Sejħa għall-Proposti – EAC/42/10

Netwerk tal-Politiki Ewropej dwar it-Tmexxija tal-Iskejjel

2010/C 205/09

1.   Għanijiet u Deskrizzjoni

Din is-sejħa għall-Proposti se ssostni l-implimentazzjoni tal-Konklużjonijiet tal-Kunsill tal-Edukazzjoni ta’ Novembru 2007, 2008 u 2009 li qabel li jtejjeb il-mod kif jitħejjew, jintgħażlu, jiġu edukati u jitħarrġu l-Mexxejja tal-Iskejjel. Hija sejra tagħmel dan billi tiffaċilita l-iskambju u l-kooperazzjoni transnazzjonali bejn dawk li jfasslu l-politika, il-prattikanti, ir-riċerkaturi u l-partijiet interessati involuti fl-iżvilupp tal-politika ta’ tmexxija tal-iskejjel permezz ta’, pereżempju, it-tagħlim bejn il-pari, ir-riċerka u l-analiżi.

2.   L-applikanti eliġibbli

Din is-Sejħa għall-Proposti hija miftuħa għall-organizzazzjonijiet indipendenti pubbliċi jew privati b’personalità legali li għandhom uffiċċju rreġistrat f’wieħed mill-pajjiżi li qegħdin jieħdu sehem fil-Programm tat-Tagħlim Tul il-Ħajja

3.   Baġit u tul ta' żmien

Il-Qafas ta' Ftehim ser idum erba’ snin; mill-2011 sal-2014. Twarrab baġit ta’ EUR 500 000 għall-2011.

4.   Data tal-għeluq

15 ta' Ottubru 2010

5.   Aktar Tagħrif

It-test sħiħ tas-Sejħa għall-Proposti u l-formoli tal-applikazzjoni huma disponibbli bl-Ingliż, bil-Franċiż u bil-Ġermaniż fil-websajt li ġejja:

http://ec.europa.eu/dgs/education_culture/calls/grants_en.html

L-applikazzjonijiet għandhom ikunu konformi mar-rekwiżiti stabbiliti fit-test sħiħ u għandhom jitressqu permezz tal-formola pprovduta.