15.9.2015   

MT

Il-Ġurnal Uffiċjali tal-Unjoni Ewropea

C 303/7

1.

Fl-4 ta’ Settembru 2015, il-Kummissjoni rċeviet avviż ta’ konċentrazzjoni proposta skont l- Artikolu 4 tar-Regolament tal-Kunsill (KE) Nru 139/2004 (1) li permezz tagħha Permira Holdings Limited (“Permira”, Guernsey), permezz tas-sussidjarja tagħha Garfunkelux S.à.r.l, u Ontario Teachers’ Pension Plan Board (“OTPP”, il-Kanada) jakkwistaw, fit-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt ta’ Metis Bidco Limited u sussidjarji li huma kompletament proprjetà tagħha (flimkien “Lowell Group”, ir-Renju Unit) u ta’ Garfunkelux Holdco 1 S.à.r.l. u s-sussidjarji li huma kompletament proprjetà tagħha (flimkien “GFKL Group”, il-Ġermanja).

2.

L-attivitajiet kummerċjali tal-impriżi kkonċernati huma:

—   Permira: ditta ta’ ekwità privata attiva f’varjetà ta’ setturi li għandhom potenzjal għat-tkabbir u l-iżvilupp, globalment,

—   OTPP: korporazzjoni mingħajr kapital azzjonarju responsabbli għall-amministrazzjoni ta’ benefiċċji tal-pensjoni u l-investimenti ta’ assi ta’ fondi tal-pensjoni f’isem l-għalliema fil-Kanada,

—   GFKL Group: fornitur ta’ servizzi ta’ rkupru tad-dejn tal-konsumaturi u li jopera fil-Ġermanja,

—   Lowell Group: fornitur ta’ servizzi ta’ rkupru tad-dejn tal-konsumaturi u li jopera fir-Renju Unit.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min wieħed jinnota li dan il-każ jista’ jiġi kkunsidrat għal trattament skont il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7761 — Permira/OTPP/GFKL Group/Lowell Group, f’dan l-indirizz: