This document is an excerpt from the EUR-Lex website
Document 62018TN0028
Case T-28/18: Action brought on 22 January 2018 — Marriott Worldwide v EUIPO — AC Milan (AC MILAN)
Kawża T-28/18: Rikors ippreżentat fit-22 ta’ Jannar 2018 – Marriott Worldwide vs EUIPO – AC Milan (AC MILAN)
Kawża T-28/18: Rikors ippreżentat fit-22 ta’ Jannar 2018 – Marriott Worldwide vs EUIPO – AC Milan (AC MILAN)
ĠU C 94, 12.3.2018, p. 33–34
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
12.3.2018 |
MT |
Il-Ġurnal Uffiċjali tal-Unjoni Ewropea |
C 94/33 |
Rikors ippreżentat fit-22 ta’ Jannar 2018 – Marriott Worldwide vs EUIPO – AC Milan (AC MILAN)
(Kawża T-28/18)
(2018/C 094/44)
Lingwa tar-rikors: l-Ingliż
Partijiet
Rikorrenti: Marriott Worldwide Corp. (Bethesda, Maryland, l-Istati Uniti) (rappreżentant: A. Reid, Solicitor)
Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)
Parti oħra quddiem il-Bord tal-Appell: AC Milan SpA (Milano, l-Italja)
Informazzjoni dwar il-proċedimenti quddiem l-EUIPO
Proprjetarju tat-trade mark kontenzjuża: il-parti l-oħra quddiem il-Bord tal-Appell
Trade mark kontenzjuża kkonċernata: ir-reġistrazzjoni internazzjonali tat-trade mark figurattiva li tindika l-Unjoni Ewropea li tinkludi l-elementi verbali “AC MILAN” – Reġistrazzjoni internazzjonali Nru 1 182 615 li tindika l-Unjoni Ewropea
Proċedimenti quddiem l-EUIPO: proċedimenti ta’ oppożizzjoni
Deċiżjoni kkontestata: id-deċiżjoni tat-Tieni Bord tal-Appell tal-EUIPO tas-16 ta’ Novembru 2017 fil-Każ R 356/2017-2
Talbiet
Ir-rikorrenti titlob li l-Qorti Ġenerali jogħġobha:
— |
tannulla d-deċiżjoni kkontestata u tiċħad l-applikazzjoni għal trade mark tal-Unjoni Ewropea għas-servizzi kkontestati; u |
— |
tikkundanna lill-EUIPO għall-ispejjeż sostnuti mir-rikorrenti minħabba f’dan ir-rikors. |
Motiv invokat
— |
Ksur tal-Artikolu 8(1)(b) tar-Regolament Nru 2017/1001. |