3.8.2016   

MT

Il-Ġurnal Uffiċjali tal-Unjoni Ewropea

C 281/28

1.

Fil-25 ta' Lulju 2016, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża SEGRO plc (“SEGRO”, ir-Renju Unit) u Public Sector Pension Investment Board (“PSPIB”, il-Kanada), indirettament permezz ta' SEGRO European Logistics Partnership SARL (“SELP”, il-Lussemburgu) jakkwistaw fis-sens tal-Artikolu 3(1)(b) tar-Regolament dwar l-Għaqdiet il-kontroll konġunt ta' assi wieħed ta' loġistika li jipproduċi d-dħul ta' Pusignan DC1 (Franza), permezz ta' xiri ta' ishma.

2.

L-attivitajiet kummerċjali tal-impriżi kkonċernati huma:

—   għal SEGRO: is-sjieda, il-ġestjoni tal-assi u l-izvilupp ta' mħażen moderni, ta' proprjetajiet tal-industrija ħafifa u ta' ċentru tad-data li jinsabu f'konurbazzjonijiet u f'ċentri ta' trasport ewlenin madwar għadd ta' pajjiżi tal-UE.

—   għal PSPIB: investiment tal-pjanijiet tal-pensjoni tal-Canadian Federal Public Service, tal-Canadian Forces, tar-Royal Canadian Mounted Police u tar-Reserve Force. Huwa jiġġestixxi wkoll portafoll globali diversifikat li jinkludi stocks, bonds u titoli ta' dħul fiss kif ukoll investimenti fl-ekwità privata, fil-proprjetà immobbli, fl-infrastruttura u fir-riżorsi naturali.

—   għal Pusignan DC1: assi tal-loġisitika li jinsab f'Lyon fi Franza.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għal trattament skont il-proċedura stipulata f'dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista' jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta' referenza M.8122 — SEGRO/PSPIB/SELP/Pusignan-DC1, f'dan l-indirizz: