14.5.2016   

MT

Il-Ġurnal Uffiċjali tal-Unjoni Ewropea

C 174/16

1.

Fl-4 ta’ Mejju 2016, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi 3i Infrastructure plc (“3iN” ta’ Jersey), bażikament ikkontrollata minn 3i Group plc (“3i” tar-Renju Unit), u WIG Holdings LP tal-Istati Uniti tal-Amerika (“Wood Creek” tal-Istati Uniti tal-Amerika), bażikament ikkontrollata minn Massachusetts Mutual Life Insurance Company (“MassMutual” tal-Istati Uniti tal-Amerika) jakkwistaw fit-tifsira tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ WIG I Limited tar-Renju Unit (“WIG” tar-Renju Unit) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   għal 3i: investimenti, ġestjoni tal-investiment u pariri ta’ ġestjoni f’ekwità privata, ġestjoni tal-infrastruttura u tad-dejn. l-investimenti ta’ 3i fl-infrastruttura b’enfasi fuq l-utilitajiet, it-trasport u l-infrastruttura soċjali huma primarjament permezz ta’ 3iN.

—   għal MassMutual: assigurazzjoni tal-ħajja u prodotti oħra tal-assigurazzjoni.

—   għal Wood Creek: kumpanija azzjonarja. Wood Creek hija kkontrollata minn Wood Creek Capital Management LLC (“WCCM”), li hija attiva bħala maniġer tal-investiment, iffukata prinċipalment fuq assi privati ta’ kapital ewlieni u fuq infrastruttura li hija proprjetà privata, u min-naħa tagħha din hija kkontrollata minn MassMutual.

—   għal WIG: ġestjoni ta’ torrijiet tal-komunikazzjoni u infrastruttura oħra ta’ bla fili. WIG bħalissa hija kkontrollata minn Wood Creek.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.8031 — 3i Group/Wood Creek/Wireless Infrastructure Group, f’dan l-indirizz: