This document is an excerpt from the EUR-Lex website
Document E2024G0001
Decision of the Standing Committee of the EFTA States No. 1/2024/SC of 1 February 2024 Establishing an EEA Financial Mechanism Interim Committee 2021-2028 [2024/1345]
Deċiżjoni tal-Kumitat Permanenti tal-Istati tal-EFTA Nru 1/2024/SC tal-1 ta’ Frar 2024 Li tistabbilixxi l-Kumitat Interim dwar Mekkaniżmu Finanzjarju taż-ŻEE 2021–2028 [2024/1345]
Deċiżjoni tal-Kumitat Permanenti tal-Istati tal-EFTA Nru 1/2024/SC tal-1 ta’ Frar 2024 Li tistabbilixxi l-Kumitat Interim dwar Mekkaniżmu Finanzjarju taż-ŻEE 2021–2028 [2024/1345]
ĠU L, 2024/1345, 23.5.2024, ELI: http://data.europa.eu/eli/dec/2024/1345/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Il-Ġurnal Uffiċjali |
MT Is-serje L |
|
2024/1345 |
23.5.2024 |
DEĊIŻJONI TAL-KUMITAT PERMANENTI TAL-ISTATI TAL-EFTA Nru 1/2024/SC
tal-1 ta’ Frar 2024
Li tistabbilixxi l-Kumitat Interim dwar Mekkaniżmu Finanzjarju taż-ŻEE 2021–2028 [2024/1345]
IL-KUMITAT PERMANENTI TAL-ISTATI TAL-EFTA,
Wara li kkunsidra l-Ftehim dwar iż-Żona Ekonomika Ewropea, minn hawn 'il quddiem imsejjaħ il-Ftehim ŻEE,
Wara li kkunsidra l-ftehim li għandu jiġu konkluż u li jistabilixxi l-Mekkaniżmu Finanzjarju taż-ŻEE il-ġdid għall-perjodu 2021-2028,
Wara li kkunsidra l-ftehim li għandu jiġi konkluż bejn ir-Renju tan-Norveġja u l-Unjoni Ewropea biex jiġi stabbilit Mekkaniżmu Finanzjarju Norveġiż għall-perjodu 2021-2028,
Wara li kkunsidra r-regoli ta’ proċedura adottati mill-Kumitat tal-Mekkaniżmu Finanzjarju skont l-Artikolu 8 tad-Deċiżjoni Nru 4/2004/SC,
IDDEĊIEDA DAN LI ĠEJ:
Artikolu 1
Kumitat Interim dwar Mekkaniżmu Finanzjarju taż-ŻEE 2021-2028
1. Kumitat Interim dwar Mekkaniżmu Finanzjarju taż-ŻEE 2021-2028, minn hawn ‘il quddiem imsejjaħ il-Kumitat Interim huwa b’dan stabbilit.
2. Il-Kumitat Interim għandu jassisti lill-Istati tal-EFTA biex jippreparaw għall-implimentazzjoni tal-Mekkaniżmu Finanzjarju taż-ŻEE għall-perjodu 2021-2028.
3. Il-Kumitat Interim għandu jirrapporta lill-Kumitat Permanenti.
4. Il-Kumitat Interim għandu, fid-dħul fis-seħħ tiegħu jew fil-ġurnata tal-applikazzjoni proviżorja tal-ftehim li jistabbilixxi l-Mekkaniżmu Finanzjarju taż-ZEE 2021-2028, jiġi sostitwit minn Kumitat dwar Mekkaniżmu Finanzjarju taż-ŻEE 2021-2028.
5. Il-Kumitat Interim għandu jiddiskuti u jevalwa l-koordinazzjoni possibbli bejn il-Mekkaniżmu Finanzjarju taż-ŻEE u l-Mekkaniżmu Finanzjarju Norveġiż.
6. Kull Stat tal-EFTA, parti għall-Ftehim taż-ŻEE, għandu jkun rappreżentat fil-Kumitat Interim u jkollu vot wieħed.
7. Ir-regoli ta’ proċedura adottati mill-Kumitat tal-Mekkaniżmu Finanzjarju skont l-Artikolu 8 tad-Deċiżjoni Nru 4/2004/SC għandhom japplikaw mutatis mutandis għall-Kumitat Interim.
Artikolu 2
Pubblikazzjoni
Din id-Deċiżjoni għandha tkun ippubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.
Artikolu 3
Dħul fis-seħħ u applikazzjoni
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, l-1 ta’ Frar 2024
F’isem il-Kumitat Permanenti
Il-President
Kristján Andri STEFÁNSSON
Is-Segretarju Ġenerali
Siri VESETH MELING
ELI: http://data.europa.eu/eli/dec/2024/1345/oj
ISSN 1977-074X (electronic edition)