Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2011/006/06

Notifika minn qabel ta' konċentrazzjoni (Każ COMP/M.6088 – HIG Capital/Der Grune Punkt — Duales System Deutschland) – Każ li jista' jiġi kkunsidrat għal proċedura simplifikata Test b’relevanza għaż-ŻEE

ĠU C 6, 11.1.2011, p. 16–17 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

11.1.2011   

MT

Il-Ġurnal Uffiċjali tal-Unjoni Ewropea

C 6/16

Notifika minn qabel ta' konċentrazzjoni

(Każ COMP/M.6088 – HIG Capital/Der Grune Punkt — Duales System Deutschland)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2011/C 6/06

1.

Fit-3 ta’ Jannar 2011, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha H.I.G. Luxembourg Holdings Thirteen S.C.A. (“H.I.G. Il-Lussemburgu”), finalment ikkontrollata minn H.I.G. Europe Capital Partners, L.P. (“H.I.G. Europe Capital”), parti mill grupp ta’ fondi ta' H.I.G. Capital (“H.I.G. Capital”), takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll uniku indirett ta’ Der Grüne Punkt — Duales System Deutschland GmbH u s-sussidjarji tagħha (“DSD”) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—

għal H.I.G. Il-Lussemburgu: entità b'għan speċjali maħluqa għall-għanijiet tat-tranżazzjoni proposta,

—

għal H.I.G. Capital: kumpanija ta’ investiment privat globali b’fondi f’ekwità privata, kapital ta’ riskju, dejn eżawrit (distressed debt), propjetà immobbli u ekwitajiet pubbliċi,

—

għal DSD: fornitur ta’ servizzi ta’ ġestjoni tal-iskart fil-Ġermanja. DSD tipprovdi servizzi għal, inter alia, bejjiegħa bl-imnut u manifatturi tal-ippakkjar li huma obbligati li jipparteċipaw f’sistema doppja sabiex jiżguraw li l-ippakkjar mibjugħ fil-bejgħ jittieħed lura u jiġi riċiklat kif suppost. DSD tipprovdi wkoll sistemi ta’ teħid lura għar-riċiklaġġ ta’ tagħmir elettriku u elettroniku użat, u għal pakketti ta’ trasport. Barra minn hekk, din toffri servizzi ta’ faċilità ta’ rimi ta’ skart għal tipi oħra ta’ skemi ta’ żgombru ta’ skart u depożitu għal fillers u kumpaniji ta’ bejjiegħa bl-imnut.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6088 – HIG Capital/Der Grune Punkt — Duales System Deutschland, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).

Top