7.11.2015   

MT

Il-Ġurnal Uffiċjali tal-Unjoni Ewropea

C 370/5

1.

Fit-30 ta’ Ottubru 2015, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża CF Industries Holdings, Inc. (“CF”, l-Istati Uniti tal-Amerka) takkwista fit-tifsira tal-Artikolu 3(1)(b) tar-Regolament dwar l-Għaqdiet il-kontroll ta’ partijiet ta’ OCI NV (“OCI Business”) permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma:

—   CF: il-manifattura u d-distribuzzjoni ta’ fertilizzanti tan-nitroġenu u prodotti oħra tan-nitroġenu. Hija topera kumplessi tal-manifattura tan-nitroġenu fl-Istati Uniti tal-Amerka, il-Kanada u r-Renju Unit, u tqassam nutrijenti tal-pjanti permezz ta’ terminals, imħażen, u tagħmir tat-trasport assoċjat lokalizzati prinċipalment fl-Istati Uniti tal-Amerka,

—   OCI Business: il-manifattura u l-forniment ta’ fertilizzanti tan-nitroġenu, il-melamina u l-metanol u l-kummerċ u d-distribuzzjoni ta’ fertilizzanti tan-nitroġenu. Huwa għandu faċilitajiet ta’ manifattura fl-Istati Uniti tal-Amerka u n-Netherlands, u netwerk ta’ distribuzzjoni globali.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7784 — CF Industries Holdings/OCI Business, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË