This document is an excerpt from the EUR-Lex website
Document 62021CN0221
Case C-221/21: Request for a preliminary ruling from the Obvodní soud pro Prahu 1 (Czech Republic) lodged on 26 March 2021 — Správa železnic, státní organizace v České dráhy a.s. and Others
Kawża C-221/21: Talba għal deċiżjoni preliminari mressqa mill-Obvodní soud pro Prahu 1 (ir-Repubblika Ċeka) fis-26 ta’ Marzu 2021 – Správa železnic, státní organizace vs České dráhy a.s. et
Kawża C-221/21: Talba għal deċiżjoni preliminari mressqa mill-Obvodní soud pro Prahu 1 (ir-Repubblika Ċeka) fis-26 ta’ Marzu 2021 – Správa železnic, státní organizace vs České dráhy a.s. et
ĠU C 242, 21.6.2021, p. 11–12
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
21.6.2021 |
MT |
Il-Ġurnal Uffiċjali tal-Unjoni Ewropea |
C 242/11 |
Talba għal deċiżjoni preliminari mressqa mill-Obvodní soud pro Prahu 1 (ir-Repubblika Ċeka) fis-26 ta’ Marzu 2021 – Správa železnic, státní organizace vs České dráhy a.s. et
(Kawża C-221/21)
(2021/C 242/14)
Lingwa tal-kawża: iċ-Ċek
Qorti tar-rinviju
Obvodní soud pro Prahu 1
Partijiet fil-kawża prinċipali
Rikorrent: Správa železnic, státní organizace
Konvenuti: České dráhy a.s., PKP CARGO INTERNATIONAL, a.s., PDV RAILWAY a.s., KŽC Doprava, s.r.o.
Domandi preliminari
1) |
Il-leġiżlazzjoni nazzjonali prevista fil-ħames parti taz-zákon č. 99/1963 Sb., občanský soudní řád (il-Liġi Nru 99/1963 li Tistabbilixxi l-Kodiċi tal-Proċedura Ċivili), kif sussegwentement emendata (iktar ’il quddiem l-“občanský soudní řád” jew l-“o. s. ř.”), tissodisfa r-rekwiżiti marbuta mal-istħarriġ ġudizzjarju tad-deċiżjonijiet tal-korp regolatorju skont l-Artikolu 56(10) tad-Direttiva 2012/34/UE tal-Parlament Ewropew u tal-Kunsill tal-21 ta’ Novembru 2012 li tistabbilixxi żona ferrovjarja unika Ewropea (1)? |
2) |
Fil-każ ta’ risposta affermattiva għall-ewwel domanda, l-Artikolu 56(10) tad-Direttiva 2012/34 jista’ jiġi interpretat fis-sens li l-istħarriġ ġudizzjarju ta’ deċiżjoni tal-korp regolatorju jista’ jingħalaq bi ftehim bil-qorti skont l-Artikolu 99 tal-o. s. ř.? |
3) |
Fil-każ ta’ risposta affermattiva għall-ewwel domanda, ir-rekwiżiti marbuta mal-istabbiliment ta’ korp regolatorju nazzjonali wieħed għas-settur ferrovjarju skont l-Artikolu 55(1), dawk marbuta mal-funzjonijiet tal-korp regolatorju skont l-Artikolu 56(2), (6), (11) u (12), kif ukoll dawk marbuta mal-kooperazzjoni tal-korpi regolatorji skont l-Artikolu 57(2) tad-Direttiva 2012/34 jippermettu li deċiżjonijiet tal-korp regolatorju jiġu ssostitwiti, fil-mertu, b’deċiżjonijiet ta’ qrati ta’ ġurisdizzjoni ġenerali, li ma humiex marbuta bil-fatti, kif ikkonstatati mill-korp regolatorju? |
(1) ĠU 2012, L 343, p. 32, rettifiki fil-ĠU 2015, L 67, p. 32 u fil-ĠU 2015, L 196, p. 67.