This document is an excerpt from the EUR-Lex website
Document C2008/224/17
Opinion of the European Economic and Social Committee on the Proposal for a Council Regulation on the protection of vulnerable marine ecosystems in the high seas from the adverse impacts of bottom fishing gears and the Communication from the Commission to the European Parliament, the Council, the European Economic and Social Committee and the Committee of the Regions — Destructive fishing practices in the high seas and the protection of vulnerable deep sea ecosystems COM(2007) 605 final — 0227/0224(CNS) — COM(2007) 604 final
Opinjoni tal-Kumitat Ekonomiku u Soċjali Ewropew dwar Proposta għal Regolament tal-Kunsill dwar il-ħarsien ta' ekosistemi tal-baħar vulnerabbli f'ibħra internazzjonali mill-impatti ħżiena ta' l-irkaptu tas-sajd tal-qiegħ u l-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Prattiki tas-sajd distruttivi fl-ibħra internazzjonali u l-ħarsien ta' l-ekosistemi vulnerabbli tal-baħar fond COM(2007) 605 finali — 0227/0224(CNS) — COM(2007) 604 final
Opinjoni tal-Kumitat Ekonomiku u Soċjali Ewropew dwar Proposta għal Regolament tal-Kunsill dwar il-ħarsien ta' ekosistemi tal-baħar vulnerabbli f'ibħra internazzjonali mill-impatti ħżiena ta' l-irkaptu tas-sajd tal-qiegħ u l-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Prattiki tas-sajd distruttivi fl-ibħra internazzjonali u l-ħarsien ta' l-ekosistemi vulnerabbli tal-baħar fond COM(2007) 605 finali — 0227/0224(CNS) — COM(2007) 604 final
ĠU C 224, 30.8.2008, p. 77–80
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
30.8.2008 |
MT |
Il-Ġurnal Uffiċjali ta’ l-Unjoni Ewropea |
C 224/77 |
Opinjoni tal-Kumitat Ekonomiku u Soċjali Ewropew dwar
— |
Proposta għal Regolament tal-Kunsill dwar il-ħarsien ta' ekosistemi tal-baħar vulnerabbli f'ibħra internazzjonali mill-impatti ħżiena ta' l-irkaptu tas-sajd tal-qiegħ u |
— |
l-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Prattiki tas-sajd distruttivi fl-ibħra internazzjonali u l-ħarsien ta' l-ekosistemi vulnerabbli tal-baħar fond |
COM(2007) 605 finali — 0227/0224(CNS)
COM(2007) 604 final
(2008/C 224/17)
Nhar l-4 ta' Diċembru 2007, il-Kunsill iddeċieda, b'konformità ma' l-Artikolu 37 tat-Trattat li jistabbilixxi l-Komunità Ewropea, li jikkonsulta lill-Kumitat Ekonomiku u Soċjali Ewropew, dwar
Il-Proposta għal Regolament tal-Kunsill dwar il-protezzjoni ta' ekosistemi tal-baħar vulnerabbli f'ibħra internazzjonali mill-impatti ħżiena ta' l-irkaptu tas-sajd tal-qiegħ
Fis-17 ta' Ottubru 2007, il-Kummissjoni Ewropea ddeċidiet li tikkonsulta l-Kumitat Ekonomiku u Soċjali Ewropew, skond il-Protokoll ta' Kooperazzjoni ffirmat fis-7 ta' Novembru 2005, dwar
Il-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Prattiki tas-sajd distruttivi fl-ibħra internazzjonali u l-ħarsien ta' l-ekosistemi vulnerabbli tal-baħar fond
Is-Sezzjoni Speċjalizzata għall-Agrikoltura, l-Iżvilupp Rurali u l-Ambjent, inkarigata sabiex tipprepara l-ħidma tal-Kumitat dwar is-suġġett, adottat l-opinjoni tagħha nhar id-29 ta' April 2008. Ir-rapporteur kien is-Sur Espuny Moyano u l-ko-rapporteur kien is-Sur Adams.
Matul l-445 sessjoni plenarja tiegħu li nżammet fit-28 u d-29 ta' Mejju 2008 (seduta tad-29 ta' Mejju 2008), il-Kumitat Ekonomiku u Soċjali Ewropew adotta din l-opinjoni b'101 vot favur u astensjoni waħda.
1. Konklużjonijiet u rakkomandazzjonijiet
1.1 |
Il-KESE jappoġġja l-orjentazzjoni ġenerali tal-politika ppreżentata mill-Kummissjoni f'din il-Proposta u Komunikazzjoni imma jemmen li l-kontenut, l-effettività u l-impatt tar-regolament propost jistgħu jittejbu billi jinkorporaw ir-rakkomandazzjonijiet li jidhru f'sezzjoni 4 u 5 ta' din l-Opinjoni. |
2. Introduzzjoni
2.1 |
F'dawn l-aħħar snin ħareġ ċar il-fatt li l-ekosistemi ta' l-ibħra fondi jistgħu jkunu sors ta' bijodiversità immensa u ħajja marittima rikka. Huma wieħed mill-aħħar gruppi sinifikanti ta' riżorsi naturali li fadal fid-dinja. L-iskollijiet ta' l-ilma kiesaħ, il-muntanji tal-baħar, il-qroll, il-bokok idrotermali u l-qigħan ta' l-isponoż jinsabu dejjem aktar f'periklu minħabba attivitajiet umani. Dawn is-sistemi jeżistu f'ambjenti ħafna inqas produttivi minn dawk li jistgħu jinstabu f'ilmijiet baxxi u b'hekk jistgħu jieħdu sekli biex jirriġeneraw. It-tiftix għall-idrokarburi, it-tqegħid ta' kejbils, ir-rimi ta' l-iskart u tipi partikolari ta' attivitajiet tas-sajd tal-qiegħ (1), kif ukoll attivitajiet umani oħra, jistgħu jkollhom effetti negattivi. L-iskollijiet ta' l-ilma kiesaħ jinsabu wkoll fiż-żoni ta' pjattaformi kontinentali f'latitudnijiet ta' temperatura. (2) |
2.2 |
Is-sajd tal-qiegħ jirrikjedi rkaptu ferm speċjalizzat, li ġeneralment ikun jista' jintuża mingħajr ħsara serja fejn qiegħ il-baħar jkun tar-ramel jew tat-tajn. Madankollu, xi tipi ta' rkaptu jeħtieġu li jkunu tqal u b'saħħithom u f'ekosistemi tal-baħar fond jistgħu jagħmlu ħsara serja lill-abitat u jkissru strutturi antiki insostitwibbli, b'mod partikolari l-qroll. |
2.3 |
Kif spiss huwa l-każ fi kwistjonijiet ambjentali globali, inftiehem li din il-problema setgħet tiġi affrontata biss bl-introduzzjoni ta' miżuri bilanċjati, effettivi u infurzabbli fuq bażi dinjija. L-Assemblea Ġenerali tan-Nazzjonijiet Uniti ilha tiddiskuti l-problemi li joħolqu l-prattiki tas-sajd f'ibħra internazzjonali sa mill-2004. Fit-8 ta' Diċembru 2006, adottat ir-Riżoluzzjoni 61/105 dwar is-Sajd Sostenibbli, li għamlet sejħa qawwija għal azzjoni mill-istati u organizzazzjonijiet li għandhom awtorità fuq is-sajd tal-qiegħ fl-ibħra internazzjonali biex jirregolaw sajd bħal dan sabiex ma ssirx ħsara lill-ekosistemi vulnerabbli tal-baħar (3). |
2.4 |
Din l-Opinjoni tittratta żewġ dokumenti tal-Kummissjoni dwar il-protezzjoni ta' l-ekosistemi vulnerabbli tal-baħar. L-ewwel, (COM(2007) 604), tiddettalja l-orjentazzjoni ġenerali tal-politika li qed jiġi propost li għandha tmexxi u tinforma azzjonijiet speċifiċi meħuda mill-UE. Dan jirriżulta minn rakkomandazzjonijiet tal-FAO li ġew żviluppati wara kunsiderazzjoni estensiva ta' din il-kwistjoni mill-Assemblea Ġenerali tan-NU (4) li fiha l-UE kellha rwol importanti. It-tieni dokument (COM(2007) 605) huwa regolament propost tal-Kunsill li ser japplika għall-bastimenti ta' l-UE li joperaw fl-ibħra internazzjonali u li mhumiex koperti minn Organizzazzjoni Reġjonali għall-Ġestjoni tas-Sajd (RFMO — Regional Fisheries Management Organisation) u li għandu jitqies bħala rispons leġislattiv dirett. |
2.5 |
Huwa fl-interess dejjiemi ta' kemm l-industrija kif ukoll il-komunità ta' konservazzjoni li jaraw li l-abitat ta' qiegħ il-baħar qiegħed jitħares biex tiġi żgurata s-sostenibbiltà dejjiema ta' l-istokkijiet ta' ħut kif ukoll il-konservazzjoni u l-ħarsien tal-bijodiversità tal-baħar. |
3. L-approċċ ġenerali (COM(2007)604) u l-proposta speċifika tal-Kummissjoni fil-qosor (COM(2007) 605)
3.1 |
Iż-żewġ elementi ewlenin tal-qafas għall-ġestjoni tas-sajd tal-qiegħ fl-ibħra internazzjonali huma l-valutazzjoni minn qabel ta' l-impatt ambjentali ta' żona tas-sajd proposta bħala kundizzjoni għall-awtorizzazzjoni ta' attivitajiet tas-sajd individwali u l-ħila li jintwera li ma hemm l-ebda impatt negattiv sinifikanti għas-sajd kontinwu. B'appoġġ għal dan, trid tiġi żviluppata riċerka aħjar u ġbir tad-data biex jiġu identifikati l-postijiet magħrufa jew fejn x'aktarx li jinsabu s-sistemi vulnerabbli, u wkoll id-dinamika ekoloġika tagħhom. |
3.2 |
Miżura partikolarment siewja hija l-adozzjoni ta' żoni magħluqa jew żoni ta' ġestjoni speċjali fuq bażi ġeografika. Dan iseħħ, bi qbil, ma' RMFO. Il-protezzjoni barra minn RMFO hija r-responsabbiltà ta' l-Itati individwali f'dak li għandu x'jaqsam ma' bastimenti li jtajru l-bandiera tagħhom. |
3.3 |
Ir-Regolament propost jimponi l-kontroll rigoruż tas-sajd tal-qiegħ f'ibħra internazzjonali permezz ta' miżuri li jixbħu lil dawk diġa' adottati minn nazzjonijiet li jistadu fl-ibħra internazzjonali tal-Majjistral tal-Paċifiku, in-Nofsinhar tal-Paċifiku u l-ibħra Antartiċi u li tressqu għall-adozzjoni f'RMFOs fl-Atlantiku tat-Tramuntana u tax-Xlokk, l-Antartiku u l-Mediterran. |
3.4 |
Matul it-tliet snin li fihom il-kwistjoni kienet qed tiġi negozjata fl-Assemblea Ġenerali tan-NU, il-Kummissjoni iltaqgħet ma' numru kbir ta' rappreżentanti ta' l-Istati Membri, l-industrija u l-korpi inkarigati mill-konservazzjoni ambjentali. Hija ħeġġet approċċ regolatorju (bil-kontra ta' projbizzjoni) bl-intenzjoni li dan jiġi applikat mill-Istati tal-bandiera permezz ta' RMFOs u mill-Istati tal-bandiera fejn il-bastimenti tagħhom joperaw fl-ibħra internazzjonali f'żoni fejn s'issa ma teżistix RMFO. |
3.5 |
Fil-proposta, ħafna mill-ġestjoni tas-sajd fil-baħar fond titħalla f'idejn l-Istati membri ta' l-UE u tintrabat mal-ħruġ ta' permessi tas-sajd speċjali. Meta qed issir applikazzjoni għal permess, bastiment irid iressaq pjan tas-sajd li jgħid fejn ser ikun qed jistad, għal liema speċi ta' ħut ser jimmira, il-fond li fih ser jistad u l-profil batimetriku ta' qiegħ il-baħar f'dik iż-żona. L-awtoritajiet imbagħad iridu jivvalutaw il-pjan tas-sajd u l-impatt li jista' jkollu fuq kwalunkwe ekosistema vulnerabbli tal-baħar, skond l-aħjar informazzjon xjentifika possibbli. |
3.6 |
Il-proposta ssemmi wkoll xi limitazzjonijiet ċari. L-użu ta' rkaptu tal-qiegħ f'fond ta' aktar minn 1,000 metru ser ikun projbit. Bastimenti tas-sajd li jiltaqgħu ma' ekosistemi tal-baħar vulnerabbli ser ikollhom iwaqqfu s-sajd minnufih u jitħallew ikomplu jistadu biss 5 mili nawtiċi jew aktar 'il bogħod mis-sit. L-awtoritajiet responsabbli għandhom jiġu infurmati dwar il-lokazzjoni ta' fejn is-sajjieda jkunu ltaqgħu ma' dawn l-ekosistemi, u mbagħad ikunu jistgħu jiddeċiedu li jagħlqu ż-żona għal sajd bl-irkaptu tal-qiegħ. Il-bastimenti kollha ser jintalbu wkoll li jużaw sistemi ta' monitoraġġ tal-bastimenti bis-satellita kif ukoll li rekbin magħhom jkollhom osservaturi xjentifiċi. |
3.7 |
L-Istati Membri ser jintalbu jirrappurtaw lill-Kummissjoni dwar l-implimentazzjoni tar-Regolament kull 6 xhur. Il-Kummissjoni mbagħad tħejji rapport għall-Parlament Ewropew u l-Kunsill qabel Ġunju 2010, inklużi proposti għall-emendi li jkunu meħtieġa. |
4. Kummenti ġenerali
4.1 |
Il-KESE jappoġġja l-orjentazzjoni ġenerali tal-politika ppreżentata mill-Kummissjoni li hija konsistenti mal-pożizzjoni li esprimiet qabel dwar it-twaqqif tat-telfien tal-bijodiversità (NAT/334). |
4.2 |
Fi snin riċenti l-KESE esplorat sfiq f'bosta opinjonijiet (5) il-kwistjonijiet pożittivi u negattivi li ħarġu mill-objettivi tal-Politika Komuni dwar is-Sajd, u kif ir-riżorsi akwatiċi jistgħu jiġu sfruttati b'mod sostenibbli fil-kuntest ta' żvilupp sostenibbli, u billi jitqiesu l-aspetti ambjentali, ekonomiċi u soċjali b'mod bilanċjat. Dawn l–aspetti għandhom jitqiesu kollha meta tkun qed tiġi analizzata l-proposta tal-Kummissjoni għal Regolament. |
4.3 |
Kemm il-Komunikazzjoni u d-dokument ta' ħidma tal-persunal tal-Kummissjoni, li jivvalutaw l-impatt tar-Regolament propost, isemmu li fil-preżent ser japplika biss għal bastimenti tat-tkarkir tal-qiegħ jistadu fil-Lbiċ ta' l-Atlantiku barra ż-Żona Esklussiva Ekonomika ta' l-Arġentina. |
4.4 |
Is-sajd isir minn madwar 30 bastiment Komunitarju fil-Lbiċ ta' l-Atlantiku, fejn għadha ma twaqqfitx RMFO, minħabba l-kunflitt politiku li ilu għaddej bejn ir-Renju Unit u l-Arġentina fuq il-Gżejjer Falkland. L-attività tas-sajd tistà tiġi deskritta kif ġej:
|
4.5 |
Fid-dawl ta' dan kollu li ssemma, il-KESE jissuġġerixxi li jekk l-istħarriġ oċeanografiku komprensiv li qed isir bħalissa f'din iż-żona ma jsib l-ebda evidenza konklussiva ta' ekosistemi tal-baħar vulnerabbli allura din iż-żona (definita speċifikament b'mod ġeografiku) għandha tiġi eżentata mir-rekwiżiti tar-regolament propost. |
4.6 |
Barra minn hekk, il-KESE jaħseb li l-proposta tal-Kummissjoni ma tiżgurax l-applikazzjoni effettiva u l-armonizzazzjoni tar-regolamenti fl-Istati Membri. B'riżultat ta' dan, il-KESE jitlob lill-Kummissjoni taqdi rwol aktar prominenti biex tikkoordina u tiżgura l-implimentazzjoni effettiva tar-regolament mill-Istati Membri. |
4.7 |
Il-KESE jaħseb li l-Kummissjoni għandha tinkoraġġixxi valutazzjonijiet xjentifiċi indipendenti barra mill-istudji ta' l-impatt ipprovduti mill-Istati Membri. Għal dan il-għan, għandha tipprovdi l-fondi meħtieġa biex ikopru dawn il-valutazzjonijiet. |
4.8 |
Fl-aħħar nett, il-KESE jiġbed attenzjoni għall-fatt li l-FAO qed tħejji serje ta' Linji Gwida għall-Ġestjoni tas-Sajd fil-Baħar Fond fl-Ibħra Internazzjonali, u jissuġġerixxi li l-Kummissjoni tqis dawn il-konklużjonijiet ukoll. |
5. Kummenti speċifiċi
5.1 |
Il-KESE jemmen li l-Artikolu 1.1 tal-proposta għal Regolament jirreferi għal bastimenti Komunitarji tas-sajd li jistadu b'irkaptu tal-qiegħ f'żoni verġni u mhux sfruttati fl-ibħra internazzjonali u li għandu jqis dak li ntqal f'Punt 4.5 hawn fuq. |
5.2 |
Il-KESE jemmen li t-tifsira ta' “ekosistemi tal-baħar vulnerabbli” fl-Artikolu 2 tal-proposta għal Regolament hija vaga u mhux ċara, u tistà toħloq problema ta' interpretazzjoni. Il-ħidma li qed issir mill-FAO tista' tgħin biex tiġi kkjarifikata. |
5.3 |
Fir-rigward ta' Artikolu 4, paragrafu 5, il-KESE jixtieq jiġbed l-attenzjoni lejn il-fatt li l-emendi ta' pjanijiet tas-sajd kollha għandhom jiġu riveduti biex jiġi assigurat li ma jkollhom l-ebda impatt negattiv sinifikanti — iġifieri li l-emendi jindirizzaw il-problemi potenzjali identifikati fil-valutazzjonijiet ta' l-impatt b'mod effettiv. Il-KESE huwa imħasseb ukoll dwar il-fatt li t-tfassila tas-sistema mhix ser tkun flessibbli biżżejjed biex tadatta għal attivitajiet ta' sajd, li jistgħu jinbidlu faċilment u li hu diffiċli ħafna li tbassarhom. |
5.4 |
Il-KESE jemmen li l-Artikolu 5 jista' wkoll joħloq konfużjoni, għax ma jiddifferenzjax bejn l-iskadenza u l-irtirar tal-permess. Il-permess tas-sajd speċjali huwa awtorizzazzjoni amministrattiva li tkun valida jekk isiru l-proċeduri meħtieġa għall-ħruġ tiegħu mill-amministrazzjoni kompetenti, sakemm ma jkunx sospiż jew irtirat minn din l-amministrazzjoni. L-amministrazzjoni għandha tinforma lis-sid tal-permess dwar l-irtirar jew is-sospensjoni tal-permess tas-sajd direttament u tagħtih seduta. Għalhekk, il-KESE jipproponi hekk: “Il-permess tas-sajd speċjali kif irregolat fl-Artikolu 3(1) jiġi rtirat jekk l-attivitajiet ta' sajd ma jikkonformawx, ikun f'liema mument ikun, mal-pjan tas-sajd imressaq b'konformità ma' l-Artikolu 4(1)”. |
5.5 |
B'hekk, it-tieni sentenza ta' l-Artikolu 5(2) għandha tgħid “L-awtoritajiet kompetenti għandhom jeżaminaw bidliet bħal dawn u jistgħu jimmodifikaw il-kundizzjonijiet tal-permess biss jekk ma jitolbux rilokazzjoni ta' l-attivitajiet għal żoni fejn jeżistu jew jistgħu jeżistu ekosistemti tal-baħar vulnerabbli.” |
5.6 |
L-Artikolu 6 jipproponi li jkun projbit l-użu ta' rkaptu tal-qiegħ f'fond ta' aktar minn 1000 metru. Il-KESE jemmen li din id-dispożizzjoni għandha titħassar għax m'hemmx biżżejjed evidenza xjentifika biex tappoġġja din ir-restrizzjoni, kif ħareġ mid-diskussjonijiet tal-FAO dwar il-Linji Gwida Internazzjonali għall-Ġestjoni tas-Sajd fil-Baħar Fond fl-Ibħra Internazzjonali. Il-fatt li bħalissa ma hemm l-ebda flotta topera f'fond ta' aktar minn 1000 metru ma jfissirx li r-Regolament għandu jwaqqaf li dan iseħħ fil-futur, sakemm l-attività tkun sostenibbli. Barra minn hekk, kif tagħraf il-Kummissjoni stess, din il-miżura mhix irrakkomandata mir-Riżoluzzjonijiet 61/105 ta' l-Assemblea Ġenerali tan-NU. |
5.7 |
Il-KESE huwa mħasseb dwar l-ambigwità ta' l-Artikolu 8 tar-regolament propost. Jidher li ma hemm l-ebda garanzija li ż-żoni kollha fejn jeżistu jew jistgħu jeżistu ekosistemi vulnerabbli ser jingħalqu għas-sajd b'irkaptu tal-qiegħ. Ma hemm l-ebda obbligu ċar mitlub mill-Istati Membri li jagħlqu ż-żoni li jidentifikaw bħala x'aktarx vulnerabbli għall-bastimenti bil-bandiera tagħhom. |
5.8 |
L-Artikolu 10 (kif fil-każ ta' l-Artikolu 5) jħawwad l-iskadenza mar-revoka jew l-irtirar ta' permess. Il-KESE għalhekk jissuġġerixxi li l-Artikolu 10(1) jinkiteb hekk: “Jekk bastiment tas-sajd ma jikkonformax mal-pjan tas-sajd kif irregolat fl-Artikolu 4(1) f'ċirkostanzi barra dawk speċifikati fl-Artikolu 5(2), il-permess tas-sajd speċjali maħruġ għal dan il-bastiment ikollu jiġi rtirat. Kull attività ta' sajd li ssir minn meta jiġi rtirat il-permess tas-sajd speċjali titqies bħala sajd mingħajr permess tas-sajd.”. |
5.9 |
Fir-rigward ta' l-Artikolu 12, li jipproponi l-allokazzjoni ta' osservaturi fuq 100 % tal-bastimenti tas-sajd, il-KESE jqis din il-miżura bħala waħda sproporzjonata, mhux meħtieġa u, f'uħud mill-każijiet, mhux inforzabbli, għaliex mhux il-bastimenti kollha huma mgħammra biex jakkomodaw persuna oħra abbord. Barra minn hekk, dan l-aspett ikun ifisser żieda oħra fl-ispejjeż rikorrenti ta' l-intrapriżi. Kollox ma' kollox, il-korpi xjentifiċi jqisu li persentaġġ speċifiku ta' osservaturi abbord huwa biżżejjed biex jintlaħqu l-objettivi proposti. |
5.10 |
Fir-rigward ta' l-Artikolu 14, il-KESE jirrakkomanda li l-Kummissjoni tipprovdi rapport lill-Kunsill u lill-Parlament sat-30 ta' Ġunju 2008 flok sat-30 ta' Ġunju 2010, id-data li ġiet stipulata issa fl-artikolu. L-Assemblea Ġenerali tan-NU qablet li tirrevedi l-implimentazzjoni tar-riżoluzzjoni ta' l-2006 fl-2009 u jkun importanti għall-Kummissjoni li tipprovdi rapport li jkun fil-ħin għar-Reviżjoni ta' l-Assemblea Ġenerali tan-NU. |
5.11 |
Il-KESE jemmen li ż-żmien għad-dħul fis-seħħ (sebat ijiem wara l-pubblikazzjoni fil-Ġurnal Uffiċjali tal-Komunitajiet Ewropej) mhuwiex biżżejjed għall-bastimenti biex iressqu l-pjanijiet tas-sajd u biex il-Kummissjoni tivvalutahom u tapprovahom, u b'hekk jipproponi li tingħata data ta' l-għeluq raġonevoli u realistika, li tagħmilha possibli li jitħares l-obbligu u li jinħatar il-permess mill-Kummissjoni. |
5.12 |
Fl-aħħar, il-KESE jaħseb li r-regolament għandu jinkludi dispożizzjoni jew artikolu li jirrikjedi li ssir valutazzjoni biex tiżgura li r-regolament tas-sajd jipprovdi għas-sostenibbiltà dejjiema ta' l-istokkijiet ta' ħut u l-konservazzjoni ta' l-ispeċi ta' qabdiet sekondarji. L-ewwel obbligu jintalab fir-riżoluzzjoni ta' l-Assemblea Ġenerali tan-NU u l-obbligi kemm l-ewwel u kemm it-tieni jinsabu fil-Ftehim tan-NU ta' l-1995 dwar l-Istokkijiet ta' Ħut għas-sajd fl-ibħra internazzjonali. |
Brussell, id-29 ta' Mejju 2008.
Il-President
tal-Kumitat Ekonomiku u Soċjali Ewropew
Dimitris DIMITRIADIS
(1) Dawn jinkludu x-xbieki tat-tkarkir tal-qiegħ, il-ħammiela, l-għeżula tal-qiegħ, il-konzijiet tal-qiegħ, u n-nases. Ara Friewald, A., Fosså, J.H., Koslow, T., Roberts, J.M. 2004. Cold-water coral reefs. UNEP-WCMC, Cambridge, ir-Renju Unit.
(2) Ibid.
(3) Riżoluzzjoni ta' l-Assemblea Ġenerali tan-NU 61/105, Paragrafi 83-86.
(4) Riżoluzzjonijiet (59) 25 (2004), u partikolarment 61/105 (paragrafi 80-95) tat-8 ta' Diċembru 2006.
(5) NAT/264 — Regolament dwar il-Fond Ewropew għas-Sajd (ĠU C 267, 27.10.2005); NAT/280 — Regolament tal-Kunsill li jistabbilixxi miżuri finanzjarji Komunitarji għall-implimentazzjoni tal-Politika Komuni tas-Sajd u fil-qasam tal-Liġi tal-Baħar (ĠU C 65, 17.3.2006), NAT/316 (ĠU C 318, 23.12.2006), NAT/333 (ĠU C 168, 20.7.2007), NAT/334 — It-Twaqqif tat-Telf tal-Bijodiversità (ĠU C 97, 28.4.2007); NAT/364 — Regolament dwar l-istabbiliment ta' qafas Komunitarju għall-ġbir, il-ġestjoni u l-użu tad-data fis-settur tas-sajd u appoġġ għall-parir xjentifiku dwar il-Politika Komuni dwar is-Sajd (ĠU C 10, 15.1.2008).
(6) Data miġbura mill-Istitut Oċeanografiku Spanjol (osservaturi ta' l-IEO), li hija konsistenti ma' informazzjoni bis-satellita minn “blue boxes”, turi li aktar minn 95 % tas-sajd mill-flotta tat-tkarkir tal-qiegħ Spanjola fl-ibħra internazzjonali tal-Pjattaforma Patagonjana jsir f'bħaħar mhux aktar fond minn 400 metru.
(7) Studju ta' Koslow et al., ippubblikat fl-2000 fl-ICES Journal of Marine Science: J.A. Koslow, G.W. Boehlert, J.D.M. Gordon, R.L. Haedrich, P. Lorance and N. Parin, 2000. Continental Slope and deep-sea fisheries: implications for a fragile ecosystem.
(8) Ara l-għaxar premessa tal-proposta għar-Regolament.
(9) Ara Punt 2.2 tad-Dokument ta' Ħidma tal-Persunal tal-Kummissjoni.
(10) Il-Korea, il-Ġappun, iċ-Ċina u l-Urugwaj
(11) ĠU L 351, 28.12.2002, p. 6.
(12) Tabelli tal-ħruġ u tad-dħul ta' l-industrija tal-ħut fil-laned f'Galicia, ippubblikat mill-gvern reġjonali, juru li mill-74 attività ta' l-ekonomija ta' Galicia, 61 minnhom jiddependu fuq is-sajd.