EUR-Lex Access to European Union law
This document is an excerpt from the EUR-Lex website
Document 62017TN0728
Case T-728/17: Action brought on 24 October 2017 — Marinvest and Porting v Commission
Kawża T-728/17: Rikors ippreżentat fl-24 ta’ Ottubru 2017 – Marinvest d.o.o. u Porting vs Il-Kummissjoni
Kawża T-728/17: Rikors ippreżentat fl-24 ta’ Ottubru 2017 – Marinvest d.o.o. u Porting vs Il-Kummissjoni
ĠU C 22, 22.1.2018, p. 46–47
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
22.1.2018 |
MT |
Il-Ġurnal Uffiċjali tal-Unjoni Ewropea |
C 22/46 |
Rikors ippreżentat fl-24 ta’ Ottubru 2017 – Marinvest d.o.o. u Porting vs Il-Kummissjoni
(Kawża T-728/17)
(2018/C 022/62)
Lingwa tal-kawża: it-Taljan
Partijiet
Rikorrenti: Marinvest d.o.o. (Izola-Isola, is-Slovenja) u Porting d.o.o. (Izola-Isola) (rappreżentanti: G. Cecovini Amigoni u L. Daniele, avvocati)
Konvenuta: Il-Kummissjoni Ewropea
Talbiet
Ir-rikorrenti jitolbu li l-Qorti Ġenerali jogħġobha:
— |
tannulla d-deċiżjoni mogħtija mill-Kummissjoni Ewropea tas-27 ta’ Lulju 2017, C (2017) 5049 finali (Għajnuna mill-Istat SA. 45220 (2016/FC) – Is-Slovenja – għajnuna allegata favur Komunala Izola d.o.o), ikkomunikata lil Marinvest u Porting fis-16 ta’ Awwissu 2017; |
— |
tikkundanna lill-Kummissjoni għall-ispejjeż. |
Motivi u argumenti prinċipali
Dan ir-rikors huwa indirizzat kontra d-deċiżjoni tal-Kummissjoni Ewropea tas-27 ta’ Lulju 2017 C (2017) 5049 finali (Għajnuna mill-Istat SA. 45220 (2016/FC) – Is-Slovenja – għajnuna allegata favur Komunala Izola d.o.o), ikkomunikata lil Marinvest u Porting fis-16 ta’ Awwissu 2017.
1. |
L-ewwel motiv, ibbażat fuq il-ksur tad-dritt ta’ kontradittorju li jirriżulta mill-użu, fid-deċiżjoni kkontestata, ta’ punti totalment ġodda, mhux imsemmija mill-Kummissjoni fl-ittra ta’ stedina tagħha għall-preżentata ta’ osservazzjonijiet, fuq il-ksur tad-dritt fundamentali għal amministrazzjoni tajba previst fl-Artikolu 41 tal-Karta, fuq il-ksur tal-prinċipju ġenerali ta’ kontradittorju u fuq il-ksur tal-Artikolu 24(2) tar-Regolament Nru 2015/1589;
|
2. |
It-tieni motiv, ibbażat fuq il-ksur tad-dritt ta’ kontradittorju li jirriżulta mill-fatt li r-rikorrenti ġew irrifjutati l-aċċess għall-proċess u l-possibbiltà li jinstemgħu qabel l-adozzjoni tad-deċiżjoni finali, fuq il-ksur tad-dritt fundamentali għal amministrazzjoni tajba previst fl-Artikolu 41 tal-Karta, fuq il-ksur tal-prinċipju ġenerali ta’ kontradittorju, fuq il-ksur tal-Artikolu 24(2) tar-Regolament Nru 2015/1589 u fuq l-eżistenza f’dan il-każ ta’ nuqqas ta’ motivazzjoni;
|
3. |
It-tielet motiv, ibbażat fuq l-interpretazzjoni ħażina tal-kunċett ta’ għajnuna mill-Istat, b’rabta mar-rekwiżit tad-dannu għall-kummerċ transkonfinali, fuq il-ksur tal-Artikolu 107(1) TFUE, fuq il-ksur tal-Komunikazzjoni tal-Kummissjoni dwar il-kunċett ta’ “għajnuna mill-Istat”, fuq il-ksur tal-prinċipju ġenerali tal-aspettattivi leġittimi u fuq l-eżistenza f’dan il-każ ta’ nuqqas ta’ motivazzjoni;
|
4. |
Ir-raba’ motiv, dwar l-interpretazzjoni żbaljata tal-kunċett ta’ għajnuna mill-Istat b’rabta mar-rekwiżit ta’ ħsara għall-kompetizzjoni u għall-kummerċ transkonfinali, għar-rikostituzzjoni ħażina u għall-iżnaturament tal-fatti u għall-eżistenza f’dan il-każ ta’ nuqqas ta’ motivazzjoni;
|