-emissjonijiet ta' CO2 u mal-konsum tal-fjuwil tal-familji tal-komponenti, tal-familji tal-unitajiet tekniċi separati u tal-familji tas-sistemi. Is-sistema ta' ġestjoni tad-data għandha tal-inqas:

▼M3

▼B

Sistema ta' ġestjoni tad-data li tkopri s-sejbien tal-informazzjoni tal-input u tad-data tal-input u tal-kalkoli permezz tal-għodda ta' simulazzjoni u l-ħżin tad-data tal-output. Is-sistema ta' ġestjoni tad-data għandha tal-inqas:

Proċess għall-konsultazzjoni tal-pjattaforma ta' distribuzzjoni elettronika ddedikata msemmija fl-Artikolu 5(2) u fl-Artikolu 10(1) u (2), kif ukoll għat-tniżżil u għall-installazzjoni tal-aħħar verżjonijiet tal-għodda ta' simulazzjoni.

Taħriġ xieraq tal-persunal li jaħdem bl-għodda ta' simulazzjoni.

il-funzjonament tal-proċessi previsti fil-punti 1.1.1., 1.1.2 u 1.1.3 u l-applikazzjoni tar-rekwiżit previst fil-punt 1.1.4.;

li l-proċessi użati matul id-dimostrazzjoni jkunu applikati bl-istess mod fil-faċilitajiet tal-produzzjoni kollha li jimmanifatturaw vetturi li jappartjenu għall-każ ta’ applikazzjoni kkonċernat;

il-kompletezza tad-deskrizzjoni tal-flussi tad-data u tal-proċessi tal-operazzjonijiet relatati mad-determinazzjoni tal-emissjonijiet ta' CO2 u tal-konsum tal-fjuwil tal-vetturi.

“ID tal-parametru”: Identifikatur uniku kif użat fl-għodda ta’ simulazzjoni għal parametru speċifiku tal-input jew għal sett ta’ data tal-input.

“tip”: Tip ta’ data tal-parametru

“unità” … unità fiżika tal-parametru.

“massa attwali kkoreġuta tal-vettura” tfisser il-massa kif speċifikata taħt il-“massa attwali tal-vettura” f’konformità mar-Regolament tal-Kummissjoni (UE) Nru 1230/2012 (*) b’eċċezzjoni għat-tank(ijiet) li għandu/għandhom jimtela/jimtlew sa tal-anqas 50 % tal-kapaċità tiegħu/tagħhom. Is-sistemi li fihom il-likwidu jimtlew sa 100 % tal-kapaċità speċifikata mill-manifattur, ħlief is-sistemi li fihom il-likwidu għall-ilma mormi li jridu jibqgħu vojta.

Għal trakkijiet riġidi medji, għal trakkijiet riġidi tqal u għal tratturi, il-massa tiġi ddeterminata mingħajr sovrastruttura u tiġi kkoreġuta bil-piż addizzjonali tat-tagħmir standard mhux installat kif speċifikat fil-punt 4.3. Il-massa ta’ karozzerija standard, ta’ semitrejler standard jew ta’ trejler standard sabiex tiġi ssimulata l-vettura kompluta jew il-kombinazzjoni ta’ vettura kompluta-(semi)trejler tiżdied awtomatikament mill-għodda ta’ simulazzjoni. Il-partijiet kollha li huma mmuntati fuq u fil-qafas ewlieni huma meqjusa bħala partijiet tas-superstruttura jekk jiġu installati biss għall-iffaċilitar ta’ superstruttura, indipendentement mill-partijiet neċessarji għall-kundizzjonijiet ta’ sewqan.

Għall-karozzi tal-linja tqal li huma vetturi primarji, “massa attwali kkoreġuta tal-vettura” ma hijiex applikabbli peress li l-valur tal-massa ġenerika jiġi allokat mill-għodda ta’ simulazzjoni.

“għoli tal-karozzerija integrata” tfisser id-differenza fid-direzzjoni “Z” bejn il-punt ta’ referenza “A” tal-ogħla punt u l-punt l-aktar baxx “b” ta’ karozzerija integrata (ara l-Illustrazzjoni 1). Għal vetturi li jiddevjaw mill-każ standard, japplikaw il-każijiet li ġejjin (ara l-Illustrazzjoni 2):

Għall-każijiet l-oħrajn kollha mhux koperti mill-każijiet standard jew speċjali 1 sa 4, l-għoli tal-karozzerija integrata huwa d-differenza bejn l-ogħla punt tal-vettura u l-punt B. Dan il-parametru huwa rilevanti biss għal karozzi tal-linja tqal.

Illustrazzjoni 1
Għoli tal-karozzerija integrata – każ standard
Illustrazzjoni 2
Għoli tal-karozzerija integrata – każ speċjali

il-punt ta’ referenza “A” jfisser l-ogħla punt fuq il-karozzerija (Illustrazzjoni 1). Il-karozzerija u/jew il-pannelli tad-disinn, il-brekits għall-immuntar eż. sistemi tal-HVAC, fetħiet u oġġetti simili ma għandhomx jitqiesu.

il-punt ta’ referenza “B” ifisser l-aktar punt baxx fit-tarf ta’ barra ta’ isfel tal-karozzerija (Illustrazzjoni 1). Il-brekits, eż. għall-immuntar tal-fus, ma għandhomx jitqiesu.

“tul tal-vettura” tfisser id-dimensjoni tal-vettura f’konformità mat-Tabella I tal-Appendiċi 1 tal-Anness I tar-Regolament (UE) 1230/2012. Barra minn hekk, ma għandhomx jitqiesu l-apparati li jġorru tagħbija li jistgħu jitneħħew, akkoppjamenti li ma jistgħux jitneħħew u kwalunkwe parti esterna oħra li ma tistax titneħħa li ma jaffettwawx l-ispazju li jista’ jintuża għall-passiġġieri. Dan il-parametru huwa rilevanti biss għal karozzi tal-linja tqal.

“wisa’ tal-vettura” tfisser id-dimensjoni tal-vettura f’konformità mat-Tabella II tal-Appendiċi 1 tal-Anness I tar-Regolament (UE) 1230/2012. L-apparati li jġorru tagħbija li jistgħu jitneħħew, akkoppjamenti li ma jistgħux jitneħħew u kwalunkwe parti esterna oħra li ma tistax titneħħa li ma taffettwax l-ispazju li jista’ jintuża għall-passiġġieri huma devjazzjoni minn dawn id-dispożizzjonijiet u ma għandhomx jitqiesu.

“għoli tad-daħla f’pożizzjoni mhux baxxuta” tfisser il-livell tal-art fl-ewwel apertura tal-bieba ’l fuq mill-art, imkejjel fil-bieba l-aktar ’il quddiem tal-vettura meta l-vettura tkun f’pożizzjoni mhux baxxuta.

“ċellola tal-fjuwil” tfisser konvertitur tal-enerġija li jittrasforma l-enerġija kimika (input) f’enerġija elettrika (output) jew viċi versa.

“vettura b’ċellola tal-fjuwil” jew “FCV” tfisser vettura mgħammra b’sistema tal-motopropulsjoni li fiha esklussivament ċellola/i tal-fjuwil u magna/i elettrika/elettriċi bħala konvertitur(i) tal-enerġija tal-propulsjoni.

“vettura ibrida b’ċellola tal-fjuwil” jew “FCHV” tfisser vettura b’ċellola tal-fjuwil mgħammra b’sistema tal-motopropulsjoni li fiha tal-anqas sistema ta’ ħżin tal-fjuwil waħda u tal-anqas sistema rikarikabbli ta’ ħżin tal-enerġija elettrika waħda bħala sistemi ta’ ħżin tal-enerġija tal-propulsjoni.

“vettura ICE pura” tfisser vettura li fiha l-konvertituri kollha tal-enerġija tal-propulsjoni jkunu magni b’kombustjoni interna.

“magna elettrika” jew “EM” tfisser konvertitur tal-enerġija li jaqleb bejn enerġija elettrika u mekkanika.

“sistema ta’ ħżin tal-enerġija” tfisser sistema li taħżen l-enerġija u li tirrilaxxaha fl-istess forma li ddaħħlet.

“sistema ta’ ħżin tal-enerġija tal-propulsjoni” tfisser sistema ta’ ħżin tal-enerġija tas-sistema tal-motopropulsjoni li ma hijiex apparat periferali li l-enerġija tal-ħruġ tagħha tintuża b’mod dirett jew indirett għall-finijiet ta’ propulsjoni tal-vettura.

“kategorija tas-sistema ta’ ħżin tal-enerġija tal-propulsjoni” tfisser sistema ta’ ħżin tal-fjuwil, sistema rikarikabbli ta’ ħżin tal-enerġija elettrika (REESS), jew sistema rikarikabbli ta’ ħżin tal-enerġija mekkanika.

“downstream” tfisser pożizzjoni fis-sistema tal-motopropulsjoni tal-vettura li hija eqreb tar-roti mill-pożizzjoni ta’ referenza attwali.

“sistema tal-mototrażmissjoni” tfisser l-elementi konnessi tas-sistema tal-motopropulsjoni għat-trażmissjoni tal-enerġija mekkanika bejn il-konvertitur(i) tal-enerġija tal-propulsjoni u r-roti.

“konvertitur tal-enerġija” tfisser sistema li fiha l-forma ta’ output tal-enerġija tkun differenti mill-forma ta’ input tal-enerġija.

“konvertitur tal-enerġija tal-propulsjoni” tfisser konvertitur tal-enerġija tas-sistema tal-motopropulsjoni li ma hijiex apparat periferali li l-enerġija tal-ħruġ tiegħu tintuża b’mod dirett jew indirett għall-finijiet ta’ propulsjoni tal-vettura.

“kategorija tal-konvertitur tal-enerġija tal-propulsjoni” tfisser magna tal-kombustjoni interna, magna elettrika, jew ċellola tal-fjuwil.

“forma tal-enerġija” tfisser enerġija elettrika, enerġija mekkanika, jew enerġija kimika (inklużi l-fjuwils).

“sistema ta’ ħżin tal-fjuwil” tfisser sistema ta’ ħżin tal-enerġija tal-propulsjoni li taħżen enerġija kimika bħala fjuwil likwidu jew gassuż.

“vettura ibrida”’ jew “HV” tfisser vettura mgħammra b’sistema tal-motopropulsjoni li fiha tal-anqas żewġ kategoriji differenti ta’ konvertituri tal-enerġija tal-propulsjoni u tal-anqas żewġ kategoriji differenti ta’ sistemi ta’ ħżin tal-enerġija tal-propulsjoni.

“vettura elettrika ibrida”’ jew “HEV” tfisser vettura ibrida li fiha wieħed mill-konvertituri tal-enerġija tal-propulsjoni jkun magna elettrika u l-ieħor ikun magna ta’ kombustjoni interna.

“HEV serjali” tfisser HEV b’arkitettura tas-sistema tal-motopropulsjoni li fiha l-ICE tenerġizza passaġġ wieħed jew aktar ta’ konverżjoni tal-enerġija elettrika mingħajr ebda konnessjoni mekkanika bejn l-ICE u r-roti tal-vettura.

“magna tal-kombustjoni interna” jew “ICE” tfisser konvertitur tal-enerġija b’ossidazzjoni intermittenti jew kontinwa ta’ fjuwil kombustibbli li jittrasforma l-enerġija kimika għal enerġija mekkanika.

“vettura elettrika ibrida b’iċċarġjar mhux fuq il-vettura” jew “OVC-HEV” tfisser vettura elettrika ibrida li tista’ tiġi ċċarġjata minn sors estern.

“HEV parallela” tfisser HEV b’arkitettura tas-sistema tal-motopropulsjoni li fiha l-ICE tenerġizza biss passaġġ wieħed konness mekkanikament bejn il-magna u r-roti tal-vettura.

“apparati periferali” tfisser kwalunkwe apparat li jikkonsma, jikkonverti, jaħżen jew iforni l-enerġija, meta l-enerġija ma tintużax b’mod dirett jew indirett għall-finijiet tal-propulsjoni tal-vettura iżda li jkun essenzjali għat-tħaddim tas-sistema tal-motopropulsjoni.

“sistema tal-motopropulsjoni” tfisser it-taħlita totali f’vettura ta’ sistema/i ta’ ħżin tal-enerġija tal-propulsjoni, ta’ konvertitur(i) tal-enerġija tal-propulsjoni u tas-sistema/i tal-mototrażmissjoni li jipprovdu l-enerġija mekkanika fir-roti għall-finijiet ta’ propulsjoni tal-vettura, flimkien ma’ apparati periferali.

“vettura purament elettrika” jew “PEV” tfisser vettura bil-mutur skont l-artikolu 3(16) tar-Regolament (UE) 2018/858, mgħammra b’sistema tal-motopropulsjoni li fiha esklussivament magni elettriċi bħala konvertituri tal-enerġija tal-propulsjoni u b’sistemi ta’ ħżin tal-enerġija elettrika rikarikabbli esklussivament bħala sistemi ta’ ħżin tal-enerġija tal-propulsjoni u/jew inkella kwalunkwe mezz ieħor għall-provvista konduttiva jew induttiva diretta tal-enerġija elettrika min-network tal-enerġija li jipprovdi l-enerġija tal-propulsjoni lill-vettura bil-mutur.

“upstream” tfisser pożizzjoni fis-sistema tal-motopropulsjoni tal-vettura li hija aktar imbiegħda mir-roti mill-pożizzjoni ta’ referenza attwali.

“IEPC” tfisser komponent integrat tas-sistema tal-motopropulsjoni elettrika f’konformità mal-punt 2(36) tal-Anness Xb.

“IHPC Type 1” tfisser komponent integrat tas-sistema tal-motopropulsjoni ta’ vettura elettrika ibrida tat-Tip 1 f’konformità mal-punt 2(38) tal-Anness Xb.