(a) il-kontinwità tal-ajrunavigabbiltà tal-inġenju tal-ajru, inkluż kull komponent li jiġi installat fuq l-inġenju, li huwa:

(i) irreġistrat fi Stat Membru, sakemm is-sorveljanza tas-sikurezza regolatorja tiegħu tkun ġiet iddelegata lil pajjiż terz u ma jintużax minn operatur ieħor tal-UE; jew

(ii) irreġistrat f'pajjiż terz u użat minn operatur tal-UE, fejn is-sorveljanza tas-sikurezza regolatorja ma tkunx ġiet iddelegata lil Stat Membru;

(b) il-konformità mar-rekwiżiti essenzjali stipulati fir-Regolament (KE) Nru 216/2008 għall-kontinwità tal-ajrunavigabbiltà ta' inġenji tal-ajru reġistrati f'pajjiż terz u ta' komponenti li jiġu installati fuqhom, li s-sorveljanza tas-sikurezza regolatorja tagħhom ma tkunx ġiet iddelegata lil Stat Membru, li jinkrew mingħajr ekwipaġġ minn trasportatur tal-ajru li ngħata liċenzja skont ir-Regolament (KE) Nru 1008/2008 tal-Parlament Ewropew u tal-Kunsill ( 1 ).

(a) “inġenju tal-ajru” tfisser kull makkinarju li jista' jikseb sostenn fl-atmosfera mir-reazzjonijiet tal-arja ħlief reazzjonijiet tal-arja kontra il-wiċċ tal-art;

(b) “persunal li jiċċertifika” tfisser persunal responsabbli għar-rilaxx ta' inġenju tal-ajru jew ta' komponent wara l-manutenzjoni;

(c) “komponent” tfisser kull magna, skrejjen, parti jew tagħmir;

(d) “kontinwità tal-ajrunavigabbiltà” tfisser il-proċessi kollha li jiżguraw li, f'kull ħin tal-ħajja operattiva tiegħu, inġenju tal-ajru josserva r-rekwiżiti dwar l-ajrunavigabbiltà li jkunu fis-seħħ u jkun f'kondizzjoni ta' operazzjoni mingħajr periklu;

(e) “JAA” tfisser “l-Awtoritajiet Konġunti dwar l-Avjazzjoni”;

(f) “JAR” tfisser “ir-Rekwiżiti Konġunti dwar l-Avjazzjoni”;

(g) “operazzjoni tat-trasport kummerċjali bl-ajru (CAT)” tfisser operazzjoni li ssir b'inġenju tal-ajru sabiex jiġu ttrasportati l-passiġġieri, il-merkanzija jew il-posta bi ħlas jew kumpens ieħor ta' valur;

(h) “manutenzjoni” tfisser waħda minn dawn li ġejjin jew kombinament tagħhom: l-eżami bir-reqqa, it-tiswija, l-ispezzjoni, is-sostituzzjoni, l-modifika jew ir-rettifika ta' difett ta' inġenju tal-ajru jew komponent, ħlief l-ispezzjoni ta' qabel titjira;

(i) “organizzazzjoni” tfisser persuna fiżika, persuna legali jew parti minn persuna legali. Organizzazzjoni bħal din tista' tkun stabbilita f'aktar minn sit wieħed kemm jekk dan ikun jew ma jkunx fit-territorju tal-Istati Membri;

(j) “spezzjoni ta' qabel titjira” tfisser l-ispezzjoni li ssir qabel it-titjira biex tiżgura li l-inġenju tal-ajru hu kapaċi jagħmel it-titjira maħsuba;

(k) “inġenju tal-ajru ELA1” ifisser l-Inġenji tal-Ajru Ħfief Ewropej bl-ekwipaġġ li ġejjin:

(i) ajruplan bil-mutur b'Massa Massima għat-Tluq (Maximum Take-off Mass — MTOM) ta' 1 200 kg jew inqas li mhuwiex ikklassifikat bħala inġenju tal-ajru kumpless li jaħdem b'mutur;

(ii) glider jew glider bil-mutur b'MTOM ta' 1 200 kg jew anqas;

(iii) ballun b'volum massimu ta' disinn ta' gass għall-irfigħ jew ta' arja sħuna ta' mhux aktar minn 3 400 m3 għal blalen tal-arja sħuna, 1 050 m3 għal blalen tal-gass, 300 m3 għal blalen tal-gass marbutin;

(iv) ġifen tal-ajru maħsub għal mhux aktar minn erba' persuni u b'volum massimu ta' disinn ta' gass għall-irfigħ jew ta' arja sħuna ta' mhux aktar minn 3 400 m3 għal ġifen tal-arja sħuna u 1 000 m3 għal ġifen tal-gass.

(ka) “inġenji tal-ajru tat-tip ELA2” tfisser l-inġenji tal-ajru “European Light Aircraft” bl-ekwipaġġi:

(i) ajruplan b'Massa Massima ta' Tluq (take-off) (MTOM) ta' 2 000 kg jew inqas li mhuwiex ikklassifikat bħala inġenju tal-ajru kumpless li jaħdem bil-magni;

(ii) glajder jew glajder bil-mutur b'MTOM ta' 2 000 kg jew inqas;

(iii) ballun tal-arja;

(iv) ġifen tal-ajru li jaħdem b'arja sħuna;

(v) ġifen tal-ajru li jaħdem bil-gass li jikkonforma mal-karatteristiċi kollha li ġejjin:

— toqol statiku massimu ta' 3 %,

— forza propulsiva mhix diriġuta (għajr fid-direzzjoni opposta),

— disinn konvenzjonali u sempliċi tal-istruttura, tas-sistema ta' kontroll u tas-sistema “ballonet”, u

— kontrolli li ma jaħdmux bil-qawwa;

(vi) Inġenju tal-ajru li jaħdem bir-rotors (Very Light Rotorcraft);

(l) “Inġenju tal-ajru LSA” (jiġifieri “Ajruplan Ħafif tal-Isports”) li għandu dawn il-karatteristiċi kollha:

(i) Massa tat-Tluq Massima (MTOM) ta' mhux aktar minn 600 kg;

(ii) veloċità massima tat-twaqqif tal-magna fil-konfigurazzjoni tal-inżul (VS0) ta' mhux aktar minn 45 knot fil-Veloċità fl-Ajru Kalibrata (CAS) għall-massa tat-tluq massima ċċertifikata u għaċ-ċentru tal-gravità l-aktar kruċjali tal-inġenju tal-ajru;

(iii) kapaċità massima ta' postijiet għal mhux aktar minn żewġ persuni, inkluż il-pilota;

(iv) magna waħda, mingħajr turbina, mgħammra bi skrun;

(v) kabina mhux taħt pressjoni.

(m) “post ewlieni tan-negozju” tfisser is-sede ewlenija jew l-uffiċju rreġistrat tal-impriża li fih jitwettqu l-funzjonijiet finanzjarji ewlenin u l-kontroll operattiv tal-attivitajiet imsemmija f'dan ir-Regolament;

(n) “kompitu ta' manutenzjoni kritika” tfisser kompitu ta' manutenzjoni li jinvolvi l-assemblaġġ jew kull disturb ta' sistema jew ta' xi parti fuq inġenju tal-ajru, magna jew skrun li, jekk iseħħ żball waqt l-esekuzzjoni tiegħu, jista' jipperikola b'mod dirett is-sikurezza tat-titjira;

(o) “operazzjonijiet kummerċjali speċjalizzati” tfisser dawk l-operazzjonijiet suġġetti għar-rekwiżiti tal-Parti-ORO, is-Subparti-SPO stabbilita fl-Anness III tar-Regolament tal-Kummissjoni (UE) Nru 965/2012 ( 2 );

(p) “operazzjonijiet limitati” tfisser l-operazzjonijiet tal-inġenji tal-ajru ħlief inġenji tal-ajru kumplessi li jaħdmu bil-magni għal:

(i) titjiriet bl-ispejjeż maqsumin minn individwi privati, bil-kundizzjoni li l-ispiża diretta tinqasam bejn l-okkupanti kollha tal-inġenju tal-ajru, inkluż il-bdot u li n-numru ta' persuni li qed jaqsmu l-ispejjeż diretti huwa limitat għal sitta;

(ii) titjiriet ta' kompetizzjoni jew wirjiet tat-titjir, bil-kundizzjoni li r-remunerazzjoni jew kwalunkwe kumpens ta' valur mogħtija għat-tali titjiriet ikun limitat għall-irkupru tal-ispejjeż diretti u kontribuzzjoni proporzjonata għall-ispejjeż annwali, kif ukoll premji ta' mhux iktar minn valur speċifikat mill-awtorità kompetenti.

(iii) titjiriet introduttorji, qbiż bil-paraxut, irmunkar ta' glajders jew titjiriet ajrubatiċi mwettqa jew minn organizzazzjoni tat-taħriġ bis-sede prinċipali tagħha fi Stat Membru u approvata skont ir-Regolament (UE) Nru 1178/2011 ( 3 ), jew minn organizzazzjoni maħluqa bil-għan li tippromwovi sport tal-ajru jew avjazzjoni ta' divertiment, bil-kundizzjoni li l-inġenju tal-ajru jkun operat mill-organizzazzjoni fuq il-bażi ta' sjieda jew kiri mingħajr ekwipaġġ, li t-titjira ma tiġġenerax profitti mqassmin barra l-organizzazzjoni, u li kull meta jkunu involuti persuni li mhumiex membri tal-organizzazzjoni, it-tali titjiriet jirrappreżentaw biss attività marġinali tal-organizzazzjoni;

(q) “titjira introduttorja” tfisser “titjira introduttorja” kif definit fl-Artikolu 2(9) tar-Regolament (UE) Nru 965/2012;

(r) “titjira ta' kompetizzjoni” tfisser “titjira ta' kompetizzjoni” kif definit fl-Artikolu 2(10) tar- Regolament (UE) Nru 965/2012;

(s) “wirja tat-titjir” tfisser “wirja tat-titjir” kif definit fl-Artikolu 2(11) tar-Regolament (UE) Nru 965/2012.

(a) imexxu korsijiet rikonoxxuti ta' taħriġ bażiku; u/jew

(b) imexxu taħriġ ta' tip rikonoxxut; u

(c) jagħmlu eżamijiet; u

(d) joħorġu ċertifikati ta' taħriġ.

(a) għall-manutenzjoni ta' ajruplani mingħajr pressa b'magna bil-pistuni ta' 2 000 kg MTOM jew inqas mhux involuti fit-trasport kummerċjali bl-ajru

— punti M.A.606(g) u M.A.801(b)2 tal-Anness I (Parti-M),

— punti 145.A.30(g) u (h) tal-Anness II (Parti-145);

(c) għall-inġenji tal-ajru reġistrati f'pajjiż terz u mikrija mingħajr l-ekwipaġġ minn trasportaturi tal-ajru li ngħataw il-liċenzja skont ir-Regolament (KE) Nru 1008/2008, sal-25 ta' Awwissu 2017, ir-rekwiżiti tal-Anness Va.

— Id-dispożizzjonijiet tal-Anness I, il-punt M.A.201(f) għandhom japplikaw għall-inġenji tal-ajru kumplessi li jaħdmu bil-magni użati mill-operaturi mitlubin minn Stat Membru li jkollhom ċertifikat ta' operazzjonijiet kummerċjali ħlief it-trasportaturi tal-ajru li ngħataw liċenzja skont ir-Regolament (KE) Nru 1008/2008 u għall-ATOs kummerċjali;

— Id-dispożizzjonijiet tal-Anness I, il-punt M.A.201(h) għandhom japplikaw għall-inġenji tal-ajru ħlief inġenji tal-ajru kumplessi li jaħdmu bil-magni, użati mill-operaturi mitlubin minn Stat Membru li jikollhom ċertifikat ta' operazzjonijiet kummerċjali ħlief it-trasportaturi tal-ajru li ngħataw liċenzja skont ir-Regolament (KE) Nru 1008/2008 u għall-ATOs kummerċjali;

— Id-dispożizzjonijiet tal-Anness I, il-punt M.A.306(a) għandhom japplikaw għall-inġenji tal-ajru użati minn trasportaturi tal-ajru li ngħataw liċenzja skont ir-Regolament (KE) Nru 1008/2008 u għall-inġenji tal-ajru użati mill-operaturi mitlubin minn Stat Membru li jkollhom ċertifikat ta' operazzjonijiet kummerċjali;

— Id-dispożizzjonijiet tal-Anness I, il-punt M.A.801(c) għandhom japplikaw għall-ELA1 mhux użati minn trasportaturi tal-ajru li ngħataw liċenzja skont ir-Regolament (KE) Nru 1008/2008 u mhux użati mill-ATOs kummerċjali;

— Id-dispożizzjonijiet tal-Anness I, il-punt M.A.803(b) għandhom japplikaw għall-inġenji tal-ajru mhux kumplessi li jaħdmu bil-magni ta' 2 730 kg MTOM jew inqas, glajder, glajder bil-mutur u ballun, mhux użati minn trasportaturi tal-ajru li ngħataw liċenzja skont ir-Regolament (KE) Nru 1008/2008, jew minn operaturi mitlubin minn Stat Membru li jkollhom ċertifikat ta' operazzjonijiet kummerċjali, jew minn ATOs kummerċjali;

— Id-dispożizzjonijiet tal-Anness I, il-punt M.A.901(g) għandhom japplikaw għall-inġenji tal-ajru tal-ELA1 mhux użati minn trasportaturi tal-ajru li ngħataw liċenzja skont ir-Regolament (KE) Nru 1008/2008, jew minn operaturi mitlubin minn Stat Membru li jkollhom ċertifikat ta' operazzjonijiet kummerċjali, jew minn ATOs kummerċjali.

(a) L-awtoritajiet kompetenti jew, fejn applikabbli, organizzazzjonijiet jistgħu jkomplu joħorġu ċ-ċertifikati, il-ħarġa preċedenti, kif stipulat fl-Appendiċi III tal-Anness I (il-Parti-M) jew l-Appendiċi II u l-Appendiċi III tal-Anness IV (il-Parti-147) tar-Regolament (UE) Nru 1321/2014, fis-seħħ qabel is-27 ta' Lulju 2015, sal-31 ta' Diċembru 2015.

(b) Iċ-ċertifikati maħruġa qabel l-1 ta' Jannar 2016 jibqgħu validi sa meta jinbidlu, jiġu sospiżi jew revokati.

1. għas-sorveljanza tal-kontinwità tal-ajrunavigabbiltà tal-inġenju tal-ajru individwali u l-ħruġ taċ-ċertifikati tar-reviżjoni tal-ajrunavigabbiltà, l-awtorità maħtura mill-Istat Membru mir-reġistru;

2. għas-sorveljanza tal-organizzazzjoni kif speċifikata fit-Taqsima A, is-Sottoparti F ta' dan l-Anness (Parti-M):

(i) l-awtorità maħtura mill-Istat Membru fejn il-post ewlieni tan-negozju tal-organizzazzjoni hu lokalizzat;

(ii) l-Aġenzija jekk l-organizzazzjoni hi lokalizzata f'pajjiż terz;

3. għas-sorveljanza tal-organizzazzjoni tal-ġestjoni tal-kontinwità tal-ajrunavigabbiltà kif speċifikata fit-Tsqsima A, is-Sottoparti G ta' dan l-Anness (Parti-M):

(i) l-awtorità maħtura mill-Istat Membru fejn il-post ewlieni tan-negozju tal-organizzazzjoni hu lokalizzat jekk l-approvazzjoni mhix inkluża fiċ-ċertifikat tal-operatur tal-ajru;

(ii) l-awtorità maħtura mill-Istat Membru tal-operatur jekk l-approvazzjoni hi inkluża f'ċertifikat tal-operatur tal-ajru;

(ii) l-Aġenzija jekk l-organizzazzjoni hi lokalizzata f'pajjiż terz;

4. għall-approvazzjoni tal-programmi ta' manutenzjoni,

(i) l-awtorità magħżula mill-Istat Membru tar-reġistrazzjoni, jew

(ii) jekk miftiehem mal-Istat Membru tar-reġistrazzjoni qabel l-approvazzjoni tal-programm ta' manutenzjoni:

(a) l-awtorità magħżula mill-Istat fejn l-operatur għandu s-sede prinċipali tiegħu jew hu stabbilit jew residenti, jew

(b) l-awtorità responsabbli għas-sorveljanza tal-organizzazzjoni ta' ġestjoni tal-kontinwità tal-ajrunavigabbiltà li timmaniġġja l-kontinwità tal-ajrunavigabbiltà tal-inġenju tal-ajru, jew li magħha jkun sar kuntratt limitat skont l-M.A.201(i)(3) mis-sid.

(a) Is-sid hu responsabbli għall-kontinwità tal-awjrunavigabbiltà u għandu jiżgura li l-ebda titjira ma ssir sakemm:

1. l-inġenju tal-ajru jinżamm f'kondizzjoni ta' ajrunavigabbiltà, u;

2. Kwalunkwe tagħmir operattiv u ta' emerġenza mwaħħal, ġie installat b'mod korrett u u li jista' jintuża jew identifikat b'mod ċar li ma jistax jintuża, u;

3. iċ-ċertifikat tal-ajrunavigabbiltà jibqa' validu, u;

4. il-manutenzjoni tal-inġenju tal-ajru titwettaq f'konformità mal-programm ta' manutenzjoni approvat kif speċifikat fil-punt M.A.302.

(b) Meta l-inġenju tal-ajru jinkera, ir-responsabbiltajiet tas-sid jiġu trasferiti lil-lokatarju jekk:

1. il-lokatarju huwa stipulat fid-dokument tar-reġistrazzjoni; jew

2. deskritt b'mod dettaljat fil-kuntratt tal-kiri.

(c) Kwalunkwe persuna jew organizzazzjoni li twettaq il-manutenzjoni għandha tkun responsabbli għall-kompiti imwettqa.

(d) Il-bdot fil-kmand jew, fil-każ tat-trasportaturi tal-ajru liċenzjati skont ir-Regolament (KE) Nru 1008/2008, l-operatur għandu jkun responsabbli għat-twettiq sodisfaċenti tal-ispezzjoni ta' qabel it-titjira. L-ispezzjoni għandha titwettaq mill-bdot jew minn persuna oħra kwalifikata iżda ma hemmx bżonn li titwettaq minn organizzazzjoni tal-manutenzjoni approvata jew mill-istaff li jiċċertifika tal-Parti-66.

(e) Fil-każ tal-inġenju tal-ajru użat minn trasportaturi tal-ajru li ngħataw liċenzja skont ir-Regolament (KE) Nru 1008/2008, l-operatur hu responsabbli għall-kontinwità tal-ajrunavigabbiltà tal-inġenju tal-ajru li jopera u għandu:

(1) jiżgura li ma ssir l-ebda titjira sakemm ma jiġux issodisfati l-kundizzjonijiet iddefiniti fil-punt (a);

(2) ikun approvat, bħala parti miċ-ċertifikat tal-operatur tal-ajru tiegħu, bħala organizzazzjoni ta' ġestjoni tal-kontinwità tal-ajrunavigabbiltà skont is-Subparti G tal-M.A. (CAMO) għall-inġenji tal-ajru li jopera; u

(3) jkun approvat skont il-Parti-145 jew jistabbilixxi kuntratt skont il-M.A.708(c) ma' tali organizzazzjoni.

(f) Għall-inġenji tal-ajru kumplessi li jaħdmu bil-magni użati għall-operazzjonijiet speċjalizzati kummerċjali, jew CAT minbarra tat-trasportaturi bl-ajru liċenzjati skont ir-Regolament (KE) Nru 1008/2008, jew l-ATOs kummerċjali, l-operatur għandu jiżgura li:

(1) ma ssir l-ebda titjira sakemm ma jiġux issodisfati l-kundizzjonijiet iddefiniti fil-paragrafu (a);

(2) il-kompiti assoċjati mal-kontinwità tal-ajrunavigabbiltà jitwettqu minn organizzazzjoni ta' ġestjoni tal-kontinwità tal-ajrunavigabbiltà (CAMO) approvata. Jekk l-operatur mhux il-CAMO approvata nnifisha, l-operatur għandu jistabbilixxi kuntratt bil-miktub skont l-Appendiċi I ma' tali organizzazzjoni, u

(3) il-CAMO msemmija f'(2) hi approvata skont il-Parti-145 għall-manutenzjoni tal-inġenji tal-ajru u tal-komponenti installati fuqhom, jew li jkun stabbilixxa kuntratt skont M.A.708(c) ma' tali organizzazzjonijiet.

(g) Għall-inġenji tal-ajru kumplessi li jaħdmu bil-magni mhux inklużi fil-punt (e) jew fil-punt (f), is-sid għandu jiżgura li:

(1) ma ssir l-ebda titjira sakemm ma jiġux issodisfati l-kundizzjonijiet iddefiniti fil-paragrafu (a);

(2) il-kompiti assoċjati mal-kontinwità tal-ajrunavigabbiltà jitwettqu minn organizzazzjoni ta' ġestjoni tal-kontinwità tal-ajrunavigabbiltà (CAMO) approvata. Jekk l-operatur mhuwiex il-CAMO approvata nnifisha, l-operatur għandu jistabbilixxi kuntratt bil-miktub skont l-Appendiċi I ma' tali organizzazzjoni, u

(3) il-CAMO msemmija f'(2) hi approvata skont il-Parti-145 għall-manutenzjoni tal-inġenji tal-ajru u tal-komponenti installati fuqhom, jew li jkun stabbilixxa kuntratt skont M.A.708(c) ma' tali organizzazzjonijiet.

(h) Għall-inġenji tal-ajru ħlief inġenji tal-ajru kumplessi li jaħdmu bil-magni, użati għall-operazzjonijiet speċjalizzati kummerċjali, jew CAT minbarra t-trasportaturi tal-ajru liċenzjati skont ir-Regolament (KE) Nru 1008/2008 jew l-ATOs kummerċjali, l-operatur għandu jiżgura li:

(1) ma ssir l-ebda titjira sakemm ma jiġux issodisfati l-kundizzjonijiet iddefiniti fil-punt (a);

(2) il-kompiti assoċjati mal-kontinwità tal-ajrunavigabbiltà jitwettqu minn organizzazzjoni ta' ġestjoni tal-kontinwità tal-ajrunavigabbiltà (CAMO) approvata. Jekk l-operatur mhux il-CAMO approvata nnifisha, l-operatur għandu jistabbilixxi kuntratt bil-miktub skont l-Appendiċi I ma' tali organizzazzjoni, u

(3) l-organizzazzjoni ta' ġestjoni tal-ajrunavigabbiltà kontinwa msemmija fil-punt (2) hi approvata skont il-Parti-M is-Subparti-F jew il-Parti-145 għall-manutenzjoni tal-inġenji tal-ajru u l-komponenti installati fuqhom, jew li tkun stabbilixxiet kuntratt skont M.A.708(c) ma' tali organizzazzjonijiet.

(i) Għall-inġenji tal-ajru ħlief inġenji tal-ajru kumplessi li jaħdmu bil-magni mhux inklużi fil-punt (e) jew fil-punt (h), jew użati għal “operazzjonijiet limitati”, is-sid hu responsabbli li jiżgura li l-ebda titjira ma sseħħ jekk il-kundizzjonijiet definiti fil-punt (a) mhumiex issodisfati. Għal dan il-fini, is-sid għandu:

(1) jikkuntrattja l-kompiti marbutin mal-kontinwità tal-ajrunavigabbiltà ma' CAMO approvata permezz ta' kuntratt bil-miktub skont l-Appendiċi I li jittrasferixxi r-responsabbiltà għat-twettiq ta' dawn il-kompiti lill-CAMO kkuntrattata, jew;

(2) jimmaniġġja l-kontinwità tal-ajrunavigabbiltà tal-inġenju tal-ajru taħt ir-responsabbiltà tiegħu stess, mingħajr ma jikkuntrattja CAMO approvata, jew;

(3) jimmaniġġja l-kontinwità tal-ajrunavigabbiltà tal-inġenju tal-ajru taħt ir-responsabbiltà tiegħu stess u jistabbilixxi kuntratt limitat għall-iżvilupp tal-programm ta' manutenzjoni u għall-ipproċessar tal-approvazzjoni tiegħu skont il-punt M.A.302 ma':

— CAMO approvata, jew

— fil-każ ta' inġenju tal-ajru ELA2, organizzazzjoni tal-Parti-145 jew tas-Subparti Ftal-M.A.

(j) Is-sid/l-operatur għandu jiżgura li kwalunkwe persuna awtorizzata mill-awtorità kompetenti tingħata aċċess għal kwalunkwe waħda mill-faċilitajiet, mill-inġenji tal-ajru jew mid-dokumenti tiegħu relatati mal-attivitajiet tiegħu, inkluż kull attività sottokuntrattata, biex tiġi stabbilita l-konformità ma' din il-Parti.

(a) Kull persuna jew organizzazzjoni responsabbli skont il-punt M.A.201 għandu jirraporta lill-awtorità kompetenti nominata mill-Istat tar-Reġistrazzjoni, lill-organizzazzjoni responsabbli għad-disinn tat-tip, jew għad-disinn tat-tip supplimentali u, fejn applikabbli, l-Istat Membru tal-operatur, kull kundizzjoni ta' inġenju tal-ajru jew komponent tiegħu identifikata li tista' tipperikola s-sikurezza tat-titjir.

(b) Ir-rapporti għandhom isiru b'tali mod stabbilit mill-Aġenzija u jkun fihom l-informazzjoni pertinenti kollha dwar il-kondizzjoni magħrufa lill-persuna jew l-organizzazzjoni.

(c) Fejn il-persuna jew l-organizzazzjoni li qiegħda tagħmel il-manutenzjoni tal-inġenju tal-ajru hija kkuntrattata mis-sid jew mill-operatur biex iwettaq il-manutenzjoni, il-persuna jew l-organizzazzjoni, il-persuna jew l-organizzazzjoni li qiegħda tagħmel il-manutenzjoni tal-inġenju tal-ajru għandha tirraporta wkoll lis-sid, l-operatur jew lill-organizzazzjoni tal-ġestjoni tal-kontinwità tal-ajunavigabbiltà kwalunkwe tali kondizzjoni li taffettwa l-inġenju tal-ajru jew il-komponent tas-sid jew tal-operatur.

(d) Ir-rapporti għandhom isiru malli jkun prattikabbli, iżsa f'kull każ fi żmien 72 siegħa minnmeta li l-persuna jew l-organizzazzjoni tidentifika l-kondizzjoni li għaliha jirreferi r-rapport.

1. It-twettiq tal-ispezzjonijiet ta'q abel it-titjira;

2. Ir-rettifika skont id-dejta speċifikata fil-punt M.A.304 u/jew il-punt M.A.401, kif ikun applikabbli, ta' kwalunkwe difett jew ħsara li taffettwa l-operat sikur, filwaqt li jitqiesu l-lista ta' tagħmir minimu (MEL) u l-lista ta' devjazzjoni mill-konfigurazzjoni, meta jkun applikabbli;

3. it-twettiq tal-manutenzjoni kollha, f'konformità mal-programm ta' manutenzjoni appovata tal-inġenju tal-ajru skont l-M.A.302;

4. Għall-inġenji kollha tal-ajru kumplessi li jaħdmu bil-magni jew l-inġenji tal-ajru użati mit-trasportaturi kummerċjali tal-ajru skont ir-Regolament Nru 1008/2008, l-analiżi tal-effettività tal-programm ta' manutenzjoni approvat skont M.A.302;

5. it-twtettiq ta' kwalunkwe minn dawn applikabbli:

(i) id-direttiva dwar l-ajrunavigabbiltà;

(ii) direttiva operattiva tal-impatt tal-kontinwità tal-ajnavigabbiltà;

(iii) rekwiżiti tal-kontinwità tal-ajrunavigabbiltà stabbiliti mill-Aġenzija;

(iv) il-miżuri ordnati mill-awtorità kompetenti f'reazzjoni immedjata għal problema ta' sikurezza;

6. it-twettiq tal-modifiki u t-tiswijiet skont l-M.A.304;

7. Għall-modifiki u/jew l-ispezzjonijiet mhux obbligatorji, għall-inġenji tal-ajru kumplessi kollha li jaħdmu bil-magni jew għall-inġenji tal-ajru użati minn trasportaturi tal-ajru li ngħataw liċenzja skont ir-Regolament (KE) Nru 1008/2008, l-istabbilment ta' politika ta' inkorporament;

8. Titjiriet ta' kontroll tal-manutenzjoni meta hemm bżonn.

(a) Il-manutenzjoni ta' kull inġenju tal-ajru għandha tkun organizzata skont programm ta' manutenzjoni.

(b) Il-programm ta' manutenzjoni u kull emenda sussegwenti għadhom ikunu approvati mill-awtorità kompetenti.

(c) Meta il-kontinwità tal-ajrunavigabbiltà tal-inġenju tal-ajru hija mmaniġġjata minn organizzazzjoni ta' ġestjoni tal-kontinwità tal-ajrunavigabbiltà approvata skont it-Taqsima A, is-Subparti G ta' dan l-Anness (il-Part M) jew meta hemm kuntratt limitat bejn is-sid u din l-organizzazzjoni skont il-punt M.A.201(i)(3), il-programm tal-manutenzjoni tal-inġenju tal-ajru u l-emendi tiegħu jistgħu jiġu approvati permezz ta' proċedura approvata indiretta.

(i) F'dak il-każ, il-proċedura approvata indiretta għandha tiġi stabbilita mill-organizzazzjoni ta' ġestjoni tal-kontinwità tal-ajrunavigabbiltà bħala parti mill-Espożizzjoni tal-Ġesjtoni tal-Kontinwità tal-Ajrunavigabbiltà u għandha tiġi approvata mill-awtorità kompetenti responsabbli mill-organizzazzjoni ta' ġestjoni tal-kontinwità tal-ajrunavigabbiltà.

(ii) L-organizzazzjoni ta' ġestjoni tal-kontinwità tal-ajrunavigabbiltà ma għandhiex tuża l-proċedura ta' approvazzjoni indiretta meta din l-organizzazzjoni ma tkunx taħt is-sorveljanza tal-Istat Membru tar-Reġistrazzjoni, sakemm ma jkunx jeżisti ftehim skont il-punt M.1, il-paragrafu 4(ii), li jittrasferixxi r-responsabbiltà għall-approvazzjoni tal-programm ta' manutenzjoni tal-inġenji tal-ajru lill-awtorità kompetenti responsabbli għall-organizzazzjoni ta' ġestjoni tal-kontinwità tal-ajrunavigabbiltà.

(d) Il-programm ta' manutenzjoni tal-inġenju tal-ajru jrid jistabbilixxi l-konformità ma':

(i) l-istruzzjonijiet maħruġa mill-awtorità kompetenti;

(ii) l-istruzzjonijiet għall-kontinwità tal-ajrunavigabbiltà:

— maħruġa mid-detenturi ta' ċertifkat tat-tip, ċertifikat tat-tip ristrett, ċertifikat tat-tip supplimentari, approvazzjoni tad-disinn ta' tiswija maġġuri, awtorizzazzjoni tal-ETSO jew ta' kwalunkwe approvazzjoni relevanti oħra maħruġa skont ir-Regolament (UE) Nru 748/2012 u l-Anness tiegħu (Parti-21); kif ukoll

— inklużi fl-Ispeċifikazzjonijiet taċ-Ċertifikazzjoni msemmija fil-punt 21A.90B jew 21A.431B tal-Anness I (Parti-21) tar-Regolament (UE) Nru 748/2012, jekk applikabbli;

(iii) istruzzjonijiet addizzjoniali jew alternattivi proposti mis-sid jew mill-organizzazzjoni tal-ġestjoni tal- kontinwità tal-ajrunavigabbiltà meta approvati skont il-Punt M.A. 302, minbarra għal intervalli ta' kompiti relatati mas-sikurezza msemmija fil-punt (e), li jistgħu jiżdiedu, suġġetti għal biżżejjed reviżjonijiet magħmula skont il-punt (g) u meta suġġetti għall-approvazzjoni diretta skont il-punt M.A.302(b) biss.

(e) Il-programm ta' manutenzjoni tal-inġenju tal-ajru għandu jkun fih id-dettalji, inkluża l-frekwenza, tal-manutenzjoni kollha li trid titwettaq, inkluż kull kompitu speċifiku marbut ma' operazzjonijiet speċifiċi.

(f) Għall-inġenji tal-ajru kumplessi li jaħdmu bil-magni, meta l-programm ta' manutenzjoni jkun ibbażat fuq loġika ta' grupp ta' tmexxija tal-manutenzjoni jew il-monitoraġġ tal-kundizzjoni, il-programm ta' manutenzjoni tal-inġenju tal-ajru għandu jinkludi programm tal-affidabbiltà.

(g) Il-programm ta' manutenzjoni għandu jkun suġġett għal reviżjonijiet perjodiċi u emendat kull meta jkun meħtieġ. Ir-reviżjonijiet għandhom jiżguraw li l-programm jibqa' validu fid-dawl tal-esperjenza operattiva u l-istruzzjonijiet mill-awtorità kompetenti waqt li jieħu kont ta' istruzzjonijiet ta' manutenzjoni ġodda u/jew mibdula dwar il-manutenzjoni ppromulgati mid-detenturi taċ-ċertifikat tat-tip u ċ-ċertifikat tat-tip supplimentari u kull organizzazzjoni oħra li tippubblika dejta bħal din skont l-Anness I (Parti-21) tar-Regolament (UE) 748/2012.

(h) Fil-każ ta' inġenji tal-ajru ELA1 li mhumiex involuti f'operazzjonijiet kummerċjali, il-konformità mal-punti (b), (c), (d), (e), u (g) tista' tinbidel bil-kondizzjonijiet kollha li ġejjin:

1. Il-programm ta' manutenzjoni tal-inġenju tal-ajru għandu jidentifika b'mod ċar is-sid u l-inġenju tal-ajru speċifiku li għalih qed jirreferi, inkluż kull magna u skrun installat.

2. Il-programm ta' manutenzjoni tal-inġenju tal-ajru għandu jew:

— jikkonforma mal-“Programm Minimu ta' Spezzjoni”, li jinsab fil-punt (i), li jikkorrispondi għal dak l-ajruplan partikulari, jew

— jikkonforma mal-punti (d) u (e).

3. Il-programm ta' manutenzjoni tal-inġenju tal-ajru għandu jinkludi r-rekwiżiti obbligatorji kollha tal-kontinwità fl-ajrunavigabbiltà, bħal Direttivi dwar l-Ajrunavigabbiltà, it-Taqsima tal-Limitazzjoni tal-Ajrunavigabbiltà (ALS) tal-Istruzzjonijiet għall-Ajrunavigabbiltà Kontinwata (ICA) jew rekwiżiti speċifiċi tal-manutenzjoni li jinsabu fl-Iskeda Informattiva taċ-Ċertifikat tat-Tip (TCDS).

— Tagħmir speċifiku installat u modifiki tal-inġenju tal-ajru.

— Tiswijiet inkorporati fl-inġenju tal-ajru.

— Komponenti li jistgħu jintużaw għal żmien limitat (Life Limited) u komponenti kritiċi għas-sikurezza tat-titjira.

— Rakkomandazzjonijiet ta' manutenzjoni, bħalma huma l-intervalli taż-Żmien bejn kull Tiġdid Maġġuri (TBO), rakkomandati permezz ta' bulettini dwar is-servizz, ittri dwar is-servizz, u informazzjoni oħra mhux obbligatorja dwar is-servizz.

— Direttivi/rekwiżiti operazzjonali applikabbli relatati mal-ispezzjoni perjodika ta' ċertu tagħmir.

— Approvazzjonijiet operazzjonali speċjali.

— L-użu tal-inġenju tal-ajru u l-ambjent operazzjonali.

— Manutenzjoni tal-pilota-sid (jekk applikabbli).

4. Jekk il-programm ta' manutenzjoni ma jiġix approvat mill-awtorità kompetenti (direttament jew mill-organizzazzjoni tas-Subparti G tal-M.A. permezz ta' proċedura ta' approvazzjoni indiretta), il-programm ta' manutenzjoni tal-inġenju tal-ajru għandu jkun fih dikjarazzjoni ffirmata fejn is-sid jiddikjara li dan huwa l-programm ta' manutenzjoni tal-inġenji tal-ajru skont ir-reġistrazzjoni partikolari tal-inġenji tal-ajru u s-sid jiddikjara li hu kompletament responsabbli għall-kontenut tiegħu u, b'mod partikolari, għal kull devjazzjoni introdotta fir-rigward tar-rakkomandazzjonijiet tad-Detentur tal-Approvazzjoni tad-Disinn.

5. Għandha ssir reviżjoni tal-programm ta' manutenzjoni tal-inġenju tal-ajru mill-inqas darba kull sena. Din ir-reviżjoni tal-programm ta' manutenzjoni għandha titwettaq jew:

— mill-persuna li twettaq ir-reviżjoni tal-ajrunavigabbiltà skont il-punt M.A. 710(ga), jew

— mill-organizzazzjoni tas-Subparti G tal-M.A. li timmaniġġja l-kontinwità fl-ajrunavigabbiltà tal-inġenju tal-ajru f'dawk il-każijiet fejn ir-reviżjoni tal-programm ta' manutenzjoni ma titwettaqx flimkien mar-reviżjoni tal-ajrunavigabbiltà.

(i) Fil-każ tal-inġenji tal-ajru ELA1 għajr l-iġfna tal-ajru, li mhumiex involuti f'operazzjonijiet kummerċjali, il-“Programm Minimu ta' Spezzjoni” msemmi fil-punt (h) hawn fuq, għandu jikkonforma mal-kondizzjonijiet li ġejjin:

1. Dan għandu jkun fih l-intervalli ta' spezzjoni li ġejjin:

— Għall-ajruplani ELA1 u għal Touring Motor Gliders (TMG) tat-tip ELA 1, kull intervall annwali jew kull intervall ta' 100 siegħa, skont liema minnhom jiġi l-ewwel. Tista' tiġi applikata tolleranza ta' xahar wieħed jew ta' 10 sigħat għal dak l-intervall sakemm l-intervall li jmiss huwa kkalkolat mid-data jew is-sigħat oriġinarjament skedati.

— għall-glajders ELA 1, il-glajders bil-mutur tat-tip ELA1 għajr TMG u blalen tat-tip ELA 1, kull intervall annwali. Tista' tiġi applikata tolleranza ta' xahar wieħed għal dak l-intervall sakemm l-intervall li jmiss huwa kkalkolat mid-data oriġinarjament skedata.

2. Għandu jkun fih dan li ġej:

— Kompiti ta' manutenzjoni kif meħtieġ mir-rekwiżiti tad-Detentur tal-Approvazzjoni tad-Disinn.

— Spezzjoni tal-marki.

— Reviżjoni tar-rekords tal-użin u tal-użin skont ir- Regolament tal-Kummissjoni (UE) Nru 965/2012 ( 5 ), il-punt NCC.POL.105.

— Test operazzjonali tat-transponder (jekk jeżisti).

— Test operazzjonali tas-sistema statika Pitot

— Fil-każ tal-ajruplani ELA1:

—

— Spezzjoni tal-kondizzjoni u t-twaħħil tal-oġġetti strutturali, tas-sistemi u l-komponenti li jikkorrispondu għall-oqsma li ġejjin:

—

(a) dejta approvata mill-Aġenzija; jew jew

(b) dejta approvata minn organizzazzjoni tad-disinn tal-Parti-21; jew

(c) dejta inkluża fl-Ispeċifikazzjonijiet taċ-Ċertifikazzjoni msemmija fil-punt 21A.90B jew 21A.431B tal-Anness I (Parti-21) taar-Regolament (UE) Nru 748/2012.

(a) Mat-tlestija ta' kwalunkwe manutenzjoni, iċ-ċertifikat tar-rilaxx għas-servizz meħtieġ mill-punt M.A.801 jew il-punt 145.A.50 għandu jiddaħħal fir-rekords tal-kontinwità tal-ajrunavigabbiltà tal-inġenju tal-ajru. Kull entrata għandha ssir malli jkun prattikabbli iżda fl-ebda każ fi żmien li jaqbeż it-30 jum wara jum l-azzjoni tal-manutenzjoni.

(b) Ir-rekords dwar l- kontinwità tal-ajrunavigabbiltà għandha tikkonsisti minn:

1. il-ġurnal ta' abbord l-inġenju tal-ajru, il-ġurnal(i) tal-magni jew il-kards tal-ġurnal tal-modulu tal-magna, il-ġurnal(i) tal-iskrun u kards tal-ġurnal għal kull komponent li jista' jintuża għal żmien limitat, kif xieraq, u,.

2. meta jkun meħtieġ mill-punt M.A.306, ir-reġistrazzjoni teknika tal-operatur.

(c) It-tip tal-inġenju tal-ajru u l-marka ta-reġistrazzjoni, flimkien mal-ħin totali ta' titjiriet u/jew ċikli ta' titjiriet u/jew inżul, kif xieraq, għandhom jiddaħħlu fil-ġurnali tal-inġenju tal-ajru.

(d) Ir-rekords tal-kontinwità tal-ajrunavigabbiltà għandhom ikollhom:

1. l-istatus attwali tad-direttivi u l-miżuri dwar l-ajrunavigabbiltà mill-awtorità kompetenti f'reazzjoni immedjata għal problema ta' sikurezza;

2. l-istatus attwali tal-modifiki u t-tiswijiet;

3. l-istatus attwali ta' konformità mal-programm ta' manutenzjoni;

4. l-istatus attwali tal-komponenti b'ħajja limitata ta' servizz;

5. ir-rapport dwar il-massa u l-bilanċ;

6. lista ta' manutenzjoni postposta.

(e) Minbarra d-dokument tar-rilaxx awtorizzat, il-Formola 1 tal-EASA jew ekwivalenti, għandha tiddaħħal fil-ġurnal ta' abbord tal-magna jew tal-iskrejjen u fl-iskedi tal-moduli tal-magni jew karti tar-reġistrazzjoni tal-komponenti bi żmien limitat tal-użu l-informazzjoni rilevanti li ġejja għal kwalunkwe komponent installat (magna, skrejjen, modulu ta' magna jew karti tar-reġistrazzjoni tal-komponent bi żmien limitat tal-użu):

1. l-identifikazzjoni tal-komponent; u

2. it-tip, in-numru tas-serje u r-reġistrazzjoni, kif xieraq, tal-inġenju tal-ajru, il-magna, l-iskrejjen, modulu ta' magna jew komponent bi żmien limitat tal-użu li ġie mmuntat fuqu l-komponent partikolari, flimkien mar-referenza għall-istallazzjoni u t-tneħħija tal-komponent; u

3. id-data flimkien mal-ħin tat-titjir totali akkumulat u/jew ċikli ta' titjir u/jew inżul u/jew żmien kalendarju, kif xieraq, u; u

4. l-informazzjoni kurrenti tal-punt (d) applikabbli għall-komponent.

(f) Il-persuna responsabbli mill-ġestjoni tal-kompiti tal-kontinwità tal-ajrunavigabbiltà skont it-Taqsima A, is-Sottoparti B ta' dan l-Anness (Parti M), għandha tikkontrolla r-rekords kif dettaljat f'dan il-punt u tippreżenta r-rekords lill-awtorità kompetenti meta mitluba.

(g) L-entrati kollha li jiddaħħlu fir-rekords tal-kontinwità tal-ajrunavigabbiltà għandhom ikunu ċari u preċiżi. Meta jinqala' l-bżonn li tiġi kkoreġuta entrata, il-korrezzjoni għandha ssir b'tali mod li turi l-entrata oriġinali.

(h) Sid jew operatur għandu jiżgura li tkun ġiet stabbilita sistema li żżomm ir-rekords li ġejjin għall-perjodi speċifikati:

1. ir-rekords dettaljati kollha tal-manutenzjoni fir-rigward tal-inġenju tal-ajru u kwalunkwe komponent bi żmien limitat tal-użu mmuntat fuqu, sa dak iż-żmien fejn l-informazzjoni fihom tiġi sorpassata minn informazzjoni ġdida ekwivalenti fl-ambitu u fid-dettall, iżda mhux anqas minn 36 xahar wara li l-inġenju tal-ajru jew il-komponent ikun ġie rrilaxxat għas-servizz; u

2. il-ħin totali tas-sevizz (sigħat, żmien kalendarju, cikli u nżul) tal-inġenju tal-ajru u l-komponenti kollha bi żmien limitat tal-użu, mill-inqas 12-il xahar wara li l-inġenju tal-ajru jew il-komponent ikun ġie irtirat għal kollox mis-servizz, u; u

3. il-ħin totali tas-servizz (sigħat, żmien kalendarju, cikli u nżul) kif xieraq, mill-aħħar manutenzjoni skedata tal-komponent soġġett għal limitu ta' żmien tal-użu, għallinqas sakemm il-manutenzjoni skedata tal-komponent tkun ġiet sorpassata minn manutenzjoni skedata oħra ta' ambitu u dettall tax-xogħol ekwivalenti; u

4. il-qagħda kurrenti tal-konformità mal-programm ta' manutenzjoni b'mod li l-konformità ta' programm approvat ta' manutenzjoni tal-inġenju tal-arju tista' tiġi stabbilita, għallinqas sakemm il-manutenzjoni skedata tal-inġenju tal-ajru jew tal-komponent tkun ġiet sorpassata minn manutenzjoni skedata oħra ta' ambitu u dettall tax-xogħol ekwivalenti; u

5. il-qagħda kurrenti tad-direttivi dwar il-ajrunavigabbiltà applikabbli għall-inġenju tal-ajru u l-komponenti tiegħu, mill-inqas 12-il xahar wara li l-inġenju tal-ajru jew il-komponent ikun ġie rtirat għal kollox mis-servizz; u

6. dettalji tal-modifiki u t-tiswijiet kurrenti lill-inġenju tal-ajru, il-magna/i, l-iskrun/ejjen u kull komponent ieħor vitali għas-sikurezza tat-tajran, mill-inqas 12-il xahar wara li l-inġenju tal-ajru jew il-komponent ikun ġie rtirat għal kollox mis-servizz.

(a) Għall-CAT, l-operazzjonijiet speċjalizzati kummerċjali u l-operazzjonijiet kummerċjali tal-ATO, flimkien mar-rekwiżiti ta' M.A.305, l-operatur għandu juża sistema ta' reġistrazzjoni teknika tal-inġenju tal-ajru li jkun fiha l-informazzjoni li ġejja għal kull inġenju tal-ajru:

1. Informazzjoni dwar kull titjira, neċessarja biex tiġi żgurata s-sikurezza kontinwata tat-titjir, u;

2. iċ-ċertifikat attwali tar-rilaxx għas-servizz tal-inġenju tal-ajru, u;

3. id-dikjarazzjoni attwali tal-manutenzjoni li tagħti l-istatus tal-manutenzjoni tal-inġenju tal-ajru dwar liema manutenzjoni hija skedata u liema manutenzjoni barra mill-fażi waslet biex issir ħlief li l-awtorità kompetenti tista' taqbel li d-dikjarazzjoni ta' manutenzjoni tista' tinżamm x'imkien ieħor, u;

4. ir-rettifiki kollha tad-difetti postposti pendenti li jaffettwaw l-operazzojni tal-inġenju tal-ajru, u;

5. kwalunkwe istruzzjoni ta' gwida neċessarja dwar arranġamenti ta' sostenn għall-manutenzjoni.

(b) Is-sistema ta' reġistrazzjoni teknika tal-inġenji tal-ajru u kwalunkwe emenda sussegwenti għandhom jiġu approvati mill-awtorittà kompetenti.

(c) Operatur għandu jiżgura li r-reġistru tekniku tal-inġenju tal-ajru jinżamm għal 36 xahar wara id-data tal-aħħar entrata.

(a) Is-sid jew l-operatur għandu jiżgura li meta inġenju tal-ajru jiġi trasferit b'mod permanenti minn sid jew operatur għal ieħor ir-rekords tal-kontinwità tal-ajrunavigabbiltà skont l-M.A.305 u, jekk applikabbli, ir-reġistru tekniku tal-operatur skont l-M.A.306 jiġu trasferiti wkoll.

(b) Is-sid għandu jiżgura li, meta jikkuntratta l-kompiti tal-ġestjoni tal-kontinwità tal-ajrunavigabbiltà lil organizzazzojni tal-ġestjoni tal-ajrunavigabbiltà kontinwata, ir-rekords tal-kontinwità tal-ajrunavigabbiltà skont l-M.A.305 jiġu trasferiti lill-organizzazzjoni.

(c) Il-perjodi ta' żmien stabbiliti għaż-żamma tar-rekords għandhom ikomplu japplikaw għas-sid, l-operatur jew l-organizzazzjoni tal-ġestjoni tal-kontinwità tal-ajrunavigabbiltà.

(a) Il-persuna jew l-organizzazzjoni li tagħmel il-manutenzjoni ta' inġenju tal-ajru għandha jkollha aċċess għal u għandha tuża biss dejta tal-manutenzjoni attwali applikabbli fit-twettiq tal-manutenzjoni inklużi modifiki u tiswijiet.

(b) Għall-finijiet ta' din il-Parti, dejta applikabbli tal-manutenzjoni hija:

1. kwlaunkwe rekwiżit, proċedura, standard jew informazzjoni applikabbli maħruġa mill-awtorità kompetenti jew l-Aġenzija,

2. Kull direttiva applikabbli dwar l-ajrunavigabbiltà,

3. istruzzjonijiet applikabbli għall-kontinwità tal-ajrunavigabbiltà, maħruġa mid-detenturi taċ-ċertifikat tat-tip, detenturi taċ-ċertifikat supplimentari tat-tip u xi organizzazzoni oħra li tippubblika tali dejta f'konformità mal-Anness I (Part-21) tar-Regolament (UE) Nru 748/2012.

4. xi dejta applikabbli maħruġa f'konformità mal-punt 145.A.45(d).

(c) Il-persuna jew l-organizzazzjoni li tagħmel il-manutenzjoni ta' inġenju tal-ajru għandha tiżgura li d-dejta kollha applikabbli tal-manutenzjoni hi attwali u disponibbli mill-ewwel għall-użu jekk tiġi meħtieġa. Il-persuna jew l-organizzazzjoni għandha tistabbilixxi kard tax-xogħol jew sistema ta' dokument tax-xogħol biex tintuża u għandha jew tittraskrivi b'mod preċis d-dejta tal-manutenzjoni fuq tali kards tax-xogħol jew tali dokumenti tax-xogħol jew tagħmel referenza preċiża għal kompitu jew kompiti partikolari ta' manutenzjoni li hemm f'dejta ta' muntenzjoni bħal din.

(a) tkun kwalifikata għall-kompiti mwettqa, kif mitlub minn din il-parti;

(b) tiżgura li l-erja li fiha titwettaq il-manutenzjoni tkun organizzata sewwa u nadifa minn kull ħmieġ u kontaminazzjoni;

(c) tuża l-metodi, it-tekniki, l-istandards u l-istruzzjonijiet speċifikati fid-dejta tal-manutenzjoni tal-M.A.401;

(d) tuża l-għodod, it-tagħmir, u l-materjal speċifikati fid-dejta tal-manutenzjoni tal-M.A.401; Fejn hemm bżonn, l-għodda u t-tagħmir għandhom jiġu kkontrollati u kkalibrati skont standard rikonoxxut uffiċjalment;

(e) tiżgura li l-manutenzjoni kollha għandha titwettaq fi kwalunkwe limitazzjoni ambjentali speċifikati fid-dejta tal-manutenzjoni tal-M.A.401;

(f) tiżgura li l-faċilitajiet xierqa jintużaw f'każ ta' temp ħażin u jew manutenzjoni twila;

(g) tiżgura li jiġu minimizzati r-riskju ta' żbalji multipli matul il-manutenzjoni u r-riskju li l-iżbalji jiġu ripetuti f'kompiti ta' manutenzjoni identiċi;

(h) tiżgura li jiġi implimentat metodu li jaqbad l-iżbalji wara t-twettiq ta' kwalunkwe kompitu kritiku ta' manutenzjoni; u

(i) twettaq verifika ġenerali, wara li titlesta l-manutenzjoni, biex jiġi żgurat li l-inġenju tal-ajru jew il-komponent, ma għandu l-ebda għodda, tagħmir u kwalunkwe part jew materjal estranju, u li l-pannelli kollha ta' aċċess maqlugħin, ikunu twaħħlu mill-ġdid.

(a) Għandu jitranġa xi difett tal-inġenju tal-ajru li jipperikola b'mod serju is-sikurezza tat-titjira qabel xi titjira oħra.

(b) Hu biss l-istaff awtorizzat li jiċċertifika, skont il-punti M.A.801(b)1, M.A801(b)2, M.A.801(c), M.A.801(d) jew l-Anness II (il-Parti-145) li jista' jiddeċiedi, permezz tad-dejta ta' manutenzjoni tal-M.A.401, jekk ħsara f'inġenju tal-ajru tpoġġix f'riskju serju s-sikurezza tat-titjira u b'hekk jiddeċiedi meta u liema azzjoni ta' rettifika għandha tittieħed qabel titjir ieħor u liema rettifika ta' difett tista' tiġi differita. Madankollu, dan ma japplikax meta l-MEL tkun ntużat mill-bdot jew mill-istaff ta' ċertifikazzjoni awtorizzat.

(c) Kwalunkwe nuqqas fl-inġenju tal-ajru li ma jpoġġix f'riskju serju s-sikurezza tat-titjira għandu jiġi rettifikat malajr kemm jista' jkun, wara d-data li jkun ġie identifikat l-ewwel id-difett fl-inġenju tal-ajru u fi kwalunkwe limitu speċifikat fid-dejta ta' manutenzjoni jew fil-MEL.

(d) Kull difett mhux rettifikat qabel it-titjira għandu jkun reġistrat fis-sistema ta' reġistrazzjoni tal-manutenzjoni tal-inġenju tal-ajru skont l-M.A.305 jew is-sistema tar-reġistru tekniku tal-operatur kif applikabbli skont l-M.A.306.

(a) Il-komponenti kollha għandhom jiġu kklassifikati u ssegregati kif xieraq fil-kategoriji li ġejjin:

(1) Komponenti li huma f'kundizzjoni sodifaċenti, maħruġa fuq Formula 1 tal-EASA jew ekwivalenti, u mmarkati skont is-Subparti Q tal-Anness I (Parti 21) tar-Regolament (UE) Nru 748/2012, sakemm ma jkunx speċifikat mod ieħor fl-Anness I (Parti 21) tar-Regolament (UE) Nru 748/2012 jew f'dan l-Anness (Parti M).

(2) Il-manutenzjoni fuq komponenti li ma jistax isir servizz fuqhom għandha ssir skont dan ir-Regolament.

(3) Komponenti li jiġu kkategorizzati li ma humiex salvabbli minħabba li jkunu laħqu l-limitu ta' żmien iċċertifikat tagħhom jew minħabba li jkollhom difett li ma jissewwiex.

(4) Partijiet standard użati fuq inġenju tal-ajru, magna, skrun jew xi komponent ieħor ta' inġenju tal-ajru meta jkunu speċifikati fid-dejta tal-manutenzjoni u akkumpanjati b'evidenza ta' konformità traċċabbli mal-istandard applikabbli.

(5) Materjal, bażiku jew konsumabbli, użat matul il-manutenzjoni meta l-organizzazzjoni tkun issodisfata li l-materjal huwa skont l-ispeċifikazzjoni meħtieġa u għandu t-traċċabbiltà xierqa. Il-materjal kollu għandu jkun akkumpanjat minn dokumenti relatati b'mod ċar mal-materjal partikolari u li jinkludu dikjarazzjoni ta' konformità mal-ispeċifikazzjonijiet flimkien mal-oriġini tal-manifattur u tal-fornitur.

(b) Il-komponenti, il-partijiet standard u l-materjal għandhom jiġu installati biss fuq inġenju tal-ajru jew komponent jekk ikunu f'kundizzjoni sodisfaċenti, jekk jappartjenu għal waħda mill-kategoriji elenkati fil-punt (a) u jekk id-dejta tal-manutenzjoni applikabbli tispeċifika l-komponent, parti standard jew materjal partikolari.

(a) Għajr għall-komponenti msemmija fil-punt 21A.307(c) tal-Anness I (Parti-21) għar-Regolament (UE) Nru 748/2012, il-manutenzjoni tal-komponenti għandha titwettaq minn organizzazzjonijiet tal-manutenzjoni approvati kif xieraq skont it-Taqsima A, is-Sottoparti F ta' dan l-Anness (Parti-M) jew l-Anness II (Parti-145).

(b) B'deoga mill-punt (a), il-manutenzjoni ta' komponent skont id-dejta tal-manutenzjoni tal-inġenju tal-ajru jew, jekk aċċettat mill-awtorità kompetenti, skont id-dejta tal-manutenzjoni tal-kompenenti, jista' jitwettaq minn organizzazzjoni bil-grad A approvata skont it-Taqsima A, is-Sottoparti F ta' dan l-Anness (Parti-M) jew mal-Anness II (Parti-145) kif ukoll minn persunal li jiċċertifika msemmi fil-punt M.A.801(b)2 waqt li dawn il-komponenti jkunu mwaħħlin fl-inġenju tal-ajru biss. Madanakollu, dawn l-organizzazzjonijiet jew persunal li jiċċertifika jistgħu jneħħu temporanjament dan il-komponent għall-manutenzjoni, biex itejbu l-aċċess għall-komponent, ħlief għal meta din it-tneħħija tiġġenera l-ħtieġa ta' manutenzjoni addizzjonali li mhijiex eliġibbli għad-dispożizzjonijiet ta' dan il-punt. Il-manutenzjoni tal-komponent imwettqa skont dan il-punt mhijiex eliġibbli għall-ħruġ ta' Formula 1 tal-EASA u għandha tkun suġġetta għar-rekwiżiti ta' ħruġ għall-użu ta' inġenju tal-ajru skont il-punt M.A.801.

(c) B'deroga mill-punt (a), il-manutenzjoni ta' komponent tal-magna/Ġeneratur Awziljari (APU) skont id-dejta tal-manutenzjoni tal-magna/APU jew, jekk aċċettat mill-awtorità kompetenti, skont id-dejta tal-manutenzjoni tal-kompenenti, jista' jitwettaq minn organizzazzjoni bil-grad B approvata skont it-Taqsima A, is-Sottoparti F ta' dan l-Anness (Parti-M) jew mal-Anness II (Parti-145) waqt li dawn il-komponenti jkunu mwaħħlin fl-inġenju tal-ajru biss. Madanakollu, dawn l-organizzazzjonijiet jew persunal li jiċċertifika bi grad B jistgħu jneħħu temporanjament dan il-komponent għall-manutenzjoni, biex itejbu l-aċċess għall-komponent, ħlief għal meta din it-tneħħija tiġġenera l-ħtieġa ta' manutenzjoni addizzjonali li mhijiex eliġibbli għad-dispożizzjonijiet ta' dan il-punt.

(d) B'deroga mill-punt (a) u l-punt M.A.801(b)2, il-persunal li jiċċertifika msemmi fil-punt M.A.801(b)2 jista' jwettaq, skont id-dejta tal-manutenzjoni tal-komponent, dan li ġej:

(1) Manutenzjoni li ma tkunx reviżjoni (overhaul) tal-komponenti, waqt li l-komponent jkun installat jew imneħħi temporanjament mill-inġenju tal-ajru ELA1 li ma jintużax fit-trasport kummerċjali bl-ajru;

(2) Reviżjoni ta' magni u skrejjen waqt li jkunu installati jew imneħħija temporanjament minn inġenji tal-ajru CS-VLA, CS-22 u LSA li ma jintużawx fit-trasport kummerċjali bl-ajru.

(e) Il-manutenzjoni ta' komponenti msemmija fil-21A.307(c) tal-Anness I (Parti-21) taar-Regolament (UE) 748/2012 għandha titwettaq minn organizzazzjoni ggradata A approvata skont it-Taqsima A, is-Sottoparti F ta' dan l-Anness (Parti-M) jew il-Parti-145, minn persunal li jiċċertifika msemmi fil-punt M.A.801(b)2 jew minn sid pilota msemmi fil-punt M.A.801(b)3 filwaqt li komponent bħal dan jitwaħħal fl-inġenju tal-ajru jew jitneħħa temporanjament għal aċċess aħjar. Il-manutenzjoni tal-komponent imwettqa skont dan il-punt mhijiex eliġibbli għall-ħruġ ta' Formula 1 tal-EASA u għandha tkun suġġetta għar-rekwiżiti ta' ħruġ għall-użu ta' inġenju tal-ajru skont il-punt M.A.801.

(a) Komponenti mwaħħla li jistgħu jintużaw għal żmien limitat ma għandhomx jaqbżu ż-żmien limitat tal-użu approvat kif speċifikat fil-programm ta' manutenzjoni approvat u d-direttivi dwar il-ajrunavigabbiltà, ħlief kif previst mill-punt M.A.504(c).

(b) It-tul ta' żmien tal-użu approvat espress fi żmien kalendarju, sigħat tat-tajran, inżul jew ċikli, kif xieraq.

(c) Fi tmien iż-żmien approvat tal-użu, il-komponent għandu jitneħħa mill-inġenju tal-ajru għall-manutenzjoni, jew għar-rimi fil-każ ta' komponenti b'limitu tal-użu ċċertifikat.

(a) Il-komponenti li ma jistax isir servizz fuqhom u dawk li ma humiex salvabbli għandhom jiġu ssegregati minn komponenti, partijiet standard u materjali li jista' jsir servizz fuqhom.

(b) Il-komponenti li ma humiex salvabbli ma għandhomx jitħallew jidħlu mill-ġdid fis-sistema tal-forniment tal-komponenti sakemm il-limiti ta' żmien iċċertifikat tagħhom ma jkunux ġew estiżi jew sakemm ma tkunx ġiet approvata soluzzjoni ta' tiswija skont ir-Regolament (UE) Nru 748/2012.

(a) Organizzazzjoni involuta f'attivitajiet soġġetti għal din is-Sottoparti m'għandhiex teżerċita l-attivitajiet tagħha jekk ma tkunx approvata mill-awtorità kompetenti. L-Appendiċi V tal-Anness I (Parti-M) jipprovdi l-mudell taċ-ċertifikat għal din l-approvazzjoni.

(b) Il-manwal tal-organizzazzjoni tal-manutenzjoni msemmi fil-punt M.A.604 għandu jispeċifika l-ambitu tax-xogħol li huwa meqjus li jikkostitwixxi approvazzjoni. L-Appendiċi IV tal-Anness I (Parti-M) jiddefinixxi l-klassijiet u l-klassifikazzjonijiet kollha possibbli taħt is-Sottoparti F ta' dan l-Anness (Parti-M).

(c) Organizzazzjoni approvata tal-manutenzjoni tista' tiffabbrika, konformi mad-dejta tal-manutenzjoni, firxa ristretta ta' parts għall-użu waqt ix-xogħol li jkun għaddej fil-faċilitajiet tagħha, kif identifikat fil-manwal tal-organizzazzjoni tal-manutenzjoni.

(a) L-organizzazzjoni tal-manutenzjoni għandha tipprovdi manwal li fih ta' mill-inqas l-informazzjoni li ġejja:

1. dikjarazzjoni ffirmata mill-maniġer responsabbli li jikkonferma li l-organizzazzjoni se taħdem kontinwament f'konformità mal-Anness I (Part-M) u l-manwal kull ħin, u;

2. l-ambitu tax-xogħol tal-organizzazzjoni, u;

3. It-titl(i) u l-ismi(jiet) tal-persun(i) msemmija fil-punt M.A.606(b), u;

4. ċart tal-organizzazzjoni marbuta mal-ktajjen ta' responsabbiltà bejn il-persun(i) msemmija fil-punt M.A.606(b), u;

5. lista tal-istaff li jiċċertifika u, jekk applikabbli, l-istaff għar-reviżjoni tal-ajrunavigabbiltà u l-istaff responsabbli għall-iżvilupp u l-ipproċessar tal-programm ta' manutenzjoni, bl-ambitu tal-approvazzjoni tagħhom, u;

6. lista tal-postijiet fejn issir il-manutenzjoni, flimkien ma' deskrizzjoni ġenerali tal-faċilitajiet, u;

7. proċeduri li jispeċifikaw kif l-organizzazzjoni tal-manutenzjoni tiżgura l-konformità ma' din il-Parti, u;

8. il-proċedur(i) ta' emendi tal-manwal tal-l-organizzazzjoni tal-manutenzjoni.

(b) Il-manwal tal-organizzazzjoni tal-manutenzjoni u l-emendi tiegħu għandhom ikunu approvati mill-awtorità kompetenti.

(c) Minkejja il-punt (b) emendi minuri fil-manwal jistgħu jkunu approvati permezz ta' proċedura (minn hawn 'il quddiem msejħa approvazzjoni indiretta).

(a) Il-faċiltajiet huma provduti għax-xogħol kollu ppjanat, ħwienet tax-xogħol u pjattaformi huma segregati kif xieraq, biex tiġi żgurata l-protezzjoni mill-kontaminazzjoni u l-ambjent.

(b) Tiġi pprovduta akkomodazzjoni ta' uffiċċju għall-maniġment tax-xogħol kollu ppjanat inkluż, b'mod partikoalri, ir-rekords tal-manutenzjoni kompluti.

(c) Jiġu pprovduti faċilitajiet ta' ħżin sikur għall-komponenti, it-tagħmir, l-għodda u l-materjal. Il-kondizzjonijiet tal-ħżin għandhom jiżguraw segregazzjoni ta' komponeneti u materjal mhux tajbin biex jintużaw minn komponeneti, materjal, tagħmir u għodda oħra. Il-kondizzjonijiet tal-ħżin għandhom ikunu f'konformità mal-istruzzjonijiet tal-manifatturi u l-aċċess għandu jkun ristrett għall-persunal awtorizzat.

(a) L-organizzazzjoni għandha taħtar maniġer responsabbli, li għandu l-awtorità tal-ażjenda biex jiżgura li l-manutenzjoni meħtieġa mill-klijent tista' tiġi ffinanzjata u titwettaq skont l-istandard meħtieġ ta' din il-Parti.

(b) Għandha tiġi nominata persuna jew grupp ta' persuni bir-responsabbiltà li tiġi żgurata li l-organizzazzjoni tkun dejjem f'konformità ma' din is-Sottoparti. Fl-aħħar mill-aħħar tali persun(i) għandhom ikunu responsabbli għall-maniġer responsabbli.

(c) Il-persuni kollha msemmija fil-punt (b) għandhom ikunu kapaċi juru l-għarfien relevanti, l-isfond u l-esperjenza xierqa marbuta mal-manutenzjoni tal-inġenju tal-ajru u/jew il-komponent.

(d) L-organizzazzjoni għandha jkollha persunal xieraq għall-kuntratti tax-xogħol normalment mistennija. L-użu temporanju ta' persunal sottokuntrattat huwa permess fil-każ ta' xogħol kkuntrattat aktar mill normalment mistenni u għall-persunal li ma joħroġx ċertifikat ta' rilaxx għas-servizz.

(e) Għandha tintwera u tiġi rreġistrata l-kwalifika tal-persunal kollu involut fil-manutenzjoni, fir-reviżjonijiet tal-ajrunavigabbiltà u fl-iżvilupp tal-programmi ta' manutenzjoni.

(f) Il-persunal li jwettaq kompiti speċjalizzati bħalma hu l-welding, ttestjar/spezzjoni mhux distruttiv ħlief għall-kuntrast tal-kuluri għandu jkun kwalifikat f'konformità mal-istandard uffiċjalment rikonoxxut.

(g) L-organizzazzjoni tal-manutenzjoni għandu jkollha biżżejjed persunal li jiċċertifika biex jinħarġu ċ-ċertifikati tar-rilaxx għas-servizz lil inġenji tal-ajru u komponenti kif previst fil-punti M.A.612 u M.A.613. Il-persunal għandu jkun konformi ma' dawn ir-rekwiżiti:

1. L-Anness III (Parti-66) fil-każ ta' inġenji tal-ajru;

2. L-Artikolu 5(6) ta' dan ir-Regolament fil-każ ta' komponenti.

(h) B'deroga mill-punt (g), l-organizzazzjoni tista' tuża persunal li jiċċertifika kkwalifikat skont id-dispożizzjonijiet li ġejjin meta jipprovdu appoġġ ta' manutenzjoni lil operaturi involuti f'operazzjonijiet kummerċjali, suġġetti għall-proċeduri xierqa li jridu jkunu approvati bħala parti mill-manwal tal-organizzazzjoni:

1. Għal direttiva ripetittiva dwar l-adegwatezza għall-avjazzjoni qabel it-titjira li b'mod speċifiku tiddikjara li l-ekwipaġġ tat-titjira jista' jwettaq din id-direttiva dwar il-ajrunavigabbiltà, l-organizzazzjoni tista' toħroġ awtorizzazzjoni limitata ta' persunal li jiċċertifika lill-kmandant tal-inġenju tal-ajru fuq il-bażi tal-liċenzja li jkollu l-ekwipaġġ tat-titjira, sakemm, l-organizzazzjoni tiżgura li twettaq biżżejjed taħriġ prattiku biex ikun żgurat li din il-persuna tista' twettaq id-direttiva tal-adegwatezza għall-avjazzjoni skont l-istandard meħtieġ.

2. Fil-każ ta' inġenju tal-ajru li jopera 'l bogħod minn post appoġġjat, l-organizzazzjoni tista toħroġ awtorizzazzjoni limitata ta' persunal li jiċċertifika lill-kmandant tal-inġenju tal-ajru fuq il-bażi tal-liċenzja li jkollu l-ekwipaġġ tat-titjira, sakemm, l-organizzazzjoni tiżgura li twettaq biżżejjed taħriġ prattiku biex ikun żgurat li din il-persuna tista' twetttaq il-kompitu skont l-istandard meħtieġ.

(i) Jekk l-organizzazzjoni twettaq reviżjonijet tal-ajrunavigabbiltà u toħroġ iċ-ċertifikat tar-reviżjoni tal-ajrunavigabbiltà korrispondenti għal inġenji tal-ajru ELA1 mhux involuti f'operazzjonijiet kummerċjali skont il-M.A.901(l), għandu jkollha staff għar-reviżjoni tal-ajrunavigabbiltà kwalifikat u awtorizzat skont il-M.A.901(l)(1).

(j) Jekk l-organizzazzjoni hija involuta fl-iżvilupp u l-ipproċessar tal-approvazzjoni tal-programm ta' manutenzjoni għall-inġenji tal-ajru ELA2 mhux involuti f'operazzjonijiet kummerċjali skont il-M.A.201(e)(ii), għandu jkollha staff kwalifikat li jkun kapaċi juri għarfien u esperjenza rilevanti.

(a) Minbarra M.A.606(g), il-persunal li jiċċertifika jista' jeżerċita l-privileġġi tiegħu biss jekk l-organizzazzjoni tiżgura:

1. li l-persunal li jiċċertifika jista' juri li jissodisfa r-rekwiżiti tal-punt 66.A.20(b) tal-Anness III (Parti-66), minbarra meta l-Anness III (Parti-66) tirreferi għal regolament ta' Stat Membru, u f'dak il-każ huma għandhom jissodisfaw ir-rekwiżiti ta' dan ir-regolament, u;

2. li l-persunal li jiċċertifika għandu għarfien adegwat tal-inġenju tal-ajru u/jew il-komponent(i) tiegħu li għandhom ikunu taħt manutenzjoni flimkien mal-proċeduri assoċjati tal-organizzazzjoni.

(b) Fil-każi mhux previsti li ġejjin, meta inġenju tal-ajru huwa miżmum milli jtir f'post differenti mill-bażi prinċipali fejn ebda persunal li jiċċertifika xieraq mhu disponibbli, l-organizzazzjoni tal-manutenzjoni li għandha l-kuntratt biex tipprovdi appoġġ għall-manutenzjoni tista' toħroġ awtorizzazzjoni ta' ċertifikazzjoni ta' darba:

1. lill-wieħed mill-impjegatli li għandu l-kwalifika tat-tip fuq ingenju tal-ajru b'teknoloġija, kostruzzjoni u sistemi simili; jew

2. lil xi persuna b'mhux inqas minn tliet snin esperjenza fil-manutenzjoni u li għandha liċenzja tal-manutenzjoni tal-inġenji tal-ajru ICAO valida ggradata għat-tip ta' inġenju tal-ajru li għandu bżonn ċertifikazzjoni sakemm m'hemm ebda organizzazzjoni approvata skont din il-Parti f'dak il-post u l-organizzazzjoni li għandha l-kuntratt għandha evidenza fil-fajl tal-esperjenza u l-liċenzja ta' dik il-persuna.

(c) L-organizzazzjoni ta' manutenzjoni approvata għandha tirreġistra d-dettalji kollha rigward l-istaff li jiċċertifika u l-istaff għar-reviżjoni tal-ajrunavigabbiltà u għandha żżomm lista attwali tal-istaff kollu li jiċċertifika u l-istaff għar-reviżjoni tal-ajrunavigabbiltà, flimkien mal-ambitu tal-approvazzjoni tagħhom bħala parti mill-manwal tal-organizzazzjoni skont il-punt M.A.604(a)5.

(a) L-organizzazzjoni għandha:

1. iżomm it-tagħmir u l-għodda speċifikata fid-dejta tal-manutenzjoni deskritta fil-punt M.A.609 jew l-ekwivalenti vverifikati kif elenkat fil-manwal tal-organizzazzjoni ta' manutenzjoni kif meħtieġ għall-manutenzjoni ta' kuljum fl-ambitu tal-applikazzjoni tal-approvazzjoni; and,

2. turi li għandha aċeess għat-tagħmir u l-għodod kollha użati biss ta' kultant.

(b) l-għodda u t-tagħmir għandhom jiġu kkontrollati u kkalibrati skont standard uffiċjalment rikonoxxut. Ir-rekords ta' dawn il-kalibrazzjonijiet u l-istandard użat għandhom jinżammu mill-organizzazzjoni.

(c) L-organizzazzjoni għandha tispezzjona, tikklassifika u tissegrega b'mod xieraq il-komponeneti, il-partijiet standard u l-materjali kollha li jkunu qed jaslu.

(a) Mat-tlestija tal-manutenzjoni tal-komponenti meħtieġa kollha f'konformità ma' din is-Sottoparti, għandu jinħareġ ċertifikat ta' ħruġ għall-użu tal-komponent skont il-punt M.A.802. Il-Formula 1 tal-EASA għandha tinħareġ għajr għal dawk il-komponenti li l-manutenzjoni tagħhom issir skont il-punti M.A.502(b), M.A.502(d) jew M.A.502(e) u l-komponenti ffabbrikati skont il-punt M.A.603(c).

(b) Iċ-ċertifikat għall-komponenti sabiex jinħarġu għall-użu, il-Formula 1 tal-EASA jista' jiġi ġġenerat minn dejtabejż ta' kompjuter.

(a) L-organizzazzjoni tal-manutenzjoni approvata għandha tirreġistra d-dettalji kollha tax-xogħol mwettaq. Ir-rekords meħtieġa li juru li r-rekwiżiti ġew issodisfati għall-ħruġ taċ-ċertifikat ta' rilaxx għas-servizz inklużi d-dokumenti ta' rilaxx tas-sottokuntrattur u għall-ħruġ ta' kull ċertifikat u rakkomandazzjoni ta' reviżjoni tal-ajrunavigabbiltà għandhom jinżammu.

(b) L-organizzazzjoni tal-manutenzjoni approvata għandha tipprovdi kopja ta' kull ċertifikat ta' ħruġ għall-użu lil sid l-inġenju tal-ajru, flimkien ma' kopja ta' kwalunkwe dejta speċifika dwar tiswija/modifika użata għal tiswijiet/modifiki mwettqa.

(c) L-organizzazzjoni tal-manutenzjoni approvata għandha żżomm kopja tar-rekords kollha tal-manutenzjoni u kwalunkwe dejta tal-manutenzjoni assoċjata għal tliet snin mid-data marbuta ma' meta l-inġenju tal-ajru jew il-komponent tal-inġenju tal-ajru ġie rilaxxat mill-organizzazzjoni tal-manutenzjoni approvata. Barra minn hekk, għandha tinżamm kopja tar-rekords kollha marbuta mal-ħruġ ta' rakkomandazzjonijiet u ta' ċertifikati ta' reviżjoni tal-ajrunavigabbiltà għal tliet snin mid-data tal-ħruġ u għandha tipprovdi kopja minnhom lil sid l-inġenju tal-ajru.

1. Ir-rekords skont dan il-punt għandhom jinħażnu b'tali mod li jiżgura li jitħarsu mill-ħsara, mit-tibdil jew mis-serq.

2. Il-ħardwer kollu tal-kompjuter użat sabiex isiru kopji “backup” għandu jinżamm f'postijiet differenti minn dawk li fihom id-dejta dwar ix-xogħol, b'tali mod li tkun żgurata l-kondizzjoni tajba tagħhom.

3. Meta organizzazzjoni tal-manutenzjoni approvata ttemm l-operat tagħha, ir-rekords kollha miżmuma tal-manutenzjoni li jkopru l-aħħar tliet snin għandhom jingħataw lill-aħħar sid jew klijent tal-inġenju tal-ajru jew komponent rispettiv jew għandhom jinħażnu kif speċifikat mill-awtorità kompetenti.

(a) tkompli manutenzjoni fuq kull inġenju tal-ajru u/jew komponent li għaliha tkun approvata fil-postijiet speċifikati fiċ-ċertifikat ta' approvazzjoni u fil-manwal tal-organizzazzjoni ta' manutenzjoni.

(b) tagħmel arranġamenti għat-twettiq ta' servizzi speċjalizzati, taħt il-kontroll tal-organizzazzjoni ta' manutenzjoni, għand organizzazzjoni oħra kkwalifikata b'mod adattat, suġġetta għal li jkunu stabbiliti proċeduri xierqa bħala parti mill-Manwal tal-Organizzazzjoni ta' Manutenzjoni tagħha kif approvat direttament mill-awtorità kompetenti.

(c) tkompli manutenzjoni fuq kull inġenju tal-ajru u/jew komponent li għalihom tkun approvata fi kwalunkwe post suġġetta għall-ħtieġa li din il-manutenzjoni titnissel jew minn qagħda fejn l-inġenju tal-ajru ma jkunx jista' jissewwa jew min-neċessità li jingħata appoġġ għal manutenzjoni ta' kultant, suġġetta għall-kundizzjonijiet speċifikati fil-Manwal tal-Organizzazzjoni tal-Manutenzjoni.

(d) toħroġ ċertifikati ta' ħruġ għall-użu mat-tlestija tal-manutenzjoni, skont il-punt M.A.612 jew il-punt M.A.613.

(e) jekk speċifikament approvata biex tagħmel dan għall-inġenji tal-ajru ELA1 mhux involuti f'operazzjonijiet kummerċjali,

1. twettaq reviżjonijet tal-ajrunavigabbiltà u toħroġ iċ-ċertifikat ta' reviżjoni tal-ajrunavigabbiltà korrispondenti, skont il-kondizzjonijiet speċifikati fil-punt M.A.901(l), u

2. twettaq reviżjonijet tal-ajrunavigabbiltà u toħroġ rakkomandazzjonijiet korrispondenti, bil-kondizzjonijiet speċifikati fil-punt M.A.901(l) u l-M.A.904(a)2 u (b).

(f) tiżviluppa l-programm ta' manutenzjoni u tipproċessal-approvazzjoni tiegħu skont il-punt M.A.302 għall-inġenji tal-ajru tat-tip ELA 2 mhux involuti f'operazzjonijiet kummerċjali, bil-kondizzjonijiet speċifikati fil-punt M.A.201(e)(ii), u limitata għall-kategoriji tal-inġenji tal-ajru mniżżla fiċ-ċertifikat tal-approvazzjoni.

1. isem l-organizzazzjoni;

2. Il-lok tal-organizzazzjoni;

3. lokazzjonijiet addizzjonali tal-organizzazzjoni;

4. Il-maniġer responsabbli;

5. Xi wieħed mill-persuni speċifikati fil-punt M.A.606(b);

6. Il-faċiltajiet, it-tagħmir, l-għodda, il-materjal, il-proċeduri, l-ambitu tax-xogħol u l-istaff li jiċċertifika u l-istaff għar-reviżjoni tal-ajrunavigabbiltà li jistgħu jaffettwaw l-approvazzjoni.

(a) Għandha tinħareġ approvazzjoni għal tul ta' żmien indefinit. Din għandha tibqa' valida bil-kundizzjoni li:

1. l-organizzazzjoni tibqa' konformi ma' din il-Parti, skont id-dispożizzjonijiet marbuta mat-trattament tar-riżultati kif speċifikat skont il-punt M.A.619, u;

2. l-awtorità kompetenti li qed tingħata l-aċċess għall-organizzazzjoni biex tiddetermina l-konformità kontinwata ma' din il-Parti, u;

3. l-approvazzjoni ma tiġix irtirata jew revokata;

(b) Meta jiġi rtirat jew revokat, iċ-ċertifikat ta' approvazzjoni għandu jintbagħat lura lill-awtorità kompetenti.

(a) Sejba ta' livell 1 hija kull nuqqas ta' konformità sinifikanti mar-rekwiżiti tal-Parti-M li jbaxxi l-istandards ta' sikurezza u li jipperikola serjament is-sikurezza tat-titjira.

(b) Sejba ta' livell 2 hija kull nuqqas ta' konformità mar-rekwiżiti tal-Parti-M li jista' jbaxxi l-istandard ta' sikurezza u possibbilment jipperikola s-sikurezza tat-titjira.

(c) Wara li jkun irċieva n-notifika tas-sejbiet skont il-punt M.B.605, id-detentur tal-approvazzjoni tal-organizzazzjoni ta' manutenzjoni għandu jiddefinixxi pjan ta' azzjoni korrettiv u juri azzjoni korrettiva għas-sodisfazzjoni tal-awtorità kompetenti fi żmien perjodu maqbul ma' din l-awtorità.

(a) l-għoti ta' approvazzjoni huwa indikat mill-ħruġ taċ-ċertifikat inkluż fl-Appendiċi VI mill-awtorità kompetenti.

(b) Minkejja l-punt (a), għat-trasportaturi tal-ajru li ngħataw liċenzja, skont ir-Regolament (KE) Nru 1008/2008, l-approvazzjoni għandha tkun parti miċ-certifikat tal-operatur tal-ajru maħruġ mill-awtorità kompetenti, għall-inġenju tal-ajru li qed jiġi operat.

(c) L-ambitu ta' applikazzjoni tax-xogħol meqjus li jikkostitwixxi l-approvazzjoni għandu jkun speċifikat fl-espożizzjoni tal-ġestjoni tal-kontinwità tal-ajrunavigabbiltà skont il-punt M.A. 704.

(a) L-organizzazzjoni tal-ġestjoni tal-kontinwità tal-ajrunavigabbiltà għandha tipprovdi espożizzjoni tal-ġestjoni tal-kontinwità tal-ajrunavigabbiltà li tinkludi l-informazzjoni li ġejja:

1. dikjarazzjoni ffirmata mill-maniġer responsabbli li tikkonferma li l-organizzazzjoni se taħdem f'konformità ma' din il-Parti u l-espożizzjoni l-ħin kollu, u;

2. l-ambitu tax-xogħol tal-organizzazzjoni, u;

3. it-titlu(i) u isem(ismijiet) tal-persuna(i) msemmija fil-punti M.A.706(a), M.A.706(c), M.A.706(d) u M.A.706(i); u

4. skema organizzattiva li turi l-ktajjen assoċjati tar-responsabbiltà bejn il-persuni kollha msemmija fil-punti M.A.706(a), M.A.706(c), M.A.706(d) u M.A.706(i), u;

5. lista tal-persunal tal-ajrunavigabbiltà msemmi fil-punt M.A.707, li tispeċifika, fejn applikabbli, il-persunal awtorizzat li joħroġ permessi għat-tajran skont il-punt M.A.711(c), u;

6. deskrizzjoni ġenerali u lokazzjoni tal-faċilitajiet, u;

7. Il-proċeduri li jispeċifikaw kif l-organizzazzjoni tal-ġestjoni tal-kontinwità tal-ajrunavigabbiltà tiżgura konformità ma' din il-Parti, u;

8. proċeduri tal-emendi tal-espożizzjoni tal-ġestjoni tal-kontinwità tal-ajrunavigabbiltà, u;

9. il-lista ta' programmi ta' manutenzjoni tal-inġenji tal-ajru, jew, għall-inġenji tal-ajru mhux użati minn trasportaturi tal-ajru li ngħataw liċenzja skont ir-Regolament (KE) Nru 1008/2008, il-lista ta' programmi ta' manutenzjoni “ġeneriċi” u “linja bażi”.

(b) Id-dokumentazzjoni dwar il-ġestjoni tal-kontinwità tal-ajrunavigabbiltà u l-emendi tagħha għandhom jiġu approvati mill-awtorità kompetenti.

(c) Minkejja l-punt (b), emendi minuri għall-espożizzjoni jistgħu jkunu approvati indirettament permezz ta' proċedura ta' approvazzjoni indiretta. Il-proċedura indiretta għandha tiddefinixxi l-emendi minuri eliġibbli, għandha tkun stabbilita mill-organizzazzjoni tal-ġestjoni tal-adegwatezza għall-avjazzjoni kontinwata kontinwità tal-ajrunavigabbiltà bħala parti mill-espożizzjoni u tkun approvat mill-awtorità kompetenti responsabbli għal dik l-organizzazzjoni tal-ġestjoni tal-adegwatezza għall-avjazzjoni kontinwata.

(a) L-organizzazzjoni se taħtar maniġer responsabbli, li għandu l-awtorità korporattiva biex jiżgura li l-attivitajiet ta' ġestjoni tal-kontinwità tal-ajrunavigabbiltà jistgħu jiġu ffinanzjati u mwettqa f'konformità ma' din il-Parti.

(b) Għat-trasportaturi tal-ajru li ngħataw liċenzja, skont ir-Regolament (KE) Nru 1008/2008, il-maniġer responsabbli għandu jkun il-persuna li għandha wkoll l-awtorità korporattiva biex tiżgura li l-operazzjonijiet kollha tal-operatur jistgħu jiġu ffinanzjati u mwettqa skont l-istandard meħtieġ għall-ħruġ ta' ċertifikat tal-operatur tal-ajru.

(c) Persuna jew grupp ta' persuni għandha/għandhom jiġu nnominati bir-responsabbiltà li jiżguraw li l-organizzazzjoni dejjem tkun f'konformità ma' din is-Sottoparti. Fl-aħħar mill-aħħar, tali persuna(i) għandha/għandhom jaqgħu taħt l-awtorità tal-maniġer responsabbli.

(d) Għat-trasportaturi tal-ajru li ngħataw liċenzja, skont ir-Regolament (KE) Nru 1008/2008, il-maniġer responsabbli għandu jaħtar detentur tal-post nominat. Din il-persuna għandha tkun responsabbli mill-ġestjoni u s-superviżjoni tal-attivitajiet tal-kontinwità tal-ajrunavigabbiltà, skont il-punt (c).

(e) Il-persuna nominata f'kariga msemmija fil- punt (d) ma għandhiex tiġi impjegata minn organizzazzjoni approvata tal-Parti-145 skont il-kuntratt tal-operatur, sakemm l-awtorità kompetenti speċifikament ma taqbilx dwar dan.

(f) L-organizzazzjoni għandhu jkollha biżżejjed persunal kwalifikat xieraq għax-xogħol mistenni.

(g) Il-persuni kollha tal- punti (c) u (d) għandhom ikunu kapaċi juru l-għarfien rilevanti, sfond u esperjenza xierqa rigward tal-kontinwità tal-ajrunavigabbiltà.

(h) Il-kwalifika tal-persunal kollu involut fil-ġestjoni tal-kontinwità tal-ajrunavigabbiltà għandha tiġi rreġistrata.

(i) Għall-organizzazzjonijiet li jestendu ċ-ċertifikat ta' reviżjoni tal-ajrunavigabbiltà skont il-punti M.A.711(a)4 u M.A.901(f), l-organizzazzjoni għandha tinnomina persuni awtorizzati biex jagħmlu dan, suġġetti għall-approvazzjoni mill-awtorità kompetenti.

(j) L-organizzazzjoni għandha tiddefinixxi u żżomm aġġornat fl-espożizzjoni tal-ġestjoni tal-kontinwità tal-ajrunavigabbiltà, it-titlu(i) u isem(ismijiet) tal-persuna(i) msemmija fil-punti M.A.706(a), M.A.706(c), M.A.706(d) and M.A.706(i);

(k) Għall-inġenji tal-ajru kumplessi li jaħdmu bil-magni u għall-inġenji tal-ajru użati minn trasportaturi tal-ajru li ngħataw liċenzja skont ir-Regolament (KE) Nru 1008/2008, l-organizzazzjoni għandha tistabbilixxi u tikkontrolla l-kompetenza tal-persunal involut fil-ġestjoni tal-kontinwità tal-ajrunavigabbiltà, ir-reviżjoni tal-ajrunavigabbiltà u/jew il-verifiki ta' kwalità skont proċedura u skont standard miftiehem mal-awtorità kompetenti.

(a) Sabiex tiġi approvata biex twettaq reviżjonijiet tal-ajrunavigabbiltà u, jekk applikabbli, toħroġ permessi għat-titjir, organizzazzjoni approvata tal-ġestjoni tal-manutenzjoni tal-kontinwità tal-ajrunavigabbiltà għandha jkollha staff xieraq tar-reviżjoni tal-ajrunavigabbiltà biex toħroġ ċertifikati tar-reviżjoni tal-ajrunavigabbiltà jew ir-rakkomandazzjonijiet imsemmija fit-Taqsima A tas-Subparti I u, jekk applikabbli, biex toħroġ permess għat-titjir skont il-punt M.A.711(c):

1. Għall-inġenji tal-ajru użati minn trasportaturi tal-ajru li ngħataw liċenzja, skont ir-Regolament (KE) Nru 1008/2008, u għall-inġenji tal-ajru b'MTOM ta' aktar minn 2 730 kg, ħlief għall-blalen, dan l-istaff għandu jkollu:

(a) ta' mill-inqas ħames snin esperjenza fil-kontinwità tal-ajrunavigabbiltà, u:

(b) liċenzja xierqa konformi mal-Anness III (il-Parti-66) jew grad ajrunawtiku jew ekwivalenti nazzjonali, u;

(c) taħriġ formali fil-manutenzjoni ajrunawtika, u;

(d) pożizzjoni fl-organizzazzjoni approvata b'responsabbiltajiet xierqa.

(e) Minkejja l-punti (a) sa (d), ir-rekwiżit stabbilit fil-punt M.A.707(a)1(b) jista' jinbidel ma' ħames snin ta' esperjenza fil-manutenzjoni tal-kontinwità tal-ajrunavigabbiltà b'żieda ma' dawk diġà meħtieġa fil-punt M.A.707(a)1(a).

2. Għall-inġenji tal-ajru mhux użati minn trasportaturi tal-ajru li ngħataw liċenzja, skont ir-Regolament (KE) Nru 1008/2008, b'MTOM ta' 2 730 kg jew anqas, u għall-blalen, dan l-istaff għandu jkollu:

(a) mill-inqas tliet snin esperjenza fil-kontinwità tal-ajrunavigabbiltà, u:

(b) liċenzja xierqa konformi mal-Anness III (il-Parti-66) jew grad ajrunawtiku jew ekwivalenti nazzjonali, u;

(c) taħriġ formali xieraq fil-manutenzjoni ajrunawtika, u;

(d) pożizzjoni fl-organizzazzjoni approvata b'responsabbiltajiet xierqa;

(e) Minkejja l-punti (a) sa (d), ir-rekwiżit stabbilit fil-punt M.A.707(a)2(b) jista' jinbidel ma' erba' snin esperjenza fil-manutenzjoni tal-kontinwità tal-ajrunavigabbiltà b'żieda ma' dawk diġà meħtieġa fil-punt M.A.707(a)2(a).

(b) L-istaff tar-reviżjoni tal-ajrunavigabbiltà maħtur mill-organizzazzjoni approvata tal-kontinwità fl-ajrunavigabbiltà jista' jinħariġlu biss awtorizzazzjoni mill-organizzazzjoni approvata tal-kontinwità fl-ajrunavigabbiltà meta tiġi aċċettata formalment mill-awtorità kompetenti wara t-tlestija sodisfaċenti ta' reviżjoni tal-ajrunavigabbiltà taħt is-superviżjoni tal-awtorità kompetenti jew taħt is-superviżjoni tal-istaff tar-reviżjoni tal-ajrunavigabbiltà tal-organizzazzjoni skont proċedura approvata mill-awtorità kompetenti.

(c) L-organizzazzjoni għandha tiżgura li l-persunal għar-reviżjoni tal-ajrunavigabbiltà tal-inġenju tal-ajru jista' juri esperjenza ta' ġestjoni tal-kontinwità tal-ajrunavigabbiltà riċenti xierqa.

(d) Il-persunal għar-reviżjoni tal-ajrunavigabbiltà għandu jiġi identifikat billi kull persuna tiġi elenkata fid-dokumentazzjoni dwar il-ġestjoni tal-kontinwità ajrunavigabbiltà flimkien mar-referenza ta' awtorizzazzjoni tar-reviżjoni tal-ajrunavigabbiltà tagħhom.

(e) L-awtorità kompetenti għandha żżomm rekord tal-persunal kollu għar-reviżjoni tal-ajrunavigabbiltà, li għandu jinkludi d-dettalji ta' kwalunkwe kwalifika adegwata li jkollu l-persunal flimkien ma' sommarju tal-esperjenza u t-taħriġ rilevanti fil-ġestjoni tal-kontinwità tal-ajrunavigabbiltà u kopja tal-awtorizzazzjoni. Dan ir-rekord għandu jinżamm sa sentejn wara li l-persunal għar-reviżjoni tal-ajrunavigabbiltà jkun ħalla l-organizzazzjoni.

(a) Il-ġestjoni tal-kontinwità tal-ajrunavigabbiltà kollha se titwettaq skont il-preskrizzjonijiet tal-M.A is-Sottoparti C.

(b) Għal kull inġenju tal-ajru ġestit, l-organizzazzjoni tal-ġestjoni tal-kontinwità tal-ajrunavigabbiltà approvata għandha:

1. tiżviluppa u tikkontrolla programm ta' manutenzjoni għall-inġenji tal-ajru ġestiti inkluż kwalunkwe programm ta' affidabbiltà applikabbli,

2. jippreżenta l-programm tal-manutenzjoni tal-inġenju tal-ajru u l-emendi tiegħu lill-awtorità kompetenti għall-approvazzjoni, sakemm ma jkunx kopert bi proċedura ta' approvazzjoni indiretta skont il-punt M.A.302(c) u għall-inġenji tal-ajru mhux użati minn trasportaturi tal-ajru li ngħataw liċenzja skont ir-Regolament (KE) Nru 1008/2008 jipprovdi kopja tal-programm lis-sid jew lill-operatur responsabbli skont M.A.201,

3. tamministra l-approvazzjoni tal-modifiki u t-tiswijiet,

4. tiżgura li l-manutenzjoni kollha titwettaq f'konformità mal-programm ta' manutenzjoni approvat u rilaxxata skont it- Taqsima A, is-Sottoparti H ta' dan l-Anness (Parti M),

5. tiżgura li d-direttivi dwar l-ajrunavigabbiltà u d-direttivi operazzjonali kollha applikabbli ma' impatt tal-kontinwità tal-ajrunavigabbiltà, jiġu applikati,

6. tiżgura li d-difetti kollha skoperti matul il-manutenzjoni skedata jew irrappurtati jiġu kkoreġuti minn organizzazzjoni tal-manutenzjoni approvata kif xieraq,

7. tiżgura li meta huwa meħtieġ l-inġenju tal-ajru jittieħed għand organizzazzjoni ta' manutenzjoni approvata kif xieraq,

8. tikkoordina l-manutenzjoni skedata, l-applikazzjoni tad-direttivi dwar l-ajrunavigabbiltà, il-bdil ta' partijiet li jistgħu jintużaw għal żmien limitat, u twettaq spezzjonijiet tal-komponenti sabiex tiżgura li x-xogħol jitwettaq kif xieraq,

9. timmaniġġja u tarkivja r-rekords tal-kontinwità tal-ajrunavigabbiltà kollha u/jew ir-reġistru tekniku tal-operatur.

10. tiżgura li d-dikjarazzjoni dwar il-massa u l-bilanċ tirrifletti l-istat attwali tal-inġenju tal-ajru.

(c) Fil-każ tal-inġenji tal-ajru kumplessi li jaħdmu bil-magni jew tal-inġenji tal-ajru użati għall-CAT, jew inġenji tal-ajru użati għall-operazzjonijiet kummerċjali speċjalizzati, meta l-organizzazzjoni ta' ġestjoni tal-kontinwità tal-ajrunavigabbiltà approvata ma tkunx approvata b'mod xieraq għall-Parti-145 jew il-Parti-MA is-Subparti F, l-organizzazzjoni, wara konsultazzjoni mal-operatur, għandha tistabbilixxi kuntratt ta' manutenzjoni bil-miktub ma' organizzazzjoni approvata jew operatur ieħor tal-Parti-145 jew is-Subparti F tal-Parti-MA, billi jagħti dettalji dwar l-funzjonijiet speċifikati fil-M.A.301-2, l-M.A.301-3, l-M.A.301-5 u l-M.A.301-6, li jiżgura li l-manutenzjoni kollha finalment titwettaq minn organizzazzjoni ta' manutenzjoni approvata mill-Parti-145 jew is-Subparti F tal-Parti-M.A u li jiddefinixxi l-appoġġ tal-funzjonijiet tal-kwalità tal-M.A.712(b).

(d) Minkejja l-paragrafu (c), il-kuntratt jista' jkun fl-għamla ta' ordnijiet tax-xogħol individwali indirizzati lill-organizzazzjoni ta' manutenzjoni tal-Parti-145 jew tas-Subparti-F tal-Parti-M.A, f'każ li:

1. inġenju tal-ajru li jeħtieġ manutenzjoni bil-linja mhux skedata,

2. manutenzjoni tal-komponenti, inkluża manutenzjoni tal-magni.

(a) L-organizzazzjoni approvata għall-ġestjoni tal-kontinwità tal-ajrunavigabbiltà għandha żżomm u tuża dejta attwali tal-manutenzjoni skont il-punt M.A.401 applikabbli fit-twettiq tal-kompiti tal-kontinwità tal-ajrunavigabbiltà msemmija fil-punt M.A.708. Din id-dejta għandha tkun ipprovduta mis-sid jew mill-operatur, sakemm kuntratt xieraq ikun stabbilit ma' dan is-sid jew l-operatur. F'każ bħal dan, l-organizzazzjoni tal-ġestjoni tal-kontinwità tal-ajrunavigabbiltà biss għandha bżonn iżżomm din id-dejta għat-tul tal-kuntratt, minbarra meta mitlub mill-punt M.A.714.

(b) Għall-inġenji tal-ajru mhux użati minn trasportaturi tal-ajru li ngħataw liċenzja skont ir-Regolament (KE) Nru 1008/2008, l-organizzazzjoni ta' ġestjoni tal-kontinwità tal-ajrunavigabbiltà approvata tista' tiżviluppa programmi ta' manutenzjoni “linji bażi” u/jew “ġeneriċi” biex tippermetti l-approvazzjoni inizjali u/jew l-estenzjoni tal-kamp ta' applikazzjoni ta' approvazzjoni mingħajr ma jkollha l-kuntratti msemmija fl-Appendiċi I ta' dan l-Anness (il-Parti M). Mandankollu, dawn il-programmi ta' manutenzjoni “linja bażi” u/jew “ġeneriċi” ma jipprekludux il-ħtieġa li jkun stabbilit Programm ta' Manutenzjoni tal-Inġenju tal-Ajru adegwat f'konformità mal-punt M.A.302 fi żmien xieraq qabel l-eżerċizzju tal-privileġġi msemmija fil-punt M.A.711.

(a) Sabiex ikun sodisfatt ir-rekwiżit għar-reviżjoni tal-ajrunavigabbiltà ta' inġenju tal-ajru msemmi fil-punt M.A.901, reviżjoni dokumentata bis-sħiħ tar-rekords tal-inġenju tal-ajru għandha titwettaq mill-organizzazzjoni tal-ġestjoni tal-kontinwità tal-ajrunavigabbiltà sabiex din tkun sodisfatta li:

1. is-sigħat tat-tajran u ċ-ċikli tat-tajran assoċjati tal-qafas, il-magna u l-iskrejjen ikunu ġew irreġistrati kif suppost; u

2. il-manwal tat-tajran ikun applikabbli għall-konfigurazzjoni tal-inġenju tal-ajru u jirrifletti l-aħħar status tar-reviżjoni; u

3. il-manutenzjoni kollha li għandha ssir lill-inġenju tal-ajru skont il-programm approvat tal-manutenzjoni tkun saret; u

4. kull difett magħruf ikun issewwa jew, meta applikabbli, ġestit b'mod ikkontrollat; u

5. id-direttivi kollha applikabbli tal-ajrunavigabbiltà jkunu ġew applikati u rreġistrati kif suppost; u

6. il-modifiki u t-tiswijiet kollha applikati lill-inġenju tal-ajru jkunu ġew irreġistrati u huma konformi mal-Anness I (Parti-21) tar-Regolament (UE) Nru 748/2012; u

7. il-komponenti kollha bi żmien limitat tal-użu installati fuq l-inġenju tal-ajru jkunu identifikati u rreġistrati kif suppost u ma jkunux qabżu l-limitu approvat taż-żmien tal-użu tagħhom; u

8. il-manutenzjoni kollha tkun inħarġet skont l-Anness I (Parti-M); u

9. id-dikjarazzjoni attwali dwar il-massa u l-bilanċ tirrifletti l-konfigurazzjoni tal-inġenju tal-ajru u hija valida; u

10. l-inġenju tal-ajru jikkonforma mal-aħħar reviżjoni tad-disinn tat-tip tiegħu approvat mill-Aġenzija; u

11. jekk meħtieġ, l-inġenju tal-ajru jkollu ċertifikat akustiku li jikkorrispondi għall-konfigurazzjoni attwali tal-inġenju tal-ajru f'konformità mas- mas-Sottoparti I tal-Anness (Parti-21) tar-Regolament (UE) Nru 748/2012.

(b) Il-persunal tar-reviżjoni tal-ajrunavigabbiltà tal-organizzazzjoni approvata tal-ġestjoni tal-kontinwità tal-ajrunavigabbiltà għandu jwettaq stħarriġ fiżiku tal-inġenju tal-ajru. Għal dan l-istħarriġ, il-persunal tar-reviżjoni tal-ajrunavigabbiltà li mhuwiex ikkwalifikat kif xieraq skont l-Anness III (Parti-66) għandu jkun assistit minn dan il-persunal kwalifikat.

(c) Permezz tal-istħarriġ fiżiku tal-inġenju tal-ajru, il-persunal tar-reviżjoni tal-ajrunavigabbiltà għandu jiżgura li:

1. il-marki u l-pjanċi kollha meħtieġ jkunu installatti korrettament; u

2. l-inġenju tal-ajru jikkonforma mal-manwal approvat tat-tajran tiegħu; u

3. il-konfigurazzjoni tal-inġenju tal-ajru tikkonforma mad-dokumentazzjoni approvata, u u

4. l-ebda difett evidenti ma jinstab li ma jkunx ġie indirizzat skont il-punt M.A.403; u

5. ma tkun instabet ebda inkonsistenza bejn l-inġenju tal-ajru u r-reviżjoni dokumentata tar-rekords tal-punt (a).

(d) B'deroga għall-punt M.A.901(a), ir-reviżjoni tal-ajrunavigabbiltà tista' tiġi antiċipata b'perjodu massimu ta' 90 jum mingħajr telf ta' kontinwità tax-xejra tar-reviżjoni tal-ajrunavigabbiltà, sabiex tkun tista' ssir ir-reviżjoni fiżika waqt verifika ta' manutenzjoni.

(e) Iċ-ċertifikat tar-reviżjoni tal-ajrunavigabbiltà (Formola EASA 15b) jew ir-rakkomandazzjoni għall-ħruġ taċ-ċertifikat tar-reviżjoni tan-navigabbiltà (Formola EASA 15b) msemmi fl-Appendiċi III għall-Anness I (Parti-M) jista' biss jinħareġ:

1. minn persunal tar-reviżjoni tal-ajrunavigabbiltà awtorizzat kif xieraq skont il-punt M.A.707 f'isem l-organizzazzjoni approvata tal-kontinwità tal-ajrunavigabbiltà jew minn persunal li jiċċertifika fil-każijiet previsti fil-punt M.A.901(g); u

2. meta jkun sodisfatt li r-reviżjoni tal-ajrunavigabbiltà tkun twettqet għal kollox u li ma hemm l-ebda nuqqas ta' konformità magħruf li jipperikola s-sikurezza tat-tajran.

(f) Kopja ta' kwalunkwe ċertifikat tar-reviżjoni tal-ajrunavigabbiltà maħruġ jew estiż għal inġenju tal-ajru għandu jintbagħat lill-Istat Membru tar-Reġitsru ta' dak l-inġenju tal-ajru fi żmien 10 ijiem.

(g) Il-kompiti tar-reviżjoni tal-ajrunavigabbiltà m'għandhomx jiġu sottokuntrattati.

(ga) Għall-inġenji tal-ajru ELA1 mhux involuti f'operazzjonijiet kummerċjali li għalihom il-programm ta' manutenzjoni tal-inġenju tal-ajru ġie stabbilit skont il-M.A.302(h), il-programm ta' manutenzjoni tal-inġenju tal-ajru għandu jiġi eżaminat flimkien mar-reviżjoni tal-ajrunavigabbiltà. Din ir-reviżjoni għandha ssir mill-persuna li twettaq ir-reviżjoni tal-ajrunavigabbiltà.

(h) Jekk l-eżitu tar-reviżjoni tal-ajrunavigabbiltà ma jkunx konklussiv jew jekk ir-reviżjoni skont il-punt M.A.710(ga) turi diskrepanzi fuq l-inġenju tal-ajru marbuta man-nuqqasijiet fil-kontenut tal-programm ta' manutenzjoni, l-awtorità kompetenti għandha tkun infurmata malli jkun prattikabbli iżda f'kull każ fi żmien 72 siegħa minn meta l-organizzazzjoni tkun identifikat il-kondizzjoni marbuta mar-reviżjoni. Iċ-ċertifikat ta' reviżjoni tal-ajrunavigabbiltà ma jistax jinħareġ qabel ma s-sejbiet kollha jkunu ġew konklużi.

(a) L-organizzazzjoni ta' manutenzjoni tal-ġestjoni tal-kontinwità tal-ajrunavigabbiltà approvata skont is-Sezzjoni A, Sottoparti G ta' dan l-Anness (Parti-M), tista':

1. jimmaniġġja l-kontinwità tal-ajrunavigabbiltà tal-inġenji tal-ajru, ħlief għal dawk użati minn trasportaturi tal-ajru li ngħataw liċenzja skont ir-Regolament (KE) Nru 1008/2008, kif imniżżel fiċ-ċertifikat ta' approvazzjoni;

2. jimmaniġġja l-kontinwità tal-ajrunavigabbiltà tal-inġenji tal-ajru użati minn trasportaturi tal-ajru li ngħataw liċenzja skont ir-Regolament (KE) Nru 1008/2008, kif imniżżel fiċ-ċertifikat ta' approvazzjoni u fiċ-Ċertifikat tal-Operatur tal-Ajru (AOC);

3. tirranġa biex twettaq kompiti tal-kontinwità tal-ajrunavigabbiltà limitati ma' kwalunkwe organizzazzjoni subappaltata, li tkun qiegħda taħdem skont is-sistema tal-kwalità tagħha, kif elekat fiċ-ċertifikat tal-approvazzjoni;

4. testendi, skont il-kundizzjonijiet tal-punt M.A.901(f), ċertifikat tar-reviżjoni tal-ajrunavigabbiltà li kien maħruġ mill-awtorità kompetenti jew minn organizzazzjoni oħra tal-ġestjoni tal-kontinwità tal-ajrunavigabbiltà approvata skont it-Taqsima A, is-Sottoparti G ta' dan l-Anness (Parti-M);

(b) Organizzazzjoni tal-ġestjoni tal-kontinwità tal-ajrunavigabbiltà approvata reġistrata f'wieħed mill-Istati Membri tista' barra minn hekk, tkun approvata biex twettaq reviżjonijet tal-adegwatezza għall-avjazzjoni msemmija fil-punt M.A.710 u;

1. toħroġ iċ-ċertifikat ta' reviżjoni tal-ajrunavigabbiltà relatat u fi żmien adegwat testendih skont il-kundizzjonijiet tal-punti M.A.901(c)2 jew M.A.901(e)2, u, u,

2. tagħmel rakkomandazzjoni għal reviżjoni tal-ajrunavigabbiltà lill-awtorità kompetenti tal-Istat Membru tar-reġistrazzjoni.

(c) Organizzazzjoni tal-ġestjoni tal-kontinwità tal-ajrunavigabbiltà li l-approvazzjoni tagħha tinkludi l-privileġġi msemmija fil-punt M.A.711(b) tista' addizzjonalment tiġi approvata biex toħroġ permess tat-tajran skont il-puntA.711(d) tal-Anness I (Parti-21) tar-Regolament (UE) Nru 748/2012 għall-inġenju tal-ajru partikolari li għalih l-organizzazzjoni ġiet approvata biex toħroġ iċ-ċertifikat tar-reviżjoni tal-ajrunavigabbiltà, meta l-organizzazzjoni tal-ġestjoni tal-kontinwità tal-ajrunavigabbiltà tkun qed tattesta l-konformità ma' kundizzjonijiet approvati tat-tajran, soġġett għal proċedura approvata xierqa fil-preżentazzjoni msemmija fil-punt M.A.704.

(a) Sabiex tiżgura li l-organizzazzjoni tal-ġestjoni tal-kontinwità tal-ajrunavigabbiltà approvata tkompli tilħaq ir-rekwiżiti ta' din is-Sottoparti, għandha tistabbilixxi sistema tal-kwalità u taħtar maniġer tal-kwalità biex jissorvelja l-konformità ma', u l-adegwatezza ta' proċeduri meħtieġa biex ikunu żgurati inġenji tal-ajru ajrunavigabbli Il-sorveljanza tal-konformità għandu jinkludi sistema ta' feedback għall-maniġer responsabbli biex jiżgura li tittieħed azzjoni korrettiva kif xieraq.

(b) Is-sistema tal-kwalità għandha tissorvelja l-attivitajiet imwettqa skont it-Taqsima A, is-Sottoparti G ta' dan l-Anness (Parti M). Għandha tinkludi tal-anqas il-funzjonijiet li ġejjin:

1. tissorvelja l-attivitajiet kollha mwettqa fit-Taqsima A tas-Sottoparti G ta' dan l-Anness (Parti M) sabiex tiżgura li qed jitwettqu f'konformità mal-proċeduri approvati, u;

2. tissorvelja biex tiżgura li l-manutenzjoni titwettaq f'konformità mal-kuntratt, u;

3. tissorvelja l-konformità kontinwata mar-rekwiżiti ta' din il-Parti.

(c) Ir-rekords ta' dawn l-attivitajiet għandhom jinħażnu tal-anqas għal sentejn.

(d) Fejn l-organizzazzjoni tal-ġestjoni tal-kontinwità tal-ajrunavigabbiltà approvata hija approvata f'konformità ma' Parti oħra, is-sistema tal-kwalità tista' tiġi kkombinata ma' dik meħtieġa mill-Parti l-oħra.

(e) Għat-trasportaturi tal-ajru li ngħataw liċenzja skont ir-Regolament (KE) Nru 1008/2008 s-sistema ta' kwalità tas-Suparti G tal-M.A. għandha tkun parti integrata tas-sistema ta' kwalità tal-operatur.

(f) Fil-każ ta' organizzazzjoni żgħira li ma għandhiex il-ġestjoni tal-kontinwità tal-ajrunavigabbiltà tal-inġenji tal-ajru użati minn trasportaturi tal-ajru li ngħataw liċenzja skont ir-Regolament (KE) Nru 1008/2008, reviżjonijiet organizzazzjonali soġġetti għall-approvazzjoni mill-awtorità kompetenti jistgħu jieħdu post is-sistema ta' kwalità, minbarra meta l-organizzazzjoni toħroġ ċertifikat ta' reviżjoni tal-ajrunavigabbiltà għall-inġenji tal-ajru b'MTOM ta' aktar minn 2 730 kg barra l-blalen. Fil-każ fejn m'hemmx sistema ta' kwalità, l-organizzazzjoni ma għandhiex tagħmel kuntratti ta' kompiti ta' ġestjoni tal-kontinwità tal-ajrunavigabbiltà lill-partijiet oħra.

1. isem l-organizzazzjoni.

2. is-sit tal-organizzazzjoni;

3. siti addizzjonali tal-organizzazzjoni.

4. il-maniġer responsabbli.

5. kwalunkwe persuna speċifikata f'M.A.706(c).

6. il-faċilitajiet, il-proċeduri, l-ambitu tax-xogħol u l-persunal li jistgħu jaffettwaw l-approvazzjoni.

(a) L-organizzazzjoni tal-ġestjoni tal-manutenzjoni tan-navigabbiltà għandha tirreġistra d-dettalji kollha tax-xogħol imwettaq. Ir-rekords meħtieġa minn M.A.305 u jekk applikabbli M.A.306 għandhom jinżammu.

(b) Jekk l-organizzazzjoni ta' ġestjoni tal-kontinwità tal-ajrunavigabbiltà jkollha l-privileġġ imsemmi fil-punt M.A.711(b), hija għandha żżomm kopja ta' kull ċertifikat u rakkomandazzjoni ta' reviżjoni tal-ajrunavigabbiltà maħruġ jew, jekk ikun applikabbli, estiż, flimkien mad-dokumenti ta' sostenn kollha. Barra minn hekk, l-organizzazzjoni għandha żżomm kopja ta' kull ċertifikat tal-ġestjoni tar-reviżjoni tal-ajrunavigabbiltà li tkun estendiet bil-privileġġ imsemmi fil-punt M.A.711(a)4.

(c) Sabiex l-organizzazzjoni tal-ġestjoni tal-manutenzjoni tal-ajrunavigabbiltà jkollha l-privileġġ imsemmi fil-punt M.A.711(c), għandha żżomm kopja ta' kull permess għat-tajran maħruġ skont id-dispożizzjonijiet tal-punt 21A.729 tal-Anness I (Parti-21) tar-Regolament (UE) Nru 748/2012.

(d) L-organizzazzjoni tal-ġestjoni tal-kontinwità tal-ajrunavigabbiltà għandha żżomm kopja tar-rekords kollha msemmija fil-punti (b) u (c) sa sentejn wara li l-inġenju tal-ajru jkun tneħħa permanentament mis-servizz.

(e) Ir-rekords għandhom jinħażnu b'tali mod li jiżgura li jitħarsu mill-ħsara, it-tibdil jew is-serq.

(f) Il-hardware kollu tal-kompjuter użat sabiex isiru kopji backup għandu jinżamm f'postijiet differenti minn dawk li fihom id-dejta dwar ix-xogħol, b'tali mod li tkun żgurata ż-żamma tajba tagħhom.

(g) Meta l-ġestjoni tal-kontinwità tal-ajrunavigabbiltà ta' inġenju tal-ajru tkun ġiet trasferita lil organizzazzjoni jew persuna oħra, ir-rekords kollha miżmuma għandhom jiġu trasferiti lil din l-organizzazzjoni jew persuna. Il-perjodi ta' żmien preskritti għaż-żamma tar-rekords għandhom ikomplu japplikaw għal din l-organizzazzjoni jew persuna

(h) Meta organizzazzjoni ta' ġestjoni tal-kontinwità tal-ajrunavigabbiltà ta' inġenju ttemm l-operat tagħha, ir-rekords kollha miżmuma għandhom jiġu ttrasferiti lil sid l-inġenju tal-ajru.

(a) Approvazzjoni għandha tinħareġ għal tul ta' żmien mhux limitat. Dan għandu jibqa' validu bil-kundizzjoni li:

1. l-organizzazzjoni tibqa' konformi mal-Anness II (Parti-145), skont id-dispożizzjonijiet marbuta mat-trattament tar-riżultati kif speċifikat skont il-punt M.B.705 u;

2. l-awtorità kompetenti li qed tingħata aċċess għall-organizzazzjoni biex tiddetermina l-konformità kontinwata ma' din il-Parti, u;

3. l-approvazzjoni ma tiġix irtirata jew revokata.

(b) Meta jiġi ċedut jew revokat, iċ-ċertifikat ta' approvazzjoni għandu jintbagħat lura lill-awtorità kompetenti.

(a) Sejba ta' livell 1 hija kull nuqqas ta' konformità sinifikanti mar-rekwiżiti tal-Parti-M li tbaxxi l-istandards u l-perikli ta' sikurezza

(b) Sejba ta' livell 2 hija kull nuqqas ta' konformità mar-rekwiżiti tal-Parti M li jista' jbaxxi l-istandard ta' sikurezza u possibbilment ikun ta' xkiel għas-sikurezza tat-titjira.

(c) Wara li jirċievi n-notifika tas-sejbiet skont il-punt M.B.705, id-detentur tal-approvazzjoni tal-organizzazzjoni ta' ġestjoni tal-kontinwità tal-ajrunavigabbiltà għandu jispjega pjan ta' azzjoni korrettiv u juri azzjoni korrettiva għas-sodisfazzjoni tal-awtorità kompetenti fi żmien perjodu maqbul minn din l-awtorità.

(a) Minbarra għall-inġenji tal-ajru li nħarġu għall-użu minn organizzazzjoni ta' manutenzjoni approvata skont l-Anness II (Parti-145), iċ-ċertifikat sabiex jinħarġu għall-użu għandu jinħareġ skont din is-Sottoparti.

(b) Ebda inġenju tal-ajru ma jista' jinħareġ sakemm ma jkunx maħruġ ċertifikat sabiex jinħareġ għall-użu mat-tlestija tal-manutenzjoni, meta jkun sodisfatt li l-manutenzjoni meħtieġa kollha twettqet b'mod adattat, billi:

1. persunal li jiċċertifika xieraq għan-nom tal-organizzazzjoni ta' manutenzjoni approvata skont it-Taqsima A, is-Sottoparti F ta' dan l-Anness (Parti M); jew

2. persunal li jiċċertifika f'konformità mar-rekwiżiti stabbliti fl-Anness II (Parti-66), minbarra l-kompiti ta' manutenzjoni kumplessi elenkati fl-Appendiċi VII ta' dan l-Anness li għalih japplika l-punt 1; jew

3. mill-polita-sid f'konformità mal-punt M.A.803;

(c) Permezz ta' deroga mill-punt M.A.801(b)2 għall-inġenji tal-ajru ELA1 mhux użati fil-CAT jew mhux użati fl-operazzjonijiet kummerċjali speċjalizzati jew mhux użati f'operazzjonijiet kummerċjali ATO, il-kompiti tal-manutenzjoni kumplessa ta' inġenji tal-ajru elenkati fl-Appendiċi VII jistgħu jiġu rilaxxati mill-istaff li jiċċertifika msemmi fil-punt M.A.801(b)2.

(d) Permezz ta' deroga mill-punt M.A.801(b), f'każ ta' sitwazzjonijiet mhux previsti, fejn inġenju tal-ajru ma jkunx jista' jtir minn post fejn ma jkunx hemm organizzazzjoni ta' manutenzjoni approvata skont dan l-Anness jew l-Anness II (il-Parti-145) u ma jkun disponibbli l-ebda staff adegwat li jiċċertifika, is-sid jista' jawtorizza lil kwalunkwe persuna, b'mhux anqas minn tliet snin ta' esperjenza xierqa fil-manutenzjoni u li jkollha l-kwalifiki xierqa, biex iżżomm skont l-istandards stipulati fis-Subparti D ta' dan l-Anness u tirrilaxxa l-inġenji tal-ajru. F'dan il-każ is-sid għandu:

1. jikseb u jżomm dettalji fir-rekords tal-inġenju tal-ajru dwar ix-xogħol kollu li jitwettaq u tal-kwalifiki li jkollha l-persuna li toħroġ iċ-ċertifikazzjoni; u

2. jiżgura li kwalunkwe manutenzjoni bħal din tiġi kkontrollata mill-ġdid u rilaxxata minn persuna awtorizzata kif jixraq imsemmija fil-punt M.A.801(b) jew minn organizzazzjoni approvata skont it-Taqsima A, is-Subparti F ta' dan l-Anness (il-Parti-M), jew mal-Anness II (il-Parti-145) mal-ewwel opportunità possibbli iżda f'perjodu li ma jaqbiżx is-sebat ijiem; u

3. jinnotifika lill-organizzazzjoni responsabbli għall-ġestjoni tal-kontinwità tal-ajrunavigabbiltà tal-inġenju tal-ajru meta jiġi kkuntrattjat skont il-punt M.A.201(i), jew l-awtorità kompetenti fin-nuqqas ta' kuntratt bħal dan, fi żmien sebat ijiem mill-ħruġ tal-awtorizzazzjoni ta' ċertifikazzjoni bħal din.

(e) Fil-każ ta' ħruġ għall-użu skont il-punt M.A.801(b)2 jew il-punt M.A.801(c), il-persunal li jiċċertifika jista' jkun megħjun fit-twettiq tax-xogħlijiet ta' manutenzjoni minn persuna jew persuni taħt il-kontroll dirett u kontinwu tal-persunal li jiċċertifika.

(f) Ċertifikat ta' ħruġ għall-użu għandu jkun fih mill-inqas:

1. id-dettalji bażiċi tal-manutenzjoni mwettqa; u

2. Id-data meta tlestiet din il-manutenzjoni; u

3. l-identità tal-organizzazzjoni u/jew il-persuna li ħarġet dan il-ħruġ għall-użu, inklużi:

(i) ir-referenza approvata tal-organizzazzjoni ta' manutenzjoni approvata skont it-Taqsima A, is-Sottoparti F ta' dan l-Anness (Parti-M) u l-persunal li jiċċertifika li ħareġ dan iċ-ċertifikat; jew

(ii) fil-każ ta' ċertifikat tal-punt M.A.801(b)2 jew M.A.801(c) ta' ħruġ għall-użu, l-identità u n-numru tal-liċenzja jekk ikun applikabbli, tal-persunal li jiċċertifika li ħareġ dan iċ-ċertifikat.

4. il-limitazzjonijiet tal- tal-ajrunavigabbiltà jew tal-operazzjoni, jekk hemm.

(g) B'deroga mill-punt (b) u minkejja d-dispożizzjonijiet tal-paragrafu (h), fil-każ ta' manutenzjoni li ma setgħatx titlesta, ċertifkat tal-ħruġ għall-użu jista' jkun maħruġ fil-limiti approvati tal-inġenju tal-ajru. Dan il-fatt, flimkien ma' limitazzjonijiet tal-ajrunavigabbiltà jew tal-operazzjoni, jekk hemm, għandhom ikunu miktuba fiċ-ċertifikat tal-ħruġ għall-użu tal-inġenju tal-ajru qabel il-ħruġ tiegħu bħala parti mill-informazzjoni meħtieġa mill-punt (f)4.

(h) Ma għandux jinħareġ ċertifikat ta' ħruġ għall-użu fil-każ ta' kwalunkwe nuqqas ta' konformità li jkun magħruf li tipperikola s-sikurezza tat-titjira.

(a) Għandu jinħareġ ċertifikat ta' ħruġ għall-użu meta titlesta kwalunkwe manutenzjoni mwettqa fuq komponent ta' inġenju tal-ajru skont il-punt M.A.502.

(b) Iċ-ċertifikat ta' ħruġ awtorizzat, identifikat bħala l-Formula 1 tal-EASA, jikkostitwixxi ċ-ċertifikat ta' ħruġ għall-użu ta' komponent, għajr meta din il-manutenzjoni fuq komponenti ta' inġenju tal-ajru tkun twettqet skont il-punt M.A.502(b), il-punt M.A.502(d) jew il-punt M.A.502(e), fejn f'dak il-każ il-manutenzjoni tkun suġġetta għall-proċeduri ta' ħruġ ta' inġenju tal-ajru skont il-punt M.A.801.

(a) Biex persuna tikkwalifika bħala pilota-sid, għandha:

1. ikollha liċenzja ta' pilota valida (jew l-ekwivalenti) maħruġa u vvalidata minn Stat Membru għat-tip jew rata tal-klassi tal-inġenju tal-ajru u; u

2. tkun proprjetarja ta' inġenju tal-ajru, waħedha jew ma ħadd ieħor; dan is-sid għandu jkun:

(i) wieħed mill-persuni fiżiċi fil-formola tar-reġistrazzjoni; jew

(ii) membru ta' entità ġuridika rikreattiva mingħajr skop ta' lukru, fejn l-entità ġuridika tkun speċifikata fid-dokument tar-reġistrazzjoni bħala s-sid jew l-operatur, u dak il-membru jkun involut direttament fil-proċess tat-teħid tad-deċiżjonijiet tal-entità ġuridika u nnominat minn dik l-entità ġuridika biex iwettaq il-manutenzjoni tal-pilota-sid.

(b) Għall-inġenji tal-ajru mhux kumplessi li jaħdmu bil-magni b'MTOM ta' 2 730 kg jew anqas, glajders, glajders bil-mutur jew blalen tal-arja, li ma jintużawx f'CAT, jew li ma jintużawx f'operazzjonijiet kummerċjali speċjalizzati jew li ma jintużawx f'operazzjonijiet kummerċjali ATO, il-bdot-sid jista' joħroġ ċertifikat tar-rilaxx għas-servizz wara manutenzjoni limitata mill-bdot-sid kif speċifikat fl-Appendiċi VIII.

(c) L-ambitu tal-applikazzjoni tal-manutenzjoni limitata mill-pilota-sid għandu jkun speċifikat fil-programm ta' manutenzjoni għal inġenju tal-ajru kif imsemmi fil-punt M.A.302.

(d) Iċ-ċertifikat ta' ħruġ għall-użu jrid jiddaħħal fil-ġurnali u jkun fih d-dettalji bażiċi dwar il-manutenzjoni mwettqa, id-dejta użata fil-manutenzjoni, id-data meta tlestiet din il-manutenzjoni u l-identità, il-firma u n-numru tal-liċenzja tal-pilota, tal-pilota-sid li ħareġ tali ċertifikat.

(a) Ċertifikat ta' reviżjoni tal-ajrunavigabbiltà jinħareġ skont l-Appendiċi III (il-Formoli 15a, 15b jew 15c tal-EASA) meta titlesta reviżjoni sodisfaċenti tal-ajrunavigabbiltà. Iċ-ċertifikat ta' reviżjoni tal-ajrunavigabbiltà jibqa' validu għal sena.

(b) Inġenju tal-ajru f'ambjent ikkontrollat huwa inġenju tal-ajru (i) ta' ġestjoni kontinwata matul l-aħħar 12-il xahar minn organizzazzjoni ta' ġestjoni tal-ajrunavigabbiltà unika approvata skont it-Taqsima A, is-Sottopart G, ta' dan l-Anness (Parti-M), u (ii) li kellu manutenzjoni matul l-aħħar 12-il xahar minn organizzazzjonijiet ta' manutenzjoni approvati skont is-Sezzjoni A, Sottoparti F ta' dan l-Anness (Parti-M), jew l-Anness II (Parti 145). Dan jinkludi x-xogħlijiet ta' manutenzjoni msemmija fil-punt M.A.803(b) imwettqa u l-ħruġ għall-użu skont il-punt M.A.801(b)2 jew il-punt M.A.801(b)3.

(c) Għall-inġenji tal-ajru kollha użati minn trasportaturi tal-ajru li ngħataw liċenzja skont ir-Regolament (KE) Nru 1008/2008, u għall-inġenji tal-ajru b'MTOM ta' aktar minn 2 730 kg, barra l-blalen, li huma f'ambjent ikkontrollat, l-organizzazzjoni msemmija f'(b) li timmaniġġja l-kontinwità tal-ajrunavigabbiltà tista', jekk tkun approvata b'mod xieraq, u suġġetta għall-konformità mal-punt (k):

1. toħroġ iċ-ċertifikat ta' reviżjoni tal-ajrunavigabbiltà skont il-punt M.A.710, u;

2. għaċ-ċertifikati ta' reviżjoni tal-ajrunavigabbiltà li tkun ħarġet, meta l-inġenju tal-ajru jkun baqa' f'ambjent ikkontrollat, testendi darbtejn il-validità taċ-ċertifikat ta' reviżjoni tal-ajrunavigabbiltà għal perjodu ta' sena kull darba.

(d) Għall-inġenji tal-ajru kollha użati minn trasportaturi tal-ajru li ngħataw liċenzja, skont ir-Regolament (KE) Nru 1008/2008, u għall-inġenji tal-ajru b'MTOM ta' aktar minn 2 730 kg, ħlief għall-blalen, li:

(i) mhumiex f'ambjent ikkontroallat, jew

(ii) li l-kontinwità tal-ajrunavigabbiltà hija ġestita minn organizzazzjoni ta' ġestjoni tal-kontinwità tal-ajrunavigabbiltà li ma għandhiex il-privileġġ li twettaq reviżjonijiet tal-ajrunavigabbiltà

(e) Għall-inġenji tal-ajru b'MTOM ta' 2 730 kg mhux użati minn trasportaturi tal-ajru li ngħataw liċenzja u għall-blalen, kull organizzazzjoni ta' ġestjoni tal-kontinwità tal-ajrunavigabbiltà approvata skont is-Taqsima A, is-Subparti G ta' dan l-Anness (il-Parti M) u magħżula mis-sid jew mill-operatur tista', jekk tkun approvata b'mod xieraq, u suġġetta għall-konformità mal-punt (k):

1. toħroġ iċ-ċertifikat ta' reviżjoni tal-ajrunavigabbiltà skont il-punt M.A.710, u;

2. għaċ-ċertifikati ta' reviżjoni tal-ajrunavigabbiltà li tkun ħarġet, meta l-inġenju tal-ajru jkun baqa' f'ambjent ikkontrollat taħt il-ġestjoni tagħha, testendi darbtejn il-validità taċ-ċertifikat ta' reviżjoni tal-ajrunavigabbiltà għal perjodu ta' sena kull darba.

(f) B'deroga mill-punti M.A.901(c)2 u M.A.901(e)2 għall-inġenji tal-ajru f'ambjent ikkontrollat, l-organizzazzjoni msemmija f'(b) li tmexxi tal-kontinwità tal-ajrunavigabbiltà, suġġetta għall-konformità mal-punt (k), tista' testendi darbtejn għal perjodu ta' sena kull darba l-validità taċ-ċertifikat ta' reviżjoni tal-ajrunavigabbiltà li kien inħareġ mill-awtorità kompetenti jew minn organizzazzjoni tal-kontinwità tal-ajrunavigabbiltà oħra approvata skont A it-Taqsima, Sottoparti G ta' dan l-Anness (Parti-M).

(g) Permezz ta' deroga mill-punti M.A.901(e) u M.A.901(i)2, għall-inġenji tal-ajru ELA1 mhux użati f'CAT jew mhux użati f'operazzjonijiet kummerċjali speċjalizzati, jew mhux użati f'operazzjonijiet kummerċjali ATO, iċ-ċertifikat ta' reviżjoni tal-ajrunavigabbiltà jista' jinħareġ ukoll mill-awtorità kompetenti wara valutazzjoni sodisfaċenti, abbażi ta' rakkomandazzjoni li ssir mill-istaff ta' ċertifikazzjoni approvata formalment mill-awtorita kompetenti u li tikkonforma mad-dispożizzjonijiet tal-Anness III (il-Parti-66) kif ukoll ir-rekwiżiti stabbiliti fil-punt M.A707(a)2(a), mibgħut flimkien mal-applikazzjoni mis-sid jew l-operatur. Din ir-rakkomandazzjoni għandha tkun ibbażata fuq reviżjoni tal-ajrunavigabbiltà mwettqa skont il-punt M.A.710 u ma għandhiex tinħareġ għal aktar minn sentejn konsekuttivi.

(h) Kull fejn iċ-ċirkustanzi juru l-eżistenza ta' theddida potenzjali għas-sikurezza, l-awtorità kompetenti għandha twettaq reviżjoni tal-ajrunavigabbiltà u toħroġ iċ-ċertifikat ta' reviżjoni tal-adegwatezza għall-avjazzjoni hija stess.

(i) Minbarra l-paragrafu (h), l-awtorità kompetenti għandha twettaq reviżjoni tal-ajrunavigabbiltà u hija stess toħroġ iċ-ċertifikat ta' reviżjoni tal-ajrunavigabbiltà fil-każijiet li ġejjin:

1. meta inġenju tal-ajru jkun amministrat minn organizzazzjoni tal-ġestjoni tal-kontinwità tal-ajrunavigabbiltà approvata skont it-Taqsima A, is-Sottoparti G ta' dan l-Anness (Parti-M) misjuba f'pajjiż terz.

2. għall-blalen u inġenji tal-ajru oħra ta' 2 730 kg MTOM jew inqas, jekk dan ikun mitlub mis-sid.

(j) Meta l-awtorità kompetenti twettaq reviżjoni tal-ajrunavigabbiltà u/jew hija stess toħroġ iċ-ċertifikat ta' reviżjoni tal-ajrunavigabbiltà, is-sid jew l-operatur għandu jipprovdi dawn lill-awtorità kompetenti:

1. id-dokumentazzjoni meħtieġa mill-awtorità kompetenti; u

2. akkomodazzjoni xierqa għall-persunal tagħha fil-post xieraq; u

3. meta jkun meħtieġ l-appoġġ ta' persunal ikkwalifikat b'mod xieraq skont l-Anness III (Parti-66) jew ir-rekwiżiti tal-persunal ekwivalenti stabbiliti fil-punt 145.A.30(j)(1) u (2) tal-Anness II (Parti-145).

(k) Ċertifikat ta' reviżjoni tal-ajrunavigabbiltà ma jistax ikun maħruġ jew estiż jekk l-organizzazzjoni tagħraf jew ikollha raġuni biex temmen li l-inġenju tal-ajru ma jkollux l-ajrunavigabbiltà.

(l) Għall-inġenji tal-ajru ELA1 mhux involuti f'operazzjonijiet kummerċjali, l-organizzazzjoni ta' manutenzjoni tal-Parti 145 jew tas-Subparti F tal-M.A. li twettaq l-ispezzjoni annwali li hemm fil-programm ta' manutenzjoni tista', jekk tkun approvata b'mod xieraq, twettaq ir-reviżjoni tal-ajrunavigabbiltà u toħroġ iċ-ċertifikat ta' reviżjoni tal-ajrunavigabbiltà korrispondenti, soġġett għall-kondizzjonijiet li ġejjin:

1. L-organizzazzjoni taħtar staff għar-reviżjoni tal-ajrunavigabbiltà li jikkonformaw mar-rekwiżiti kollha li ġejjin:

(a) L-istaff għar-reviżjoni tal-ajrunavigabbiltà għandu awtorizzazzjoni ta' staff li jiċċertifika għall-inġenju tal-ajru korrispondenti.

(b) L-istaff għar-reviżjoni tal-ajrunavigabbiltà għandu ta' mill-inqas tliet snin esperjenza bħala staff li jiċċertifika.

(c) L-istaff għar-reviżjoni tal-ajrunavigabbiltà huwa indipendenti mill-proċess tal-ġestjoni tal-kontinwità fl-ajrunavigabbiltà tal-inġenju tal-ajru li qed ikun eżaminat jew li jkollu l-awtorità globali fuq il-proċess tal-ġestjoni tal-kontinwità fl-ajrunavigabbiltà tal-inġenju tal-ajru li qed jiġi eżaminat.

(d) L-istaff għar-reviżjoni tal-ajrunavigabbiltà ikun kiseb għarfien tal-partijiet ta' dan l-Anness (il-Parti M) rilevanti għall-ġestjoni tal-kontinwità fl-ajrunavigabbiltà.

(e) L-istaff għar-reviżjoni tal-ajrunavigabbiltà ikun kiseb għarfien ippruvat tal-proċeduri tal-organizzazzjoni ta' manutenzjoni rilevanti għar-reviżjoni tal-ajrunavigabbiltà u għall-ħruġ taċ-ċertifikat ta' reviżjoni tal-ajrunavigabbiltà.

(f) L-istaff għar-reviżjoni tal-ajrunavigabbiltà jkun ġie aċċettat formalment mill-awtorità kompetenti wara li jkun wettaq reviżjoni tal-ajrunavigabbiltà taħt is-superviżjoni tal-awtorità kompetenti jew taħt is-superviżjoni tal-istaff tar-reviżjoni tal-ajrunavigabbiltà tal-organizzazzjoni skont proċedura approvata mill-awtorità kompetenti.

(g) L-istaff għar-reviżjoni tal-ajrunavigabbiltà jkun wettaq mill-inqas reviżjoni tal-ajrunavigabbiltà waħda f'dawn l-aħħar tnax-il xahar.

2. Ir-reviżjoni tal-ajrunavigabbiltà titwettaq fl-istess żmien tal-ispezzjoni annwali li hemm fil-programm ta' manutenzjoni u mill-istess persuna li tirrilaxxa tali spezzjoni annwali, bil-possibbiltà li tintuża d-dispożizzjoni tad-90 jum ta' antiċipazzjoni li hemm fil-M.A.710(d).

3. Ir-reviżjoni tal-ajrunavigabbiltà tinkludi reviżjoni sħiħa dokumentata skont il-punt M.A.710(a).

4. Ir-reviżjoni tal-ajrunavigabbiltà tinkludi stħarriġ fiżiku tal-inġenju tal-ajru skont il-punt M.A.710(b) u (c).

5. Tinħareġ il-Formola 15c tal-EASA taċ-ċertifikat tar-reviżjoni tal-ajrunavigabbiltà, f'isem l-organizzazzjoni ta' manutenzjoni, mill-persuna li tkun wettqet ir-reviżjoni tal-ajrunavigabbiltà meta tkun sodisfatta li:

(a) ir-reviżjoni tal-ajrunavigabbiltà tkun twettqet kompletament u b'mod sodisfaċenti; u

(b) il-programm ta' manutenzjoni ġie eżaminat skont il-punt M.A.710(ga); u

(c) ma hemm l-ebda nuqqas ta' konformità magħruf li jipperikola s-sikurezza tat-titjira.

6. Kopja taċ-ċertifikat tar-reviżjoni tal-ajrunavigabbiltà maħruġ tintbagħat lill-awtorità kompetenti tal-Istat Membru tar-Reġistrazzjoni tal-inġenju tal-ajru fi żmien 10 ijiem mid-data tal-ħruġ.

7. L-awtorità kompetenti tal-Istat Membru tar-Reġistrazzjoni tiġi infurmata fi żmien 72 siegħa jekk l-organizzazzjoni tkunx determinat li r-reviżjoni tal-ajrunavigabbiltà mhix konklussiva jew jekk ir-reviżjoni skont il-punt M.A.901(l)5(b) turi diskrepanzi fuq l-inġenju tal-ajru marbuta man-nuqqasijiet fil-kontenut tal-programm ta' manutenzjoni.

8. Il-manwal jew l-espożizzjoni tal-organizzazzjoni ta' manutenzjoni tiddeskrivi dawn kollha li ġejjin:

(a) Il-proċeduri għat-twettiq tar-reviżjonijiet tal-ajrunavigabbiltà u l-ħruġ taċ-ċertifikat ta' reviżjoni tal-ajrunavigabbiltà korrispondenti.

(b) L-ismijiet tal-membri tal-istaff li jiċċertifika awtorizzati li jwettqu reviżjonijiet tal-ajrunavigabbiltà u joħorġu ċ-ċertifikat ta' reviżjoni tal-ajrunavigabbiltà korrispondenti.

(c) Il-proċeduri għar-reviżjoni tal-programm ta' manutenzjoni.

(a) Ċertifikat tar-reviżjoni tal-ajrunavigabbiltà jsir invalidu jekk:

1. jiġi sospiż jew revokat; jew

2. iċ-ċertifikat tal-ajrunavigabbiltà jiġi sospiż jew revokat; jew

3. l-inġenju tal-jaru mhux fuq ir-reġistru tal-inġenji tal-ajru ta' Stat Membru; jew

4. iċ-ċertifikat tat-tip li skontu ċ-ċertifikat tal-ajrunavigabbiltà jinħareġ jiġi sospiż jew revokat.

(b) Inġenju tal-ajru ma għandux itir jekk iċ-ċertifikat tal-ajrunavigabbiltà tiegħu jkun invalidu jew jekk:

1. il-kontinwità tal-ajrunavigabbiltà tal-inġenju tal-ajru jew kwalunkwe komponent tal-inġenju tal-ajru ma jissodisfax ir-rekwiżiti ta' din il-Parti; jew

2. l-inġenju tal-ajru ma jibqax jikkonforma mad-disinn tat-tip approvat mill-Aġenzija; jew

3. l-inġenju tal-ajru jkun ġie operat iżjed mil-limiti tal-manwal tat-titjiriet approvati jew iċ-ċertifikat tal-ajrunavigabbiltà, mingħajr ma tittieħed azzjoni xierqa; jew

4. l-inġenju tal-ajru jkun involut f'aċċident jew inċident li jaffettwa l-ajrunavigabbiltà tal-inġenju tal-ajru, mingħajr ma tittieħed azzjoni sussegwenti xierqa biex jerġa' jsir ajrunavigabbli; jew

5. modifika jew tiswija ma tkunx konformi mal-Anness I (Parti-21) tar-Regolament (UE) Nru 748/2012.

(c) Hekk kif jiġi irtirat jew revokat, iċ-ċertifikat tar-reviżjoni tal-ajrunavigabbiltà għandu jiġi ritornat lill-awtorità kompetenti

(a) Meta reġistrazzjoni tal-inġenju tal-ajru tiġi trasferita fi ħdan l-UE, l-applikant għandu:

1. Jinforma lill-Istat Membru preċedenti f'liema Stat Membru se jkun irreġistra, u mbagħad;

2. japplika għall-ħruġ ta' ċertifikat tal-ajrunavigabbiltà ġdid f'konformità mal-Anness I (Parti-21) tar-Regolament (UE) Nru 748/2012 mill-Istat Membru l-ġdid.

(b) Minkejja l-punt M.A.902(a)(3), iċ-ċertifikat tal-ajrunavigabbiltà preċedenti għandu jibqa' validu sad-data tal-iskadenza tiegħu.

(a) Meta ssir l-importazzjoni ta' inġenju tal-ajru għal ġor-reġistru ta' Stat Membru minn pajjiż terz, l-applikant għandu:

1. jitlob lill-Istat Membru tar-reġistrazzjoni għall-ħruġ ta' ċertifikat tal-kapaċità li l-inġenju tal-ajru jintuża fl-ajru ġdid skont l-Anness I (Parti-21) tar-Regolament (UE) Nru 748/2012; u

2. għall-inġenji tal-ajru li mhumiex ġodda, għandha ssir reviżjoni tal-kontinwità tal-ajrunavigabbiltà skont il-punt M.A.901; u

3. titwettaq il-manutenzjoni kollha biex ikun konformi mal-programm ta' manutenzjoni approvat skont il-punt M.A.302.

(b) Meta tkun sodisfatta li l-inġenju tal-ajru huwa konformi mar-rekwiżiti rilevanti, l-organizzazzjoni tal-ġestjoni tal-kontinwità fl-ajrunavigabbiltà jew l-organizzazzjoni tal-manutenzjoni, jekk ikun japplika, għandha tibgħat rakkomandazzjoni dokumentata għall-ħruġ ta' ċertifikat ta' reviżjoni tal-ajrunavigabbiltà lill-Istat Membru tar-Reġistrazzjoni.

(c) Is-sid għandu jkollu aċċess għall-inġenju tal-ajru għall-ispezzjoni mill-Istat Membru tar-reġistrazzjoni.

(d) Ċertifikat tal-ajrunavigabbiltà ġdid se jinħareġ mill-Istat Membru tar-reġistrazzjoni meta dan ikun sodisfatt li l-inġenju tal-ajru jikkonforma mal-preskrizzjonijiet tal-Anness I (Parti-21) tar-Regolament (UE) Nru 748/2012.

(e) L-Istat Membru għandu joħroġ ukoll iċ-ċertifikat tar-reviżjoni tal-ajrunavigabbiltà normalment għal sena sakemm l-Istat Membru ma jkollux raġuni rigward is-sikurezza biex iqiegħed limitu fuq il-validità.

(a) Sejba ta' livell 1 hija kull nuqqas ta' konformità sinifikanti mar-rekwiżiti tal- stabbiliti fl-Anness (Parti-M) li jbaxxi l-istandard ta' sikurezza u jipperikola serjament is-sikurezza tat-titjira.

(b) Sejba ta' livell 2 hija kull nuqqas ta' konformità mar-rekwiżiti tal- stabbiliti f'dan l-Anness (Parti-M) li jista' jbaxxi l-istandard tas-sikurezza u possibbilment jipperikola serjament is-sikurezza tat-titjira.

(c) Wara li tkun waslet in-notifika tas-sejbiet skont il-punt M.B.903, il-persuna jew l-organizzazzjoni responsabbli msemmija fil-punt M.A.201 għandha tiddefinixxi plan ta' azzjoni korrettiva u turi azzjoni korrettiva għas-sodisfazzjoni tal-awtorità kompetenti fi żmien perjodu maqbul ma' din l-awtorità inkluża azzjoni korrettiva xierqa li żżomm milli terġa' sseħħ l-okkorrenza tar-riżultat u l-kawża tal-qofol tiegħu.

(a) L-awtoritajiet kompetenti għandhom jistabbilixxu sistema ta' żamma ta' rekords li tippermetti traċċabbiltà adegwata tal-proċess biex toħroġ, tivvalida mill-ġdid, tibdel, tissospendi jew tirrevoka kull ċertifikat.

(b) Ir-rekords għas-sorveljanza tal-organizzazzjoni tal- approvati f'konformità ma' dan l-Anness għandhom jinkludu bħala minimu:

1. l-applikazzjoni għal approvazzjoni ta' organizzazzjoni.

2. iċ-ċertifikat tal-approvazzjoni tal-organizzazzjoni tal-produzzjoni, inkluż kwalunkwe tibdil.

3. kopja tal-programm ta' awditu li jelenka d-dati meta l-awditi huwa dovuti u meta dawn l-awditi twettqu.

4. l-awtorità kompetenti kompliet ir-rekords ta' sorveljanza tagħha inkluż ir-rekords ta' awditu kollha.

5. kopji tal-korrespondenzi rilevanti kollha.

6. dettalji ta' kwalunkwe azzjoni ta' eżenzjoni u infurzar.

7. kwalunkwe rapport minn awtoritajiet kompetenti oħra marbuta mas-sorveljanza tal-organizzazzjoni.

8. espożizzjoni tal-organizzazzjoni jew manwali u l-emendi.

9. kopja ta' kull dokument ieħor approvat direttament mill-awtorità kompetenti.

(c) Il-perjodu taż-żamma għar-rekords tal- punt (b) għandu jkun tal-anqas erba' snin.

(d) Ir-rekords minimi għas-sorveljanza ta' kull inġenju tal-ajru, tal-anqas għandhom jinkludu kopja ta':

1. ċertifikat tal-inġenji tal-ajru tal-ajrunavigabbiltà,

2. ċertifikati ta' revizjoni tal-ajrunavigabbiltà,

3. It-Taqsima A Is-Sottoparti G rakkomandazzjonijiet tal-organizzazzjoni,

4. rapporti mir-reviżjonijiet tal-ajrunavigabbiltà mwettqa direttament mill-Istat Membru,

5. il-korrispondenza rilevanti kolla marbuta mal-inġenju tal-ajru,

6. dettalji ta' kull eżenzjoni u azzjoni(jiet) ta' infurzar,

7. kull dokument approvat mill-awtorità kompetenti skont l-Anness I (Parti-M) jew l-Anness II ( Part-ARO) tar-Regolament Nru 965/2012.

(e) Ir-rekords speċifikati fil-punt (d) għandhom jinżammu sa sentejn wara li l-inġenju tal-ajru jiġi rtirat b'mod permanenti mis-servizz.

(f) Ir-rekords kollha speċifikati fil-punt M.B.104 għandhom isiru disponibbli fuq talba minn Stat Membru ieħor jew l-Aġenzija.

(a) Sabiex jikkontribwixxu għat-titjib fis-sikurezza tal-ajru, l-awtoritajiet kompetenti għandhom jipparteċipaw fi skambju reċiproku ta' kull informazzjoni meħtieġa skont l-Artikolu 15 tar-Regolament (KE) Nru 216/2008.

(b) Bla ħsara għall-kompetenzi tal-Istati Membri, fil-każ ta' theddida potenzjali għas-sikurezza li tinvolvi lil bosta Stati Membri, l-awtoritajiet kompetenti kkonċernati għandhom jgħinu lil xulxin fit-twettiq tal-azzjoni ta' sorveljanza meħtieġa.

(a) Ħlief għal dawk il-każijiet fejn is-sid ikun ħareġ dikjarazzjoni għall-programm tal-manutenzjoni skont il-punt M.A.302(h), l-awtorità kompetenti għandha tivverifika li l-programm ta' manutenzjoni huwa f'konformità mal-punt M.A.302.

(b) Ħlief għal dak li ġie ddikjarat mod ieħor fil-punti M.A.302(c) u M.A.302(h) il-programm ta' manutenzjoni u l-emendi tiegħu għandhom ikunu approvati direttament mill-awtorità kompetenti.

(c) Fil-każ ta' approvazzjoni indiretta, il-proċedura tal-programm ta' manutenzjoni għandha tiġi approvata mill-awtorità kompetenti permezz tal-espożizzjoni tal-ġestjoni tal-kontinwità fl-ajrunavigabbiltà.

(d) Sabiex programm ta' manutenzjoni jkun approvat skont il-punt (b) ta' dan il-punt, l-awtorità kompetenti għandu jkollha l-aċċess għad-dejta kollha meħtieġa fil-punti M.A.302(d), (e), (f) u (h).

(a) L-awtorità kompetenti għandha tiżviluppa programm ta' stħarriġ fuq approċċ ibbażat fuq ir-riskji sabiex tissorvelja l-qagħda tal-ajrunavigabbiltà tal-flotta tal-inġenji tal-ajru fir-reġistru tagħha.

(b) Il-programm ta' stħarriġ għandu jinkludi kampjuni ta' stħarriġ fuq il-prodotti tal-inġenji tal-ajru u għandu jkopri l-aspetti kollha tal-elementi tar-riskji ewlenin tal-ajrunavigabbiltà.

(c) L-istħarriġ fuq il-prodotti għandu jieħu kampjuni tal-istandards tal-ajrunavigabbiltà miksubin, fuq il-bażi tar-rekwiżiti applikabbli, u għandu jidentifika kwalunkwe sejba.

(d) Kwalunkwe sejba identifikata għandha tiġi kategorizzata skont ir-rekwiżiti ta' din il-Parti u għandha tiġi kkonfermata bil-miktub lill-persuna jew l-organizzazzjoni responsabbli skont l-M.A.201. L-awtorità kompetenti għandu jkollha proċess fis-seħħ sabiex tanalizza s-sejbiet għall-importanza tagħhom għas-sikurezza.

(e) L-awtorità kompetenti għandha tirreġistra s-sejbiet u l-azzjonijiet ta' għeluq kollha.

(f) Jekk matul l-istħarriġiet tal-inġenji tal-ajru tinstab evidenza li turi nuqqas ta' konformità ma' din il-Parti jew ma' kwalunkwe Parti oħra, is-sejba għandha tiġi indirizzata kif preskritt mill-Parti rilevanti.

(g) Jekk tkun meħtieġa tiżgura azzjoni xierqa ta' infurzar, l-awtorità kompetenti għandha tiskambja informazzjoni dwar nuqqasijiet ta' konformità identifikati skont il-punt (f) ma' awtoritajiet kompetenti oħrajn.

(a) tissospendi ċertifikat ta' reviżjoni tal-ajrunavigabbiltà għal raġunijiet raġonevoli fil-każ ta' periklu potenzjali għas-sikurezza, jew;

(b) tissospendi jew tirrevoka ċertifikat ta' reviżjoni tal-ajrunavigabbiltà skont l-M.B.903(1).

(a) Dejjem jekk ikun hemm konformità mar-rekwiżiti tal-punti M.A.606(a) u (b), l-awtorità għandha formalment tindika bil-miktub lill-applikant li aċċettat il-persunal tal-M.A.606(a) u (b).

(b) L-awtorità kompetenti għandha tistabbilixxi li l-proċeduri speċifikati fil-manwal tal-organizzazzjoni tal-manutenzjoni huma konformi ma' is-Sottoparti F tat-Taqsima A ta' dan l-Anness (Parti-M)

(c) L-awtorità kompetenti għandha tivverifika li l-organizzazzjoni qed tikkonforma mar-rekwiżitistabbiliti fis-Sottoparti F tat-Taqsima A ta' dan l-Anness (Parti-M).

(d) Tal-anqas darba matul l-investigazzjoni għall-approvazzjoni għandha ssir laqgħa mal-maniġer responsabbli, sabiex jiġi żgurat li hu jifhem kompletament is-sinifikat tal-approvazzjoni u r-raġuni għall-iffirmar tal-impenn għall-organizzazzjoni f'konformità mal-proċeduri speċifikati fil-manwal.

(e) Is-sejbiet kollha għandhom jiġu kkonfermati bil-miktub lill-organizzazjoni tal-applikant.

(f) L-awtorità kompetenti għandha tirreġistra s-sejbiet, l-azzjonijiet ta' għeluq (azzjonijiet meħtieġa biex tingħalaq sejba) u r-rakkomandazzjonijiet kollha.

(g) Għall-approvazzjoni inizjali s-sejbiet kollha għandhom jiġu kkoreġuti mill-organizzazzjoni u jingħalqu mill-awtorità kompetenti qabel ma tinħareġ din l-approvazzjoni.

(a) L-awtorità kompetenti għandha toħroġ ċertifikat ta' approvazzjoni tal-Formola 3 tal-EASA (l-Appendiċi V) li jinkludi t-termini tal-approvazzjoni, meta l-organizzazzjoni ta' manutenzjoni tkun konformi mal- punti applikabbli ta' din il-Parti.

(b) L-awtorità kompetenti għandha tindika l-kundizzjonijiet mehmuża mal-approvazzjoni fuq iċ-ċertifikat ta' approvazzjoni tal-Formola 3 tal-EASA.

(c) In-numru ta' referenza għandu jiġi inkluż fiċ-ċertifikat ta' approvazzjoni tal-Formola 3 tal-EASA bil-mod speċifikat mill-Aġenzija.

(a) L-awtorità kompetenti għandha żżomm u taġġorna lista tal-programmi, għal kull organizzazzjoni tal-manutenzjoni approvata skont is-Sottoparti F tat-Taqsima B ta' dan l-Anness (Parti-M) taħt is-superviżjoni tagħha, id-dati meta ż-żjarat tal-verifika huma dovuti u meta tali żjarat jitwettqu.

(b) Kull organizzazzjoni għandha tiġi vverifikata kompletament f'perjodi li ma jaqbuż l-24 xahar.

(c) Is-sejbiet kollha għandhom jiġu kkonfermati bil-miktub lill-organizzazzjoni li qed tapplika.

(d) L-awtorità kompetenti għandha tirreġistra s-sejbiet, l-azzjonijiet tal-għeluq (azzjonijiet meħtieġa biex tingħalaq sejba) u r-rakkomandazzjonijiet kollha.

(e) Darba kull 24 xahar għandha ssir laqgħa mal-maniġer responsabbli sabiex jiġi żgurat li hu jibqa' informat bi kwistjonijiet sinifkanti li jirriżultaw matul il-verifiki.

(a) Meta waqt il-verifiki, permezz ta' mezzi oħra tinstab evidenza li turi n-nuqqas ta' konformità ma' rekwiżit stabbilit f'dan l-Anness (Parti-M), l-awtorità kompetenti għandha tieħu l-azzjonijiet li ġejjin:

1. Għal sejbiet ta' livell 1, l-awtorità kompetenti għandha tieħu azzjoni immedjata biex tirrevoka, tillimita jew tissospendi kompletament jew parzjalment, jiddependi mill-kobor tas-sejba ta' livell 1, l-approvazzjoni tal-organizzazzjoni ta' manutenzjoni, sakemm l-organizzazzjoni jirnexxilha twettaq l-azzjonijiet korrettivi.

2. Għal sejbiet ta' livell 2, l-awtorità kompetenti għandha tippermetti perjodu għall-azzjoni korrettiva, li jkun xieraq għan-natura tas-sejba u li ma jkunx itwal minn tliet xhur. F'ċerti ċirkustanzi, fit-tmiem ta' dan l-ewwel l-perjodu u skont in-natura tas-sejba, l-awtorità kompetenti tista' testendi l-perjodu ta' tliet xhur, dejjem jekk ikun hemm pjan sodisfaċenti ta' azzjonijiet korrettivi.

(b) L-awtorità kompetenti għandha tieħu azzjoni biex tissospendi l-approvazzjoni kollha, jew parzjalment, f'każ li ma tiġix rispettata l-iskeda mogħtija mill-awtorità kompetenti.

(a) L-awtorità kompetenti għandha tkun konformi mal-elementi applikabbli tal-proċess inizjali għal kull bidla fl-organizzazzjoni nnotifikata skont il-punt M.A.617.

(b) L-awtorità kompetenti tista' tippreskrivi l-kundizzjonijiet li bihom l-organizzazzjoni ta' manutenzjoni approvata tista' topera matul dawn il-bidliet sakemm ma tiddeċidix li l-approvazzjoni għandha tiġi sospiża minħabba n-natura u l-firxa tal-bidliet.

(c) Għal kwalunkwe bidla fil-manwal tal-organizzazzjoni ta' manutenzjoni:

1. Fil-każ ta' approvazzjoni diretta tal-bidliet skont il-punt M.A.6041(b), l-awtorità kompetenti għandha tivverifika li l-proċeduri speċifikati fil-manwal huma konformi ma' dan l-Anness (Parti-M) qabel ma tinnotifika formalment lill-organizzazzjoni approvata dwar l-approvazzjoni.

2. Fil-każ li proċedura ta' approvazzjoni indiretta tintuża għall-approvazzjoni tal-bidliet skont il-punt M.A.604(c), l-awtorità kompetenti għandha tiżgura (i) li l-bidliet jibqgħu żgħar u (ii) li għandha kontroll adegwat fuq l-approvazzjoni tal-bidliet biex tiżgura li jibqgħu f'konformità mar-rekwiżiti ta' dan l-Anness (Parti-M).

(a) tissospendi approvazzjoni għal raġunijiet validi fil-każ ta' theddida potenzjali lis-sikurezza, jew;

(b) tissospendi, tirrevoka jew tillimita approvazzjoni skont il-punt M.B.605.

(a) Għat-trasportaturi tal-ajru li ngħataw liċenzja, skont ir-Regolament (KE) Nru 1008/2008 l-awtorità kompetenti għandha tirċievi għall-approvazzjoni bl-applikazzjoni inizjali għaċ-ċertifikat tal-operatur tal-ajru, fejn applikabbli, kull varjazzjoni applikata għal kull tip ta' inġenju tal-ajru li għandu jiġi operat:

1. l-espożizzjoni tal-ġestjoni tal-kontinwità tal-ajrunavigabbiltà;

2. il-programmi ta' manutenzjoni tal-inġenju tal-ajru tal-operatur;

3. ir-reġistrazzjoni teknika tal-inġenju tal-ajru;

4. fejn xieraq, l-ispeċifikazzjoni teknika tal-kuntratti ta' manutenzjoni bejn il-CAMO u l-organizzazzjoni ta' manutenzjoni approvata tal-Parti-145.

(b) Meta faċilitajiet ikunu jinsabu f'aktar minn Stat Membru wieħed l-investigazzjoni u s-sorveljanza kontinwata tal-approvazzjoni għandhom jitwettqu flimkien mal-awtoritajiet kompetenti maħtura mill-Istati Membri li fit-territorju tagħhom jinsabu l-faċilitajiet l-oħra.

(a) Dejjem jekk ikun hemm konformità mar-rekwiżiti tal-punti M.A.706(a), (c), (d) u M.A.707, l-awtorità kompetenti għandha formalment tindika bil-miktub lill-applikant l-aċċettazzjoni tagħha tal-persunal M.A.706(a), (c), (d) u M.A.707.

(b) L-awtorità kompetenti għandha tistabbilixxi li l-proċeduri speċifikati fl-espożizzjoni tal-ġestjoni tal-kontinwità tal-ajrunavigabbiltà jikkonformaw mat- Taqsima A tas-Sottoparti G ta' dan l-Anness (Parti M)

(c) L-awtorità kompetenti għandha tivverifika l-konformità tal-organizzazzjoni mar-rekwiżiti ta' stabbiliti fit-Taqsima A, is-Sottoparti G ta' dan l-Anness (Parti M).

(d) Tal-anqas darba matul l-investigazzjoni għall-approvazzjoni għandha ssir laqgħa mal-maniġer responsabbli biex jiġi żgurat li hu jifhem is-sinifikat tal-approvazzjoni u r-raġuni għall-iffirmar tal-impenn tal-espożizzjoni tal-organizzazzjoni għall-konformità mal-proċeduri speċifikati fl-espożizzjoni tal-ġestjoni tal-kontinwità tal-ajrunavigabbiltà.

(e) Is-sejbiet kollha għandhom jiġu kkonfermati bil-miktub lill-organizzazzjoni li qed tapplika.

(f) L-awtorità kompetenti għandha tirreġistra s-sejbiet, l-azzjonijiet ta' għeluq (azzjonijiet meħtieġ biex tingħalaq sejba) u r-rakkomandazzjonijiet kollha.

(g) Għall-approvazzjoni inizjali, is-sejbiet kollha għandhom jiġu kkoreġuti mill-organizzazzjoni u jingħalqu mill-awtorità kompetenti qabel mal-approvazzjoni tkun tista' tinħareġ.

(a) L-awtorità kompetenti għandha toħroġ lill-applikant ċertifikat ta' approvazzjoni tal-Formola 14 tal-EASA (l-Appendiċi VI) li jinkludi t-termini tal-approvazzjoni, meta l-organizzazzjoni ta' ġestjoni tal-kontinwità tal-ajrunavigabbiltà hija f'konformità mat- Taqsima A, is-Sottoparti G ta' dan l-Anness (Parti M).

(b) L-awtorità kompetenti għandha tindika l-validità tal-approvazzjoni fuq iċ-ċertifikat tal-approvazzjoni tal-Formola 14 tal-EASA.

(c) In-numru tar-referenza għandu jkun inkluż fuq iċ-ċertifikat tal-approvazzjoni tal-Formola 14 b'mod speċifikat mill-Aġenzija.

(d) Fil-każ tat-trasportaturi tal-ajru li ngħataw liċenzja, skont ir-Regolament (KE) Nru 1008/2008, l-informazzjoni fil-Formola 14 tal-EASA se tiġi inkluża fuq iċ-ċertifikat tal-operatur tal-ajru.

(a) L-awtorità kompetenti għandha żżomm u taġġorna l-elenkar tal-programm għal kull organizzazzjoni tal-kontinwità tal-ajrunavigabbiltà approvata skont it-Taqsima A, is-Sottoparti G tal-Annessi (Parti-M) taħt is-superviżjoni tagħhha, id-dati ta' meta għandhom isiru l-viżti tal-verifika u meta tali viżti twettqu.

(b) Kull organizzazzjoni għandhom ikunu kompletament verifikati f'perjodu li ma jaqżbux l-24 xahar.

(c) Kampjun rilevanti tal-inġenju tal-ajru ġestit mill- organizzazzjoni approvata skont it-Taqsima B, is-Sottoparti G ta' dan l-Anness (Parti M) għandu jiġi ssorveljat f'kull perjodu ta' 24 xahar. Id-daqs tal-kampjun jiġi deċiż mill-awtorità kompetenti abbażi tar-riżultat tal-verifiki preċedenti u stħarriġiet dwar il-prodott li twettqu qabel.

(d) Is-sejbiet kollha għandhom jiġu kkonfermati mil-miktub lill-organizzazzjoni li qed tapplika.

(e) L-awtorità kompetenti għandha tirreġistra s-sejbiet, l-azzjonijiet ta' għeluq (azzjonijiet meħtieġa biex tingħalaq sejba) u r-rakkomandazzjonijiet kollha.

(f) Tal-anqas darba kull 24 xahar għandha ssir laqgħa mal-maniġer responsabbli biex jiġi żgurat li hu jibqa' infurmat bi kwistjonijiet sinifikanti li jirriżultaw matul il-verifiki.

(a) Meta matul il-verifiki jew permezz ta' mezzi oħra, tinstab evidenza li turi n-nuqqas ta' konformità ma' rekwiżit stabbilit f'dan l-Anness (Parti-M), l-awtorità kompetenti għandha tieħu l-azzjonijiet li ġejjin:

1. Għal sejbiet ta' livell 1, għandha tittieħed azzjoni immedjata mill-awtorità kompetenti biex tirrevoka, tillimita jew tissospendi kompletament jew parzjalment, jiddependi fuq id-daqs tas-sejba ta' livell 1, l-approvazzjoni tal-organizzazzjoni tal-ġestjoni tal-kontinwità tal-ajrunavigabbiltà, sakemm tkun ittieħdet azzjoni korrettiva mill-organizzazzjoni.

2. Għal sejbiet ta' livell 2, l-awtorità kompetenti għandha tagħti perjodu għall-azzjoni korrettiva, li jkun xieraq għan-natura tas-sejba u li ma jkunx itwal minn tliet xhur. F'ċerti ċirkustanzi, fit-tmiem ta' dan il-perjodu u skont in-natura tas-sejbiet, l-awtorità kompetenti tista' testendi l-perjodu ta' tliet xhur, dejjem jekk ikun hemm pjan sodisfaċenti ta' azzjonijiet korrettivi.

(b) L-awtorità kompetenti għandha tieħu azzjoni biex tissospendi l-approvazzjoni kollha, jew parti minnha, f'każ li ma tiġix rispettata l-iskeda mogħtija mill-awtorità kompetenti.

(a) L-awtorità kompetenti għandha tkun konformi mal-elementi applikabbli tal-proċess inizjali għal kull bidla fl-organizzazzjoni nnotifikata skont il-punt M.A.713.

(b) L-awtorità kompetenti tista' tippreskrivi l-kundizzjonijiet li bihom l-organizzazzjoni ta' ġestjoni tal-kontinwità tal-ajrunavigabbiltà approvata tista' topera matul dawn il-bidliet sakemm ma tiddeċiedix li l-approvazzjoni għandha tiġi sospiża minħabba n-natura u l-firxa tal-bidliet.

(c) Għal kwalunkwe bidla fl-espożizzjoni tal-ġestjoni tal-kontinwità tal-ajrunavigabbiltà:

1. Fil-każ ta' approvazzjoni diretta tal-bidliet skont il-punt M.A.7041(b), l-awtorità kompetenti għandha tivverifika li l-proċeduri speċifikati fl-espożizzjoni huma konformi ma' dan l-Anness (Parti-M) qabel ma tinnotifika formalment lill-organizzazzjoni approvata dwar l-approvazzjoni.

2. Fil-każ li proċedura ta' approvazzjoni indiretta tintuża għall-approvazzjoni tal-bidliet skont il-punt M.A.704(c), l-awtorità kompetenti għandha tiżgura (i) li l-bidliet jibqgħu żgħar u (ii) li għandha kontroll adegwat fuq l-approvazzjoni tal-bidliet biex tiżgura li jibqgħu f'konformità mar-rekwiżiti ta' dan l-Anness (Parti-M).

(a) tissospendi approvazzjoni għal raġunijiet validi fil-każ ta' theddida potenzjali lis-sikurezza, jew;

(b) tissospendi, tirrevoka jew tillimita approvazzjoni skont il-punt M.B.705.

1. Il-persuna kwalifikat kif xieraq mill-awtorità kompetenti għandu jivverifika li d-dikjarazzjoni ta' konformità fir-rakkomandazzjoni turi li twettqet reviżjoni kompleta tal-ajrunavigabbilta M.A. 710.

2. L-awtorità kompetenti għandha tinvestiga u tista' titlob aktar informazzjoni biex issostni l-valutazzjoni tar-rakkomandazzjoni.

(a) Meta awtorità kompetenti twettaq reviżjoni tal-ajrunavigabbiltà u toħroġ il-Formola 15a tal-EASA (Appendiċi III), l-awtorità kompetenti għandha twettaq reviżjoni tal-ajrunavigabbiltà f'konformità mal-punt M.A.710.

(b) L-awtorità kompetenti għandu jkollha staff adegwat għar-reviżjoni tal-ajrunavigabbiltà biex iwettaq ir-reviżjonijiet tal-ajrunavigabbiltà.

1. Għall-inġenji tal-ajru kollha użati minn -trasportaturi tal-ajru li ngħataw liċenzja, skont ir-Regolament (KE) Nru 1008/2008, u għall-inġenji tal-ajru b'MTOM ta' aktar minn 2 730 kg, ħlief għall-blalen, dan l-istaff għandu jkollu:

(a) ta' mill-inqas ħames snin esperjenza fil-kontinwità tal-ajrunavigabbiltà, u:

(b) liċenzja xierqa f'konformità mal-Anness III (il-Parti-66) jew kwalifika tal-personal ta' manutenzjoni rikonoxxuta f'livell nazzjonali xierqa skont il-kategorija tal-inġenju tal-ajru (fejn l-Artikolu 5(6) (il-Parti jirreferi għar-regoli nazzjonali) jew grad ajrunawtiku jew l-ekwivalenti, u;

(c) taħriġ formali fil-manutenzjoni ajrunawtika, u;

(d) pożizzjoni b'responsabilitajiet xierqa.

2. Għall-inġenji tal-ajru mhux użati minn trasportaturi tal-ajru li ngħataw liċenzja, skont ir-Regolament (KE) Nru 1008/2008, b'MTOM ta' 2 730 kg jew anqas, u għall-blalen, dan l-istaff għandu jkollu:

(a) mill-inqas tliet snin esperjenza fil-kontinwità tal-ajrunavigabbiltà, u:

(b) liċenzja xierqa f'konformità mal-Anness III (il-Parti 66) jew kwalifika tal-personal ta' manutenzjoni rikonoxxuta f'livell nazzjonali xierqa skont il-kategorija tal-inġenju tal-ajru (fejn l-Anness III (il-Parti 66) tirreferi għar-regoli nazzjonali) jew grad ajrunawtiku jew l-ekwivalenti, u;

(c) taħriġ formali xieraq fil-manutenzjoni ajrunawtika, u

(d) pożizzjoni b'responsabilitajiet xierqa.

(c) L-awtorità kompetenti għandha żżomm rekord tal-persunal kollu tar-reviżjoni tal-ajrunavigabbiltà, li għandu jinkludi d-dettalji ta' kwalunkwe kwalifika adegwata li jkollu l-persunal flimkien ma' sommarju tal-esperjenza u t-taħriġ rilevanti fil-ġestjoni tal-kontinwità tal-ajrunavigabbiltà.

(d) L-awtorità kompetenti għandu jkollha aċċess għad-dejta applikabbli kif speċifikat fil-punti M.A.305, M.A.306 u M.A.401 fit-twettiq tar-reviżjoni tal-ajrunavigabbiltà.

(e) Il-persunal li jwettaq ir-reviżjoni tal-ajrunavigabbiltà għandu joħroġ il-Formola 15a wara t-tlestija sodisfaċenti tar-reviżjoni tal-adegwatezza għall-avjazzjoni.

1. għal sejbiet ta' livell 1, l-awtorità kompetenti għandha tieħu azzjoni korrettiva qabel tittieħed azzjoni immedjata u tat-titjira mill-awtorità kompetenti biex tirrevoka jew tissospendi ċ-ċertifikat tar-reviżjoni tal-ajrunavigabbiltà.

2. għal sejbiet ta' livell 2, l-azzjoni korrettiva meħtieġa mill-awtorità kompetenti għandha tkun xierqa għan-natura tas-sejba.

1. Meta sid jikkuntrattja skont l-M.A.201 organizzazzjoni ta' kontinwità tal-ajrunavigabbiltà approvata skont is-Subparti-G tal-Parti-M (CAMO) biex twettaq kompiti ta' ġestjoni tal-kontinwità tal-ajrunavigabbiltà, fuq talba mill-awtorità kompetenti, għandha tintbagħat kopja tal-kuntratt mis-sid/mill-operatur lill-awtorità kompetenti tal-Istat Membru tar-reġistrazzjoni ladarba dan ikun ġie ffirmat miż-żewġ partijiet.

2. Il-kuntratt għandu jiġi żviluppat filwaqt li jqis ir-rekwiżiti ta' Parti M u għandu jiddefinixxi l-obbligi tal-firmatarji fir-rigward tal-kontinwità tal-ajrunavigabbiltà tal-inġenju tal-ajru.

3. Bħala minimu għandu jkun fih:

— ir-reġistrazzjoni tal-inġenju tal-ajru,

— it-tip ta' inġenju tal-ajru,

— in-numru tas-serje tal-inġenju tal-ajru,

— is-sid tal-inġenju tal-ajru jew l-isem tal-kerrej irreġistrat jew id-dettalji tal-kumpanija, inkluż l-indirizz,

— id-dettalji tal-CAMO inkluż l-indirizz.

— it-tip ta' operazzjoni

4. Għandu jiddikjara dan li ġej:

5. Meta sid/operatur jikkuntrattja CAMO skont l-M.A.201, l-obbligi ta' kull parti għandhom jinqasmu kif ġej:

5.1. L-obbligi tal-CAMO:

1. għandu jkollha t-tip ta' inġenju tal-ajru fil-kamp ta' applikazzjoni tal-approvazzjoni tagħha;

2. għandha tirrispetta l-kundizzjonijiet elenkati hawn taħt biex tinżamm il-kontinwità tal-ajrunavigabbiltà tal-inġenju tal-ajru:

(a) tiżviluppa programm ta' manutenzjoni għall-inġenju tal-ajru, inkluż kwalunkwe programm ta' affidabbiltà żviluppat, jekk ikun applikabbli;

(b) tiddikjara l-kompiti ta' manutenzjoni (fil-programm ta' manutenzjoni) li jistgħu jitwettqu mill-bdot-sid skont il-punt M.A.803(c);

(c) torganizza l-approvazzjoni tal-programm ta' manutenzjoni tal-inġenju tal-ajru;

(d) ladarba jkun ġie approvat, tagħti kopja tal-programm ta' manutenzjoni tal-inġenju tal-ajru lis-sid/lill-operatur;

(e) torganizza spezzjoni ta' tranżizzjoni mal-programm ta' manutenzjoni minn qabel tal-inġenju tal-ajru;

(f) torganizza sabiex il-manutenzjoni kollha li titwettaq minn organizzazzjoni ta' manutenzjoni approvata;

(g) torganizza sabiex kull direttiva tal-ajrunavigabbiltà applikabbli li tiġi applikata;

(h) torganizza sabiex id-difetti kollha li jinstabu waqt il-manutenzjoni skedata, waqt ir-reviżjonijiet tal-ajrunavigabbiltà jew dawk rappurtati mis-sid jiġu kkoreġuti permezz ta' manutenzjoni skedata kkordinata minn organizzazzjoni tal-manutenzjoni approvata, kif ukoll l-applikazzjoni tad-direttivi dwar l-ajrunavigabbiltà, il-bdil tal-parts b'ħajja limitata, u r-rekwiżiti tal-ispezzjoni tal-komponenti;

(i) tinforma lis-sid kull darba li l-inġenju tal-ajru għandu jittieħed għand organizzazzjoni ta' manutenzjoni approvata;

(j) timmaniġġja r-rekords tekniċi kollha;

(k) tarkivja r-rekords tekniċi kollha;

3. torganizza l-approvazzjoni ta' kwalunkwe modifika fl-inġenju tal-ajru skont l-Anness I (il-Parti-21) tar-Regolament (UE) Nru 748/2012 qabel ma tiġi inkorporata;

4. torganizza l-approvazzjoni ta' kwalunkwe tiswija fl-inġenju tal-ajru skont l-Anness I (il-Parti-21) tar-Regolament (UE) Nru 748/2012 qabel ma titwettaq;

5. tinforma lill-awtorità kompetenti tal-Istat Membru tar-reġistrazzjoni kull meta l-inġenju tal-arju ma jiġix ippreżentat mis-sid lill-organizzazzjoni ta' manutenzjoni approvata kif mitlub mill-organizzazzjoni approvata;

6. tinforma lill-awtorità kompetenti tal-Istat Membru tar-reġistrazzjoni kull meta dan il-kuntratt ma jkunx ġie mħares;

7. tiżgura li r-reviżjoni tal-ajrunavigabbiltà tal-inġenju tal-ajru titwettaq meta jkun meħtieġ u tiżgura li jinħareġ iċ-ċertifikat ta' reviżjoni tal-ajrunavigabbiltà jew li tintbagħat rakkomandazzjoni lill-awtorità kompetenti tal-Istat Membru tar-reġistrazzjoni;

8. tibgħat fi żmien għaxart'ijiem (10) kopja ta' kwalunkwe ċertifikat ta' reviżjoni tal-ajrunavigabbiltà maħruġ jew estiż lill-awtorità kompetenti tal-Istat Membru tar-reġistrazzjoni;

9. twettaq ir-rappurtar ta' kull okkorrenza b'mandat mir-regolamenti applikabbli;

10. tinforma lill-awtorità kompetenti tal-Istat Membru tar-reġistrazzjoni kull meta dan il-kuntratt jiġi denunzjat minn kwalunkwe parti.

5.2. L-obbligi tas-sid/tal-operatur:

1. għandu jkollu fehim ġenerali tal-programm ta' manutenzjoni approvat;

2. għandu jkollu fehim ġenerali ta' dan l-Anness (il-Parti-M);

3. għandu jippreżenta l-inġenju tal-ajru lill-organizzazzjoni ta' manutenzjoni approvata miftiehma mal-CAMO meta jkun xieraq kif indikat mit-talba tal-CAMO;

4. ma għandux jimmodifika l-inġenju tal-ajru mingħajr ma l-ewwel jikkonsulta mal-CAMO;

5. għandu jinforma lill-CAMO dwar kull manutenzjoni eċċezzjonali mwettqa mingħajr l-għarfien u l-kontroll tal-CAMO;

6. għandu jirrapporta lill-CAMO permezz tal-ġurnal, id-difetti kollha misjuba matul l-operazzjonijiet;

7. għandu jinforma lill-awtorità kompetenti tal-Istat Membru tar-reġistrazzjoni kull meta dan il-kuntratt jiġi denunzjat minn kwalunkwe parti;

8. għandu jinforma lill-CAMO u lill-awtorità kompetenti tal-Istat Membru tar-reġistrazzjoni kull meta jinbiegħ l-inġenju tal-ajru;

9. twettaq ir-rappurtar ta' kull okkorrenza b'mandat mir-regolamenti applikabbli;

10. għandu jinforma fuq bażi regolari lill-CAMO dwar il-ħinijiet ta' titjir tal-inġenju tal-ajru u dwar kull dejta ta' utilizzazzjoni oħra, kif miftiehem mal-CAMO;

11. għandu jdaħħal iċ-ċertifikat tar-rilaxx għas-servizz fil-ġurnali kif imsemmi fil-punt M.A.803(d) meta jwettaq il-manutenzjoni tal-bdot-sid mingħajr ma jaqbeż il-limiti tal-lista tal-kompiti ta' manutenzjoni kif iddikjarat fil-programm ta' manutenzjoni approvat stabbilit fil-punt M.A.803(c);

12. għandu jinforma lill-CAMO sa mhux aktar tard minn 30 jum wara t-tlestija ta' kwalunkwe kompitu ta' manutenzjoni tal-bdot-sid skont il-punt M.A.305(a).

(i) Id-dejta tal-manutenzjoni użata, inkluż l-istatus tar-reviżjoni u r-referenza.

(ii) Konformità ma' direttivi tal-ajrunavigabbiltà jew bulettini tas-servizz.

(iii) Tiswijiet imwettqa.

(iv) Modifiki mwettqa.

(v) Parts ta' sostituzzjoni installati.

(vi) Status tal-parts bi żmien limitat tal-użu.

(vii) Diskrepanzi fir-rigward tal-ordni tax-xogħol tal-klijent.

(viii) Dikjarazzjonijiet tar-rilaxx sabiex jiġi sodisfatt rekwiżit tal-manutenzjoni minn Awtorità tal-Avjazzjoni Ċivili barranija.

(ix) Informazzjoni meħtieġa sabiex tappoġġ

(x) Għall-organizzazzjonijiet tal-manutenzjoni approvati skont id-Subparti F tal-Anness I (il-Parti-M), iċ-ċertifikat tar-rilaxx għas-servizz tal-komponent imsemmi fil-punt M.A.613:

(a) Fejn il-manutenzjoni ma setgħetx titlesta.

(b) Fejn il-manutenzjoni kienet differenti mill-istandard mitlub mill-Anness I (il-Parti M).

(c) Fejn il-manutenzjoni twettqet skont rekwiżit differenti minn dak speċifikat fl-Anness I (il-Parti M). F'dan il-każ il-blokk 12 għandu jispeċifika r-regolament nazzjonali partikolari,

(a) Fejn il-manutenzjoni ma setgħetx titlesta.

(b) Fejn il-manutenzjoni kienet differenti mill-istandard mitlub mill-Anness II (il-Parti-145).

(c) Fejn il-manutenzjoni twettqet skont rekwiżit differenti minn dak speċifikat fl-Anness II (il-Parti-145). F'dan il-każ il-blokk 12 għandu jispeċifika r-regolament nazzjonali partikolari.

1. Ħlief jekk iddikjarat mod ieħor għall-iżgħar organizzazzjonijiet fil-punt 12, it-tabella msemmija fil-punt 13 tipprovdi s-sistema standard għall-approvazzjoni tal-organizzazjoni tal-manutenzjoni taħt is-Sottoparti F (Parti-M) u l-Anness II (Parti-145) Organizzazzjoni għandha tingħata approvazzjoni fuq medda minn klassi u valutazzjoni unika b'limitazzjonijiet sal-klassijiet u l-valutazzjonijiet kollha b'limitazzjonijiet.

2. Minbarra t-tabella msemmija fil-punt 13, l-organizzazzjoni approvata tal-manutenzjoni meħtieġa tindika l-ambitu ta' xogħolha fil-manwal/preżentazzjoni tagħha tal-organizzazzjoni tal-manutenzjoni. Ara wkoll il-punt 11

3. Fi ħdan il-klassi(jiet) u l-valutazzjoni(jiet) mogħtija mill-awtorità kompetenti, l-ambitu tax-xogħol speċifikat fil-preżentazzjoni tal-organizzazzjoni tal-manutenzjoni jiddefinixxi l-limiti eżatti tal-approvazzjoni. Huwa għalhekk essezjali li l-klassi(jiet) u l-valutazzjoni(jiet) tal-approvazzjoni u l-ambitu tax-xogħol tal-organizzazzjonijiet ikunu jaqblu.

4.  Valutazzjoni ta' klassi A tfisser li l-organizzazzjoni tal-manutenzjoni approvata tista' twettaq manutenzjoni fuq inġenji tal-ajru u kull komponent (inklużi magni u/jew ġeneratur awżiljari (APUs)) skont id-dejta tal-manutenzjoni tal-inġenju tal-ajru jew, bi qbil mal-awtorità kompetenti, skont id-dejta tal-manutenzjoni tal-komponenti, biss sakemm dawn il-komponenti jkunu mmuntati fuq l-inġenju tal-ajru. Madankollu, din l-organizzazzjoni tal-manutenzjoni approvata vvalutata b'A tista' temporanjament tneħħi komponent għall-manutenzjoni, biex ittejjeb l-aċċess għal dak il-komponent, ħlief meta din it-tneħħija tiġġenera l-ħtieġa għal manutenzjoni addizzjonali li ma tkunx eliġibbli għad-dispożizzjonijiet ta' dan il-punt. Dan se jkun suġġett għal proċedura ta' kontroll fil-preżentazzjoni tal-organizzazzjoni tal-manutenzjoni li għandha tiġi approvata mill-awtorità kompetenti. It-taqsima ta' limitazzjoni se tispeċifika l-ambitu tal-applikazzjoni ta' din il-manutenzjoni biex b'hekk tindika t-termini tal-approvazzjoni.

5.  Valutazzjoni ta' klassi B tfisser li organizzazzjoni tal-manutenzjoni approvata tista' twettaq manutenzjoni fuq magni u/jew APU u komponenti tal-magna/APU mhux installati, skont id-dejta tal-manutenzjoni tal-magna/APU jew, bi qbil mal-awtorità kompetenti, skont id-dejta tal-manutenzjoni tal-komponenti, biss sakemm dawn il-komponenti jkunu mmuntati mal-magni u/jew l-APU. Madankollu, din l-organizzazzjoni tal-manutenzjoni approvata kklassifikata B tista' temporanjament tneħħi komponent għall-manutenzjoni, biex ittejjeb l-aċċess għal dak il-komponent, ħlief meta din it-tneħħija tiġġenera l-ħtieġa għal manutenzjoni addizzjonali li ma tkunx eliġibbli għad-dispożizzjonijiet ta' dan il-punt. It-taqsima ta' limitazzjoni se tispeċifika l-ambitu tal-applikazzjoni ta' din il-manutenzjoni biex b'hekk tindika t-termini tal-approvazzjoni. Organizzazzjoni tal-manutenzjoni approvata kklassifikata f'kategorija B tista' wkoll twettaq manutenzjoni fuq magna installata waqt manutenzjoni tal-“bażi” u tal-“linja” suġġetta għal proċedura ta' kontroll fl-espożizzjoni tal-organizzazzjoni ta' manutenzjoni li għandha tiġi approvata mill-awtorità kompetenti. L-ambitu tal-applikazzjoni tax-xogħol tal-espożizzjoni tal-organizzazzjoni ta' manutenzjoni għandu jirrifletti din l-attività fejn dan ikun permess mill-awtorità kompetenti.

6.  Valutazzjoni ta' klassi C tfisser li l-organizzazzjoni approvata tal-manutenzjoni tista' twettaq manutenzjoni fuq komponenti mhux installati (esklużi magni u APUs) maħsuba għall-immuntar fuq l-inġenju tal-ajru jew il-magna/APU. It-taqsima ta' limitazzjoni se tispeċifika l-ambitu tal-applikazzjoni ta' din il-manutenzjoni biex b'hekk tindika t-termini tal-approvazzjoni. Organizzazzjoni tal-manutenzjoni kklassifikata f'kategorija C tista' wkoll twettaq manutenzjoni fuq komponent installat waqt manutenzjoni tal-“bażi” u tal-“linja” jew f'faċilità tal-manutenzjoni ta' magna/APU suġġetta għal proċedura ta' kontroll fl-espożizzjoni tal-organizzazzjoni ta' manutenzjoni li għandha tiġi approvata mill-awtorità kompetenti. L-ambitu tal-applikazzjoni tax-xogħol tal-espożizzjoni tal-organizzazzjoni ta' manutenzjoni għandu jirrifletti din l-attività fejn dan ikun permess mill-awtorità kompetenti.

7.  Valutazzjoni ta' klassi D hija klassi għaliha mhux neċessarjament marbuta ma' inġenju tal-ajru, magna jew komponent speċifiku. Il-klassifikazzjoni D1 — Non Destructive Testing (NDT) hija biss meħtieġa għal organizzazzjoni approvata tal-manutenzjoni li twettaq NDT bħala kompitu partikolari għal organizzazzjoni oħra. Organizzazzjoni tal-manutenzjoni approvata b'valutazzjoni ta' kategorija ta' A jew B jew C tista' twettaq NDT fuq prodotti li tkun qed tagħmlilhom suġġett għall-preżentazzjoni tal-organizzazzjoni tal-manutenzjoni li jkun fiha proċeduri NDT, mingħajr il-ħtieġa ta' valutazzjoni ta' kategorija D1.

8. Fil-każ ta' organizzazzjonijiet tal-manutenzjoni approvati skont l-Anness II (Parti-145), valutazzjonijiet ta' klassi A jinqasmu f'manutenzjoni “Bażi” jew “Linja”. Organizzazzjoni bħal din tista' tiġi approvata għal manutenzjoni “Bażi” jew “Linja” jew għat-tnejn. Ta' min jinnota li faċilità “Linja” misjuba fuq faċilità ewlenija ta' bażi teħtieġ approvazzjoni tal-manutenzjoni “Linja”.

9. It-Taqsima tal-limitazzjoni maħsuba biex tagħti lill-awtoritajiet kompetenti l-flessibbiltà li jadattaw l-approvazzjoni għal kwalunkwe organizzazjoni partikolari. Il-valutazzjonijiet għandhom jissemmew fuq l-approvazzjoni biss meta jkunu limitati kif xieraq. It-tabella msemmija fil-punt 13 tispeċifika t-tip ta' limitazzjoni possibbli. Filwaqt l-manutenzjoni hija elenkata l-aħħar f'kull valutazzjoni ta' klassi, huwa aċċettabbli li wieħed jisħaq dwar il-kompitu ta' manutenzjoni aktar milli l-inġenju tal-ajru jew it-tip ta' magna jew il-manifattur, jekk dan huwa aktar xieraq għall-organizzazzjoni (eżempju jista' jkun installazzjonijiet ta' sistemi avjoniċi u manutenzjoni relatata). Meta din tissemma fit-Taqsima tal-limitazzjoni, tkun tindika li l-organizzazjoni tal-manutenzjoni hija approvata biex twettaq manutenzjoni sa u inkluż dan it-tip/il-kompitu partikolari.

10. Meta ssir referenza għal serje, tip u grupp fis-sezzjoni tal-limitazzjoni ta' klassi A u B, serje tfisser serje ta' tip speċifiku bħal Airbus 300 jew 310 jew 319 jew serje Boeing 737-300 jew serje RB211-524 jew Cessna 150 jew Cessna 172 jew serjeBeech 55 jew serje kontinentali O-200 eċc; tip tfisser tip jew mudell speċifiku bħal tip Airbus 310-240 jew tip RB 211-524 B4 jew tip Cessna 172RG; jista' jiġi kkwotat kwalunkwe numru ta' tipi jew serje; grupp tfisser perżempju inġenju tal-ajru Cessna b'ċilindru wieħed jew magni biċ-ċilindri mhux pressurizzati Lycoming eċċ.

11. Meta tintuża lista twila ta' kompetenzi li taf tkun soġġetta għal emendi spiss, dawn l-emendi jistgħu jkunu skont il-proċeduri ta' approvazzjoni indiretta imsemmija fil-punti M.A.604(c) u M.B.606(c) jew 145.A.70(c) u 145.B.40, kif applikabbli.

12.  Organizzazzjoni tal-manutenzjoni li timpjega persuna waħda biss biex sew tippjana u sew twettaq il-manutenzjoni kollha jista' jkollha biss ambitu limitat ta' kategorija tal-approvazzjoni. Il-limiti massimi permissibbli huma:

13. Tabella

1. Il-modifika, it-tiswija jew bdil permezz ta' irbattir, twaħħil, laminar, jew iwweldjar ta' kwalunkwe mill-partijiet tal-qafas tal-inġenju tal-aru li ġejjin:

(a) travu kwadru;

(b) virga tal-ġewnaħ jew element tal-membratura;

(c) spar;

(d) flanġ tal-ispar;

(e) element ta' travu kompost;

(f) l-ispalla ta' travu;

(g) element tal-propella jew tas-sinsla (chine) ta' buq ta' żgiċċ jew flowt;

(h) element ta' kompressjoin ta' folja mmewġa;

(i) kustilja prinċipali tal-ġewnaħ;

(j) puntal tal-wiċċ tal-ġewnaħ jew tad-denb;

(k) muntatura tal-magna;

(f) longeron ta' żaqq l-ajruplan;

(m) element ta' puntal tal-ġenb, puntal orizzonali jew paratija;

(n) brace jew brakit li tirfed is-siġġu;

(o) sostituzzjoni tal-binarji tas-siġġijiet;

(p) attrezzatura għall-inżul b'tirant jew puntal;

(q) fus;

(r) rota; u

(s) ski jew pedestall ski, minbarra s-sostituzzjoni ta' kisja ta' frizzjoni baxxa.

2. Il-modifika jew it-tiswija ta' kwalunkwe mill-partijiet li ġejjin:

(a) kisja tal-inġenju tal-ajru, jew kisja tal-flowt tal-ajruplan, jekk ix-xogħol jeħtieġ l-użu ta' irfid, ġig jew attrezzatura;

(b) kisja tal-inġenju tal-ajru li hija soġġetta għal tagħbijiet ta' pressurizzazzjoni, jekk il-ħsara lill-kisja tkun akbar minn 15 cm (sitt pulzieri) fi kwalunkwe direzzjoni;

(c) parti soġġetta għat-tagħbija f'sistema ta' kontroll, inkluż kolonna ta' kontroll, pedala, xaft, kwadrant, krank qanpiena, tubu tat-torque, ħorn tal-kontroll u brakit fonduta, iżda esklużi

(i) it-tgħawwiġ ta' ċombar ta' tiswija jew iffittjar ta' kejbil, u

(ii) is-sostituzzjoni tal-agganċ terminali ta' tubu push-pull li jitwaħħal bl-irbattir; u

(d) kull struttura oħra, li mhix elenkata f'(1), li manifattur identifika bħala struttura primarja fil-manwal ta' manutenzjoni, il-manwal ta' tiswija strutturali jew l-istruzzjonijiet għall-kontinwità tal-ajrunavigabbiltà.

3. It-twettiq tal-manutenzjoni li ġejja fuq magna bil-pistuni:

(a) żarmar u armar mill-ġdid sussegwenti ta' magna bil-pistuni ħlief (i) biex jinkiseb aċċess għall-immontaturi tal-pistuni/ċilindri; jew (ii) biex jitneħħa l-għatu tal-aċċessorji ta' wara għal spezzjoni u/jew il-bdil tal-immontaturi tal-pompa taż-żejt, fejn xogħol bħal dan ma jinvolvix it-tneħħija u t-twaħħil mill-ġdid ta' gerijiet interni;

(b) żarmar u armar mill-ġdid sussegwenti ta' gerijiet ta' tnaqqis;

(c) iwweldjar u bbrejżjar ta' ġonot, barra minn tiswijiet minuri bil-welding f'unitajiet tal-egżost imwettqa minn welder approvat jew awtorizzat kif jixraq imma mhux it-tibdil ta' komponenti;

(d) it-taħwid ta' partijiet individwali ta' unitajiet li huma fornuti bħala unitajiet ittestjati fuq il-bank tax-xogħol, minbarra t-tibdil jew l-aġġustament ta' oġġetti li normalment jinbidlu jew ikunu aġġustati waqt l-użu.

4. L-ibbilanċjar tal-iskrun, ħlief

(a) għaċ-ċertifikazzjoni ta' bbilanċjar statiku fejn meħtieġ mill-manwal tal-manutenzjoni;

(b) ibbilanċjar dinamiku fuq skrejjen imwaħħla bl-użu ta' tagħmir għall-ibbilanċjar elettroniku fejn ikun permess mill-manwal tal-manutenzjoni jew dejta oħra tal-ajrunavigabbiltà approvata;

5. Kwalunkwe kompitu addizzjonali li jeħtieġ:

(a) għodda, tagħmir jew faċilitajiet speċjalizzati; jew

(b) proċeduri ta' koordinament sinifikanti minħabba ż-żmien imtawwal tal-kompiti u l-involviment ta' diversi persuni.

(a) Kompetenza u responsabbiltà

1. Il-pilota-sid huwa dejjem responsabbli għal kull manutenzjoni li jwettaq.

2. Qabel iwettaq kull kompitu ta' manutenzjoni pilota-sid, il-pilota-sid għandu jissodisfa lilu nnifsu li huwa kompetenti biex iwettaq ix-xogħol. Hija r-responsabbiltà tal-piloti-sidien li jiffamiljarizzaw ruħhom mal-prattiki standard ta' manutenzjoni għall-inġenji tal-ajru tagħhom u mal-programm ta' manutenzjoni tal-inġenji tal-ajru. Jekk il-pilota-sid ma jkunx kompetenti għax-xogħlijiet li jridu jitwettqu, ix-xogħlijiet ma jistgħux jinħarġu mill-pilota-sid.

3. Il-pilota-sid (jew l-organizzazzjoni tal-ġestjoni tal-kontinwità tal-ajrunavigabbiltà li għandu kuntratt magħha msemmija fis-Sottoparti G, it-Taqsima A ta' dan l-anness) huwa responsabbli biex jidentifika l-kompiti tal-pilota-sid skont dawn il-prinċipji bażiċi fil-programm ta' manutenzjoni u biex jiżgura li d-dokument jiġi aġġornat fil-ħin.

4. L-approvazzjoni tal-programm ta' manutenzjoni għandha titwettaq skont il-punt M.A.302.

(b) Kompiti

1. huwa kompitu ta' manutenzjoni kritika

2. jeħtieġ t-tneħħija ta' komponenti ewlenin jew armar ewlieni u/jew;

3. jitwettaq f'konformità mad-Direttiva dwar tal-Ajrunavigabbiltà jew Oġġett ta' Limitazzjoni l- tal-Ajrunavigabbiltà, ħlief meta permess b'mod speċifiku fl-AD jew l-ALI u/jew;

4. jeħtieġ l-użu ta' għodda speċjali, għodda kkalibrati (minbarra t-torque wrench u crimping tool) u/jew;

5. jeħtieġ l-użu ta' tagħmir għat-testijiet jew testijiet speċjali (per eżempju NDT, testijiet tas-sistema jew testijiet operattivi ta' tagħmir avjoniku) u/jew;

6. ikun kompost minn xi spezzjonijiet speċjali mhux skedati (per eżempju test ta' nżul f'daqqa) u/jew;

7. qed jolqot sistemi essenzjali għall-operazzjonijiet IFR u/jew;

8. ikun elenkat fl-Appendiċi VII ta' dan l-Anness jew ikun xogħol ta' manutenzjoni ta' komponenti skont il-punt M.A.502(a), (b), (c) jew (d) u/jew;

9. huwa parti mill-kontroll annwali jew ta' kull 100 siegħa li hemm fil-Programm Minimu ta' Spezzjoni fil-M.A.302(i).

(c) Twettiq tal-manutenzjoni tal-kompiti u tar-rekords ta' pilota-sid

1. għal organizzazzjonijiet li l-post ewlieni tan-negozju tagħhom jinsab fi Stat Membru, l-awtorità maħtura mill-istess Stat Membru, jew;

2. għal organizzazzjonijiet li l-post ewlieni tan-negozju tagħhom jinsab f'pajjiż terz, l-Aġenzija;

(a) l-faċilitajiet jiġu pprovduti dak kollu li hu xieraq għax-xogħol ippjanat, u b'mod partikolari tiżgura l-ħarsien mill-elementi tat-temp. Workshops u pjattaformi huma segregati kif xieraq, biex ikun żgurat li l-kontaminazzjoni ambjentali u ta' ħidma ma jkunx faċli li jseħħu.

1. Għall-manutenzjoni bażika tal-inġenji tal-ajru, il-ħangars tal-inġenji tal-ajru huma disponibbli u kbar biżżejjed biex jakkomodaw l-inġenju tal-ajru fuq manutenzjoni bażika ppjanata;

2. Għall-manutenzjoni tal-komponenti, il-workshops tal-komponenti huma kbar biżżejjed biex jakkomodaw il-komponenti fuq manutenzjoni ppjanata.

(b) L-akkomodazzjoni tal-uffiċċju hija pprovduta mill-maniġment tax-xogħol ippjanat imsemmi fil- punt (a), u persunal iċċertifikat sabiex ikunu jistgħu jwettqu l-kompiti ddeżinjati lilhom b'tali mod li jikkontribwixxu għal standards ta' manutenzjoni tal-inġenji tal-ajru tajba.

(c) L-ambjent tax-xogħol jinkludi ħangars tal-inġenji tal-ajru, workshops tal-komponenti u akkomodazzjoni tal-uffiċċju hija xierqa għall-kompitu li qed jitwettaq u b'mod partikolari jiġu osservati rekwiżiti speċjali. Sakemm ma jkunx indikat mod ieħor mill-ambjent tal-kompitu partikolari, l-ambjent tax-xogħol irid ikun wieħed li fih l-effettività tal-persunal ma tiġix imxekkla.

1. jinżammu temperaturi li jippermettu lill-persunal iwettaq il-kompiti mitlub mingħajr skumdità.

2. trab u kull kontaminazzjoni fl-arja tinżamm f'livell minimu kemm jista' jkun possibbli u ma titħalliex tilħaq livell fiż-żona tax-xogħol fejn kontaminazzjoni ta' wiċċ viżibbli tal-komponent/tal-inġenju tal-ajru hija evidenti. Fejn trab/kontaminazzjoni oħra fl-arja twassal għal kontaminazzjoni ta' wiċċ viżibbli, is-sistemi suxxettibbli kollha jiġu ssiġillati sakemm jerġgħu jiġu stabbiliti kundizzjonijiet aċċettabbli.

3. id-dawl ikun tajjeb biżżejjed biex kull spezzjoni u kompitu ta' manutenzjoni jkun jista' jitwettaq b'mod effettiv.

4. il-ħoss ma jfixkilx il-persunal milli jwettaq il-kompiti ta' spezzjoni. Fejn mhux prattiku li s-sors tal-ħoss jiġi kkontrollat, tali persunal għandu jiġi fornut b'tagħmir tal-persunal meħtieġ li jwaqqaf il-ħoss li jikkawża d-distrazzjoni matul il-kompiti ta' spezzjoni.

5. fejn kompitu ta' manutenzjoni partikolari jitlob l-applikazzjoni ta' kundizzjonijiet ambjentali speċifiċi differenti minn ta' qabel, mela dawn il-kundizzjonijiet jiġu osservati. Kundizzjonijiet speċifiċi huma identifikati fid-dejta ta' manutenzjoni.

6. l-ambjent tax-xogħol għall-manutenzjoni bil-linja jkun tali li l-kompitu ta' manutenzjoni jew spezzjoni partikolari jkun jista' jitwettaq mingħajr distrazzjoni żejda. Għalhekk fejn l-ambjent tax-xogħol jiddeterjora għal livell mhux aċċettabbli fir-rigward tat-temperatura, l-umdità, il-boċoċ tas-silġ, is-silġ, ir-riħ, id-dawl, it-trab/kontaminazzjoni oħra fl-arja, il-kompiti ta' manutenzjoni jew spezzjoni partikolari jridu jiġu sospiżi sakemm kundizzjonijiet sodisfaċenti jiġu stabbiliti mill-ġdid.

(d) Faċilitajiet ta' ħżin sikura huma pprovduti għall-komponenti, it-tagħmir, l-għodda u l-materjal. Kundizzjonijiet tal-ħżin sikuri jiżguraw is-segragazzjoni ta' komponenti u materjal li jista' jsir servizz fuqhom minn komponenti, materjal, tagħmir u għodda li ma jistax isir servizz fuqhom. Il-kundizzjonijiet għall-ħżin huma f'konformità mal-istruzzjonijiet tal-manifattur biex tiġi evitata d-deterjorazzjoni u l-ħsara lil oġġetti maħżuna. Aċċess għal faċilitajiet ta' ħżin huwa restritt għal persunal awtorizzat.

(a) L-organizzazzjoni għandha taħtar maniġer responsabbli li jkollu l-awtorità korporattiva biex jiżgura li l-manutenzjoni kollha meħtieġa mill-konsumatur tista' tiġi ffinanzjata u titwettaq skont l-istandard mitlub minn din il-Parti. Il-maniġer responsabbli għandu:

1. jiżgura li r-riżorsi kollha meħtieġa jkunu disponibbli biex iwettaq il-manutenzjoni f'konformità mal-punt 145.A.65(b), biex tiġi jappoġġja l-approvazzjoni tal-organizzazzjoni.

2. jistabbilixxi u jippromwovi l-politika tas-sikurezza u l-kwalità speċifikati fil-punt 145.A.65(a).

3. ikollu għarfien ġenerali ta' dan l-Annex (Parti-145).

(b) L-organizzazzjoni għandha taħtar persuna jew grupp ta' persuni, li r-responsabbiltajiet tagħhom jinkludu li jiżguraw li l-organizzazzjoni tikkonforma ma' din il-Parti. It-tali persuna(i) għandha/għandhom fl-aħħar mill-aħħar jaqgħu taħt l-awtorità tal-maniġer responsabbli.

1. Il-persuna jew il-persuni maħtura għandhom jirrappreżentaw l-istruttura tal-ġestjoni tal-manutenzjoni tal-organizzazzjoni u jkunu responsabbli mill-funzjonijiet speċifikati f'din il-Parti.

2. Il-persuna jew il-persuni nnominati għandhom jiġu identifikati u l-kredenzjali tagħhom jiġu sottomessi f'forma u b'mod stabbilit mill-awtorità kompetenti.

3. Il-persuna jew il-persuni maħtura għandhom ikunu kapaċi juru għarfien rilevanti, sfond u esperjenza sodisfaċenti marbuta mal-manutenzjoni tal-inġenju tal-ajru jew tal-komponent u juru għarfien tajjeb ħafna ta' din il-Parti.

4. Il-proċeduri għandhom jagħmluha ċara min jopera f'isem persuna partikolari f'każ li din tkun assenti għal żmien twil.

(c) Il-maniġer responsabbli skont il- punt (a) għandu jaħtar persuna responsabbli mill-monitoraġġ tas-sistema ta' kwalità, inkluż is-sistema ta' rispons assoċjat kif mitlub mill-punt 145.A.65(c). Il-persuna maħtura għandu jkollha aċċess dirett għall-maniġer responsabbli milli jiżgura li l-maniġer responsabbli jinżamm infurmat kif xieraq dwar kwistjonijiet ta' kwalità u konformità.

(d) L-organizzazzjoni għandu jkollha pjan ta' manutenzjoni kull siegħa li juri li l-organizzazzjoni għandha biżżejjed persunal biex tippjana, twettaq, tissorvelja, tispezzjoni u twettaq monitoraġġ tal-kwalità fuq l-organizzazzjoni f'konformità mal-approvazzjoni. Barra minn hekk, l-organizzazzjoni għandu jkollha proċedura li tivvaluta mill-ġdid ix-xogħol maħsub biex jitwettaq meta d-disponibbiltà tal-persuna attwali tkun anqas mil-livell tal-persuna ippjanat għal kwalunkwe xift jew perjodu tax-xogħol partikolari.

(e)  ►M1  L-organizzazzjoni għandha tistabbilixxi u tikkontrolla l-kompetenza tal-persunal involut f'kull manutenzjoni, żvilupp tal-programmi ta' manutenzjoni, reviżjonijiet tal-ajrunavigabbiltà, ġestjoni u/jew verifiki tal-kwalità f'konformità ma' proċedura u ma' standard maqbul mill-awtorità kompetenti. ◄ Barra mill-ispeċjalizzazzjoni meħtieġa marbuta mal-funzjoni tal-impjieg, il-kompetenza trid tinkludi għarfien tal-applikazzjoni tal-fatturi umani u tal-kwistjonijiet tal-prestazzjoni umana xierqa għall-funzjoni ta' dik il-persuna fl-organizzazzjoni. “Fatturi umani” tfisser prinċipji li japplikaw għad-disinn, it-taħriġ, iċ-ċertifikazzjoni, it-taħriġ, l-operat u l-manutenzjoni tal-ajrunawtika u li jimmiraw għal interfaċċja sikura bejn il-komponenti umani u dawk ta' sistemi oħrajn b'konsiderazzjoni f'lokha għall-prestazzjoni umana. “Il-prestazzjoni umana” tfisser il-kapaċitajiet umani u l-limitazzjonijiet li għandhom impatt fuq is-sikurezza u l-effiċjenza ta' operazzjonijiet tal-ajrunawtika.

(f) L-organizzazzjoni għandha tiżgura li l-persunal li jwettaq jew li jikkontrolla test mhux distruttiv tal-kontinwità tal-ajrunavigabbiltà tal-istrutturi u/jew tal-komponenti tal-inġenju tal-ajru jkun ikkwalifikat kif xieraq għat-test mhux distruttiv partikolari f'konformità mal-istandard Ewropew jew ma' standard ekwivalenti rikonoxxut mill-Aġenzija. Il-persunal li jwettaq kwalunkwe kompitu speċjalizzat ieħor għandu jkun kwalifikat kif xieraq f'konformità mal-istandards rikonoxxuti uffiċjalment. B'deroga minn dan il-punt, il-persunal imsemmi fil-punt (g) u fil-punti (h)(1) u (h)(2), ikkwalifikat fil-kategorija B1, B3 jew L skont l-Anness III (Parti-66) jista' jwettaq u/jew jikkontrolla t-testijiet b'kuntrast tal-kulur ta' kulurant penetrant.

(g) Kwalunkwe organizzazzjoni li tagħmel manutenzjoni fuq inġenji tal-ajru, għajr fejn iddikjarat mod ieħor fil-punt (j), għandha fil-każ ta' manutenzjoni ta' linja ta' inġenji tal-ajru, ikollha persunal li jiċċertifika kkwalifikat b'mod xieraq għat-tip ta' inġenju tal-ajru fil-kategoriji B1, B2, B2L, B3 u L, skont l-Anness III (Parti-66) u l-punt 145.A.35.

(h) Kwalunkwe organizzazzjoni li tagħmel il-manutenzjoni tal-inġenji tal-ajru, ħlief fejn hu ddikjarat mod ieħor fil-punt (j), għandha:

1. fil-każ ta' manutenzjoni bażika ta' inġenji tal-ajru kumplessi li jaħdmu bil-magni, jkollha persunal li jiċċertifika kkwalifikat b'mod xieraq għat-tip ta' inġenju tal-ajru fil-kategorija C skont l-Anness III (Parti-66) u l-punt 145.A.35. Barra minn hekk, l-organizzazzjoni għandu jkollha biżżejjed persunal ikkwalifikat b'mod xieraq għat-tip ta' inġenju tal-ajru fil-kategoriji B1 u B2, kif xieraq, skont l-Anness III (Parti-66) u l-punt 145.A.35 biex jappoġġja lill-persunal li jiċċertifika fil-kategorija C.

(i) Il-persunal ta' appoġġ għall-kategoriji B1 u B2 għandu jiżgura li l-kompiti jew spezzjonijiet rilevanti kollha jkunu twettqu skont l-istandard meħtieġ qabel ma l-persunal li jiċċertifika fil-kategorija C joħroġ iċ-ċertifikat tar-rilaxx għas-servizz.

(ii) L-organizzazzjoni għandha żżomm reġistru ta' tali persunal ta' appoġġ fil-kategoriji B1 u B2.

(iii) Il-persunal li jiċċertifika fil-kategorija C għandu jiżgura li tinkiseb il-konformità mal-punt (i) u li x-xogħol kollu meħtieġ mill-klijent ikun twettaq matul il-kontroll li jsir jew il-pakkett ta' xogħol ta' manutenzjoni bażika partikolari, u għandu wkoll jivvaluta l-impatt ta' kwalunkwe xogħol mhux imwettaq, bil-ħsieb jew li jenħtieġ li x-xogħol jitwettaq jew li jilħaq qbil mal-operatur biex dan ix-xogħol jiġi diferit għal kontroll speċifiku ieħor jew għal limitu ta' żmien ieħor.

2. fil-każ tal-manutenzjoni bażi ta' inġenji tal-ajru għajr inġenji tal-ajru kumplessi li jaħdmu bil-magni, dawn għandu jkollhom wieħed minn dawn:

(i) persunal li jiċċertifika kkwalifikat b'mod xieraq għat-tip ta' inġenju tal-ajru fil-kategoriji B1, B2, B2L, B3 u L, skont l-Anness III (Parti-66) u l-punt 145.A.35;

(ii) persunal li jiċċertifika kkwalifikat għat-tip ta' inġenju tal-ajru kklassifikat xieraq fil-kategorija C megħjun minn persunal ta' appoġġ, kif stipulat fil-punt 145.A.35(a)(i).

(i) Il-persunal li jiċċertifika l-komponenti għandu jkun ikkwalifikat skont l-Artikolu 5(6) u l-punt 145.A.35.

(j) B'deroga għall- punti (g) u (h), fir-rigward tal-obbligu għall-konformità mal-Anness III (Parti-66), l-organizzazzjoni tista' tuża l-persunal ikkwalifikat biex jiċċertifika f'konformità mad-dispożizzjonijiet li ġejjin:

1. Għal faċilitajiet tal-organizzazzjoni li jinsabu barra mit-territorju tal-Komunità, persunal li jiċċertifika jista' jkun iċċertifikat f'konformità mar-regolamenti tal-avjazzjoni nazzjonali tal-Istati li fih il-faċilità tal-organizzazzjoni hija rreġistrata soġġetta għall-kundizzjonijiet speċifikati fl-Appendiċi IV ta' din il-Parti.

2. Għal manutenzjoni bil-linja mwettqa fi stazzjoni bil-linja ta' organizzazzjoni li tinsab barra mit-territorju tal-Komunità, il-persunal li jiċċertifika jista' jkun ikkwalifikat f'konformità mar-regolamenti ta' avvjazzjoni nazzjonali tal-Istat li fih ikun ibbażat l-istazzjoni bil-linja, soġġett għall-kundizzjonijiet speċifikati fl-Appendiċi IV ta' din il-Parti.

3. Għal direttiva tal-ajrunavigabbiltà ta' qabel it-titjira repetittiva, li speċifikament tiddikjara li l-ekwipaġġ tat-titjira jista' jwettaq tali direttiva dwar l-ajrunavigabbiltà, l-organizzazzjoni tista' toħroġ awtorizzazzjoni ta' ċertifikazzjoni limitata għall-kmandant tal-inġenju tal-ajru u/jew l-inġinier tat-titjira abbażi tal-liċenzja tal-ekwipaġġ tat-titjira li jħaddan. Madanakollu, l-organizzazzjoni għandha tiżgura li taħriġ prattiku suffiċjenti jkun twettaq sabiex jiġi żgurat li tali kmandant tal-inġenji tal-ajru jew inġinier tat-titjira jkun jista' iwettaq id-direttiva dwar l-ajrunavigabbiltà mal-istandard meħtieġ.

4. Fil-każ ta' inġenju tal-ajru li jopera 'l bogħod minn post appoġġjat, l-organizzazzjoni tista' toħrġ awtorizzazzjoni ta' ċertifikazzjoni limitata lill-kmandant u/jew l-inġinier tat-titjira abbażi tal-liċenzja tal-ekwipaġġ tat-titjira, sakemm, l-organizzazzjoni tiżgura li twettaq biżżejjed taħriġ prattiku biex ikun żgurat li din il-peruna tista' twetttaq il-kompitu speċifikat skont l-istandard meħtieġ. Id-dispożizzjonijiet ta' dan il- punt għandhom jiġu ddettaljati fil-proċedura ta' espożizzjoni.

5. Fil-każijiet mhux previsti li ġejjin, meta inġenju tal-ajru huwa miżmum milli jtir f'post differenti mill-bażi prinċipali fejn ebda persunal li jiċċertifika xieraq mhu disponibbli, l-organizzazzjoni tal-manutenzjoni li għandha l-kuntratt biex tipprovdi appoġġ għall-manutenzjoni tista' toħroġ awtorizzazzjoni ta' ċertifikazzjoni ta' darba:

(i) lil wieħed mill-impjegat tagħha li li għandu l-kwalifika tat-tip fuq inġenju tal-ajru b'teknoloġija, kostruzzjoni u sistemi simili; or

(ii) lil kull persuna b'mhux inqas minn ħames snin esperjenza fil-manutenzjoni u li għandha liċenzja tal-manutenzjoni tal-inġenji tal-ajru ICAO valida ggradata għat-tip ta' inġenju tal-ajru li għandu bżonn ċertifikazzjoni sakemm m'hemm ebda organizzazzjoni approvata kif xieraq skont din il-Parti f'dak il-post u l-organizzazzjoni kuntrattata għandha evidenza fil-fajl tal-esperjenza u l-liċenzja ta' dik il-persuna.

(k) Jekk l-organizzazzjoni twettaq reviżjonijet tal-ajrunavigabbiltà u toħroġ iċ-ċertifikat tar-reviżjoni tal-ajrunavigabbiltà korrispondenti għal inġenji tal-ajru ELA1 mhux involuti f'operazzjonijiet kummerċjali skont il-M.A.901(l), għandu jkollha staff għar-reviżjoni tal-ajrunavigabbiltà kwalifikat u awtorizzat skont il-M.A.901(l)(1).

(l) Jekk l-organizzazzjoni hija involuta fl-iżvilupp u l-ipproċessar tal-approvazzjoni tal-programm ta' manutenzjoni għall-inġenji tal-ajru ELA2 mhux involuti f'operazzjonijiet kummerċjali skont il-M.A.201(e)(ii), għandu jkollha staff kwalifikat li jkun kapaċi juri għarfien u esperjenza rilevanti.

(a) Minbarra r-rekwiżiti tal-punti 145.A.30(g) u (h), l-organizzazzjoni għandha tiżgura li l-persunal li jiċċertifika u l-persunal ta' appoġġ ikollhom fehim adegwat tal-inġenji tal-ajru u/jew tal-komponenti rilevanti li għandha ssirilhom manutenzjoni u tal-proċeduri tal-organizzazzjoni assoċjati. Fil-każ tal-persunal li jiċċertifika, dan għandu jseħħ qabel il-ħruġ jew il-ħruġ mill-ġdid tal-awtorizzazzjoni taċ-ċertifikazzjoni.

1. “Persunal ta' appoġġ” tfisser dak il-persunal li jkollu liċenzja għall-manutenzjoni ta' inġenji tal-ajru skont l-Anness III (Parti-66) fil-kategorija B1, B2, B2L, B3 u/jew L bil-klassifikazzjonijiet tal-inġenju tal-ajru xierqa, li jaħdem fl-ambjent tal-manutenzjoni bażika filwaqt li mhux neċessarjament ikollu l-privileġġi taċ-ċertifikazzjoni.

2. “Inġenji tal-ajru u/jew komponenti rilevanti”, tfisser dawk l-inġenji tal-ajru jew komponenti speċifikati fl-awtorizzazzjoni taċ-ċertifikazzjoni partikolari.

3. “Awtorizzazzjoni taċ-ċertifikazzjoni” tfisser l-awtorizzazzjoni maħruġa mill-organizzazzjoni lill-persunal li jiċċertifika u li tispeċifika l-fatt li dak il-persunal jista' jiffirma ċ-ċertifikati ta' rilaxx għas-servizz fil-limitazzjonijiet iddikjarati f'tali awtorizzazzjoni f'isem l-organizzazzjoni approvata.

(b) Għajr għall-każijiet elenkati fil-punti 145.A.30(j) u 66.A.20(a)3(ii), l-organizzazzjoni tista' toħroġ biss awtorizzazzjoni taċ-ċertifikazzjoni lill-persunal li jiċċertifika fir-rigward tal-kategoriji jew tas-subkategoriji bażiċi u, għajr għal-liċenzji tal-kategorija A, kwalunkwe klassifikazzjoni tat-tip elenkata fuq il-liċenzja għall-manutenzjoni ta' inġenji tal-ajru meħtieġa mill-Anness III (Parti-66), bil-kundizzjoni li l-liċenzja tibqa' valida tul il-perjodu ta' validità kollu tal-awtorizzazzjoni u li l-persunal ta' ċertifikazzjoni jibqa' konformi mal-Anness III (Parti-66).

(c) L-organizzazzjoni għandha tiżgura li l-persunal kollu li jiċċertifika u l-persunal ta' appoġġ kollu jkun involut f'mill-inqas sitt xhur ta' esperjenza ta' manutenzjoni attwali tal-inġenji tal-ajru jew komponenti rilevanti fi kwalunkwe perjodu ta' sentejn konsekuttivi.

(d) L-organizzazzjoni għandha tiżgura li l-persunal kollu li jiċċertifika u l-persunal ta' appoġġ jirċievu taħriġ ta' kontinwazzjoni suffiċjenti f'kull perjodu ta' sentejn biex jiżguraw li kull persunal ikollu għarfien aġġornat rigward it-teknoloġija rilevanti, il-proċeduri tal-organizzazzjoni u l-kwistjonijiet marbuta mal-element uman.

(e) L-organizzazzjoni għandha tistabbilixxi programm għal taħriġ ta' kontinwità għal persunal li jiċċertifika u persunal ta' appoġġ, inkluż proċedura li tiżgura l-konformità mal- punti rilevanti ta' 145.A.35 bħala bażi għall-ħruġ ta' awtorizzazzjonijiet taċ-ċertifikazzjoni skont din il-Parti għal persunal li jiċċertifika, u proċedura biex tiġi żgurata l-konformità mal-Anness III (Parti 66).

(f) Ħlief fejn japplika kull każ mhux previst tal-punt 145.A.30(j)(5), l-organizzazzjoni għandha tivvaluta l-persunal li jiċċertifika kollu prospettiv għall-kompetenza, il-kwalifiki u l-kapaċità tiegħu li jwettaq dmiritjietu f'konformità ma' proċedura kif speċifikat fl-espożizzjoni qabel il-ħruġ jew il-ħruġ mill-ġdid ta' awtorizzazzjoni taċ-ċertifikazzjoni skont din il-Parti.

(g) Meta l-kundizzjonijiet tal- punti (a), (b), (d), (f) u, fejn applikabbli, il-punt (c) jkunu ġew issodisfati mill-persunal li jiċċertifika, l-organizzazzjoni għandha toħroġ awtorizzazzjoni taċ-ċertifikazzjoni li tispeċifika b'mod ċar il-firxa u l-limiti ta' tali awtorizzazzjoni. Validità kontinwatà tal-awtorizzazzjoni taċ-ċertifikazzjoni tiddependi fuq konformità kontinwata mal- punti (a), (b), (d), u fejn applikabbli, (c).

(h) L-awtorizzazzjoni taċ-ċertifikazzjoni trid tkun magħmula b'tali mod li l-iskop tagħha jkun ċar għall-persunal li jiċċertifika u għal kull persuna kkwalifikata li jista' jkun li jkollha bżonn teżamina l-awtorizzazzjoni. Fejn jintużaw kodiċi biex jiġi spjegat l-iskop, l-organizzazzjoni għandha tipprovdi traduzzjoni tal-kodiċi. “Persuna awtorizzata” tfisser l-uffiċjali tal-awtoritajiet kompetenti, l-Aġenzija u l-Istat Membru responsabbli mis-sorveljanza tal-inġenju tal-ajru jew il-komponent taħt manutenzjoni.

(i) Il-persuna responsabbli mis-sistema tal-kwalità għandha tibqa' wkoll responsabbli f'isem l-organizzazzjoni għall-ħruġ ta' awtorizzazzjonijiet taċ-ċertifikazzjoni għall-persunal li jiċċertifika. Tali persuna tista' tinnomina persuni oħra biex dawn joħorġu jew jirrevokaw l-awtorizzazzjonijiet taċ-ċertifikazzjoni f'konformità ma' proċedura kif speċifikat fl-espożizzjoni.

(j) L-organizzazzjoni għandha żżomm reġistru tal-persunal kollu taċ-ċertifikazzjoni u persunal ta' appoġġ, li għandu jkollu fih:

1. id-dettalji ta' kull liċenjza tal-manutenzjoni ta' inġenju tal-ajru miżmuma skont l-Anness III (Parti-66); u

2. kull taħriġ ikkompletat; u

3. l-ambitu tal-awtorizzazzjonijiet taċ-ċertifikazzjoni maħruġa, fejn rilevanti; u

4. id-dettalji tal-persunal b'awtorizzazzjonijiet limitati jew ta' darba.

(k) L-organizzazzjoni għandha tipprovdi lill-persunal li jiċċertifika kopja tal-awtorizzazzjoni taċ-ċertifikazzjoni tagħhom jew f'format stampat jew elettroniku.

(l) Persunal li jiċċertifika għandhom jippreżentaw l-awtorizzazzjoni taċ-ċertifikazzjoni tagħhom lil kwalunkwe persuna awtorizzata fi żmien 24 siegħa.

(m) L-età minima għall-persunal li jiċċertifika u l- persunal ta' appoġġ hi 21 sena.

(n) Id-detentur ta' liċenzja tal-ajruplani tal-kategorija A jista' jeżerċita biss il-privileġġi ta' ċertifikazzjoni fuq tip ta' inġenju tal-ajru speċifiku wara li jkun temm b'suċċess it-taħriġ tal-kompitu tal-inġenju tal-ajru tal-kategorija A relevanti mwettaq minn organizzazzjoni approvat kif dovut skont l-Anness II (Parti-145) jew l-Anness IV (Parti-147). Dan it-taħriġ għandu jinkludi taħriġ prattiku u taħriġ teoriku kif xieraq għal kull kompitu awtorizzat. It-twettiq b'suċċess tat-taħriġ għandu jintwera b'eżami jew b'valutazzjoni fuq il-post tax-xogħol imwettqa mill-organizzazzjoni.

(o) Id-detentur ta' liċenzja ta' manutenzjoni ta' inġenju tal-ajru tal-kategorija B2 jista' jeżerċita biss il-privileġġi ta' ċertifikazzjoni deskritti fil-punt 66.A.20(a)(3)(ii) tal-Anness III (Parti-66) wara li jkun temm b'suċċess (i) it-taħriġ tal-kompitu tal-inġenju tal-ajru tal-kategorija A relevanti u (ii) sitt xhur ta' esperjenza prattika ddokumentata li tkopri l-ambitu tal-awtorizzazzjoni li mbagħad tinħareġ. It-taħriġ tal-kompitu għandu jinkludi taħriġ prattiku u taħriġ teoriku kif xieraq għal kull kompitu awtorizzat. It-twettiq b'suċċess tat-taħriġ għandu jintwera b'eżami jew b'valutazzjoni fuq il-post tax-xogħol. It-taħriġ tal-kompitu u l-eżami/valutazzjoni għandhom jitwettqu mill-organizzazzjoni ta' manutenzjoni li toħroġ l-awtorizzazzjoni tal-persunal li jiċċertifika. L-esperjenza prattika għandha tinkiseb fi ħdan tali organizzazzjoni ta' manutenzjoni.

(a) L-organizzazzjoni għandu jkollha disponibbli u tuża t-tagħmir u l-għodod meħtieġa biex twettaq l-ambitu tax-xogħol approvat.

(i) Meta l-manifattur jispeċifika għodda jew tagħmir partikolari, l-organizzazzjoni għandha tuża dik l-għodda jew tagħmir, sakemm l-awtorità kompetenti ma tkunx ftiehmet dwar l-użu ta' għodda jew tagħmir alternattiv permezz ta' proċeduri speċifikati fl-espożizzjoni (manwal).

(ii) It-tagħmir u l-għodda għandhom ikunu disponibbli b'mod permanenti, għajr fil-każ ta' kwalunkwe għodda jew tagħmir li tant ma jintużax li d-disponibbiltà permanenti tiegħu ma tkunx meħtieġa. Tali każijiet għandhom ikunu ddettaljati fi proċedura tal-manwal.

(iii) Organizzazzjoni approvata għall-manutenzjoni bażika għandu jkollha tagħmir suffiċjenti għall-aċċess ta' inġenji tal-ajru u pjattaformi/dokks ta' spezzjoni sabiex l-inġenju tal-ajru jkun jista' jiġi spezzjonat kif xieraq.

(b) L-organizzazzjoni għandha tiżgura li l-għodda, it-tagħmir u b'mod partikolari t-tagħmir tal-laboratorju kollha, jiġu kkontrollati u kkalibrati kif xieraq skont standard rikonoxxut b'mod uffiċjali bi frekwenza li tiżgura s-servizzjar u l-preċiżjoni. L-organizzazzjoni għandha żżomm tali rekords ta' kalibrazzjonijiet u traċċabbiltà mal-istandard.

(a) Klassifikazzjoni tal-komponenti. Il-komponenti kollha għandhom jiġu kklassifikati u ssegregati kif xieraq fil-kategoriji li ġejjin:

(i) Komponenti li huma f'kundizzjoni sodisfaċenti, maħruġa fuq Formula 1 tal-EASA jew ekwivalenti, u mmarkati skont is-Subparti Q tal-Anness I (Parti 21) tar-Regolament (UE) Nru 748/2012, sakemm ma jkunx speċifikat mod ieħor fl-Anness I (Parti 21) tar-Regolament (UE) Nru 748/2012, jew f'dan l-Anness II (Parti 145).

(ii) Komponenti li ma jistax isir servizz fuqhom li l-manutenzjoni tagħhom għandha ssir skont dan ir-Regolament.

(iii) Komponenti kkategorizzati li ma humiex salvabbli minħabba li jkunu laħqu l-limitu ta' żmien iċċertifikat tagħhom jew ikollhom difett li ma jissewwiex.

(iv) Partijiet standard użati fuq inġenju tal-ajru, magna, skrun jew xi komponent ieħor ta' inġenju tal-ajru meta jkunu speċifikati fid-dejta tal-manutenzjoni u akkumpanjati b'evidenza ta' konformità traċċabbli mal-istandard applikabbli.

(v) Materjal, bażiku jew konsumabbli, użat matul il-manutenzjoni meta l-organizzazzjoni tkun issodisfata li l-materjal huwa skont l-ispeċifikazzjoni meħtieġa u għandu t-traċċabbiltà xierqa. Il-materjal kollu għandu jkun akkumpanjat minn dokumenti relatati b'mod ċar mal-materjal partikolari u li jinkludu dikjarazzjoni ta' konformità mal-ispeċifikazzjonijiet kif ukoll l-oriġini tal-manifattur u tal-fornitur.

(b) Komponenti, partijiet standard u materjali għall-installazzjoni

(i) L-organizzazzjoni għandha tistabbilixxi proċeduri għall-aċċettazzjoni tal-komponenti, tal-partijiet standard u tal-materjali għall-installazzjoni sabiex jiġi żgurat li l-komponenti, il-partijiet standard u l-materjali jkunu f'kundizzjoni sodisfaċenti u jissodisfaw ir-rekwiżiti applikabbli tal-punt (a).

(ii) L-organizzazzjoni għandha tistabbilixxi proċeduri sabiex tiżgura li komponenti, partijiet standard u materjali jiġu installati fuq inġenju tal-ajru jew komponent biss jekk ikunu f'kundizzjoni sodisfaċenti, jekk jissodisfaw ir-rekwiżiti applikabbli tal-punt (a) u jekk id-dejta tal-manutenzjoni applikabbli tispeċifika l-komponent, parti standard jew materjal partikolari.

(iii) L-organizzazzjoni tista' tiffabrika firxa ristretta ta' partijiet biex jintużaw waqt ix-xogħol li jkun għaddej fil-faċilitajiet tagħha, dejjem jekk il-proċeduri jkunu identifikati fl-espożizzjoni (manwal).

(iv) Il-komponenti msemmija fil-punt 21.A.307(c) tal-Anness I (Parti 21) tar-Regolament (UE) Nru 748/2012 għandhom jiġu installati biss jekk jitqiesu eliġibbli għall-installazzjoni minn sid l-inġenju tal-ajru fl-inġenju tal-ajru tiegħu stess.

(c) Segregazzjoni tal-komponenti

(i) Il-komponenti li ma jistax isir servizz fuqhom u dawk li ma humiex salvabbli għandhom jiġu ssegregati minn komponenti, partijiet standard u materjali li jista' jsir servizz fuqhom.

(ii) Il-komponenti li ma humiex salvabbli ma għandhomx jitħallew jidħlu mill-ġdid fis-sistema tal-forniment tal-komponenti sakemm il-limiti ta' żmien iċċertifikat tagħhom ma jkunux ġew estiżi jew sakemm ma tkunx ġiet approvata soluzzjoni ta' tiswija skont ir-Regolament (UE) Nru 748/2012.

(a) L-organizzazzjoni għandha żżomm u tuża dejta ta' manutenzjoni attwali u applikabbli fit-twettiq tal-manutenzjoni, inkluż modifiki u tiswijiet.“Applikabbli” tfisser rilevanti għal kull inġenju tal-ajru, komponent jew proċess speċifikat fl-iskeda tal-gradazzjoni tal-klassi tal-approvazzjoni tal-organizzazzjoni u fi kwalunkwe lista tal-kapaċità assoċjata.

(b) Għall-għanijiet ta' din il-Parti, dejta ta' manutenzjoni applikabbli għandha tkun kwalunkwe waħda minn dawn li ġejjin:

1. Kwalunkwe rekwiżit, proċedura direttiva operazzjonali jew informazzjoni applikabbli maħruġa mill-awtorità responsabbli mis-sorveljanza tal-inġenju tal-ajru jew il-komponent;

2. Kwalunkwe direttiva dwar l-ajrunavigabbiltà maħruġa mill-awtorità responsabbli għas-sorveljanza tal-inġenju tal-ajru jew il-komponent;

3. Struzzjonijiet għall-kontinwità tal-ajrunavigabbiltà, maħruġa mid-dententuri taċ-ċertifikati tat-tip, detenturi taċ-ċertifikati tat-tip supplementari, kwlaunkwe organizzazzjoni oħra mitluba li tippubblika tali dejta skont l-Anness I (Parti-21) tar-Regolament Nru 748/2012 u fil-każ ta' inġenji tal-ajru jew komponenti minn pajjiżi terzi id-dejta dwar l-ajrunavigabbiltà mogħtija mandat mill-awtorità responsabbli mis-sorveljanza tal-inġenju tal-ajru jew il-komponent;

4. Kull standard applikabbli, bħal iżda mhux limitat għall-prattiki standard tal-manutenzjoni rikonoxxuti mill-Aġenzija bħala standard tajjeb għall-manutenzjoni;

5. Kull dejta applikabbli maħruġa skont il- punt (d).

(c) L-organizzazzjoni għandha tistabbilixxi proċeduri biex tiżgura li jekk fid-dejta tal-manutenzjoni użata mill-persunal tal-manutenzjoni tinstab kwalunkwe proċedura, prattika, informazzjoni jew struzzjoni għall-manutenzjoni mhix preċiża, mhix kompluta jew ambigwa, din tiġi rreġistrata u nnotifikata lill-awtur tad-dejta tal-manutenzjoni.

(d) L-organizzazzjoni tista' timmodifika biss struzzjonijiet tal-manutenzjoni skont il-proċedura speċifikata fl-espożizzjoni tal-organizzazzjoni tal-manutenzjoni. Fir-rigward ta' dawk it-tibdiliet, l-organizzazzjoni għandha turi li jirriżultaw fi standards ta' manutenzjoni ekwivalenti jew imtejba u li għandha tinforma lid-detentur taċ-ċertifikat tat-tip b'tali bidliet. L-istruzzjonijiet tal-manutenzjoni għall-għanijiet ta' dan il- punt jfissru struzzjonijiet dwar kif jitwettaq il-kompitu ta' manutenzjoni partikolari: se jeskludu d-disinn tal-inġinerija ta' tiswijiet u modifiki.

(e) L-organizzazzjoni għandha tipprovdi karta tal-ħidma komuni u sistema ta' worksheet biex jintużaw mill-partijiet rilevanti tal-organizzazzjoni. Barra minn hekk, l-organizzazzjoni għandha tittraskrivi b'mod preċiż id-dejta tal-manutenzjoni inkluża fil- punti (b) u (d) dwar tali karti tal-ħidma jew worksheets jew tagħmel referenza preċiża għall-kompitu ta' manutenzjoni partikolari jew kompiti inklużi f'tali dejta ta' manutenzjoni. Karti tal-ħidma u worksheets jistgħu jiġu ġġenerati permezz tal-kompjuter u jinżammu fuq bażi ta' dejta elettroniku soġġett għal salvagwardji adegwati kontra tibdil mhux awtorizzat u bażi ta' dejta elettroniku għall-back-up li għandu jiġi aġġornat fi żmien 24 siegħa mid-dħul ta' kwalunkwe entrata li ssir fil-bażi ta' dejta elettroniku ewlieni. Kompiti ta' manutenzjoni kumplessi għandhom jiġu transkritti fuq il-karti tal-ħidma jew il-worksheets u suddiviżi fi stadji ċari biex jiġi żgurat rekord tat-twettiq tal-kompitu tal-manutenzjoni komplet.

(f) L-organizzazzjoni għandha tiżgura li d-dejta tal-manutenzjoni applikabbli kollha hija diġà disponibbli għall-użu meta meħtieġa mill-persunal tal-manutenzjoni.

(g) L-organizzazzjoni għandha tistabbilixxi proċedura biex tiżgura li d-dejta tal-manutenzjoni li tikkontrolla tinżamm aġġornata. Fil-każ ta' dejta tal-manutenzjoni kkontrollata jew ipprovduta minn operatur/konsumatur, l-organizzazzjoni għandha tkun tista' turi li għandha konferma bil-miktub mill-operatur/konsumatur li tali dejta tal-manutenzjoni kollha hija aġġornata jew li għandha ordnijiet tax-xogħol li jispeċifikaw li l-istatus tal-emenda tad-dejta tal-manutenzjoni li għandha tintuża, jew tkun tista' turi li tinsab fuq il-lista tal-emendi tad-dejta tal-manutenzjoni tal-operatur/konsumatur.

(a) L-organizzazzjoni għandu jkollha sistema xierqa għall-ammont u l-kumplessità tax-xogħol biex tippjana d-disponibbiltà tal-persunal, l-għodda, it-tagħmir, il-materjal, id-dejta tal-manutenzjoni u l-faċilitajiet kollha meħtieġa sabiex tiżgura t-tlestija sikura tax-xogħol tal-manutenzjoni.

(b) L-ippjanar tal-kompiti tal-manutenzjoni, u l-organizzazzjoni tax-xifts, għandu jieħu inkonsiderazzjoni l-limitazzjonijiet tal-prestazzjoni umana.

(c) Meta jkun meħtieġ li l-kontinwazzjoni jew it-tlestija ta' kompiti ta' manutenzjoni għal raġunijiet ta' bdil tax-xift jew bdil fil-persunal tgħaddi minn persuna għal oħra, l-informazzjoni rilevanti għandha tiġi kkomunikata b'mod adegwat bejn il-persunal li jkun ħiereġ u dak li jkun dieħel.

(a) wara li titlesta l-manutenzjoni kollha għandha titwettaq verifika ġenerali biex jiġi żgurat li l-inġenju tal-ajru jew il-komponent, ma għandu l-ebda għodda, tagħmir u kwalunkwe part jew materjal estranju, u li l-pannelli kollha ta' aċċess maqlugħin, ikunu twaħħlu mill-ġdid.

(b) jiġi implimentat metodu li jaqbad l-iżbalji wara t-twettiq ta' kwalunkwe kompitu ta' manutenzjoni kritika;

(c) ir-riskju ta' żbalji multipli waqt il-manutenzjoni u r-riskju tal-iżbalji ripetuti f'kompiti identiċi ta' manutenzjoni jiġu minimizzati; u

(d) il-ħsara tiġi vvalutata u l-modifiki u t-tiswijiet jitwettqu bl-użu ta' dejta speċifikata fil-punt M.A.304.

(a) Ċertifikat ta' ħurġ għall-użu għandu jkun maħruġ minn persunal li jiċċertifika awtoriżżat għan-nom tal-organizzazzjoni meta dawn ikunu ċċekkjaw li l-manutenzjoni kollha mitluba twettqet sew mill-organizzazzjoni skont il-proċedura speċifikati fil-punt 145.A.70, u b'kunsiderazzjoni għad-dejta tal-manutenzjoni disponibbli u l-użu tagħha kif speċifikat fil-punt 145.A.45 u li m'hemm ebda nuqqas ta' konformità li hu magħruf li jpoġġi s-sikurezza tat-titjira fil-periklu.

(b) Ċertifikat għar-rilaxx għas-servizz għandu jinħareġ qabel titjira mat-tlestija ta' kwalunkwe manutenzjoni.

(c) L-operatur tal-inġenju tal-ajru għandu jiġi mgħarraf b'difetti ġodda jew ordnijiet tax-xogħol tal-manutenzjoni mhux kompluti, identifikati matul il-manutenzjoni hawn fuq, għar-raġuni speċifika biex jinkiseb ftehim biex jiġu retifikati tali difetti jew biex jitlestew l-elementi nieqsa tal-ordni tax-xogħol tal-manutenzjoni. Fil-każ fejn operatur ta' inġenju tal-ajru jirrifjuta milli jwettaq tali manutenzjoni skont il- punt, il-punt (e) huwa applikabbli.

(d) Meta titlesta kwalunkwe manutenzjoni fuq komponent li jkun tneħħa mill-inġenju tal-ajru għandu jinħareġ ċertifikat ta' ħruġ għall-użu. Iċ-ċertifikat ta' ħruġ awtorizzat “Formula 1 tal-EASA” msemmi fl-Appendiċi II tal-Anness I (Parti-M) jikkostitwixxi ċ-ċertifikat tal-ħruġ għall-użu tal-komponenti għajr jekk speċifikat mod ieħor fil-punt M.A.502(b) jew M.A.502(e). Meta organizzazzjoni tagħmel manutenzjoni fuq komponent għall-użu tagħha stess, il-Formola 1 tal-EASA tista' ma tkunx meħtieġa, skont il-proċeduri interni tal-ħruġ tal-organizzazzjoni definiti fil-preżentazzjoni.

(e) B'deroga għall- punt (a), meta organizzazzjoni ma tkunx kapaċi tlesti l-manutenzjoni kollha ordnata, din sita' toħroġ ċertifikat għar-rilaxx għas-servizz fil-limiti tal-inġenju tal-ajru approvati. L-organizzazzjoni għandha tniżżel tali fatt fiċ-ċertifikat għar-rilaxx għas-servizz tal-inġenju tal-ajru, qabel ma dan iċ-ċertifikat jinħareġ.

(f) B'deroga għall- punti (a) u 145.A.42, meta inġenju tal-ajru jibqa' l-art f'post minbarra l-istazzjon bil-linja ewlieni jew il-bażi għall-manutenzjoni ewlenija minħabba n-nuqqas ta' disponibbiltà ta' komponent b'ċertifikat għar-rilaxx xieraq, huwa permess li temporanjament jitwaħħal komponent mingħajr iċ-ċertifikat għar-rilaxx xieraq għal massimu ta' 30 siegħa ta' titjira jew sakemm l-ewwel inġenju tal-ajru jirritorna lura l-istazzjon bil-linja ewlieni jew il-bażi għall-manutenzjoni, skont liema waħda minnhom tkun l-eqreb, soġġett għall-ftehim tal-operatur tal-inġenju tal-ajru u li dan il-komponent ikollu ċertifikat għar-rilaxx xieraq, iżda li xorta huwa konformi mal-manutenzjoni applikabbli u r-rekwiżiti operazzjonali kollha. Tali komponenti għandhom jitneħħew sal-limitu ta' żmien preskritt hawn fuq, sakemm sadanittant ma jinkisibx ċertifikat għar-rilaxx xieraq skont il- punti (a) u 145.A.42.

(a) L-organizzazzjoni għandha tirreġistra d-dettalji kollha tax-xogħol tal-manutenzjoni mwettaq. Bħala minimu, l-organizzazzjoni għandha żżomm ir-rekords meħtieġa biex tipprova li r-rekwiżiti kollha għall-ħruġ taċ-ċertifikat għar-rilaxx għas-servizz ġew issodisfati, inkluż id-dokumenti għar-rilaxx tas-sottokuntrattur, u għall-ħruġ ta' kull ċertifikat ta' reviżjoni tal-ajrunavigabbiltà u rakkomandazzjoni.

(b) The organisation shall provide a copy of each certificate of release to service to the aircraft operator, together with a copy of any specific approved repair/modification data used for repairs/modifications carried out.

(c)  ►M1  L-organizzazzjoni għandha żżomm kopja tar-rekords dettaljati kollha tal-manutenzjoni u kwalunkwe dejta tal-manutenzjoni għal tliet snin mid-data marbuta ma' meta l-inġenju tal-ajru jew il-komponent tal-inġenju tal-ajru ġie rilaxxat mill-organizzazzjoni. Barra minn hekk, għandha tinżamm kopja tar-rekords kollha marbuta mal-ħruġ tar-rakkomandazzjonijiet u ċ-ċertifikati ta' reviżjoni tal-ajrunavigabbiltà għal tliet snin mid-data tal-ħruġ u għandha tipprovdi kopja tagħhom lil sid l-inġenju tal-ajru. ◄

1. Ir-resġistri skont dan il-punt għandhom jinħażnu b'tali mod li jiżgura li jitħarsu mill-ħsara, it-tibdil jew is-serq.

2. Il-hardware kollu tal-kompjuter użat sabiex isiru kopji backup għandu jinżamm f'postijiet differenti minn dawk li fihom id-dejta dwar ix-xogħol, b'tali mod li tkun żgurata ż-żamma tajba tagħhom.

3. Meta organizzazzjoni tal-manutenzjoni approvata skont l-Anness (il-Parti-145) ttemm l-operat tagħha, ir-rekords kollha miżmuma tal-manutenzjoni li jkopru l-aħħar tliet snin għandhom jingħataw lill-aħħar sid jew klijent tal-inġenju tal-ajru jew komponent rispettiv jew għandhom jinħażnu kif speċifikat mill-awtorità kompetenti.

(a) L-organizzazzjoni għandha tirrapporta lill-awtorità kompetent lill-istat tar-reġistru u lill-organizzazzjoni responsabbli mid-disinn tal-inġenju tal-ajru jew il-komponent, kull kundizzjoni tal-inġenju tal-ajru jew komponent identifikat mill-organizzazzjoni li rriżultat jew jista' jirriżulta f'kundizzjoni mhux sikura li tipperikola serjament is-sikurezza tat-titjira.

(b) L-organizzazzjoni għandha tistabbilixxi sistema ta' rappurtat ta' okkorrenza interna kif dettaljat fl-espożizzjoni li tippermetti l-ġbir u l-evalwazzjoni ta' tali rapporti, inkluż il-valutazzjoni u l-estrazzjoni ta' dawk l-okkorrenzi biex jiġu rrappurtati skont il- punt (a). Din il-proċedura għandha tidentifika xejriet kuntrarji, azzjonijiet korrettivi meħuda jew li għandhom jittieħdu mill-organizzazzjoni biex tindirizza d-defiċenzi u tinkludi l-evalwazzjoni tal-informazzjoni rilevanti kollha magħrufa għal tali okkorrenzi u metodu għaċ-ċirkolazzjoni tal-informazzjoni kif meħtieġ.

(c) L-organizzazzjoni għandha tagħmel tali rapporti f'forma u b'mod stabbiliti mill-Aġenzija u tiżgura li dawn ikunu jinkludu l-informazzjoni pertinenti kollha dwar ir-riżultati tal-kunduzzjoni u l-evalwazzjoni li taf bihom l-organizzazzjoni.

(d) Fejn l-organizzazzjoni hija kkuntrattata minn operatur kummerċjali biex twettaq manutenzjoni, l-organizzazzjoni għandha tirraporta wkoll kull kundizzjoni bħal din li qed taffettwa l-inġenju tal-ajru jew komponent tal-operatur.

(e) L-organizzazzjoni għandha tipproduċi u tissottometti tali rapporti malajr kemm jista' jkun iżda fi żmien 72 siegħa minn meta l-organizzazzjoni tidentifika l-kundizzjoni li hu marbuta magħha r-rapport.

(a) L-organizzazzjoni għandha tistabbilixxi politika tas-sikurezza u tal-kwalità biex tiġi inkluża fl-espożizzjoni taħt il-punt 145.A.70.

(b) L-organizzazzjoni għandha tistabbilixxi proċeduri miftiehma mill-awtorità kompetenti li jqisu l-fatturi umani u l-prestazzjoni umana sabiex ikunu żgurati prattiki tajbin ta' manutenzjoni u konformità mar-rekwiżiti applikabbli stabbiliti fil-punt 145.A.25 sa 145.A.95. Il-proċeduri skont dan il-punt għandhom:

1. jiżguraw li kien hemm qbil dwar ordni tax-xogħol jew kuntratt ċar bejn l-organizzazzjoni u l-organizzazzjoni li qed titlob il-manutenzjoni biex jiġi stabbilit b'mod ċar ix-xogħol ta' manutenzjoni li għandu jsir sabiex l-inġenju tal-ajru u l-komponenti jistgħu jiġu rilaxxati għall-użu skont il-punt 145.A.50; u,

2. ikopru l-aspetti kollha tat-twettiq tal-manutenzjoni, inklużi l-forniment u l-kontroll tas-servizzi speċjalizzati u l-iffissar tal-istandards li l-organizzazzjoni beħsiebha taħdem bihom.

(c) L-organizzazzjoni għandha tistabbilixxi sistema tal-kwalità li tindkludi dan li ġej:

1. Verifiki indipendenti sabiex tissorvelja l-konformità mal-istandards tal-inġenji tal-ajru/komponenti tal-inġenji tal-ajru u l-adegwatezza mal-proċeduri biex tiżgura li tali proċeduri jinvokaw prattiki ta' manutenzjoni tajba u komponenti tal-inġenji tal-ajru/inġenji tal-ajru ajrunavigabbli. Fl-iżgħar organizzazzjonijiet il-parti ta' verifika indipendenti tas-sistema tal-kwalità tista' tiġi kkuntrattata lil organizzazzjoni oġra approvata skont din il-Parti jew persuna bl-għarfien tekniku xieraq u l-esperjenza ta' verifika sodisfaċenti ppruvata; u

2. sistema tar-rappurtar tar-rispons tal-kwalità lill-persuna jew il-grupp ta' persuni speċifikati fil-punt 145.A.30(b) u fl-aħħar mill-aħħar lill-maniġer responsabbli li jiżgura li tittieħed azzjoni korrettiva xierqa u fil-ħin bi tweġiba għar-rapporti li jirriżultaw mill-verifiki indipendenti stabbiliti biex jissodisfaw il- punt (1).

(a) “Espożizzjoni tal-organizzazzjoni tal-manutenzjoni” tfisser id-dokument jew id-dokumenti li jinkludu l-materjal li jispeċifika l-ambitu tax-xogħol li meqjus li jikkostitwixxi approvazzjoni u juri kif l-organizzazzjoni beħsiebha tikkonforma ma' dan l-Anness (Parti-145). L-organizzazzjoni għandha tipprovdi lill-awtorità kompetenti bl-espożizzjoni tal-organizzazzjoni tal-manutenzjoni, li tinkludi l-informazzjoni li ġejja:

1. Dikjarazzjoni ffirmata mill-manager responsabbli li fiha jikkonferma li f'kull ħin se jkun hemm konformità mal-espożizzjoni tal-organizzazzjoni tal-produzzjoni u kwalunkwe manwali assoċjati li jiddefinixxu l-konformità tal-organizzazzjoni approvata ma' dan l-Anness (Parti-145). Meta maniġer responsabbli ma jkunx l-uffiċjal kap eżekuttiv tal-organizzazzjoni, tali uffiċjal kap eżekuttiv għandu jikkontrofirma din id-dikjarazzjoni;

2. il-politika dwar is-sikurezza u l-kwalità tal-organizzazzjoni kif speċifikat fil-punt 145.A.65;

3. it-titlu(i) u l-isem/ismijiet tal-persuni nnominati skont il-punt 145.A.30(b);

4. id-dmirijiet u r-responsabilitajiet tal-persuni nnominati skont il-punt 145.A.145(c)(2), inklużi l-materji li fuqhom dawn jistgħu jittrattaw direttament mal-awtorità kompetenti f'isem l-organizzazzjoni;

5. krta tal-organizzazzjoni li turi l-ktajjen assoċjati tar-responsabbiltà bejn il-persuni nnominati skont il-punt 45.A.30(b);

6. lista tal-istaff li jiċċertifika, staff ta' appoġġ u, jekk applikabbli, l-istaff għar-reviżjoni tal-ajrunavigabbiltà u l-istaff responsabbli għall-iżvilupp u l-ipproċessar tal-programm ta' manutenzjoni, bl-ambitu tal-approvazzjoni tagħhom;

7. deskrizzjoni ġenerali tar-riżorsi umani;

8. deskrizzjoni ġenerali tal-faċilitajiet li hemm f'kull indirizz speċifikat fiċ-ċertifikat tal-approvazzjoni tal-organizzazzjoni;

9. speċifikazzjoni tal-ambitu tax-xogħol tal-organizzazzjoni rilevanti għat-termini tal-approvazzjoni;

10. il-proċedura ta' notifika tal-punt 145.A.85 għal bidliet tal-organizzazzjoni;

11. il-proċedura ta' emenda tal-espożizzjoni tal-organizzazzjoni tal-manutenzjoni

12. il-proċeduri u s-sistema ta' kwalità stabbiliti mill-organizzazzjoni skont il-punti 145.A.25 sa 145.A.90 u kull proċedura addizzjonali segwita skont l-Anness (il-Parti M)

13. lista ta' operaturi kummerċjali, fejn applikabbli, li lilhom l-organizzazzjoni tipprovdi servizz ta' manutenzjoni tal-inġenji tal-ajru;

14. lista ta' organizzazzjonijiet subkuntrattati, fejn applikabbli, kif speċifikat fil-punt 145.A.75(b);

15. lista ta' stazzjonijiet bil-linja, fejn applikabbli, kif speċifikat fil-punt 145.A.75(d);

16. lista ta' organizzazzjonijiet kuntrattati, fejn applikabbli.

(b) L-espożizzjoni għandha tiġi emendata kif meħtieġ biex tibqa' deskrizzjoni aġġornata tal-organizzazzjoni. L-espożizzjoni u kull emenda sussegwenti għandhom jiġu approvati mill-awtorità kompetenti.

(c) Minkejja l- punt (b), emendi minuri għall-espożizzjoni jistgħu jiġu approvati indirettament permezz ta' proċedura ta' espożizzjoni (minn issa 'l quddiem tissejjaħ approvazzjoni indiretta).

(a) Tkompli manutenzjoni fuq kull inġenju tal-ajru u/jew komponent li għaliha tkun approvata fil-postijiet identifikati fiċ-ċertifikat ta' approvazzjoni u fl-espożizzjoni;

(b) tħejji għall-manutenzjoni ta' kull inġenju tal-ajru jew komponent li għaliha tkun approvata f'organizzazzjoni oħra li qed taħdem skont is-sistema tal-kwalità tal-organizzazzjoni. Dan jirreferi għax-xogħol li qed jitwettaq minn organizzazzjoni li mhix approvata kif xieraq biex twettaq tali manutenzjoni skont din il-Parti u hija limitata għall-ambitu tax-xogħol permess skont il-proċeduri stabbiliti fil-punt 145.A.65(b). Dan l-ambitu tax-xogħol ma għandux jinkludi verifika ta' manutenzjoni bażi ta' inġenju tal-ajru jew verifika ta' manutenzjoni ta' workshop sħiħa jew bidla ta' magna jew modulu ta' magna;

(ċ) tkompli manutenzjoni fuq kull inġenju tal-ajru jew komponent li għalih tkun approvata fi kwalunkwe post suġġetta għall-ħtieġa li din il-manutenzjoni tirriżulta jew minn qagħda fejn l-inġenju tal-ajru ma jkunx jista' jissewwa jew min-neċessità li okkażjonalment jingħata appoġġ għal manutenzjoni bil-linja, suġġett għall-kundizzjonijiet speċifikati fl-espożizzjoni;

(d) tkompli manutenzjoni fuq kull inġenju tal-ajru u/jew komponent li għalih tkun approvata f'post identifika bħala post ta' manutenzjoni bil-linja kapaċi li jsostni manutenzjoni minuri u biss jekk l-espożizzjoni tal-organizzazzjoni tippermetti tali attività u telenka tali postijiet;

(e) toħroġ ċertifikati għar-rilaxx għas-servizz fir-rigward tat-tlestija tal-manutenzjoni f'konformità mal-punt 145.A.50;

(f) jekk speċifikament approvata biex tagħmel dan għall-inġenji tal-ajru ELA1 mhux involuti f'operazzjonijiet kummerċjali,

1. twettaq reviżjonijet tal-ajrunavigabbiltà u toħroġ iċ-ċertifikat ta' reviżjoni tal-ajrunavigabbiltà korrispondenti, skont il-kondizzjonijiet speċifikati fil-punt M.A.901 (l), u

2. twettaq reviżjonijet tal-ajrunavigabbiltà u toħroġ rakkomandazzjonijiet korrispondenti, bil-kondizzjonijiet speċifikati fil-punt M.A.901(l) u l-M.A.904(a)2 u (b).

(g) tiżviluppa l-programm ta' manutenzjoni u tipproċessal-approvazzjoni tiegħu skont il-punt M.A.302 għall-inġenji tal-ajru tat-tip ELA 2 mhux involuti f'operazzjonijiet kummerċjali, bil-kondizzjonijiet speċifikati fil-punt M.A.201(e)(ii), u limitata għall-kategoriji tal-inġenji tal-ajru mniżżla fiċ-ċertifikat tal-approvazzjoni.

1. isem l-organizzazzjoni;

2. il-post ewlieni tal-organizzazzjoni;

3. postijiet addizzjonali tal-organizzazzjoni;

4. il-maniġer responsabbli;

5. kull persuna maħtura skont il-punt 145.A.30(b);

6. il-faċiltajiet, it-tagħmir, l-għodda, il-materjal, il-proċeduri, l-ambitu tax-xogħol u l-istaff li jiċċertifika u l-istaff għar-reviżjoni tal-ajrunavigabbiltà li jistgħu jaffettwaw l-approvazzjoni.

(a) Għandha tinħareġ approvazzjoni għal perjodu ta' żmien mhux limitat. Din għandha tibqa' valida bil-kundizzjoni li:

1. l-organizzazzjoni tibqa' konformi mal-Anness II (Parti-145), skont id-dispożizzjonijiet marbuta mat-trattament tas-sejbiet kif speċifikat skont il-punt 145.B.50; u

2. l-awtorità kompetenti li qed tingħata aċċess għall-organizzazzjoni biex tiddetermina l-konformità kontinwata ma' din il-Parti; u

3. iċ-ċertifikat ma jiġix ċedut jew irrevokat.

(b) Meta jiġi ċedut jew revokat, iċ-ċertifikat għandu jintbagħat lura lill-awtorità kompetenti.

(a) Sejba ta' livell hija kull nuqqas ta' konformità sinifikanti mar-rekwiżiti tal- stabbiliti f'dan l-Anness (Parti-145) li jbaxxi l-istandard tas-sikurezza u jipperikola serjament is-sikurezza tat-titjira.

(b) Sejba ta' livell 2 hija kull nuqqas ta' konformità mar-rekwiżiti tal- stabbiliti f'dan l-Anness (il-Part-145) li jista' jbaxxi l-istandard ta' sikurezza u possibbilment jipperikola s-sikurezza tat-titjira.

(c) Wara li d-detentur tal-approvazzjoni tal-organizzazzjoni tal-manutenzjoni jirċievi n-notifika tas-sejbiet skont il-punt 145.B.50, dan għandu jiddefinixxi pjan ta' azzjoni korrettiv u juri azzjoni korrettiva għas-sodsfazzjoni tal-awtorità kompetenti fi żmien perjodu maqbul ma' din l-awtorità.

(a) ikun kwalifikat kif xieraq u jkollu l-għarfien, l-esperjenza u t-taħriġ kollu meħtieġ biex iwettaq il-kompiti allokati lilu.

(b) ikun irċieva taħriġ/ taħriġ ta' kontinwazzjoni dwar dan l-Anness (il-Part-145) fejn rilevanti, inkluż it-tifsira u l-istandard maħsuba għalih.

1. Sakemm ikun hemm konformità mar-rekwiżiti tal-punti 145.A.30(a) u (b), l-awtorità kompetenti għandha tindika formalment l-aċċettazzjoni tagħha tal-persunal, speċifikata fil-punti 145.A.30(a) u (b), lill-applikant bil-miktub.

2. L-awtorità kompetenti għandha tivverifika li l-proċeduri speċifikati fl-espożizzjoni tal-organizzazzjoni ta' manutenzjoni jikkonformaw ma' dan l-Annex (Parti-145) u tivverifika li l-maniġer responsabbli jiffirma d-dikjarazzjoni tal-impenn.

3. L-awtorità kompetenti għandha tivverifika li l-organizzazzjoni hija konformi mar-rekwiżiti ta' danl-Annex (Parti-145).

4. Tal-anqas darba matul l-investigazzjoni għall-approvazzjoni għandha ssir laqgħah mal-maniġer responsabbli biex jiġi żgurat li hu jifhem kompletament is-sinifikat tal-approvazzjoni u r-raġuni għall-iffirmar tal-impenn tal-espożizzjoni tal-organizzazzjoni għall-konformità mal-proċeduri speċifikati f'din l-espożizzjoni.

5. Is-sejbiet kollha jridu jiġu kkonfermati bil-miktub lill-organizzazzjoni.

6. L-awtorità kompetenti għandha tirreġistra s-sejbiet, l-azzjonijiet ta' għeluq (azzjonijiet meħtieġa biex tingħalaq sejba) u r-rakkomandazzjonijiet kollha

7. Għal approvazzjoni inizjali, is-sejbiet kollha jridu jiġu kkoreġuti qabel ma l-approvazzjoni tkun tista' tinħareġ.

1. L-awtorità kompetenti għandha tapprova formalment l-espożizzjoni u toħroġ ċertifikat ta' approvazzjoni tal-Formola 3 lill-applikant, li jinkludi l-klassifikazzjonijiet ta' approvazzjoni. L-awtorità kompetenti għandha toħroġ biss ċertifikat meta l-organizzazzjoni tkun f'konformità ma' dan l-Anness (Parti-145).

2. L-awtorità kompetenti għandha tindika l-kundizzjonijiet tal-approvazzjoni fuq iċ-ċertifikat ta' approvazzjoni tal-Formola 3.

3. In-numru ta' referenza għandu jiġi inkluż fiċ-ċertifikat ta' approvazzjoni tal-Formola 3 b'tali mod speċifikat mill-Aġenzija.

1. L-awtorità kompetenti għandha żżomm u taġġorna programm li jelenka l-organizzazzjonijiet ta' manutenzjoni approvati taħt is-superviżjoni tagħha, id-dati taż-żjariet ta' verifika u meta tali żjariet twettqu.

2. Kull organizzazzjoni trid tkun kompletament eżaminata għall-konformità ma' dan l-Anness (Parti-145) f'perjodi li ma jaqbżux l-24 xahar.

3. Tal-anqas darba kull 24 xahar għandha ssir laqgħa mal-maniġer responsabbli biex ikun żgurat li hu jibqa' infurmat bi kwistjonijiet sinifikanti li jirriżultaw matul il-verifiki.

1. L-awtorità kompetenti għandha tirċievi notifika mill-organizzazzjoni rigward kwalunkwe tibdila proposta kif elenkat fil-punt 145.A.85.

2. L-awtorità kompetenti tista' tippreskrivi l-kundizzjonijiet skont liema l-organizzazzjoni tista' topera matul tali bidliet sakemm ma tiddeterminax li l-approvazzjoni għandha tiġi sospiża.

1. Fil-każ ta' approvazzjoni diretta tal-bidliet skont il-punt M.A.145.A.70(b), l-awtorità kompetenti għandha tivverifika li l-proċeduri speċifikati fl-espożizzjoni huma konformi ma' dan l-Anness (Parti 145) qabel ma tinnotifika formalment lill-organizzazzjoni approvata dwar l-approvazzjoni.

2. Fil-każ li proċedura ta' approvazzjoni indiretta tintuża għall-approvazzjoni tal-bidliet skont il-punt 145.A.70(c), l-awtorità kompetenti għandha tiżgura (i) li l-bidliet jibqgħu minuri u (ii) li għandha kontroll adegwat fuq l-approvazzjoni tal-bidliet biex tiżgura li jibqgħu f'konformità mar-rekwiżiti ta' dan l-Anness (Parti-145).

(a) tissospendi approvazzjoni għal raġunijiet validi fil-każ ta' theddida potenzjali lis-sikurezza; jew

(b) tissospendi, tirrevoka jew tillimita approvazzjoni skont il-punt 145.B.50.

(a) Meta matul il-verifiki jew permezz ta' mezz ieħor tinstab evidenza li turi nuqqas ta' konformità mar-rekwiżiti ta' dan l-Anness (Parti-145), l-awtorità kompetenti għandha tieħu l-azzjonijiet li ġejjin:

1. Għal sejbiet ta' livell 1, l-awtorità kompetenti għandha tieħu azzjoni immedjata biex tirrevoka, tillimita jew tissospendi kompletament jew parzjalment, jiddependi mid-daqs tas-sejba ta' livell 1, l-approvazzjoni tal-organizzazzjoni ta' manutenzjoni, sakemm l-organizzazzjoni jirnexxilha twettaq l-azzjonijiet korrettivi.

2. Għal sejbiet ta' livell 2, il-perjodu ta' azzjoni korrettiva mogħti mill-awtorità kompetenti jrid ikun adattat skont in-natura tas-sejba, iżda fi kwalunkwe każ fil-bidu inizjalment dan ma jridx ikun aktar minn tliet xhur. F'ċerti ċirkostanzi u soġġett għan-natura tas-sejba, l-Awtorità Kompetenti tista' testendi l-perjodu ta' tliet xhur, soġġett għal pjan sodisfaċenti ta' azzjoni korrettiva li dwaru jrid ikun hemm ftehim mal-Awtorità Kompetenti.

(b) L-awtorità kompetenti għandha tieħu azzjoni biex tissospendi l-approvazzjoni kollha, jew parti minnha, f'każ li ma tiġix rispettata l-iskeda mogħtija mill-awtorità kompetenti.

1. L-awtorità kompetenti għandha tistabbilixxi sistema għaż-żamma ta' rekords bi kriterji minimi taż-żamma li tippermetti t-traċċabbiltà adegwata tal-proċess tal-ħruġ, taż-żamma, tal-emenda, tas-sospensjoni jew tar-revoka ta' kull approvazzjoni ta' organizzazzjoni individwali.

2. Ir-rekords bħala minimu għandhom jinkludu:

(a) l-applikazzjoni għal approvazzjoni ta' organizzazzjoni, inkluż il-kontinwazzjoni tagħha.

(b) il-programm ta' sorveljanza kontinwata tal-awtorità kompetenti inklużi r-rekords kollha tal-verifiki.

(c) iċ-ċertifikat tal-approvazzjoni tal-organizzazzjoni inkluż kwalunkwe tibdila li ssirlu.

(d) kopja tal-programm ta' verifika li jelenka d-dati meta l-verifiki huma dovuti u meta l-verifiki twettqu.

(e) kopji tal-korrispondenza formali kollha inkluż il-Formola 4 jew l-ekwivalenti.

(f) dettalji ta' kwalunkwe azzjoni(jiet) ta' eżenzjoni u infurzar.

(g) kwalunkwe formola tar-rapport ta' verifika tal-awtorità kompetenti.

(h) espożizzjonijiet tal-organizzazzjoni tal-manutenzjoni.

3. Il-perjodu minimu taż-żamma għar-rekords hawn fuq għandu jkun ta' erba' snin.

4. L-awtorità kompetenti tista' tagħżel li tuża sistema tal-kompjuter jew bil-karti jew taħlita tat-tnejn, soġġetta għal kontrolli xierqa.

(a) Għall-għanijiet ta' dan l-Anness (Parti-66), l-awtorità kompetenti għandha tkun:

1. l-awtorità maħtura mill-Istat Membru fejn il-persuna tapplika l-ewwel darba biex tinħarġilha liċenzja ta' manutenzjoni ta' inġenju tal-ajru; jew

2. l-awtorità maħtura minn Stat Membru ieħor, fil-każ li dan ikun differenti, soġġett għal ftehim mal-awtorità li hemm referenza għaliha fil-punt 1. F'dak il-każ, il-liċenzja li hemm referenza għaliha fil-punt 1 għandha tiġi revokata, ir-rekords kollha li hemm referenza għalihom fil-punt 66.B.20 għandhom jiġu ttrasferuti u għandha tinħareġ liċenzja ġdida fuq il-bażi ta' dawn ir-rekords.

(b) L-Aġenzija għandha tkun responsabbli għad-definizzjoni ta':

1. il-lista tat-tipi ta' inġenji tal-ajru; u

2. liema qafas tal-ajru/magna għandhom jiġu inklużi f'kull klassifikazzjoni ta' tip ta' inġejnu tal-ajru partikolari.

(a) Kategorija A, maqsuma fis-subkategoriji li ġejjin:

— A1 Ajruplani bit-Turbini;

— A2 Ajruplani bil-Pistuni;

— A3 Ħelikopters bit-Turbini;

— A4 Ħelikopters bil-Pistuni.

(b) Kategorija B1, maqsuma fis-subkategoriji li ġejjin:

— B1.1 Ajruplani bit-Turbini;

— B1.2 Ajruplani bil-Pistuni;

— B1.3 Ħelikopters bit-Turbini;

— B1.4 Ħelikopters bil-Pistuni.

(c) Kategorija B2

(d) Kategorija B2L

— komunikazzjoni/navigazzjoni (com/nav),

— strumenti,

— awtotitjir,

— sorveljanza,

— sistemi ta' qafas tal-inġenju tal-ajru.

(e) Kategorija B3

(f) Kategorija L, maqsuma fis-subkategoriji li ġejjin:

— L1C: glajders komposti,

— L1: glajders,

— L2C: glajders komposti li jaħdmu bil-magni u ajruplani ELA1 komposti,

— L2: glajders li jaħdmu bil-magni u ajruplani ELA1,

— L3H: blalen tal-arja sħuna,

— L3G: blalen tal-gass,

— L4H: iġfna tal-ajru tal-arja sħuna,

— L4G: iġfna tal-ajru tal-gass ELA2,

— L5: iġfna tal-ajru tal-gass għajr ELA2.

(g) Kategorija C

(1) Grupp 1: inġenji tal-ajru kumplessi li jaħdmu bil-magni, ħelikopters b'magni multipli, ajruplani b'altitudni massima ta' tħaddim iċċertifikata ta' aktar minn FL290, inġenju tal-ajru mgħammar b'sistemi fly-by-wire, iġfna tal-ajru tal-gass għajr ELA2 u inġenji tal-ajru oħrajn li jeħtieġu klassifikazzjoni tat-tip ta' inġenju tal-ajru meta definiti tali mill-Aġenzija.

(2) Grupp 2: inġenji tal-ajru għajr dawk fi Grupp 1 li jappartjenu għas-subgruppi li ġejjin:

(i) subgrupp 2a:

— ajruplani b'magna waħda turboprop,

— dawk l-ajruplani turbojet u multiple-turboprop ikklassifikati mill-Aġenzija f'dan is-subgrupp minnħabba l-kumplessità aktar baxxa tagħhom.

(ii) subgrupp 2b:

— ħelikopters b'magna waħda bit-turbini,

— dawk il-ħelikopters b'magni multipli bit-turbini kklassifikati mill-Aġenzija f'dan is-subgrupp minnħabba l-kumplessità aktar baxxa tagħhom.

(iii) subgrupp 2c:

— ħelikopters b'magna waħda bil-pistuni,

— dawk il-ħelikopters b'magni multipli bil-pistuni ikklassifikati mill-Aġenzija f'dan is-subgrupp minnħabba l-kumplessità aktar baxxa tagħhom.

(3) Grupp 3: ajruplani b'magna bil-pistuni għajr dawk fil-Grupp 1.

(4) Grupp 4: glajders, glajders li jaħdmu bil-magni, blalen u iġfna tal-ajru, għajr dawk fil-Grupp 1.

(a) Applikazzjoni għal liċenzja ta' manutenzjoni ta' inġenju tal-ajru jew għal bidla għal tali liċenzja għandha ssir fuq il-Formola 19 tal-EASA (ara l-Appendiċi V) b'mod stabbilit mill-awtorità kompetenti u għandha tintbagħat lilha.

(b) Applikazzjoni għall-bidla għal liċenzja ta' manutenzjoni ta' inġenju tal-ajru għandha ssir lill-awtorità kompetenti tal-Istat Membru li jkun ħareġ il-liċenzja ta' manutenzjoni ta' inġenju tal-ajru.

(c) Apparti d-dokumenti meħtieġa fil-punti 66.A.10(a), 66.A.10(b) u 66.B.105, kif xieraq, l-applikant għal kategoriji jew subkategoriji bażiċi addizzjonali għal liċenzja ta' manutenzjoni ta' inġenju tal-ajru għandu jissottometti l-liċenzja ta' manutenzjoni ta' inġenju tal-ajru oriġinali attwali tiegħu lill-awtorità kompetenti flimkien mal-Formola 19 tal-EASA.

(d) Meta l-applikant għal bidla tal-kategoriji bażiċi jikkwalifika għal tali bidla permezz tal-proċedura li hemm referenza għaliha fil-punt 66.B.100 fi Stat Membru li mhuwiex l-Istat Membru li ħareġ il-liċenzja, l-applikazzjoni għandha tintbagħat lill-awtorità kompetenti li hemm referenza għaliha fil-punt 66.1.

(e) Meta l-applikant għal bidla tal-kategoriji bażiċi jikkwalifika għal tali bidla permezz tal-proċedura li hemm referenza għaliha fil-punt 66.B.105 fi Stat Membru li mhuwiex l-Istat Membru li ħareġ il-liċenzja, l-organizzazzjoni tal-manutenzjoni approvata skont l-Anness II (Parti-145) għandha tibgħat il-liċenzja ta' manutenzjoni ta' inġenju tal-ajru flimkien mal-Formola 19 tal-EASA lill-awtorità kompetenti li hemm referenza għaliha fil-punt 66.1 għal timbru u firma tal-bidla jew ħruġ mill-ġdid tal-liċenzja, kif jixraq.

(f) Kull applikazzjoni għandha tkun appoġġata minn dokumentazzjoni li turi l-konformità mal-għarfien teoretiku applikabbli, ir-rekwiżiti tat-taħriġ prattiku u tal-esperjenza fil-waqt tal-applikazzjoni.

(a) Għandhom japplikaw il-privileġġi li ġejin:

1. Liċenzja ta' manutenzjoni ta' inġenju tal-ajru ta' kategorija A tippermetti lid-detentur sabiex joħroġ ċertifikati ta' rilaxx għas-servizz wara manutenzjoni tal-linja skedata minuri u rettifika ta' difett sempliċi fi ħdan il-limiti tad-dmirijiet approvati speċifikament fuq l-awtorizzazzjoni taċ-ċertifikazzjoni li hemm referenza għaliha fil-punt 145.A.35 tal-Anness II (Parti-145). Il-privileġġi taċ-ċertifikazzjoni għandhom ikunu ristretti għal xogħol li d-detentur tal-liċenzja jkun wettaq personalment fl-organizzazzjoni tal-manutenzjoni li tkun ħarġet l-awtorizzazzjoni taċ-ċertifikazzjoni.

2. Liċenzja ta' manutenzjoni ta' inġenju tal-ajru ta' kategorija B1 għandha tippermetti lid-detentur sabiex joħroġ ċertifikati ta' rilaxx għas-servizz u sabiex jaġixxi bħala persunal ta' appoġġ B1 wara:

— manutenzjoni mwettqa fuq struttura ta' inġenju tal-ajru, powerplant u sistemi mekkaniċi u elettriċi,

— xogħol fuq is-sistemi avjoniċi li jirrikjedu biss testijiet sempliċi biex ikun ippruvat li jistgħu jissewwew u li ma jirrikjedux l-identifikazzjoni ta' problemi u soluzzjonijiet.

3. Liċenzja ta' manutenzjoni ta' inġenju tal-ajru ta' kategorija B2 għandha tippermetti lid-detentur:

(i) sabiex joħroġ ċertifikati ta' rilaxx għas-servizz u sabiex jaġixxi bħala persunal ta' appoġġ B2 għal dawn li ġejjin:

— manutenzjoni mwettqa fuq sistemi avjoniċi u elettriċi; u

— kompiti elettriċi u tal-avjonika fi ħdan is-sistema tal-powerplant u s-sistema mekkanika, li jeħtieġu biss testijiet sempliċi sabiex tingħata prova ta' kemm jista' jingħatalhom servis; u

(ii) biex joħroġ ċertifikati ta' rilaxx għal servis wara manutenzjoni tal-linja skedata minuri u korrezzjoni ta' difetti sempliċi fi ħdan il-limiti tad-dmirijiet approvati speċifikament fuq l-awtorizzazzjoni taċ-ċertifikazzjoni li hemm referenza għaliha fil-punt 145.A.35 tal-Anness II (Parti-145). Dan il-privileġġ ta' ċertifikazzjoni għandu jkun ristrett għal xogħol li d-detentur tal-liċenzja jkun wettaq personalment fl-organizzazzjoni tal-manutenzjoni li tkun ħarġet l-awtorizzazzjoni taċ-ċertifikazzjoni u limitat għall-klassifikazzjonijiet li jkunu approvati diġà fil-liċenzja B2.

4. Liċenzja għall-manutenzjoni ta' inġenji tal-ajru ta' kategorija B2L għandha tippermetti lid-detentur sabiex joħroġ ċertifikati ta' rilaxx għas-servizz u sabiex jaġixxi bħala persunal ta' appoġġ tal-kategorija B1 għal:

— manutenzjoni mwettqa fuq sistemi elettriċi;

— manutenzjoni mwettqa fuq sistemi tal-avjonika fil-limiti tal-klassifikazzjonijiet tas-sistemi approvati speċifikament fuq il-liċenzja, u

— meta jkunu qed jitwettqu l-klassifikazzjoni tas-‘sistema ta' qafas tal-inġenju tal-ajru’, it-twettiq tal-kompiti elettriċi u tal-avjonika fis-sistema tal-powerplant u s-sistema mekkanika, li jeħtieġu biss testijiet sempliċi sabiex tintwera s-servizzibbiltà tagħhom.

5. Liċenzja għall-manutenzjoni ta' inġenji tal-ajru ta' kategorija B3 għandha tippermetti lid-detentur sabiex joħroġ ċertifikati ta' rilaxx għas-servizz u sabiex jaġixxi bħala persunal ta' appoġġ tal-kategorija B1 għal:

— manutenzjoni mwettqa fuq l-istruttura, powerplant u sistemi mekkaniċi u elettriċi ta' ajruplan; kif ukoll

— xogħol fuq sistemi tal-avjonika li jirrikjedu biss testijiet sempliċi sabiex tintwera s-servizzibbiltà tagħhom u li ma jirrikjedux l-identifikazzjoni ta' problemi u soluzzjonijiet.

6. Liċenzja għall-manutenzjoni ta' inġenji tal-ajru ta' kategorija L għandha tippermetti lid-detentur sabiex joħroġ ċertifikati ta' rilaxx għas-servizz u sabiex jaġixxi bħala persunal ta' appoġġ tal-kategorija L għal:

— manutenzjoni mwettqa fuq l-istruttura, il-powerplant u s-sistemi mekkaniċi u elettriċi ta' inġenju tal-ajru;

— xogħol fuq radju, Transmitter għas-Sejbien waqt Emerġenza (Emergency Locator Transmitters /ELT) u sistemi tat-transponder; kif ukoll

— xogħol fuq sistemi tal-avjonika oħra li jirrikjedu biss testijiet sempliċi sabiex tintwera s-servizzibbiltà tagħhom.

7. Liċenzja għall-manutenzjoni ta' inġenji tal-ajru ta' kategorija C għandha tippermetti lid-detentur sabiex joħroġ ċertifikati ta' rilaxx għas-servizz wara manutenzjoni bażika fuq l-inġenju tal-ajru. Il-privileġġi japplikaw għall-inġenju tal-ajru kollu kemm hu.

(b) Id-detentur ta' liċenzja ta' manutenzjoni ta' inġenju tal-ajru ma jistax jeżerċita l-privileġġi tiegħu sakemm:

1. f'konformità mar-rekwiżiti applikabbli tal-Anness I (Parti-M) u l-Anness II (Parti-145); u

2. fil-perjodu ta' sentejn preċedenti, huwa kellu sitt xhur ta' esperjenza fuq il-manutenzjoni skont il-privileġġi mogħtija mil-liċenzja ta' manutenzjoni ta' inġenju tal-ajru jew, issodisfa d-dispożizzjoni għall-ħruġ tal-privileġġi x-xierqa; u

3. għandu kompetenza adegwata biex jiċċertifika manutenzjoni fuq l-inġenju tal-ajru korrespondenti; u

4. huwa kapaċi jaqra, jikteb u jikkomunika f'livell li jiftiehem fil-lingwa/i li biha huwa/huma miktubin id-dokumentazzjoni teknika u l-proċeduri meħtieġa biex jappoġġaw il-kwistjoni taċ-ċertifikat ta' rilaxx għas-servizz.

(a) Għal liċenzji oħra għajr dawk tal-kategoriji B2L u L, applikant għal liċenzja għall-manutenzjoni ta' inġenji tal-ajru, jew għaż-żieda ta' kategorija jew ta' subkategorija f'tali liċenzja, għandu juri, b'eżami, livell ta' għarfien fil-moduli tas-suġġetti xierqa f'konformità mal-Appendiċi I tal-Anness III (Parti-66). L-eżami għandu jkun konformi mal-istandard stipulat fl-Appendiċi II tal-Anness III (Parti-66) u għandu jitwettaq jew minn organizzazzjoni tat-taħriġ approvata b'mod xieraq skont l-Anness IV (Parti-147), jew mill-awtorità kompotenti.

(b) Applikant għal liċenzja għall-manutenzjoni ta' inġenji tal-ajru fil-kategorija L li jkun f'subkategorija partikolari, jew għaż-żieda ta' subkategorija differenti, għandu juri, b'eżami, livell ta' għarfien fil-moduli tas-suġġetti xierqa f'konformità mal-Appendiċi VII tal-Anness III (Parti-66). L-eżami għandu jkun konformi mal-istandard stipulat fl-Appendiċi VIII tal-Anness III (Parti-66) u għandu jitwettaq jew minn organizzazzjoni tat-taħriġ approvata b'mod xieraq skont l-Anness IV (Parti-147), jew mill-awtorità kompotenti jew kif ikun miftiehem bi qbil mal-awtorità kompetenti.

(c) Applikant għal liċenzja għall-manutenzjoni ta' inġenji tal-ajru fil-kategorija B2L għal ‘klassifikazzjoni ta' sistemi’ partikolari, jew għaż-żieda ta' ‘klassifikazzjoni ta' sistemi’ oħra, għandu juri, b'eżami, livell ta' għarfien fil-moduli tas-suġġetti xierqa f'konformità mal-Appendiċi I tal-Anness III (Parti-66). L-eżami għandu jkun konformi mal-istandard stipulat fl-Appendiċi II tal-Anness III (Parti-66) u għandu jitwettaq jew minn organizzazzjoni tat-taħriġ approvata b'mod xieraq skont l-Anness IV (Parti-147), jew mill-awtorità kompotenti.

(d) L-applikant għandu jkun għamel il-korsijiet ta' taħriġ u għadda mill-eżamijiet sa minn għaxar snin qabel l-applikazzjoni għal liċenzja għall-manutenzjoni ta' inġenji tal-ajru jew għaż-żieda ta' kategorija jew ta' subkategorija fit-tali liċenzja. Jekk dan ma jkunx il-każ, il-kredits tal-eżami jistgħu jinkisbu skont il-punt (e).

(e) L-applikant jista' japplika għand l-awtorità kompetenti għal kredits tal-eżami, sħaħ jew parzjali, għar-rekwiżiti ta' għarfien bażiku għal:

(i) eżamijiet ta' għarfien bażiku li ma jissodisfawx ir-rekwiżit stipulat fil-punt (d) ta' hawn fuq;

(ii) kwalunkwe kwalifika teknika oħra meqjusa mill-awtorità kompetenti bħala ekwivalenti għall-istandard ta' għarfien tal-Anness III (Parti-66).

(f) Il-kredits jiskadu 10 snin wara li jingħataw lill-applikant mill-awtorità kompetenti. L-applikant jista' japplika għal kredits ġodda wara li jiskadu.

(a) Applikant għal liċenzja tal-manutenzjoni tal-inġenji tal-ajru jrid ikun kiseb:

1. għall-kategorija A, is-subkategoriji B1.2 u B1.4 u l-kategorija B3:

(i) tliet (3) snin esperjenza ta' manutenzjoni prattika fuq inġenji tal-ajru li joperaw, jekk l-applikant ma għandu ebda taħriġ tekniku rilevanti preċedenti; jew

(ii) sentejn (2) esperjenza ta' manutenzjoni prattika fuq inġenji tal-ajru li joperaw u taħriġ komplut meqjus bħala rilevanti mill-awtorità kompetenti bħala ħaddiem tas-sengħa, f'sengħa teknika; jew

(iii) sena (1) esperjenza ta' manutenzjoni prattika fuq inġenji tal-ajru li joperaw u twettiq ta' kors ta' taħriġ bażiku approvat skont l-Anness IV (Parti-147);

2. għall-kategorija B2 u s-subkategoriji B1.1 u B1.3:

(i) ħames (5) snin ta' esperjenza ta' manutenzjoni prattika fuq inġenji tal-ajru li joperaw, jekk l-applikant ma għandu ebda taħriġ tekniku rilevanti preċedenti; jew

(ii) tliet (3) snin ta' esperjenza ta' manutenzjoni prattika fuq inġenji tal-ajru li joperaw u taħriġ komplut meqjus bħala rilevanti mill-awtorità kompetenti bħala ħaddiem tas-sengħa, f'sengħa teknika; jew

(iii) sentejn (2) ta' esperjenza ta' manutenzjoni prattika fuq inġenji tal-ajru li joperaw u twettiq ta' kors ta' taħriġ bażiku approvat skont l-Anness IV (Parti-147);

2a. għall-kategorija B2L:

(i) tliet (3) snin esperjenza ta' manutenzjoni prattika fuq inġenji tal-ajru operattivi, li tkopri l-klassifikazzjoni(jiet) ta' sistemi korrispondenti, jekk l-applikant ma għandu l-ebda taħriġ tekniku rilevanti preċedenti; jew

(ii) sentejn (2) esperjenza ta' manutenzjoni prattika fuq inġenji tal-ajru operattivi, li tkopri l-klassifikazzjoni(jiet) ta' sistemi korrispondenti, u taħriġ komplut meqjus bħala rilevanti mill-awtorità kompetenti bħala ħaddiem tas-sengħa, f'sengħa teknika; jew

(iii) sena (1) esperjenza ta' manutenzjoni prattika fuq inġenji tal-ajru operattivi, li tkopri l-klassifikazzjoni(jiet) ta' sistemi korrispondenti, u kors ta' taħriġ bażiku komplut approvat skont il-Parti-147.

2b. għall-kategorija L:

(i) sentejn (2) esperjenza ta' manutenzjoni prattika fuq inġenji tal-ajru operattivi li tkopri parti rappreżentattiva tal-attivitajiet ta' manutenzjoni fis-subkategorija korrispondenti;

(ii) b'deroga mill-punt (i), sena (1) esperjenza ta' manutenzjoni prattika fuq inġenji tal-ajru operattivi li tkopri parti rappreżentattiva tal-attivitajiet ta' manutenzjoni fis-subkategorija korrispondenti, suġġett għall-introduzzjoni tal-limitazzjoni prevista fil-punt 66.A.45(h)(ii)(3).

3. għall-kategorija C fir-rigward ta' inġenji tal-ajru kumplessi li jaħdmu bil-magni:

(i) tliet snin esperjenza jeżerċita l-privileġġi tal-kategorija B1.1, B1.3 jew B2 fuq inġenji tal-ajru kumplessi li jaħdmu bil-magni jew bħala staff ta' appoġġ skont il-punt 145.A.35, jew, kombinazzjoni tat-tnejn; jew

(ii) ħames snin esperjenza jeżerċita l-privileġġi tal-kategorija B1.2 jew B1.4 fuq inġenji tal-ajru kumplessi li jaħdmu bil-magni jew bħala staff ta' appoġġ skont il-punt 145.A.35, jew, kombinazzjoni tat-tnejn;

4. għall-kategorija C fir-rigward ta' inġenji tal-ajru ħlief inġenji tal-ajru kumplessi li jaħdmu bil-magni: tliet snin esperjenza jeżerċita privileġġi tal-kategorija B1 jew B2 fuq inġenji tal-ajru ħlief inġenji tal-ajru kumplessi li jaħdmu bil-magni jew bħala staff ta' appoġġ skont il-punt 145.A.35(a), jew kombinazzjoni tat-tnejn;

5. għall-kategorija C miksuba mir-rotta akkademika: applikant li għandu degree akkademiku f'dixxiplina teknika, minn università jew istituzzjoni ta' edukazzjoni ogħla oħra rikonoxxuta mill-awtorità kompetenti, tliet snin esperjenza xogħol f'ambjent ta' manutenzjoni ta' inġenju tal-ajru ċivili fuq għażla rappreżentattiva ta' kompiti assoċjati direttament mal-manutenzjoni ta' inġenju tal-ajru inkluż sitt xhur ta' osservazzjoni ta' kompiti ta' manutenzjoni bażi.

(b) Applikant għal estensjoni għal liċenzja ta' manutenzjoni ta' inġenju tal-ajru għandu jkollu rekwiżit ta' esperjenza minima fil-manutenzjoni tal-inġenji tal-ajru ċivili xierqa għall-kategorija jew subkategorija tal-liċenzja li għaliha saret applikazzjoni kif definit fl-Appendiċi IV għal dan l-Anness (Parti-66).

(c) L-esperjenza għandha tkun prattika u għandha tinvolvi sezzjoni trasversali rappreżentattiva tal-kompiti ta' manutenzjoni fuq inġenju tal-ajru.

(d) Tal-inqas sena (1) mill-esperjenza neċessarja għandha tkun esperjenza ta' manutenzjoni reċenti fuq inġenji tal-ajru tal-kategorija/subkategorija li għaliha hi mitluba l-liċenzja inizjali ta' manutenzjoni tal-inġenju tal-ajru. Għal żidiet ta' kategoriji/subkategoriji sussegwenti fuq il-liċenzja eżistenti tal-manutenzjoni tal-inġenju tal-ajru, l-esperjenza ta' manutenzjoni reċenti addizzjonali meħtieġa tista' tkun ta' inqas minn sena, iżda għandha tkun tal-inqas ta' tliet xhur. L-esperjenza meħtieġa għandha tkun dipendenti fuq id-differenza bejn il-kategorija/subkategorija tal-liċenzja fil-pussess u li għaliha saret l-applikazzjoni. Esperjenza miżjuda ta' dan it-tip għandha tkun tipika tal-kategorija/subkategorija ġdida mitluba.

(e) Minkejja l-punt (a), esperjenza ta' manutenzjoni fuq inġenji tal-ajru miksuba barra ambjent ta' manutenzjoni fuq inġenji tal-ajru ċivili għandha tkun aċċettata meta tali manutenzjoni tkun ekwivalenti għal dik mitluba minn dan l-Anness (Parti-66) kif stabbilit mill-awtorità kompetenti. Esperjenza addizzjonali ta' manutenzjoni fuq inġenji tal-ajru ċivili għandha, madanakollu, tkun meħtieġa sabiex ikun żgurat fehim adegwat tal-ambjent ta' manutenzjoni fuq inġenji tal-ajru ċivili.

(f) L-esperjenza għandha tkun inkisbet fi żmien għaxar snin qabel l-applikazzjoni għal-liċenzja ta' manutenzjoni tal-inġenji tal-ajru jew iż-żieda ta' kategorija jew subkategorija mat-tali liċenzja.

(a) Il-liċenzja ta' manutenzjoni tal-inġenji tal-ajru ssir invalida ħames (5) snin wara l-aħħar ħarġa jew bidla tagħha, sakemm id-detentur ma jissottomettix il-liċenzja tiegħu ta' manutenzjoni tal-inġenji tal-ajru lill-awtorità kompetenti li ħarġitha, sabiex ikun verifikat li l-informazzjoni li tinsab fil-liċenzja hi l-istess bħal dik li tinsab fir-rekords tal-awtorità kompetenti, skont il-punt 66.B.120.

(b) Id-detentur ta' liċenzja ta' manutenzjoni tal-inġenji tal-ajru għandu jimla l-partijiet relevanti tal-Formola 19 tal-EASA (ara l-Appendiċi V) u jissottomettiha mal-kopja tal-liċenzja tad-detentur lill-awtorità kompetenti li ħarġet il-liċenzja oriġinali ta' manutenzjoni tal-inġenji tal-ajru, sakemm id-detentur ma jaħdimx f'organizzazzjoni ta' manutenzjoni approvata skont l-Anness II (Parti-145) li għandha proċedura fil-preżentazzjoni tagħha fejn tali organizzazzjoni tista' tissottometti d-dokumentazzjoni neċessarja f'isem id-detentur tal-liċenzja ta' manutenzjoni tal-inġenji tal-ajru.

(c) Kull privileġġ ta' ċertifikazzjoni bbażat fuq liċenzja ta' manutenzjoni ta' inġenju tal-ajru jsir invalidu hekk kif il-liċenzja ta' manutenzjoni ta' inġenju tal-ajru ssir invalida.

(d) Il-liċenzja ta' manutenzjoni ta' inġenju tal-ajru hija valida biss (i) meta maħruġa u/jew tinbidel mill-awtorità kompetenti u (ii) meta d-detentur iffirma d-dokument.

(a) Sabiex ikun intitolat jeżerċita privileġġi ta' ċertifikazzjoni fuq tip ta' inġenju tal-ajru speċifiku, id-detentur ta' liċenzja għall-manutenzjoni ta' inġenji tal-ajru jeħtieġ li jkollu l-liċenzja tiegħu approvata bil-klassifikazzjonijiet rilevanti tal-inġenju tal-ajru:

— Għall-kategorija B1, B2 jew C, il-klassifikazzjonijiet rilevanti tal-inġenju tal-ajru huma kif ġej:

—

— Għall-kategorija B2L, il-klassifikazzjonijiet rilevanti tal-inġenju tal-ajru huma kif ġej:

—

— Għall-kategorija B3, il-klassifikazzjoni rilevanti hija “ajruplani mhux pressurizzati b'magni bil-pistuni b'MTOM ta' 2 000  kg u inqas”.

— Għall-kategorija L, il-klassifikazzjonijiet rilevanti tal-inġenji tal-ajru huma kif ġej:

—

— Għall-kategorija A, l-ebda klassifikazzjoni ma hija meħtieġa, suġġett għall-konformità mar-rekwiżiti tal-punt 145.A.35 tal-Anness II (Parti-145).

(b) L-approvazzjoni tal-klassifikazzjonijiet tat-tip ta' inġenju tal-ajru teħtieġ li jiġi komplut wieħed minn dawn it-tipi ta' taħriġ:

— it-taħriġ rilevanti dwar it-tip ta' inġenji tal-ajru tal-kategorija B1, B2 jew C f'konformità mal-Appendiċi III tal-Anness III (Parti-66);

— fil-każ ta' klassifikazzjonijiet tat-tip ta' iġfna tal-ajru tal-gass f'liċenzja B2 jew L5, taħriġ dwar it-tip approvat mill-awtorità kompetenti skont il-punt 66.B.130.

(c) Għal-liċenzji għajr dawk tal-kategorija C, minbarra r-rekwiżiti tal-punt (b), l-approvazzjoni tal-ewwel klassifikazzjoni tat-tip ta' inġenju tal-ajru f' kategorija/subkategorija partikolari teħtieġ it-taħriġ komplet fuq il-post tax-xogħol korrispondenti. Dan it-taħriġ fuq il-post tax-xogħol għandu jkun konformi mal-Appendiċi III tal-Anness III (Parti-66), għajr fil-każ ta' iġfna tal-ajru tal-gass, fejn għandu jiġi approvat direttament mill-awtorità kompetenti.

(d) B'deroga mill-punti (b) u (c), għal inġenji tal-ajru tal-Grupp 2 u 3, il-klassifikazzjonijiet tat-tip ta' inġenju tal-ajru jistgħu jiġu approvati fil-liċenzja wara:

— it-twettiq sodisfaċenti tal-eżami tat-tip ta' inġenju tal-ajru tal-kategorija B1, B2 jew C rilevanti f'konformità mal-Appendiċi III ta' dan l-Anness (Parti-66);

— fil-każ ta' kategorija B1 u B2, it-turija ta' esperjenza prattika fuq it-tip ta' inġenju tal-ajru. F'dak il-każ, l-esperjenza prattika għandha tinkludi parti rappreżentattiva tal-attivitajiet ta' manutenzjoni rilevanti għall-kategorija tal-liċenzja.

(e) Għall-inġenji tal-ajru tal-Grupp 2:

(i) l-approvazzjoni tal-klassifikazzjonijiet ta' subgrupp tal-manifattur għad-detenturi ta' liċenzja tal-kategorija B1 u C teħtieġ il-konformità mar-rekwiżiti ta' klassifikazzjoni tat-tip ta' inġenju tal-ajru ta' mill-inqas żewġ tipi ta' inġenji tal-ajru mill-istess manifattur, li flimkien huma rappreżentattivi tas-subgrupp tal-manifattur applikabbli;

(ii) l-approvazzjoni tal-klassifikazzjonijiet ta' subgrupp sħiħ għad-detenturi ta' liċenzji tal-kategorija B1 u C teħtieġ il-konformità mar-rekwiżiti ta' klassifikazzjoni tat-tip ta' inġenju tal-ajru ta' mill-inqas tliet tipi ta' inġenji tal-ajru minn manifatturi differenti, li flimkien huma rappreżentattivi tas-subgrupp applikabbli;

(iii) l-approvazzjoni ta' klassifikazzjonijiet ta' subgrupp tal-manifatturi u ta' subgrupp sħiħ għad-detenturi ta' liċenzji tal-kategorija B2 u B2L teħtieġ it-turija ta' esperjenza prattika li għandha tinkludi parti rappreżentattiva tal-attivitajiet ta' manutenzjoni rilevanti għall-kategorija tal-liċenzja u għas-subgrupp ta' inġenji tal-ajru applikabbli u, fil-każ tal-liċenzja B2L, rilevanti għall-klassifikazzjoni(jiet) ta' sistemi applikabbli;

(iv) b'deroga mill-punt (e)(iii), id-detentur ta' liċenzja B2 jew B2L, approvata b'subgrupp 2b sħiħ, huwa intitolat li jiġi approvat b'subgrupp 2c sħiħ.

(f) Għall-inġenji tal-ajru tal-Gruppi 3 u 4:

(i) l-approvazzjoni tal-klassifikazzjoni tal-Grupp 3 sħiħ għad-detenturi ta' liċenzji ta' kategorija B1, B2, B2L u C u l-approvazzjoni tal-klassifikazzjoni tal-Grupp 4 sħiħ għad-detenturi ta' liċenzji ta' kategorija B2 u B2L teħtieġ it-turija ta' esperjenza prattika, li għandha tinkludi parti rappreżentattiva tal-attivitajiet ta' manutenzjoni rilevanti għall-kategorija tal-liċenzja u għall-Grupp 3 jew 4, kif ikun applikabbli;

(ii) għall-kategorija B1, sakemm l-applikant ma jipprovdix evidenza ta' esperjenza xierqa, il-klassifikazzjoni tal-Grupp 3 għandha tiġi suġġetta għal-limitazzjonijiet li ġejjin, li għandhom ikunu approvati fuq il-liċenzja:

— ajruplani bi pressjoni,

— ajruplani bi struttura tal-metall,

— ajruplani bi struttura komposta,

— ajruplani bi struttura tal-injam,

— ajruplani bi struttura ta' tubi tal-metall miksijin bit-tessuti;

(iii) b'deroga mill-punt (f)(i), id-detentur ta' liċenzja B2L, approvata b'subgrupp 2a jew 2b sħiħ, huwa intitolat li jiġi approvat bil-Gruppi 3 u 4.

(g) Għal-liċenzja B3:

(i) l-approvazzjoni tal-klassifikazzjoni “ajruplani mhux pressurizzati b'magni bil-pistuni b'MTOM ta' 2 000  kg u inqas” teħtieġ it-turija ta' esperjenza prattika, li għandha tinkludi parti rappreżentattiva tal-attivitajiet ta' manutenzjoni rilevanti għall-kategorija tal-liċenzja;

(ii) sakemm l-applikant ma jipprovdix evidenza ta' esperjenza xierqa, il-klassifikazzjoni msemmija fil-punt (i) għandha tiġi suġġetta għal-limitazzjonijiet li ġejjin, li għandhom ikunu approvati fuq il-liċenzja:

— ajruplani bi struttura tal-injam,

— ajruplani bi struttura ta' tubi tal-metall miksijin bit-tessuti,

— ajruplani bi struttura tal-metall,

— ajruplani bi struttura komposta.

(h) Għas-subkategoriji tal-liċenzja L kollha, għajr għal L5:

(i) l-approvazzjoni tal-klassifikazzjonijiet teħtieġ it-turija ta' esperjenza prattika, li għandha tinkludi parti rappreżentattiva tal-attivitajiet ta' manutenzjoni rilevanti għas-subkategorija tal-liċenzja;

(ii) sakemm l-applikant ma jipprovdix evidenza ta' esperjenza xierqa, il-klassifikazzjonijiet għandhom jiġu suġġetti għal-limitazzjonijiet li ġejjin, li għandhom ikunu approvati fuq il-liċenzja:

(1) għall-klassifikazzjonijiet “glajders” u “glajders li jaħdmu bil-magni u ajruplani ELA1”;

— inġenji tal-ajru bi struttura tal-injam miksi bit-tessuti,

— inġenji tal-ajru bi struttura ta' tubi tal-metall miksijin bit-tessuti,

— inġenji tal-ajru bi struttura tal-metall,

— inġenji tal-ajru bi struttura komposta,

(2) għall-klassifikazzjoni “blalen tal-gass”:

— għajr blalen tal-gass ELA1; kif ukoll

(3) f'każ li l-applikant jipprovdi evidenza ta' esperjenza ta' sena skont id-deroga inkluża fil-punt 66.A.30(a)(2b)(ii), din il-limitazzjoni ta' hawn taħt għandha tkun approvata fuq il-liċenzja:

(a) Il-limitazzjonijiet introdotti fuq liċenzja għall-manutenzjoni ta' inġenji tal-ajru huma esklużjonijiet mill-privileġġi ta' ċertifikazzjoni u, fil-każ tal-limitazzjonijiet imsemmija fil-punt 66.A.45, jaffettwaw lill-inġenju tal-ajru kollu kemm hu.

(b) Għal-limitazzjonijiet li hemm referenza għalihom fil-punt 66.A.45, il-limitazzjonijiet għandhom jitneħħew malli:

1. tintwera esperjenza xierqa; jew

2. wara valutazzjoni prattika sodisfaċenti mwettqa mill-awtorità kompetenti.

(c) Għal-limitazzjonijiet li hemm referenza għalihom fil-punt 66.A.70, il-limitazzjonijiet għandhom jitneħħew malli jsir b'suċċess l-eżami fuq dawk il-moduli/suġġetti definiti fir-rapport ta' konverżjoni applikabbli li hemm referenza għalih fil-punt 66.B.300.

(a) Id-detentur ta' kwalifika ta' persunal li jiċċertifika valida fi Stat Membru, qabel id-data tad-dħul fis-seħħ tal-Anness III (Parti-66) għandu jinħareġ b'liċenzja ta' manutenzjoni ta' inġenju tal-ajru mill-awtorità kompetenti ta' dan l-Istat Membru mingħajr aktar eżaminazzjoni soġġett għall-kundizzjonijiet speċifikati fit-Taqsima B is-Sottoparti D.

(b) Persuna li tkun għaddejja mill-proċess ta' kwalifikazzjoni tal-persunal li jiċċertifika validu fi Stat Membru, qabel id-data tad-dħul fis-seħħ tal-Anness III (Parti-66) tista' tkompli tkun ikkwalifikata. Id-detentur ta' kwalifika ta' persunal li jiċċertifika miksuba wara tali proċess għandu jinħareġ b'liċenzja ta' manutenzjoni ta' inġenju tal-ajru mill-awtorità kompetenti ta' dan l-Istat Membru mingħajr aktar eżaminazzjoni soġġett għall-kundizzjonijiet speċifikati fit-Taqsima B is-Sottoparti D.

(c) Fejn meħtieġ, il-liċenzja għall-manutenzjoni ta' inġenji tal-ajru għandha tinkludi limitazzjonijiet skont il-punt 66.A.50 li jirriflettu d-differenzi bejn:

(i) l-ambitu tal-kwalifikazzjoni tal-persunal li jiċċertifika valida fl-Istat Membru qabel id-dħul fis-seħħ tal-kategorija jew tas-subkategorija tal-liċenzja applikabbli prevista f'dan l-Anness (Parti-66);

(ii) ir-rekwiżiti ta' għarfien bażiku u l-istandards tal-eżami bażiku stipulati fl-Appendiċi I u II ta' dan l-Anness (Parti-66).

(d) B'deroga mill-punt (c), għall-inġenji tal-ajru li ma jintużawx minn trasportaturi tal-ajru liċenzjati skont ir-Regolament (KE) Nru 1008/2008, għajr għal inġenji tal-ajru kumplessi li jaħdmu bil-magni, u għal blalen, glajders u glajders u iġfna tal-ajru li jaħdmu bil-magni, il-liċenzja tal-manutenzjoni ta' inġenji tal-ajru għandu jkun fiha limitazzjonijiet skont il-punt 66.A.50 sabiex ikun żgurat li l-privileġġi tal-persunal li jiċċertifika validi fl-Istat Membru qabel id-dħul fis-seħħ tal-kategorija/subkategorija ta' liċenzja applikabbli skont il-Parti-66 u l-privileġġi tal-liċenzja għall-manutenzjoni ta' inġenju tal-ajru skont il-Parti-66 maqluba jibqgħu l-istess.

(a) L-awtorità kompetenti għandha tistabbilixxi sistema għaż-żamma ta' rekords li tippermetti traċċabbiltà adegwata tal-proċess biex toħroġ, tivvalida mill-ġdid, tibdel, tissospendi jew tirrevoka kull liċenzja ta' manutenzjoni ta' inġenju tal-ajru.

(b) Dawn ir-rekords għandhom jinkludu għal kull liċenzja:

1. l-applikazzjoni għal liċenzja ta' manutenzjoni ta' inġenju tal-ajru jew bidla għal dik il-liċenzja, inkluż id-dokumentazzjoni ta' appoġġ kollha;

2. kopja tal-liċenzja ta' manutenzjoni ta' inġenju tal-ajru inkluż kwalunkwe tibdil;

3. kopji tal-korrespondenza relevanti kollha;

4. dettalji ta' kwalunkwe azzjoni ta' eżenzjoni u infurzar;

5. kwalunkwe rapport minn awtoritajiet kompetenti li għandu x'jaqsam mad-detenetur tal-liċenzja ta' manutenzjoni ta' inġenju tal-ajru;

6. ir-rekords ta' eżamijiet imwettqa mill-awtorità kompetenti;

7. ir-rapport ta' konverżjoni applikabbli użat għall-konverżjoni;

8. ir-rapport tal-kredits applikabbli użat għall-ħruġ ta' kredits.

(c) Rekords li hemm referenza għalihom fil-punti 1 sa 5 tal-punt (b) għandhom jinżammu għal mill-inqas ħames snin wara t-tmiem tal-validità tal-liċenzja.

(d) Rekords li hemm referenza għalihom fil-punti 6, 7 u 8 tal-punt (b) għandhom jinżammu għal perjodu ta' żmien bla limitu.

(a) Sabiex jimplimentaw ir-rekwiżit ta' dan ir-Regolament, l-awtoritajiet kompetenti għandhom jipparteċipaw fi skambju reċiproku ta' informazzjoni skont l-Artikolu 15 tar-Regolament (KE) Nru 216/2008.

(b) Without prejudice to the competencies of the Member States, in the case of a potential safety threat involving several Member States, the concerned competent authorities shall assist each other in carrying out the necessary oversight action.

(a) Malli tirċievi l-Formola 19 tal-EASA u kwalunkwe dokumentazzjoni ta' appoġġ, l-awtorità kompetenti għandha tivverifika l-Formola 19 tal-EASA għall-kompletezza u għandha tiżgura li l-esperjenza ddikjarata tissodisfa r-rekwiżit ta' dan l-Anness (Parti-66).

(b) L-awtorità kompetenti għandha tivverifika l-istatus tal-eżamijiet ta' applikant u/jew tikkonferma l-validità ta' kwalunkwe kredit biex tiżgura li r-rekwiżiti tal-moduli kollha tal-Appendiċi I jew tal-Appendiċi VII, kif ikun applikabbli, ikunu ġew issodisfati kif meħtieġ minn dan l-Anness (Parti-66).

(c) Meta, wara li tkun ivverifikat l-identità u d-data tat-twelid tal-applikant u wara li tkun issodisfata li l-applikant jissodisfa l-istandards ta' għarfien u esperjenza meħtieġa b'dan l-Anness (Parti-66), l-awtorità kompetenti għandha toħroġ il-liċenzja ta' manutenzjoni ta' inġenju tal-ajru relevanti lill-applikant. L-istess informazzjoni għandha tinżamma fuq ir-rekords tal-awtorità kompetenti.

(d) Fil-każ li tipi jew gruppi ta' inġenji tal-ajru jkunu approvati fil-ħin tal-ħruġ tal-ewwel liċenzja ta' manutenzjoni ta' inġenju tal-ajru, l-awtorità kompetenti għandha tivverifika l-konformità mal-punt 66.B.115.

(a) Organizzazzjoni ta' manutenzjoni approvata skont l-Anness II (Parti-145), meta awtorizzata biex twettaq din l-attività mill-awtorità kompetenti, tista' (i) tħejji l-liċenzja ta' manutenzjoni ta' inġenju tal-ajru f'isem l-awtorità kompetenti jew (ii) tagħmel rakkomandazzjonijiet lill-awtorità kompetenti fir-rigward tal-applikazzjoni minn individwu għal liċenzja ta' manutenzjoni ta' inġenju tal-ajru sabiex dik l-awtorità kompetenti tkun tista' tħejji u toħroġ tali liċenzja.

(b) Organizzazzjonijiet tal-manutenzjoni li hemm referenza għalihom fil-punt (a) għandhom jiżguraw il-konformità mal-punti 66.B.100 (a) u (b).

(c) Fil-każijiet kollha, il-liċenzja ta' manutenzjoni ta' inġenju tal-ajru tista' tinħareġ biss lill-applikant mill-awtorità kompetenti.

(a) Mat-tlestija tal-proċeduri speċifikati fil-punti 66.B.100 jew 66.B.105, l-awtorità kompetenti għandha tapprova l-kategorija jew subkategorija bażika addizzjonali, jew, għall-kategorija B2L, il-klassifikazzjoni(jiet) ta' sistemi, fuq il-liċenzja għall-manutenzjoni ta' inġenji tal-ajru permezz ta' timbru u firma jew għandha toħroġ il-liċenzja mill-ġdid.

(b) Is-sistema ta' reġistrazzjonijiet tal-awtorità kompotenti għandha tinbidel skont dan.

(c) Fuq talba mill-applikant, l-awtorità kompotenti għandha tibdel liċenzja fil-kategorija B2L b'liċenzja fil-kategorija B2 approvata bl-istess klassifikazzjoni(jiet) tal-inġenji tal-ajru meta d-detentur ikun wera dawn iż-żewġ elementi:

(i) b'eżami, id-differenzi bejn l-għarfien bażiku korrispondenti għal-liċenzja B2L fil-pussess tiegħu u l-għarfien bażiku tal-liċenzja B2, kif stipulat fl-Appendiċi I;

(ii) l-esperjenza prattika meħtieġa fl-Anness IV.

(d) Fil-każ ta' detentur ta' liċenzja għall-manutenzjoni ta' inġenji tal-ajru tas-subkategorija B1.2 approvata bil-klassifikazzjoni ta' Grupp 3, jew fil-kategorija B3 approvata bil-klassifikazzjoni “ajruplani mhux pressurizzati b'magni bil-pistuni b'MTOM ta' 2 000  kg u inqas”, l-awtorità kompetenti għandha toħroġ, meta ssir applikazzjoni, liċenzja bil-klassifikazzjonijiet kompluti fis-subkategoriji L1 u L2, u bl-istess limitazzjonijiet tal-liċenzja B1.2/B3 fil-pussess tiegħu.

(a) Meta tirċievi Formola 19 tal-EASA sodisfaċenti u kwalunkwe dokumentazzjoni ta' appoġġ li turi konformità mar-rekwiżiti tal-klassifikazzjoni applikabbli flimkien mal-liċenzja tal-manutenzjoni tal-inġenji tal-ajru li takkumpanjaha, l-awtorità kompetenti għandha jew:

1. tapprova l-liċenzja tal-manutenzjoni tal-inġenji tal-ajru tal-applikant bil-klassifikazzjoni applikabbli tal-inġenju tal-ajru; jew

2. terġa' toħroġ il-liċenzja msemmija sabiex tinkludi l-klassifikazzjoni applikabbli tal-inġenju tal-ajru; jew

3. tneħħi l-limitazzjonijiet applikabbli skont il-punt 66.A.50.

(b) F'każ li t-taħriġ tat-tip komplet ma jsirx minn organizzazzjoni ta' taħriġ fil-manutenzjoni approvata kif xieraq skont l-Anness IV (Parti-147), l-awtorità kompetenti għandha tkun sodisfatta li r-rekwiżiti kollha tat-taħriġ tat-tip ġew irrispettati qabel tinħareġ il-klassifikazzjoni tat-tip.

(c) F'każ fejn it-Taħriġ fuq ix-Xogħol ma jkunx meħtieġ, il-klassifikazzjoni tat-tip tal-inġenju tal-ajru għandha tiġi approvata fuq il-bażi ta' Ċertifikat ta' Rikonoxximent maħruġ minn organizzazzjoni ta' taħriġ fil-manutenzjoni approvata skont l-Anness IV (Parti-147)

(d) F'każ fejn it-taħriġ tat-tip tal-inġenju tal-ajru ma jkunx kopert minn kors wieħed, l-awtorità kompetenti għandha tkun sodisfatta, qabel tiġi approvata l-klassifikazzjoni tat-tip, li l-kontenut u t-tul tal-korsijiet jissodisfaw bis-sħiħ l-ambitu tal-kategorija tal-liċenzja u li ż-żoni tal-interface ġew indirizzati kif xieraq.

(e) F'każ ta' taħriġ fid-differenzi, l-awtorità kompetenti għandha tkun sodisfatta li (i) il-kwalifika preċedenti tal-applikant, supplimentata minn (ii) jew kors approvat skont l-Anness IV (Parti-147) jew inkella kors approvat direttament mill-awtorità kompetenti, huma aċċettabbli għal approvazzjoni tal-klassifikazzjoni tat-tip.

(f) L-awtorità kompetenti għandha tiżgura li l-konformità mal-elementi prattiċi tat-taħriġ dwar it-tip tintwera permezz ta' waħda minn dawn l-alternattivi:

(i) permezz tal-provvista ta' rekords dettaljati ta' taħriġ prattiku jew ġurnal ta' abbord ipprovdut mill-organizzazzjoni li tkun tat il-kors bl-approvazzjoni diretta tal-awtorità kompetenti skont il-punt 66.B.130;

(ii) fejn applikabbli, permezz ta' ċertifikat tat-taħriġ li jkopri l-element ta' taħriġ prattiku, maħruġ minn organizzazzjoni ta' taħriġ fil-manutenzjoni approvata kif xieraq skont l-Anness IV (Parti-147).

(g) L-approvazzjoni tat-tip tal-inġenju tal-ajru għandha tuża l-klassifikazzjonijiet tat-tip tal-inġenju tal-ajru speċifikati mill-Aġenzija.

(a) L-awtorità kompetenti għandha tqabbel il-liċenzja għall-manutenzjoni tal-inġenji tal-ajru tad-detentur mar-rekords tal-awtorità kompetenti u tivverifika kwalunkwe azzjoni pendenti ta' revoka, sospensjoni jew bidla skont il-punt 66.B.500. Jekk id-dokumenti jkunu identiċi u ma jkun hemm ebda azzjoni pendenti skont il-punt 66.B.500, il-kopja tad-detentur għandha tiġġedded għal ħames snin u l-fajl jiġi approvat kif xieraq.

(b) Jekk ir-rekords tal-awtorità kompetenti jkunu differenti mil-liċenzja tal-manutenzjoni tal-inġenji tal-ajru miżmuma mid-detentur tal-liċenzja:

1. l-awtorità kompetenti għandha tinvestiga r-raġunijiet għal dawn id-differenzi u tista' tagħżel li ma ġġeddidx il-liċenzja tal-manutenzjoni tal-inġenju tal-ajru.

2. l-awtorità kompetenti għandha tinforma lid-detentur tal-liċenzja u lil kull organizzazzjoni tal-manutenzjoni magħrufa approvata skont l-Anness I (Parti-M) is-Sottoparti F jew l-Anness II (Parti-145) li jistgħu jiġu affettwati direttament minn fatt bħal dan.

3. l-awtorità kompetenti għandha, jekk meħtieġ, tieħu azzjoni skont il-punt 66.B.500 biex tirrevoka, tissospendi jew tibdel il-liċenzja inkwistjoni.

(a) Il-klassifikazzjonijiet tat-tip individwali tal-inġenji tal-ajru li diġà ġew approvati għal-liċenzja tal-manutenzjoni ta' inġenju tal-ajru msemmija fil-punt 4 tal-Artikolu 5 għandhom jibqgħu fuq il-liċenzja u ma għandhomx jiġu konvertiti għal klassifikazzjonijiet ġodda sakemm id-detentur tal-liċenzja ma jissodisfax b'mod sħiħ ir-rekwiżiti għall-approvazzjoni definiti fil-punt 66.A.45 ta' dan l-Anness (Parti-66) għall-klassifikazzjonijiet tal-grupp/subgrupp korrispondenti.

(b) Il-konverżjoni għandha ssir skont it-tabella ta' konverżjoni li ġejja:

1. għall-kategorija B1 jew C:

— magna bil-pistuni ta' ħelikopter, grupp sħiħ: maqluba għal “subgrupp 2c sħiħ” flimkien mal-klassifikazzjonijiet tat-tip ta' inġenju tal-ajru għal dawk il-ħelikopters b'magna waħda bil-pistuni li huma fil-Grupp1;

— magna bil-pistuni ta' ħelikopter, grupp tal-manifattur: maqluba għas-“subgrupp 2b sħiħ” korrispondenti flimkien mal-klassifikazzjonijiet tat-tip tal-inġenji tal-ajru għal dawk il-ħelikopters b'magna waħda bil-pistuni ta' dak il-manifattur li huma fil-Grupp 1;

— magna bit-turbini ta' ħelikopter, grupp sħiħ: maqluba għal “subgrupp 2b sħiħ” flimkien mal-klassifikazzjonijiet tat-tip tal-inġenji tal-ajru għal dawk il-ħelikopters b'magna waħda bit-turbini li huma fil-Grupp 1;

— magna bit-turbini ta' ħelikopter, grupp tal-manifattur: maqluba għas-“subgrupp 2b tal-manifattur” korrispondenti flimkien mal-klassifikazzjonijiet tat-tip tal-inġenji tal-ajru għal dawk il-ħelikopters b'magna waħda bit-turbini ta' dak il-manifattur li huma fil-Grupp 1.

— magna waħda bil-pistuni ta' ajruplan — struttura tal-metall, grupp sħiħ jew grupp tal-manifattur: maqluba għal “grupp 3 sħiħ”. Għal-liċenzja B1, għandhom jiġu inklużi l-limitazzjonijiet li ġejjin: ajruplani bi struttura komposta, ajruplani bi struttura tal-injam, u ajruplani bi struttura ta' tubi tal-metall miksijin bit-tessuti;

— ajruplani b'magni multipli bil-pistuni — struttura tal-metall, grupp sħiħ jew grupp tal-manifattur: maqluba għal “subgrupp 3 sħiħ” flimkien mal-klassifikazzjonijiet tat-tip ta' inġenju tal-ajru għal dawk l-ajruplani b'magni multipli bil-pistuni tal-grupp sħiħ/tal-manifattur korrispondenti li huma fil-Grupp1. Għal-liċenzja B1, għandhom jiġu inklużi l-limitazzjonijiet li ġejjin: ajruplani bi struttura komposta, ajruplani bi struttura tal-injam, u ajruplani bi struttura ta' tubi tal-metall miksijin bit-tessuti;

— ajruplani b'magna waħda bil-pistuni — struttura tal-injam, grupp sħiħ jew grupp tal-manifattur: maqluba għal “grupp 3 sħiħ”. Għal-liċenzja B1, għandhom jiġu inklużi l-limitazzjonijiet li ġejjin: ajruplani bi pressjoni, ajruplani bi struttura tal-metall, u ajruplani bi struttura komposta u ajruplani bi struttura ta' tubi tal-metall miksijin bit-tessuti;

— ajruplani b'magni multipli bil-pistuni — struttura tal-injam, grupp sħiħ jew grupp tal-manifattur: maqluba għal “grupp 3 sħiħ”. Għal-liċenzja B1, għandhom jiġu inklużi l-limitazzjonijiet li ġejjin: ajruplani bi pressjoni, ajruplani bi struttura tal-metall, u ajruplani bi struttura komposta u ajruplani bi struttura ta' tubi tal-metall miksijin bit-tessuti;

— ajruplani b'magna waħda bil-pistuni — struttura komposta, grupp sħiħ jew grupp tal-manifattur: maqluba għal “grupp 3 sħiħ”. Għal-liċenzja B1, għandhom jiġu inklużi l-limitazzjonijiet li ġejjin: ajruplani bi pressjoni, ajruplani bi struttura tal-metall, u ajruplani bi struttura tal-injam u ajruplani bi struttura ta' tubi tal-metall miksijin bit-tessuti;

— ajruplani b'magni multipli bil-pistuni — struttura komposta, grupp sħiħ jew grupp tal-manifattur: maqluba għal “grupp 3 sħiħ”. Għal-liċenzja B1, għandhom jiġu inklużi l-limitazzjonijiet li ġejjin: ajruplani bi pressjoni, ajruplani bi struttura tal-metall, u ajruplani bi struttura tal-injam u ajruplani bi struttura ta' tubi tal-metall miksijin bit-tessuti;

— ajruplani bit-turbini — b'magna waħda, grupp sħiħ: maqluba għal “subgrupp 2a sħiħ” flimkien mal-klassifikazzjonijiet tat-tip tal-inġenji tal-ajru għal dawk l-ajruplani b'magna waħda turboprop li ma kinux jirrikjedu klassifikazzjoni tat-tip tal-inġenji tal-ajru fis-sistema preċedenti u huma fil-Grupp 1;

— ajruplani bit-turbini — b'magna waħda, grupp tal-manifattur: maqluba għas-“subgrupp 2a tal-manifattur” korrispondenti flimkien mal-klassifikazzjonijiet tat-tip tal-inġenji tal-ajru għal dawk l-ajruplani b'magna waħda turboprop li ma kinux jirrikjedu klassifikazzjoni tat-tip tal-inġenji tal-ajru fis-sistema preċedenti u huma fil-Grupp 1;

— ajruplani bit-turbini — b'magni multipli, grupp sħiħ: maqluba għall-klassifikazzjonijiet tat-tip tal-inġenji tal-ajru għal dawk l-ajruplani b'magni multipli turboprop li ma kinux jirrikjedu klassifikazzjoni tat-tip tal-inġenji tal-ajru fis-sistema preċedenti.

2. għall-kategorija B2:

— ajruplan: maqluba għal “subgrupp 2a sħiħ” u “grupp 3 sħiħ”, flimkien mal-klassifikazzjonijiet tat-tip tal-inġenji tal-ajru għal dawk l-ajruplani li ma kinux jirrikjedu klassifikazzjoni tat-tip tal-inġenji tal-ajru fis-sistema preċedenti u huma fil-grupp 1,

— ħelikopter: maqluba għal “subgruppi 2b u 2c sħaħ”, flimkien mal-klassifikazzjonijiet tat-tip tal-inġenji tal-ajru għal dawk il-ħelikopters li ma kinux jirrikjedu klassifikazzjoni tat-tip tal-inġenji tal-ajru fis-sistema preċedenti u huma fil-grupp 1;

3. għall-kategorija C:

— ajruplan: maqluba għal “subgrupp 2a sħiħ” u “grupp 3 sħiħ”, flimkien mal-klassifikazzjonijiet tat-tip tal-inġenji tal-ajru għal dawk l-ajruplani li ma kinux jirrikjedu klassifikazzjoni tat-tip tal-inġenji tal-ajru fis-sistema preċedenti u huma fil-grupp 1,

— ħelikopter: maqluba għal “subgruppi 2b u 2c sħaħ”, flimkien mal-klassifikazzjonijiet tat-tip tal-inġenji tal-ajru għal dawk il-ħelikopters li ma kinux jirrikjedu klassifikazzjoni tat-tip tal-inġenji tal-ajru fis-sistema preċedenti u huma fil-grupp 1.

(c) Jekk il-liċenzja kienet soġġetta għal limitazzjonijiet wara l-proċess tal-konverżjoni msemmi fil-punt 66.A.70, dawn il-limitazzjonijiet għandhom jibqgħu fuq il-liċenzja, sakemm ma jitneħħewx skont il-kundizzjonijiet definiti fir-rapport tal-konverżjoni rilevanti msemmi fil-punt 66.B.300.

(a) Fil-każ tat-taħriġ skont it-tip għall-inġenji tal-ajru għajr iġfna tal-ajru, l-awtorità kompetenti tista' tapprova taħriġ skont it-tip ta' inġenji tal-ajru li ma jitwettaqx minn organizzazzjoni ta' taħriġ fil-manutenzjoni approvata skont l-Anness IV (Parti-147), skont il-punt 1 tal-Appendiċi III ta' dan l-Anness (Parti-66). F'tali każ, l-awtorità kompetenti għandu jkollha proċedura fis-seħħ biex tiżgura li t-taħriġ skont it-tip ta' inġenji tal-ajru jkun konformi mal-Appendiċi III ta' dan l-Anness (Parti-66).

(b) Fil-każ ta' taħriġ skont it-tip għal iġfna tal-ajru tal-Grupp 1, il-korsijiet għandhom ikunu dejjem approvati direttament mill-awtorità kompetenti. L-awtorità kompetenti għandu jkollha proċedura sabiex tiżgura li s-sillabu tat-taħriġ dskont it-tip għall-iġfna tal-ajru jkopri l-elementi kollha inklużi fid-dejta tal-manutenzjoni mid-Detentur tal-Approvazzjoni tad-Disinn (Design Approval Holder/DAH).

(a) Il-mistoqsijiet kollha tal-eżamijiet għandhom jinżammu b'mod sigur qabel eżami, sabiex ikun żgurat li l-kandidati ma jkunux jafu liema mistoqsijiet partikolari ser jifformaw il-bażi tal-eżami.

(b) L-awtorità kompetenti għandha tinnomina:

1. persuni li jikkontrollaw il-mistoqsijiet li jridu jintużaw għal kull eżami.

2. eżaminaturi li għandhom ikunu preżenti matul l-eżamijiet kollha sabiex tiġi żgurata l-integrità tal-eżami.

(c) L-eżamijiet bażiċi għandhom isegwu l-istandard speċifikat fl-Appendiċi I u II jew fl-Appendiċi VII u VIII ta' dan l-Anness (Parti-66), kif applikabbli.

(d) L-eżamijiet tat-taħriġ tat-tip u l-eżamijiet tat-tip għandhom isegwu l-istandard speċifikat fl-Appendiċi III għal dan l-Anness (Parti-66).

(e) Għandhom jitħejjew komponimenti ġodda mill-inqas kull sitt xhur u l-mistoqsijiet li diġà ntużaw għandhom jiġu rtirati jew mistrieħa mill-użu. Għandu jinżamm rekord tal-mistoqsijiet użati fir-reġistri għal referenza.

(f) Il-karti kollha tal-eżamijiet għandhom jitqassmu lill-kandidat fil-bidu tal-eżami u jinġabru lura mill-eżaminatur fl-aħħar tal-perjodu tal-ħin allokat għall-eżami. L-ebda karta tal-eżami ma tista' titneħħa mill-kamra tal-eżami matul il-perjodu tal-ħin allokat għall-eżami.

(g) Minbarra d-dokumentazzjoni speċifika meħtieġa għall-eżamijiet tat-tip, hija biss il-karta tal-eżami li tista' tkun disponibbli għall-kandidat matul l-eżami.

(h) Waqt l-eżamijiet, il-kandidati għandhom ikunu separati minn xulxin sabiex ma jkunux jistgħu jaqraw il-karti tal-eżami ta' xulxin. Huma ma jistgħu jitkellmu ma' ebda persuna oħra għajr l-eżaminatur.

(i) Kandidati li jinqabdu jqarrqu għandhom jiġu pprojbiti milli jpoġġu għal xi eżami ieħor fi żmien 12-il xahar mid-data tal-eżami li fih instabu jqarrqu.

(a) L-awtorità kompetenti tista' taqleb biss kwalifiki (i) miksuba fl-Istat Membru li għalih hija kompetenti, mingħajr preġudizzju għal ftehimiet bilaterali u (ii) validi qabel id-dħul fis-seħħ tar-rekwiżiti applikabbli ta' dan l-Anness (Parti-66).

(b) L-awtorità kompetenti tista' twettaq il-konverżjoni biss skont rapport tal-konverżjoni stabbilit skont il-punti 66.B.305 jew 66.B.310, kif applikabbli.

(c) Ir-rapporti tal-konverżjoni għandhom ikunu jew (i) żviluppati mill-awtorità kompetenti jew inkella (ii) approvati mill-awtorità kompetenti sabiex tiżgura l-konformità ma' dan l-Anness (Parti-66).

(d) Ir-rapporti tal-konverżjoni flimkien ma' kwalunkwe bidla fihom għandhom jinżammu fir-reġistru mill-awtorità kompetenti skont il-punt 66.B.20.

(a) Ir-rapport tal-konverżjoni għall-kwalifiki nazzjonali tal-persunal li jiċċertifika għandu jiddeskrivi l-ambitu ta' kull tip ta' kwalifika, inkluża l-liċenzja nazzjonali assoċjata, jekk hemm, il-privileġġi assoċjati u jinkludi kopja tar-regolamenti nazzjonali rilevanti li jiddefinixxu lil dawn.

(b) Ir-rapport tal-konverżjoni għandu juri għal kull tip ta' kwalifika msemmija fil-punt (a):

1. għal liema liċenzja ta' manutenzjoni ta' inġenju tal-ajru sejra tinqaleb; u

2. liema limitazzjonijiet għandhom jiżdiedu skont il-punti 66.A.70(c) jew (d), kif applikabbli; u

3. il-kundizzjonijiet biex jitneħħew il-limitazzjonijiet, li jispeċifikaw il-modulu/suġġetti li fuqhom hija meħtieġa l-eżaminazzjoni sabiex jitneħħew il-limitazzjonijiet u biex tinkiseb liċenzja sħiħa tal-manutenzjoni tal-inġenju tal-ajru, jew biex tiġi inkluża (sub)kategorija addizzjonali. Dan għandu jinkludi l-moduli definiti fl- ►M5  Appendiċi I ◄ għal dan l-Anness (Parti-66) mhux koperti mill-kwalifika nazzjonali.

(a) Għal kull organizzazzjoni tal-manutenzjoni approvata kkonċernata, ir-rapport tal-konverżjoni għandu jiddeskrivi l-ambitu ta' kull tip ta' awtorizzazzjoni maħruġa mill-organizzazzjoni tal-manutenzjoni u jinkludi kopja tal-proċeduri approvati rilevanti tal-organizzazzjoni tal-manutenzjoni għall-kwalifikazzjoni u l-awtorizzazzjoni tal-persunal li jiċċertifika li fuqhom huwa bbażat il-proċess tal-konverżjoni.

(b) Ir-rapport tal-konverżjoni għandu juri għal kull tip ta' awtorizzazzjoni msemmija fil-punt (a):

1. għal liema liċenzja ta' manutenzjoni ta' inġenju tal-ajru sejra tinqaleb, u

2. liema limitazzjonijiet għandhom jiżdiedu skont il-punti 66.A.70(c) jew (d), kif applikabbli, u

3. il-kundizzjonijiet biex jitneħħew il-limitazzjonijiet, li jispeċifikaw il-modulu/suġġetti li fuqhom hija meħtieġa l-eżaminazzjoni sabiex jitneħħew il-limitazzjonijiet u biex tinkiseb liċenzja sħiħa tal-manutenzjoni tal-inġenju tal-ajru, jew biex tiġi inkluża (sub)kategorija addizzjonali. Dan għandu jinkludi l-moduli definiti fl-Appendiċi III għal dan l-Anness (Parti-66) mhux koperti mill-kwalifika nazzjonali.

(a) L-awtorità kompetenti tista' tagħti biss kreditu fuq il-bażi ta' rapport tal-kredits imħejji skont il-punt 66.B.405.

(b) Ir-rapport tal-kredits għandu jkun jew (i) żviluppat mill-awtorità kompetenti jew inkella (ii) approvat mill-awtorità kompetenti sabiex tiżgura l-konformità ma' dan l-Anness (Parti-66).