Sejħa għall-proposti 2020 — EAC/A02/2019

Il-Programm Erasmus+

(2019/C 373/06)

1.   Introduzzjoni u għanijiet

Din is-sejħa għall-proposti hija msejsa fuq ir-Regolament (UE) Nru 1288/2013 tal-Parlament Ewropew u tal-Kunsill tal-11 ta’ Diċembru 2013 li jistabbilixxi l-“Erasmus+“: il-programm tal-Unjoni għall-edukazzjoni, it-taħriġ, iż-żgħażagħ u l-isport (1) kif ukoll fuq il-programmi ta’ ħidma annwali Erasmus + tal-2019 u l-2020. Il-Programm Erasmus + ikopri l-perjodu mill-2014 sal-2020. L-għanijiet speċifiċi tal-Programm Erasmus+ jinsabu fl-Artikoli 4, 5, 11 u 16 tar-Regolament.

2.   Azzjonijiet

Din is-sejħa għall-proposti tkopri dawn l-azzjonijiet tal-Programm Erasmus+:

L-Azzjoni Ewlenija 1 (KA1) — Il-mobbiltà fit-tagħlim tal-individwi — Il-mobbiltà tal-individwi fil-qasam tal-edukazzjoni, it-taħriġ u ż-żgħażagħ — Masters Konġunti Erasmus Mundus

L-Azzjoni Ewlenija 2 (KA2) — Koperazzjoni għall-innovazzjoni u l-iskambju ta’ prattiki tajba — Sħubijiet strateġiċi fil-qasam tal-edukazzjoni, it-taħriġ u ż-żgħażagħ — Universitajiet Ewropej — Alleanzi tal-għarfien — Alleanzi tal-Ħiliet Settorjali — It-tiswir tal-kapaċità fil-qasam tal-edukazzjoni għolja — It-tiswir tal-kapaċità fil-qasam taż-żgħażagħ

L-Azzjoni Ewlenija 3 (KA3) — Appoġġ għar-riforma politika — Proġetti ta’ Djalogu maż-Żgħażagħ

Attivitajiet Jean Monnet — Seduti Jean Monnet — Moduli Jean Monnet — Ċentri ta’ Eċċellenza Jean Monnet — Appoġġ Jean Monnet għall-Assoċjazzjonijiet — Netwerks Jean Monnet — Proġetti Jean Monnet

L-Isport — Sħubijiet kollaborattivi — Sħubijiet kollaborattivi żgħar — Avvenimenti sportivi Ewropej mingħajr skop ta’ qligħ

3.   Eliġibbiltà

Kull korp pubbliku jew privat li hu attiv fl-oqsma tal-edukazzjoni, it-taħriġ, iż-żgħażagħ u l-isport jista’ japplika għal finanzjament mill-Programm Erasmus+. Barra minn hekk, il-gruppi taż-żgħażagħ li huma attivi fil-ħidma taż-żgħażagħ, iżda mhux bilfors fil-kuntest ta’ organizzazzjoni taż-żgħażagħ, jistgħu japplikaw għal finanzjament fejn tidħol il-mobbiltà tat-tagħlim taż-żgħażagħ u tal-ħaddiema żgħażagħ kif ukoll għal Sħubijiet strateġiċi fil-qasam taż-żgħażagħ.

Dawn il-Pajjiżi tal-Programm jistgħu jieħdu sehem sħiħ fl-azzjonijiet tal-Programm Erasmus+ (2):

—	l-Istati Membri tal-Unjoni Ewropea,

—	il-pajjiżi tal-EFTA/ŻEE: l-Iżlanda, il-Liechtenstein u n-Norveġja,

—	Il-pajjiżi kandidati tal-UE: It-Turkija, il-Maċedonja ta’ Fuq u s-Serbja.

Barra minn hekk, ċerti azzjonijiet tal-Programm Erasmus+ huma miftuħa għal organizzazzjonijiet minn pajjiżi sħab.

Jekk jogħġbok ara l-Gwida tal-Programm Erasmus+ għal aktar dettalji dwar il-modalitajiet tal-parteċipazzjoni.

Għall-applikanti Brittaniċi: Jekk jogħġbok kun af li jrid ikun hemm konformità mal-kriterji tal-eliġibbiltà tul id-durata sħiħa tal-għotja. Fil-każ li r-Renju Unit joħroġ mill-UE matul il-perjodu tal-għotja finanzjarja mingħajr ma jiġi konkluż ftehim mal-UE li jiżgura b’mod partikolari li l-applikanti Brittaniċi jkomplu jkunu eliġibbli, int ma tirċevix aktar finanzjament mill-UE (filwaqt li tkompli tipparteċipa, fejn hu possibbli) jew tkun mitlub tieqaf mill-proġett abbażi tad-dispożizzjonijiet tal-ftehim tal-għotja finanzjarja dwar it-terminazzjoni.

4.   Il-baġit u t-tul tal-proġetti

-implimentazzjoni ta’ din is-sejħa għall-proposti hija suġġetta għad-disponibbiltà tal-approprjazzjonijiet previsti fl-abbozz tal-baġit għall-2020 wara l-adozzjoni tal-baġit għall-2020 mill-awtorità tal-baġit jew jekk il-baġit ma jiġix adottat kif previst fis-sistema tad-dodiċeżmi proviżorji.

L-istima tal-baġit totali allokat għal din is-sejħa għall-proposti hija EUR 3 207,4 miljuni:

L-Edukazzjoni u t-Taħriġ:	EUR	2 943,3 miljun (3)
Iż-Żgħażagħ:	EUR	191,9 miljun
Jean Monnet:	EUR	14,6 miljun
L-Isport:	EUR	57,6 miljun

Il-baġit totali allokat għas-sejħa għall-proposti, kif ukoll it-tqassim tiegħu huma indikattivi, u jistgħu jiġu mmodifikati soġġett għal emenda tal-Programmi ta’ Ħidma Annwali tal-Erasmus+. L-applikanti potenzjali mistiedna jikkonsultaw regolarment il-Programmi ta’ Ħidma Annwali Erasmus + u l-emendi tagħhom, ippubblikati fuq

https://ec.europa.eu/programmes/erasmus-plus/resources/documents/annual-work-programmes_en

fir-rigward tal-baġit disponibbli għal kull azzjoni koperta mis-sejħa.

Il-livell tal-għotjiet kif ukoll it-tul tal-proġetti jvarja skont fatturi bħat-tip ta’ proġett u l-għadd ta’ sħab involuti.

5.   L-iskadenza biex jitressqu l-applikazzjonijiet

L-iskadenzi tal-applikazzjonijiet imsemmija hawn taħt kollha jirreferu għall-ħin ta’ Brussell.

Azzjoni Ewlenija 1
Il-mobilità tal-individwi fil-qasam taż-żgħażagħ	5 ta’ Frar 2020 f’12.00
Il-mobbiltà tal-individwi fil-qasam tal-edukazzjoni għolja	5 ta’ Frar 2020 f’12.00
Il-mobbiltà tal-individwi fl-oqsma tal-ETV, l-edukazzjoni skolastika u l-edukazzjoni għall-adulti	5 ta’ Frar 2020 f’12.00
Il-mobilità tal-individwi fil-qasam taż-żgħażagħ	30 ta’ April 2020 f’12.00
Il-mobilità tal-individwi fil-qasam taż-żgħażagħ	1 ta’ Ottubru 2020 f’12.00
Masters Konġunti Erasmus Mundus	13 ta’ Frar 2020 fil-17.00

Azzjoni Ewlenija 2
Sħubijiet strateġiċi fil-qasam taż-żgħażagħ	5 ta’ Frar 2020 f’12.00
Sħubijiet strateġiċi fil-qasam tal-edukazzjoni u t-taħriġ	24 ta’ Marzu 2020 f’12.00
Sħubijiet strateġiċi fil-qasam taż-żgħażagħ	30 ta’ April 2020 f’12.00
Sħubijiet strateġiċi fil-qasam taż-żgħażagħ	1 ta’ Ottubru 2020 f’12.00
Universitajiet Ewropej	26 ta’ Frar 2020 fil-17.00
Alleanzi tal-għarfien	26 ta’ Frar 2020 fil-17.00
Alleanzi tal-Ħiliet Settorjali	26 ta’ Frar 2020 fil-17.00
It-tiswir tal-kapaċità fil-qasam tal-edukazzjoni għolja	05 ta’ Frar 2020 fil-17.00
It-tiswir tal-kapaċità fil-qasam taż-żgħażagħ	5 ta’ Frar 2020 fil-17.00

Azzjoni Ewlenija 3
Proġetti ta’ Djalogu maż-Żgħażagħ	05 ta’ Frar 2020 f’12.00 30 ta’ April 2020 f’12.00 1 ta’ Ottubru 2020 f’12.00

Azzjonijiet Jean Monnet
Sedji, Moduli, Ċentri tal-Eċċellenza, Appoġġ għall-Istituzzjonijiet u għall-Assoċjazzjonijiet, Netwerks, Proġetti	20 ta’ Frar 2020 fil-17.00

Azzjonijiet tal-Isport
Sħubijiet kollaborattivi	2 ta’ April 2020 fil-17.00
Sħubijiet kollaborattivi żgħar	2 ta’ April 2020 fil-17.00
Avvenimenti sportivi Ewropej mingħajr skop ta’ qligħ	2 ta’ April 2020 fil-17.00

Jekk jogħġbok ara l-Gwida tal-Programm Erasmus+ għal aktar struzzjonijiet dettaljati dwar is-sottomissjoni tal-applikazzjonijiet.

6.   Dettalji sħaħ

Ara l-kundizzjonijiet ta’ din is-sejħa għall-proposti fid-dettall, inklużi l-prijoritajiet, fil-Gwida tal-Programm Erasmus+:

http://ec.europa.eu/programmes/erasmus-plus/resources/programme-guide

Il-Gwida tal-Programm Erasmus+ tifforma parti integrali minn din is-sejħa għall-proposti u l-kundizzjonijiet għall-parteċipazzjoni u l-finanzjament li jissemmew fiha japplikaw bis-sħiħ għal din is-sejħa.

---

(1)  ĠU L 347, 20.12.2013, p. 50.

(2)  L-attivitajiet Jean Monnet huma miftuħa għal organizzazzjonijiet minn madwar id-dinja kollha.

(3)  Dan l-ammont jinkludi fondi għad-Dimensjoni Internazzjonali tal-Edukazzjoni Għolja (EUR 395 miljun b’kollox).