This document is an excerpt from the EUR-Lex website
Document 62020TN0050
Case T-50/20: Action brought on 29 January 2020 — PNB Banka v ECB
Kawża T-50/20: Rikors ippreżentat fid-29 ta’ Jannar 2020 – PNB Banka vs BĊE
Kawża T-50/20: Rikors ippreżentat fid-29 ta’ Jannar 2020 – PNB Banka vs BĊE
ĠU C 114, 6.4.2020, p. 11–11
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
6.4.2020 |
MT |
Il-Ġurnal Uffiċjali tal-Unjoni Ewropea |
C 114/11 |
Rikors ippreżentat fid-29 ta’ Jannar 2020 – PNB Banka vs BĊE
(Kawża T-50/20)
(2020/C 114/10)
Lingwa tal-kawża: l-Ingliż
Partijiet
Rikorrenti: PNB Banka AS (Riga, il-Latvja) (rappreżentant: O. Behrends, lawyer)
Konvenut: Il-Bank Ċentrali Ewropew (BĊE)
Talbiet
Ir-rikorrenti titlob li l-Qorti Ġenerali jogħġobha:
— |
tannulla d-deċiżjoni tal-BĊE tad-19 ta’ Novembru 2019 li abbażi tagħha l-BĊE rrifjuta li jilqa’ t-talba sabiex l-amministratur ta’ PNB Banka jiġi ordnat jagħti aċċess għall-bank, għall-informazzjoni, għall-persunal u għar-riżorsi tiegħu; |
— |
tikkundanna lill-konvenut għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka ħames motivi.
1. |
L-ewwel motiv ibbażat fuq il-fatt li l-BĊE assuma b’mod żbaljat li t-talba ma kinitx taqa’ fil-kompetenzi tiegħu. |
2. |
It-tieni motiv ibbażat fuq il-fatt li l-BĊE kiser id-dritt tal-bank għal rimedju effettiv. |
3. |
It-tielet motiv ibbażat fuq il-fatt li d-deċiżjoni kkontestata kisret id-dritt tal-bank għal smigħ. |
4. |
Ir-raba’ motiv ibbażat fuq il-fatt li d-deċiżjoni kkontestata kisret id-dritt tal-bank għal deċiżjoni motivata b’mod xieraq. |
5. |
Il-ħames motiv ibbażat fuq il-fatt li l-BĊE kiser il-prinċipju ta’ nemo auditur minħabba li l-ħatra tal-amministratur u l-interferenza fir-rappreżentanza tal-Bank mill-Bord tiegħu, bħala rappreżentant legali, huma dovuti għal aġir żbaljat tal-BĊE. |