Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62018TN0139

    Kawża T-139/18: Rikors ippreżentat fil-21 ta’ Frar 2018 – Avio vs Il-Kummissjoni

    ĠU C 142, 23.4.2018, p. 68–68 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    23.4.2018   

    MT

    Il-Ġurnal Uffiċjali tal-Unjoni Ewropea

    C 142/68

    Rikors ippreżentat fil-21 ta’ Frar 2018 – Avio vs Il-Kummissjoni

    (Kawża T-139/18)

    (2018/C 142/87)

    Lingwa tal-kawża: it-Taljan

    Partijiet

    Rikorrenti: Avio SpA (Ruma, l-Italja) (rappreżentanti: G. Roberti, G. Bellitti u I. Perego, avukati)

    Konvenuta: Il-Kummissjoni Ewropea

    Talbiet

    Ir-rikorrenti titlob li l-Qorti Ġenerali jogħġobha:

    —

    fil-mertu, tannulla d-deċiżjoni tal-Kummissjoni tal-20 ta’ Lulju 2016 C(2016) 4621 finali li tiddikjara konċentrazzjoni kompatibbli mas-suq intern u mal-funzjonament tal-Ftehim ŻEE, skont l-Artikolu 8(2) tar-Regolament tal-Kunsill (KE) Nru 139/2004 tal-20 ta’ Jannar 2004 dwar il-kontroll ta’ konċentrazzjonijiet bejn impriżi (Każ M.7724 – ASL/Arianespace)

    —

    bħala miżura istruttoria, tordna lill-Kummissjoni, skont l-Artikoli 88, 89 u 91(b) tar-Regoli tal-Proċedura tal-Qorti Ġenerali, li tinkludi fil-proċess id-dokumenti msemmija fit-Taqsima III tar-rikors;

    —

    tikkundanna lill-Kummissjoni għall-ispejjeż.

    Motivi u argumenti prinċipali

    Dan ir-rikors huwa dirett kontra d-deċiżjoni tal-Kummissjoni tal-20 ta’ Lulju 2016 C(2016) 4621 finali li tiddikjara konċentrazzjoni kompatibbli mas-suq intern u mal-funzjonament tal-Ftehim ŻEE, skont l-Artikolu 8(2) tar-Regolament tal-Kunsill (KE) Nru 139/2004 tal-20 ta’ Jannar 2004 dwar il-kontroll ta’ konċentrazzjonijiet bejn impriżi (Każ M.7724 – ASL/Arianespace) ppubblikata fil-verżjoni tagħha mhux kunfidenzjali fil-11 ta’ Diċembru 2017.

    Insostenn tar-rikors tagħha, ir-rikorrenti tinvoka żewġ motivi.

    1.

    L-ewwel motiv ibbażat fuq żball manifest ta’ evalwazzjoni, fuq nuqqas ta’ istruzzjoni u fuq nuqqas ta’ motivazzjoni tal-Kummissjoni, li ma analizzatx debitament ir-riskju ta’ esklużjoni tal-kompetituri tas-suq tal-lanċaturi operati minn Arianespace, fir-rigward b’mod partikolari tal-kapaċità, tal-inċentivi u tal-effetti antikompetittivi;

    2.

    It-tieni motiv ibbażat fuq żball manifest ta’ evalwazzjoni tal-Kummissjoni, li ma talbitx impenji fir-rigward tas-suq tal-lanċaturi operati minn Arianespace, fid-dawl b’mod partikolari tar-riskji ta’ kompetizzjoni marbutin mal-kunflitt ta’ interess fi Arianespace u tar-riskji ta’ tibdil ta’ informazzjoni sensittiva fi Arianespace u ASL.
    Top