WARA LI KKUNSIDRAT il-punti 4(B)(1) u (3) u punt (5)(b) tal-Parti Preliminari tal-Kapitolu I tal-Anness I tal-Ftehim taż-ŻEE,

WARA LI KKUNSIDRAT l-Att imsemmi fil-punt 1.1.4 tal-Kapitolu I tal-Anness I tal-Ftehim taż-ŻEE (id-Direttiva tal-Kunsill 97/78/KE tat-18 ta' Diċembru 1997 li tistabbilixxi l-prinċipji li jikkontrollaw l-organizzazzjonijiet tal-verifiki veterinarji fuq il-prodotti li jidħlu fil-Komunità minn pajjiżi terzi (1)), kif emendat u adattat għall-Ftehim taż-ŻEE mill-adattamenti settorjali msemmija fl-Anness I ta' dak il-Ftehim, u partikolarment l-Artikolu 6(2) tiegħu,

WARA LI KKUNSIDRAT l-Att imsemmi fil-punt 1.2.111 tal-Kapitolu I tal-Anness I tal-Ftehim taż-ŻEE (id-Deċiżjoni tal-Kummissjoni 2001/812/KE tal-21 ta’ Novembru 2001, li tistabbilixxi r-rekwiżiti għall-approvazzjoni ta’ postijiet ta’ spezzjoni tal-fruntiera responsabbli għal kontrolli veterinarji ta’ prodotti li jidħlu fil-Komunità minn pajjiżi terzi (2)), kif emendat, u partikolarment l-Artikolu 3(5) tiegħu,

L-Awtorità tas-Sorveljanza tal-EFTA (l-Awtorità), bid-Deċiżjoni Nru 111/11/COL tal-11 ta’ April 2011  (3), ħassret id-Deċiżjoni Nru 8/11/COL tal-26 ta’ Jannar 2011  (4) u fasslet lista ġdida ta’ postijiet ta’ spezzjoni fuq il-fruntiera fl-Islanda u fin-Norveġja approvati għal verifiki veterinarji fuq annimali ħajjin u prodotti ta’ annimali minn pajjiżi terzi.

Fit-30 ta' Mejju 2011 l-Awtorità rċeviet proposta mill-Islanda biex tbiddel il-kategoriji ta' prodotti li joriġinaw mill-annimali għal żewġ Postijiet ta' Ispezzjoni fil-Fruntiera (BIPs) fl-Islanda. Għall-BIP tal-Ajruport ta' Keflavik (IS KEF 4), ġie mitlub li l-ambitu tal-kategorija tal-prodotti li joriġinaw mill-annimali maħsuba għall-konsum mill-bniedem jiġi estiż għal “Prodotti Kollha” u li tiżdied kategorija għal “Prodotti Oħra”. Għall-BIP Reykjavík Eimskip (IS REY 1a), ġie mitlub li l-ambitu tal-kategorija tal-prodotti li joriġinaw mill-annimali maħsuba għall-konsum mill-bniedem jiġi estiż għal “Prodotti Kollha” u li tinbidel il-kategorija “Prodotti Oħra” għal “Prodotti Kollha Ppakkjati”.

Mit-8 sal-11 ta' Novembru tal-2011, l-Awtorità wettqet spezzjoni konġunta mal-Uffiċċju Alimentari u Veterinarju (FVO) tal-Kummissjoni Ewropea. Matul dik l-ispezzjoni, saru żjarat fil-postijiet ta' spezzjoni fil-fruntiera tal-Ajruport ta' Keflavík Airport (IS KEF 4) u Reykjavík Eimskip (IS REY 1a).

Abbażi tal-osservazzjonijiet li saru matul l-ispezzjoni konġunta, fl-10 ta' Novembru tal-2011 ġiet iffirmata rakkomandazzjoni konġunta minn spetturi tal-Awtorità u tal-Kummissjoni Ewropea.

Skont ir-rakkomandazzjoni konġunta ffirmata, huwa propost li:

L-Awtorità, bid-Deċiżjoni tagħha Nru 365/11/COL irreferiet il-kwistjoni lill-Kumitat Veterinarju tal-EFTA li jassisti l-Awtorità ta' Sorveljanza tal-EFTA. Il-miżuri previsti f'din id-Deċiżjoni huma skont l-opinjoni unanima tal-Kumitat Veterinarju tal-EFTA li jassisti l-Awtorità ta' Sorveljanza tal-EFTA u t-test finali tal-miżuri jibqa' mhux mibdul.

Artikolu 1

Il-verifiki veterinarji fuq l-annimali ħajjin u fuq il-prodotti tal-animali li jiddaħħlu fl-Islanda u fin-Norveġja għandhom isiru mill-awtoritajiet kompetenti nazzjonali fil-postijiet ta’ spezzjonijiet fuq il-fruntiera li dwarhom hemm ftehim u li huma elenkati fl-Anness ta’ din id-Deċiżjoni.

Artikolu 2

Id-Deċiżjoni tal-Awtorità ta’ Sorveljanza tal-EFTA Nru 111/11/COL tal-11 ta' April 2011 qed tiġi revokata.

Artikolu 3

Din id-Deċiżjoni tidħol fis-seħħ fit-30 ta' Novembru 2011.

Artikolu 4

Din id-Deċiżjoni hija indirizzata lill-Islanda u lin-Norveġja.

Artikolu 5

Din id-Deċiżjoni hija awtentika fil-lingwa Ingliża.