02001R0586-20090101

English (current language)
Language
My EUR-Lex
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

Document 02001R0586-20090101

Consolidated text: Ir-Regolament tal-Kummissjoni (KE) Nru 586/2001 tas-26 ta' Marzu 2001 dwar l-implimentazzjoni tar-Regolament tal-Kunsill (KE) Numru 1165/98 li jikkonċerna l- statistika għal żmien qasir fir-rigward tad-definizzjoni ta' Raggruppamenti Industrijali Prinċipali (MIGS)

Access initial legal act

(

In force

)

ELI: http://data.europa.eu/eli/reg/2001/586/2009-01-01

Languages and formats available

HTML

PDF

Multilingual display

Text

2001R0586 — MT — 01.01.2009 — 001.001

Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

►B	IR-REGOLAMENT TAL-KUMMISSJONI (KE) Nru 586/2001 tas-26 ta' Marzu 2001 dwar l-implimentazzjoni tar-Regolament tal-Kunsill (KE) Numru 1165/98 li jikkonċerna l- statistika għal żmien qasir fir-rigward tad-definizzjoni ta' Raggruppamenti Industrijali Prinċipali (MIGS) (ĠU L 086, 27.3.2001, p.11)

Emendat bi:

		Il-Ġurnal Uffiċjali
		No	page	date
►M1	REGOLAMENT TAL-KUMMISSJONI (KE) Nru 656/2007 ta’ l-14 ta’ Ġunju 2007	L 155	3	15.6.2007

▼B

IR-REGOLAMENT TAL-KUMMISSJONI (KE) Nru 586/2001

tas-26 ta' Marzu 2001

dwar l-implimentazzjoni tar-Regolament tal-Kunsill (KE) Numru 1165/98 li jikkonċerna l- statistika għal żmien qasir fir-rigward tad-definizzjoni ta' Raggruppamenti Industrijali Prinċipali (MIGS)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Numru 1165/98 tad-19 ta' Mejju 1998 ( 1 ) dwar statistika għal perjodu qasir, u partikolarment l-Artikolu 3 u l-Artikolu 17(ċ) tiegħu,

Billi:

(1)	Ir-Regolament (KE) Numru 1165/98 jistabbilixxi qafas komuni għall-produzzjoni ta' statistika għal perjodu qasir għall-Komunità dwar iċ-ċiklu ekonomiku.

(2)	Skond l-Artikolu 3 u l-Artikolu 17(ċ) tar-Regolament (KE) Numru 1165/98, miżuri implimentattivi huma meħtieġa fir-rigward tad-definizzjoni ta' Raggruppamenti Industrijali Prinċipali (MIGS).

(3)

Id-definizzjoni ta' Raggruppamenti Industrijali Prinċipali (MIGS) hija bbażata fuq il-klassifikazzjoni statistika ta' attivitajiet ekonomiċi fil-Komunità Ewropea, ir-Regolament tal-Kunsill (KEE) Nru 3037/90 ( 2 ), kif l-aħħar emendat bir-Regolament tal-Kummissjoni (KEE) Nru 761/93 ( 3 ), (NACE rev. 1). Hija tuża l-livell ta' Gruppi (3 numri) sabiex issir distinzjoni bejn ir-Raggruppamenti Industrijali Prinċipali (MIGS).

(4)	Il-miżuri li għalihom jipprovdi dan ir-Regolament huma skond l-opinjoni mogħtija mill-Kumitat tal-Programm ta' l-Isatistika, stabbilit bid-Deċiżjoni tal-Kunsill 89/382/KEE, Euratom ( 4 ),

ADOTTAT DIN IR-REGOLAMENT:

Artikolu 1

Definizzjoni ta' Raggruppamenti Industrijali Prinċipali (MIGS)

L-allokazzjoni ta' Gruppi ►M1 NACE Rev. 2 ◄ għar-Raggruppamenti Industrijali Prinċipali (MIGS) hija definita fl-Anness li jinsab ma’ dan ir-Regolament.

Artikolu 2

Non-disponibbilità ta'tagħrif fil-livell ta' Grupp ►M1 NACE Rev. 2 ◄

L-Istati Membri li ma jikkalkolawx it-tagħrif ta' statistika kopert bir-Regolament (KE) Numru 1165/98 għal-livell ta' dettall ta' Gruppi ►M1 NACE Rev. 2 ◄ huma permessi li jikkalkolaw il-piżijiet nazzjonali għall-Gruppi f'Diviżjoni sabiex iqassmu t-tagħrif ibbażat fuq id-Diviżjoni fi Gruppi.

L-Istati Membri li japplikaw l-allokazzjoni għar-Raggruppamenti Industrijali Prinċipali (MIGS) f'parti jew fit-total fuq il-bażi ta' Diviżjonijiet ►M1 NACE Rev. 2 ◄ għandhom jinformaw lill-Eurostat dwar il-piżijiet użati għat-tqassim fil-Gruppi ►M1 NACE Rev. 2 ◄ .

Artikolu 3

Implimentazzjoni tad-definizzjonijiet

L-Istati Membri għandhom japplikaw id-definizzjoniet elenkati fl- l-Anness għat-tagħrif ta' statistika kominikat skond ir-Regolament (KE) Numru 1165/98, ►M1 mill-1 ta’ Jannar 2009 ◄ ; l-Istati Membri għandhom, fl-applikazzjoni tad-definizzjoniet elenkati fl-Anness, jieħdu l-miżuri meħtieġa biex jassiguraw li t-tagħrif eżistenti ta' statistika kopert bir-Regolament (KE) Numru 1165/98 jiġi rivedut permezz ta' kalkolazzjoni mill-ġdid jew stima biex tissodisfa dawn id-definizzjoniet.

Artikolu 4

Informazzjoni dwar il-konformità mad-definizzjonijiet

Kull Stat Membru għandu jgħaddi lill-Kummissjoni, fuq talba tagħha, kull informazzjoni relevanti dwar il-konformità f'dak l-Istat Membru mad-definizzjonijiet elenkati fl-Anness.

Artikolu 5

Dħul fis-Seħħ

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-regolament għandu jorbot fl-intier tiegħu u japplika direttament fl-Istati Membri kollha.

▼M1

ANNESS

L-ALLOKAZZJONI TA’ L-INTESTATURI TA’ NACE REV 2 LIL KATEGORIJI TA’ KLASSIFIKA AGGREGATA

Rev. 2 tan-NACE	deskrizzjoni ta’ l-NACE Rev 2	Klassifika aggregata
07	Qtugħ ta’ metall mill-minjieri	Prodotti Intermedji
08	Minjieri u barrieri oħra	Prodotti Intermedji
09	Attivitajiet ta’ sostenn għall-minjieri	Prodotti Intermedji
10.6	Manifattura ta’ prodotti ta’ l-imtieħen tal-qmuħ, lamti u prodotti oħra tal-lamtu	Prodotti Intermedji
10.9	Manifattura ta’ għalf lest għall-annimali	Prodotti Intermedji
13.1	Tħejjija u għażil ta’ fibri tat-tessuti	Prodotti Intermedji
13.2	L-insiġ tat-tessuti	Prodotti Intermedji
13.3	Irfinar ta’ tessuti	Prodotti Intermedji
16	Manifattura ta’ injam u ta’ prodotti ta’ l-injam u tas-sufra, għajr għamara; manifattura ta’ oġġetti tat-tiben u materjali għall-immaljar	Prodotti Intermedji
17	Manifattura ta’ karta u ta’ prodotti tal-karta	Prodotti Intermedji
20.1	Manifattura ta’ kimiċi bażiċi, fertilizzanti u komposti tan-nitroġenu, plastik u lasktu sintetiku f’għamliet primarji	Prodotti Intermedji
20.2	Manifattura ta’ pestiċidi u prodotti oħra agrokimiċi	Prodotti Intermedji
20.3	Manifattura ta’ żebgħa, verniċ u kisi simili, inka ta’ l-istampar u mastiċi	Prodotti Intermedji
20.5	Manifattura ta’ prodotti kimiċi oħra	Prodotti Intermedji
20.6	Manifattura ta’ fibri magħmula mill-bniedem	Prodotti Intermedji
22	Manifattura ta’ prodotti tal-lasktu u tal-plastik	Prodotti Intermedji
23	Fabbrikazzjoni ta’ prodotti minerali oħra mhux metalliċi	Prodotti Intermedji
24	Manifattura ta’ metalli bażiċi	Prodotti Intermedji
25.5	Funderija, pressa, ttimbrar u rrumblar ta’ metall; metallurġija tat-trab	Prodotti Intermedji
25.6	Trattament u kisi ta’ metalli; ħidma bil-magni	Prodotti Intermedji
25.7	Manifattura ta’ pożati, għodod u oġġetti ta’ ferramenta	Prodotti Intermedji
25.9	Manifattura ta’ prodotti oħra tal-metall iffabrikat	Prodotti Intermedji
26.1	Manifattura ta’ komponenti elettroniċi u bordijiet	Prodotti Intermedji
26.8	Manifattura ta’ mezzi manjetiċi u ottiċi	Prodotti Intermedji
27.1	Manifattura ta’ muturi ta’ l-elettriku, ġeneraturi, trasformaturi u apparat għat-tqassim u l-kontroll ta’ l-elettriku	Prodotti Intermedji
27.2	Manifattura ta’ batteriji u kumulaturi	Prodotti Intermedji
27.3	Manifattura ta’ wajers u għodod għall-wajers	Prodotti Intermedji
27.4	Manifattura ta’ tagħmir tad-dawl elettriku	Prodotti Intermedji
27.9	Manifattura ta’ tagħmir elettriku ieħor	Prodotti Intermedji
05	Tħaffir għall-faħam u l-lignite	Enerġija
06	Estrazzjoni ta’ żejt mhux irraffinat u gass naturali	Enerġija
19	Manifattura ta’ kokk u prodotti taż-żejt irraffinat	Enerġija
35	Provvista ta’ elettriku, gass, fwar u arja kkondizzjonata	Enerġija
36	Ġbir, trattament u provvista ta’ l-ilma	Enerġija
25.1	Manifattura ta’ prodotti strutturali tal-metall	Oġġetti kapitali
25.2	Manifattura ta’ tankijiet, ġwiebi u kontenituri tal-metal	Oġġetti kapitali
25.3	Manifattura ta’ ġeneraturi tal-fwar, għajr bojlers tal-misħun tat-tisħin ċentrali	Oġġetti kapitali
25.4	Manifattura ta’ armi u munizzjon	Oġġetti kapitali
26.2	Manifattura ta’ kompjuters u tagħmir periferali	Oġġetti kapitali
26.3	Manifattura ta’ tagħmir għall-komunikazzjoni	Oġġetti kapitali
26.5	Manifattura ta’ strumenti u għodod għall-kejl, ittestjar u navigazzjoni; arloġġi ta’ l-idejn u arloġġi oħra	Oġġetti kapitali
26.6	Manifattura ta’ tagħmir ta’ irradjazzjoni, elettromediku u elettroterapewtiku	Oġġetti kapitali
28	Manifattura ta’ magni u tagħmir n.e.c.	Oġġetti kapitali
29	Manifattura ta’ vetturi bil-mutur, trejlers u semitrejlers	Oġġetti kapitali
30.1	Bini ta’ vapuri u dgħajjes	Oġġetti kapitali
30.2	Manifattura ta’ lokomottivi tal-ferrovija u materjal ċirkulanti	Oġġetti kapitali
30.3	Manifattura ta’ inġenji ta’ l-ajru u ta’ l-ispazju u makkinarju relatat	Oġġetti kapitali
30.4	Manifattura ta’ vetturi tal-ġlied militari	Oġġetti kapitali
32.5	Manifattura ta’ strumenti u provvisti mediċi u tad-dentistrija	Oġġetti kapitali
33	Tiswija u installazzjoni ta’ makkinarju u tagħmir	Oġġetti kapitali
26.4	Manifattura ta’ elettronika ta’ konsum	Prodotti Dewwiema
26.7	Manifattura ta’ strumenti ottiċi u tagħmir fotografiku	Prodotti Dewwiema
27.5	Manifattura ta’ apparat domestiku	Prodotti Dewwiema
30.9	Manifattura ta’ tagħmir għat-trasport n.e.c.	Prodotti Dewwiema
31	Manifattura ta’ mobbli	Prodotti Dewwiema
32.1	Manifattura ta’ ġojjellerija, biġotterija u oġġetti relatati	Prodotti Dewwiema
32.2	Manifattura ta’ strumenti mużikali	Prodotti Dewwiema
10.1	Ipproċessar u ppreservar ta’ laħam u ta’ prodotti tal-laħam	Prodotti Mhux Dewwiema
10.2	Ipproċessar u ppreservar ta’ ħut, krustaċji u molluski	Prodotti Mhux Dewwiema
10.3	Ipproċessar u ppreservar ta’ frott u ħxejjex	Prodotti Mhux Dewwiema
10.4	Manifattura ta’ żjut u xaħmijiet veġetali u mill-annimali	Prodotti Mhux Dewwiema
10.5	Manifattura ta’ prodotti tal-ħalib	Prodotti Mhux Dewwiema
10.7	Manifattura ta’ prodotti tal-furnara u magħmula bid-dqiq	Prodotti Mhux Dewwiema
10.8	Manifattura ta’ prodotti oħra ta’ l-ikel	Prodotti Mhux Dewwiema
11	Manifattura ta’ xarbiet	Prodotti Mhux Dewwiema
12	Manifattura ta’ prodotti tat-tabakk	Prodotti Mhux Dewwiema
13.9	Manifattura ta’ tessuti oħra	Prodotti Mhux Dewwiema
14	Manifattura ta’ ħwejjeġ li jintlibsu	Prodotti Mhux Dewwiema
15	Manifattura ta’ prodotti tal-ġilda u prodotti relatati	Prodotti Mhux Dewwiema
18	Stampar u riproduzzjoni ta’ midja rreġistrata	Prodotti Mhux Dewwiema
20.4	Manifattura ta’ sapun u deterġenti, sustanzi għat-tindif u l-illustrar, fwejjaħ u preparazzjonijiet tat-twaletta	Prodotti Mhux Dewwiema
21	Manifattura ta’ prodotti farmaċewtiċi bażiċi u preparazzjonijiet farmaċewtiċi	Prodotti Mhux Dewwiema
32.3	Manifattura ta’ oġġetti ta’ l-isport	Prodotti Mhux Dewwiema
32.4	Manifattura ta’ logħob u ġugarelli	Prodotti Mhux Dewwiema
32.9	Industriji oħra ta’ manifattura mhux klassifikati band’ oħra	Prodotti Mhux Dewwiema

( 1 ) ĠU L 162, tal-5.6.1998, p. 1.

( 2 ) ĠU L 293, ta' l-24.10.1990, p. 1.

( 3 ) ĠU L 83, tat-3.4.1993, p. 1.

( 4 ) ĠU L 181, tat-28.6.1989, p. 47.

Top