1.8.2015   

MT

Il-Ġurnal Uffiċjali tal-Unjoni Ewropea

C 253/15

1.

Fit-23 ta’ Lulju 2015, il-Kummissjoni rċeviet avviż ta’ konċentrazzjoni proposta skont l-Artikolu 4(5) tar-Regolament tal-Kunsill (KE) Nru 139/2004 (1) li permezz tagħha Halliburton Company (“Halliburton”, l-Istati Uniti tal-Amerika) takkwista fit-tifsira tal-Artikolu 3(1)(b) tar-Regolament dwar l-Għaqdiet, il-kontroll ta’ Baker Hughes Incorporated kollha kemm hi (“Baker Hughes”, l-Istati Uniti tal-Amerika) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   għal Halliburton: il-provvista tas-servizz tal-bjar taż-żejt fuq skala globali lill-kumpaniji li jfittxu ż-żejt u l-gass b’enfasi fuq it-tħaffir u l-valutazzjoni tal-bjar kif ukoll it-tlestija u l-produzzjoni tal-bjar,

—   għal Baker Hughes: il-provvista ta’ servizzi tal-bjar taż-żejt fuq skala globali lill-kumpaniji li jfittxu ż-żejt u l-gass u lil dawk tal-produzzjoni b’enfasi fuq it-tħaffir u l-valutazzjoni tal-bjar kif ukoll it-tlestija u l-produzzjoni tal-bjar.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7477 — Halliburton/Baker Hughes, f’dan l-indirizz: