Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2015/385/06

Notifika minn qabel ta’ konċentrazzjoni (Il-Każ M.7759 — OMERS/AIMCo/ERM) — Każ li jista’ jiġi kkunsidrat għal proċedura ssimplifikata (Test b'rilevanza għaż-ŻEE)

ĠU C 385, 19.11.2015, p. 15–15 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

19.11.2015   

MT

Il-Ġurnal Uffiċjali tal-Unjoni Ewropea

C 385/15

Notifika minn qabel ta’ konċentrazzjoni

(Il-Każ M.7759 — OMERS/AIMCo/ERM)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2015/C 385/06)

1.

Fit-12 ta’ Novembru 2015, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Alberta Investment Management Corporation f’isem ċerti klijenti tagħha (il-Kanada, “AIMCo”), u OCP Investment Corporation, li tappartjeni lil OMERS Group (il-Kanada, “OMERS”), jakkwistaw fit-tifsira tal-Artikolu 3(1)(b) tar-Regolament dwar l-Għaqdiet, il-kontroll tal-impriża ERM Worldwide Group Limited kollha kemm hi (il-Kanada, “ERM”) permezz ta’ ftehim b’għażla.

2.

L-attivitajiet kummerċjali tal-impriżi kkonċernati huma:

—

OMERS huwa l-amministratur ta’ Ontario Municipal Employees Retirement System Primary Pension Plan u fiduċjarju tal-fondi tal-pensjoni. Hija tamministra portafoll globali diversifikat tal-istokks u tal-bonds kif ukoll proprjetà immobbli, ekwità privata u investimenti fl-infrastruttura.

—

AIMCo hija waħda mill-akbar manager tal-fondi tal-investiment istituzzjonali u l-aktar divesrifikata tal-Kanada li tinvesti globalment f’isem il-klijenti tagħha, bosta pensjonijiet, fondi ta’ dotazzjoni u tal-gvern fil-Provinċja ta’ Alberta.

—

ERM hija fornitur globali ta’ servizzi ambjentali, tas-saħħa, is-sikurezza, ir-riskju u dawk ta’ konsulenza soċjali (“EHS”).

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7759 — OMERS/AIMCo/ERM, fl-indirizz li ġej:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.

Top