This document is an excerpt from the EUR-Lex website
Document C2013/051/09
Call for expressions of interest in membership of the Scientific Committee of the European Monitoring Centre for Drugs and Drug Addiction
Sejħa għal espressjoni ta’ interess fis-sħubija fil-Kumitat xjentifiku taċ-Ċentru Ewropew għall-Monitoraġġ tad-Droga u d-Dipendenza mid-Droga
Sejħa għal espressjoni ta’ interess fis-sħubija fil-Kumitat xjentifiku taċ-Ċentru Ewropew għall-Monitoraġġ tad-Droga u d-Dipendenza mid-Droga
ĠU C 51, 22.2.2013, p. 15–16
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
22.2.2013 |
MT |
Il-Ġurnal Uffiċjali tal-Unjoni Ewropea |
C 51/15 |
Sejħa għal espressjoni ta’ interess fis-sħubija fil-Kumitat xjentifiku taċ-Ċentru Ewropew għall-Monitoraġġ tad-Droga u d-Dipendenza mid-Droga
2013/C 51/09
Din is-sejħa qiegħda ssir lil xjenzati li jixtiequ jitqiesu kandidati għas-sħubija fil-Kumitat Xjentifiku tal-EMCDDA.
Iċ-Ċentru Ewropew għall-Monitoraġġ tad-Droga u d-Dipendenza mid-Droga (EMCDDA), li huwa bbażat f’Lisbona, il-Portugall, twaqqaf biex jagħti lill-Unjoni Ewropea u lill-Istati Membri tagħha “informazzjoni fattwali, oġġettiva, affidabbli u kumparabbli fuq il-livell Ewropew dwar id-drogi u d-dipendenza mid-drogi u l-konsegwenzi tagħhom” (1). Għal aktar tagħrif dwar l-EMCDDA, jekk jogħġbok żur is-sit elettroniku
http://www.emcdda.europa.eu
Il-Kumitat Xjentifiku tal-EMCDDA
Il-Kumitat Xjentifiku tal-EMCDDA twaqqaf bl-Artikolu 13 tar-Regolament (KE) Nru 1920/2006 tal-Parlament Ewropew u tal-Kunsill dwar iċ-Ċentru Ewropew għall-Monitoraġġ tad-Droga u d-Dipendenza mid-Droga (riformulazzjoni) (1).
Il-kompitu tal-Kumitat Xjentifiku jikkonsisti fl-għajnuna lill-Bord Maniġerjali u lid-Direttur tal-EMCDDA bl-għoti ta’ opinjoni dwar kwalunkwe kwistjoni xjentifika li jkollha x’taqsam mal-attività taċ-Ċentru li l-Bord Maniġerjali jew id-Direttur ikun ressaqlu.
Barra dan, il-valutazzjoni tar-riskji ta’ sustanzi psikoattivi ġodda ssir taħt l-awspiċji tal-Kumitat Xjentifiku, b’mod konformi mal-Artikolu 6 tad-Deċiżjoni tal-Kunsill 2005/387/ĠAI tal-10 ta’ Mejju 2005 dwar l-iskambju tal-informazzjoni, il-valutazzjoni tar-riskji u l-kontroll tas-sustanzi psikoattivi ġodda (2).
Il-Kumitat Xjentifiku ser ikun magħmul mill-iżjed 15-il xjenzat magħruf li jinħatru mill-Bord Maniġerjali abbażi tal-eċċellenza xjentifika u tal-indipendenza tagħhom. Il-membri tal-Kumitat Xjentifiku ser jinħatru b’kapaċità personali u għandhom jagħtu l-opinjonijiet tagħhom b’mod għalkollox indipendenti mill-Istati Membri u mill-Istituzzjonijiet Ewropej.
Dawn ikopru l-iżjed oqsma xjentifiċi rilevanti li għandhom x’jaqsmu mal-problemi tad-drogi u d-dipendenzi mid-droga:
|
— |
Riċerka bijoloġika, newrobijoloġika u komportamentali bażika (inkluża riċerka eżjoloġika u riċerka dwar imġiba konnessa mad-dipendenza); |
|
— |
Riċerka bbażata fuq il-popolazzjoni u l-epidemjoloġija (inklużi eżerċizzji ta’ stħarriġ fuq il-post u studji etnografiċi); |
|
— |
It-tnaqqis fid-domanda (inklużi l-prevenzjoni, it-trattament, it-tnaqqis tal-ħsara u reintegrazzjoni); |
|
— |
Il-provvista, it-tnaqqis fil-provvista u l-kriminalità; |
|
— |
Il-politika dwar id-droga (inklużi liġijiet, kwistjonijiet ekonomiċi u strateġiji). |
Il-kandidati li jinħatru membri fil-Kumitat Xjentifiku ser jintalbu jiddikkjaraw kwalunkwe kunflitt ta’ interess possibbli u jiffirmaw dikjarazzjoni ta’ indipendenza u impenn għall-attivitajiet tal-Kumitat Xjentifiku tal-EMCDDA.
Iżjed informazzjoni u l-formuli tal-applikazzjoni jinsabu fis-sit elettroniku Ingliż tal-EMCDDA http://www.emcdda.europa.eu/calls/2013/sc. L-applikazzjonijiet għandhom jintbagħtu fuq l-emajl scicom.call2013@emcdda.europa.eu jew bil-posta rreġistrata fl-indirizz li jidher hawn taħt. Il-karti tal-formuli tal-applikazzjoni huma disponibbli wkoll bil-posta mill-istess indirizz:
|
EMCDDA |
|
Attn: Scientific Committee selection |
|
Cais do Sodré |
|
1249-289 Lisboa |
|
PORTUGAL |
Skadenza
L-iskadenza għat-tressiq tal-applikazzjonijiet tagħlaq fil-15 ta’ April 2013 fil-17.00, ħin ta' Lisbona (data u s-siegħa tal-marka tal-posta jew emejl). L-EMCDDA żżomm id-dritt li tinjora kull espressjoni ta’ interess li tintbagħat wara din id-data.
(1) ĠU L 376, 27.12.2006, p. 1. Ara: http://www.emcdda.europa.eu/index.cfm?fuseaction=public.Content&nNodeID=382&sLanguageISO=EN
(2) ĠU L 127, 20.5.2005, p. 32.